Yangiliklar

O‘zbekistonda zo‘ravonlikdan jabrlangan xotin-qizlarni himoya qilish va ularga huquqiy yordam ko‘rsatish tizimi takomillashtiriladi. Adliya vazirligiga ko‘ra, prezident tomonidan yangi qonun imzolandi.

Qonunga ko‘ra, «bolaning eng ustun manfaatlari» tushunchasi hamda uni ta’minlash kafolatlari qonunchilikka kiritildi. Bu tushuncha bolaning oila g‘amxo‘rligida ulg‘ayishi, farovonligi, xavfsizligi, sog‘lig‘i, ta’lim olishi, har tomonlama kamol topishi, shaxsiy daxlsizligi, sha’ni va qadr-qimmatini himoya qilish kabi mezonlarni o‘z ichiga oladi.

Shuningdek, bolaning fikrlash, so‘z va e’tiqod erkinligi, ijtimoiy hamda axloqiy manfaatlari ham inobatga olinadi. Bolaning manfaatlari uning o‘ziga xos xususiyatlari, ishtiroki va fikrini hisobga olgan holda belgilanadi.

Qonun bilan Ijtimoiy himoya milliy agentligi tizimidagi tashkilotlarga, jumladan, Ayollarni reabilitatsiya...

Raqobat qo‘mitasi qisqa raqamlarga qo‘ng‘iroq qilishda ko‘p vaqt yo‘qotilishi, operator bilan ulanish qiyinligi va texnik uzilishlar bo‘yicha takliflarini Raqamli texnologiyalar vazirligiga yubordi.

Ayrim holatlarda kutish vaqti 10 – 30 daqiqagacha yetgan

Raqobat qo‘mitasi o‘rganishlariga ko‘ra, mobil aloqa abonentlaridan eng ko‘p qo‘ng‘iroqlar elektr tarmoqlari, gaz, ichimlik suvi ta’minoti va boshqa muhim xizmatlar raqamlariga amalga oshirilgan.

Ayrim holatlarda operator bilan bog‘lanish uchun umumiy o‘rtacha kutish vaqti 10 – 30 daqiqagacha yetgani aniqlangan.

Kommunal soha bo‘yicha murojaatlar oshgan

Tahlillarga ko‘ra, kommunal soha bilan bog‘liq murojaatlarning 80 – 90 foizidan ortig‘i Raqobat qo‘mitasining 1159 ishonch raqami orqali qabul qilingan.

Bu yo‘nalishda...

AnTuTu ishlab chiquvchilari tomonidan 2026-yil iyun yakunlari bo‘yicha o‘rta narx segmentidagi eng kuchli Android smartfonlar reytingi e’lon qilindi. Ro‘yxatdagi dastlabki uch o‘rinni MediaTek Dimensity 8500 platformasining turli versiyalarida ishlovchi modellar egalladi.

Reyting yetakchisi Dimensity 8500 Full-Power Edition chipiga ega iQOO Z11 bo‘ldi. Ikkinchi o‘rinni Dimensity 8500 Elite protsessori bilan jihozlangan Honor 600 Pro egalladi. Uchinchi pog‘onadan esa xuddi shu platforma asosida ishlab chiqilgan Honor WIN Turbo joy oldi.

Shu bilan birga, Honor 600 Pro modelining Xitoy bozori uchun mo‘ljallangan versiyasi xalqaro variantdan farq qilishi ta’kidlanmoqda. Jumladan, global bozorda taqdim etilgan Honor 600 Pro Qualcomm Snapdragon 8 Elite chipida ishlaydi...

Kadastr ma’lumotlar bazasini UZKAD yagona axborot tizimiga birlashtirish jarayonida ayrim ko‘chmas mulk manzillari bo‘yicha my.maktab.uz platformasida noaniqliklar kuzatilmoqda. Davlat kadastrlar palatasiga ko‘ra, bunday holatlarni tezkor bartaraf etish uchun respublika bo‘yicha tezkor shtab tashkil etildi.

Muammo nimada

Hozirda kadastr ma’lumotlar bazalari yagona UZKAD axborot tizimiga birlashtirilmoqda. Ushbu jarayon davomida ayrim ko‘chmas mulk obyektlari manzillari bo‘yicha my.maktab.uz platformasida xatolik yoki noaniqliklar paydo bo‘lishi mumkin.

