Yangiliklar

O‘zbekistonda kasbiy ta’lim tashkilotlari o‘quvchilarining o‘qishini ko‘chirish yoki qayta tiklash, shuningdek, maktablarning 10-sinf o‘quvchilarini texnikumlarga o‘tkazish bo‘yicha yangi tartib tasdiqlandi. Bu haqda Adliya vazirligi xabar berdi.

Yangi tartibga ko‘ra, kasbiy ta’lim tashkilotlarida o‘qishni ko‘chirish yoki qayta tiklash uchun fuqarolar har yili 1-avgustdan 20-avgustgacha murojaat qilishi mumkin.

Umumiy o‘rta ta’lim tashkilotlarining 10-sinf o‘quvchilarini texnikumlarga ko‘chirish bo‘yicha arizalar esa har yili 28-dekabrdan 17-yanvargacha qabul qilinadi. Murojaatlar Davlat xizmatlari markazlari yoki my.gov.uz portali orqali yuboriladi.

Arizalar 10 kun ichida ko‘rib chiqiladi

Vakolatli organ ariza topshirish muddati tugaganidan keyin 10 kun ichida murojaat va taqdim etilgan hujjatlarni ko‘rib chiqadi.

Agar hujjatlar reglament...

Norvegiyalik grossmeyster Magnus Karlsen 2026-yil 15 – 27-sentabr kunlari Samarqandda bo‘lib o‘tadigan 46-jahon shaxmat olimpiadasi bo‘yicha qaror qildi. Unga ko‘ra, jahon reytingi yetakchisi Norvegiya terma jamoasi tarkibiga kiritilmadi.

Karlsen bilan birga Aryan Tari va Yon Lyudvig Hammer ham Norvegiya terma jamoasi safida bo‘lmaydi. Uch nafar kuchli shaxmatchining yo‘qligi sabab Norvegiya Olimpiada oldidan tuzilgan boshlang‘ich reytingda 21-o‘ringa tushdi.

Karlsen so‘nggi o‘nta shaxmat olimpiadasining sakkiztasida qatnashgan. U 2022 va 2024-yillardagi musobaqalarda birinchi doskada o‘ynab, bronza medalini qo‘lga kiritgan.

Boshqa mashhur shaxmatchilar ham qatnashmaydi

Samarqanddagi Olimpiadani yana bir qator taniqli grossmeysterlar ham o‘tkazib yuboradi.

Fransiya terma jamoasi...

O‘zbekistonlik grossmeyster Javohir Sindarov FIDE Circuit’ning yangilangan oraliq reytingida birinchi o‘rinni egalladi. 20 yoshli shaxmatchi 93,89 ochko jamg‘arib, eng yaqin ta’qibchisini qariyb 19 ochkoga ortda qoldirdi.

Yangilangan reytingda ikkinchi o‘rinni AQSh vakili Uesli So 75,35 ochko bilan egallab turibdi. Yana bir o‘zbekistonlik grossmeyster Nodirbek Abdusattorov 65,64 ochko bilan uchinchi pog‘onada joylashgan.

Kuchli o‘ntalikdan, shuningdek, Rameshbabu Pragnanandhaa, Fabiano Karuana, Vinsent Keymer, Hayk Martirosyan, Arjun Erigaisi, Alireza Firuzja va Yan Nepomnyashiy o‘rin olgan.

FIDE Circuit g‘olibiga muhim yo‘llanma beriladi

FIDE Circuit bu shaxmatchilar yil davomida yirik xalqaro turnirlardagi natijalari uchun ochko to‘playdigan reyting tizimi.

Yil...

O‘zbekistonda kasbiy ta’lim tashkilotlari direktorlari va ularning o‘rinbosarlariga menejerlik sertifikati berish tartibi tasdiqlandi. Bu haqda Adliya vazirligi xabar berdi.

