Yangiliklar

Toshkent viloyatining Quyi Chirchiq tumanida fuqarolarga ajratilgan imtiyozli kredit mablag‘larini o‘zlashtirish bilan bog‘liq holat aniqlandi. Bu haqda Bosh prokuratura huzuridagi Departament ma’lum qildi.

Dastlabki tekshiruvga ko‘ra, «Oydinobod» mahalla fuqarolar yig‘ini hokim yordamchisi to‘rt nafar fuqaroning ishonchiga kirib, ularning nomiga kredit ajratilishiga erishgan.

Fuqarolar mahallada yashovchi sifatida ko‘rsatilgan

Departament ma’lumotiga ko‘ra, mazkur fuqarolar aslida Oydinobod mahallasi hududida yashamagan. Shunga qaramay, hokim yordamchisi bankka taqdim etilgan tavsiyanomalarda ularni ushbu mahallada istiqomat qiluvchi fuqarolar sifatida ko‘rsatgan. Shu asosda jami 130,2 mln so‘m imtiyozli kredit mablag‘i ajratilgan.

Tergovga qadar tekshiruvda ushbu mablag‘lar hokim yordamchisi tomonidan o‘z ehtiyojlari uchun sarflab yuborilgani aniqlangani qayd...

Migratsiya agentligi fuqarolarni Qatar davlatidagi Ulta Beauty do‘konlarida ishlash uchun tanlovda qatnashishga taklif qildi. Bu haqda agentlik Telegram kanalida ma’lum qilindi.

Vakansiyalar savdo, kosmetika, mijozlarga xizmat ko‘rsatish va do‘kon boshqaruvi yo‘nalishlarini qamrab oladi. Taklif etilayotgan oylik maoshlar lavozimga qarab $1,45 mingdan $5,5 minggacha yetadi.

Arizalar 29-avgustga qadar qabul qilinadi. Tanlovda talablarni qanoatlantirgan erkak va ayollar ishtirok etishi mumkin.

Eng yuqori maosh $5,5 mingni tashkil etadi

Eng yuqori ish haqi do‘kon bosh menejeri lavozimi uchun taklif qilinmoqda – oyiga $5,5 ming. Do‘kon menejeri o‘rinbosari oyiga $4 ming, mijozlarga xizmat ko‘rsatish menejeri $3,85 ming, bo‘lim menejeri esa $3,05 ming maosh...

Eron parlamenti deputatlari mamlakatning Yadro qurolini tarqatmaslik to‘g‘risidagi shartnoma (NPT)dan chiqishi mumkinligi haqidagi masalani yana ko‘tardi. Bu haqda DW xabar berdi.

Eron parlamenti deputati G‘osim Ravonbaxsh mamlakatning NPTdan chiqishi bo‘yicha taklif kiritilgani va u ko‘rib chiqilayotganini ma’lum qildi. Parlamentning Milliy xavfsizlik va tashqi siyosat komissiyasi a’zosi Ibrohim Rizoiy esa bunday qadam AQShning kuchayayotgan iqtisodiy bosimiga «eng yaxshi javob» bo‘lishi mumkinligini aytdi.

Biroq Tehronda bu g‘oya yangilik emas. Eron rasmiylari G‘arb davlatlari bilan munosabatlar keskinlashgan davrlarda shartnomadan chiqish imkoniyatini bir necha bor tilga olgan. Hozircha mamlakat rahbariyati, haqiqatan ham, bu qadamga tayyorlanayotgani yoki faqat muzokaralarda bosimni oshirishga urinayotgani aniq emas.

Qozog‘istonlik shaxmatchi Bibisara Asubayeva yangi Total Chess World Championship Tour turnirida dunyoning eng kuchli shaxmatchilari, jumladan, FIDE reytingi yetakchisi Magnus Karlsen bilan birga ishtirok etadi.

Ilk bor o‘tkaziladigan musobaqa 10 – 21-noyabr kunlari Vengriyaning Budapesht shahrida tashkil qilinadi. Unda jami 24 nafar grossmeyster qatnashishi rejalashtirilgan.

Uch xil formatda bahs olib boriladi

Turnir ishtirokchilari bir vaqtning o‘zida uch yo‘nalishda – blits, rapid va Fast Classic formatlarida kuch sinashadi. Yakuniy g‘olib barcha uch formatda to‘plangan ochkolar yig‘indisiga ko‘ra aniqlanadi.

