Yangiliklar

Toshkent va Navoiy viloyatlarida qalbaki $120 mingni sotishga uringan firibgar shaxslar qo‘lga olindi. Bu haqda Bosh prokuratura departamenti ma’lum qildi.

Departamentning Angren shahar bo‘limi hamda boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda 3 nafar fuqaro (ulardan biri muqaddam sudlangan) boshqa fuqaroga $100 lik kupyuralardagi qalbaki $80 mingni $40 mingga sotgan vaqtida ashyoviy dalillar bilan ushlandi.

Shuningdek, departamentning Navoiy viloyati boshqarmasi va boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda fuqaro boshqa fuqaroga $100 lik kupyuralardagi qalbaki $40 mingni $28 mingga sotishga kelishib, uning $10 ming miqdorini sotayotgan vaqtida qo‘lga olingan.

Mazkur holatlar yuzasidan...

O‘zbekistonda JSST va xalqaro ekspertlar hamkorligida ishlab chiqilgan Saratonga qarshi kurashish milliy dasturi bosqichma-bosqich joriy etiladi. Shavkat Mirziyoyev onkologik va gematologik tibbiy yordam hamda davlat tibbiyot muassasalari xodimlarini moddiy qo‘llab-quvvatlash bo‘yicha taqdimoti bilan tanishdi.

Dastur doirasida birlamchi tibbiy-sanitariya muassasalari xodimlarining onkologik hushyorligi oshiriladi. Shuningdek, xalqaro tavsiyalar asosida klinik qo‘llanmalar joriy qilinadi. Bemorlarga tashxis qo‘yish va davolashda multidissiplinar yondashuv qo‘llanadi. Nur terapiyasi xizmatini modernizatsiya qilish maqsadida eskirgan kobalt qurilmalari zamonaviy chiziqli tezlatkichlarga almashtiriladi.

2030-yilgacha palliativ va xospis xizmatlar qamrovi kamida 80 foizga yetkaziladi. 2026-yil 1-sentabrdan respublikada palliativ va xospis yordamining yagona tizimi joriy etilib, bemorlarni aniqlash, hisobga olish va...

Qirg‘iziston hukumati xalqaro sanksiyalarni chetlab o‘tishda ishtiroki gumon qilinayotgan 50 ta kompaniya faoliyatini to‘xtatmoqchi. Bu haqda Qirg‘iziston Iqtisodiyot va tijorat vaziri Baqit Sidikov ma’lum qildi.

Mamlakat g‘arbiy hamkorlarning so‘roviga binoan yuqori sanksiya xavfiga ega operatsiyalarda ishtirok etgan bo‘lishi mumkin deb hisoblangan 50 ta yuridik shaxsni tugatish ishlari olib borilmoqda.

Vazirga ko‘ra, Qirg‘iziston 2023-yildan buyon AQSh, Yevropa Ittifoqi va Buyuk Britaniya bilan sanksiya rejimlariga rioya qilish hamda xalqaro cheklovlarni chetlab o‘tish holatlarining oldini olish masalalari bo‘yicha faol muloqotda. Mamlakat moliyaviy-iqtisodiy shaffoflikni ta’minlash va hududidan noqonuniy faoliyat yoki sanksiyalarni chetlab o‘tish maqsadida foydalanilishining oldini olish choralarini ko‘rmoqda.

Rasmiylar virtual aktivlar...

Jizzax shahrida bir fuqaroning shaxsiy foto va videolarini tarqatish bilan tahdid qilib, 10 million so‘m talab etgan talaba qo‘lga olindi. Bu haqda Ichki ishlar vazirligi xabar berdi.

Ma’lumotga ko‘ra, Toshloq mahallasida yashovchi fuqaro huquq-tartibot organlariga murojaat qilib, farzandiga nisbatan noqonuniy harakat qilgan shaxsga chora ko‘rishni so‘ragan.

