Yangiliklar

Chevrolet Cobalt O‘zbekiston avtomobil bozorida hanuz eng ko‘p muhokama qilinadigan va sotib olinadigan sedanlardan biri bo‘lib qolmoqda. Model yanvar – may oylarida 35 ming dona xarid qilingan.

Nega Cobalt hali ham talab yuqori bo‘lgan model

Chevrolet Cobalt O‘zbekistonda uzoq yillardan beri ishlab chiqariladi va mahalliy bozorda budjet sedanlar segmentining asosiy vakillaridan biriga aylangan. Uning ommabopligiga bir nechta omil ta’sir qiladi: narx, xizmat ko‘rsatishning nisbatan arzonligi, ehtiyot qismlar topilishi va avtomobilning kundalik foydalanishga mosligi.

Ko‘plab haydovchilar Cobalt’ni aynan oilaviy avtomobil sifatida tanlaydi. Salonining kengligi, balandroq o‘tirish pozitsiyasi va katta yukxonasi uni shahar ichida ham, uzoq yo‘lda ham amaliy...

SAIC-GM-Wuling kompaniyasi yangi Wuling Bingo Pro EV elektromobilini Xitoy dilerlik markazlariga yetkazib berishni boshlashga tayyorlanmoqda. Bu haqda GMAutority nashri xabar bermoqda.

Model onlayn oldindan buyurtma davrida yuqori qiziqish uyg‘otdi va 38 kun ichida 30 mingdan ortiq buyurtmalar yig‘di. Kompaniya ma’lumotlariga ko‘ra, Wuling Bingo Pro brendning nol emissiyali avtomobillari orasida eng yuqori boshlang‘ich talab qayd etilgan modellardan biriga aylandi. Oldindan buyurtma davri 30-iyun kuni yakunlangan.

Model yosh xaridorlarga mo‘ljallangan

Wuling Bingo Pro EV Xitoyning A0 segmentidagi raqobat kuchli bo‘lgan kichik elektromobillar bozorida taqdim etilmoqda. Kompaniya modelning muvaffaqiyatli startini uning yosh xaridorlar orasidagi jozibadorligi bilan izohlamoqda.

Yangi elektromobil Bingo oilasidagi...

Jahon chempionatining 1/8 final bosqichidan o‘rin olgan Meksika va Angliya terma jamoalari o‘rtasidagi uchrashuv inglizlarning 2:3 hisobidagi g‘alabasi bilan yakunlandi.

Mexiko shahridagi «Atsteka» stadionida, dengiz sathidan 2000 metr balandlikda bo‘lib o‘tgan uchrashuv asabiy tarzda boshlandi. Hali 1-daqiqadayoq angliyaliklar yarim himoyachisi Deklan Rays hakam tomonidan sariq kartochka bilan ogohlantirildi.

Uchrashuvning borishini 36-daqiqada Jud Bellingem o‘zgartirib yubordi. Bukayo Sakaning uzatmasidan unumli foydalangan futbolchi hisobni ochdi. Oradan bor-yo‘g‘i ikki daqiqa o‘tib, Harri Keynning uzatmasini golga aylantirgan Bellingem dubl qayd etdi va jamoasining ustunligini mustahkamladi.

Biroq meksikaliklar taslim bo‘lishni xohlashmadi. 42-daqiqada Xulian Kinyones hisobdagi farqni qisqartirishga muvaffaq bo‘ldi – 1:2. Ikkinchi bo‘limning 54-daqiqasida...

O‘zbekistonning besh hududida giyohvandlik vositalari va kannabis o‘simliklarini noqonuniy saqlash hamda yetishtirish bilan bog‘liq holatlar aniqlandi. Bu haqda DXX xabar bermoqda.

Namanganda marixuana va kannabis aniqlandi

Namangan viloyatining Norin tumanida 1961-yilda tug‘ilgan fuqaroning yashash xonadoni ko‘zdan kechirilganda, u 1 kg 595 gr marixuanani kelgusida sotish maqsadida saqlab kelgani ma’lum bo‘ldi. Giyohvandlik vositasi protsessual tartibda rasmiylashtirib olindi.

Shuningdek, Chortoq tumanida o‘tkazilgan tezkor tadbirda 1973-yilda tug‘ilgan shaxs o‘ziga tegishli qo‘shimcha tomorqada 839 tup kannabis o‘simligini ekib, parvarishlab kelgani aniqlandi.