O‘quv kursini muvaffaqiyatli tamomlagan rahbarlarga davlat namunasidagi menejerlik sertifikati elektron shaklda beriladi. Hujjat elektron raqamli imzo bilan tasdiqlanadi va QR-kodga ega bo‘ladi.

Direktorlar va ularning o‘rinbosarlari maxsus portal orqali ro‘yxatdan o‘tib, o‘quv kursida qatnashish uchun ariza topshiradi.

Ilmiy darajaga ega rahbarlarga sertifikat to‘g‘ridan to‘g‘ri beriladi

Ilmiy daraja yoki ilmiy unvonga ega bo‘lgan direktorlar va direktor o‘rinbosarlariga sertifikat ularning arizasiga asosan, o‘quv kursini o‘tamasdan to‘g‘ridan to‘g‘ri uch yil muddatga beriladi.

Yakuniy sinovdan muvaffaqiyatli o‘tgan tinglovchilarga esa natijalar e’lon qilingan kundan...

Oliy ta’lim tashkilotlarining bakalavriat yo‘nalishlariga kirish imtihonlarida 56,7 va undan yuqori ball to‘plagan, biroq talabalikka tavsiya etilmagan abituriyentlar vakant o‘rinlar uchun qo‘shimcha tanlovda qatnashishi mumkin. Oliy ta’lim, fan va innovatsiyalar vazirligiga ko‘ra, ro‘yxatdan o‘tish 22-avgustdan 28-avgustgacha davom etadi.

Kimlar qo‘shimcha tanlovda qatnasha oladi

Qo‘shimcha tanlovda kirish imtihonlarida belgilangan minimal 56,7 ball va undan yuqori natija qayd etgan, ammo talabalikka tavsiya qilinmagan abituriyentlar qatnashishi mumkin.

Shuningdek, ro‘yxatdan o‘tishning ikkinchi bosqichida oliy ta’lim tashkiloti va bakalavriat yo‘nalishini tanlamagan abituriyentlarga ham qo‘shimcha imkoniyat beriladi.

Bunda abituriyent faqat fanlar majmuasi va ta’lim tili o‘z natijalariga mos bo‘lgan, vakant o‘rinlari mavjud yo‘nalishlarni tanlashi...

«Tashabbusli budjet»ning 2026-yilgi ikkinchi mavsumi doirasida ovoz berish bosqichi boshlandi. Iqtisodiyot va moliya vazirligi ma’lumotiga ko‘ra, ovoz berish jarayoni 31-avgust kuni soat 23:59 da yakunlanadi.

Fuqarolar «Ochiq budjet» portalining veb-sahifasi, portalning Android va iOS mobil ilovalari orqali ovoz berishi mumkin.

Shuningdek, ovoz berish uchun Telegramdagi rasmiy botdan ham foydalanish mumkin.

G‘olib loyihalar ovozlar asosida aniqlanadi

«Tashabbusli budjet» aholiga mahalliy budjet mablag‘larining bir qismini qaysi loyihalarga yo‘naltirish bo‘yicha taklif bildirish va ovoz berish imkonini beradi.

Ovoz berish yakunlangach, eng ko‘p qo‘llab-quvvatlangan tashabbuslar moliyalashtirish uchun tanlab olinadi.

Eslatib o‘tamiz, avvalroq «Tashabbusli budjet»ning ilk sheriklik loyihasi g‘olibi...

Vivo ayrim Yevrosiyo mamlakatlarida yangi V70 Lite 4G smartfonini taqdim etdi. GSM Arena yozishicha, model 5G tarmoqlarini qo‘llab-quvvatlamaydi, biroq 8100 mA/soat sig‘imli katta batareya, 120 Gts AMOLED ekran va IP69 darajasidagi himoyaga ega.

Vivo V70 Lite 4G Unisoc T7300 protsessorida ishlaydi. Smartfonda 8 GB LPDDR4X tezkor xotira va 128 yoki 256 GB UFS 2.2 ichki xotira mavjud.