Shu tariqa shaxmatchilar nafaqat klassik bahslarda, balki vaqt qisqa bo‘lgan tezkor formatlarda ham o‘z mahoratini namoyish etishi kerak bo‘ladi.

1972-yilda ishlab chiqarilgan va 2022-yilgi SEMA ko‘rgazmasi uchun deyarli boshqatdan qurilgan Chevrolet K5 Blazer auksionga qo‘yildi. Bu haqda Auto.ru nashri xabar bermoqda.

Ringbrothers ustaxonasi yaratgan «Bully» nomli restomod sentabr oxirida Mecum auksionida sotuvga chiqariladi. Avtomobilni yaratishga 8,5 ming soatdan ortiq vaqt sarflangan.

K5 Blazer 26-sentabr kuni AQShning Nashville shahrida o‘tkaziladigan auksionda savdoga qo‘yiladi. Mecum hozircha avtomobilning taxminiy sotuv narxini ochiqlamagan.

Deyarli butun avtomobil qaytadan qurilgan

Loyiha uchun asos sifatida 1972-yilgi Chevrolet K5 Blazer olingan. Biroq avtomobilning original holatidan juda kam qism saqlanib qolgan. Kuzov, shassi, osma, kuch uzatish tizimi va salon chuqur qayta ishlangan.

Roadster Shop mutaxassislari avtomobil...

Tijorat banklari tomonidan 26-avgust kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 26-avgust uchun valyutalar kursi e’lon qilingani haqida yozgan edi.

Ozarbayjonning «Sabah» klubi Yevropa Chempionlar ligasi saralash pley-off bosqichida dramatik g‘alabaga erishib, turnirning asosiy bosqichiga yo‘llanmani qo‘lga kiritdi. Jamoa javob uchrashuvida Isroilning «Hapoel» klubini qo‘shimcha bo‘limlarda 5:2 hisobida mag‘lub etdi.

Bakuda kechgan uchrashuvda mezbonlar dastlabki o‘yindagi 1:2 hisobidagi mag‘lubiyatni qoplash uchun maydonga tushdi. Biroq bahs «Sabah» uchun yaxshi boshlanmadi. 10-daqiqada Zlatanovich mehmonlarni oldinga olib chiqdi.

Rahmonaliyev «Sabah»ni o‘yinga qaytardi

38-daqiqada Nvachukvu hisobni tenglashtirib, mezbonlarning imkoniyatini saqlab qoldi. Ammo 61-daqiqada Mizrahi yana «Hapoel»ni oldinga olib chiqdi.

Shundan so‘ng o‘yinda O‘zbekiston terma jamoasi futbolchisi Umarali Rahmonaliyevning hissasi katta bo‘ldi. 74-daqiqada yarim himoyachi raqib darvozasini ishg‘ol qilib, hisobni...

Bugungi kunda Jorjina Rodriges va Krishtianu Ronaldu dunyodagi eng mashhur juftliklardan biri. Kursiv Uzbekistan juftlikning tanishuvi va munosabatlarining qanday boshlanishi haqida so‘z yuritadi.

Ularning munosabatlari qizil gilam yoki hashamatli tadbirda emas, Madriddagi oddiy ish kunida boshlangan. Jorjina o‘sha paytda Gucci do‘konida sotuvchi-maslahatchi, Ronaldu esa «Real Madrid»ning asosiy yulduzlaridan biri edi. 2026-yilda juftlikning o‘zi Vogue nashriga bergan intervyusida ilk uchrashuv 2016-yil 11-avgustda bo‘lganini aniqlashtirdi. Oradan roppa-rosa o‘n yil o‘tib, ular aynan shu sanani nikoh kuni sifatida tanladi.

Uchrashuvga sabab bo‘lgan tasodif

2016-yilning avgustida Jorjina Rodriges 22 yoshda edi. U Angliyada enaga bo‘lib ishlaganidan so‘ng Ispaniyaga qaytib, Madridning Serrano ko‘chasidagi...

Kanada AQShdan import qilinadigan qariyb $20 mlrdlik tovarlarga javob bojlarini joriy etadi. Yangi tariflar 8-sentabrdan kuchga kiradi. Bu haqda Reuters xabar berdi.

Kanada hukumati AQShning qariyb 700 turdagi mahsulotiga 15, 25 va 50 foizlik boj belgilaydi. Rasmiylar bu choralarni Vashington tomonidan Kanada mahsulotlariga joriy etilgan yangi tariflarga teng miqdordagi javob sifatida izohladi.