Bu holat, asosan, farzandini 1-sinfga onlayn joylashtirayotgan ota-onalarda muammo keltirib chiqarishi ehtimoli bor.

Qayerga murojaat qilish mumkin

Agar 1-sinfga qabul jarayonida kadastr bilan bog‘liq muammo yuzaga kelsa, fuqarolar @Dkpuz_bot telegram boti orqali murojaat qilishi mumkin.

FAW konserniga qarashli Hongqi brendi Xitoyda yangilangan 2026-yilgi Hongqi Tiangong 08 elektromobilining 670 Max versiyasi uchun sotuvoldi buyurtmalarini qabul qilishni boshladi. Bu haqda CarNewsChina nashri xabar bermoqda.

Tiangong 08 Hongqi’ning Tiangong elektr modulli platformasi asosida ishlab chiqilgan. Model ilk bor 2024-yil noyabrida namoyish qilingan, 2025-yil boshida esa bozorga chiqarilgan edi. Yangilangan 670 Max versiyasining sotuvoldi narxi 199,8 ming yuan, ya’ni taxminan $29,4 ming etib belgilandi. Cheklangan muddatli aksiya doirasida esa avtomobil 179,8 ming yuan yoki qariyb $26,4 mingdan taklif qilinmoqda.

Avtomobil tashqi ko‘rinishida ayrim o‘zgarishlar qilingan. Jumladan, yangi «Daiye Blue» kuzov rangi qo‘shildi. Tiangong 08 yopiq old panjara, yoritiluvchi...

Samsung One UI 9.0 yangilanishini nafaqat flagman, balki arzon Galaxy smartfonlari uchun ham tayyorlamoqda. Gizmochina ma’lumotiga ko‘ra, kompaniya yangi interfeysni Galaxy A07, Galaxy A17 va Galaxy A16 kabi budjet modellarda ichki sinovdan o‘tkazmoqda.

Beta hozircha Galaxy S26 uchun ochiq

Hozircha One UI 9.0’ning ommaviy beta-versiyasi faqat Galaxy S26 seriyasi uchun mavjud.

Shunga qaramay, Samsung boshqa Galaxy qurilmalari uchun ham yangilanishni vaqtida chiqarish ustida ishlamoqda. Ichki testlar bir necha haftadan beri davom etayotgani aytilmoqda.

Budjet modellar ham ro‘yxatda bor

Avvaliga sinovlar, asosan, yuqori va o‘rta narx segmentidagi smartfonlarda olib borilgan.

Biroq test serverlarida Galaxy A07, Galaxy A17 va...

Tijorat banklari tomonidan 2-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 2-iyul uchun valyutalar kursi e’lon qilingani haqida yozgan edi.

Jahon banki Tojikistondagi Rog‘un GES qurilishining ikkinchi bosqichini moliyalashtirish uchun $300 mln grant ajratishni ma’qulladi. Bu haqda Asia Plus xabar berdi.

Qaror bank direktorlar kengashi tomonidan 30-iyun kuni qabul qilingan. Shu tariqa Jahon bankining Rog‘un loyihasiga ajratgan umumiy qo‘llab-quvvatlovi $650 mlnga yetdi.

Loyiha Tojikistonning uzoq muddatli rivojlanishi uchun muhim yo‘nalishlardan biri hisoblanadi. Uning amalga oshirilishi mamlakatda 30 mingdan ortiq to‘g‘ridan to‘g‘ri va bilvosita ish o‘rinlarini yaratishi, 10 mln dan ziyod aholini arzon, ishonchli va barqaror elektr energiyasi bilan ta’minlashga yordam berishi kutilmoqda. Shuningdek, Rog‘un GES Markaziy Osiyoda qayta tiklanuvchi energiya ishlab chiqarishni oshirishi kerak.

Stansiya to‘liq ishga tushirilgach, yiliga...

O‘zbekistondagi kompaniyalar kiberxavfsizlik hamda «raqamli egizaklar» va ilg‘or modellashtirish texnologiyalariga investitsiyalarni oshirmoqda. KPMG Tech Report 2026 hisobotiga ko‘ra, O‘zbekiston bu yo‘nalishlarda Markaziy Osiyo va Kavkazdagi eng faol bozorlardan biri sifatida ko‘rsatilgan.

