Yangiliklar

Xiaomi kompaniyasi tomonidan 26-iyun kuni Xiaomi YU7 eketromobili rasman taqdim etiladi. Bu haqda CarNewsChina nashri xabar bermoqda. Ushbu model kompaniyaning o‘rta hajmdagi elektromobil bozoriga ilk kirib kelishidir.

Tadbirda Xiaomi Flip2 bukiluvchi smartfoni va Xiaomi Pad 7S Pro plansheti ham namoyish qilinadi.

Avtomobil Pekindagi Yizhuang zavodida ommaviy ishlab chiqarilmoqda. Minglab tayyor avtomobillar zavodda saqlanmoqda. Yetkazib berish jarayoni iyul oyida boshlanishi rejalashtirilgan.

YU7 SU7 bilan bir xil Modena platformasida ishlab chiqilgan. Uning uzunligi taxminan 4,8 metrni tashkil qiladi. U oilaviy foydalanish uchun mo‘ljallangan. Orqa o‘rindiqlarda bosh uchun joy kengroq.

Model yuqoriroq yurish balandligiga ega. Dizayni fastbek ko‘rinishida bo‘lib, amaliylikni oshiradi...

Eron AQShga teraktlar bilan tahdid qildi. Bu haqda NBC News xabar bermoqda.

Eron AQSh prezidenti Donald Trampga xat yuborib, agar mamlakatga hujumlar amalga oshirilsa, AQSh ichkarisida joylashgan «uyqudagi hujayralar» orqali terror harakatlarini faollashtirish bilan tahdid qilgan.

Xabarga ko‘ra, ushbu xat Trampga o‘tgan haftada Kanadada bo‘lib o‘tgan «Katta yettilik» (G7) sammitida vositachi orqali yetkazilgan. Tramp 16-iyun kuni Eron bilan Isroil o‘rtasidagi ziddiyat fonida qanday choralar ko‘rish bo‘yicha o‘ylash uchun sammitni tark etgan. Oq uy jurnalistlarning izoh so‘rovlariga javob bermagan. Eronning BMTdagi vakolatxonasi ham izoh berishdan bosh tortgan.

Tramp o‘zining ijtimoiy tarmoqlardagi sahifasida Eron tomonidan AQShga qarshi qilingan har qanday javob...

X’dagi @ya_sking12767 nomli foydalanuvchi Samsung Galaxy S25 smartfoni quvvat olayotganda portlab ketganini ma’lum qildi. Bu haqda Gizmochina nashri xabar bermoqda. U buzilgan qurilmaning suratlarini ham e’lon qilgan.

Xabarlarga ko‘ra, telefonning o‘rta qismi erib ketgan. Hozircha hodisa tafsilotlari aniqlashtirilmagan. Foydalanuvchi ehtimol, original bo‘lmagan zaryad qurilmasidan foydalangan bo‘lishi mumkin. Shunga qaramay, Galaxy telefonlarida haddan tashqari qizib ketishning oldini oluvchi avtomatik himoya tizimi mavjud.

Galaxy S25 Plus modeli 4900 mA/soat sig‘imli akkumulyator va 45 vattli tez zaryadlash funksiyasiga ega.

Shuningdek, shu hafta yana bir Samsung qurilmasi – Galaxy S23 Ultra ham quvvat olayotganda qizib ketgani va akkumulyator shishib, orqa qopqog‘i yorilgani...

O‘zbekiston fuqarolariga Isroil va Eronga safar qilmaslik tavsiya etildi. Bu haqda O‘zbekiston Tashqi ishlar vazirligi (TIV) ma’lum qildi.

Yaqin Sharqdagi vaziyatning shiddat bilan keskinlashayotgani O‘zbekistonda chuqur xavotir uyg‘otmoqda. O‘zbekiston doimo mintaqadagi barcha tomonlarni o‘zaro muzokaralar orqali tinchlik yo‘lida harakat qilishga chaqirib kelgan.

Shu munosabat bilan TIV fuqarolardan Isroil va Eronga safar qilishdan tiyilishni so‘ramoqda. Mazkur mamlakatlarda bo‘lib turgan fuqarolardan esa imkon qadar xavfsiz hududlarga chiqib ketishlari tavsiya etiladi.

