Yangiliklar

Janubiy Koreyada mamlakat sobiq prezidenti Yun Suk Yolning rafiqasi, sobiq birinchi xonim Kim Kon Xi bilan bog‘liq sud ishi bo‘yicha yakuniy apellyatsiya qarori e’lon qilindi. Bu haqda Reuters agentligi xabar berdi.

Apellyatsiya sudi qaroriga ko‘ra, Kim Kon Xi aksiyalar narxini manipulyatsiya qilish va pora olish ayblovlari bo‘yicha to‘rt yil qamoq jazosiga hukm qilindi. Sud avvalgi instansiya qarorini qayta ko‘rib chiqib, uning bir qismi bo‘yicha oqlov hukmini bekor qildi.

Qayd etilishicha, u bir nechta treyderlar bilan birga Koreyada savdosi past bo‘lgan aksiyalar narxini sun’iy ravishda o‘zgartirishda ishtirok etgan. Shuningdek, Kim Unifikatsiya cherkovidan siyosiy manfaatlar evaziga umumiy qiymati taxminan...

Rasuljon Jo‘rayev Farg‘ona viloyatining O‘zbekiston tumani hokimi etib tayinlandi. Bu haqda O‘zA ma’lum qildi.

Rasuljon Jo‘rayev 1973-yilda Rishton tumanida tug‘ilgan bo‘lib, 2000-yilda Toshkent irrigatsiya va qishloq xo‘jaligini mexanizatsiyalashtirish muhandislari institutini tamomlagan.

Tayinlovga qadar Rasuljon Jo‘rayev 2017-yildan buyon Farg‘ona viloyatining Beshariq tumani hokimi lavozimida ishlab kelgan.

Ma’lumot uchun, bundan oldin O‘zbekiston tumani hokimi sifatida Ravshanbek Begmatov 2025-yil mart oyidan boshlab faoliyat yuritib kelgan.

Eslatib o‘tamiz, avvalroq O‘zbekiston Ish beruvchilari konfederatsiyasi boshqaruviga rais tayinlangan edi.

Xitoyning flagman smartfoni Oppo Find X9 Ultra Yevropa bozorida katta qiziqish uyg‘otdi. Mydrivers nashriga ko‘ra, qurilma sotuvga chiqqach, ko‘plab mamlakatlarda tezda sotilib ketmoqda.

Smartfon 26 ta davlat va hududda, jumladan, Ispaniya, Italiya, Buyuk Britaniya va Fransiyada rasmiy sotuvga chiqarildi. Fransiyada 512 GB xotirali versiya to‘liq sotilib ketdi. Buyurtmalarni yetkazish muddati esa ikki oydan oshib ketgan.

Ispaniyada oldindan buyurtmalar o‘tgan yilga nisbatan uch barobar ko‘p bo‘ldi. Savdo ko‘rsatkichlari avvalgi modeldan ancha yuqori chiqdi.

Italiyada esa sotuv boshlanishi bilan internet do‘konlarga kiruvchilar soni keskin oshdi. Dastlabki uch soat ichida savdo sezilarli darajada ko‘paydi. Hatto foydalanuvchilar oqimi sabab rasmiy sayt qisqa muddat...

Huawei qo‘llab-quvvatlayotgan Luxeed R7 modeli xalqaro bozorga chiqishga tayyorlanmoqda. Bu haqda CarNewsChina nashri ma’lum qildi.

Xorijdagi dilerlik kompaniyalari bilan hamkorlik bo‘yicha muzokaralar allaqachon boshlangan. Hozirda avtomobil turli mamlakatlar talablariga moslashtirilmoqda. Bunda texnik standartlar va mahalliy bozorlarga moslashuv asosiy e’tiborda.

Huawei vakili Yu Chengdong ham Luxeed R7 va S7 modellari xalqaro auditoriya e’tiborini tortayotganini ta’kidladi. Ayniqsa, ularning kupe uslubidagi dizayni va ilg‘or sensor tizimlari ajralib turadi. Luxeed R7 premium segmentdagi elektr krossover sifatida pozitsiyalangan.

Uning aerodinamik qarshilik koeffitsiyenti 0,217 Cd bo‘lib, bu ommaviy ishlab chiqariladigan SUVlar orasida eng past ko‘rsatkichlardan biri hisoblanadi. Model zamonaviy LiDAR tizimi bilan jihozlangan bo‘lib...

