Yangiliklar

AQSh Rossiya kompaniyalari «Rosneft» va «Lukoyl»ga qarshi sanksiya joriy qilganidan soʻng neft narxi 4 foizga oshdi. Bu haqda Reuters xabar berdi.

Ta’kidlanishicha, Brent markali neft fyucherslari 4,3 foizga qimmatlab, barreli $65,30 ga yetdi. West Texas Intermediate (WTI) esa 4,4 foizga oshib, $61,06 ni tashkil etdi.

AQSh Moliya vazirligi bayonotida qayd etilishicha, bu choralar Rossiyani Ukrainadagi urushni toʻxtatishga undash maqsadida kiritilgan. Prezident Donald Tramp avval Rossiyaga bu masalada sanksiya qoʻllamagan edi, biroq endi Rossiyaning ikki yirik neft eksportchisi Kremlning urush mashinasini moliyalashtirayotgani bois cheklovlarga uchradi.

Shuningdek, Buyuk Britaniya oʻtgan haftada shunga oʻxshash sanksiyalarni e’lon qilgan, Yevropa Ittifoqi esa 19-paket doirasida...

24-oktabr uchun valyuta kurslari e’lon qilindi. Shu kun uchun AQSh valyutasi 12 129,33 so‘m (+28,04 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 16-oktabr uchun 12 233,67 so‘m (+48,56 so‘m) etib belgilandi. 17-oktabr kuni AQSh valyutasi 12 160,99 so‘mga (-72,68 so‘m) tenglashdi. 20-oktabr kuni dollar 12 108,24 so‘m (-52,75 so‘m) etib belgilangan edi. 21-oktabr kuni dollar 2 060,15 so‘mga (-48,09 so‘m) tenglashgan edi. 22-oktabr kuni dollar 12 011.02 so‘m (-49,13 so‘m) etib belgilangandi. 23-oktabr kuni dollar 12 101,29 so‘mga (+90,27 so‘m) tenglashdi.

Markaziy bank ma’lumotlariga ko‘ra, yevro 30,08 so‘mga...

2025-yil yanvar – sentabr oylarida O‘zbekistonda 177 mingta nikoh qayd etilgan. Bu o‘tgan yilning shu davriga nisbatan 1,3 foizga kam (179,4 mingta). Shu bilan birga, ajrimlar soni 34 mingdan 35,4 mingtagacha oshgan, ya’ni 4,1 foizga ko‘paygan. Bu haqda Milliy statistika qo‘mitasi ma’lum qildi.

Ma’lumotlarga ko‘ra, nikohlar sonining kamayishi ketma-ket beshinchi yil davom etmoqda. Agar 2021-yilda mamlakatda 206,8 mingta nikoh tuzilgan bo‘lsa, 2025-yilda bu ko‘rsatkich 29,8 mingtaga (-14,4 foiz) kamaygan.

Shu davr mobaynida ajrimlar soni esa 29,1 mingdan 35,4 mingtagacha oshgan, bu esa 21,6 foiz o‘sishni anglatadi.

Natijada ajrimlarning nikohlarga nisbati 14 foizdan 20 foizgacha oshdi – deyarli har beshinchi...

Endi O‘zbekistonda savdo do‘konlari mahsulot narxini avval sun’iy oshirib, keyin «chegirma» deb tushirish orqali xaridorlarni chalg‘ita olmaydi. Hukumat qarori bilan chakana savdo qoidalariga o‘zgartirishlar kiritildi.

Qarorga ko‘ra, endi chegirma e’lon qilinganda avvalgi narx oxirgi 30 kun ichidagi eng past narx bo‘lishi shart. Sotuvchi aksiya yoki chegirma o‘tkazmoqchi bo‘lsa:

Shuningdek, aksiyadagi narx odatdagi narxdan katta shriftda yozilmasligi belgilangan. Alkogol, tamaki va nikotin mahsulotlariga esa bunday aksiyalar qo‘llanilmaydi.
Qoidalarni buzgan sotuvchilarga javobgarlik choralari qo‘llanadi.

Avvalroq O‘zbekistonda muddati...

Iqtisodiyot va moliya vaziri Jamshid Qo‘chqorov mamlakat iqtisodiyoti 2025-yilda 7 foizga o‘sishini ma’lum qildi. Bu haqda Kursiv Uzbekistan muxbiri xabar bermoqda.