KPMG Tech Report 2026 tadqiqoti Markaziy Osiyo va Kavkazdagi 70 dan ortiq kompaniyalar hamda dunyo bo‘yicha 2500 nafar texnologiya rahbarlari so‘rovi asosida tayyorlangan.

Hisobotda mintaqa biznesi texnologiyalarni ehtiyotkor sinovdan faol joriy etish bosqichiga o‘tayotgani qayd etilgan. Kompaniyalar yangi texnologiyalarni tezroq sinab ko‘rmoqda, lekin xavfsizlik va nazorat masalalarini ham muhim deb hisoblamoqda.

O‘zbekiston va Gruziyada kiberxavfsizlikka e’tibor kuchaygan

KPMG ma’lumotlariga ko‘ra, Markaziy Osiyo va Kavkazda kompaniyalarning 63 foizi...

O‘zbekiston milliy terma jamoasi himoyachisi Jahongir O‘rozov faoliyatini Germaniyada davom ettirishi mumkin. Kicker nashri ma’lumotiga ko‘ra, «Borussiya Myunxengladbax» klubi 22 yoshli futbolchiga qiziqish bildirmoqda.

Manbaga ko‘ra, nemis klubi markaziy himoya chizig‘ini kuchaytirish maqsadida transfer bozorini o‘rganmoqda. Jamoa rahbariyati, avvalo, istiqbolli yosh futbolchilarni tarkibga jalb etishni rejalashtirgan. Shu sababli «Borussiya M» skautlari O‘rozovning Jahon chempionatidagi o‘yinlarini diqqat bilan kuzatgan.

Futbolchining mundialdagi ishtiroki klub bosh murabbiyida yaxshi taassurot qoldirgani aytilmoqda. Hozircha klub himoyachini sotib olish bo‘yicha yakuniy qaror qabul qilmagan, biroq uning Germaniyaga ko‘chib o‘tish ehtimoli yuqori baholanmoqda.

O‘rozov jismoniy tayyorgarligi, maydonni yaxshi ko‘ra olishi va himoyadagi ishonchli harakatlari bilan xorij...

Toshkent shahrining Mirzo Ulug‘bek tumanida joylashgan Mustaqillik shoh ko‘chasining ayrim qismida transport harakati vaqtincha cheklandi. Bu haqda poytaxt Yo‘l harakatini tashkil etish markazi xabar berdi.

Ma’lum qilinishicha, cheklov Mustaqillik shoh ko‘chasining Mirzo Ulug‘bek ko‘chasi bilan kesishmasidan Oqqo‘rg‘on ko‘chasigacha bo‘lgan qismiga taalluqli. Ushbu yo‘nalishda harakat 2-iyul soat 01:00 dan 13-iyul soat 06:00 ga qadar yopiq bo‘ladi.

Yo‘lda ta’mirlash ishlari olib boriladi

Mazkur hududda yo‘l infratuzilmasini yaxshilash hamda jamoat transporti uchun qulay sharoit yaratish maqsadida qurilish-ta’mirlash ishlari amalga oshiriladi. Tirbandliklarning oldini olish va haydovchilarga noqulayliklarni kamaytirish uchun yo‘lning qarama-qarshi qatnov qismida vaziyatga qarab vaqti-vaqti bilan ikki tomonlama harakat tashkil qilinishi...

Jizzax va Samarqand viloyatlarida ikki advokat pora bilan ushlandi. Bu haqda Davlat xavfsizlik xizmati (DXX) xabar bermoqda.

Ma’lum qilinishicha, Samarqand viloyatining Urgut tumanida faoliyat yurituvchi advokat Jizzax viloyatidagi manzil koloniyada jazo o‘tayotgan mahkumning muddatini qisqartirib berishni va’da qilgan. U mansabdor tanishlari orqali masalani hal qilish evaziga mahkumning tanishidan $15 ming olgan vaqtida ashyoviy dalillar bilan ushlangan.

Shuningdek, Samarqand viloyatining Qo‘shrabot tumanida faoliyat yurituvchi yana bir advokat ham qo‘lga olindi. U jinoyat ishlari bo‘yicha Qo‘shrabot tumani sudida ko‘rilayotgan ishda himoyachi sifatida qatnashib, mansabdor tanishlari orqali sudlanuvchiga yengilroq jazo tayinlanishiga yordam berishini aytgan. Buning evaziga sudlanuvchining o‘g‘lidan $2 ming talab qilgan.

