Yangiliklar

Xitoy olimlari yangi turdagi natriy-ion batareyani ishlab chiqdi. CarNewsChina xabariga ko‘ra, u hatto 300°C haroratda ham portlamasdan ishlashga qodir. Tadqiqot natijalari 6-aprel kuni e’lon qilindi.

Loyiha Xitoy Fanlar akademiyasi tadqiqotchilari tomonidan amalga oshirildi. Jamoaga olim Hu Yongsheng rahbarlik qilgan. Yangi batareyaning asosiy ustunligi xavfli jarayonning to‘liq bartaraf etilishidir. Bu holatda batareya qizib, zanjir reaksiyasi natijasida yonish yoki portlash yuz berishi mumkin edi.

Yangi texnologiyada yonmaydigan maxsus elektrolit qo‘llanilgan. Harorat 150°C dan oshganda bu suyuqlik qattiq himoya qatlamiga aylanadi. Natijada batareya ichida issiqlik tarqalishi to‘xtaydi va xavfli jarayon bloklanadi. Oddiy batareyalarda esa faqat yonishni sekinlashtirishga uriniladi. Bu texnologiya esa muammoni...

So‘nggi kunlarda Rossiya va Qirg‘izistonda (O‘zbekistonga go‘sht va chorva mollari import qiluvchi davlatlardan) chorva mollari orasida kasallik holatlari qayd etilmoqda. Biroq rasmiylar bu borada aniq izoh bermayapti.

Rossiyaning Novosibirsk viloyati va boshqa hududlarda aholi ommaviy so‘yishga qarshi norozilik bildirgan. Rasmiy tushuntirishga ko‘ra, bu choralar xavfli infeksiyalar tarqalishining oldini olish uchun amalga oshirilmoqda. Ammo ko‘pincha kasallik nomi ochiqlanmaydi.

Ba’zi hollarda pastellyoz tilga olinmoqda. Bu nisbatan yengil infeksiya bo‘lib, Qishloq xo‘jaligi vazirligi buyrug‘iga ko‘ra, undan boshqa hayvonlarni majburiy so‘yish talab etilmaydi. Mutaxassislar esa asl sabab yanada jiddiyroq bo‘lishi mumkinligini aytmoqda. Xususan, gap oqsil kasalligi haqida borayotgan bo‘lishi ehtimoli yuqori.

Qirg‘izistonda...

The Heritage Foundation e’lon qilgan 2026 yilgi Iqtisodiy erkinlik indeksida O‘zbekiston 60,3 ball bilan 86-o‘rinni egalladi. Bu haqda Investitsiyalar, sanoat va savdo vazirligi ma’lum qildi. Mamlakat o‘tgan yildagiga nisbatan natijasini 2,3 punktga yaxshiladi.

Mamlakatning joriy ko‘rsatkichi jahon o‘rtacha darajasi – 59,9 balldan yuqori bo‘ldi. Hisobotga ko‘ra, O‘zbekiston ayniqsa savdo va investitsiya ochiqligi bo‘yicha kuchli natijalarni qayd etgan. Open Markets blokida Trade Freedom 80,6 ballni, Investment Freedom esa 70,0 ballni tashkil qildi. Har ikkala ko‘rsatkich ham mos ravishda jahon o‘rtacha darajasi 70,2 va 53,4 balldan yuqori bo‘ldi.

Tashqi savdo aylanmasi 2023-yildagi $63,5 mlrddan 2025 yilda $81,2 mlrdga yetdi. Bu...

7-aprel sanasi insoniyat hayotini o‘zgartirgan muhim ixtirolar, avtomobilsozlikdagi yirik burilishlar hamda kino va sport olamidagi yorqin yulduzlarning dunyoga kelishi bilan yodda qolgan. Kursiv Uzbekistan kunning eng muhim voqealari xronologik tartibda taqdim etadi.

1827-yili ingliz ixtirochisi va kimyogari Jon Uoker insoniyat tarixida birinchi marta ishqalanish yordamida yonuvchi yog‘och gugurtlarni keng ommaga sota boshladi. Bu biz uchun hozir oddiy tuyulgan buyumning qanday paydo bo‘lganini eslatuvchi qiziqarli faktdir.

1939-yilda kino olami tarixini o‘zgartirgan afsonaviy amerikalik rejissyor va ssenarist Frensis Ford Koppola tavallud topdi. U yaratgan «Cho‘qintirgan ota» asari butun dunyo kinematografiya shinavandalari uchun haqiqiy durdonaga aylangan.