Qo‘chqorovning aytishicha, O‘zbekiston global iqtisodiy qiyinchiliklarga qaramay, ishonchli o‘sish sur’atlarini saqlab qolmoqda.

«Yil yakuni bo‘yicha konsolidatsiyalashgan budjet taqchilligi maqsadli ko‘rsatkich – YIMning 3 foizi darajasida bo‘ladi. Inklyuziv o‘sish va iqtisodiy barqarorlikni qo‘llab-quvvatlash uchun bizning fiskal strategiyamiz intizom, samaradorlik va barqarorlik tamoyillariga asoslanadi», – deya qayd etdi u.

Tadbir Franklin Templeton investitsion kompaniyasi tomonidan tashkil etilgan bo‘lib, u O‘zbekiston Milliy investitsiya jamg‘armasini boshqaradi. Vazir ma’lumotiga ko‘ra, 2025-yilning birinchi yarmida YIM 7,2 foizga o‘sdi.

Uning so‘zlariga ko‘ra, O‘zbekistonning...

O‘zbekiston Markaziy banki mamlakatni yaqin yillarda investitsiyalar, savdo va moliya uchun mintaqaviy xab sifatida pozitsiyalashni hal qiluvchi davr deb bilmoqda. Bu haqda 2025-yil 23-oktabr kuni Franklin Templeton tomonidan boshqariladigan Milliy investitsiya jamg‘armasi (O‘zMIJ) tashkil etgan «Investorlar kuni» tadbirida Markaziy bank raisi Timur Ishmetov ma’lum qildi. O‘z nutqida u so‘m dollarga nisbatan yil boshidan beri 7 foizga mustahkamlanganini aytdi.

O‘zbekiston biznes uchun ochiq

Markaziy bank rahbari ta’kidlashicha, Markaziy bank o‘zining narxlar va moliyaviy barqarorlikni ta’minlash bo‘yicha mandatiga qat’iy sodiq.

«Inflyatsiya pasaymoqda va yil oxiriga borib 8% atrofida bo‘ladi, bu esa bizning o‘rta muddatli 5 foizlik...

OnePlus kompaniyasi 27-oktabr kuni Xitoyda yangi OnePlus 15 va Ace 6 smartfonlarini taqdim etadi. Rasmiy posterdagi ma’lumotlarga ko‘ra, OnePlus Ace 6 kompaniya tarixidagi eng ilg‘or Ace modeli bo‘ladi.

Yangi smartfon 165 Hz chastotali tekis OLED ekran, ultratovushli barmoq izi skaneri va metall korpusga ega. Qurilma IP66/68/69/69K himoya darajalariga javob beradi.

Asosiy e’tibor 7800 mA/soat sig‘imli akkumulyator va 120 Vt tezkor quvvatlash tizimiga qaratilgan. Bu OnePlus smartfonlari orasida eng katta batareya hisoblanadi. Hatto flagman OnePlus 15 ham 7300 mA/soat quvvatga ega bo‘ladi.

OnePlus Ace 6 Snapdragon 8 Elite protsessori bilan ishlaydi. Qurilmada 16 GB RAM va 1 TB xotira bo‘ladi...

Kecha UEFA Chempionlar ligasining 3-tur o‘yinlari o‘tkazildi. Tomoshabinlar murosasiz bahslar guvohi bo‘ldi. Ispaniyaning Bilbao shahridagi «San-Mames» stadionida bo‘lib o‘tgan o‘yinda «Atletik» Ozarbayjonning «Qarabog‘» jamoasini 3:1 hisobida yengdi. Mehmonlar o‘yinning boshida hisobni ochdi, ammo Gorka Guruseta 40-daqiqa javob golini urdi. Ikkinchi bo‘limda Robert Navarro (70) va Gurusetaning (88) gollari bilan «Atletik» muhim g‘alabaga erishdi.