AQSh terma jamoasi 2026-yilgi futbol bo‘yicha Jahon chempionati 1/16 finalida Bosniya va Gersegovinani 2:0 hisobida mag‘lub etib, nimchorak final yo‘llanmasini qo‘lga kiritdi.

G‘alabaga qaramay, amerikaliklar uchrashuvning katta qismini bir futbolchi kam bo‘lib o‘tkazdi. Hisobni birinchi bo‘lim oxirida hujumchi Folarin Balogun ochdi. Biroq u ikkinchi bo‘limda Tarik Muharemovich bilan to‘qnashuvdan so‘ng qizil kartochka olib maydonni tark etdi. Natijada Balogun 6-iyul kuni Sietlda Belgiyaga qarshi nimchorak final bahsini o‘tkazib yuboradi.

Bir kishi kam qolganiga qaramay, Maurisio Pochettino shogirdlari himoyada ishonchli o‘ynadi. 82-daqiqada Malik Tillman jarima zarbasidan chiroyli gol urib, o‘yinga yakuniy nuqtani qo‘ydi.

Shu tariqa AQSh 2002-yildan beri ilk bor Jahon chempionatining...

SpaceX sun’iy intellekt texnologiyalari bilan integratsiya qilinadigan yangi qurilma prototipini ishlab chiqqan bo‘lishi mumkin. The Wall Street Journal manbalariga ko‘ra, qurilma tashqi ko‘rinishi va funksiyasi jihatidan smartfonga o‘xshaydi. Biroq Ilon Mask bu xabarni «mutlaq yolg‘on» deb atadi.

Nashr suhbatdoshlarining aytishicha, yangi gadjet inson va sun’iy intellekt o‘rtasidagi muloqot uslubini o‘zgartirishga qaratilgan. Qurilma SpaceX bilan bog‘liq xAI texnologiyalari asosida ishlashi ko‘zda tutilgan.

Qurilma smartfonga o‘xshashi aytilmoqda

WSJ manbalariga ko‘ra, qurilma nafis dizaynga ega bo‘lib, iPhone’dan ham yupqaroq ko‘rinishda yaratilgan. U xAI texnologiyalari bilan integratsiya qilingan o‘z operatsion tizimida ishlashi mumkin.

Nashr buni Mask ilgari surayotgan «hamma narsa uchun bitta...

Chevrolet’ning qimmat Chevrolet Tahoe va Chevrolet Suburban avtomobillarida asossiz eshik qulfi tizimini tekshirishga oid ogohlantirishlar paydo bo‘lmoqda.

GM ma’lumotiga ko‘ra, bunday holat 2025 – 2026-yillarda ishlab chiqarilgan ayrim Chevrolet Tahoe va Chevrolet Suburban SUVlarida uchrashi mumkin. Ogohlantirish chap va o‘ng orqa eshiklarda bolalar xavfsizlik qulfi tizimi sinxron ishlamay qolganida paydo bo‘ladi. Natijada ushbu xavfsizlik qulflari to‘g‘ri ishlamasligi ehtimoli bor.

Xabar avtomobil qayta ishga tushirilganidan keyin ham ekranda qolishi yoki vaqtincha yo‘qolib, keyin yana paydo bo‘lishi mumkin.

Muammo qanday bartaraf etiladi?

GM dilerlarga Body Control Module – kuzov boshqaruv modulini so‘nggi kalibrovka sozlamalari asosida yangilashni tavsiya qilmoqda. BCM avtomobilning...

Sietl shahridagi «Sietl Stadium» o‘yingohida Jahon chempionatining 1/16 final bosqichi doirasida Belgiya terma jamoasi Senegal bilan kuch sinashdi. Murosasiz kechgan bahsda Belgiya 3:2 hisobidagi irodali g‘alabaga erishdi.

Uchrashuvning 24-daqiqasida Habib Diarra hisobni ochgan bo‘lsa, ikkinchi bo‘limning 51-daqiqasida Ismayla Sarr raqib darvozasini ishg‘ol qilib, hisobni 0:2 ko‘rinishiga olib keldi.

Biroq uchrashuvning so‘nggi daqiqalarida yevropaliklar aqlbovar qilmas kambekni amalga oshirishdi. 86-daqiqada Romelu Lukaku oradagi farqni qisqartirgan bo‘lsa, 89-daqiqada Leandro Trossard uzatgan to‘pni Yuri Tilemans boshi bilan darvozaga yo‘llab, hisobni tenglashtirdi.

