Yangiliklar

Iqtisodiyot va moliya vazirligi ma’lumotlariga ko‘ra, joriy yil 1-oktabr holatiga davlat qarzi $43,97 mlrdga yetgan. Bu ko‘rsatkich o‘tgan yilning shu davriga nisbatan qariyb $5 mlrdga, yil boshidan esa $3,75 mlrdga ko‘paydi.

Tashqi qarz – asosiy ulushni tashkil etmoqda

Davlat qarzining 84 foizini tashqi qarz egallaydi. To‘qqiz oy davomida uning hajmi $2,99 mlrdga oshib, $36,72 mlrdga yetgan. Ichki qarz esa $760 mlnlik o‘sish bilan $7,25 mlrd bo‘lgan.

Tashqi qarzning o‘tgan yilga nisbatan o‘sishi ham sezilarli, ya’ni bir yil ichida $4,49 mlrdga ko‘paygan.

Qarz mablag‘lari qaysi sohalarga yo‘naltirilmoqda

Olingan tashqi mablag‘larning yarmi 47% yoki $17,43 milliardi davlat budjetini qo‘llab-quvvatlashga...

OnePlus Ace 6T kamerasining imkoniyatlari e’lon qilindi. Ushbu model dunyoda Snapdragon 8 Gen 5 protsessori bilan ishlaydigan birinchi smartfon bo‘ladi.

OnePlus Ace 6T asosiy kamerasi 50 megapikselli Sony sensoriga ega bo‘ladi. OnePlus China prezidenti Li Jyening ta’kidlashicha, ushbu kamera sifat jihatidan narxi taxminan 4 000 yuan (taxminan $565) bo‘lgan premium flagmanlar darajasidagi suratlar olish imkonini beradi.

Smartfonning aniq narxi hali e’lon qilinmagan, biroq kompaniya Ace 6T ushbu segmentdagi raqobatchilardan ancha arzon bo‘lishini bildirib o‘tdi.

Smartfon 6,83 dyuymli OLED displey bilan jihozlanadi. Ekran 1,5K aniqlikka, 165 Hz yangilanish tezligiga ega bo‘ladi. Bu xususiyat yuqori silliqlik va aniq tasvirni ta’minlab, video...

Misrning Qohira shahrida o‘tayotgan karate bo‘yicha jahon chempionatida O‘zbekiston vakili Gulshan Alimardonova (-50 kg) oltin medal sohibiga aylandi. Bu haqda Sport vazirligi matbuot xizmati xabar bermoqda.

Bu g‘alaba orqali Gulshan Alimardonova o‘zbekistonlik ayol karatechilar orasida ilk bor jahon chempioni unvoniga sazovor bo‘ldi. Final bahsida hamyurtimiz Malayziya vakiliga qarshi bahslashdi va ishonchli g‘alabaga erishdi.

Bungacha O‘zbekiston tarixida jahon chempionligini faqat erkaklar o‘rtasida Dostonbek Otabolayev qo‘lga kiritgan edi. Gulshan Alimardonovaning ushbu muvaffaqiyati o‘zbek karatesining xalqaro maydondagi yana bir yirik yutug‘i bo‘ldi.

Avvalroq Kursiv Uzbekistan O‘zbekistondagi bog‘chalarda karate o‘rgatilishi haqida xabar bergan edi.

«Hayvonlar shahri 2» («Zootopia 2») o‘tgan dam olish kunlari jahon prokatida $556 mln daromad yig‘ib, animatsion filmlar orasida eng yirik startga ega bo‘ldi.

AQShda Shukronalik kuni munosabati bilan uzaytirilgan dam olish kunlarida film $156 mln ishlab oldi. Mamlakat tashqarisidagi bozorlarda esa yana $400 mln daromad qayd etildi, shundan $272 mln Xitoy hissasiga to‘g‘ri keladi.

Shu tariqa filmning ilk dam olish kunlaridagi umumiy jahon yig‘imi $556 mlnni tashkil qildi. Bu uni kino tarixidagi eng muvaffaqiyatli to‘rtinchi start va animatsion filmlar orasida mutlaq rekordchi qiladi.