Aniqlanishicha, Jizzax shahrining Obod mahallasida yashovchi, 2006-yilda tug‘ilgan va oliy ta’lim muassasasida tahsil olayotgan talaba jabrlanuvchiga tegishli shaxsiy foto va videolarni qo‘lga kiritgan.

Gumonlanuvchi ushbu materiallarni qarindoshlari va tanishlariga tarqatish bilan tahdid qilib, ularni oshkor qilmaslik evaziga 10 million so‘m talab etgan.

Tezkor tadbir davomida talaba talab qilingan pulni olayotgan vaqtida qo‘lga olingan...

Xorazm viloyati delegatsiyasi Turkmanistonning Dashog‘uz shahrida o‘tkazilgan qo‘shma biznes-forumda $3 mlnlik bitimlarga erishdi. Bu haqda «Dunyo» axborot agentligi xabar berdi.

Tadbirda Xorazmdan 10 dan ortiq xususiy korxona va kompaniya vakillari qatnashdi. Forumda qurilish materiallari, yengil va oziq-ovqat sanoati, qishloq xo‘jaligi mahsulotlarini qayta ishlash, logistika va savdo sohalaridagi hamkorlik masalalari muhokama qilindi.

Forum doirasida ikki hudud ishbilarmonlari o‘rtasida «B2B» muzokaralar o‘tkazildi. Unda mahsulot yetkazib berish, dilerlik tarmoqlarini yo‘lga qo‘yish va qo‘shma ishlab chiqarish loyihalarini amalga oshirish bo‘yicha kelishuvlarga erishildi.

Natijada Turkmaniston bozoriga qurilish materiallari, lok-bo‘yoq mahsulotlari, qog‘oz va karton, yengil sanoat tovarlari hamda oziq-ovqat mahsulotlarini yetkazib berish bo‘yicha umumiy qiymati...

G‘alla maydonlarida somonpoya qoldiqlarini yoqqanlarga jarima qo‘llaniladi. Ekologiya va iqlim o‘zgarishi milliy qo‘mitasi g‘alladan bo‘shagan maydonlarda yong‘inlarning oldini olish bo‘yicha ogohlantirish berdi.

Unga ko‘ra, somon poyalari va ularning qoldiqlarini yoqishga sabab bo‘lgan huquqbuzarlar hamda yer egalari O‘zbekiston Respublikasi Ma’muriy javobgarlik to‘g‘risidagi kodeksining 88-moddasi 3-qismiga asosan javobgarlikka tortiladi. Bunda ularga bazaviy hisoblash miqdori (412 ming so‘m)ning 10 baravarigacha miqdorda ma’muriy jarima qo‘llanilishi mumkin.

Shuningdek, yong‘in sodir bo‘lgan g‘alla maydonlarining har bir gektariga yetkazilgan zarar bo‘yicha amaldagi tartib asosida iqtisodiy choralar ham belgilanadi.

Somonpoya qoldiqlarining yoqilishi natijasida atmosfera havosiga uglerod oksidi, azot oksidlari, benz(a)piren, dioksin, dibenzofuran, oltingugurt oksidi va fosgen...

Kelgusi yilda mamlakatda baliq yetishtirish hajmi 500 ming tonnadan oshiriladi. Shavkat Mirziyoyev baliqchilik tarmog‘ini rivojlantirish va qo‘llab-quvvatlashga qaratilgan takliflar taqdimoti bilan tanishdi.

Qayd etilishicha, O‘zbekistonda 173 ming km daryo va kanal o‘zanlari mavjud bo‘lib, suv resurslari cheklanganiga qaramay, mamlakat Markaziy Osiyoda baliq yetishtirish hajmi bo‘yicha yetakchi hisoblanadi. 2025-yilda respublikada 206 ming tonna baliq yetishtirilgan.

Oqsilli mahsulotlarga bo‘lgan talab ortib bormoqda. Oddiy ko‘l baliqchiligidan suvni tejaydigan va qayta aylantiradigan intensiv texnologiyali tizimga zarurat bor. Shu maqsadda 329 ta tabiiy suv havzasi va suv ombori hamda ular atrofidagi 163 ming gektar yer maydonlarini ijaraga berish tizimi joriy etiladi. Intensiv baliqchilik...

