FIFA prezidenti Janni Infantino o‘zining Instagram sahifasi orqali O‘zbekiston milliy terma jamoasining Jahon chempionatidagi ilk ishtiroki munosabati bilan tabrik yo‘lladi.
FIFA prezidenti e’lon qilgan murojaatida O‘zbekiston terma jamoasi erishgan natijani yuqori baholadi:
«Siz butun dunyoga va o‘z yurtingizdagi insonlarga har qanday katta orzu amalga oshishi mumkinligini isbotladingiz», — deydi Infantino.
Janni Infantino O‘zbekistonning Jahon chempionatidagi ilk goliga stadiondan bevosita guvoh bo‘lganini eslab, o‘sha lahzadagi futbolchilar va muxlislarning hayajonini yaxshi his qilganini qayd etdi.
«Ishonchim komilki, bu tarixiy tajriba O‘zbekistonda futbolning yanada rivojlanishiga katta turtki beradi. Kelajakda sizlarga omad tilayman!», — deya so‘zini yakunlaydi u.
Eslatib o‘tamiz, avvalroq O‘zbekiston terma jamoasi JCh – 2026 dan so‘ng tantanali kutib olingani haqida yozgan edik.