1947-yili mashhur Ford Motor Company...

Pora bilan ushlangan hokim o‘rinbosari, AQShda uchrashuv o‘tkazgan Saida Mirziyoyeva — 6-aprel kuni e’lon qilingan yangiliklar Kursiv Uzbekistan dayjestida.

«Beshqo‘rg‘on» bozorida yong‘in: nimalar ma’lum

5-aprel kuni soat 15:56 atrofida Toshkent shahrining Chilonzor tumanidagi «Beshqo‘rg‘on» savdo majmuasida yong‘in yuz berdi. Bu haqda Favqulodda vaziyatlar vazirligi (FVV) xabar bermoqda.

Guvohlarning aytishicha, yong‘in natijasida bozordagi bir nechta do‘konlar alangaga o‘ralgan. Yong‘in o‘chirish ekipajlari maxsus texnika yordamida olovni qisqa vaqt ichida nazoratga olishga kirishgan. Dastlabki ma’lumotlarga ko‘ra, hodisa oqibatida jabrlanganlar yo‘q. Yong‘in sabablari hozircha aniqlanmoqda. Yong‘inni o‘chirish jarayonida Favqulodda vaziyatlar vaziri Azizbek Ikromov ham ishtirok etgan.

Tramp Hormuz bo‘g‘ozi bloklanishi sababli Eronga haqoratli...

7-aprel kuni mamlakatning aksariyat hududlarida havo o‘zgaruvchan bo‘lib, ba’zi joylarda yomg‘ir yog‘ishi va momaqaldiroq kuzatilishi mumkin. Kunduzgi harorat 10-23° oralig‘ida, kechasi esa 5-17° bo‘ladi.

Quyida ob-havo ma’lumoti viloyatlar kesimida:

Shavkat Mirziyoyev mudofaa salohiyatini mustahkamlash va harbiy xizmatchilarni qo‘llab-quvvatlash masalalari bo‘yicha yig‘ilish o‘tkazdi. Bu haqda prezident matbuot xizmati ma’lum qildi.

Yig‘ilishda muddatli harbiy xizmatga chaqirilgan yoshlar uchun ta’lim va kasb-hunar imkoniyatlarini kengaytirish masalalari ko‘rib chiqildi. 2026/2027-oʻquv yilidan boshlab askarlarga oliygohlarga kirish va masofaviy ta’lim olish imkoniyati yaratiladi.

Shuningdek, harbiy qismlarda abituriyentlarni tayyorlash kurslari tashkil etiladi. Shartnoma asosida oʻqishga qabul qilinganlar foizsiz imtiyozli kreditlar olishlari mumkin va oliy ta’limni tamomlagach zaxiradagi leytenant harbiy unvoni beriladi.

Namunali xizmat oʻtagan askarlar, sport musobaqalari va fan olimpiadalarida birinchi oʻrinni egallaganlar test sinovlarisiz oʻqishga qabul qilinadi. Harbiy xizmat davomida «Bitta askar – bitta...

Bangladesh Sog‘liqni saqlash vazirligi mamlakat bo‘ylab tez tarqalayotgan qizamiq epidemiyasiga qarshi favqulodda emlash kampaniyasini boshladi. Bu haqda Reuters agentligi ma’lum qildi.

Kampaniya bir milliondan ortiq bolalarni qamrab oladi va UNICEF, Jahon sog‘liqni saqlash tashkiloti hamda Gavi, Emlash alyansi tomonidan qo‘llab-quvvatlanadi. Favqulodda emlash dasturi 18 ta yuqori xavfli tumanlarda boshlandi. Ushbu hududlarda oltidan besh yoshgacha bo‘lgan bolalarga ustuvor e’tibor qaratiladi, ayniqsa, muntazam emlashdan chetda qolganlar va og‘ir asoratlar xavfi yuqori bo‘lganlar.

SSV ma’lumotlariga ko‘ra, hozirgacha mamlakatda 17 ta tasdiqlangan o‘lim, 113 ta shubhali o‘lim va 7,5 mingdan ortiq shubhali infeksiyalar qayd etilgan. UNICEF vakili Rana Flowers qizamiq kasalligining keskin...

Shavkat Mirziyoyev iqtisodiyotda davlat ishtirokini qisqartirish va xususiylashtirish jarayonlarini tezlashtirish bo‘yicha takliflar taqdimoti bilan tanishdi. Bu haqda prezident matbuot xizmati ma’lum qildi.