Samsung bir nechta Galaxy A seriyali smartfonlar uchun yangi xavfsizlik yangilanishini tarqatishni boshladi. Bu haqda Sammobile nashri ma’lum qildi.

Kompaniya aprel oyidagi xavfsizlik patchini budjet segmentiga kiruvchi beshta model – Galaxy A35, Galaxy A26, Galaxy A25, Galaxy A07 5G va Galaxy A07 4G/LTE qurilmalariga taqdim etdi.

Yangilanish avvalgi proshivka versiyasida aniqlangan 47 ta xavfsizlik zaifligini bartaraf etib, qurilmalar himoyasini kuchaytiradi. Hozirda ushbu yangilanish Galaxy smartfonlarining Yevropa va global versiyalariga bosqichma-bosqich tarqatilmoqda.

Shuningdek, ma’lumotlarga ko‘ra, Galaxy A35, Galaxy A26 va Galaxy A25 modellari kelajakda Android 16 QPR2 asosidagi One UI 8.5 yangilanishini ham olishi kutilmoqda. Biroq Galaxy A07 5G...

Qirg‘izistonda 2026-yilda Qurbon hayiti 27-may kuni nishonlanadi. Bu haqda mamlakat musulmonlari diniy idorasi ma’lum qildi.

Qurbon hayiti islom dinidagi eng muhim bayramlardan biri hisoblanadi. Uning sanasi har yili o‘zgarib turadi, chunki u hijriy oy taqvimiga asosan belgilanadi. Bayram haj ibodatining yakunlanishini bildiradi. Shu kuni musulmonlar qurbonlik qiladi, muhtojlarga yordam beradi va xayriya ishlarini amalga oshiradi.

Hayit haqida

Qurbon hayiti islom dinidagi eng ulug‘ bayramlardan biri hisoblanadi. U hijriy taqvim bo‘yicha Zulhijja oyining 10-kunida nishonlanadi va haj ibodatining yakuniga to‘g‘ri keladi. Bayram kuni musulmonlar ertalab hayit namozini o‘qiydi. Shundan so‘ng qurbonlik marosimi amalga oshiriladi. Odatda qo‘y, echki, qoramol yoki...

Davron Vaxabov O‘zbekiston Ish beruvchilari konfederatsiyasi boshqaruvi raisi etib tayinlandi. Bu haqda Savdo-sanoat palatasi ma’lum qildi.

O‘zbekiston Ish beruvchilari konfederatsiyasi ta’sischilarining navbatdan tashqari umumiy yig‘ilishi bo‘lib o‘tdi. Unda Davron Vaxabov O‘zbekiston Ish beruvchilari konfederatsiyasi raisi lavozimiga jamoatchilik asosida tayinlandi.

Ma’lumot uchun, 2018 – 2021-yillarda konfederatsiyaga bir vaqtning o‘zida O‘zbekiston Savdo-sanoat palatasi raisi Adham Ikramov rahbarlik qilgan. Keyingi yillarda esa mazkur lavozimni 2021 – 2024-yillarda I. Xaydarov, 2024 – 2026-yillarda esa Otabek Ashurov egallab kelgan.

Davron Vaxabov (Davron Vaxabov Abdujalalovich) 1981-yilda Toshkent viloyatining Quyi Chirchiq tumanida tug‘ilgan. 2001-yilda Toshkent kimyo-texnologiya institutini, 2003-yilda Toshkent davlat iqtisodiyot universitetini, 2007-yilda esa Toshkent...

Joriy yilning 18 – 24-may kunlari Qarshi shahrida Ismat Shukurov xotirasiga bag‘ishlangan Qarshi Open – 2026 V xalqaro shaxmat turniri bo‘lib o‘tadi. Bu haqda O‘zbekiston shaxmat federatsiyasi xabar bermoqda.

Shaxmat turnirining mukofot jamg‘armasi 321 mln so‘mni tashkil etadi. Turnirda ishtirokchilar reyting ko‘rsatkichlariga ko‘ra ikki toifaga ajratiladi. «A» guruhida reytingi 1800 va undan yuqori bo‘lgan shaxmatchilar g‘oliblik uchun bahslashsa, «B» guruhida reytingi 1999 va undan past bo‘lgan ishtirokchilar dona suradi.

Xalqaro maqomga ega mazkur turnirda qatnashish istagida bo‘lgan xorijlik shaxmatchilar 5-mayga qadar ariza topshirishlari lozim. Ishtirokchilarni ro‘yxatga olish jarayoni reg.uzchess.uz platformasi orqali amalga oshiriladi.