Qurilmaning asosiy jihatlaridan biri 8100 mA/soat sig‘imli batareyadir. U 44 Vt quvvatli simli tezkor quvvatlashni qo‘llab-quvvatlaydi.

Smartfonning 5G versiyasidan farqli ravishda yangi model faqat 4G mobil tarmoqlarida ishlaydi.

120 Gts AMOLED ekran o‘rnatilgan

V70 Lite 4G 6,83 dyuymli AMOLED displeyga ega...

Qozog‘istonlik shaxmatchi Bibisara Asaubayeva AQShdan jo‘nab ketayotganda o‘zbekistonlik grossmeyster Javohir Sindarov bilan xayrlashgan suratlarini ijtimoiy tarmoqda e’lon qildi. Har ikki shaxmatchi avgust oyida Sent-Luisda o‘tkazilgan yirik turnirlarda uchinchi o‘rinni egallagan.

Asaubayeva Telegram kanalida AQShdan uchib ketish jarayonidan bir nechta suratlarni joylashtirdi. Kadrlardan birida u va Javohir Sindarov taksida qo‘l ushlashib ketayotgani, yana bir suratda esa aeroport terminalida xayrlashayotgani ko‘rinadi.

«Bu safar turli yo‘nalishlarga», – deya izoh qoldirdi Asaubayeva.

Ikkalasi ham Sent-Luisda bronza medalini qo‘lga kiritdi

Avgust oyida AQShning Sent-Luis shahrida bir vaqtning o‘zida ikkita yirik shaxmat turniri o‘tkazildi.

Bibisara Asaubayeva Cairns Cup...

Surxondaryo viloyatida giyohvandlik vositalarining noqonuniy aylanmasiga qarshi o‘tkazilgan tezkor tadbirlarda 3 kg dan ortiq narkotik modda musodara qilindi. Uchta holat bo‘yicha jinoyat ishlari qo‘zg‘atilib, tergov harakatlari olib borilmoqda.

Denovda qariyb 2 kg opiy va gashish topildi

Davlat xavfsizlik xizmatining Surxondaryo viloyati bo‘yicha boshqarmasi xodimlari Ichki ishlar va Bojxona organlari bilan hamkorlikda «Xavfsiz va sog‘lom yurt» tezkor-profilaktik tadbirlarini o‘tkazdi.

Denov tumanida 1980-yilda tug‘ilgan, avval giyohvandlik vositalari savdosi bilan bog‘liq jinoyat uchun sudlangan shaxsning yashash xonadoni ko‘zdan kechirildi.

Natijada u sotish maqsadida 1 kg 7 gramm opiy va 998 gramm gashish saqlab kelayotgani aniqlandi.

Yana bir holatda tumandagi 1986 va 1966-yillarda...

22 – 23-avgust kunlari aholiga moliyaviy xizmatlardan foydalanishda qulaylik yaratish maqsadida ayrim banklar odatdagi faoliyatini davom ettiradi. Bu haqda Markaziy bank ma’lum qildi.

Quyidagi tijorat banklarining valyuta ayirboshlash va pul o‘tkazmalari shoxobchalari aholiga xizmat ko‘rsatadi:

Agrobank
APEX BANK
O’zmilliybank
Tenge Bank
Hamkorbank
ANOR BANK
Garant bank
HAYOT BANK
O’zsanoatqurilishbank
Trastbank
Ipoteka-bank
InFinBank
Biznesni rivojlantirish banki
Ipak Yo’li bank
Xalq bank
Orient Finans bank
Saderat bank
Mikrokreditbank
Asakabank
ASIA ALLIANCE BANK
Kapitalbank
Turonbank
Universalbank

Shuningdek, fuqarolar valyutani sutkaning istalgan vaqtida bank binosiga bormasdan, tijorat banklarining mobil ilovalari yoki 24/7 rejimida ishlovchi avtomatlashtirilgan valyuta ayirboshlash bankomatlari orqali ayirboshlashi mumkin.