Asosiy vaqtda hisob o‘zgarmagach, tomonlar ekstra taymlarga yo‘l oldi. Qo‘shimcha taymlarda Senegal darvozasi tomon penalti belgilandi. Jarima zarbasini esa Yuri Tilemans...

Futbol bo‘yicha 2026-yilgi Jahon chempionatining 1/16 final bosqichida Angliya terma jamoasi Kongo Demokratik Respublikasiga qarshi qiyin o‘yin o‘tkazdi. Hisobda ortda borayotgan inglizlar yakunda o‘yinni o‘z tomoniga og‘dirib, nimchorak final yo‘llanmasini qo‘lga kiritdi.

O‘yindagi dastlabki gol bahsning 7-daqiqasida kiritildi. Shansel Mbembaning uzatmasidan so‘ng Brayan Kibambe Sipenga inglizlar darvozasini ishg‘ol qilib, o‘z jamoasini oldinga olib chiqdi. Jordan Pikford yaqin burchagidan to‘p olib chiqishga majbur bo‘ldi.

O‘yin burilishi 75-daqiqaga to‘g‘ri keldi. Zaxiradan maydonga tushirilgan Entoni Gordon tomonidan oshirib berilgan to‘pni jamoa yetakchisi Harri Keyn boshi bilan darvozaga to‘g‘rilab, hisobni 1:1 ko‘rinishiga keltirdi.

86-daqiqada esa angliyalik hujumchi dublni rasmiylashtirdi. O‘yindagi asabiy muhit...

2-iyul kuni ayrim hududlarda qisqa muddatli yomg‘ir va momaqaldiroq kuzatilishi mumkin. Havo harorati kechasi +15…+25°C, kunduzi esa +24…+35°C atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimidi:

2026-yilning yanvar – may oylarida O‘zbekistonning tashqi savdo aylanmasi $32,8 mlrdni tashkil etib, o‘tgan yilning mos davriga nisbatan 3,7 foizlik o‘sishga erishdi. Bu haqda Milliy statistika qo‘mitasi ma’lum qildi.

Tashqi savdo ko‘rsatkichlari

Unga ko‘ra, 2026-yil yanvar – may oylarida eksport hajmi $12,6 mlrdni, import esa $20,1 mlrdni tashkil etdi. O‘tgan yilning shu davriga nisbatan eksport 15,5 foizga kamaygan bo‘lsa, import 20,8 foizga oshgan. Shu bilan birga, monetar oltin hisobga olinmagan tovarlar eksporti $6,5 mlrdga yetib, 29,4 foizga o‘sgan.

Asosiy savdo hamkorlari

Hisobot davrida O‘zbekiston dunyoning 185 ta davlati bilan savdo aloqalarini amalga oshirdi. Tashqi savdo aylanmasining...

Toshkent shahrining Uchtepa tumanidagi xususiy bog‘cha tarbiyachisining tarbiyalanuvchilarga nisbatan zo‘ravonlik qo‘llagani yuzasidan jinoyat ishi qo‘zg‘atildi. Bu haqda poytaxt IIBB ma’lum qildi.

Ijtimoiy tarmoqlarda xususiy bog‘cha tarbiyachisining tarbiyalanuvchilarga nisbatan kuch ishlatayotgani aks etgan videolar tarqalib, keng jamoatchilik muhokamasiga sabab bo‘ldi. Holat yuzasidan tegishli organlar rasmiy munosabat bildirdi.

Ma’lum qilinishicha, Uchtepa tumanidagi nodavlat ta’lim muassasalaridan birida tarbiyachi bo‘lib ishlovchi, 1990-yilda tug‘ilgan shaxs muntazam ravishda tarbiyalanuvchilarga nisbatan kuch ishlatib, ularni qiynab kelgani aniqlangan. Ayrim bolalarning olgan tan jarohatlari yuzasidan sud-tibbiy ekspertizasi tayinlangan.

Shuningdek, nodavlat ta’lim muassasasi faoliyati yuzasidan tegishli tashkilotlar tomonidan o‘rganish ishlari olib borilmoqda.

Mazkur holat bo‘yicha Uchtepa tumani IIO...

Hukumat qarori bilan davlat organlari va tashkilotlarining arxiv hujjatlarini Yagona milliy arxiv axborot tizimida elektron shaklda saqlash tartibi belgilandi. Bu haqda Adliya vazirligi ma’lum qildi.

Hukumat qarori bilan «Davlat organlari va tashkilotlarining arxiv hujjatlarini Yagona milliy arxiv axborot tizimida elektron shaklda saqlash tartibi to‘g‘risida»gi nizom tasdiqlandi. Hujjat respublika va mahalliy ijro etuvchi hokimiyat organlari, xo‘jalik birlashmalari hamda boshqa davlat tashkilotlarida arxiv hujjatlarini elektron shaklda yuritish va tizimdan foydalanish tartibini belgilaydi.

Nizomga ko‘ra, arxiv axborot tizimidan davlat organlari va tashkilotlari operator bilan tuziladigan shartnoma asosida foydalanadi. Tizimga ulanish uchun ariza maxsus elektron so‘rov oynasi orqali operatorga yuboriladi.

Operator ariza...

AQSh prezidenti Donald Tramp kriptovalyuta va turli biznes faoliyatlari orqali bir yilda $1 mlrddan ortiq daromad olgani qayd etildi. Bu haqda BBC ma’lum qildi.

Hisobotda Tramp «Celebration Coins» nomli tuzilma orqali $635 mlrd royalti olgani, bu esa u tomonidan ishga tushirilgan $TRUMP mem-coin bilan bog‘liq ekani aytiladi. Ushbu kriptotoken qiymati ishga tushirilgandan keyin pasaygani ham qayd etilgan.

Shuningdek, u o‘g‘illari hamda maxsus vakil Stiv Uitkoffning farzandlari tomonidan tashkil etilgan World Liberty Financial kriptokompaniyasidan $500 mlndan ortiq daromad olganini bildirgan. Oq uy esa prezidentning bu bizneslardan shaxsiy foyda ko‘rganini rad qilgan.

Moliyaviy deklaratsiyaga ko‘ra, Trampning umumiy daromadi kamida...

Frankfurt-Mayn ma’muriy sudi Dilbar yaxtasi maqomi bo‘yicha ishni ko‘rib chiqib, uni rossiyalik tadbirkor Alisher Usmonovning mulki yoki uning nazorati ostidagi aktiv deb hisoblash uchun asos yo‘qligini qaror qildi.

Sud Germaniya Federal iqtisodiyot va eksport nazorati boshqarmasi (BAFA)ning yaxtani Yevropa Ittifoqi sanksiyalari doirasida muzlatilgan aktiv sifatida ko‘rib chiqmaslikni tasdiqlashdan bosh tortgan qarorini noqonuniy deb topdi.

Alisher Usmonov matbuot xizmati bayonotiga ko‘ra, ushbu sud qarori Dilbar yaxtasiga egalik masalasidagi har qanday huquqiy noaniqlikni bartaraf etadi hamda 2022-yildan buyon tarqatib kelingan «yashirin nazorat» haqidagi da’volarni rad etadi.

Ma’lum qilinishicha, 2016-yilda The Sister Trust nomli qaytarib bo‘lmaydigan trast tashkil etilgan bo‘lib, unga Dilbar yaxtasi...

O‘zbekiston va Gruziya o‘zaro savdo-iqtisodiy hamkorlikni kengaytirib, tovar ayirboshlash hajmini $1 mlrdga yetkazadi. Bu haqda Investitsiyalar, sanoat va savdo vazirligi ma’lum qildi.

Forumda ikki davlat vazirliklari, moliyaviy institutlari va ishbilarmon doiralari vakillari ishtirok etib, savdo hajmini oshirish, investitsiyalarni kengaytirish hamda sanoat kooperatsiyasini rivojlantirish masalalari muhokama qilindi. Tadbir O‘zbekiston Prezidentining Gruziyaga bo‘lajak rasmiy tashrifi arafasida o‘tkazilgani bilan ahamiyatli bo‘ldi.

Tadbirda qayd etilishicha, 2025-yilda ikki mamlakat o‘rtasidagi tovar ayirboshlash hajmi $268 mlnni tashkil etgan bo‘lib, uni $1 mlrdga yetkazish maqsad qilingan. Shuningdek, O‘zbekistonda xorijiy kapital ishtirokidagi korxonalar soni 20 mingtaga yetgani ta’kidlandi.

Muhokamalarda transport va logistika, sanoat kooperatsiyasi, farmatsevtika, energetika...