Yangiliklar

Eron hukumatining iqtisodiyoti og‘ir ahvolda qolayotgan bir paytda mamlakatda yonilg‘i narxini yana oshirish masalasini ko‘rib chiqmoqda. Oziq-ovqat va boshqa mahsulotlar narxi allaqachon keskin oshgan, avvalgi yonilg‘i narxlari ko‘tarilishi esa mamlakatda noroziliklarga sabab bo‘lgan. Bu haqda Al Jazeera xabar berdi.

Eronning 93 mln aholisi uchun katta miqdorda subsidiyalanadigan yonilg‘i ajratish hukumatga og‘irlik qilmoqda. Bunga AQShning Eron portlariga nisbatan bosimi va urushning iqtisodiyotga ta’siri ham qo‘shilgan.

Xalqaro valyuta jamg‘armasi Eron yalpi ichki mahsuloti 2026-yilda 5,4 foizga qisqarishini prognoz qilmoqda.

Narxning oshishiga Eron aholisi qarshi

Mamlakatda benzin narxining oshirilishi avval ham noroziliklarga olib kelgan. Xususan, 2019-yilda butun mamlakat bo‘ylab namoyishlar...

Tijorat banklari tomonidan 25-avgust kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar hafta davomida qanchaga tushgani haqida ma’lumot taqdim qilgandi.

O‘zbekistonda pensiyaga chiqayotgan fuqarolar orasida yetarli ish stajini to‘play olmaganlar ulushi keskin oshdi. 2025-yilda yangi tayinlangan pensiyalarning 61 foizi to‘liq bo‘lmagan ish staji asosida hisoblangan. 2010-yilda bu ko‘rsatkich atigi 6 foiz edi, deya ma’lum qildi Pensiya jamg‘armasi.

Shu tariqa so‘nggi 15 yil ichida yangi pensionerlar orasida to‘liq stajga ega bo‘lmaganlar ulushi qariyb o‘n baravar ko‘paygan.

To‘liq pensiya uchun qancha staj kerak

Amaldagi tartibga ko‘ra, erkaklar yoshga doir pensiya olish uchun 60 yoshga to‘lishi va kamida 25 yillik, ayollar esa 55 yoshga to‘lishi hamda kamida 20 yillik ish stajiga ega bo‘lishi kerak. Yetarli staj to‘planmagan, biroq kamida yetti yil...

Bir yil ichida jismoniy shaxslarga tegishli avtotransport vositalari soni 370 ming taga oshib, 5 mln donaga yaqinlashdi. Bu haqda Milliy statistika qo‘mitasi xabar berdi.

O‘zbekiston avtoparkida 5 mlnga yaqin mashinalar bor

O‘zbekistonda jismoniy shaxslarga tegishli avtotransport vositalari soni 5 mln donaga yaqinlashdi. Milliy statistika qo‘mitasi ma’lumotlariga ko‘ra, 2026-yil 1-iyul holatiga mamlakatda aholiga tegishli 4 mln 983 mingta transport vositasi ro‘yxatdan o‘tgan.

Bu raqamni bir yil avvalgi ko‘rsatkich bilan solishtirganda, O‘zbekiston aholisi nomidagi avtotransport vositalari soni 370 mingtaga yoki 8,0% ga ko‘paygan. 2025-yil 1-iyulda mamlakatda jismoniy shaxslarga tegishli 4 mln 600 mingta transport vositasi mavjud edi.

«Manchester Siti» Angliya Premyer-ligasining navbatdagi turida «Bornmut» ustidan qiyin g‘alabaga erishdi. Uchrashuvning asosiy qahramonlari Mark Gehi va Yoshko Gvardiol bo‘ldi. The Guardian nashri «Siti»ning xatosiga sababchi qilib Abduqodir Husanov va Ruben Diashni ko‘rsatdi.

«Bornmut» uzoq vaqt davomida hisobda oldinda borib, «Manchester Siti» ustidan tarixidagi ilk safar g‘alabasiga yaqin turgandi. Biroq uchrashuv yakuniga kelib, mezbonlar vaziyatni o‘zgartirishga muvaffaq bo‘ldi.

Husanov ishtirokidagi xatodan gol urildi

«Manchester Siti» himoyasida Abduqodir Husanov va Ruben Diash o‘rtasidagi tushunmovchilik «Bornmut»ning birinchi goliga sabab bo‘ldi.

