Yangiliklar

Toshkent shahrida atmosfera havosining keskin ifloslanishi kuzatilayotgani sababli ekologik vaziyatini yaxshilash maqsadida keng ko‘lamli reydlar boshlandi. Bu haqda O‘zA ma’lum qildi.

Unga ko‘ra, Prezident administratsiyasi rahbari Saida Mirziyoyevaning topshirig‘iga binoan Ekologiya qo‘mitasi va huquqni muhofaza qiluvchi idoralar tomonidan ekoreydlar o‘tkazildi. Yarim tunda o‘tkazilgan reydlarda issiqxonalar, turli pechlar va havoga zararli moddalar chiqarayotgan korxonalar faoliyati tekshirildi.

Ishchi guruh ekologik me’yorlarni buzayotgan obyektlarni aniqlab, ularni bartaraf etish bo‘yicha chora-tadbirlarni belgiladi. Shuningdek, havo sifati monitoringi ham olib borilmoqda va ifloslanishga sabab bo‘layotgan asosiy omillarni aniqlash ishlari boshlandi.

Ma’lumot uchun, Ekologiya va iqlim o‘zgarishi milliy qo‘mitasi sanoat korxonalariga...

AvtoVAZ brendi tomonidan Lada Aura Taxi avtomobili taqdim etildi. Bu haqda kompaniya rasmiy saytida ma’lum qildi.

Ushbu modifikatsiya intensiv ishlatiladigan taksi xizmati uchun qulaylik va bardoshlilikni oshirishga qaratilgan.

Modelning eng katta afzalligi orqa o‘rindiqdagi keng joydir. Old o‘rindiqlardan orqa qatorgacha bo‘lgan masofa 1060 mm bo‘lib, bu o‘z segmentida eng yaxshi ko‘rsatkichlardan biri hisoblanadi. Avtomobil 176 mm baland klirens, barcha o‘rindiqlar, rul, old oyna va yuvish purkagichlari isitkichlari bilan ta’minlangan. Kapot ostida 1,8 litrli EVO dvigateli joylashgan bo‘lib, u 122 ot kuchiga ega va avtomat uzatma bilan ishlaydi.

AvtoVAZ rahbariyatining ma’lum qilishicha, kompaniya ishlab chiqaradigan barcha modellari taksi sohasida mahalliylashtirilgan...

Tijorat banklari 25-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 25-noyabr uchun valyuta kurslari qanday o‘zgargani haqida yozgan edi.

iPhone 17 Pro Max smartfoni avvalgilaridan ancha tezroq ishlashi aniqlandi. PhoneBuff kanali iPhone 12 Pro Max’dan boshlab 17 Pro Max’gacha bo‘lgan olti avlodni robotlashtirilgan sinovdan o‘tkazdi.

Robot manipulyatorlar har bir qurilmada bir xil vazifalarni ketma-ket bajardi. Sinovga kamera orqali suratga olish, tahrirlash, ilovalar va o‘yinlarni ochish, foto va video muharrirlarda ishlash kabi kundalik foydalanishga yaqin jarayonlar kiritildi.

Ayrim bosqichlarda iPhone 13 Pro Max hatto yangi modellarga yaqin natija ko‘rsatadi. Bu so‘nggi yillar unumdorlik biroz sekinlashganini bildiradi.

Shunga qaramay, iPhone 17 Pro Max sinovini birinchi bo‘lib tugatdi va barcha avlodlardan ustunlik o‘z eng tezkor iPhone bilan tasdiqladi.

Model haqida...

Namangan viloyatida 1,4 mlrd so‘mlik qalbaki va yaroqlilik muddati o‘tgan dori vositalari hamda tibbiy buyumlarning savdoga chiqarilishiga chek qo‘yildi. Bu haqda Bosh prokuratura departamenti ma’lum qildi.

Unga ko‘ra, departament, DXX, IIB va Bojxona xodimlari hamkorligida o‘tkazilgan tezkor tadbirda «M.A.» MChJ ombori mudiri Namangan shahar, «Ilg‘or» MFY hududidagi noturar binoda turli nomdagi dori vositalari va tibbiy buyumlarni sotish maqsadida saqlab kelayotganligi aniqlandi. Jami 1337 turdagi mahsulot ashyoviy dalil sifatida olindi.

