Yangiliklar

Rossiya Federatsiyasi Markaziy banki zamonaviy dizayndagi 1000 rubllik banknotani taqdim etdi. Kuchaytirilgan himoya tizimiga ega bo‘lgan ushbu yangi pul belgisi eski namunadagi kupyuralar bilan parallel ravishda muomalada bo‘ladi.

Banknotaning old tomonida Nijniy Novgorod kremlining Nikolskaya minorasi, orqa tomonida esa Saratov avtomobil ko‘prigi, «Meteor-120R» kemasi hamda Qozon shahridagi Dehqonlar saroyi tasvirlangan. Shuningdek, kupyurada uning badiiy bezagi va haqiqiylik belgilarini tekshirish imkonini beruvchi maxsus QR-kod joylashtirilgan.

Bu Markaziy bankning 1000 rubllik kupyura dizaynini yangilash bo‘yicha ikkinchi urinishidir. 2023-yilda taqdim qilingan dastlabki versiya sababli janjal yuzaga kelgan edi. Rus pravoslav cherkovi vakillarining tanqididan so‘ng dizayn qayta ishlashga yuborilgan. Yangi banknota 1997-yilgi namunadagi...

Jahon bozorida oltin narxi yuqori o‘sishni qayd etmoqda. Xususan, 26-dekabr kuni Toshkent vaqti bilan soat 15:55 holatiga ko‘ra, jahon bozorida oltinning spot narxi bir troya unsiyasi uchun $4513,59 ga yetdi.

Shu bilan birga O‘zbekistonda ham oltin quymalar narxi yana bir bor rekordni yangiladi. Markaziy bank xabariga ko‘ra, 26-dekabr kuni narxlar barcha toifadagi quymalar bo‘yicha yana o‘sdi. Bunda 5 grammli quyma 8,913 mln so‘mdan 8,953 mln so‘mga, 10 grammli quyma 17,826 mln so‘mdan 17,906 mln so‘mga, 20 grammli quyma 35,651 mln so‘mdan 35,812 mln so‘mga ko‘tarildi.

Shuningdek, 50 grammli quyma 89,531 mln so‘m, 100 grammli esa 179,062 mln so‘mni tashkil qildi.

Eslatib...

29-dekabr uchun valyutalar kursi yangilandi. Unga ko‘ra, dollar 21,15 so‘mga pasayib, 12 057,32 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi. 2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil qildi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m...

Geely’ga tegishli SiEngine kompaniyasi 2 048 TOPS quvvatli ADAS chiplarini ommaviy ishlab chiqara boshladi. Bu haqda CarNewsChina xabar bermoqda.

Kompaniya ma’lumotiga ko‘ra, AD1000 chipi 512 TOPS hisoblash quvvatiga ega. Bir nechta chipni birgalikda ishlatish orqali umumiy quvvat 2 048 TOPS’gacha yetadi. Bu yechim L2’dan L4’gacha avtonom haydash tizimlarini qo‘llab-quvvatlaydi.

AD1000 7 nm ko‘p yadroli arxitekturaga ega. Xotira o‘tkazuvchanligi 204 GB/s’ni tashkil qiladi. Chip EVITA xavfsizlik standartlarini qo‘llaydi va apparat darajasidagi kriptografik himoyaga ega.

SiEngine chiplarini Geely Galaxy, Lynk & Co, Volvo, Hongqi, Changan Nevo va Volkswagen modellarida uchratish mumkin. Kompaniya Xitoyda 7 nm cockpit SoC ishlab chiqarayotgan yagona mahalliy...

Xitoy Tashqi ishlar vazirligi AQShning Tayvanga qurol yetkazib berishi sababli 10 nafar shaxs va 20 ta mudofaa kompaniyasiga nisbatan sanksiyalar joriy qildi. Bu haqda The Economic Times xabar bermoqda.

Joriy etilgan choralar sanksiyaga tushgan kompaniyalar va shaxslarning Xitoydagi aktivlarini muzlatish hamda mahalliy tashkilotlarga ular bilan biznes qilishni taqiqlashni o‘z ichiga oladi. Ro‘yxatga kiritilgan jismoniy shaxslarga, jumladan, Anduril Industries asoschisi va to‘qqiz nafar yuqori martabali rahbarga Xitoy hududiga kirish man etildi.