Osimxenning dubli «Galatasaray»ga g‘alaba keltirdi

Istanbuldagi «RAMS Park» stadionida «Galatasaray» Norvegiyaning «Budyo-Glimt» jamoasini 3:1 hisobida mag‘lub etdi. Viktor Osimxen ilk bo‘limda ikki gol kiritib, dubl qayd etdi. Ikkinchi bo‘limda Yunus Akgyun (60) hisobni mustahkamladi. Mehmonlardan Andreas Helmerssen (76) bitta gol bilan javob qaytardi.

«Real Madrid» «Yuventus»ni minimal...

Bosh prokuratura huzuridagi Departamentning Norin tumani bo‘limi xodimlari tomonidan o‘tkazilgan tezkor tadbir davomida noqonuniy tamaki savdosi bilan shug‘ullangan shaxs qo‘lga olindi.

Ma’lum qilinishicha, fuqaro «J.I.» MCHJ savdo do‘konida qonun talablarini buzgan holda tamaki mahsulotlarini sotib kelgan. Tekshiruv jarayonida do‘kondan umumiy qiymati 60,2 mln so‘mlik xorijda ishlab chiqarilgan 3 302 dona aksiz markasiz tamaki mahsulotlari ashyoviy dalil sifatida olingan.

Mazkur holat yuzasidan Jinoyat kodeksining 186-1-moddasi – «Etanol, alkogol mahsulotlari yoki tamaki mahsulotlarini qonunga xilof muomalaga kiritish yoki ishlab chiqarish» bandi bo‘yicha jinoyat ishi qo‘zg‘atilib, tergov harakatlari olib borilmoqda.

Avvalroq Kursiv Uzbekistan nashri Navoiyda 450 million so‘mga yaqin zargarlik buyumlarining noqonuniy...

General Motors tomonidan 2026-yilgi Chevrolet Tracker Midnight Edition avtomobili taqdim qilindi. Bu haqda GMAutority xabar bermoqda.

Model ikkinchi avlod Tracker’ning uchinchi yilgi yangilanishi bo‘lib, tashqi ko‘rinishdagi ayrim o‘zgarishlar va Midnight Edition nomli maxsus dizayn to‘plamini o‘z ichiga oladi.

Midnight Edition LT komplektatsiyasi uchun mo‘ljallangan bo‘lib, modelga yanada jiddiy va hashamatli ko‘rinish beradi. U quyidagi elementlarni o‘z ichiga oladi:

To‘plam har qanday...

Wizz Air aviakompaniyasining O‘zbekiston fuqarolariga nisbatan diskriminatsion munosabati xalqaro jamoatchilik e’tiborini tortdi. Bu voqeaga mashhur kanadalik qo‘shiqchi Dave Carroll qo‘shiq kuyladi.

Qo‘shiq qahramoni sifatida Wizz Air’dan aziyat chekkan o‘zbekistonlik Suhrob Ubaydullayev tasvirlangan. Suhrob kompaniya tomonidan millati tufayli samolyotga qo‘yilmagani uchun Italiyadagi xalqaro sudga murojaat qilgan. U kompaniyaning o‘zbekistonliklarga nisbatan kamsituvchi siyosatini fosh etib, adolatli sud qarori chiqishini talab qilmoqda.

Dave Carrollning Wizz Air haqidagi qo‘shig‘i ijtimoiy tarmoqlarda tez tarqalib, foydalanuvchilar orasida keng muhokamalarga sabab bo‘ldi.

Mazkur holat kompaniyani O‘zbekistonda qo‘llab-quvvatlab, mamlakatga olib kirgan tomonlar uchun ham jiddiy signal bo‘ldi – o‘zbekistonliklarni kamsitadigan kompaniya mamlakatda faoliyat yuritolmasligi kerak, degan fikrlar...

AQSh prezidenti Donald Tramp 21-oktabr kuni Rossiyaning eng yirik ikki neft kompaniyasi – «Rosneft» va «Lukoyl»ga qarshi yangi sanksiyalar e’lon qildi.

Trampning so‘zlariga ko‘ra, bu choralar Moskvaning Ukraina bilan tinchlik muzokaralariga rozi bo‘lishiga turtki bo‘lishi kerak. Sanksiyalar e’lonidan bir kun avval Tramp Putin bilan Budapeshtda rejalashtirilgan uchrashuvni noma’lum muddatga qoldirgan edi. AQSh moliya vaziri Skot Bennon bu qarorni Putinning urushni to‘xtatishdan bosh tortgani bilan izohladi.