So‘nggi yillarda O‘zbekistonda xususiy sektorni rivojlantirish va investitsiyalar jalb qilish bo‘yicha sezilarli ishlar amalga oshirilgan. Hozirgi kunda iqtisodiyotdagi davlat ulushi 42 foizni tashkil etadi va davlat ishtirokidagi korxonalarning soni 1685 taga yetgan. O‘tgan yili qariyb 30 trln so‘mlik davlat aktivlari xususiylashtirilib, budjetga 10 trln so‘mdan ortiq tushum kiritilgan. Shu bilan birga, yer uchastkalarini sotish hajmi 6 trln so‘mga yetgan.

Xususiylashtirish jarayonlarida ish o‘rinlarini saqlash, yangi mulkdorlar tomonidan zamonaviy texnologiyalarni joriy etish va ishlab chiqarish samaradorligini oshirish...

Google kompaniyasi Chrome brauzerida video va audio elementlarini kechiktirilgan yuklash (lazy loading) bilan ta’minlashni e’lon qildi. Bu haqda PC World nashri xabar berdi.

Lazy loading konsepsiyasi uzoq vaqtdan beri mavjud bo‘lib, uning asosiy maqsadi – sahifadagi og‘irroq elementlarni yengilroq elementlar yuklangach yuklashdir. Shu orqali foydalanuvchilar sahifadagi kontent bilan tezroq ishlay boshlash imkoniga ega bo‘ladi.

2019-yildan beri Chrome va Chromium asosidagi brauzerlarda rasm va iframe elementlari lazy loading bilan ishlaydi. Bu elementlar faqat foydalanuvchi ularni sahifada ko‘rish darajasiga yaqinlashganda yuklanadi.

Endilikda Google lazy loading imkoniyatlarini kengaytirib, video va audio HTML teglarida joylashgan multimedia kontentni ham qamrab olishini bildirgan. Bu...

Toshkent shahrida 8-aprel kuni issiqlik tarmoqlarini yuqori bosim ostida sinovdan o‘tkazish ishlari amalga oshiriladi. Bu haqda Veolia Energy Tashkent ma’lum qildi.

Ma’lum qilinishicha, sinovlar 4-IM (M-0, M-1) hamda 5-IM (M-0, M-4) qozonxonalari boshqaruvidagi issiqlik tarmoqlarida o‘tkaziladi. Jarayon 2026-yil 8-aprel kuni tungi soat 00:00 da boshlanib, 9-aprel kuni soat 06:00 gacha davom etadi.

Ushbu sinovlardan ko‘zlangan asosiy maqsad xalqaro xavfsizlik standartlariga muvofiq isitish mavsumiga tayyorgarlik ko‘rish, mavjud nuqsonlarni aniqlash va qish mavsumida barqaror issiqlik ta’minotini yo‘lga qo‘yishdan iborat.

4-IM qozonxonasi hududida Amir Temur, Mustaqillik shohko‘chalari, Bog‘ishamol, Minor, Hamid Olimjon, Abdulla Qodiriy, Sebzor, Labzak, Qoraqamish kabi qator ko‘chalar va mavzelar...

Samsung kompaniyasi Galaxy S25 liniyasi uchun Galaxy AI’ning ayrim yangi funksiyalari joriy etilishini rasman tasdiqladi. Bu haqda Sammobile nashri ma’lum qildi.

Unga ko‘ra, mazkur yangiliklar dastlab Galaxy S26 seriyasida taqdim etilgan bo‘lib, ularning bir qismi endilikda oldingi avlod qurilmalariga ham yetkaziladi. Avvalroq internetda ushbu funksiyalar Galaxy S25’ga berilmasligi haqida tarqalgan xabarlar foydalanuvchilar noroziligiga sabab bo‘lgan edi.

Samsung Community forumida kompaniya vakili foydalanuvchilarga fikr-mulohazalari uchun minnatdorlik bildirib, Galaxy S25 qurilmalari uchun maxsus dasturiy yangilanish ishlab chiqilayotganini ma’lum qildi. Yangilanish doirasida kengaytirilgan Galaxy AI imkoniyatlari, jumladan, One UI 8.5 tizimida ilk bor paydo bo‘lgan «aqlli» qo‘ng‘iroqlarni filtrlash funksiyasi ham taqdim...