Sanksiyalar nishoniga aylangan kompaniyalar orasida Boeing kompaniyasining Sent-Luis filiali, Northrop Grumman Systems Corporation va L3Harris Maritime Services kabi yirik korxonalar bor. Xitoy Tashqi ishlar vazirligi matbuot kotibi Tayvan masalasini...

Hyundai IONIQ 3 avtomobilining rasmiy tasvirlari paydo bo‘ldi. Bu haqda Electrek xabar berdi. Modelning taqdimoti keyingi yil boshiga rejalashtirilgan.

IONIQ 3 dizayni Aero Hatch uslubida ishlab chiqilgan. Korpus pastroq, osmalar qisqa va umumiy siluet klassik sport xetchbeklarga yaqin. Shu bilan birga, IONIQ oilasiga xos pixel uslubidagi yoritish elementlari saqlab qolingan, biroq avtomobil tashqi ko‘rinishda ancha agressivroq bo‘ladi.

N-Line versiyasida yangilangan bamperlar, sport disklar, orqa spoyler va «N» logotipi ko‘zga tashlanadi. Odatda Hyundai’da N-Line versiyalari to‘liq N-modifikatsiyalardan oldin paydo bo‘ladi. Shu sabab IONIQ 3’ning yanada kuchli sport talqini ham vaqt masalasi bo‘lishi mumkin.

O‘lchamlari bo‘yicha IONIQ 3 mashhur ixcham segmentga...

Arzon smartfon tanlashda doim muayyan murosalarga tayyor bo‘lishga to‘g‘ri keladi. Kam narx evaziga mukammal qurilma topish qiyin. Shuning uchun eng muhim jihatlarni to‘g‘ri baholash zarur. Quyida budjet smartfon tanlashda e’tibor berish kerak bo‘lgan asosiy mezonlar bir qator modellar misolida sodda tarzda tushuntiriladi.

Korpus sifati va qulaylik

Arzon smartfonlarda ko‘pincha e’tibordan chetda qoladigan, ammo juda muhim jihat bu korpus sifati hisoblanadi. Aynan u qurilmaning uzoq vaqt davomida qanday holatda saqlanishini belgilaydi. Smartfonni qo‘lga olib ko‘rganda bo‘shliqlar, g‘ichirlash yoki egilishlar yo‘qligini tekshirish muhim.

Masalan, budjet narxdagi HUAWEI nova 14i mustahkam plastikdan yasalgan bo‘lib, yig‘ilishi zich va ishonchli. Tugmalar qulay joylashgan...

Yevroosiyo taraqqiyot bankining 25-dekabr kuni e’lon qilingan «Xitoy va Yevroosiyo mintaqasi: Investitsiya oqimlari tahlili» hisobotiga ko‘ra, Xitoydan Markaziy Osiyoga to‘g‘ridan to‘g‘ri xorijiy investitsiyalar o‘sishda davom etmoqda va Pekin har yili mintaqa iqtisodiyotidagi ulushini oshirib bormoqda.

Ta’kidlanishicha, ushbu investitsiyalar bilan Xitoy energetika, infratuzilma va ishlab chiqarish kabi muhim iqtisodiy sohalardagi mavqeyini mustahkamlamoqda.

Shu bilan birga, ushbu investitsiyalar mintaqaning iqtisodiy o‘sishiga, ekologik vaziyatni yaxshilashga va infratuzilmani modernizatsiya qilishga hissa qo‘shadi.

Hisobotda aytilishicha, Xitoyning Markaziy Osiyodagi to‘g‘idan to‘g‘ri xorijiy investitsiyalari hajmi 2016-yildagi $19,6 milliarddan 2025-yilning o‘rtalariga kelib $35,9 milliardga oshgan. Xususan, ushbu investitsiyalarning 32 foizi Qozog‘iston iqtisodiyotiga, 30 foizi O‘zbekistonga, 27 foizi...

O‘zbekistondagi barcha idoralarda korrupsiyaga qarshi ichki nazoratga mas’ul o‘rinbosar lavozimi joriy etiladi. Bu haqda prezident Shavkat Mirziyoyev xalqqa yo‘llagan murojaatida aytdi.

Davlat rahbari poraxo‘rlikka qarshi kurashish uchun respublikada 2026-yilda «favqulodda holat» e’lon qilinishini ma’lum qildi.