Bundan tashqari...

Qarzga botgan «O‘zbekfilm» va asal oyi «otmen» bo‘lgan Ronaldu – 21-avgust yangiliklari Kursiv Uzbekistan dayjestida.

«O‘zbekfilm» «burni»gacha qarzga botgani ma’lum bo‘ldi

«O‘zbekfilm» kinostudiyasi 22,9 mln yevro miqdoridagi kredit majburiyati ostida qolgan. Bundan tashqari, korxonaning davlat soliqlari bo‘yicha 1 mlrd so‘mdan ortiq qarzdorligi mavjud. Bu haqda Madaniyat vazirining birinchi o‘rinbosari, Kinematografiya agentligi direktori Jahongir Ahmedov ma’lum qildi.

Jahongir Ahmedovning aytishicha, «O‘zbekfilm»ning kredit majburiyatlari 22,9 mln yevroga yetadi. Kredit ta’minoti sifatida kinostudiyaning mol-mulki, shu jumladan, yer maydonlari ham garovga qo‘yilgan.

Asal oyi «otmen»: to‘y tugashi bilan Ronaldu mashg‘ulotga yugurdi

Krishtianu Ronaldu va Jorjina Rodrigesning to‘yi ko‘pchilik kutganidek katta tantana bilan o‘tmadi. Yulduzli...

Ozarbayjon prezidenti Ilhom Aliyev Shavkat Mirziyoyevning taklifiga binoan 23 – 24-avgust kunlari O‘zbekistonda davlat tashrifi bilan bo‘ladi. Bu haqda prezident matbuot xizmati xabar berdi.

Tashrif doirasida Toshkent shahrida ikki davlat rahbarlarining oliy darajadagi muzokaralari hamda O‘zbekiston va Ozarbayjon Oliy davlatlararo kengashining uchinchi yig‘ilishi o‘tkaziladi.

Unda O‘zbekiston – Ozarbayjon strategik sheriklik va ittifoqchilik munosabatlarini yanada rivojlantirish, savdo-iqtisodiy aloqalarni kengaytirish, tovar ayirboshlash hajmini oshirish masalalari muhokama qilinadi.

Shuningdek, ishbilarmon doiralar va hududlar o‘rtasidagi hamkorlikni kuchaytirish, transport-tranzit imkoniyatlaridan samarali foydalanish hamda madaniy-gumanitar aloqalarni rivojlantirishga e’tibor qaratiladi.

Davlat rahbarlari xalqaro va mintaqaviy siyosatning dolzarb masalalari yuzasidan fikr almashib, ko‘p tomonlama tuzilmalar doirasidagi hamkorlikni...

Dunyodagi eng katta to‘liq elektr samolyoti Heart Aerospace kompaniyasining X1 modeli ilk bor havoga ko‘tarildi. Bu haqda Science Mail nashri xabar berdi.

Sinov parvozi davomida samolyot 27 daqiqa havoda bo‘lib, 335 metr balandlikka chiqdi.

30 yo‘lovchiga mo‘ljallangan

Sinov AQShning Nyu-York shtatidagi mintaqaviy aeroportlardan birida o‘tkazilgan. 30 o‘rindiqli X1 samolyotida parvoz vaqtida faqat uchuvchi bo‘lgan.

Samolyotning qanotlari kengligi 32 metr, uzunligi 23 metrni tashkil etadi. Uning og‘irligi esa 11,3 tonnadan oshadi.

200 kilometrgacha masofa

X1 to‘liq elektr rejimida taxminan 200 kilometr masofani bosib o‘tishi mumkin. Biroq mutaxassislar bunday masofa aksariyat mintaqaviy yo‘nalishlar uchun yetarli emasligini ta’kidlamoqda.

Buning asosiy...