Vazirlik xavfsizlikni ta’minlash maqsadida zarur choralar ko‘rilayotganini ma’lum qilgan. Fuqarolardan hushyorlikni saqlash va rasmiy e’lonlarni doimiy ravishda kuzatib borish so‘raladi.

Avvalroq Kursiv Uzbekistan Isroildagi O‘zbekiston fuqarolari hushyorlikka chaqirilgani haqida yozgandi...

Peladn brendi Yo1 nomli yangi mini-kompyuterini taqdim etdi. Bu haqda Peladn rasmiy sahifasida ma’lum qilindi.

Flagman darajasidagi 16 yadroli Ryzen AI MAX+ 395 protsessorida ishlovchi qurilma o‘z toifasida eng kuchlilardan biri sanaladi. Grafikaga Radeon 8060S javobgar, alohida videokarta mavjud emas.

Yo1 modeli 128 GB gacha LPDDR5X-8000 xotirani qo‘llab-quvvatlaydi. Qurilma USB4 va USB 3.2 portlari, Wi-Fi 6E, Bluetooth 5.2 hamda HDMI 2.1 bilan jihozlangan. Operatsion tizim – Windows 11 Pro. Quvvat limiti 55, 85 yoki 120 Vt rejimlarga sozlanadi.

Mini-kompyuter hajmi 221×200×56 mm, og‘irligi 1380 grammni tashkil qiladi. Narxi $1850 atrofida.

Eslatib o‘tamiz, avvalroq Xitoyda iPhone 5 hajmidagi mini-smartfon taqdim...

FIFA «Manchester Siti» va O‘zbekiston milliy terma jamoa himoyachisi Abduqodir Husanovni klublar o‘rtasidagi Jahon chempionatidagi debyuti bilan tabrikladi. Bu haqda Federatsiyaning instagramdagi sahifasida post qoldirildi.

Tabrikda o‘zbekistonlik futbolchi tarix yozishda davom etayotgani e‘tirof etilgan.

Ma’lumot o‘rnida, klublar o‘rtasidagi Jahon chempionati «G» guruhidan o‘rin olgan 2-tur «Manchester Siti» – «Al-Ayn» jamoalari o‘rtasidagi bahsda nominal mezbonlar g‘alaba qozondi. Abduqodir Husanov ushbu bahsni asosiy tarkibda boshlagan edi.

O‘yinning 58-daqiqasida raqibga qarshi qo‘pollik uchun Abduqodir Husanovga sariq kartochka ko‘rsatilib, 62-daqiqada esa u Oskar Bobb bilan almashtirilgan edi.

Avvalroq Husanov «Manchester Siti» jamoadoshlari oldida kuylagan edi.

Xitoyda mahalliy ishlab chiqarilgan eng sifatli va ishonchli avtomobillar reytingi e’lon qilindi. Bu haqda «Avtonovosti dnya» xabar bermoqda.

Tadqiqotda 175 ta benzinli model ishtirok etdi va ular orasidagi nosozliklar bilan bog‘liq salbiy fikrlar tahlil qilindi.

Reytingda birinchi o‘rinni Audi Q6 egalladi. Bu model SAIC Volkswagen kompaniyasiga tegishli va 140 ball to‘plagan (ball qancha kam bo‘lsa, avtomobil shuncha sifatli hisoblanadi). Ikkinchi va uchinchi o‘rinlarga Honda UR-V (142 ball) va Honda XR-V (143 ball) joylashdi. To‘rtinchi o‘rinda yana bir Audi – Q2L (145 ball), beshinchi o‘rinda esa Honda Avancier (146 ball).

Xitoy brendlari orasida eng yaxshi natijani GAC GS...

Toshkentning «Humo» xokkey jamoasida o‘ynayotgan belaruslik hujumchi Danila Karaban «Na Banke | Xokkey» studiyasida bergan intervyusida aytishicha, Shavkat Mirziyoyevga jamoaviy yo‘llagan murojaat natija bergan – klub ish haqi bo‘yicha qarzlarning bir qismini to‘lagan.

«Humo» xokkeychilari 2025-yilning yanvardan apreligacha to‘rt oy davomida maosh olmagan, bunga qadar esa o‘tgan mavsumning sentabr oyi uchun to‘lov bir oy kechikib berilgan. 2025-yil may oyida jamoa prezident nomiga jamoaviy maktub yo‘llab, choralar ko‘rishni va ish haqlarining kafolatli to‘lanishini so‘ragan.