Kuchli natijaga faqat birinchi qismning mashhurligi va bayram kunlari emas, balki tomoshabinlar tomonidan berilgan yuqori baholar...

Qozog‘istonning «Qayrat» futbol klubi sobiq bosh murabbiyi hamda akademiya rahbari Kirill Keker 46 yoshda olamdan o‘tdi. Bu haqda Olmaota klubi matbuot xizmati rasmiy bayonot berdi.

«Qayrat» klubi rahbariyati Kekerning vafotini butun jamoa uchun o‘rnini to‘ldirib bo‘lmas va ulkan yo‘qotish deb atadi. Marhum mutaxassis o‘n yildan ziyod vaqt davomida klub tizimining eng muhim qismlaridan biri bo‘lib kelgan.

«Biz futbolimiz rivojlanish yo‘nalishini belgilab bergan insonlardan birining vafotidan chuqur qayg‘udamiz», – deyiladi klub bayonotida.

Avvalroq Kursiv Uzbekistan Qozog‘istonda futbolchi o‘yin payti vafot etgani haqida xabar bergan edi.

Turkiya Superligasining 14-turida «Kasimpasha» ustidan qozonilgan 3:1 hisobidagi g‘alabadan so‘ng «Istanbul Bashakshehir» bosh murabbiyi Nuri Shahin matbuot anjumanida qatnashdi.

Nuri Shahin mazkur g‘alaba «Trabzonspor»dan uchralgan mag‘lubiyatdan keyin jamoa uchun muhim ahamiyat kasb etganini ma’lum qildi. Murabbiy O‘zbekiston milliy jamoasi sardori Eldor Shomurodovning insoniy fazilatlariga to‘xtalib, unda yulduzlik kasali yo‘qligini ta’kidladi.

«U judayam professional va o‘ta kamtar yigit. Unda yulduzlik kasali yo‘q. Yaratgandan u istagan barcha narsalarga erishishini tilayman», – dedi mutaxassis.

Uchrashuvda jarima zarbasidan gol urgan Abbosbek Fayzullayevning harakatlari ham e’tibordan chetda qolmadi. Shahin yosh yarim himoyachining jarohatlardan keyingi tiklanish jarayonini boshdan kechirayotganini aytib...

AQSh 2026-yildan boshlab dollar banknotalarini to‘liq yangilash bo‘yicha eng yirik modernizatsiya dasturini boshlaydi. Bu haqda AQSH Zarbxona va matbaa byurosi (BEP) xabar berdi.

Unga ko‘ra, yangi kupyuralar, avvalo, xavfsizlik darajasini oshirish, qalbakilashtirish texnologiyalariga qarshi kurashni kuchaytirish hamda dollarning global zaxira valyuta sifatidagi mavqeyini mustahkamlashga qaratilgan.

Yangilanish bosqichma-bosqich amalga oshiriladi:

AQSh hukumati banknotalarning tashqi dizayni haqida hozircha ma’lumot bermagan. Har bir kupyuraning yangi ko‘rinishi muomalaga chiqarilishidan 6 – 8 oy oldin ommaga taqdim etiladi. Bu chora...

BYD kompaniyasining yangi gibrid BYD Ti7 avtomobili Tailandda o‘tayotgan Bangkok Motor Expo 2025 ko‘rgazmasida rasman namoyish etildi. Bu haqda CarNewsChina xabar bermoqda.

Model brendning yangi global avtomobili sifatida taqdim etildi. Avtomobil Xitoy bozorida juda tez mashhurlikka erishgan bo‘lib, 80 kun ichida 50 ming dona sotilgan. Endi BYD ushbu muvaffaqiyatni xalqaro bozorlarda ham takrorlashni rejalashtirmoqda.

Ti7 dastlab Xitoyda Fang Cheng Bao Ti7 yoki Tai 7 (Titanium 7) nomlari bilan sotuvga chiqqan. Uning narxi $25,4 – 31,1 ming oralig‘ida. China EV DataTracker ma’lumotlariga ko‘ra, sentabr-oktabr oylarida 28 152 dona Ti7 yetkazib berilgan. Noyabr oyidagi ichki sotuv hajmi esa 21,8 ming donadan...