Yangi o‘quv yili arafasida ota-onalar uchun eng muhim masalalardan biri – farzandlarini maktabga tayyorlash. Bir nafar bola uchun maktab formasi, oyoq kiyim, sumka va o‘quv qurollarini xarid qilishning o‘zi sezilarli mablag‘ talab qiladi. Farzandlar soni ko‘paygani sari bu xarajat ham oilaviy budjetdagi katta bandga aylanadi.

Nukuslik Erkaboyevlar oilasida esa yangi o‘quv yiliga sakkiz nafar farzandni tayyorlash kerak. Oilada to‘rt qiz va beshta o‘g‘il bor. Ulardan Umida va Mardon talaba, qolgan olti nafari maktab o‘quvchilari, bir nafari esa bog‘cha bolasi.

Oiladagi maktab o‘quvchilari Shahnoza — 11-sinf, Shaxriyor va Javlon — 9-sinf, Farrux — 8-sinf, Nasiba va Dilnura — 5-sinfda o‘qiydi.

Kursiv...

10-sinf o‘quvchilarining umumiy o‘rta ta’lim maktabidan texnikumga o‘qishini ko‘chirish tartibi joriy etiladi. Bu Vazirlar Mahkamasining tegishli qarori bilan belgilandi.

Yagona tartib joriy etiladi

450-son qaror bilan kasbiy ta’lim tashkilotlari o‘quvchilarining o‘qishini ko‘chirish yoki qayta tiklash, shuningdek, 10-sinf o‘quvchilarini texnikumlarga ko‘chirish bo‘yicha yagona tartib belgilanadi.

Arizalar elektron shaklda topshiriladi

Davlat xizmatidan foydalanish uchun arizalarni Davlat xizmatlari markazlari yoki Yagona interaktiv davlat xizmatlari portali (YIDXP) orqali elektron shaklda topshirish mumkin bo‘ladi.

O‘qishni ko‘chirish va qayta tiklash bo‘yicha xulosa berishning ham yagona tartibi joriy etiladi.

Jarayon raqamlashtiriladi

Raqamli texnologiyalar vazirligi bilan hamkorlikda ikki oy muddatda mazkur xizmatlarni YIDXP orqali...

The New York Times Google ma’lumotlari asosida dunyoda eng ko‘p ishlatiladigan emoji’lar reytingini tuzdi. Tadqiqot 2025-yilda Android’ning Gboard klaviaturasida yuborilgan 665 millionta emoji ma’lumotlari asosida o‘tkazilgan.

«Yig‘layotgan yuz» birinchi o‘ringa chiqdi

Reytingda eng mashhur emoji 😭 — yig‘layotgan yuz bo‘ldi. U bir vaqtning o‘zida kulgili, noqulay yoki kuchli hissiy holatlarni ifodalash uchun ishlatilmoqda.

U bir yil ichida reytingda uch pog‘onaga ko‘tarilib, avvalgi mashhur 🤣 va 😂 emoji’larini ortda qoldirdi. Ayniqsa, Z avlodi orasida bu belgilar haddan tashqari ko‘p ishlatilgani sababli o‘z mashhurligini yo‘qotmoqda.

Z avlodi emoji tanlovini o‘zgartirmoqda

Tadqiqotga ko‘ra, yoshlar ayrim odatiy emoji’larning o‘rniga boshqa belgilarni...

2026-yil 1-avgust holatiga O‘zbekistonda muomaladagi bank kartalari soni 75,7 mln donaga yetdi. Markaziy bank ma’lumotiga ko‘ra, yil boshidan buyon kartalar soni 7,4 mln donaga yoki 10,9 foizga oshdi.

2026-yil 1-yanvar holatiga mamlakatda 68,3 mln bank kartasi muomalada bo‘lgan. Yetti oy davomida ularning soni 75,7 mln donagacha ko‘paydi. Shu tariqa yil boshidan buyon muomalaga qo‘shimcha 7,4 mln karta chiqarildi.