Danila Karabaning aytishicha, prezidentga murojaatdan so‘ng klub yanvar va fevral oylari uchun maoshlarini to‘lagan, ammo mart-aprel oylari uchun hali ham to‘lanmagan.

«Shuni...

23-iyun kuni O‘zbekiston bo‘ylab havo biroz bulutli bo‘ladi, yog‘ingarchilik kutilmaydi. Harorat kunduzi 28-44° daraja atrofida bo‘ladi, deya xabar bermoqda «O‘zgidromet».

Quyida ob-havo ma’lumoti viloyatlar kesimida:

Suriya poytaxti Damashqdagi Mar Elias yunon pravoslav cherkovida terrorchining o‘zini portlatishi oqibatida kamida 20 kishi halok bo‘ldi, yana 52 kishi jarohat oldi. Bu haqda Suriya sog‘liqni saqlash va xavfsizlik idoralariga tayanib, Reuters axborot agentligi ma’lum qildi.

Ichki ishlar vazirligining bayonotiga ko‘ra, hujumchi «Islomiy davlat» guruhiga a’zo bo‘lgan. U avval cherkov ichida o‘q uzgan, so‘ng esa portlovchi jiletini ishga tushirgan. Bu Damashqda Bashar Asad hokimiyatdan ag‘darilganidan keyin sodir bo‘lgan ilk xudkushlik hujumi bo‘ldi.

Gretsiya Tashqi ishlar vazirligi ushbu hujumni qoralab, diniy ozchiliklar xavfsizligini ta’minlash choralarini ko‘rishga chaqirdi. Hozirda voqea yuzasidan tergov ishlari olib borilmoqda.

Eslatib o‘tamiz, avvalroq AQShning Eronga bergan...

Klublar o‘rtasidagi Jahon Chempionati G guruhidan o‘rin olgan 2-tur «Manchester Siti» — «Al-Ayn» jamoalari o‘rtasidagi bahsda nominal mezbonlar g‘alaba qozondi. Abduqodir Husanov ushbu bahsni asosiy tarkibda boshladi.

Birinchi taymning 8-daqiqasida Gundogan qanotdan darvozabonning ustidan to‘pni oshirib hisobni ochdi.

27-daqiqada esa jamoaning argentinalik yarimhimoyachisi Klaudio Echeverri jarima zarbasidan keyin farqni ikkitaga yetkazdi.

Birinchi taymnga qo‘shib berilgan 2-daqiqasida hakam «Al-Ayn» jarima maydonchasida Manuel Akanjiga nisbatan qo‘pollik qayd etdi va mehmonlar darvozasiga penalti belgiladi.

Nuqtaga yaqin kelgan Erling Holland mo‘ljalda adashmadi.

O‘yinning 58-daqiqasida raqibga qarshi qo‘pollik uchun Abduqodir Husanovga sariq kartochka ko‘rsatildi. 62-daqiqada esa uni Oskar Bobb bilan almashtirishdi.

Bahsning...

Xitoyning Voyah kompaniyasi yangi Free+ krossoverini taqdim etdi. Bu haqda ITHome nashri ma’lum qildi.

Unga ko‘ra, endi u benzinli mashinaga o‘xshashroq bo‘lib, uzatmalar qutisi tovushini va taxometr ko‘rsatkichini simulyatsiya qiladi. Avtomobil 29 dyuymli proektsion ekran, Huawei ADS 4.0 tizimi va HarmonyOS Cockpit 5 bilan jihozlangan.

Baza versiyasida 292 ot kuchiga ega bitta, top versiyada esa 476 ot kuchli ikkita elektromotor mavjud. Akkumulyator quvvati 43,2 kVt/soat bo‘lib, to‘liq elektr yurish masofasi 190 – 235 km.ni tashkil etadi. Yukxona hajmi 590 litr.

Mashina ichida 22 ta dinamikli 7.1.4 formatli audio tizim, simsiz zaryadlash, sovitkichli quti va ikkita katta ekran mavjud. Savdolar...