Mehmonlar hujumida Rayan vaziyatdan foydalanib, to‘pni Evanilsonga yetkazdi. Braziliyalik futbolchi esa o‘ng qanotdan uzatmani amalga oshirdi. Himoyachilar joylashuvidagi...

Ozarbayjon prezidenti Ilhom Aliyevning Oʻzbekistonga davlat tashrifi doirasidagi tadbirlar yakunlandi. Bu haqda O‘zbekiston yetakchisining matbuot xizmati xabar berdi.

Ozarbayjon prezidenti Ilhom Aliyevning O‘zbekistonga davlat tashrifi doirasidagi tadbirlar yakunlandi. Tashrifning so‘nggi kuni O‘zbekiston va Ozarbayjon prezidentlari Buxoroda uchrashdi.

Bir kun avval Toshkentda Shavkat Mirziyoyev va Ilhom Aliyev tor doirada muzokara o‘tkazgan, shuningdek, Oliy davlatlararo kengashning uchinchi yig‘ilishi bo‘lib o‘tgandi.

Uchrashuvlar yakunida Abadiy do‘stlik to‘g‘risidagi shartnoma va boshqa qator ikki tomonlama hujjatlar imzolandi. Shuningdek, qo‘shma loyihalarni amalga oshirishga start berildi.

Ikki davlat rahbarlari O‘zbekiston va Ozarbayjonning oliy davlat mukofotlari bilan ham taqdirlandi.

Krishtianu Ronaldu va Jorjina Rodrigesning nikohidan ko‘p o‘tmay, ularning oilasida yana bir muhim o‘zgarish yuz bergani haqida xabarlar tarqaldi. Bu haqda Portugaliya matbuotiga tayanib HOLA nashri xabar berdi.

Portugaliya OAViga ko‘ra, Rodriges futbolchining uch nafar katta farzandi – Krishtianu Junior, Eva Mariya va Mateoni qonuniy ravishda asrab olgan.

Hozircha Ronaldu va Rodrigesning o‘zi ushbu ma’lumotni rasman tasdiqlamagan.

Jorjina yillar davomida ularni o‘z farzandidek tarbiyalagan

Krishtianu Junior 2010-yilda, egizaklar Eva Mariya va Mateo esa 2017-yilda tug‘ilgan. Jorjina futbolchi bilan munosabat boshlaganidan buyon uning katta farzandlari tarbiyasida ham faol qatnashib keladi.

U ijtimoiy tarmoqlarda ham oiladagi barcha bolalarga birdek munosabatda...

O‘zbekiston va Ozarbayjon energetika sohasida yangi hamkorlik yo‘nalishlarini ko‘rib chiqmoqda. Ular orasida avtomobil benzini va aviayonilg‘ini birgalikda ishlab chiqarish, shuningdek, Ozarbayjonda qurilayotgan yangi neftni qayta ishlash zavodiga O‘zbekistonning hamkor sifatida qo‘shilishi masalasi bor. Bu haqda energetika vaziri Sherzod Xo‘jayev «O‘zbekiston 24» telekanaliga bergan intervyusida ma’lum qildi.

Neft mahsulotlarini birgalikda ishlab chiqarish taklif qilindi

Sherzod Xo‘jayevning aytishicha, ikki davlat energetika sohasida bir nechta yo‘nalishda hamkorlik qilmoqda.

«Birinchisi, Ustyurt platosida uglevodorodlarni qazib olish, yana bir yo‘nalish O‘zbekistonda ishlab chiqariladigan «yashil energiya»ni Qozog‘iston bilan hamkorlikda Ozarbayjon bilan qo‘shilgan holda Yevropaga yetkazib berish. Bugun taklif etilgan yo‘nalishlardan biri...

O‘zbekistonda 2020 – 2025-yillarda davlat aktivlarini xususiylashtirishdan tushgan mablag‘lar 77,6 trln so‘mni tashkil etdi. Bu haqda Davlat aktivlarini boshqarish agentligi ma’lum qildi.

Taqqoslash uchun, 2020-yilgacha bo‘lgan o‘n yil davomida xususiylashtirishdan jami 1,1 trln so‘m tushgan.

Davlat korxonalari soni 61 foizga kamaydi

Agentlik ma’lumotiga ko‘ra, 2021 – 2025-yillarda «sot yoki tushuntir» tamoyili asosida davlat ishtirokidagi korxonalar soni 61 foizga qisqartirildi.