2026-yilda davlat budjeti xarajatlari joriy yilda kutilayotgan ijroga nisbatan 3,5 foiz ko‘proq bo‘lishi kutilmoqda. Bu haqda Iqtisodiyot va moliya vazirligi tomonidan e’lon qilingan budjetnomada ma’lum qilindi.

Joriy yil oxirigacha budjet xarajatlari tasdiqlangan parametrga nisbatan 12,8 foizga oshib, 388,9 trln so‘mni tashkil etishi, 2026-yilda esa bu ko‘rsatkich 402,4 trln soʻm bo‘lishi prognoz qilingan.

Kelgusi yilda asosiy mablag‘lar ijtimoiy sohalarni, ya’ni ta’lim va sog‘liqni saqlash infratuzilmasini rivojlantirish, aholining ijtimoiy himoyasini kuchaytirish hamda iqtisodiy infratuzilmani modernizatsiya qilishga ustuvor ravishda yo‘naltiriladi.

Davlat budjeti xarajatlarining vazifa tasnifi bo‘yicha tahlili (trln so‘m)

Ijtimoiy soha xarajatlari kengayadi

2026-yilda ijtimoiy soha davlat budjeti xarajatlarining...

Huawei Mate 80 Pro Max va Samsung Galaxy S25 Ultra ekranlarini solishtirildi. Unga ko‘ra, Huawei Mate 80 Pro Max displeyi Galaxy S25 Ultra’dan yorqinroq chiqdi.

Huawei’ning yangi flagmani 6,9 dyuymli OLED displey bilan jihozlangan. Ekran 2848×1320 piksel aniqlikka ega va 120 Hz yangilanish tezligida ishlaydi. Sensor qatlamining tezkor javob berish chastotasi 300 Hz, PWM (yorqinlikni past darajada silliq boshqarish) ko‘rsatkichi esa 1440 Hz deb baholanmoqda. Ishlab chiqaruvchi maksimal yorqinlik darajasini 8000 kandelgacha yetishini ma’lum qilgan.

Mate 80 Pro Max mustahkam metall korpus bilan ishlab chiqilgan bo‘lib, vizual kontent bilan ishlash hamda yorug‘ muhitda foydalanish bo‘yicha bozor yetakchilaridan biri sifatida...

Markaziy bank Tezpay va National Pay to‘lov tashkilotlarida aniqlangan qoidabuzarliklar sababli ularning faoliyatiga olti oylik cheklov joriy qildi. Bu haqda regulyator matbuot xizmati xabar berdi.

Shuningdek, 1 ta bank va 1 ta to‘lov tashkiloti prudensial normativlar buzilgani, faoliyatning qonunchilikka mos ravishda muvofiqlashtirilmagani hamda inspeksiya jarayonida aniqlangan kamchiliklar uchun rasman ogohlantirildi. Tashkilotlar agar belgilangan tartibni to‘liq tiklamasa, ularga nisbatan chora va sanksiyalar qo‘llanishi mumkin.

Shu bilan birga, jinoiy daromadlarni legallashtirish (AML), terrorizmni moliyalashtirish va ommaviy qirg‘in qurolini tarqatishni moliyalashtirishga qarshi qoidalar buzilgani aniqlangan 3 ta bank, 5 ta mikromoliya tashkiloti va 2 ta to‘lov tashkilotiga jarima sanksiyalari belgilandi.

Bundan tashqari...

O‘zbekistonda 2025-yilning yanvar – oktabr oylarida ko‘rsatilgan ta’lim sohasidagi xizmatlar hajmi 30,4 trln so‘mni tashkil etdi. Bu haqda Milliy statistika qo‘mitasi xabar berdi.

Ta’lim xizmatlari bozori o‘tgan 2024-yilning mos davri bilan solishtirilganda 6,8 foizga o‘sgan. Ushbu soha mamlakatda ko‘rsatilgan jami bozor xizmatlari umumiy hajmining 3,7 foizini tashkil qilmoqda.

Xizmatlar tarkibida eng katta ulush oliy ta’lim tizimiga to‘g‘ri kelishi keladi. Ta’lim sohasidagi umumiy xizmatlar hajmining 46,6 foizi aynan oliy ta’lim muassasalari hissasiga to‘g‘ri keladi.