Musobaqa nizomi va tashkiliy masalalar bo‘yicha...

29-aprel uchun valyutalar kursi yangilandi. Unga ko‘ra, dollar kursi 43,76 so‘mga tushib, 12 029,20 so‘mni tashkil qildi. Bu narx Valyuta birjasida bo‘lib o‘tgan savdolar asosida  shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

22-aprel kuni 36,78 so‘mga tushib, 12 060,51 so‘m bo‘ldi. Dollar payshanba kuni ham pasayishni ko‘rsatib, 23-aprel kuni 12 042,49 so‘mga (-18,06 so‘m) tenglashdi. 24-aprel kuni 26,53 so‘mga tushib, 12 015,96 so‘mni tashkil qildi. 27-aprel kuni esa 4,52 so‘mga oshib, 12 020,48 so‘m bo‘ldi. 28-aprel kuni esa 52,48 so‘mga oshib, 12 072,96 so‘mga tenglashdi.

Jadval:

Markaziy bank ma’lumotlariga ko‘ra, yevro 111,54 so‘mga tushib, 14 065,74 so‘mni...

Rossiya hukumatida migrantlar uchun davlat bojlari keskin oshirilishi taklifi qo‘llab-quvvatlandi. RBC nashriga ko‘ra, ayrim xizmatlar narxi 10 – 12 barobargacha oshishi mumkin.

Yangi loyihaga binoan, Rossiya fuqaroligini olish yoki undan chiqish uchun to‘lov 4 200 rubldan 50 ming rublgacha ($56 – $667) oshiriladi. Shuningdek, mamlakatga kirish uchun taklifnoma 960 rubldan 8 ming rublga ($12,8 – $106,7) ko‘tarilishi mumkin. Vizalar narxi ham oshiriladi: oddiy viza 1 200 rubldan 2 ming rublga ($16 – $26,7), ko‘p martalik viza esa 1 920 rubldan 6 ming rublga ($25,6 – $80) yetadi.

Vaqtinchalik yashash ruxsatnomasi 1 920 rubldan 15 ming rublga...

Shveysariyada sud Gulnora Karimovaga nisbatan ochilgan jinoyat ishini vaqtincha to‘xtatdi. Qaror 28-aprel kuni qabul qilingan, deya xabar bermoqda SRF portali.

Sudya qarorini gumonlanuvchi sud jarayonida ishtirok eta olmasligi bilan izohlagan. Gulnora Karimova hozirda O‘zbekistonda jazoni o‘tamoqda va mamlakatni tark etish imkoniga ega emas. Avvalroq uning advokati ham aynan shu sabab bilan sudda qatnasha olmayotganini bildirgan edi.

Shu bois sud ishni davom ettirish imkonsiz deb topdi. Biroq bu ish butunlay yopilgani anglatmaydi. Sud qayd etishicha, yetarli dalillar to‘plansa, Karimovaga tegishli aktivlar musodara qilinishi mumkin. Shveysariya tomoni uchun asosiy maqsad jazolash emas, balki noqonuniy mablag‘larni aniqlash va ularni qaytarishdan iborat...

Toshkentda ayni paytda qulupnay mavsumi qizg‘in pallada. Poytaxt bozorlaridagi narxlar joylashuv va navga qarab ancha farq qiladi. Kursiv Uzbekistan muxbiri shahardagi beshta yirik bozorni aylanib, 28-aprel holatidagi narxlarni o‘rganib chiqdi.

Eng arzon qulupnayni hozirda Qo‘yliq bozoridan topish mumkin. Bu yerda narxlar 1 kg uchun 15 ming so‘mdan boshlanadi, yirikroq hajmdagilari esa 25 ming so‘m turadi.

Keyingi o‘rinda Aviasozlar bozori. Bu bozorda sotuvchilar qulupnay uchun 1 kilogrammiga 20 – 25 ming so‘m so‘ramoqda.

Poytaxtning asosiy tarixiy bozori – Chorsuda narxlar o‘rtacha darajada. Bu yerda 1 kg qulupnay 30 ming so‘mni tashkil qilmoqda.

Oloy bozorida nisbatan qimmatroq narxlar kuzatildi. Mevaning ko‘rinishi va...

Foto: Instagram / Eldor Shomurodov

Turkiya chempionatining 31-turi yakunlariga ko‘ra, «Istanbul Bashakshehir» va O‘zbekiston milliy terma jamoasi hujumchisi Eldor Shomurodov Sofascore talqiniga ko‘ra, haftaning eng yaxshi futbolchilari qatoriga kiritildi.