So‘nggi yillarda yirik davlat aktivlarini xususiy investorlarga sotish bo‘yicha bir qator bitimlar ham amalga oshirildi. Xususan, Coca-Cola Uzbekistan $252 mln, «Ipoteka-bank» $324 mln evaziga xususiylashtirildi. Samarqand avtomobil zavodidagi 75,2 foizlik davlat ulushi esa $80 mln ga sotildi.

...

Shavkat Mirziyoyev AQSh prezidenti Donald Tramp va Amerika xalqiga ikkita an’anaviy o‘zbek ayvonini tuhfa qildi. Bu haqda The New York Times nashri xabar berdi.

Ular Vashingtondagi West Potomac Park hududida o‘zbekistonlik ustalar tomonidan o‘rnatilmoqda.

Unga ko‘ra, ayvonlar AQShda tashkil etilishi rejalashtirilayotgan Amerika Qahramonlari milliy bog‘i hududidan joy oladi.

Ayvonlarni o‘zbekistonlik hunarmandlar o‘rnatmoqda

AQSh Ichki ishlar departamenti vakili Keti Martin Mirziyoyevning sovg‘asini Donald Tramp Amerika xalqi nomidan qabul qilganini ma’lum qilgan. Tashrif buyuruvchilar ayvonlarni kuz faslining oxiridan boshlab ko‘rishi mumkinligi aytilmoqda.

O‘zbekistonning AQShdagi elchisi Furqat Siddiqov keyinchalik gap ikkita ayvon haqida ketayotganini tasdiqladi. Uning ma’lum qilishicha, inshootlarni yig‘ish...

Shavkat Mirziyoyev va davlat tashrifi bilan mamlakatda bo‘lib turgan Ozarbayjon prezidenti Ilhom Aliyev Buxoroning tarixiy obidalarini ziyorat qildi. Bu haqda prezident matbuot xizmati xabar berdi.

Yetakchilarga ularning rafiqalari hamrohlik qildi.

Mehmonlarga Buxoro tarixi haqida so‘zlab berildi

Tashrif Somoniylar maqbarasidan boshlandi. Mehmonlarga ushbu me’moriy yodgorlikning tarixi va o‘ziga xos jihatlari haqida ma’lumot berildi. Buxoroning tarixiy markazi 1993-yilda YUNESKOning Umumjahon merosi ro‘yxatiga kiritilgan.

Shundan so‘ng prezidentlar ko‘p asrlar davomida Buxoroning siyosiy va ma’muriy markazi bo‘lib kelgan Ark qo‘rg‘onini ko‘zdan kechirdi.

Yetakchilar Poyi Kalon majmuasiga ham tashrif buyurdi. Uning tarkibiga XII asrda bunyod etilgan Kalon minorasi, Kalon masjidi va Mir...

Oliy ta’lim muassasalarida to‘ldirilmay qolgan vakant o‘rinlarga hujjat topshirish bo‘yicha asosiy talablar ma’lum qilindi.

Kirish imtihonlarida qatnashib, kamida 56,7 ball to‘plagan, biroq talabalikka tavsiya etilmagan abituriyentlar vakant o‘rinlar uchun ariza berishi mumkin.

Shuningdek, qabulning tanlov bosqichida OTM va ta’lim yo‘nalishini tanlamagan abituriyentlar ham bo‘sh o‘rinlarga hujjat topshirish huquqiga ega.

5 tagacha yo‘nalish tanlash mumkin

Abituriyentlar fanlar majmuasiga mos keladigan va vakant o‘rin mavjud bo‘lgan 5 tagacha ta’lim yo‘nalishini tanlashi mumkin.

Bunda OTM bilan birga ta’lim shaklini ham tanlash mumkin. Jumladan:

Ariza qanday topshiriladi

Vakant o‘rinlar uchun ariza Bilim va malakalarni baholash...

25-avgust uchun valyutalar kursi yangilandi. Unga ko‘ra, dollar kursi 35,48 so‘mga tushib, 11 818,07 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 18-avgust kuni 33,83 so‘mga tushib, 11 891,18 so‘mni, 19-avgust kuni 36,95 so‘mga tushib, 11 820,40 so‘mni va 20-avgust kuni yana 25,52 so‘mga tushib, 11 794,88 so‘mni tashkil etdi. 21-avgust kuni esa kurs 52,28 so‘mga oshib, 11 847,16 so‘mni, 24-avgust kuni yana 6,39 so‘mga oshib, 11 853,55 so‘mni qayd etdi.