Samarqandda geroin musodara qilindi

Samarqand viloyatining Urgut tumanida yashovchi 1995-yilda tug‘ilgan shaxs Toyloq tumani hududida avtomashinada harakatlanayotgan vaqtida to‘xtatilib, tekshiruvdan o‘tkazildi...

Jahon chempionatining 1/8 final bosqichida Norvegiya terma jamoasi Braziliya ustidan 2:1 hisobida ishonchli g‘alabaga erishdi. Uchrashuv qahramoni Erling Holand o‘yin oxirida dubl qayd etib, jamoasini chorak finalga olib chiqdi.

Uchrashuvning dastlabki daqiqalaridanoq har ikki jamoa ehtiyotkor o‘yin namoyish etdi. Braziliyaliklar ko‘proq to‘p nazoratiga ega bo‘lishgan bo‘lsa-da, Norvegiya himoyachilari raqib hujumchilariga bo‘sh hududlar qoldirishmadi.

O‘yinning 14-daqiqada Braziliya terma jamoasi a’zosi Bruno Gimaraes penalti tepish huquqini qo‘lga kiritdi. Biroq braziliyalik yarim himoyachining zarbasini norvegiyaliklar posboni bartaraf etdi.

Ikkinchi taymning 79-daqiqasida yevropaliklar kutilmaganda oldinga chiqib oldi. Sheldrup qanotdan yorib kirib jarima maydonchasiga to‘p uzatdi. Ikkinchi qavatda Gabrielni yengib chiqqan Erling Holand boshi...

Kursiv Uzbekistan 29-iyun va 5-iyul davomida O‘zbekiston va xorij maydoniyda yuz bergan yangiliklarni eng muhimlarini bir joyga jamladi.

Chevrolet Onix avtomobilining narxi pasaydi

General Motors kompaniyasi Braziliyada Chevrolet Onix 1.0 modeli uchun maxsus chegirma e’lon qildi. Kompaniya rasmiy taklifiga ko‘ra, avtomobilning boshlang‘ich narxi 103 890 realdan 84 190 realgacha tushirilgan.

Chegirma Onix 1.0 mexanik uzatmali versiyasiga tegishli. Gap 2026/2027 model yili, Branco Summit oq rangdagi avtomobil haqida bormoqda. Taklif Chevrolet’ning Braziliyadagi to‘g‘ridan to‘g‘ri savdo segmenti doirasida, xususan, taksi yo‘nalishi uchun amal qiladi.

Elektr ta’minoti tizimida noqonuniy holatlar aniqlandi

Surxondaryo va Andijon viloyatlarida elektr ta’minoti...

Mashhur «Forsaj» franshizasining yakuniy qismi – «Forsaj abadiy» (Fast X: Part 2 / Fast Forever) filmini suratga olish ishlari rasman boshlandi. Bu haqda bosh rol ijrochisi Vin Dizel ma’lum qildi.

Premyera 2028-yilga rejalashtirilgan

Franshizaning 11-qismi bo‘ladigan film 2028-yil 17-mart kuni kinoteatrlarda namoyish etilishi rejalashtirilgan. Mazkur kartina 2001-yilda boshlangan afsonaviy «Forsaj» filmlar turkumiga yakun yasaydi.

Vin Dizel muxlislarga murojaat qildi

Aktyor suratga olish maydonchasidan murojaat qilib, jamoa so‘nggi uch yarim yil davomida final qismni munosib yakunlash uchun tinimsiz mehnat qilganini aytdi. Shuningdek, u franshiza muxlislariga ko‘p yillik qo‘llab-quvvatlovi uchun minnatdorlik bildirdi.

Energetika vazirligida o‘tkazilgan kengaytirilgan yig‘ilishda sohada korrupsiyaga qarshi kurashni kuchaytirish bo‘yicha qat’iy choralar belgilandi. Bu haqda vazirlikning kengaytirilgan yig‘ilishida ma’lum qilindi.

Unda Prezident Administratsiyasi, Bosh prokuratura, tegishli vazirlik va idoralar, energetika tizimi korxonalari hamda mahalliy hokimliklar rahbarlari ishtirok etdi.

Korrupsiyaga nisbatan murosasiz yondashuv

Yig‘ilishning asosiy mavzularidan biri korrupsiyaga qarshi kurash bo‘ldi. Ta’kidlanishicha, korrupsiya jinoyati uchun sudlangan barcha xodimlar energetika tizimidan bo‘shatiladi.