Holat yuzasidan Jinoyat kodeksining 186-3-moddasi asosida jinoyat ishi qo‘zg‘atildi. Mazkur modda sifati kafolatlanmagan yoki qalbakilashtirilgan dori vositalari va tibbiy buyumlarni ishlab chiqarish, olish, saqlash, tashish yoki sotishni taqiqlaydi.

Eslatib...

Prezident administratsiyasi rahbari Saida Mirziyoyeva poytaxtdagi ekologik vaziyatni yaxshilashga qaratilgan dolzarb chora-tadbirlar yuzasidan yig‘ilish o‘tkazdi. Unda Administratsiya hamda tegishli idoralar rahbarlari ishtirok etdi, deya xabar bermoqda prezident matbuot kotibi.

Unga ko‘ra, yig‘ilishda so‘nggi kunlarda poytaxtda havo ifloslanishining keskin oshgani aholida jiddiy xavotir uyg‘otayotgani qayd etildi. Atmosfera havosining hozirgi holati, fuqarolar murojaatlari va jamoatchilik takliflari yuzasidan mas’ullarning hisobotlari tinglandi.

Muhokamalarda havoni ifloslantirayotgan korxonalarga nisbatan qat’iy choralar ko‘rish zarurligi ta’kidlandi. Odamlar salomatligi masalasida murosaga o‘rin yo‘qligi, me’yor buzilganda esa davlat va biznes uchun bir xil javobgarlik bo‘lishi kerakligi qayd etildi.

Mirziyoyeva ekspert xulosalariga tayangan holda ekologik nazoratni kuchaytirish, ifloslantiruvchi obyektlar...

Qozog‘istonning «SCAT» aviakompaniyasi Turkistonning Hazrat Sulton xalqaro aeroportidan O‘zbekistonning Urganch, Buxoro va Samarqand shaharlariga yangi to‘g‘ridan to‘g‘ri reyslarni yo‘lga qo‘yishni rejalashtirmoqda. Bu haqda Uzbekistan Airports ma’lum qildi.

Turkiston – Urganch yo‘nalishi 1-dekabrdan boshlab dushanba, juma va yakshanba kunlari amalga oshiriladi. Shu tariqa sayyohlar va ishbilarmonlar uchun qulay va muntazam transport imkoniyati yaratiladi.

Turkiston – Buxoro yo‘nalishi 2-dekabrdan boshlab haftaning seshanba, payshanba va shanba kunlari amalga oshiriladi.

Turkiston – Samarqand yo‘nalishida esa parvozlar 3-dekabrdan boshlanadi. Yo‘lovchilar haftaning chorshanba, juma va yakshanba kunlari uchishlari mumkin bo‘ladi.

Eslatib o‘tamiz, avvalroq Centrum Air Toshkentdan Maldiv orollariga to‘g‘ridan to‘g‘ri reyslarni yo‘lga qo‘yishi haqida...

Xitoyning eVTOL ishlab chiqaruvchisi AutoFlight CATL bilan hamkorlikda ilk suzuvchi aeroportini taqdim etdi. Bu haqda Gizmochina nashri ma’lum qildi.

eVTOL Water Vertiport modul tarzida yig‘iladigan platforma bo‘lib, elektr uchish apparatlari uchun qo‘nish maydonchasi va quvvatlash stansiyasi vazifasini bajaradi. Tizim quyosh panellari va energiya saqlash qurilmasi orqali ishlaydi. Platformalarni qirg‘oq hududlarida yoki dengiz zonalarida o‘rnatish mumkin.

Suzuvchi aeroportlar qutqaruv amaliyotlari, dengizdagi shamol elektr stansiyalari va neft platformalariga xizmat ko‘rsatishda qo‘l keladi. Shuningdek, shaharlarda havo taksilariga ko‘rfaz yoki daryolar orqali to‘g‘ridan to‘g‘ri marshrutlar yaratishga imkon beradi.

Ma’lumot uchun, AutoFlight yuk, yo‘lovchi, qutqaruv va yong‘in xavfsizligi uchun 2000 dan ortiq uchish...

Turkiya Superligasining «Istanbul Bashakshehir» va «Trabzonspor» o‘rtasidagi uchrashuvi mavsumning eng dramatik bahslaridan biriga aylanib, mehmonlarning 4:3 hisobidagi g‘alabasi bilan yakunlandi.