Yevro kursida ham tushish kuzatildi. Yevropa valyutasi 81,7 so‘mga tushib, 13 788,14 so‘m bo‘ldi. Rossiya rubli ham...

AQSh federal sudi O‘zbekiston ham kirgan 75 davlat fuqarolariga immigratsion vizalar berishni to‘xtatib qo‘ygan Tramp ma’muriyati siyosatini noqonuniy deb topdi. Reuters’ga ko‘ra, Manxettendagi federal sudya Jannet Vargas AQSh davlat kotibi Marko Rubio bunday umumiy cheklov joriy etish orqali qonunda berilgan vakolatdan tashqariga chiqqan, degan xulosaga keldi.

O‘zbekiston 75 davlat ro‘yxatiga kiritilgan edi

AQSh Davlat departamenti 2026-yil 21-yanvardan 75 davlat fuqarolariga immigratsion vizalar berishni vaqtincha to‘xtatgan edi. Rasmiy ro‘yxatda O‘zbekiston ham bor. Shuningdek, Qozog‘iston, Qirg‘iziston, Ozarbayjon, Armaniston, Rossiya, Braziliya, Pokiston, Bangladesh va boshqa davlatlar ushbu cheklovga tushgan.

Davlat departamenti o‘sha paytda mazkur mamlakatlardan keluvchi ayrim immigratsion viza talabgorlari...

O‘zbekistonda davlat tashrifi bilan bo‘lib turgan Ozarbayjon prezidenti Ilhom Aliyev rafiqasi Mehribon Aliyeva bilan Buxoro shahriga tashrif buyurdi. Bu haqda O‘zbekiston prezidenti matbuot xizmati xabar berdi.

Buxoro xalqaro aeroportida oliy martabali mehmonlarni O‘zbekiston prezidenti Shavkat Mirziyoyev va rafiqasi Ziroat Mirziyoyeva kutib oldi. Mehmonlar uchun tantanali kutib olish marosimi tashkil qilindi. Unda milliy qo‘shiq va raqslar ijro etildi.

Prezidentlar Buxoroda uchrashadi

Tashrif doirasida Shavkat Mirziyoyev va Ilhom Aliyevning muloqoti Buxoroda davom etadi. 24-avgust kuni davlat rahbarlari qadimiy shaharning tarixiy obidalari bilan tanishishi rejalashtirilgan. Shuningdek, prezidentlar Buxorodagi sanoat korxonalarining faoliyatini ko‘zdan kechirishi kutilmoqda.

Tashrifning ilk kuni 

Ilhom Aliyev...

Toshkent xalqaro moliya markazi (TIFC)da istalgan valyutada, shu jumladan, xorijiy davlatlarning milliy valyutalarida bitimlar tuzish mumkin bo‘ladi, dedi O‘zbekiston prezidenti ma’muriyati loyihalari koordinatori Nodirjon Jo‘rayev 24-avgust kuni Toshkentda bo‘lib o‘tgan Silk Road Finance&Technology Forumning ochilishida.

Banklar milliy valyutalarda ishlashi mumkin bo‘ladi

Jo‘rayevning so‘zlariga ko‘ra, bunday imkoniyat TIFCga Xitoy, Singapur, Yaponiya va boshqa mamlakatlarning vakil banklarini jalb qilish imkonini beradi. Ular operatsiyalarni bevosita o‘z milliy valyutalarida amalga oshirishlari mumkin bo‘ladi.

Markazning huquqiy bazasi kriptovalyutadan ayirboshlash vositasi sifatida foydalanish imkoniyatini ham nazarda tutadi.

Jo‘rayev chet ellik ishtirokchilar uchun soliq shartlarini alohida ta’kidladi. Ular uchun TIFC doirasida nol soliq rejimi ko‘zda tutilgan...

O‘zbekiston milliy terma jamoasi sentabr oyidagi FIFA kunlari doirasida Eron bilan o‘rtoqlik uchrashuvi o‘tkazadi. Bu haqda O‘zbekiston futbol assotsiatsiyasi ma’lum qildi. 

Uchrashuv 24-sentabr kuni Farg‘onadagi «Istiqlol» stadionida bo‘lib o‘tadi.