«Korrupsiya — davlat taraqqiyotiga to‘siq bo‘ladigan, adolat va qonun ustuvorligini izdan chiqaradigan, jamiyatda ishonch muhitini zaiflashtiradigan eng jiddiy tahdid. Korrupsiyaga yo‘l qo‘yish esa islohotlarimizga xiyonatdir», – deydi u.

Barcha idoralarda komplayens va korrupsiyaga qarshi ichki nazoratga mas’ul o‘rinbosar lavozimi joriy etiladi. Hisob palatasining vakili faoliyati yo‘lga qo‘yiladi. Ushbu rahbarlarning vazifasi tizimdagi nopok shaxslarni aniqlash, shuningdek, budjet mablag‘i talon-toroj bo‘lishi...

Xitoyning shimoli-g‘arbida joylashgan Shinjon hududida uzunligi 22 kilometrdan oshadigan Tyanshan Shenli avtomobil tunneli rasman foydalanishga topshirildi. Bu haqda Sinxua nashri xabar berdi.

Unga ko‘ra, tunnel hozircha dunyodagi eng uzun tezkor avtotransport yo‘lagi hisoblanadi.

Yangi tunnel Tyanshan tog‘ tizmasi orqali harakatlanishni keskin osonlashtirdi. Avval tog‘li hududdan o‘tish bir necha soat vaqt olgan bo‘lsa, endilikda bu masofani atigi 20 daqiqada bosib o‘tish mumkin.

Inshoot Urumchi – Yuli yo‘nalishidagi G0711 tezkor avtomagistralida joylashgan bo‘lib, umumiy uzunligi 324 kilometrdan ortiq bo‘lgan ushbu yo‘l Shinjonning shimoliy va janubiy aglomeratsiyalarini bog‘laydi. Tunnel qurilishi besh yil davom etgan, loyiha qiymati esa 46,7 milliard yuan yoki qariyb...

2026-yilda suvni tejaydigan texnologiyalarni joriy etish uchun jami 3,3 trln so‘m ajratiladi. Shavkat Mirziyoyev O‘zbekiston xalqiga murojaatnomasida dunyoda suv tanqisligi tobora kuchayib borayotganini, O‘zbekistonda suvdan oqilona foydalanish esa davlat siyosati darajasiga ko‘tarilganini qayd etdi.

Unga ko‘ra, 1,3 ming km yirik magistral kanallar beton bilan qoplanadi. Bu yiliga qo‘shimcha 500 mln kub metr suvni tejash imkonini beradi.

Shuningdek, joylardagi ochiq drenaj va kollektorlarni yopiq tizimga o‘tkazish bo‘yicha alohida dastur qabul qilinadi. Kanallarni yopiq tizimga o‘tkazish doirasida yirik loyihalar amalga oshiriladi.

Poytaxt, viloyat markazlari va shaharlarda «yashil» hududlarni kengaytirish uchun sug‘orish va drenaj tizimlarini tiklash muhimligi ta’kidlandi. Shu maqsadda $160 mlnlik...

Ayollar va bolalarni zo‘ravonlikdan himoya qilish bo‘yicha samarali tizim yaratiladi. Shavkat Mirziyoyev O‘zbekiston xalqiga murojaatnomasida ayollar va bolalarga nisbatan zo‘ravonlik jamiyat qadriyatlariga mutlaqo zid ekanini ta’kidladi.

«Hech qachon unutmaylik, oilaviy zo‘ravonlik bu faqat oilaning ichki ishi emas, bu butun jamiyatga tegishli masala. Ayolni o‘z muammosi bilan yolg‘iz tashlab qo‘yishga hech kimning haqqi yo‘q», – dedi prezident.

Shuningdek, ayollar va bolalarga nisbatan zo‘ravonlikning oldini olish bo‘yicha respublika muvofiqlashtiruvchi kengashga barcha davlat idoralari va jamoatchilikni jalb etgan holda samarali ishlaydigan tizim yaratish topshirildi.

BMT ma’lumotlariga ko‘ra, 2024-yilda dunyo bo‘yicha 83 ming ayol va qiz...

Toshkentdagi GlobalHR xususiy bandlik agentligi orqali Bolgariya, Sofiya shahrida ish o‘rinlari taqdim etilmoqda. Ish beruvchi 50 nafar elektrik ishchisini yollamoqda. Bu haqda Migratsiya agentligi xabar berdi.