Shuningdek, sohadagi korrupsiyaviy xavf-xatarlarni aniqlash va ularni bartaraf qilish bilan shug‘ullanuvchi maxsus Kengash tashkil etilishi ma’lum qilindi.

Bundan tashqari, Surxondaryo va Qashqadaryo viloyatlaridagi energetika korxonalari rahbarlari to‘liq attestatsiyadan o‘tkaziladi.

Yozgi yuklamaga tayyorgarlik kuchaytiriladi

Yig‘ilishda jazirama kunlarda...

Xitoyda hissiy muloqot qilishga mo‘ljallangan odamsimon robot-kompanionlar bozori jadal rivojlanayotgani sababli, ushbu yo‘nalishni tartibga solishga qaratilgan yangi tashabbus ilgari surildi. Mazkur tashabbus Xitoy odamsimon robotlar assotsiatsiyasi va Xitoy Mashinasozlik sanoati federatsiyasi tomonidan e’lon qilindi.

Xavfsizlik va axloqiy me’yorlarga alohida e’tibor

Tashabbusga ko‘ra, odamsimon robotlarni loyihalash, ishlab chiqish, reklama qilish va amaliyotga joriy etish jarayonlarida xavfsizlik hamda axloqiy me’yorlar ustuvor bo‘lishi kerak.

Shuningdek, ishlab chiquvchilarga foydalanuvchilarning shaxsiy ma’lumotlari va maxfiyligini ishonchli himoya qilish, mahsulotlardan xavfsiz foydalanishni ta’minlash hamda foydalanuvchilarga zarar yetkazish xavfini kamaytirish bo‘yicha qat’iy talablar qo‘yilmoqda.

Ilmiy tadqiqotlar va innovatsiyalarga sarmoya oshiriladi

Tashabbusda robototexnikaning asosiy texnologiyalarini rivojlantirish...

Kompakt smartfonlarga bo‘lgan qiziqish pasayib borayotgan bir paytda, yirik ishlab chiqaruvchilar katta ekranli va buklanuvchi smartfonlar ustida faol ishlamoqda. Bu haqda ishonchli insayder Panda is Bald ma’lum qildi.

Vivo va Honor 7 dyuymli smartfonlarni sinovdan o‘tkazmoqda

Insayderning ma’lumotiga ko‘ra, Vivo kichik planshet ishlab chiqish bilan birga, taxminan 7 dyuymli displeyga ega smartfonni ham sinovdan o‘tkazmoqda.

Shunga o‘xshash loyihalar Honor kompaniyasida ham olib borilmoqda. Kompaniya ixcham planshet, katta ekranli smartfon va keng formatli buklanuvchi qurilmalarni ishlab chiqayotgani aytilmoqda.

Xiaomi, Redmi va Oppo ham yangi qurilmalarni tayyorlamoqda

Xabarga ko‘ra, Oppo yangi avlod keng ekranli buklanuvchi smartfon ustida ishlamoqda.

Xiaomi...

O‘zbekiston milliy terma jamoasi hamda professional futboldagi iste’dodli yarim himoyachilardan biri Abbosbek Fayzullayev hayotidagi muhim voqeani nishonlamoqda. 23 yoshli futbolchining 4-iyul kuni ijtimoiy tarmoqlarda tarqalgan videolarida nikoh to‘yi oldidan nahorgi osh marosimini o‘tkazib, rasman oila qurayotganini ko‘rish mumkin.

Futbolchining hayotida yangi bosqich

Yosh bo‘lishiga qaramay, Abbosbek Fayzullayev so‘nggi yillarda o‘zining yorqin o‘yini, yuqori texnik mahorati va mehnatsevarligi bilan nafaqat O‘zbekiston, balki xalqaro futbol muxlislari e’tiborini ham qozondi. Endilikda u sportdagi faoliyati...

5-iyuldan texnikumni muvaffaqiyatli tamomlagan bitiruvchilarni oliy ta’lim muassasalarining bakalavriat yo‘nalishlariga 2-bosqichdan o‘qishga qabul qilish uchun arizalar qabul qilina boshladi. Bu haqda Oliy ta’lim vazirligi xabar berdi.

Nomzodlar hujjatlarini 25-iyulga qadar (shu kuni ham) my.edu.uz platformasi orqali onlayn topshirishlari mumkin. Ariza berishda diplomning asl nusxasini taqdim qilish talab etilmaydi – shaxsni tasdiqlovchi ma’lumotlar kiritilgach, qolgan zarur ma’lumotlar tizim tomonidan avtomatik shakllantiriladi.