O‘yinning katta qismini bir kishi kam bo‘lib o‘tkazgan mezbonlar 76-daqiqagacha hisobda oldinda borayotgan edi, biroq so‘nggi daqiqalardagi dramatik o‘zgarishlar natijani mehmonlar foydasiga hal qildi. Uchrashuv syujeti keskin burilishlarga boy bo‘ldi.

10-daqiqada kamchilikda qolgan «Bashakshehir» Devi Zelkening penaltidan urgan goli (22-daqiqa) evaziga hisobni ochdi. 37-daqiqada Filippe Augusto muvozanatni tiklagan bo‘lsa-da, birinchi bo‘lim yakunida (45-daqiqa) Eldor Shomurodov mavsumdagi to‘qqizinchi golini kiritib, jamoasini tanaffusga g‘olib sifatida olib chiqdi (2:1).

Ikkinchi bo‘limning so‘nggi qismi o‘yin taqdirini butunlay o‘zgartirib yubordi. 76-daqiqada «Trabzonspor» hujumchisi Pol...

Andijonda Hakamlik sudi sudyasi qo‘lga olindi, O‘zbekistonda gaz eksporti oshdi — 24-noyabrning eng muhim voqealari «Kursiv» dayjestida.

Andijonda Hakamlik sudi sudyasi qo‘lga olindi

Andijonda Hakamlik sudi sudyasi fuqarolarni chet elga ishga yuborilishi bilan bog‘liq noqonuniy harakat bilan qo‘lga tushdi. Bu haqda DXX matbuot xizmati ma’lum qildi.

Unga ko‘ra, sudya ikki fuqaro­ni Janubiy Koreyaga mavsumiy ishchi sifatida yuborishni va’da qilib, buning evaziga $15 ming talab qilgan hamda oldindan $4,1 ming avans olgan.

O‘zbekiston sanoat korxonalari soni 58,6 mingtaga yetdi

2025-yil 1-noyabr holatiga ko‘ra, O‘zbekistonda 58,6 mingta sanoat korxonasi faoliyat yuritmoqda. Bu haqda Milliy statistika qo‘mitasi xabar bermoqda.

Korxonalarning...

25-noyabr kuni O‘zbekistonda havo o‘zgaruvchan bo‘ladi. Kechasi harorat 0–7°, kunduzi esa 10–20° atrofida iliq bo‘ladi, deya xabar bermoqda «O‘zgidromet».

Quyida ob-havo ma’lumoti viloyatlar kesimida:

Prezident farmoni bilan sudyalar hamjamiyati organlari faoliyatining samaradorligi va ochiqligini oshirish, shuningdek, sud mustaqilligi kafolatlarini kuchaytirish bo‘yicha keng qamrovli chora-tadbirlar belgilandi.

Endi sudyalik lavozimlariga nomzodlar dastlab besh yillik muddatga, keyinchalik esa muddatsiz tayinlanadi. Tuman, shahar va tumanlararo sudlar raislari hamda ularning o‘rinbosarlari lavozimlariga nomzodlar esa ochiq tanlov asosida tanlanadi.

Sudyalar hamjamiyati organlarining faoliyati shaffof va raqamli texnologiyalar yordamida olib boriladi. Sudyalik lavozimlariga nomzodlarni baholashda halollik, kasbiy layoqatlilik va odob qoidalariga rioya etish mezonlari qo‘llaniladi.

Bundan tashqari, sud tizimida gender tenglikni ta’minlash uchun ayol sudyalar ulushi kamida 30 foizga yetkaziladi va ilmiy salohiyatga ega sudyalar Odil sudlov akademiyasida malaka...

3I/ATLAS kometasi Yerga 300 mln kmdan kam masofada yaqinlashdi. Bu haqda Quyoshning rentgen astronomiyasi laboratoriyasi ma’lum qildi.

Unga ko‘ra, 23-noyabr kuni yulduzlararo kometa Yerdan 300 mln km masofadagi chegara chizig‘ini kesib o‘tdi va hozir har kuni taxminan 2 mln km tezlik bilan sayyoraga yaqinlashmoqda. Obyektning Yerga yaqinlashishi asosan Yerdan kelayotgan ta’sir tufayli yuz bermoqda.