Samsung kompaniyasi Buyuk Britaniyada Samsung Galaxy S26 Ultra smartfoni uchun navbatdagi maxsus taklifni e’lon qildi. Bu haqda Sammobile xabar bermoqda.

Kompaniya onlayn do‘konida Galaxy S26 Ultra xarid qilinayotganda S26UP promokodidan foydalanilsa, smartfon narxidan 100 funt sterling chegirma taqdim etiladi. Ushbu chegirma uchun eski qurilmani topshirish talab qilinmaydi.

Bundan tashqari, ayni promokod xarid savatchasiga Galaxy Buds 4 Pro quloqchinlarini bepul qo‘shadi. Ya’ni foydalanuvchi smartfon bilan birga Samsung‘ning yangi simsiz quloqchinlarini ham qo‘shimcha to‘lovsiz olishi mumkin.

Galaxy S26 Ultra xarid qilingach, foydalanuvchi 30 kun ichida Samsung‘ning maxsus promo sahifasi orqali keshbek uchun ariza topshirishi mumkin.

Shu tariqa xaridorlar jami 300 funt...

O‘zbekiston Milliy universitetining Jizzax filiali olimlari Orol dengizining qurigan tubidagi o‘ta sho‘r tuproqlarda o‘simliklar yashovchanligini oshiruvchi yangi biopreparatlar ishlab chiqdi. Bu haqda Oliy ta’lim, fan va innovatsiyalar vazirligi xabar berdi.

Filial professori Sayyora Murodova rahbarligida Orolbo‘yi hududida ekologik holatni yaxshilashga qaratilgan amaliy loyiha amalga oshirilmoqda. Tadqiqotlarda professor-o‘qituvchilar bilan bir qatorda talabalar ham faol ishtirok etmoqda.

Loyiha doirasida Orolning qurigan tubidagi sho‘r tuproqlardan 1000 dan ortiq mikroorganizm namunalari ajratib olingan. Ular orasidan eng samarali 100 ta namunaga asoslangan maxsus mikrobiologik kolleksiya shakllantirilgan.

Olimlar ushbu kolleksiya asosida «Zamin-M» va «Rizoto‘plam» nomli biopreparatlarni yaratgan. Sinov natijalari bu preparatlar Orolbo‘yi sharoitida o‘simlik urug‘larining...

Jizzax shahridagi «O‘rda» istirohat bog‘ida joylashgan attraksionda sodir bo‘lgan baxtsiz hodisa oqibatida 4 nafar fuqaro shifoxonaga yotqizildi. Sanoat, radiatsiya va yadro xavfsizligi qo‘mitasi holat yuzasidan munosabat bildirdi.

Unga ko‘ra, hodisa 2026-yil 10-iyun kuni taxminan soat 22:00 da bog‘dagi «Niyatjon niyati» MChJga qarashli «Bashnya podeniya» attraksionida sodir bo‘lgan.

Qayd etilishicha, 2019-yilda ishlab chiqarilgan va 16 o‘rindiqqa ega bo‘lgan attraksiondagi hodisa oqibatida 4 nafar fuqaro turli darajada tan jarohati olgan. Jabrlanganlar shifoxonaga yotqizilgan. Ularning holati tibbiyot xodimlari nazoratida.

Qo‘mita hodisa aks etgan videolavha ijtimoiy tarmoqlarda tarqalganidan so‘ng holat hududiy bo‘lim mas’ul xodimlari tomonidan o‘rganilganini ma’lum qildi. Shuningdek, voqea natijasida o‘lim...

12-iyun uchun valyutalar kursi yangilandi. Unga ko‘ra, dollar kursi 39,55 so‘mga tushib, 12 014,48 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

5-iyun kuni esa 26,53 so‘mga oshib, 11 997,21 so‘mga yetdi. 8-iyun kuni 52,23 so‘mga oshib, 12 049,44 so‘mni, 9-iyun kuni 36,04 so‘mga tushib, 12 013,40 so‘m 10-iyun kuni 21,82 so‘mga oshib, 12 035,22 so‘mni, 11-iyun kuni esa 13,81 so‘mga oshib, 12 054,03 so‘mni tashkil qildi.

Markaziy bank ma’lumotlariga ko‘ra, yevro 73,35 so‘mga tushib, 13 858,70 so‘mni, rubl esa 0,44 so‘mga tushib, 166,61 so‘mni tashkil etdi.

Avvalroq Kursiv...

O‘zbekistonda yuridik shaxslar tomonidan tuziladigan moliyaviy hisobotlarni tayyorlash va taqdim etishning konseptual asoslari davlat ro‘yxatidan o‘tkazildi. Bu haqda Adliya vazirligi ma’lum qildi.

Konseptual asoslar O‘zbekistonda faoliyat yuritayotgan yuridik shaxslar tomonidan tuziladigan va taqdim etiladigan moliyaviy hisobotlarning maqsadini belgilaydi. Shuningdek, unda moliyaviy hisobotlarni tayyorlash va taqdim etishning asosiy tamoyillari bayon qilingan.

Hujjatga ko‘ra, moliyaviy hisobotlarni tayyorlashda o‘rinlilik hamda haqqoniy (ishonchli) taqdim etish fundamental sifat tavsiflari hisoblanadi. Qiyoslanuvchanlik, tekshiriluvchanlik, o‘z vaqtida taqdim etish va tushunarlilik esa ushbu sifatlarni ta’minlaydigan hamda ma’lumotlarning foydaliligini oshiradigan mezonlar sifatida belgilangan.

Shuningdek, hisobot beruvchi tashkilotning moliyaviy holatini aniqlash bilan bog‘liq moliyaviy hisobot elementlari sifatida aktivlar...

Volkswagen tomonidan Xitoy bozori uchun yangi Volkswagen ID. Era 8X gibrid avtomobili tayyorlanmoqda. Avtomobil nemis ishlab chiqaruvchisi va Xitoyning SAIC kompaniyasi hamkorligida yaratilgan ID. Era oilasiga kiradi.

Yangi model haqida ilk ma’lumotlar Xitoy Sanoat va axborot texnologiyalari vazirligining sertifikatlash hujjatlarida paydo bo‘ldi. Shu bilan birga, Volkswagen ID. Era 8X’ning ilk suratlarini ham namoyish etdi.

ID. Era 8X tashqi ko‘rinishi bo‘yicha kattaroq ID. Era 9X modeliga juda o‘xshaydi. Biroq yangi krossoverda biroz boshqacha bamperlar, o‘ziga xos g‘ildirak disklari va yashirin eshik tutqichlari o‘rniga an’anaviy tutqichlar qo‘llangan.

O‘lchamlari bo‘yicha ID. Era 8X 9X’dan ixchamroq bo‘ladi. Krossover uzunligi 5020 mmni tashkil qiladi...

Andijon viloyatining Marhamat tumanida tibbiyot birlashmasiga qarashli muassasa hududida 4 nafar texnik xodim oqova va chiqindi suvlar to‘planadigan bunkerni tozalash vaqtida vafot etdi.

Andijon viloyati prokuraturasi ma’lumotiga ko‘ra, hodisa 10-iyun kuni soat 11:00 atrofida Marhamat tumani tibbiyot birlashmasi hududida sodir bo‘lgan.

Dastlabki ma’lumotlarga ko‘ra, muassasa qorovullari Q. Mamajonov, L. Qosimov, haydovchi I. Nishonov hamda elektr muhandisi M. Matxoliqov oqova va chiqindi suvlar to‘planadigan bunkerni tozalash hamda ta’mirlash uchun uning ichiga tushgan.

Ular bunker ichida zaharlanib, suyuq chiqindi ichiga tushib ketgani va voqea joyida vafot etgani aytilmoqda.

Tezkor qutqaruv harakatlari davomida marhumlarning jasadlari bunker ichidan olib chiqilgan. O‘lim sabablarini va...

Firibgarlikda ayblanib, xalqaro qidiruvga berilgan O‘zbekiston fuqarosi Moldova poytaxti Kishinyov shahridan ekstraditsiya qilindi. Bu haqda IIV ma’lum qildi.

Ma’lum qilinishicha, mazkur shaxsga nisbatan xalqaro qidiruv O‘zbekiston Interpol Milliy markaziy byurosi tomonidan Interpol kanallari orqali e’lon qilingan. Uning joylashgan manzilini aniqlash va qo‘lga olish maqsadida O‘zbekiston hamda Moldova Interpol byurolari o‘rtasida doimiy axborot almashinuvi va hamkorlik yo‘lga qo‘yilgan.

Tezkor-qidiruv tadbirlari davomida qidiruvdagi shaxsning turgan joyi aniqlanib, u Moldova Respublikasi hududida qo‘lga olingan.

Shundan so‘ng zarur ekstraditsiya jarayonlari yakunlanib, qidiruvdagi shaxs jinoiy javobgarlikka tortish uchun O‘zbekiston Respublikasining vakolatli organlariga topshirildi.

Eslatib o‘tamiz, avvalroq 6 yildan buyon qidiruvda bo‘lgan firibgar ayol...

Carfax ma’lumotlariga ko‘ra, katalizator o‘g‘riligi ko‘paymoqda. O‘tgan yilning o‘zida 137 mingdan ortiq katalizator o‘g‘irlangani taxmin qilinmoqda.

GM Authority yozishicha, eng ko‘p nishonga olinadigan avtomobillar ro‘yxatiga uchta Chevrolet modeli ham kirdi. Bular — Chevrolet Silverado, Chevrolet Traverse va Chevrolet Tracker.

Mutaxassislarning aytishicha, pikap va SUV avtomobillar o‘g‘rilar uchun qulayroq nishon bo‘ladi. Sababi ularning kuzovi balandroq joylashgan va katalizatorga yetib borish osonroq.

Katalizatorlar ichida platina, palladiy va rodiy kabi qimmatbaho metallar bor. Shu sababli ular qora bozorda talabgir hisoblanadi.

Oddiy katalizator uchun o‘g‘rilar $25 dan $300 gacha pul olishi mumkin. Gibrid avtomobillarniki esa qimmatbaho metall ko‘proq bo‘lgani sabab $1,4 minggacha baholanishi...

O‘zbekistonda Toshkent — Andijon va Toshkent — Termiz yo‘nalishlarida yuqori tezlikdagi poyezdlar harakatini yo‘lga qo‘yish rejalashtirilmoqda. Bu masala Koreya Respublikasida Hyundai Rotem kompaniyasi vakillari bilan o‘tkazilgan uchrashuvda muhokama qilindi.

Joriy yil 10-iyun kuni Koreyada «O‘zbekiston temir yo‘llari» AJ bosh muhandisi Sharofiddin Qodirov, Transport vazirligi bo‘lim boshlig‘i Anvar Dushayev hamda Hyundai Rotem kompaniyasi prezidenti Lee Yong Bae o‘rtasida uchrashuv bo‘lib o‘tdi.

Muzokaralarda tomonlar o‘zaro hamkorlikning bugungi holati va istiqbolli yo‘nalishlarini ko‘rib chiqdi. Xususan, «O‘zbekiston temir yo‘llari» AJ uchun ishlab chiqarilayotgan «Jaloliddin Manguberdi» yuqori tezlikda harakatlanuvchi elektropoyezdini yetkazib berish loyihasi muhokama qilindi.

Tomonlar mazkur loyiha belgilangan muddatlarda amalga oshirilishi bo‘yicha ma’lumot...

Qashqadaryo viloyatining Qamashi tumanidagi oilaviy nodavlat maktabgacha ta’lim tashkilotida 3 yoshli tarbiyalanuvchi transport vositasida unutib qoldirilgani oqibatida vafot etdi.

Maktabgacha va maktab ta’limi vazirligi ma’lum qilishicha, fojia Qamashi tumanining Zafar mahallasida faoliyat yuritgan yakka tartibdagi tadbirkorga tegishli oilaviy nodavlat bog‘chada sodir bo‘lgan.

Qayd etilishicha, muassasa rahbariyati va mas’ul xodimlar bolalarni avtotransportda tashish qoidalariga rioya qilish bo‘yicha avvaldan ogohlantirib kelingan. Biroq joriy yil 4-iyun kuni bog‘chaga qatnovchi 3 yoshli bola transport vositasida qolib ketgan.

Vazirlikka ko‘ra, muassasa xodimlarining e’tiborsizligi va sovuqqonligi oqibatida bola avtomobil ichida vafot etgan.

Hozirda holat yuzasidan jinoyat ishi qo‘zg‘atilgan bo‘lib, tergov harakatlari olib borilmoqda. Shuningdek, mazkur...

Sadriddin Abdullayevich Turdiyev Kadastr agentligiga yangi rahbar etib tayinlandi. Bu haqda Urbanizatsiya va uy-joy bozorini barqaror rivojlantirish milliy qo‘mitasi ma’lum qildi.

Sadriddin Turdiyev shu vaqtga qadar prokuratura organlarida turli rahbarlik lavozimlarida faoliyat yuritgan. Shuningdek, Prezident Administratsiyasi rahbarining farmoyishi bilan Murat Muxtarovich Fayzullayev Kadastr agentligi direktorining birinchi o‘rinbosari lavozimiga tayinlandi.

Alisher Abduazizovich Xafizov, Mirsaid Sadikovich Mirmaksudov hamda To‘lqin Mansurovich Abdullayev Kadastr agentligi direktori o‘rinbosarlari lavozimlariga tayinlandi. Bundan tashqari, Abdushukr Hamidovich Abdullayev Kadastr agentligi direktori maslahatchisi lavozimini egalladi.

Eslatib o‘tamiz, Kursiv Uzbekistan nashri ko‘chmas mulkni o‘lchash tartibi yangilangani haqida yozgan edi.

Markaziy bank ma’lumotlariga ko‘ra, 2026-yil aprel oyida milliy valyutadagi muddatli depozitlar bo‘yicha o‘rtacha nominal foiz stavkasi 17,4 foizni tashkil etdi. Bu ko‘rsatkich o‘tgan yilning shu davriga nisbatan 2,1% bandga pasaygan.

Jismoniy shaxslarning muddatli depozitlari bo‘yicha o‘rtacha stavka 19,9%, yuridik shaxslar depozitlari bo‘yicha esa 15 foizni tashkil etdi. Bir yilgacha bo‘lgan depozitlar uchun stavkalar mos ravishda 18,5% va 13,9 foizni, bir yildan ortiq muddatli omonatlar uchun esa 20,1% va 15,6 foizni tashkil qilgan.

Shu bilan birga, inflyatsion jarayonlarning barqarorlashuvi fonida depozitlarning real daromadliligi yuqori darajada saqlanib qolmoqda. Bunda jismoniy shaxslarning milliy valyutadagi muddatli depozitlari bo‘yicha real foiz stavkasi 8,4 foizni...

JCh – 2026 guruh bosqichining 1-turidan oʻrin olgan Oʻzbekiston – Kolumbiya uchrashuvi chiptalar sotuvi boʻyicha hozircha turnirdagi eng yuqori koʻrsatkichni qayd etmoqda.

Mazkur turnirda ishlaydigan oʻzbekistonlik mutaxassis Alisher Nikimbayevnng ma’lum qilishicha, mazkur oʻyin uchun 74,7 ming ta chipta sotilgan.

Uning ta’kidlashicha, ochilish uchrashuvi boʻlgan Meksika – Janubiy Afrika Respublikasi bahsi uchun 73,3 mingta chipta sotilgan. Shuningdek, Braziliya – Marokash oʻyinida esa bu koʻrsatkich 73,7 mingtani tashkil etgan.