Eng yuqori boj po‘lat va alyuminiyga qo‘llanadi

Kanada AQShdan olib kiriladigan po‘lat, alyuminiy, mebel va kiyim-kechak mahsulotlariga 50 foizlik boj joriy etadi. Pishloq, maishiy texnika hamda ayrim dengiz mahsulotlari uchun tarif 25 foizni tashkil qiladi.

Elektronika va asbob-uskunalar esa 15 foizlik bojga tortiladi. Tariflar ro‘yxatiga, shuningdek...

2026-yilning yanvar – iyun oylarida axborot-kommunikatsiya texnologiyalari (AKT) xizmatlarining O‘zbekiston yalpi ichki mahsulotidagi ulushi 2,9 foizni tashkil etdi. Bu haqda Milliy statistika qo‘mitasi ma’lum qildi.

Mazkur ko‘rsatkich so‘nggi yillarda izchil o‘sib bormoqda. 2024-yilning birinchi yarmida AKT xizmatlarining YaIMdagi ulushi 2,4 foizni tashkil etgan bo‘lsa, 2025-yilning shu davrida 2,8 foizga yetgan. 2026-yil yanvar – iyun oylarida esa ko‘rsatkich yana 0,1 foiz bandga oshdi.

AKT xizmatlarida 30,3 trln so‘mlik qiymat yaratildi

Hisobot davrida AKT xizmatlari sohasida yaratilgan yalpi qo‘shilgan qiymat hajmi 30,3 trln so‘mni tashkil etdi.

Uning eng katta qismi kompyuter dasturlashtirish, maslahat berish va boshqa yordamchi xizmatlar hissasiga to‘g‘ri...

Armanistonning sobiq prezidenti Robert Kocharyan va uning katta o‘g‘li Sedrak Kocharyan korrupsiyaga oid jinoyat ishi doirasida ushlandi. Bu haqda Euronews xabar bermoqda.

Huquqni muhofaza qiluvchi organlar Kocharyanlar oilasi biznesiga aloqador o‘nlab manzillarda tintuv o‘tkazgan.

Armaniston Bosh prokuraturasi 71 yoshli sobiq davlat rahbariga nisbatan jinoiy ta’qib boshlanganini ma’lum qildi. U mansab vakolatlarini suiiste’mol qilish, pora olish va juda katta miqdordagi pullarni legallashtirishda gumon qilinmoqda.

Ish bo‘yicha o‘n kishi gumon qilinmoqda

Armaniston Korrupsiyaga qarshi kurash qo‘mitasi ma’lumotiga ko‘ra, Kocharyan va uning o‘g‘lidan tashqari yana to‘rt kishi ushlangan. Tergov doirasida jami o‘n kishi gumon qilinmoqda.

Tergov versiyasiga ko‘ra, Kocharyan...

Samsung Buyuk Britaniyada Samsung Galaxy S26 Ultra smartfoni uchun yangi chegirmalarni taklif qilmoqda. Bu haqda Sammobile nashri xabar bermoqda.

Aksiya doirasida qurilmani 150 funt sterling arzonroq xarid qilish, eski smartfonni topshirish orqali qo‘shimcha chegirma olish hamda Samsung Care+ xizmatiga ulanishda bepul magnitli g‘ilofga ega bo‘lish mumkin.

Narx 1 129 funt sterlinggacha tushadi

Galaxy S26 Ultra’ning 256 GB xotirali versiyasi Buyuk Britaniyada odatda 1 279 funt sterlingdan sotiladi. Amaldagi 150 funt sterlinglik chegirma hisobiga uning boshlang‘ich narxi 1 129 funt sterlinggacha tushadi.

Samsung ushbu chegirma uchun ULTRA1 promokodini taklif qilmoqda. Ayrim hollarda chegirma Samsung internet-do‘konida avtomatik ravishda ham qo‘llanishi...

Namangan viloyatining Pop tumanida fuqarolarning xonadoniga tabiiy gaz tarmog‘ini tortib kelish va tegishli ruxsatnomalarni olib berishni va’da qilib, $2,1 ming talab qilgan shaxslar ushlandi. Bu haqda Bosh prokuratura huzuridagi Departament xabar berdi.

$1,9 ming olayotganda ushlandi

Departamentning Pop tumani bo‘limi va boshqa huquqni muhofaza qiluvchi organlar hamkorligida tezkor tadbir o‘tkazilgan.

Ma’lum qilinishicha, tuman gaz ta’minoti tashkiloti operatori hamda ilgari sudlangan yana bir fuqaro ikki kishining xonadoniga tabiiy gaz tarmog‘ini tortib kelish va buning uchun ruxsatnoma olib berishni va’da qilgan.

Ular bu ishni yuqori lavozimlarda ishlovchi tanishlari orqali hal qilib berishini aytib, buning evaziga jami $2,1 ming talab etgan.

2024 – 2026-yillarda ishlab chiqarilgan ayrim Chevrolet Equinox avtomobillarida dvigatelning qizib ketishi, sovitish ventilyatorining ishlamasligi hamda konditsioner faoliyatidagi nosozliklar bitta detal bilan bog‘liq bo‘lishi mumkin. Bu haqda General Motors’ning texnik xizmat ko‘rsatish bo‘yicha yangi hujjatiga tayanib GM Authority xabar berdi.

Muammo 1,5 litrli turbomotorli LSD I4 dvigateli bilan jihozlangan ayrim Equinox avtomobillariga taalluqli. Nosozlik yuz berganda avtomobil elektron tizimida P0494 diagnostika kodi ham paydo bo‘lishi mumkin. Ushbu kod sovitish ventilyatori belgilanganidan past tezlikda ishlayotganini anglatadi.

Muammo sovitish ventilyatorida bo‘lishi mumkin

Chevrolet Equinox’ning LSD dvigatelida elektron boshqaruv moduliga ega elektr sovitish ventilyatori qo‘llaniladi. Dvigatel boshqaruv bloki ventilyatorning ishlash tezligini...

Husanovning xatosi, Trampning o‘g‘li uchun 10 mln dollar mukofot — 25-avgust kuni e’lon qilingan yangiliklar Kursiv Uzbekistan dayjestida.

Husanovning xatosi «Manchester Siti»ga qimmatga tushayozdi

«Manchester Siti» Angliya Premyer-ligasining navbatdagi turida «Bornmut» ustidan qiyin g‘alabaga erishdi. Uchrashuvning asosiy qahramonlari Mark Gehi va Yoshko Gvardiol bo‘ldi. The Guardian nashri «Siti»ning xatosiga sababchi qilib Abduqodir Husanov va Ruben Diashni ko‘rsatdi.

«Bornmut» uzoq vaqt davomida hisobda oldinda borib, «Manchester Siti» ustidan tarixidagi ilk safar g‘alabasiga yaqin turgandi. Biroq uchrashuv yakuniga kelib, mezbonlar vaziyatni o‘zgartirishga muvaffaq bo‘ldi.

Rossiyalik shaxmatchilarning Samarqandga kelishi taqiqlandi

Xalqaro shaxmat federatsiyasi (FIDE) prezidenti kengashi rossiyalik grossmeysterlarni Samarqandda o‘tkaziladigan Butunjahon shaxmat olimpiadasida ishtirok etishga qo‘ymadi. Bu haqda Rossiya...

26-avgust kuni O‘zbekiston bo‘ylab havo biroz bulutli bo‘ladi, yog‘ingarchilik kutilmaydi. «O‘zgidromet»ga ko‘ra, kunduzgi harorat hududlarga qarab 32–40 daraja, kechasi esa 17–23 daraja atrofida bo‘ladi.

Janubda harorat 40 darajagacha ko‘tariladi

Qashqadaryo va Surxondaryo viloyatlarida kunduzgi harorat 35–40 daraja, kechasi 18–23 daraja bo‘ladi. Shamol sharqdan 7–12 m/s tezlikda esadi.

Toshkent, Sirdaryo, Jizzax va Samarqand viloyatlarida havo harorati kunduzi 32–37 daraja, kechasi 17–22 darajani tashkil etadi.

Andijon, Namangan va Farg‘ona viloyatlarida ham yog‘ingarchilik kutilmaydi. Harorat kunduzi 32–37 daraja, kechasi 17–22 daraja bo‘ladi.

Buxoro va Navoiyda shamol kuchayadi

Buxoro va Navoiy viloyatlarida shamol sharqdan 9–14 m/s tezlikda esadi. Harorat kunduzi...