Bosh vazir o‘rinbosari Jamshid Xo‘jayev Navoiy viloyatida o‘tkazilgan tadbirkorlar bilan uchrashuvda bojxona deklaratsiyasi bilan bog‘liq umumrespublika yig‘imlarini 30 foizdan ortiq kamaytirish bo‘yicha topshiriq berdi. Bu haqda Savdo-sanoat palatasi ma’lum qildi.

Unga ko‘ra, uchrashuvda «SVS Navoiy» xorijiy korxonasi vakili bojxona operatsiyalari bo‘yicha amaldagi imtiyozlarni qayta tiklashni taklif qildi. Eksport salohiyati ortib borayotgan sharoitda biznesni qo‘llab-quvvatlash zarurati ushbu tashabbusga asos bo‘lgan.

2025-yilda eksportni rasmiylashtirish xarajatlari 50 foizlik chegirma bekor qilinganidan so‘ng oshgan. Bu o‘zgarish Jahon savdo tashkiloti talablariga moslashish maqsadida amalga oshirilgan bo‘lib, eksport va import stavkalari tenglashtirilgan. Natijada biznes zimmasidagi moliyaviy yuk sezilarli darajada ko‘paygan.

Bojxona qo‘mitasi umumiy tariflarni kamaytirish...

Shavkat Mirziyoyev soliq ma’murchiligini takomillashtirish va soliq organlari faoliyatini isloh qilishga doir taqdimot bilan tanishdi. Bu haqda prezident matbuot xizmati ma’lum qildi.

So‘nggi ikki yilda soliq bazasining kengayishi natijasida byudjetga tushumlar iqtisodiyot sur’atlariga nisbatan tezroq oshmoqda. Xalqaro valyuta jamg‘armasi ham ushbu natijalarni soliq maʼmurchiligini kuchaytirish va yashirin iqtisodiyotni qisqartirish orqali erishilayotganini e’tirof etmoqda. Tizimni izchil isloh qilish orqali 2030-yilga borib soliq tushumlarini 491,5 trln so‘mga yetkazish va iqtisodiyotdagi kuzatilmaydigan ulushni 28 foizdan 19,6 foizgacha qisqartirish maqsad qilingan.

Yig‘ilishda soliq tushumlarini oshirishdagi eng katta zaxira «yashirin iqtisodiyot»ni qisqartirish ekani ta’kidlandi. Prezident raqamli tahlil va sun’iy intellekt imkoniyatlaridan keng foydalanib...

Toshkent va Surxondaryo viloyatlarida 35 kilogrammdan ortiq narkotik moddalarning noqonuniy olib kirilishining oldi olindi. Bu haqda DXX matbuot xizmati ma’lum qildi.

Birinchi holat Toshkent viloyatida 2003 va 1998-yilda tug‘ilgan ikki nafar fuqaro davlat chegarasini noqonuniy kesib, qo‘shni respublikadan o‘tgan vaqtida qo‘lga olindi. Ulardan olingan ikki sport sumkasi ichida 4 kg 884 gr «opiy», 19 kg 863 gr «gashish» moddasi hamda 380 quti Esse Change tamaki mahsulotlari aniqlanib, ashyo sifatida rasmiylashtirildi. Narkokuryerlarga nisbatan JKning 223, 246 va 273-moddalari bilan jinoyat ishi qo‘zg‘atilib, ehtiyot chorasi sifatida qamoq qo‘llanildi.

Ikkinchi holat esa Surxondaryo viloyatida Afg‘onistondan avtomobil g‘ildiragi kamerasi orqali Amudaryodan o‘tgan...

Samsung kompaniyasi o‘z smartfonlarida avtomatik ishlaydigan xabarlar ilovasi Samsung Messages’ni 2026-yil iyul oyida bekor etishini e’lon qildi.

Unga ko‘ra, Messages ilovasi 2026-yil iyul oyidan boshlab xizmatini to‘xtatadi. Shu munosabat bilan Samsung foydalanuvchilardan Google Messages ilovasiga o‘tishni tavsiya etmoqda.

Kompaniya, shuningdek, foydalanuvchilarga Messages ilovasida aniq bekor qilinish sanasini tekshirishni maslahat bermoqda. Android 11 yoki undan eski versiyalarda ishlaydigan qurilmalar xizmat tugashidan ta’sirlanmaydi va Samsung Messages ilovasini qo‘llab-quvvatlashni davom ettiradi.

Yangi Samsung qurilmalari, jumladan, Galaxy S25 seriyasi, Galaxy Z Fold6, Galaxy Z Flip6 va undan keyingi modellarda avtomatik ishlaydigan xabarlar ilovasi sifatida Google Messages o‘rnatilgan. AQShda esa Samsung Messages ilovasi...

Toshkentdagi Hilton mehmonxonasida O‘zbekiston futzal federatsiyasi va ispaniyalik mutaxassis Xose Mariya Mendes o‘rtasida rasmiy shartnoma imzolandi. Tadbir davomida u milliy terma jamoaning yangi bosh murabbiyi sifatida ommaga tanishtirildi.

Matbuot anjumanida O‘zbekiston futzal federatsiyasi rahbari Bekzod Mamatqulov, O‘zbekiston professional futbol ligasi rahbari Diyor Imomxo‘jayev hamda ommaviy axborot vositalari vakillari ishtirok etdi.

Ma’lumot uchun, Xose Mariya Pazos Mendes 1974-yil 28-mart kuni Ispaniyaning Lugo shahrida dunyoga kelgan. Yoshligida darvozabon sifatida futzalni boshlagan murabbiy 22 yoshda futzalchilik faoliyatini yakunlagan. Murabbiylik faoliyati davomida Tailand, Vyetnam, O‘zbekiston U-18 va O‘zbekiston terma jamoalarida ishlagan.

Ispaniyalik mutaxassis birinchi marta 2011 – 2012-yillarda, ikkinchi marta esa...

Davlat bug‘doyidan un ishlab chiqarib, birjaga chiqarmagan 29 ta korxona birja savdosidan chetlashtirildi. Bu haqda Raqobat qo‘mitasi ma’lum qildi.

Unga ko‘ra, ichki bozorda bug‘doy mahsulotlari narxini barqarorlashtirish va qonunchilik talablariga rioya qilinishini ta’minlash maqsadida 29 ta korxona birja savdolaridan chetlashtirildi. Amaldagi qonunchilikka binoan, bug‘doy va un mahsulotlari faqat birja orqali sotilishi mumkin bo‘lgan yuqori likvidli va ijtimoiy ahamiyatga ega mahsulot hisoblanadi.

Davlat resursidagi, ya’ni budjet mablag‘lari hisobidan xarid qilingan bug‘doyni, birjadan sotib olingan hajmga muvofiq, yana birjada sotish belgilangan. Ushbu talablar bajarilmagan hollarda raqobat to‘g‘risidagi qonunchilik doirasida tegishli choralar ko‘riladi.

Shu munosabat bilan 2026-yil 3-apreldan boshlab davlat resursidan...

Namangan tumani Qurilish va uy-joy kommunal xo‘jaligi bo‘limi bosh arxitektori $1,5 ming pora olayotgan vaqtida ushlandi. Bu haqda Bosh prokuratura departamenti ma’lum qildi.

Unga ko‘ra, arxitektor tumandagi oilaviy korxona rahbariga yashash uyining bir qismida yangi tashkil etilayotgan avtomobil yuvish shoxobchasining loyiha hujjatlarini tayyorlab, qurilish ishlariga qo‘yilgan taqiqni bekor qilishni va’da bergan. Buning uchun esa korxona rahbaridan $1,5 ming talab qilgan.

Bosh arxitektor ushbu summaning $500 ni olgan va qolgan $1 mingni xizmat xonasida olgan vaqtida ashyoviy dalillar bilan ushlandi. Mazkur holat yuzasidan Jinoyat kodeksining 210-moddasi (pora olish) bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq...

Eron 6-aprel kuni Islom inqilobi qo‘riqchilari korpusi (IIQK) razvedka bo‘linmasi rahbari, general-mayor Majid Xademining halok bo‘lganini tasdiqladi.

Isroil tomoni generalni yo‘q qilganini tan olib, uni Isroil fuqarolariga qilingan raketa hujumlariga aloqadorlikda aybladi. Xabarlarga ko‘ra, general Xademi dushanba kuni erta tongda o‘ldirilgan. Hozircha voqeaning boshqa qo‘shimcha tafsilotlari ochiqlanmagan.

Isroil mudofaa vaziri Israel Kats bosh shtab rahbari tomonidan Xademining yo‘q qilingani haqida xabardor etilganini ma’lum qildi. Uning ta’kidlashicha, general Isroilning tinch aholisiga qilingan halokatli raketa zarbalari uchun bevosita javobgar hisoblanadi.

«IIQK tinch aholiga qarata o‘q uzmoqda, biz esa terrorchilar yetakchilarini yo‘q qilyapmiz», – dedi Kats.

Vazirlik...

Tesla 2026-yil boshida yana dunyodagi eng yirik elektromobil ishlab chiqaruvchiga aylandi. Kompaniya sof elektr avtomobillar savdosi bo‘yicha Xitoyning BYD brendini ortda qoldirdi.

Yanvar – mart oylarida Tesla global yetkazib berish hajmini 6,5 foizga oshirib, 358 ming dona elektromobil sotdi. Bu natija kompaniyaga yana birinchi o‘rinni qaytarib berdi. Shu davrda BYD’ning sof elektr avtomobillar savdosi 25,5 foizga kamaydi. Kompaniya 310,3 ming dona elektromobil sotgan.

BYD gibrid modellarni ham ishlab chiqaradi, Tesla esa faqat to‘liq elektr avtomobillarni taklif qiladi. Xitoyda davlat subsidiyalarining qisqarishi BYD savdosiga salbiy ta’sir ko‘rsatgan. Yangi qoidalarga ko‘ra, xaridorlarga beriladigan subsidiyalar kamaygan va elektromobillar uchun soliq imtiyozlari qisqartirilgan...

O‘zbekistonda «Eng yaxshi metrolog» tanlovini o‘tkazish tartibi rasman belgilandi. Bu haqda Adliya vazirligi ma’lum qildi.

Hukumat qarori bilan «Eng yaxshi metrolog» mukofoti bilan taqdirlash tartibi to‘g‘risidagi nizom tasdiqlandi. Ushbu nizom tanlovning o‘tkazilish tartibini belgilab, qatnashuvchilar uchun aniq mezonlarni belgilaydi.

Nizomga ko‘ra, tanlov uchta nominatsiya bo‘yicha o‘tkaziladi: ilmiy metrologiya yo‘nalishidagi eng yaxshi metrolog, amaliy metrologiya yo‘nalishidagi eng yaxshi metrolog va eng yaxshi yosh metrolog. Tanlov mezonlari sifatida mamlakat sanoatining rivojlanishida metrologiya sohasiga qo‘shilgan hissasi hamda ta’lim va ijtimoiy ahamiyatga ega faoliyat natijalari hisobga olinadi.

Talabgorlar har yili 10-apreldan oldin barcha zarur hujjatlarni ariza bilan birga Tanlov komissiyasi kotibiga taqdim...

Xalqaro miqyosda 2026-yilgi global internet erkinligi indeksi natijalari e’lon qilindi. Joriy yilda O‘zbekiston maksimal 100 balldan 24 ball to‘plagan. Bu haqda Cloudwards xabar bermoqda.

Mintaqaviy ko‘rsatkichlar turlicha taqsimlangan bo‘lib, Markaziy Osiyoda Tojikiston 56 ball va Qirg‘iziston 52 ball bilan mintaqada nisbatan yaxshi natija ko‘rsatgan. Qozog‘istonning reytingdagi bali 36 ni tashkil qildi. Afg‘onistonda esa ushbu raqam 24 ballga teng bo‘ldi.

Global miqyosda eng past ko‘rsatkichlar Rossiya, Xitoy, Hindiston, Pokiston va Eronda qayd etildi. Ko‘rsatib o‘tilgan davlatlarning har biri atigi 4 balldan to‘plagan. Shuningdek, Saudiya Arabistoni 12 ball olgan bo‘lsa, Mongoliya 76 ball bilan yuqori erkinlik darajasini ko‘rsatgan.

Reytingda eng yuqori...

7-aprel uchun valyutalar kursi yangilandi. Unga ko‘ra, dollar 4,67 so‘mga oshib, 12 175,34 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

31-mart kuni 15,21 so‘mga oshib, 12 210,71 so‘mni tashkil etgan edi. AQSh valyutasi 1-apreldan pasayishni boshladi: 1-aprel kuni 16,50 so‘mga tushib, 12 194,21 so‘m, 2-aprel kuni esa 52,11 so‘mga tushib, 12 142,10 so‘m bo‘ldi. 3-apreldan dollar yuqorilashni boshladi: shu kuni AQSh valyutasi 7,74 so‘mga oshib, 12 149,84 so‘mni, 6-aprelda esa 20,83 so‘mga oshib, 12 170,67 so‘mni tashkil etdi.

Markaziy bank ma’lumotlariga ko‘ra, yevro 15,14 so‘mga oshib, 14 063,74 so‘mni, rubl esa...