Avvalroq Kursiv Uzbekistan O‘zbekiston sanoat korxonalari soni 58,6 mingtaga yetgani haqida xabar bergan edi.

Farg‘ona viloyatida tashkil etilgan tezkor tadbirlar natijasida bir necha shaxslar ushlandi va noqonuniy dori hamda giyohvandlik vositalari savdosining oldi olindi. Bu haqda DXX matbuot xizmati ma’lum qildi.

Birinchi holatda, Marg‘ilon shahrida yashovchi 1996-yilda tug‘ilgan fuqaroning «Matiz» rusumli avtomobili tekshirildi. Natijada avtomashina salonida 866 gramm «gashish» moddasi aniqlanib, dalil sifatida olib qo‘yildi. Ma’lum bo‘lishicha, gumonlanuvchi ushbu giyohvandlik vositasini kelgusida sotishni rejalashtirgan.

Ikkinchi holatda, Farg‘ona va Andijon shaharlarida yashovchi shaxslar kuchli ta’sir qiluvchi dorilarni noqonuniy sotish bilan shug‘ullanishi bo‘yicha tezkor ma’lumotlar olingan. Shu asosda Farg‘ona shahrida ularni qo‘lga olish tadbiri o‘tkazildi.

Jumladan, Andijon viloyatining Qo‘rg‘ontepa tumanida yashovchi ikki giyohfurush...

Smartfon bozori kundan-kunga yangi modellar bilan to‘lmoqda. Ushbu maqolada eng qulay va kuchli 5 ta smartfon va ularning texnik imkoniyatlari haqida so‘z boradi.

Mundarija:

OnePlus 13S

Samsung Galaxy S25

Xiaomi 15

Google Pixel 10

iPhone 17

OnePlus 13S

OnePlus 13S ixcham korpusni yuqori samaradorlik bilan uyg‘unlashtirgan flagman sifatida ajralib turadi. Smartfon 6,32 dyuymli 1.5K aniqlikka ega 120 Hz LTPO AMOLED displey bilan jihozlangan. Rang uzatishda 1 mlrd rangni qo‘llab-quvvatlaydi, Dolby Vision va HDR Vivid texnologiyalariga ega.

Qurilmada Snapdragon 8 Elite chipseti bo‘lib, u eng...

Janubi-sharqiy Osiyo mintaqasidagi kuchli musson yomg‘irlari va suv toshqini oqibatida 900 dan ortiq odamlar halok bo‘ldi, minglab odamlar yordamsiz qolmoqda. Bu haqda Earth nashri ma’lum qildi.

Shri-Lankada Ditvah sikloni oqibatida o‘limlar soni 334 nafarga yetdi, ko‘plab insonlar hanuzgacha topilmagan. Siklon 28-noyabr tongida mamlakat sharqiy sohiliga yetib keldi, rekord darajadagi yomg‘ir yog‘dirdi va bir nechta yer silkinishlarini yuzaga keltirdi. Poytaxt Kolombo shahri ayrim hududlari hanuz suvostida bo‘lib, o‘nlab odamlar uylarida qamalib qolgan. Taxminan 200 ming kishi 1275 ta boshpana maskanlariga joylashtirilgan.

Indoneziyadagi og‘ir yomg‘irlar arxipelagning ayrim hududlarini suvostida qoldirdi, ko‘chkilar va suv toshqinlari yuzaga keldi. Rasmiylar 442 kishi...

Huawei kompaniyasi Mate 80 seriyasi taqdimotida o‘zining ilk sun’iy intellektga asoslangan hamroh-o‘yinchog‘i – Smart Hanhan’ni namoyish qildi. Bu haqda Gizmochina nashri xabar berdi.

Qurilma Huawei Mall’da 399 yuan (taxminan $56) narxda savdoga chiqarildi va uchala rangdagi variantlar sotuvga qo‘yilgach qisqa vaqt ichida to‘liq sotib bo‘lindi.