Toshkent shahar hokimligi shahar va tuman hokimliklari, boshqarmalar hamda ularga qarashli bo‘linmalarda ish vaqtini soat 8:00 dan 17:00 gacha etib belgilashni taklif qilmoqda. Taklif jamoatchilik muhokamasiga qo‘yildi, so‘rovnoma natijalari 28-avgust kuni e’lon qilinadi.

Bunda ish kunining umumiy davomiyligi o‘zgarmaydi. Ya’ni xodimlar faqat ishni bir soat ertaroq boshlaydi va bir soat ertaroq tugatadi.

Hokimlikning tushuntirishicha, hozir ko‘plab ijtimoiy muassasalar, davlat tashkilotlari va korxonalarda ish kuni soat 8:00 da boshlanadi. Shu sababli shahar xizmatlarining ham ayni vaqtdan boshlab fuqarolarga xizmat ko‘rsatishga tayyor bo‘lishi maqsadga muvofiq deb hisoblanmoqda.

Transport tirbandligini kamaytirish maqsad qilingan

Yo‘l harakatini tashkil etish markazi o‘tkazgan tahlilga ko‘ra...

Transport vazirligi xalqaro avtomobil tashuvlari uchun xorijiy davlatlarning ruxsatnomalarini taqsimlash tizimi yuzasidan bildirilgan e’tirozlarga munosabat bildirdi. Vazirlikka ko‘ra, taqchil ruxsatnomalar tashuvchilarning reytingi asosida avtomatik taqsimlanadi, Rossiya va Belarus bilan esa E-Permit tizimini 2026-yil oxirigacha joriy etish rejalashtirilgan.

Reyting mansabdor shaxs tomonidan belgilanmaydi

Xorijiy va ko‘p tomonlama ruxsatnomalarni taqsimlash Vazirlar Mahkamasining 2026-yil 25-martdagi 114-son qarori asosida amalga oshiriladi. Tashuvchilar ruxsatnomalarni elektron tizim orqali bron qiladi va ularga ariza beradi. Taqchil ruxsatnomalardan foydalanish imkoniyati esa tashuvchining reyting ko‘rsatkichiga bog‘liq.

Transport vazirligining ta’kidlashicha, ushbu reyting mansabdor shaxs qarori bilan emas, axborot tizimidagi ma’lumotlar va belgilangan mezonlar asosida avtomatik shakllantiriladi. Shu sababli...

O‘zbekistonda Mustaqillikning 35 yilligi arafasida umumiy qiymati qariyb 50 trln so‘mlik 163 ta yangi obyekt foydalanishga topshirildi. Shavkat Mirziyoyev ishtirokida hududlardagi yangi obyektlarni ishga tushirish marosimi bo‘lib o‘tdi.

Davlat rahbari so‘nggi o‘n yilda O‘zbekiston iqtisodiyoti hajmi 2,5 barobardan ziyod oshganini ta’kidladi. Shu davrda iqtisodiyotga $160 mlrd xorijiy investitsiya jalb qilingan, umumiy qiymati $76 mlrdlik 2,2 mingta yirik sanoat loyihasi ishga tushirilgan.

Qariyb 6 mln aholi doimiy ish o‘rni bilan ta’minlangan.

«Biz xomashyo eksport qilgan davlatdan uni chuqur qayta ishlash zanjiri asosida tayyor mahsulotni jahon bozoriga olib chiqadigan iqtisodiyotga o‘tyapmiz», – dedi Shavkat Mirziyoyev.

Joriy...

O‘zbekistonlik bloger, vayner va xonanda Liil Huramov taxallusi bilan tanilgan Ozod turmush o‘rtog‘i Lera bilan yangi oilaviy videosini Instagram sahifasida e’lon qildi. Avvalroq juftlik turmush qurgani ma’lum bo‘lgan edi. Hozircha ijtimoiy tarmoqlarda katta to‘y marosimiga oid foto yoki videolar tarqalmagan.

Liil Huramov Instagram sahifasida rafiqasi Lera bilan birga tushgan oilaviy videoni obunachilariga namoyish qildi.

Avvalroq bloger juftlikning to‘yga tayyorgarlik jarayonlarini ham ulashgan edi. Xususan, Lera bilan kelinlik libosini tanlash jarayoni, shuningdek, kelinning barmog‘idagi 3 karatli uzuk aks etgan suratlar e’lon qilingan.

Bloger uzuk haqidagi suratga hazil tariqasida:

«Bitta...