Ramziy jamoadan Shomurodovning jamoadoshi Ivan Brnich va «Galatasaroy» yarim himoyachisi Lukas Toreyra ham o‘rin oldi. Shuningdek, «G‘oztepe» vakili A. Kurtulan va «Eyupspor» a’zosi Umut Bozok ramziy jamoaning hujumkor chizig‘ini tashkil etgan.

Turkiya Superligasining 31-turida istanbulliklar «Qosimposho» ustidan 4:0 hisobidagi yirik g‘alabaga erishdi. Shomurodov uchrashuvning 5 va 87-daqiqalarida raqib darvozasini bosh bilan ishg‘ol qildi. Ushbu gollari evaziga futbolchi to‘purarlar poygasidagi mavqeyini mustahkamladi.

Ayni paytda uning hisobida 20 ta gol mavjud. To‘purarlar...

Qirg‘iziston Tashqi ishlar vazirligi Yevropa Ittifoqining sanksiyalariga munosabat bildirdi. Rasmiy Bishkek bayonotida qayd etilishicha, Yevropa Ittifoqi tomonidan joriy etilgan 20-sanksiya paketi doirasida Qirg‘iziston yuridik shaxslariga ham cheklovlar qo‘llanmoqda.

Qirg‘iz tomoni bu qarorni tushunarsiz deb baholagan. Ta’kidlanishicha, so‘nggi davrda Yevropa Ittifoqi bilan muntazam muzokaralar o‘tkazilgan, zarur hujjatlar o‘z vaqtida taqdim etilgan. Shunga qaramay, Bishkekning pozitsiyasi inobatga olinmagan.

Rasmiy bayonotda bunday bir tomonlama qarorlar o‘zaro ishonchga putur yetkazishi aytildi. Shuningdek, bu holat Yevropa Ittifoqining Markaziy Osiyo bilan hamkorlikni kengaytirish haqidagi bayonotlariga zid ekani qayd etildi.

Qirg‘iziston xalqaro huquq normalariga sodiq qolishini yana bir bor tasdiqladi. Mamlakat barcha majburiyatlarni milliy qonunchilik doirasida...

Andijon viloyatining Asaka tumanida Haj safari bilan bog‘liq firibgarlik fosh etildi. Bu haqda Davlat xavfsizlik xizmati (DXX) xabar bermoqda.

Ma’lumotlarga ko‘ra, Asaka tumanida yashovchi 1975-yilda tug‘ilgan shaxs 1996-yilda tug‘ilgan fuqaroning ishonchiga kirgan. U tanishlari orqali Haj safarini tashkil etib berishni va’da qilgan. Buning evaziga fuqaro va uning 1964-yilda tug‘ilgan onasini Saudiya Arabistoniga yuborish uchun har biri $9 mingdan, jami $18 ming talab qilgan.

Tezkor tadbir davomida gumonlanuvchi oldindan $9 ming olayotgan vaqtida qo‘lga olingan. Amaliyot DXX hamda Iqtisodiy jinoyatlarga qarshi kurashish departamenti xodimlari hamkorligida o‘tkazilgan.

Hozirda mazkur holat yuzasidan jinoyat ishi qo‘zg‘atilgan. Tergov harakatlari olib borilmoqda.

Eslatib o‘tamiz, Kursiv...

Buk-kafe ochgan tadbirkorlarga soliq va ijara to‘lovlaridan imtiyoz beriladi. Bu haqda prezident matbuot xizmati xabar berdi.

Joriy yilda Farg‘onadagi 100 ta mahallada namunaviy kutubxonalar tashkil etiladi. Shuningdek, buk-kafe ochgan tadbirkorlarga soliq va ijara to‘lovlari bo‘yicha imtiyozlar berilishi rejalashtirilmoqda. «Burhoniddin Marg‘inoniy» majmuasida har ikki yilda xalqaro kitobxonlik festivali o‘tkazish tashabbusi ilgari surildi.

Shuningdek, Qo‘qon adabiy muhiti antologiyasini yaratish, elektron platforma ishga tushirish va Adabiyot hamda ijod maktabini tashkil etish taklif qilindi.

Farg‘ona vodiysining yana bir muhim madaniy boyligi askiya san’ati ekani ta’kidlandi. Marg‘ilonda askiya va qiziqchilik san’ati markazi faoliyat yuritmoqda. Endi yosh iste’dodlarni qo‘llab-quvvatlash uchun tuman madaniyat markazlari va musiqa...