Yer va 3I/ATLAS kometasi yo‘nalishlari kesishuvchi bo‘lib, ular taxminan 4 hafta, ya’ni 19-dekabrgacha bir-biriga yaqin bo‘lib turadi. Shu kuni ularning orasidagi masofa minimal, ya’ni taxminan 269 mln kmga kamayadi va shundan keyin ikki jism kosmosda bir-biridan uzoqlashadi.

Obyekt sezilarli gravitatsiyadan tashqari tezlanishga ham ega...

O‘zbekistonda keyingi yildan issiq suv va issiqlik ta’minoti xizmatlari uchun tariflar ko‘tarilishi rejalashtirilmoqda. Bu haqda «Issiqlikta’minoti» AJ boshqaruv raisi Ilhom To‘rayev Qurilish va uy-joy kommunal xo‘jaligi vazirligi tomonidan e’lon qilingan videomurojaatda ma’lum qildi.

Unga ko‘ra, tariflarning oshishiga asosiy omil issiq suv va issiqlikni ishlab chiqarishda sarflanadigan tabiiy gaz, elektr energiyasi va ichimlik suvi narxlarining ko‘tarilishi. Shu bois kompaniya xizmat narxlarini qayta belgilashga majbur bo‘lmoqda.

Aholiga yukni kamaytirish mexanizmi ko‘riladi

To‘rayevning aytishicha, tariflarni oshirish jarayoni aholiga ortiqcha og‘irlik solmaslikni inobatga olgan holda bosqichma-bosqich amalga oshiriladi. Hozircha oshiriladigan aniq foiz yoki miqdorlar bo‘yicha raqamlar ochiqlanmagan.

Uning ma’lumotiga ko‘ra, hozirda bir...

Honor kompaniyasi bugun rasmiy ravishda yangi flagman smartfonlarini, ularning bosh modeli sifatida esa Honor 500 Pro’ni taqdim etdi.

Smartfon 8000 mA·soat sig‘imli akkumulyator bilan jihozlangan bo‘lib, u 80 vattlik simli va 50 vattlik simsiz quvvatlashni qo‘llab-quvvatlaydi. Shuningdek, 27 vattlik teskari simli quvvatlash ham mavjud.

Qurilma Qualcomm Snapdragon 8 Elite bir chipli platformasida ishlaydi va 6,55 dyuymli OLED ekranga ega. Ekran o‘lchami 1,5K, maksimal yorqinligi 6000 kd/kv.m., yangilanish tezligi 120 Gs. Ekran ramkasi juda ingichka — atigi 1,05 mmni tashkil qiladi. Bu yangi avlod flagmanlaridan ham kam hisoblanadi.

Smartfon kamerasi asosiy modulda 200 MP sensor (optiс format 1/1,4 dyuym), periskopli...

Qarshining «Nasaf» klubi Elit Osiyo chempionlar ligasining 5-turida «Traktor» jamoasiga 0:1 hisobida mag‘lub bo‘ldi. «Markaziy» stadionida bo‘lib o‘tgan uchrashuvdagi yagona gol o‘yin taqdirini hal qildi.

Uchrashuvning 17-daqiqasida mehmonlar futbolchisi Regi Lushkya himoyadagi xatolikdan foydalanib hisobni ochdi. O‘yin davomida mezbonlar muvozanatni tiklashga uringan bo‘lsa-da, hisob o‘zgarmadi. Ushbu natijadan so‘ng «Nasaf» o‘z hisobidagi 0 ochko bilan guruhda so‘nggi o‘rinda qolmoqda va musobaqaning keyingi bosqichiga chiqish imkoniyati keskin pasaydi.

Shanba kuni Farg‘onaning «Neftchi» klubi «Qizilqum»ni yengib, muddatidan avval O‘zbekiston chempionligini rasmiylashtirgan edi. Natijada Ro‘ziqul Berdiyev shogirdlari Superliga chempionligidan ham mahrum bo‘ldi.

Avvalroq Kursiv Uzbekistan Husayn Norchayev Qozog‘iston klubiga o‘tishi mumkinligi haqida...

2026-yilgi futbol bo‘yicha Jahon chempionati birinchi marta uch mamlakat – AQSh, Kanada va Meksikada o‘tkaziladi. AQSh muxlislar uchun vizalarni o‘z vaqtida berishni ta’minlash maqsadida konsullik infratuzilmasini kuchaytirdi, deya xabar bermoqda «Dunyo» AA.