«O‘zbekneftgaz» AJ 1 – 24-avgust kunlari yettita yangi va mukammal ta’mirdan chiqarilgan sakkizta quduqni ishga tushirdi. Natijada kuniga jami qariyb 2 mln kub metr qo‘shimcha tabiiy gaz qazib chiqarish imkoniyati yaratildi. Kompaniya sovuq mavsum boshlanishidan oldin yana bir qator quduqlarni ishga tushirish va ishlab chiqarishdagi avariyalarni kamaytirishni rejalashtirmoqda.

Yangi quduqlar kuniga 1,7 mln kub metr gaz bermoqda

Avgust oyida ishga tushirilishi rejalashtirilgan 11 ta yangi quduqning holati kompaniya rahbariyati ishtirokidagi yig‘ilishda ko‘rib chiqildi.

1 – 24-avgust kunlari sakkizta quduqda burg‘ilash ishlari yakunlandi va ulardan yettitasi foydalanishga topshirildi. Natijada kuniga qo‘shimcha 1,7 mln kub metr tabiiy gaz qazib chiqarish...

O‘zbekiston prezidenti Shavkat Mirziyoyev Ukraina prezidenti Vladimir Zelenskiyga mamlakat Mustaqilligining 35 yilligi munosabati bilan tabrik maktubi yo‘lladi. Bu haqda Zelenskiy o‘zining X sahifasida yozdi.

Tabriknoma 24-avgust kuni ukrain tilida yuborilgan. Unda Shavkat Mirziyoyev Vladimir Zelenskiyga mustahkam sog‘liq, oilaviy baxt va davlat rahbari sifatidagi faoliyatida muvaffaqiyat tilagan. Ukraina xalqiga esa tinchlik va farovonlik tilaklari bildirilgan.

Hamkorlikni rivojlantirishga urg‘u berildi

O‘zbekiston prezidenti ikki mamlakat o‘rtasidagi an’anaviy do‘stlik va o‘zaro hurmatga asoslangan aloqalar kelgusida ham izchil davom etishiga ishonch bildirgan.

Vladimir Zelenskiy, o‘z navbatida, tabrik uchun Shavkat Mirziyoyevga minnatdorlik bildirdi. Ukraina rahbari O‘zbekiston bilan do‘stona munosabatlarni qadrlashini ta’kidlab, savdo, iqtisodiyot...

O‘zbekistonda gaz yo‘qotishlarini kamaytirish va gaz tashish infratuzilmasidagi muammolarni bartaraf etish uchun yangi loyiha amalga oshiriladi. Buning uchun Jahon banki mamlakatga $10,6 mln grant ajratdi.

Loyiha doirasida «O‘ztransgaz» infratuzilmasidagi gaz sizib chiqayotgan nuqtalarni aniqlash va ularni ta’mirlashga e’tibor qaratiladi.

Mingdan ortiq muammoli nuqta aniqlangan

O‘tkazilgan tahlillar mamlakat bo‘ylab «O‘ztransgaz» obyektlarida 1 mingdan ortiq gaz sizib chiqishi mumkin bo‘lgan nuqta mavjudligini ko‘rsatgan.

Hisob-kitoblarga ko‘ra, ushbu nosoz joylardan har yili 35 mln kub metrga yaqin gaz yo‘qolmoqda.

Grantning asosiy qismi infratuzilmaga sarflanadi

Ajratilgan mablag‘larning $9,6 mln qismi gaz yo‘qotishlarini bevosita kamaytirishga yo‘naltiriladi.

Yana $500 ming gaz sizib chiqishini aniqlash...

26-avgust uchun valyutalar kursi yangilandi. Unga ko‘ra, dollar kursi 39,55 so‘mga tushib, 11 778,52 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 19-avgust kuni 36,95 so‘mga tushib, 11 820,40 so‘mni va 20-avgust kuni yana 25,52 so‘mga tushib, 11 794,88 so‘mni tashkil etdi. 21-avgust kuni esa kurs 52,28 so‘mga oshib, 11 847,16 so‘mni, 24-avgust kuni yana 6,39 so‘mga oshib, 11 853,55 so‘mni qayd etdi. Ammo 25-avgustda kurs yana 35,48 so‘mga tushib, 11 818,07 so‘mni tashkil qildi.

Yevro kursida ham tushish kuzatildi. Yevropa valyutasi 54,39 so‘mga tushib, 13 733,75 so‘m bo‘ldi...