Kannavaro uchun muhim sinov

Bahs O‘zbekiston terma jamoasining Fabio Kannavaro boshqaruvidagi navbatdagi uchrashuvlaridan biri bo‘ladi. Italiyalik mutaxassis 2026-yilgi jahon chempionatidan keyin jamoani keyingi musobaqalarga tayyorlash jarayonini davom ettirmoqda. Kannavaro terma jamoaga jalb etiladigan futbolchilarni muntazam kuzatib borayotganini va tarkibda yoshidan qat’i nazar, o‘zini munosib ko‘rsatgan futbolchilarga imkon berishini aytgan.

Eron bilan uchrashuv murabbiyga futbolchilarning holatini baholash, yangi taktik variantlarni sinab ko‘rish va tarkibdagi raqobatni kuchaytirish imkonini beradi.

O‘zbekiston Markaziy banki fintex (moliyaviy xizmatlarni texnologiya yordamida qulayroq va tezroq qilish) sohasidagi startaplarni qo‘llab-quvvatlash uchun Innovatsion xab va venchur fondi tashkil etadi. Bu haqda Markaziy bank raisi Timur Ishmetov 24-avgust kuni Toshkentda o‘tkazilayotgan Silk Road Finance & Technology Forum tadbirida ma’lum qildi.

Inkubatsiyadan tortib xalqaro investitsiyagacha

Ishmetovning so‘zlariga ko‘ra, Innovation xab startaplar uchun to‘liq rivojlanish davrini ta’minlashi kerak. Ya’ni xabda startaplar:

Xabning birinchi rezidentlarini qabul qilish 2026-yilning IV choragida boshlanishi rejalashtirilgan.

Startaplar...

Toshkent shahrining sobiq hokimi va tadbirkor Jahongir Ortiqxo‘jayev «Paxtakor» futbol klubi bilan hamkorlikni yakunlashga qaror qildi. Bu haqda klub xodimlariga tayanib, Alisher Nikimbayev o‘zining Telegram kanalida ma’lum qildi.

Klub vakillarining aytishicha, Ortiqxo‘jayevning ketishi haqidagi qaror xodimlarga 24-avgust kuni yetkazilgan.

«Paxtakor» endi nima qiladi

Nikimbayevning qayd etishicha, tadbirkorning «Paxtakor»dagi faoliyatini yakunlashi kutilgan edi. Biroq bu jarayonning aynan hozir va qisqa muddat ichida amalga oshishi kutilmagan.

Hozircha klubning Ortiqxo‘jayev ketganidan keyingi faoliyati qanday davom etishi bo‘yicha aniq ma’lumot yo‘q.

Qayd etish joizki, yaqinda klub raisi o‘rinbosari Dilshod Karimov ham o‘z arizasiga ko‘ra, iste’foga...

O‘zbekiston shaxmat olimpiadasining asosiy favoritlaridan biri hisoblanadi. Bu haqda 24-avgust kuni 46-Butunjahon shaxmat olimpiadasiga tayyorgarlik jarayonlariga bag‘ishlangan matbuot anjumanida O‘zbekiston shaxmat federatsiyasi raisi o‘rinbosari, Xalqaro shaxmat akademiyasi direktori Komiljon Sindarov ma’lum qildi.

Uning ta’kidlashicha, O‘zbekiston terma jamoasi tarkibida Javohir Sindarov, Nodirbek Abdusattorov kabi yuqori darajadagi shaxmatchilarning borligi jamoaning imkoniyatlarini oshiradi.

Sindarov Samarqandda o‘tkaziladigan Olimpiadada O‘zbekistondan yuqori natija kutilayotganini qayd etdi.

Ayni paytda O‘zbekiston terma jamoasi tarkibida Javohir Sindarov va Nodirbek Abdusattorovdan tashqari Nodirbek Yoqubboyev, Shamsiddin Vohidov hamda Muxiddin Madaminov bor. Jamoa sardori esa Rustam Qosimjonov.

46-Butunjahon shaxmat olimpiadasi 15 – 27-sentabr kunlari Samarqand shahrida o‘tkaziladi. Musobaqada 200 ga yaqin terma...

Xiaomi mobil qurilmalar uchun sotuvdan keyingi xizmat ko‘rsatish qoidalarini yangiladi. IT Home yozishicha, endilikda ishlatilgan, qayta sotilgan yoki avval tiklangan smartfonlarga amaldagi kafolat avtomatik ravishda bepul xizmat olish huquqini bermaydi.