Kelasi yil yakunigacha Farg‘onada $300 mlnlik 50 ta loyiha ishga tushiriladi. Bu haqda prezident matbuot xizmati xabar berdi.

Prezident tarixiy obidalar va betakror tabiatga ega hududda xorijiy turistlar oqimini 2-3 baravar oshirish imkoniyati borligini ta’kidladi. Shu maqsadda Qo‘qon va Marg‘ilon ziyorat turizmiga, So‘x, Quva, Beshariq va Farg‘ona tumanlari esa tibbiy hamda ekoturizmga ixtisoslashtiriladi.

Shuningdek, respublika bo‘yicha yana 25 ta suv omborini bosqichma-bosqich turizm maskaniga aylantirish rejalashtirilmoqda. Marg‘ilonda «Burhoniddin Marg‘inoniy» ilmiy-ma’rifiy va turizm majmuasi ochildi.

Farg‘ona tumanida yirik loyihalar amalga oshirilmoqda. Jumladan, «Shohimardon – Yordon» xalqaro kurort zonasi, «Vodil» agroturizm klasteri, «Avval» ko‘ngilochar majmuasi va «Chimyon» sanatoriy hududi barpo etilmoqda...

Farg‘onadagi 10 ta mahallada 50 – 100 tonnalik kichik omborxonalar quriladi. Bu haqda prezident matbuot xizmati xabar berdi.

Unga ko‘ra, Farg‘ona tumanidagi 15 ta mahallada 5 mingdan ortiq xonadon tomorqada malina yetishtirmoqda. Mahsulot pishgach, uni tez sotish muammosi yuzaga kelmoqda. Dehqonlar malina 2-3 kunda sotilmasa, narxi 20 foizgacha tushishini aytmoqda. Shuningdek, saqlash uchun yetarli omborxonalar yo‘qligi ham muammo bo‘lib qolmoqda.

Shu bois mutasaddilarga tumandagi 10 ta mahallada 50 – 100 tonnalik kichik omborxonalar qurish va ularni dehqonlarga imtiyozli lizing asosida berish topshirildi.

Umuman, joriy yilda 611 ming tonna meva, 252 ming tonna uzum, 1,8 million tonna sabzavot va...

Qo‘qon shahridagi mexanika zavodi hududida $70 mlnlik yirik savdo majmuasi barpo etilishi belgilandi. Prezident Farg‘ona viloyatidagi sanoat zonalarida jami $5 mlrdlik yangi loyihalarni boshlash hamda Andarxonda erkin savdo zonasini tashkil etish bo‘yicha topshiriq berdi.

Hozirda mexanika zavodi bor-yo‘g‘i 20 foiz quvvatda ishlayotgani sababli, uning o‘rnida zamonaviy kompleks qurish taklifi qo‘llab-quvvatlandi. Shu bilan birga, Farg‘ona viloyatidagi 1 ming 77 gektar ekin yerlari sanoat zonalari uchun ajratib berildi. Tuman hokimlari oldiga investitsiya sifatini asosiy mezon qilib belgilash vazifasi qo‘yildi.

Sanoat zonalaridagi har bir gektar yer yiliga kamida 50 mlrd so‘mlik mahsulot olib kelishi shartligi ko‘rsatib o‘tildi. Shuningdek, Beshariq tumanidagi Andarxon mahallasida joylashgan...

Farg‘ona viloyatida ishlab chiqarish samaradorligini oshirish maqsadida sanoat korxonalariga sun’iy intellekt va xorijiy akseleratorlar tajribasini tatbiq etish bo‘yicha yangi vazifalar belgilandi. Bu haqda prezident matbuot xizmati xabar bermoqda.

Sanoat korxonalarida mehnat unumdorligini oshirish va energiya tejamkorligini ta’minlash maqsadida xorijdan nufuzli akselerator kompaniya jalb qilinadi. Mazkur kompaniya Farg‘onadagi 10 ta yirik mahalliy korxona bilan hamkorlikda pilot loyihalarni boshlaydi.

Elektron tijorat sohasidagi ko‘rsatkichlar tahliliga ko‘ra, so‘nggi besh yilda mamlakatda ushbu tarmoq hajmi 20 baravar oshgan bo‘lsa-da, Farg‘onaning ulushi bor-yo‘g‘i 2,5 foizni tashkil etmoqda. Kelgusi besh yil ichida sohadagi o‘sish sur’atlari hisobiga respublika bo‘yicha 3,5 mln kvadrat metr tijorat omborlariga ehtiyoj tug‘ilishi...