«Biz uzoq kutdik. Endi vaqt keldi», – dedi Tramp Oq uyda NATO bosh kotibi Mark Ryutte bilan uchrashuvda.

U yangi sanksiyalarni keng qamrovli deb atadi va agar Rossiya...

Xitoyda taqdim etilgan yangi iQOO 15 smartfoni qisqa vaqt ichida katta talabga ega bo‘ldi. Bu haqda ITHome xabar bermoqda.

Qurilma Snapdragon 8 Elite Gen 5 protsessori o‘rnatilgan eng arzon flagmanlardan biri sifatida tanilgan.

Kompaniya ma’lumotiga ko‘ra, iQOO 15’ning birinchi kunlik savdosi oldingi model – iQOO 13’ga nisbatan 280 foizga ko‘p bo‘lgan. Faqatgina do‘konlardagi (offlayn) savdolar hisobga olingan.

Avvalroq iQOO 15 sotuvi boshlanganining dastlabki 4 soatida 142 ming dona qurilma sotilgani xabar qilingan edi. Bu kompaniya tarixidagi eng yuqori natija. Shuningdek, birinchi 30 daqiqada iQOO 13’ning bir sutkalik savdosi natijasi yangilandi.

iQOO 15’ning asosiy texnik xususiyatlari quyidagicha: Snapdragon 8 Elite...

Yandex Uzbekistan respublikadagi kompaniyalar va tadbirkorlar uchun Yandex 360 virtual ofisini ishga tushirdi. Bu haqda kompaniya «Kursiv» nashriga ma’lum qildi.

Platforma jamoaviy ishni samarali tashkil etish va biznes jarayonlarini raqamlashtirish uchun mo‘ljallangan bo‘lib, sun’iy intellekt (SI) funksiyalarini ham o‘z ichiga oladi.

Yangi tizim orqali korxonalar Pochta, Kalendar, Disk, Treker, Hujjatlar, Messenjer va Telemost kabi o‘zaro bog‘langan 12 ta xizmatdan foydalanishi mumkin. Bu xizmatlar jamoa ishini bir joyda muvofiqlashtirish, hujjatlar bilan masofadan ishlash va onlayn uchrashuvlar o‘tkazishni yengillashtiradi.

Yandex 360’ning asosiy afzalliklaridan biri – SI yordamida matn tayyorlash va tahrirlash funksiyasi bo‘lib, u Hujjatlar xizmatida foydalanuvchilarga tezroq va sifatliroq ish yuritish...

Iqtisodiy tadqiqotlar va islohotlar markazi (ITIM) O‘zbekiston avtomobil bozorining sentabr oyidagi holati bo‘yicha yangilangan tahlilni e’lon qildi. Unga ko‘ra, ushbu oyda yengil avtomobillar savdosi 84,6 ming donani tashkil etgan bo‘lib, bu avgust oyiga nisbatan 6,4 foizga kam.

Birlamchi bozor

Yangi avtomobillar segmentida mavsumiy pasayish kuzatilib, savdo hajmi 15,2 foizga kamayib, 31,9 ming donani tashkil etdi. Shundan 27,4 ming donasi mahalliy ishlab chiqarilgan avtomobillar bo‘lib, bu avvalgi oyga nisbatan 16,1 foizga kam. Import qilingan yangi avtomobillar savdosi esa 4,5 ming donani tashkil etib, 8,9 foizga kamaydi.

Ikkilamchi bozor va elektromobillar

Sentabr oyida foydalanilgan avtomobillar segmentida 52,6 ming dona avtomobil...

O‘zbekiston hukumati Xitoy fuqarolari uchun vizasiz kirish muddatini 30 kungacha uzaytirdi. Bu haqda Vazirlar Mahkamasi qarori e’lon qilindi.

Qarorga ko‘ra, endilikda Bahrayn, Qatar, Kuvayt, Ummon, Saudiya Arabistoni va Iordaniya fuqarolari O‘zbekistonga 30 kungacha vizasiz kirish huquqiga ega bo‘ladi. Shuningdek, Xitoy fuqarolari uchun ham 30 kunlik vizasiz rejim amal qiladi. Biroq Gonkong aholisi uchun avvalgi tartib saqlanib qoladi – ular 7 kungacha vizasiz kirishlari mumkin.