AQSh davlat kotibi Marko Rubioga ko‘ra, yirik tadbirga tayyorgarlik uchun dunyo bo‘ylab 400 dan ortiq qo‘shimcha konsullik xodimlari yo‘naltirildi. Xodimlar sonining ko‘payishi natijasida 80% mamlakatlarda suhbatga yozilish 60 kun ichida amalga oshiriladi, avval esa kutish bir yilgacha yetgan. Masalan, Braziliya va Argentinada kutish endi ikki oydan ham.

O‘zbekiston tomoni AQSh elchisi bilan uchrashuv o‘tkazdi. Unda jahon chempionatida ishtirok etadigan fuqarolar va muxlislar uchun vizalarni tezlashtirish masalalari muhokama...

Komil Ismoilovich Allamjonov Prezidenti Administratsiyasi rahbarining farmoyishi bilan maslahatchi vakil, ya’ni AQShdagi vakil lavozimiga tayinlandi. Bu haqda prezident matbuot xizmati xabar berdi.

Shu bilan birga, u Prezidenti Administratsiyasi rahbarining maslahatchisi lavozimidagi faoliyatini ham davom ettiradi.

Avvalroq Kursiv Uzbekistan iyun oyida Komil Allamjonov Saidа Mirziyoyevaning mustaqil maslahatchisi bo‘lgani haqida yozgan edi.

Shuningdek, Allamjonov AQShga o‘zbekistonliklar uchun 10 yillik vizalar joriy etishni taklif qilgandi.

Bu tashabbus O‘zbekiston va AQSh o‘rtasidagi vizaviy tartiblarni soddalashtirish jarayonining bir qismi sifatida ilgari surildi. Eslatib o‘tamiz, 2025-yil may oyida prezident Shavkat Mirziyoyev Tashqi ishlar vazirligiga AQSh bilan vizaviy tartibotlarni yengillashtirish bo‘yicha muzokaralarni boshlashni topshirgan edi.

Xitoy va Qozog‘iston hamkorligida ilk bor o‘tkazilgan yirik vokal mega-loyiha Silk Way Star finalida O‘zbekiston sharafini himoya qilgan Madinabonu Adilova mintaqaning eng kuchli ijrochilari orasida 2-o‘rinni qo‘lga kiritdi. Bu haqda loyiha tashkilotchilari Kursiv’ga ma’lum qildi.

Astana shahrida o‘tgan final kechasida finalist «Qani endi» qo‘shig‘i bilan ishtirok etdi.

Ma’lumot uchun, bu loyiha Buyuk Ipak yo‘li mamlakatlarini birlashtirgan birinchi qo‘shma vokal teleloyiha bo‘lib, u Qozog‘iston prezidenti Qasim-Jomart Toqayev va Xitoy Raisi Si Szinpin tomonidan imzolangan hukumatlararo kelishuv asosida tashkil etildi.

Dastlab 12 davlat vakillari qatnashgan loyihaning final bosqichiga faqat 7 nafar eng kuchli ijrochi yo‘l oldi. O‘zbekiston ular qatorida yetakchilar safidan...

Honor kompaniyasi Xitoyda Honor 500 smartfonini taqdim etdi. Bu haqda kompaniya rasmiy sahifasida e’lon qilindi.

Model Honor 500 Pro’dan soddaroq bo‘lsa-da, kuchli texnik jihatlari va qulay narxi bilan ajralib turadi. Bazaviy 12/256 GB versiyasi $380, 12/512 GB $420, 16/512 GB esa $465 ga baholanmoqda.

Smartfonning asosiy kamerasi ikki moduldan iborat: 200 megapikselli keng burchakli asosiy sensor va 12 megapikselli ultra-keng burchakli modul. Qurilma 30x raqamli zumni qo‘llab, yuqori sifatli suratga olish imkoniyatini beradi.

Honor 500 katta sig‘imli 8000 mA·soat akkumulyator bilan jihozlangan. Batareya 80 Vt simli, 50 Vt simsiz va 27 Vt teskari quvvatlashni qo‘llab, qurilmadan uzoq vaqt foydalanish...

Adliya vazirligi «Davlat xizmatlari yagona reyestrini yuritish tartibi to‘g‘risida»gi nizomni davlat ro‘yxatidan o‘tkazdi. Bu haqda vazirlik matbuot xizmati ma’lum qildi.