2026-yil yanvar – mart oylarida O‘zbekistonda o‘rtacha oylik ish haqi 6,8 mln so‘mni tashkil etdi. Milliy statistika qo‘mitasiga ko‘ra, bu o‘tgan yilga nisbatan 17,4 foizga ko‘p.

Ma’lum bo‘lishicha, eng yuqori ish haqi Toshkent shahrida qayd etildi. Bu yerda o‘rtacha maosh 11,7 mln so‘mga yetib, bir yilda 18,8 foizga oshgan. Shuningdek, Navoiy viloyatida 8,4 mln so‘m, Toshkent viloyatida 6,2 mln so‘m atrofida bo‘ldi.

Eng past ko‘rsatkich esa Qashqadaryo (4,7 mln so‘m) va Surxondaryo (4,7 mln so‘m) viloyatlarida qayd etildi. Qolgan hududlarda esa 5,6 – 5 mln so‘m atrofida shakllangan.

Yuqori maoshli sohalar

Bank va moliya sohasida ish haqi...

Shavkat Mirziyoyev Farg‘ona, Yozyovon, Quva va O‘zbekiston tumanlarida jami 7,4 ming gektar paxta va g‘alla maydonlari qisqartirilishini qo‘llab-quvvatladi. Bu haqda prezident matbuot xizmati xabar bermoqda.

Mazkur yerlarda eksportbop va daromadli ekinlar yetishtirish rejalashtirilgan. Bu yil Farg‘ona va O‘zbekiston tumanlarida 4,4 ming gektarda o‘rik, olxo‘ri, bodom va malina plantatsiyalari tashkil etiladi. Quva tumanida esa 1,2 ming gektar hududda gilosning eksportbop navlari ekiladi.

Yozyovon tumanida 1,8 ming gektarda cho‘l sharoitiga mos yuqori hosilli sholi plantatsiyalari barpo etilishi ko‘zda tutilgan. Bu yerda iste’mol va urug‘lik uchun mo‘ljallangan sholi yetishtiriladi.

Shuningdek, Yozyovonda sholichilik maktabi tashkil etiladi. Sinov tariqasida 100 gektar suv yuzasida kassetali...

Turk aktyori Emre Kiviljim va o‘zbek aktrisasi Yulduz Rajabova to‘y arafasida ekanligi aytilmoqda. Juftlik nikoh marosimi uchun yaqinlariga taklifnomalar yuborishni boshlagan.

Tarqalgan videolarda O‘zbekistonda xizmat ko‘rsatgan artist Ra’no Shodiyeva ushbu voqea haqida o‘z fikrini bildirgan.

«Quvonchli xabar bilan bo‘lishmoqchiman. «Mendirman Jaloliddin» filmidagi farzandlarim Emre va Yulduz nihoyat turmush qurmoqda», – dedi aktrisa.

Shuningdek, Ra’no Shodiyeva ikki ijodkor o‘rtasidagi munosabatlar serialni tasvirga olish jarayonlarida shakllanganini ta’kidlagan.

«Bu muhabbat bizning ko‘z o‘ngimizda paydo bo‘ldi va biz katta oiladek ular uchun qayg‘urib keldik. Endi esa xotirjam nafas oldim, chunki yaqin orada yoshlarning baxtidan...

Farg‘ona viloyatida inflyatsiya 7,5 foizga tushdi. Bu haqda Shavkat Mirziyoyev ishtirokidagi viloyatni ijtimoiy-iqtisodiy rivojlantirish masalalari yuzasidan yig‘ilishda qayd etildi.

Tahlillarga ko‘ra, viloyatda iste’mol savatiga kiruvchi 517 turdagi tovar va xizmatlarning 480 tasi hududning o‘zida ishlab chiqariladi. Bu esa ichki imkoniyatlar katta ekanini ko‘rsatadi. Mutasaddilarga ushbu mahsulotlar hajmini oshirish va narxlarni pasaytirish bo‘yicha faol ishlash vazifasi qo‘yildi.

Viloyatda 370 ming gektar sug‘oriladigan yer mavjud. Shundan 55 ming gektari bog‘ va tokzorlardan iborat. Bundan tashqari, 37 ming gektar qir va adir yerlar bor. Shunga qaramay, 5,5 ming gektar bog‘ va tokzorlar eskirgan. Yana 6 ming gektar yer bo‘sh yotgani qayd etildi.