To‘lov terminallari soni ham oshdi. Yil boshidagi 430,8 mingta terminalga nisbatan 1-avgustga kelib ularning soni 453,5 mingtaga yetdi. Bu 22,7 ming dona yoki 5,3 foizlik o‘sishni anglatadi.

Bankomat va infokiosklar soni 17,3 foizga ko‘paydi

Bankomat va infokiosklar tarmog‘i yanada...

Google Android qurilmalarida uchinchi tomon manbalaridan ilova o‘rnatishga qo‘shimcha cheklovlar kiritmoqda. Bu haqda LifeXaker nashri xabar berdi.

Yangi tartib foydalanuvchilarni zararli dasturlar va firibgarlardan himoya qilishga qaratilgan.

APK o‘rnatishdan oldin 24 soat kutish kerak bo‘ladi

Sentabrdan boshlab Google Play’da ro‘yxatdan o‘tmagan dasturchilar ilovalarini Android qurilmalariga o‘rnatishda yangi talablar qo‘llanadi.

Bunday ilovani o‘rnatish uchun foydalanuvchi qurilma sozlamalarida noma’lum dasturchilardan ilovalarni o‘rnatishga ruxsat berishi, smartfonni qayta ishga tushirishi va 24 soat kutishi kerak bo‘ladi.

Cheklov firibgarliklarning oldini oladi

Google’ning ta’kidlashicha, 24 soatlik kutish foydalanuvchini shoshilinch qaror qabul qilishdan himoya qiladi. Masalan, firibgarlar jabrlanuvchini telefoniga zararli APK faylni darhol o‘rnatishga...

24-avgust uchun valyutalar kursi yangilandi. Unga ko‘ra, dollar kursi 6,39 so‘mga oshib, 11 853,55 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 17-avgust kuni 46,71 so‘mga tushib, 11 891,18 so‘mni, 18-avgust kuni esa 33,83 so‘mga tushib, 11 891,18 so‘mni, 19-avgust kuni 36,95 so‘mga tushib, 11 820,40 so‘mni va 20-avgust kuni yana 25,52 so‘mga tushib, 11 794,88 so‘mni tashkil etdi. 21-avgust kuni esa kurs 52,28 so‘mga oshib, 11 847,16 so‘mni qayd etdi. 

Yevro kursida ham o‘sish kuzatildi. Yevropa valyutasi 26,43 so‘mga oshib, 13 869,84 so‘m bo‘ldi. Rossiya rubli ham oshdi. Rubl kursi...

Kursiv Uzbekistan Chevrolet Cobalt haqidagi maqolalar turkumini davom ettiradi. Bu safar asosiy e’tibor haydalgan avtomobil sotib olish va bitim tuzishdan oldin tekshirib ko‘rish lozim bo‘lgan asosiy jihatlarga qaratilgan.

Avtoekspert Komil Sulaymonov Cobaltni tanlashda nima uchun faqat yurish masofasi va tashqi ko‘rinishiga tayanmaslik kerakligi, kuzov, dvigatel, uzatmalar qutisi va yurish qismini tekshirishda nimalarga alohida e’tibor qaratish kerakligi haqida nashrga ma’lumot berdi.

Sotib olishdan oldin kuzov va dvigatelni tekshirish kerak

Mutaxassisning ta’kidlashicha, avtomobilni ko‘zdan kechirishni kuzovdan boshlash kerak. Mashina yo‘l transport hodisasiga uchraganmi, qaysi qismlari qayta bo‘yalgan va ta’mirlangan, shuni aniqlash kerak. «Shpaklyovka» va korroziya izlariga, osma elementlarining tagiga va mahkamlangan...

Aktyor va san’atkor Shukurullo Isroilov Toshkent shahar madaniyat boshqarmasi boshlig‘i o‘rinbosari lavozimiga tayinlandi. Bu ma’lumotni uning administratori Kursiv Uzbekistan’ga tasdiqladi.