Kimlar hujjat topshirishi mumkin

Suhbat asosida qabulda texnikumni yuqori natijalar bilan tamomlagan bitiruvchilar qatnashishi mumkin. Buning uchun o‘qish davomidagi baholar, asosan, «4» va «5» bo‘lishi, ularning kamida 50 foizi «5» (tibbiyot yo‘nalishlarida esa 85 foizi)ni tashkil qilishi lozim.

Surxondaryo viloyatida davlat chegarasi orqali giyohvandlik vositalarini olib o‘tishga qaratilgan navbatdagi noqonuniy urinishning oldi olindi. Bu haqda Davlat xavfsizlik xizmati ma’lum qildi.

Ma’lumotlarga ko‘ra, Afg‘oniston hududidan noma’lum shaxslar Amudaryo orqali uchuvchisiz uchish apparati (dron) yordamida narkotik moddani O‘zbekistonga olib o‘tishga harakat qilgan.

Chegara qo‘shinlari va ichki ishlar organlari hamkorligida o‘tkazilgan tezkor tadbir davomida dron to‘xtatilib, unga mahkamlangan 2 kilogramm 32 gramm opiy musodara qilindi.

Mazkur holat yuzasidan jinoyat ishi qo‘zg‘atilgan. Hozirda voqeaga aloqador shaxslarni aniqlash va barcha holatlarga huquqiy baho berish yuzasidan tergov harakatlari davom etmoqda.

Avvalroq Kursiv Uzbekistan Toshkentda qariyb 3 tonna giyohvandlik vositalari yo‘q qilingani haqida...

General Motors 2027-yilgi Chevrolet Corvette Stingray modelini taqdim etdi. Bu haqda kompaniya rasmiy sahifasida ma’lum qildi.

Yangilangan sport avtomobili 322 km/soat (200 mil/soat) tezlik marrasini bosib o‘tishga muvaffaq bo‘ldi va shu bilan bunday tezlikka erisha oladigan eng arzon yangi superkar maqomini qo‘lga kiritdi.

Yangi Corvette Stingray AQSh bozorida $73 495 boshlang‘ich narxda sotuvga chiqariladi. Hozircha bozorda 200 mil/soat tezlikka chiqa oladigan va undan arzonroq narxda taklif etilayotgan boshqa yangi...

Yevropada iyun oyining oxirida kuzatilgan rekord darajadagi issiq ob-havo oqibatida kamida 3,7 ming kishi muddatidan oldin vafot etgan. Bu haqda Reuters agentligi xabar berdi.

Ma’lumotlarga ko‘ra, 20 – 28-iyun kunlari Fransiya, Belgiya va Niderlandiyada kuzatilgan anomal issiq elektr ta’minotidagi uzilishlar, yo‘llar va temiryo‘l infratuzilmasiga zarar yetishi, shuningdek, shifoxonalarga murojaatlar keskin ortishiga sabab bo‘lgan. Olimlar bu holatni iqlim o‘zgarishi bilan bog‘lamoqda.

Eng ko‘p qurbon Fransiyada

Fransiya sog‘liqni saqlash vaziri Stefani Ristning ma’lum qilishicha, mamlakatda issiq tufayli 2 025 kishi bevaqt hayotdan ko‘z yumgan. Qurbonlarning asosiy qismini 45 yoshdan oshganlar tashkil qilgan.

22 – 28-iyun kunlari uy sharoitida qayd etilgan...

Toshkent shahrida rekonstruksiya qilinishi rejalashtirilgan 212 ta avtobus bekati poytaxt hokimligi tasarrufiga o‘tkaziladi. Bu bo‘yicha Toshkent shahri hokimi Shavkat Umurzoqov tegishli qarorni imzoladi.

Qarorga muvofiq, bekatlar joylashgan 177 ta yer uchastkasi hokimlikka doimiy foydalanish huquqi bilan rasmiylashtiriladi. Bekatlar hududidagi inshootlar esa hokimlik mulkiga o‘tkaziladi.

Ma’lum qilinishicha, hokimlik balansiga o‘tadigan bekat majmualarining umumiy maydoni 8 884 kvadrat metrni tashkil etadi. Ayrim hududlarda bir nechta obyekt rekonstruksiya qilinadi.

Qaysi tumanlarda ko‘proq bekatlar yangilanadi

Rekonstruksiya ishlari eng ko‘p quyidagi tumanlarni qamrab oladi:

Shuningdek...

Davlat tibbiyot muassasalarida kamida 15 yil ish stajiga ega bo‘lgan tibbiyot va farmatsevtika xodimlarini uy-joy bilan ta’minlash uchun ipoteka kreditining dastlabki badalining bir qismini qoplab berish tartibi tasdiqlandi. Bu haqda hukumat qarori e’lon qilindi.

Yangi tartibga ko‘ra, fuqaro ro‘yxatdan o‘tgan hududidan qat’i nazar, O‘zbekistonning istalgan hududidan subsidiya dasturi doirasida birlamchi uy-joy bozoridan ipoteka krediti asosida uy sotib olishi mumkin.

Ariza qanday topshiriladi

Subsidiya olish istagidagi fuqarolar Davlat xizmatlari markazlari orqali yoki Yagona interaktiv davlat xizmatlari portali (my.gov.uz) orqali murojaat qilishi mumkin.

Kimlar subsidiya olishi mumkin

Ariza beruvchilar quyidagi talablarga javob berishi lozim:

5-iyul, yakshanba kuni O‘zbekistonning barcha hududlarida yog‘ingarchilik kutilmaydi. Bu haqda O‘zgidromet ma’lumotlari e’lon qilindi.

Hududlarning asosiy qismida shamol 7–12 m/s tezlikda esadi. Havo harorati 33–38 daraja, janubiy viloyatlarda esa 40 darajagacha issiq bo‘lishi prognoz qilinmoqda.

Toshkentda

Poytaxtda kun davomida yog‘ingarchilik kuzatilmaydi. Shamol 3–8 m/s tezlikda esadi. Havo harorati 34–36 daraja atrofida bo‘ladi.

Tog‘li hududlarda

Tog‘li hududlarda ham yog‘ingarchilik kutilmaydi. Shamol 7–12 m/s tezlikda esadi. Havo harorati 17–22 daraja bo‘lishi prognoz qilingan.

Avvalroq Kursiv Uzbekistan 4 – 6-iyul kunlari 9 ta viloyatda sel-suv toshqini xavfi borligi haqida yozgandi.

Jahon chempionatining 1/8 final bosqichida Fransiya terma jamoasi Paragvayga qarshi maydonga tushib, 1:0 hisobida zafar quchdi. Uchrashuv taqdirini 70-daqiqada Kilian Mbappe tomonidan kiritilgan yagona gol hal qildi.

Yevropa grandi va Janubiy Amerika vakili o‘rtasidagi uchrashuv o‘ta murosasiz kurashlar ostida kechdi. Birinchi bo‘limda jamoalar xavfli vaziyatlar yaratganiga qaramay, darvozalarga gol kiritilmadi. Paragvay terma jamoasi, asosan, himoyalanish bilan band bo‘ldi.

O‘yin taqdirini hal qilgan yagona va g‘alaba goli ikkinchi bo‘lim o‘rtalariga kelib kiritildi. 70-daqiqada Paragvay darvozasi tomon belgilangan 11 metrlik jarima zarbasini jamoa yetakchisi Kilian Mbappe xatosiz amalga oshirib, hisobni ochdi – 0:1.

Uchrashuvning qolgan daqiqalarida paragvayliklar qanchalik harakat qilishmasin, hisob...

Jahon chempionatining 1/8 final bosqichidan o‘rin olgan bahsda Marokash terma jamoasi Kanada vakillarini 3:0 hisobida mag‘lubiyatga uchratdi. Uchrashuv qahramoniga aylangan Azzedin Ounaxining dubli jamoasini musobaqaning chorak finaliga olib chiqdi.

Uchrashuvning birinchi bo‘limi o‘ta ehtiyotkorona va shiddatli kurashlarga boy tarzda o‘tdi. Hakam tomonidan tez-tez ko‘rsatilgan sariq kartochkalar o‘yin tempiga o‘z ta’sirini o‘tkazdi. Marokash va turnir mezbonlari safidan to‘rttadan, jami sakkizta futbolchi qoidabuzarlik uchun ogohlantirildi.

Ikkinchi taymda uchrashuvdagi burilish nuqtasi yuz berdi. 50-daqiqada Ashraf Hakimining aniq uzatmasidan so‘ng Azzedin Ounaxi raqib darvozasini ishg‘ol qilib, hisobni ochdi – 1:0.

Gol o‘tkazib yuborganidan so‘ng, Kanada vaziyatni o‘nglash uchun bor kuchini hujumga tashladi. Raqibning...

Chegaradan oʻtuvchi yuk mashinalari soni oshadi, Sergeli aholisini qiynayotgan badbo‘y hid muammosi hal qilinadi. Kursiv Uzbekistan 4-iyul kuni e’lon qilingan muhim yangiliklarni bir joyga jamladi.

2030-yilgacha chegaradan oʻtuvchi yuk mashinalari soni kuniga 10,5 mingtaga yetkaziladi

Oʻzbekistonda chegara bojxona postlarining oʻtkazuvchanlik quvvatini oshirish, yangi logistika markazlarini ishga tushirish va qoʻshni davlatlar bilan «yagona toʻxtash» tamoyilini joriy etish rejalashtirilmoqda.

Bojxona qoʻmitasi raisi Akmalxoʻja Mavlonovning Oʻzbekiston 24 telekanaliga bergan intervyusida ma’lum qilishicha, xorijiy davlatlar, xususan, qoʻshni mamlakatlar bilan savdo-iqtisodiy aloqalar kengaygani sari chegaradan oʻtayotgan transport vositalari oqimi ham keskin oshmoqda.

Yangi Sergeli ko‘chasida 18,7 mlrd so‘mlik savdo va xizmat ko‘rsatish hududi...

Prezident Shavkat Mirziyoyev AQSh prezidenti Donald Trampga mamlakat milliy bayrami – Mustaqillik kuni hamda ushbu sananing 250 yilligi munosabati bilan tabrik yo‘lladi.

Davlat rahbari o‘z maktubida Amerika xalqiga O‘zbekiston xalqi nomidan samimiy tabrik va ezgu tilaklarini bildirgan.

«Sizning dadil va shijoatli rahbarligingiz ostida AQSh iqtisodiy qudrati va ta’sirini yanada oshirib, global taraqqiyot hamda xavfsizlikni ta’minlashda muhim o‘rin tutmoqda», – deyiladi tabrikda.

Mirziyoyev O‘zbekiston va AQSh o‘rtasidagi munosabatlar o‘zaro hurmat, ishonch va mushtarak manfaatlar asosida yangi mazmun bilan boyib borayotganini ta’kidladi.

Maktubda o‘zaro savdo hajmini oshirish, qo‘shma investitsiya loyihalarini amalga oshirish, muhim mineral resurslar va...

O‘zbekistonda dollar kursi bu haftani (29-iyundan 3-iyulgacha bo‘lgan davr) pasayish bilan yakunladi. Haftaning ikkinchi kunida AQSh valyutasi qimmatlashgan bo‘lsa-da, keyingi uch kunda ketma-ket arzonlashdi.

29-iyun kuni dollar kursi 4,23 so‘mga tushib, 12 009,29 so‘mni tashkil qildi. 30-iyun kuni esa AQSh valyutasi 51,55 so‘mga oshib, 12 060,84 so‘mga yetdi. Bu mazkur davrdagi eng yuqori ko‘rsatkich bo‘ldi.

1-iyuldan dollar yana pasaya boshladi. Shu kuni kurs 51,57 so‘mga tushib, 12 009,27 so‘mni tashkil qildi. 2-iyul kuni pasayish davom etdi va dollar 75,03 so‘mga arzonlashib, 11 934,24 so‘mga tenglashdi.

3-iyul uchun e’lon qilingan kursga ko‘ra, AQSh valyutasi yana 24,58 so‘mga tushib...

Prezident Shavkat Mirziyoyev Sergeli va Yangihayot tumanlari aholisini qiynab kelayotgan badbo‘y hid muammosini 1-sentabrgacha bartaraf etish bo‘yicha topshiriq berdi.

4-iyul kuni davlat rahbari raisligida Toshkent shahri, xususan, Sergeli tumanini ijtimoiy-iqtisodiy rivojlantirish hamda mahallalarda xavfsiz muhit yaratish masalalariga bag‘ishlangan videoselektor yig‘ilishi bo‘lib o‘tdi.

Yig‘ilishda Sergeli va Yangihayot tumanlari aholisi uchun dolzarb bo‘lib kelayotgan masalalardan biri – suv tozalash inshooti atrofidagi badbo‘y hid ekani qayd etildi. Mutasaddilarga 1-sentabrgacha oqova suv qabul qilish inshootiga zamonaviy filtrlash uskunalarini o‘rnatib, muammoni bartaraf etish topshirildi.

Shuningdek, kelasi yildan Birlashgan Arab Amirliklaridagi hamkorlar bilan Quyi Chirchiq tumanida quvvati 300 ming kub metr bo‘lgan zamonaviy suv tozalash...