Qaysi qurilmalar ishlatilgan hisoblanadi

Kompaniya xarid qilingan paytda yangi bo‘lmagan, ikkilamchi bozordan sotib olingan yoki avval qayta tiklangan qurilmalarni ishlatilgan mahsulotlar toifasiga kiritadi.

Shu sababli smartfonda kafolat muddati hali tugamagan bo‘lsa ham, u boshqa odamga qayta sotilganidan keyin bepul kafolat xizmatidan foydalanish mumkin bo‘lmasligi mumkin.

Qo‘shimcha xizmatlarga ham cheklov qo‘yildi

Yangi qoidalar faqat standart kafolatga emas, ayrim qo‘shimcha xizmat dasturlariga ham tatbiq etiladi.

Xususan, «faqat almashtirish» va...

O‘zbekiston 2030-yilgacha fintex sohasiga $1 mlrd xorijiy sarmoya jalb qilishni rejalashtirmoqda. Bu haqda Toshkentda bo‘lib o‘tayotgan Silk Road Finance&Technology Forum forumida ma’lum bo‘ldi, deb xabar bermoqda Kursiv Uzbekistan muxbiri.

Regulyator oldiga qanday maqsadlar qo‘yilgan

Kapital jalb qilishdan tashqari, fintexni rivojlantirish strategiyasi 5 mingdan ortiq mutaxassislarni tayyorlash, 200 dan ortiq bozor ishtirokchilariga litsenziya berish va inkubatsiya dasturlari orqali yuzdan ortiq startaplarni ishga tushirishni nazarda tutadi.

Yangi moliyaviy mahsulotlarni rivojlantirish uchun Markaziy bank Regulatory Sandbox 2.0 – innovatsion yechimlarni sinovdan o‘tkazish maydonchasi, shuningdek, QFinex Quantum Test Bed’ni yaratmoqda.

Yana bir qo‘llab-quvvatlash vositasi $50 millionlik ixtisoslashtirilgan venchur fondi bo‘lishi kerak.

Regulyator, shuningdek...

O‘zbekistonda 15 – 27-sentabr kunlari Samarqand shahrida 46-Butunjahon shaxmat olimpiadasi boʻlib oʻtadi. Unda 200 ga yaqin jamoalar ishtirok etadi. Bu haqda 24-avgust kuni Xalqaro shaxmat akademiyasida Olimpiadaga tayyorgarlik jarayonlariga bag‘ishlangan matbuot anjumanida aytildi.

Anjumanda Kursiv Uzbekistan jurnalisti prezidentning 150-sonli qarorida Olimpiadaga tayyorgarlik uchun har yili 50 mlrd so‘mgacha mablag‘ ajratilishi belgilanganini eslatib, hozirga qadar ushbu maqsadlar uchun qancha mablag‘ yo‘naltirilgani va u qaysi yo‘nalishlarga sarflangani haqida savol berdi.

O‘zbekiston shaxmat federatsiyasi bosh kotibi Boburjon Sattorovning aytishicha, mazkur mablag‘lar faqat musobaqaning o‘zini o‘tkazish yoki tashkiliy ishlar uchun emas, balki Olimpiadaga kompleks tayyorgarlik ko‘rishga yo‘naltirilayotganini ma’lum qildi.

Uning ta’kidlashicha, mablag‘lar sportchilar...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 14-avgustdan 21-avgustgacha bo‘lgan davrda ijobiy dinamikani ko‘rsatib, UCI fond indeksi 34,55 foizga oshdi.

Ushbu davr mobaynida «Aloqabank» aksiyalari eng katta o‘sishga erishib, 49,57 foizga qimmatlashdi. Shuningdek, «O‘zbektelekom» (+25,13%) va «Olmaliq KMK» aksiyalarida (+20,74%) ham o‘sish qayd etildi.

O‘z navbatida, «Turonbank» aksiyalari 11,11 foizga arzonlashib, haftaning eng katta pasayishini qayd etdi. Bundan tashqari, «Buxoroneftgazparmalash»ning imtiyozli aksiyalari (-6,81%) va «Dori-darmon» (-3,58%) aksiyalari ham pasayish bilan ajralib turdi. Faqatgina «Kapital sug‘urta», «O‘zbekko‘mir», «Trastbank» va «Hamkorbank» aksiyalari narxida o‘zgarish kuzatilmadi.

Bitimlar soni bo‘yicha UzNIF (8 196 ta), «Hamkorbank» (4 172 ta) va «SQB...