Redmi kompaniyasi yaqin haftalarda taqdim etilishi kutilayotgan yangi flagmani – Redmi K80 Ultra kamerasi bilan olingan suratlarni e’lon qildi. Tasvirlar yorug‘ kunda olingan bo‘lib, 2x va 4x kattalashtirish imkoniyatlari namoyish etilgan.

Smartfon 50 megapikselli optik barqarorlashtirish tizimiga ega asosiy kamera bilan jihozlanadi. Kamera sensori Xiaomi 15 Pro’dagi Leica bilan ishlab chiqilgan Light Hunter 900 bo‘lishi mumkin.

Redmi K80 Ultra kuchli Dimensity 9400+ chipi bilan taqdim etilishi rejalashtirilgan bo‘lib, rasmiy taqdimot kelasi haftaga mo‘ljallangan.

Eslatib o‘tamiz, avvalroq Xiaomi Redmi K80 Extreme Edition smartfonini taqdim etgani haqida xabar bergan edik.

Investitsiyalar, sanoat va savdo vaziri Laziz Kudratov Xitoy Eksport-import banki rahbari Chen Xuayyuy bilan uchrashdi. Tomonlar gidroenergetika, transport infratuzilmasi va qishloq xo‘jaligi sohasidagi hamkorlikni kengaytirish masalalarini muhokama qildi, deya yozmoqda vazirlik matbuot xizmati.

2002-yildan buyon Xitoy Eksimbanki bilan qiymati $3,2 mlrdlik 51 loyiha amalga oshirilgan. Ayni paytda $1,9 mlrdlik 2 loyiha amalga oshirilmoqda, yana $2,2 mlrdlik 13 loyiha ko‘rib chiqilmoqda.

Uchrashuv yakunida telekommunikatsiya sohasida $500 mlnlik qarz shartnomasi imzolandi. Kudratov bu loyihalar tezkor va samarali bajarilishiga ishonch bildirdi.

Eslatib o‘tamiz, avvalroq O‘zbekistonda Modulli intellektual hisoblash markazi tashkil etilishi mumkinligi haqida xabar bergan edik.

Raqamli texnologiyalar vaziri Sherzod Shermatov Xitoyning yetakchi texnologik kompaniyalari bilan uchrashuv o‘tkazdi va Modulli intellektual hisoblash markazi tashkil etilishi masalasini muhokama qildi. Bu haqda vazirlik rasmiy sahifasida ma’lum qilindi.

Unga ko‘ra, muhokamalr «Shanghai LinkWise Data Intelligence», «China Electronics Technology Development» hamda «Shanghai Oriental Credits Industrial» kompaniyalari bilan amalga oshirildi.

Loyiha sun’iy intellekt va zamonaviy hisoblash infratuzilmasini rivojlantirishni ko‘zda tutadi va besh bosqichda amalga oshiriladi. Xitoylik mutaxassislar loyihaning texnik yechimlari va dastlabki maketini taqdim etishdi.

Mazkur tashabbus «Bir makon, bir yo‘l» hamda Shanxay hamkorlik tashkiloti doirasidagi hamkorlikni chuqurlashtirishga xizmat qiladi. Muzokaralar yakunida tomonlar o‘zaro anglashuv memorandumini imzolashdi.

Eslatib o‘tamiz, avvalroq...

Isroil Mudofaa kuchlari 22-iyun soat 03:45 dan 23-iyun soat 08:00 gacha bo‘lgan muddatda butun mamlakat bo‘ylab xavfsizlik cheklovlari joriy etilganini e’lon qildi. Bu haqda O‘zbekistonning Isroildagi elchixonasi mamlakatda bo‘lib turgan fuqarolarimizni ogohlantirdi.

Cheklovlarga ko‘ra, ilgari «cheklangan faoliyat» deb belgilangan hududlarda endi faqat «zarur holatlarda faoliyat»ga ruxsat etiladi. Barcha ta’lim muassasalari va ishlab chiqarish korxonalari yopiladi. Faqat harbiy va tinch aholi ehtiyojlari uchun muhim bo‘lgan tarmoqlargina istisno tariqasida faoliyat yuritishi mumkin. Ish joylariga borish qat’iyan taqiqlanadi.

Isroilda bo‘lib turgan o‘zbekistonlik fuqarolardan xavfsizlik qoidalariga qat’iy amal qilish, hushyorlikni oshirish va raketa otishmalari vaqtida boshpanalarni tark etmaslik so‘raladi. Rasmiy axborotlardan doimiy xabardor...

AQShning Eron yadroviy obyektlariga zarbasi neft narxining oshishiga va xavfsiz aktivlarga talabning ko‘tarilishiga olib keladi, deb hisoblamoqda Reuters suhbatdoshlari. Uzoq muddatli oqibatlar ko‘lami Erondan keladigan javob choralarga bog‘liq bo‘ladi.

Dushanba kuni bozorlar ochilishi bilan tahlilchilar neft narxi $80 dan oshishini kutishmoqda. Isroilning Eron hududlariga ilk zarbasidan buyon neft 18 foizga qimmatlashdi va 2025-yil fevralidan beri eng yuqori darajaga yetdi. Biroq bu narx o‘sishi uzoq davom etmasligi mumkin.

Agar mojaro yumshab muzokaralar tiklansa, investorlar neft bozorida tez orada narxlar pasayishini kutmoqda. Ammo salbiy ssenariyda neft narxi $100 dan $130 gacha yetishi mumkin. Bu Eron neft qazib olish hajmining keskin kamayishi...

Misr hukumati tomonidan O‘zbekistonga insonparvarlik yordami sifatida ajratilgan «Sofosbuvir-400mg» dori vositasining joriy yildagi to‘rtinchi partiyasi Toshkentga yetkazildi. Bu haqda «Dunyo» AA ma’lum qildi.

Ushbu yukni «Uzbekistan Airways» aviakompaniyasi Sharm-al-Shayx shahridan olib keldi.

Mazkur partiyada 7680 dona dori vositasi (32 quti) mavjud bo‘lib, ular gepatit S kasalligiga qarshi kurashish uchun mo‘ljallangan. Dori vositalari Sog‘liqni saqlash vazirligi huzuridagi Virusologiya instituti orqali bemorlarga tarqatiladi.

Ma’lumotlarga ko‘ra, 2023 – 2024-yillar davomida Misr O‘zbekistonga 12,4 tonna dorilarni o‘z ichiga olgan 27 partiya yetkazib bergan. Ularning umumiy qiymati $1,4 mlnni tashkil etadi.

Eslatib o‘tamiz, avval ham Misrdan O‘zbekistonga $114,8 ming qiymatdagi insonparvarlik yordami yetkazilgan...

AQSh havo kuchlari tomonidan Eronning Fordo, Natanz va Isfahon shaharlaridagi yadroviy obyektlarga uyushtirilgan havo hujumidan so‘ng, Eron Atom energetikasi tashkiloti rasmiy bayonot bilan chiqdi. Unda mazkur zarbalar Yadro qurollarini tarqatmaslik to‘g‘risidagi shartnoma (NPT) va xalqaro huquq normalariga zid ekani ta’kidlandi.

Bayonotga ko‘ra, bu hujumlar xalqaro atom agentligi – IAEAning befarqligi, hattoki jim roziligi ostida sodir bo‘lgan. AQSh prezidenti tomonidan bu harakat ochiq tan olingan va yadro obyektlari IAEA doimiy nazoratida ekani ta’kidlanmoqda.

Eron hukumati xalqaro hamjamiyatni ushbu tajovuzni keskin qoralashga va Eronga o‘z qonuniy huquqlarini ta’minlashda ko‘maklashishga chaqirdi. Atom tashkiloti yadro dasturi tinch maqsadlarda davom ettirilishini bildirdi va uni...

22-iyun tongida Eron Isroilga 20 – 30 ta ballistik raketa uchirdi. Mamlakat aholiga zudlik bilan boshpanalarga o‘tish buyurildi, deya yozmoqda The Times of Israel.

Raketalarning ba’zilari Tel-Aviv, Nes-Tsiona va Hayfa shaharlaridagi turarjoy hududlariga tushgan. «Magen David Adom» tibbiy xizmati kamida 16 kishi jarohat olganini tasdiqladi. Eron rasmiylari hujum nishonlari sifatida Tel-Avivdagi Ben-Gurion aeroporti, logistika bazalari, ilmiy va harbiy markazlarni ko‘rsatdi.

Mazkur hujum AQShning o‘tgan tun Eronning Fordo, Natanz va Isfahondagi yadro obyektlariga bergan zarbasidan keyin boshlangan.