Ma’lumot uchun, Oʻzbekiston va Kolumbiya terma jamoalari oʻrtasidagi bahs 18-iyun kuni boʻlib oʻtadi. Uchrashuv Toshkent vaqti bilan soat 07:00 da boshlanadi. Oʻyin Meksika poytaxti Mexikodagi mashhur «Atsteka» stadionida oʻtkaziladi. Stadion 87,5 ming...

Hukumat ixtirolarga patent berish bo‘yicha davlat xizmatini ko‘rsatish tartibini tasdiqladi. Adliya vazirligiga ko‘ra, endilikda patent olish jarayoni ma’muriy reglament asosida amalga oshiriladi.

Yangi tartibga ko‘ra, ixtiroga patent berish bo‘yicha davlat xizmati Adliya vazirligi tomonidan ko‘rsatiladi.

Qanday ixtiro patentlanadi

Agar ixtiro texnika taraqqiyotining amaldagi darajasidan ma’lum bo‘lmasa, u yangi deb hisoblanadi.

Shuningdek, ixtiro sanoat, qishloq xo‘jaligi, sog‘liqni saqlash va boshqa sohalarda qo‘llanishi mumkin bo‘lsa, u amaliy foydalanishga yaroqli deb e’tirof etiladi.

Ixtiro sifatida qurilma, modda, mikroorganizm shtammi, o‘simlik yoki hayvon hujayralari turlari ham tan olinadi.

Ariza qanday topshiriladi

Rezidentlar patent olish uchun Davlat xizmatlari markazlari, maxsus axborot tizimi...

Surxondaryo viloyatida 205 tonna un mahsulotini birja savdolariga qo‘ymasdan sotgan korxonaga nisbatan ta’sir chorasi qo‘llanildi. Bu haqda Raqobat qo‘mitasi xabar berdi.

Ma’lum qilinishicha, qo‘mita yuqori likvidli va monopol turdagi mahsulotlarni birja savdolariga qo‘yish tartibiga rioya etilishi hamda narxlarning sun’iy oshirilishiga yo‘l qo‘ymaslik bo‘yicha doimiy monitoring olib bormoqda.

Raqobat qo‘mitasining Surxondaryo viloyati hududiy boshqarmasi tomonidan o‘tkazilgan o‘rganishlarda «Denov Oltin don» MChJ faoliyatida qonunbuzilish alomatlari aniqlangan. Korxona 2025-yil oktabridan 2026-yil 31 martga qadar Jamg‘arma hisobidan birja savdolari orqali 273 tonna bug‘doy sotib olgan.

Belgilangan me’yorga ko‘ra, ushbu bug‘doydan 205 tonna un mahsuloti ishlab chiqarilishi va u birja savdolariga qo‘yilishi lozim bo‘lgan...

Toshkentda Sergeli avtomobil bozori atrofidagi tirbandliklarni kamaytirish uchun Yangi Sergeli ko‘chasida harakatni tashkil etishning yangi sxemasi joriy qilinmoqda. Bu haqda poytaxt Yo‘l harakatini tashkil etish markazi (YHTEM) xabar berdi.

Unga ko‘ra, bugungi kunda bozor 5,4 mingta avtomobilga mo‘ljallangan bo‘lib, uning hududida 1,8 mingdan ortiq savdo obyektlari faoliyat yuritadi.

Yangi Sergeli ko‘chasiga tutash kirish-chiqish joylaridan 1,5 mingdan ortiq avtomobillar foydalanadi. Shu sababli bu hududda yillar davomida tirbandlik va transport yuklamasi yuqori bo‘lib kelgan.

Muammoni kamaytirish uchun bozor hududi bo‘ylab qo‘shimcha lokal yo‘l qurilmoqda. Ushbu yo‘l bozorga kirayotgan va undan chiqayotgan transport oqimini Yangi Sergeli ko‘chasidagi asosiy harakatdan ajratadi.

Endilikda haydovchilar...