Ish haftasiga besh kun, kunlik sakkiz soat ish rejimidan iborat. Maosh esa boshlang‘ich 1000 yevro bo‘lib, malakaga qarab oshadi. Ish beruvchi ishchilar uchun turar joy va ovqatni ta’minlaydi, shartnoma esa kamida bir yilga mo‘ljallangan.

Ishga qabul qilinadiganlar qurilishda elektrik sifatida tajribaga ega bo‘lishi, rus tilini muloqot darajasida bilishi va 45 yoshgacha bo‘lgan erkaklar bo‘lishi kerak. Qabul qilinganlarga ishchi viza, tibbiy va ijtimoiy sug‘urta imtiyoz tariqasida beriladi.

Tanlov 2026-yil yanvar oyida onlayn suhbat asosida...

Prezident Shavkat Mirziyoyev so‘nggi paytlarda tadbirkorlarga bosim o‘tkazib, o‘zini qonundan ustun qo‘yayotgan jinoiy to‘dalar faoliyati kuzatilayotganini qayd etdi. Bu haqda davlat rahbari matbuot xizmati xabar bermoqda.

Prezident tinchlik va qonun ustuvorligi investitsiya hamda turizm rivoji uchun asosiy omil ekanini eslatib o‘tdi. Biroq ayrim shaxslar o‘zini «qozi» deb hisoblab, odamlar o‘rtasidagi nizolarni noqonuniy hal qilishga urinayotgani, biznesni egallab olishga harakat qilayotgani va iqtisodiyotga zarar yetkazuvchi moliyaviy jinoyatlarni sodir etayotgani tanqid ostiga olindi.

Ayniqsa, bilagida kuchi bor ayrim sportchilarning «oson pul topish» ilinjida ushbu jinoiy guruhlarga qo‘shilib qolayotgani achinarli holat sifatida baholandi. Shuningdek, O‘zbekiston fuqarolaridan iborat jinoiy guruhlarning xorijdagi faoliyati mamlakatning...

AQShning Kaliforniya shtatida kuzatilgan kuchli yomg‘irlar va suv toshqinlari uch kishining umriga zomin bo‘ldi. Bu haqda BBC xabar bermoqda.

Halok bo‘lganlar orasida San-Diyegoda daraxt qulashi oqibatida jon bergan erkak, Redding shahrida suv toshqini tufayli cho‘kib ketgan 74 yoshli fuqaro va Mendosino okrugida to‘lqin oqizib ketgan 70 yoshli ayol bor.

Los-Anjeles okrugining ayrim hududlarida yog‘ingarchilik miqdori 27 santimetrga yetgan. Asosiy avtomobil yo‘llari yopilib, aholini evakuatsiya qilish ishlari olib borilmoqda. Qutqaruvchilar suv sathining ko‘tarilishi sababli mashinalarda qolib ketgan odamlarni qutqarish bo‘yicha bir necha operatsiyalarni amalga oshirdi.

25-dekabr oqshomiga kelib, shtatda 100 mingga yaqin iste’molchilar elektrsiz qolgan. Dekabr oyining boshida AQShning shimoli-g‘arbiy...

Novitec atelyesi Ferrari SF90 Spider modelining bayramona talqinini taqdim etdi. Bu haqda kompaniya o‘z ijtimoiy tarmoqlarida ma’lum qildi, deya xabar bermoqda Tarantas News nashri.

Yangi yil kayfiyatiga mos yaratilgan superkar dizaynda yangilangan bo‘lib, texnik qismga deyarli aralashilmagan.

Novitec mutaxassislari asosiy e’tiborni tashqi ko‘rinish va yurish qismiga qaratgan. Ferrari SF90 Spider’ning standart kuch qurilmasi saqlab qolingan. Avtomobil 4,0 litrli, ikki turbinali V8 dvigatel va uchta elektromotordan iborat gibrid tizim bilan jihozlangan. Umumiy quvvat 986 ot kuchini tashkil etadi.

Superkar 0 dan 100 km/soatgacha 2,5 soniyada, 200 km/soatgacha esa taxminan 7 soniyada tezlashadi. Maksimal tezligi 340 km/soat, bu ko‘rsatkich SF...

Janubiy Koreyada maxsus prokuror mamlakatning sobiq prezidenti Yun Sok Yolga 10 yillik qamoq jazosi tayinlashni so‘radi. Bu haqda Yonhap agentligi xabar bermoqda.