Shuningdek, 15 ta davlat fuqarolari uchun biznes vizalarini soddalashtirilgan tartibda berish tizimi yo‘lga qo‘yiladi. Endi viza 2-3 ish kuni ichida rasmiylashtiriladi.

Viza rasmiylashtirish muddati

Xalqaro sport tadqiqotlari markazi (CIES) tomonidan e’lon qilingan eng nufuzli futbol akademiyalari reytingida Toshkentning «Paxtakor» klubi akademiyasi 90-o‘rinni egalladi.

Bu ro‘yxatga jahon bo‘ylab 49 ta ligadan tanlangan 100 ta eng kuchli akademiya kirgan bo‘lib, unda Yevropaning katta klublari – «Barselona», «Real Madrid», «Ajax» va boshqalar bilan birga O‘zbekiston klubi ham joy oldi.

Ekspertlar 57 nafar o‘z yoshidagi futbolchini rasmiy o‘yinlarda jami 1899 daqiqa maydonga tushganini hisobga olib, tayyorgarlik indeksi bo‘yicha 34,1 ball berdi. Bu ko‘rsatkich klubning yosh iste’dodlarni jahon standartlariga mos tayyorlashdagi barqaror ishini yaqqol tasdiqlaydi.

CIES reytingida futbolchilarning klublar darajasi, o‘yin vaqti va ularning professional rivojlanish sur’ati hisobga...

Kia kompaniyasi yangi avlod KiaTelluride krossoverining dastlabki suratlarini e’lon qildi. Rasmiy taqdimot 20-noyabr kuni Los-Anjeles avtosalonida o‘tkaziladi.

Yangi modelning dizayni avvalgisidan yanada jiddiy va haybatli ko‘rinishga ega. Krossoverga aniq shakldagi g‘ildirak, vertikal LED chiroqlar va shunga o‘xshash orqa fonarlar o‘rnatilgan.

Telluride uch qatorli salonni saqlab qoladi, biroq platformasi yangilanadi. Korpus aerodinamik jihatdan takomillashtirilgan. Eshik tutqichlari korpusga singdirilgan, orqa ustun esa yanada massiv shaklda ishlangan.

Manbalarga ko‘ra, yangi Telluride bilan bir vaqtda off-road talqin – Hyundai Palisade XRT Pro’ga o‘xshash model ham taqdim etiladi. U balandroq klirens, mustahkam old bamper, qizil ilgaklar va tishli shinalar bilan ajralib turadi.

Dvigatel qatori...

CRPT TURON vakillariga Korrupsiyaga qarshi kurashish xartiyasiga a’zolik sertifikati topshirildi. Tadbir 2025-yil 21-oktyabrda Toshkent shahrida bo‘lib o‘tgan Xalqaro biznes-ombudsmanlar forumi va IV Biznes halolligi forumi doirasida o‘tkazildi.

Forumlarning maqsadi biznes huquqlarini mustahkamlash, shaffof va halol ish yuritish amaliyotini rag‘batlantirish va korrupsiyaga qarshi kurashni kuchaytirishdan iborat. Forumlar ishida O‘zbekiston, Qozog‘iston, Qirg‘iziston, Ozarbayjon, Koreya, Gruziya, Polsha va AQSH biznes-ombudsmanlari ishtirok etdi. Ular eng yaxshi tajribalari bilan o‘rtoqlashdilar, xususiy sektor uchun dolzarb muammolarni muhokama qildilar va ombudsmanlar, tadbirkorlar va hokimiyat vakillari o‘rtasida xalqaro muloqot tarmog‘ini yaratdilar.

Toshkentning mezbon sifatida tanlanishi bejiz emas: so‘nggi yillarda O‘zbekiston iqtisodiy sohada halollik, ochiqlik va qonun ustuvorligi tamoyillarini...

Osiyo taraqqiyot banki (OTB) Oʻzbekiston oʻrta ta’lim tizimida fan, texnologiya, muhandislik va matematika (STEM) fanlarini rivojlantirish maqsadida $100 mln miqdorida imtiyozli kredit ajratishni ma’qulladi.