IDF ma’lum qilishicha, Isroil harbiy-havo kuchlari Eronning g‘arbiy hududlaridagi raketa qurilmalari va askarlariga qarshi javob zarbalari bergan va raketa tizimlarini tezda yo‘q...

Ilon Mask o‘zining X tarmog‘ida yangi sun’iy intellekt modeli – Grok 3.5 yordamida insoniyat bilimlarini qayta yozishini e’lon qildi.

Unga ko‘ra, mavjud modellar ko‘plab xatolar va yetishmayotgan ma’lumotlarga ega bo‘lib, bu yangi model orqali tuzatiladi.

Grok 3.5 modeli ilgari chiqarilgan Grok 3 asosida yaratilgan bo‘lib, 200 mingta Nvidia grafik protsessorida o‘qitilgan. U matematika, fan va dasturlash bo‘yicha mashhur standart testlarda yuqori natijalar ko‘rsatib, GPT-4o va Gemini kabi ilg‘or modellarni ortda qoldirgan.

Eslatib o‘tamiz, avvalroq Telegram’da Grok sun’iy intellektli chatboti ishga tushirilishi haqida yozgan edik.

Toshkent shahrida faoliyat yurituvchi ayrim tadbirkorlar tomonidan Janubiy Koreyaning mashhur avtomobil brendlari – «Hyundai» va «Kia» kompaniyalariga tegishli tovar belgilaridan ruxsatsiz foydalanilgani aniqlandi. Bu haqda Adliya vazirligi ma’lum qildi.

Huquq egalarining rasmiy murojaatlari asosida o‘tkazilgan tekshiruvlar davomida ushbu belgilar bino peshlavhalarida qonunga xilof ravishda joylashtirilgani tasdiqlandi.

Natijada belgilarning olib tashlanishi ta’minlandi, qonunbuzarlik holatlari joyida bartaraf etildi hamda tadbirkorlarga nisbatan belgilangan tartibda tegishli choralar ko‘rildi.

Eslatib o‘tamiz, avvalroq Uzum Market kontrafakt mahsulotlar savdosi bo‘yicha munosabat bildirgan edi.

Pokiston hukumati AQSh prezidenti Donald Trampni Hindiston va Pokiston o‘rtasidagi ziddiyatdan so‘ng tinchlik o‘rnatishdagi «aniq diplomatik vositachiligi» uchun Nobel Tinchlik mukofotiga tavsiya qildi. Bu haqda CNN axborot agentligi ma’lum qildi.

May oyida har ikki davlat o‘rtasida yuz bergan eng keskin to‘qnashuvlardan so‘ng Tramp vositachiligida 8-may kuni sulh e’lon qilingan. Pokiston rasmiylariga ko‘ra, Tramp mojaroni keng ko‘lamli urushga aylanishining oldini olgan.

Islomobod bu vositachilikni olqishlagan bo‘lsa, Nyu-Dehli sulhni ikki davlat o‘rtasida to‘g‘ridan to‘g‘ri erishilgan deya baholagan.

«Hindiston va Pokiston o‘rtasidagi urushni to‘xtatganim uchun Nobel mukofotini olmayman», – deb yozdi Tramp o‘zining «Truth Social» sahifasida.

Ma’lumot...

Andijon shahridagi Yorboshi mahallasida joylashgan savdo do‘konida davlat ro‘yxatidan o‘tmasdan tamaki mahsulotlari savdosi bilan shug‘ullanib kelingani aniqlandi. Bu haqda Bosh prokuratura departamenti ma’lum qildi.

Departamentning Andijon shahar bo‘limi va Soliq inspeksiyasi xodimlari hamkorligida o‘tkazilgan tezkor tadbir davomida fuqaro davlat ro‘yxatidan o‘tmasdan tamaki mahsulotlari bilan savdo qilgani ma’lum bo‘ldi. Tadbir davomida do‘kondan umumiy bahosi 44,7 mln so‘mlik 3 249 quti tamaki mahsulotlari ashyoviy dalil sifatida olib qo‘yildi.

Mazkur holat yuzasidan Jinoyat kodeksining 186-1-moddasi asosida jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Samarqandda qalbaki alkogol mahsulotlari fosh etilgan edi.