Maxsus prokurorlar guruhi suddan Yun Sok Yolni hibsga olish orderi ijrosiga to‘sqinlik qilgani uchun 5 yil ozodlikdan mahrum etishni so‘radi. Shuningdek, Vazirlar mahkamasi a’zolarining ovoz berish huquqini buzish, xorijiy OAVga yolg‘on ma’lumot tarqatishga urinish va telefon yozuvlarini o‘chirishga buyruq berish ayblovlari bo‘yicha 3 yil so‘ralgan. Harbiy holat to‘g‘risidagi yozma bayonotni soxtalashtirish ayblovi uchun esa qo‘shimcha 2 yillik jazo talab qilindi.

«Konstitutsiya va qonun ustuvorligini himoya qilishda oldingi saflarda turishi kerak bo‘lgan Yun Sok...

Prezident Shavkat Mirziyoyev aholi ehtiyojidan kelib chiqib, keyingi yil O‘zbekiston iqtisodiyotida eng katta talab yaratadigan uy-joy ipotekasiga 23 trln so‘m resurs ajratilishini ma’lum qildi.

Uy-joy sotib olishda boshlang‘ich to‘lov va foiz to‘lovlarining bir qismini qoplash uchun 2 trln 700 mlrd so‘m subsidiya beriladi. Shuningdek, bitta kvartira uchun ajratiladigan imtiyozli ipoteka kreditining miqdori 15 foizga oshiriladi.

Shu bilan birga, 2026-yilda 140 mingta kvartirali ko‘p qavatli uy-joy barpo etilishi ro‘zg‘or uchun zarur iste’mol tovarlariga talabni moliyaviy manbalar bilan ta’minlash maqsadida 125 trln so‘mlik iste’mol krediti ajratilishi aytildi.

Bundan tashqari, murojaatnomada yangi yilda qurilish ishlari hajmini 11 foizga ko‘paytirib, $30 mlrdga yetkazish...

Shavkat Mirziyoyev O‘zbekiston xalqiga murojaatnomasida 2026-yilda aviaparkdagi samolyotlar soni 120 taga yetkazilishini ma’lum qildi.

Unga ko‘ra, mahalliy aviaqatnovlarni rivojlantirish uchun subsidiyalashning yangi tizimi joriy etiladi. Endilikda chipta narxidan qat’i nazar, sotilgan har bir chipta uchun belgilangan miqdorda subsidiya beriladi. Bu chipta narxlarini arzonlashtirish va ichki reyslarga talabni oshirishga xizmat qiladi.

Shuningdek, yangi samolyotlar uchun uchuvchilar va texnik mutaxassislarni tayyorlash maqsadida Fuqaro aviatsiyasi universiteti tashkil etiladi. Unda aeroportlar uchun servis va boshqaruv yo‘nalishida ham kadrlar yetishtiriladi.

Vokzallari xususiy sheriklik asosida boshqaruvga beriladi

Ichki temir yo‘llarni rivojlantirish bo‘yicha besh yillik dastur qabul qilinadi. Shaharlarni tezyurar poyezdlar bilan bog‘lash uchun 2026-yildan...

O‘zbekistonda ekologik avtomobillarni ko‘paytirishga qaratilgan besh yillik dastur amalga oshiriladi. Bu haqda prezident matbuot xizmati xabar bermoqda.

Dastur doirasida mahalliy ishlab chiqarilgan elektromobillar uchun yillik 12 foizlik, xorijdan olib kelingan elektromobillar uchun esa 16 foizlik avtokreditlar ajratiladi.

Elektromobillarni quvvatlash stansiyalarini barpo etayotgan tadbirkorlarga 10 foizli imtiyozli kreditlar beriladi. Shuningdek, ularga yer uchastkalarini auksion narxidan ikki baravar arzon sotib olish imkoniyati yaratiladi.

Elektromobillarni quvvatlash stansiyalarida avtomobil zaryadlash jarayonida elektr energiyasining 1 kilovatt-soati narxi 300 so‘mdan oshgan qismi davlat budjeti hisobidan qoplab beriladi. Elektromobilda taksi xizmati ko‘rsatayotgan fuqarolar uchun ham qo‘shimcha imtiyozlar joriy etiladi.

Shu bilan birga, avtomobillarga ekologik stikerlar...

Prezident Shavkat Mirziyoyev O‘zbekiston xalqiga yo‘llagan murojaatnomasida endilikda o‘zbekistonlik kosmonavt ham fazoga uchishi va u yerda ajdodlar o‘rgangan yulduzlardan xabar olib kelishini aytdi.