Hissiyotlarni tushunadigan SI-o‘yinchoq

Smart Hanhan – bu ko‘ngil ko‘tarishdan ko‘ra ko‘proq hissiy qo‘llab-quvvatlashga yo‘naltirilgan ixcham o‘yinchoq hisoblanadi. U 80×68×82 millimetr o‘lchamga ega, og‘irligi esa atigi 140 gramm. Tashqi qismi yumshoq mato va silikon kombinatsiyasida bo‘lib, ichki qismida elektron komponentlar joylashgan.

Qurilma Huawei’ning Xiaoyi katta SI modeli bilan jihozlangan. Bu model tabiiy nutqni tushunadi...

Navoiy viloyatining Qiziltepa tumanida ov qurollari bilan qurollangan brakonyerlar ekologiya boshqarmasi tezkor guruhi xodimiga kuch ishlatdi. Bu haqda Rasul Kusherbayev xabar berdi.

Kusherbayevga ko‘ra, ular ekolog xodimining qonuniy talabiga bo‘ysunmay, Buxoro viloyatidan yordamga «ko‘cha mafiyasi» guruhini chaqirgan va ularning yordami bilan voqea joyidan qochib ketgan.

Navoiy viloyati Ichki ishlar boshqarmasi (IIB) ma’lumotiga ko‘ra, brakonyerlarning shaxsi aniqlangan va ular ichki ishlar bo‘limiga olib kelingan. Surishtiruvda ma’lum bo‘lishicha, Buxorodan kelgan besh nafar fuqaro To‘dako‘l hududida noqonuniy ov bilan shug‘ullangan va ekologiya xodimiga qarshilik ko‘rsatgan.

Ularning avtomashinasi ko‘zdan kechirilganda bir dona yovvoyi quyon, ikki dona yovvoyi o‘rdak va ruxsatnomasi bor to‘rtta...

Hyundai’ning premium bo‘linmasi Genesis ilk o‘rta dvigatelli superkarini seriyali ishlab chiqarishga tayyorlanmoqda. Model Magma GT nomi bilan bozorga chiqadi. Bu haqda ITHome nashri xabar berdi.

Ma’lumotga ko‘ra, Fransiyada bo‘lib o‘tgan jahon premyerasida brendning bosh kreativ direktori Lyuk Donkervoorlke loyiha rasman tasdiqlanganini e’lon qilgan.

Genesis bitta model bilan cheklanib qolmoqchi emas. Kompaniya Porsche 911 yo‘lidan borib, to‘liq liniya yaratishni rejalashtirmoqda. Qator bazaviy versiyalardan tortib yengillashtirilgan sport modellarigacha kengayadi. Eng yuqori pog‘onada trek uchun mo‘ljallangan Magma GT3 R joylashadi. Bu qaror omologatsiya talablari bilan bog‘liq. Brend GT3 poyga chempionatida qatnashishi uchun kamida 250 dona yo‘l uchun mo‘ljallangan, poyga versiyasiga mos avtomobil...

Ispaniya poytaxti Madridda sobiq vazir Xose Luis Abalosning hibsga olinishi va korrupsiya mojarolari ortidan hukumatga qarshi ommaviy namoyish bo‘lib o‘tdi. Bu haqda Euronews xabar berdi.

Namoyish tashkilotchisi bo‘lgan Xalq partiyasi ma’lumotlariga ko‘ra, Debod ibodatxonasi atrofida 80 mingdan ortiq odamlar yig‘ilgan. Norozilik aksiyasi sobiq sotsialist vazir Xose Luis Abalos va uning sobiq maslahatchisi Koldo Garsiyaning pandemiya davrida niqob sotib olishdagi korrupsiya sxemasiga aloqadorlikda gumonlanib, hibsga olinishi ortidan tashkil etildi.

Namoyishda Xalq partiyasi yetakchisi Alberto Nunes Feyxo so‘zga chiqdi. U Abalos bilan bog‘liq vaziyatni «bir martalik xato» emasligini ta’kidlab, Sanches boshqaruvini siyosiy, iqtisodiy va ma’naviy korrupsiya deb atadi. Tergov ma’lumotlariga ko‘ra...

Prezident «Soliqlarning yig‘iluvchanlik darajasini oshirish va faol soliq to‘lovchilarni rag‘batlantirish chora-tadbirlari to‘g‘risida»gi qarorni qabul qildi.