Mazkur nizomga muvofiq, Davlat xizmatlari yagona reyestri Adliya vazirligi tomonidan shakllantiriladi va «Davlat xizmatlari» avtomatlashtirilgan onlayn axborot tizimida yuritiladi.

Reyestrda har bir davlat xizmatining pasporti saqlanadi. Davlat xizmatini reyestrga kiritish yoki undan chiqarish, shuningdek, xizmat ma’lumotlariga o‘zgartirish kiritish davlat xizmatini ko‘rsatishni tartibga soluvchi normativ-huquqiy hujjatlar asosida amalga oshiriladi.

Mazkur reyestrdagi ma’lumotlar jismoniy va yuridik shaxslar uchun ochiq bo‘lib, shaffoflik va qulaylikni ta’minlaydi. Shu tariqa fuqarolar va tashkilotlar davlat xizmatlari haqida aniq va yangilangan ma’lumotga ega bo‘lish imkoniga ega bo‘ladi.

Sirdaryo viloyatining Guliston shahriga jamoat transporti uchun yangi ekologik avtobuslar olib kelindi. Bu haqda Transport vazirligi xabar berdi.

Unga ko‘ra, «Guliston Inter Futbol» MChJ tomonidan navbatdagi 52 dona YUTONG rusumli zamonaviy avtobuslar olib kelindi. Yil boshidan buyon shaharga yetkazilgan ekologik toza avtobuslar soni 72 taga yetdi.

Ushbu yangi avtobuslar hozirda shahar ichidagi 7 ta yo‘nalishda brutto-shartnoma asosida yo‘lovchilarga xizmat ko‘rsatmoqda. Natijada Guliston shahar jamoat transporti parki to‘liq yangilandi va ekologik toza transport vositalariga o‘tish yakuniga yetdi.

Mahalliy aholi yangi avtobuslar harakat jadvalining aniq bo‘lishi, salqin va qulay salonlari hamda ekologik xavfsizligi bilan ajralib turib, shahar ichidagi qatnovni sezilarli darajada...

Chevrolet kompaniyasi tomonidan Braziliyada 2026-yilgi Chevrolet Captiva elektromobili taqdim etildi. Bu haqda GMAutority xabar bermoqda.

Model to‘liq elektromobil bo‘lib, Janubiy Amerikada brendning arzon va ishonchli EV strategiyasidagi asosiy model sifatida bozorga chiqqan.

Yangi Captiva EV Braziliyada faqat Premier komplektatsiyasida sotuvga chiqqan. Model qora rangdagi emblema va gloss-black elementlari bilan yanada jozibali ko‘rinishga ega. Mashina to‘liq xavfsizlik tizimlari, kengaytirilgan funksiyalar va Chevrolet Intelligent Driving haydovchiga yordam beruvchi tizimlari bilan jihozlangan.

Texnik jihatdan, Captiva EV old o‘qdagi yagona elektromotor bilan harakatlanadi. U 201 ot kuchi va 229 lb-ft moment ishlab chiqaradi. 60 kVt/soatli batareya INMETRO bo‘yicha 304 km, CLTC standartiga ko‘ra...

Hindistonda Moto G57 Power smartfoni rasmiy ravishda taqdim etildi. Bu haqda Gizmochina nashri xabar bermoqda.

Qurilma o‘zining juda katta akkumulyatori, 120 Hz ekran yangilanish chastotasi va Sony kamerasi bilan e’tibor qaratmoqda. Narxi esa atigi $170 bo‘lib, bozordagi eng jozibador budjet modellardan biri bo‘lishi kutilmoqda.

Moto kompaniyasi ma’lumotiga ko‘ra, smartfon 7000 mA/soat sig‘imli akkumulyator bilan jihozlangan. TurboPower tezkor zaryadlash texnologiyasi 30 Vt kuchga ega. Rasmiy hisob-kitoblarga ko‘ra, Moto G57 Power bir marta to‘liq zaryad bilan uch kungacha ishlashi mumkin.

Smartfon 6,7 dyuymli IPS ekran bilan taqdim etilgan. Ekran Full HD+ ruxsatga ega bo‘lib, 120 Hz yangilanish chastotasini qo‘llab-quvvatlaydi. Bu esa...