«Bugun sizlarga yana bir muhim yangilikni aytmoqchiman. Mustaqil O‘zbekiston tarixida ilk bor kosmik sohada sun’iy yo‘ldosh va mamlakatimiz fuqarosi bo‘lgan birinchi o‘zbek kosmonavtini fazoga uchirish bo‘yicha ishlarni boshladik», – dedi davlat rahbari.

O‘zbekiston yetakchisi bu Yangi O‘zbekistonning ilmiy va texnologik rivojlanishiga, umuman, milliy taraqqiyotni yangi bosqichga olib chiqishga katta turtki berishiga ishonch bildirdi.

«O‘zbek kosmonavti bobomiz aniqlagan yulduzlardan xabar olib keladi», – deydi Shavkat Mirziyoyev.

Uning...

Kelgusi yilda mamlakat eksporti $40 mlrdga yetkazilishi, tayyor va yarim tayyor mahsulotlar ulushi esa 55 foizdan oshirilishi ko‘zda tutilmoqda. Shavkat Mirziyoyev O‘zbekiston xalqiga murojaatnomasida 2026-yilda sanoatni rivojlantirishga qaratilgan yirik loyihalar haqida ma’lumot berdi.

Jumladan, Olmaliq kon-metallurgiya kombinatida qiymati $2,7 mlrd bo‘lgan yangi metallurgiya majmuasi quriladi. Ushbu majmua yiliga 300 ming tonna mis katodi ishlab chiqarish quvvatiga ega bo‘ladi.

Samarqand kimyo zavodida $381 mln investitsiya hisobiga fosforli va murakkab o‘g‘itlar ishlab chiqarish yo‘lga qo‘yiladi. Bunda yiliga 370 ming tonna fosforli va 540 ming tonna murakkab o‘g‘it ishlab chiqarilishi rejalashtirilgan. Qashqadaryoda esa $200 mlnlik kimyo zavodi qurilib, yiliga 50 ming...

O‘zbekistonda kapital bozorni rivojlantirish orqali $1 mlrd jalb qilish rejalashtirilmoqda. Bu haqda prezident matbuot xizmati xabar bermoqda. Bu yo‘nalishda xalqaro moliya tashkilotlari bilan birgalikda ishlab chiqilgan «Kapital bozori to‘g‘risida»gi yangi qonun loyihasini qisqa muddatda qabul qilish lozimligi qayd etildi.

Kurs tebranishlari bilan bog‘liq xatarlarni kamaytirish maqsadida mahalliy kompaniyalarga ichki bozorda xorijiy valyutada obligatsiya chiqarishga ruxsat beriladi. Shuningdek, 2026-yildan boshlab korxonalar ilk bor xalqaro moliya bozorlarida o‘z aksiyalarini joylashtirish imkoniyatiga ega bo‘ladi.

Shavkat Mirziyoyevning ta’kidlashicha, kapital bozorni rivojlantirish orqali tadbirkorlar uchun qo‘shimcha $1 mlrd moliyaviy resurs jalb etish imkoniyati yaratiladi. Bu iqtisodiyotda uzoq muddatli investitsiyalar ulushini oshirishga xizmat qiladi.

O‘zbekiston sanoatini yangi texnologik bosqichga olib chiqish va qo‘shilgan qiymat zanjirini kengaytirish bo‘yicha yirik dastur 2026-yilda start oladi. Bu haqda Shavkat Mirziyoyev bugun, 26-dekabr kuni o‘tkazilayotgan murojaatnomada ma’lum qildi.

Unga ko‘ra, dastur maqsadi – kelgusi besh yil ichida sanoatda qo‘shilgan qiymatni $36,5 milliarddan $60 milliardga yetkazish, shuningdek, yuqori va o‘rtadan yuqori texnologiyali mahsulotlar hajmini 2,5 baravar oshirishdan iborat.

Kelgusi yil davomida $52 milliardlik 782 ta yangi sanoat va infratuzilma loyihasi ishga tushiriladi. Shulardan $14 milliardlik 228 yirik quvvat bir yil ichida faoliyat boshlaydi.

Jumladan, Navoiydagi oltin konlarida $320 millionlik loyiha ishga tushadi, qo‘shimcha 2 million tonna ma’dan qayta ishlanadi...