Qaror har yili eng yaxshi soliq to‘lovchi mahallalar reytingini tuzish va ularni taqdirlashni nazarda tutadi. 2026-yil 1-yanvardan boshlab «Eng yaxshi soliq to‘lovchi mahalla» nominatsiyasi joriy etiladi. G‘oliblarni aniqlash mezonlari bir necha ko‘rsatkichlarga asoslanadi. Ulardan biri har ming nafar aholiga to‘g‘ri keladigan kichik biznes subyektlari soni va ushbu subyektlar tomonidan to‘langan soliq miqdoridir.

Shu bilan birga, har ming nafar aholiga to‘g‘ri keladigan jismoniy shaxslardan olinadigan daromad solig‘i to‘lovchilar soni ham hisobga olinadi. Mezonlar doirasida o‘zini o‘zi band qilgan fuqarolar soni va ular tomonidan...

Tijorat banklari 1-dekabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi.

Toshkent viloyatining Toshkent tumanida issiqxonalar faoliyatini nazorat qilish bo‘yicha tungi reyd davomida 4 ta issiqxonaga chora ko‘rildi. Bu haqda Ekologiya qo‘mitasi xabar berdi.

Unga ko‘ra, tekshiruv davomida 2 ta issiqxonaning butunlay filtrsiz ishlayotgani, yana bir nechta xo‘jaliklarda esa nosoz filtrlardan foydalanilayotgani aniqlangan. Umumiy hisobda 4 ta issiqxonada filtrlarning nosozligi qayd etildi.

Mazkur holatlar bo‘yicha obyekt egalari bilan tushuntirish ishlari olib borildi. Ularga filtr o‘rnatish majburiy ekani, filtrsiz faoliyat yuritish noqonuniy hisoblanishi hamda bu atmosferaga jiddiy zarar yetkazishi haqida ogohlantirish berildi.

Avvalroq Kursiv Uzbekistan Qibraydagi 200 dan ortiq issiqxonalarda reyd o‘tkazilgani haqida yozgandi.

29-noyabrdan 30-noyabrga o‘tar kechasi Qibray...

Motorola yangi Motorola Edge 70 Ultra smartfoni ustida ishlamoqda. Bu haqda Gizmochina xabar bermoqda.

U Qualcomm’ning eng so‘nggi Snapdragon 8 Gen 5 protsessori asosida ishlaydi. Edge 70 Ultra kompaniyaning bir necha yildan beri chiqarilmagan klassik «Ultra» liniyasini qayta tiklaydi. Mazkur buklanuvchi qurilma Snapdragon 8 Elite Gen 5 chipiga ega bo‘lishi mumkin.

Snapdragon 8 Gen 5 3 nanometrli texnologiya asosida yaratilgan. Chipda 3,8 Hz chastotaga ega 2 ta va 3,32 Hz tezlikda ishlovchi 6 ta Oryon yadrosi mavjud. Qualcomm ma’lum qilishicha, u kundalik vazifalar, ko‘p oynali ishlash va yuqori yuklama jarayonlarida Snapdragon 8 Gen 3 ga nisbatan yuqori unumdorlikni ta’minlaydi...

Xitoyda BYD Leopard Titanium 7 premium gibrid yo‘ltanlamasi qisqa vaqt ichida katta talabga ega bo‘ldi. Brend vakillariga ko‘ra, sotuvlar boshlanganidan buyon 80 kun ichida 50 ming dona avtomobil sotilgan.

Mazkur model Li Auto krossoverlariga bevosita raqobatchi sifatida ko‘rilmoqda. Leopard Titanium 7 yirik o‘lchamga ega bo‘lib, uning uzunligi 4 999 mm, eni 1 995 mm, balandligi 1 865 mm, g‘ildirak bazasi 2 920 mmni tashkil etadi.

Avtomobil 1,5 litrli 156 ot kuchiga ega benzin dvigateli va bitta yoki ikkita elektromotor bilan jihozlangan. Asosiy komplektatsiyada umumiy quvvat 272 ot kuchini tashkil etadi. To‘liq yuritmaga ega, ikkita elektromotorli versiyada esa bu ko‘rsatkich...