Loyiha Oʻzbekiston yoshlarini zamonaviy innovatsion koʻnikmalar bilan ta’minlashga, mamlakatni 2030-yilga borib daromadi oʻrtachadan yuqori davlatlar qatoriga kiritishga qaratilgan.

«STEM ta’limini kuchaytirish Oʻzbekiston uchun inklyuziv, barqaror va raqobatbardosh kelajak yaratishga yordam beradi», – dedi OTBning Oʻzbekistondagi vakolatxonasi rahbari Kanokpan Lao-Araya.

Dastur doirasida 200 ta oʻrta ta’lim maktabi yangilanib, zamonaviy laboratoriyalar, AKT infratuzilmasi, quyosh energiyasi tizimlari va imkoniyati cheklangan oʻquvchilar uchun sharoitlar bilan ta’minlanadi. Shuningdek, oʻqituvchilar olti STEM yoʻnalishi boʻyicha qayta...

Banklar 23-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi.   

O‘zbekistonda oltin quymalar narxi keskin pasayishni davom etmoqda. Bu haqda Markaziy bank axborot xizmati xabar berdi.

23-oktabr holatiga ko‘ra, narxlar barcha toifadagi quymalar bo‘yicha tushdi. Xususan, 5 grammli quyma 8,326 mln so‘mdan 8,117 mln so‘mga, 10 grammli quyma 16,652 mln so‘mdan 16,234 mln so‘mga, 20 grammli quyma 33,305 mln so‘mdan 32,468 mln so‘mga pastladi.

Shuningdek, 50 grammli quyma 81,170 mln so‘m, 100 grammli esa 162,341 mln so‘mni tashkil etdi.

Jahon bozorida ham oltin narxi pasayishni davom etmoqda. Xususan, 23-oktabr kuni Toshkent vaqti bilan soat 09:33 holatiga ko‘ra, jahon bozorida oltinning spot narxi bir troya unsiyasi uchun $4087,01 ni tashkil etdi.

General Motors (GM) Nyu-Yorkdagi GM Forward konferensiyasida yangi avtonom boshqaruv, ovozli sun’iy intellekt va yagona dasturiy platforma texnologiyalarini e’lon qildi. Bu haqda Electriccarsreport xabar bermoqda.

Kompaniya 2028-yilda Cadillac Escalade IQ elektromobilida haydovchisiz boshqaruv (eyes-off driving) funksiyasini joriy etadi. GM hozirgacha Shimoliy Amerikada 965 ming kilometrdan ortiq yo‘llarni xaritaga tushirgan. Super Cruise foydalanuvchilari esa 1,1 mlrd kilometrdan ortiq masofani xavfsiz bosib o‘tgan.

2026-yildan boshlab GM avtomobillar Google Gemini asosidagi ovozli sun’iy intellekt bilan jihozlanadi. Bu tizim haydovchiga mashina bilan tabiiy muloqot qilish, funksiyalarni tushuntirish, muammolarni aniqlash va sayohatlarda yordam berish imkonini beradi. Keyinchalik kompaniya OnStar tizimi orqali o‘ziga xos...

Dunyoning eng nufuzli sayohat nashrlaridan biri — National Geographic 2026-yilning eng yaxshi sayohat yo‘nalishlari ro‘yxatini e’lon qildi. Ular orasida O‘zbekistonning Xiva shahri ham bor.

Unga ko‘ra, jurnalda «Samarqand va Buxoro mashhurlik cho‘qqisida bo‘lsa, Xiva o‘tmishga yanada haqiqiy va xotirjam sayohatni taklif etadi. Yozda Toshkentdan tezyurar poyezd qatnovi yo‘lga qo‘yilishi esa yo‘lni ikki baravar qisqartiradi», deyiladi keltirilgan maqolada.

National Geographic sayyohlarga Ichan qal’a — YUNESKO Butunjahon merosi ro‘yxatiga kiritilgan qadimiy shahar bilan tanishishni, shuningdek, lazgi raqsi, bahodirlar o‘yinlari va qovun sayli kabi milliy festivallarda ishtirok etishni tavsiya qilgan.

Xiva bilan bir qatorda ro‘yxatga Kanadaning Kvebek provinsiyasi, Xitoyning Pekin shahri, Marokashning...