Shukurullo Isroilov haqida

Shukurullo Isroilov 1970-yil 14-yanvarda Toshkent shahrida tug‘ilgan. Musiqa maktabida rubob yo‘nalishida tahsil olgan.

Keyinchalik Toshkent davlat madaniyat va san’at institutining teatr fakultetini, shuningdek, Sharqshunoslik institutining xalqaro fakultetini tamomlagan.

Ijodiy faoliyatini 1982-yilda boshlagan

Isroilov ijodiy faoliyatini 1982-yilda boshlagan. U ko‘p yillar davomida «Mirzo» hajvchilar teatrida faoliyat yuritib, jamoaning taniqli vakillaridan biriga aylangan.

Avvalroq Kursiv Uzbekistan Timur Ismoilov IIV vaziriga o‘rinbosar bo‘lgani haqida yozgandi.

Elektron savdo platformalari, buyurtmalar agregatorlari va raqamli striming xizmatlari operatorlari faoliyatini boshlash va tugatish tartibi belgilandi. Yangi nizom 2026-yil 19-avgust kuni davlat ro‘yxatidan o‘tkazildi.

Faoliyatni boshlash uchun xabarnoma yuboriladi

Yangi tartibga ko‘ra, elektron tijorat operatorlari faoliyatini boshlashdan oldin Istiqbolli loyihalar milliy agentligiga elektron xabarnoma yuborishi kerak.

Buning uchun yuridik shaxslar maxsus axborot tizimidan OneID orqali foydalanadi. Xabarnomani kun-u tun, jumladan dam olish va bayram kunlarida ham yuborish mumkin.

Qo‘shimcha hujjatlar talab qilinmaydi

Xabarnoma uchun zarur ma’lumotlar va hujjatlar elektron shaklda taqdim etiladi. Nizomda ko‘rsatilmagan qo‘shimcha hujjatlarni talab qilishga yo‘l qo‘yilmaydi.

Agar operator belgilangan talab va shartlarni buzsa...

Ukraina «Qizaloq va maymoq» multserialini yaratish va tarqatishda ishtirok etgan rossiyalik besh nafar shaxs hamda to‘rtta tashkilotga qarshi sanksiyalar joriy qildi. Cheklovlar qatoriga multserialni ishlab chiqaruvchi «Animakkord» studiyasi rahbariyati va uning ijodkorlari ham kiritilgan. Bu haqda Ukraina prezidenti ofisi ma’lum qildi. 

Sanksiya ro‘yxatiga kimlar kiritildi

Ukraina tomoni cheklovlar «Animakkord» studiyasiga, uning asoschisi va bosh direktoriga, shuningdek, multserial ssenariy muallifi, rejissyori va prodyuseriga taalluqli ekanini bildirgan.

«Qizaloq va maymoq» Rossiyada yaratilgan bo‘lsa-da, serial xalqaro miqyosda katta mashhurlikka erishgan. Uning ayrim epizodlari milliardlab marta tomosha qilingan.

Multserial Ukrainada avval ham tanqid qilingan

«Qizaloq va maymoq» Ukrainada bundan oldin...

Xorijdan O‘zbekistonga noqonuniy olib kirilgan katta miqdordagi tovar-moddiy boyliklar aniqlandi. Bu holat Davlat xavfsizlik xizmati va Bojxona qo‘mitasi xodimlari hamkorligida o‘tkazilgan tezkor tadbir davomida aniqlandi.

Yuk mashinasidan nimalar topildi

Tadbir davomida Buxoro viloyatining G‘ijduvon tumanida yashovchi, 2001-yilda tug‘ilgan fuqaro boshqaruvidagi yuk avtomobili Toshkent shahrining Chilonzor tumanidagi bojxona omborida xolislar ishtirokida ko‘zdan kechirildi.

Tekshiruv natijasida tranzit deklaratsiyasi va yo‘l kuzatuv hujjatlarida ko‘rsatilmagan quyidagi mahsulotlar aniqlangan: