Yangiliklar

Angliya Premyer-ligasining yakuniy turida «Manchester Siti» o‘z maydonida «Fulxem» ustidan 2:0 hisobida g‘alaba qozongan edi. O‘yindan so‘ng klub bosh murabbiyi Pep Gvardiola matbuot anjumanida jamoa tarkibi va ayrim futbolchilarning yo‘qligi haqida fikr bildirdi.

Murabbiy Abduqodir Husanov haqida ham alohida to‘xtalgan. Gvardiola uni Grilish, Vitor Reis va Makayti kabi jamoaning diqqat markazidagi futbolchilardan biri deb atadi.

Xususan, jurnalistlar yarim himoyachi Jek Grilishning tarkibda yo‘qligi sababini so‘rashdi. Gvardiola futbolchilar soni ko‘pligini aytib, tanlov har doim ham oson emasligini ta’kidladi. U Grilishga hech qanday shaxsiy e’tirozi yo‘qligini, barcha futbolchilar birdek muhim ekanini qayd etdi. Misol tariqasida, «Aston Villa» va «Vulverhempton»ga...

Xitoyning NIO kompaniyasi avtomobil sanoatida noyob yangilik — haydovchi hushini yo‘qotsa yoki uxlab qolsa, avtomobilni mustaqil to‘xtatib, yordam chaqira oladigan sun’iy intellekt tizimini joriy qildi. Bu haqda Speedme nashri xabar bermoqda.

Tizim avtomatik boshqaruv (avtopilot) yoqilgan holatda haydovchi reaksiyasiz qolsa, dastlab kuchayib boruvchi ovozli ogohlantirishlar beradi. Agar bunga javob bo‘lmasa, avtomobil xavf signalini yoqib, silliq tormozlaydi va o‘zi o‘ng chekka qatnov yo‘liga o‘tadi. To‘xtagach esa mashina eshiklarni ochadi va tez yordam xizmatlari bilan bog‘lanadi.

Bu funksiya «aqlli kuzatuv rejimi» (Smart Drive Enjoyment Mode) doirasida taqdim etilgan bo‘lib, kompaniyaning kengaytirilgan L2 darajali avtopiloti tarkibiga kiradi. Boshqa ishlab chiqaruvchilar hali...

Xiaomi Mi 15S Pro flagman smartfoni JD.com savdo platformasida sotuvga chiqarilgandan so‘ng foydalanuvchilardan 100 foiz ijobiy fikr to‘pladi. Bu haqda mydrivers nashri ma’lum qildi.

Yangi model Xiaomi kompaniyasining o‘z ishlab chiqargan Xring O1 protsessori bilan jihozlangan bo‘lib, bu kompaniya uchun ilk tajriba sanaladi. Ammo foydalanuvchilarning fikricha, yangi chip ravon ishlaydi, yuqori unumdorlikni ta’minlaydi va shikoyatlar deyarli yo‘q.

Smartfon 6,73 dyuymli 2K OLED displey, Leica brendi bilan hamkorlikdagi flagman kamera tizimi, IP68 namlik va changga chidamlilik darajasi bilan ajralib turadi. Qurilmada 6100 mA/soat sig‘imli katta akkumulyator mavjud bo‘lib, u 90 Vt quvvatlanishni qo‘llab-quvvatlaydi.

Bazaviy versiyasi 16/512 GB xotira bilan...

Joriy yilning yanvar – aprel oylarida inflyatsiya 2,9 foizni tashkil etdi, bu o‘tgan yilning shu davriga nisbatan 0,3 foiz punktga yuqori. Bu haqda Markaziy bank 2025-yil birinchi choragiga oid pul-kredit siyosati sharhida ma’lum qildi.

Yillik ko‘rsatkich 10 foizdan oshib, 2024-yildagidan 2 foiz punktga ortiq bo‘ldi. Yangilangan prognozga ko‘ra, 2025-yil yakunida inflyatsiya 8 foiz atrofida bo‘lishi kutilmoqda (ilgari 7,5-8 foiz deb baholangan edi). 2026-yil uchun taxmin esa 5 foizdan 5-6 foizgacha ko‘tarildi.

Markaziy bank 5 foizlik maqsadga 2027-yilning ikkinchi yarmida erishishni rejalashtirmoqda.

Avvalroq Kursiv Uzbekistan aprel oyida aholining inflyatsion kutilmalari oʻzgarishsiz qolgani haqida yozgandi.

OnePlus kompaniyasi Xitoyda o‘zining yangi flagman smartfoni – OnePlus Ace 5 Extreme Edition modelini taqdim etdi. Bu haqda IThome nashri xabar bermoqda.

Qurilma MediaTek Dimensity 9400+ protsessori asosida yaratilgan va AnTuTu testida rekord ko‘rsatkich – 3,22 mln ball to‘plagan.

Smartfonning boshlang‘ich versiyasi 12 GB tezkor va 256 GB doimiy xotira bilan atigi $295 ga baholangan. Boshqa variantlar narxi quyidagicha: 16/256 GB – $330, 12/512 GB – $355, 16/512 GB – $390, 16 GB/1 TB – $460.

OnePlus Ace 5 Extreme OLED displeyga ega bo‘lib, uning o‘lchami 6,83 dyuym, aniqligi – 1,5K, yangilanish chastotasi esa 144 Gsni tashkil etadi...

Toshkent viloyatida davlat zaxirasidagi 40 ta nuqtada jami 6,59 gektar yer maydoni Energetika vazirligiga doimiy foydalanish huquqi bilan ajratildi. Bu yerlar shahar va tumanlar hududidagi qishloq xo‘jaligiga mo‘ljallanmagan hududlardir. Bu haqda viloyat matbuot xizmati xabar qildi.

Ushbu yer uchastkalari mikro gidroelektr stansiyalar (mikro GES) qurilishi uchun tashabbuskorlarni aniqlash maqsadida auksionga chiqariladi.

Qurilish Piskent, Ohangaron, Bekobod, Yuqori Chirchiq, Bo‘stonliq, Qibray, Chinoz, Bo‘ka, Yangiyo‘l, Zangiota tumanlarida va Angren, Olmaliq, Bekobod, Chirchiq shaharlarida amalga oshirilishi rejalashtirilgan.

Avvalroq Kursiv Uzbekistan viloyatida 29 ta kichik va mikro GES qurilishi haqida yozgandi.

Aprel oyida Hindistondan AQShga iPhone smartfonlari eksporti keskin oshdi. CNBC nashri Canalys tahliliy kompaniyasi ma’lumotlariga tayanib xabar berishicha, mazkur davrda AQShga 3 million dona iPhone yetkazib berilgan. Bu oʻtgan yilning shu oyiga nisbatan 76 foizga koʻpdir.

Shu bilan bir vaqtda Xitoydan AQShga iPhone eksporti keskin kamaydi. Aynan shuncha, ya’ni 76 foizga pasayib, atigi 900 ming dona smartfonni tashkil etgan.

Tahlilchilar bunday oʻzgarishlarni kompaniyaning ishlab chiqarish faoliyatini geografik jihatdan diversifikatsiya qilish strategiyasi bilan bogʻlamoqda. Kompaniya AQSh va Xitoy oʻrtasidagi savdo ziddiyatlari fonida ishlab chiqarish bazasini kengaytirishga harakat qilmoqda.

Shuningdek, bojxona tariflaridagi tafovut ham bu qarorlar ortida turgan muhim omil...

O‘zbekiston 2030-yilgacha aholining ekologik madaniyatini oshirish konsepsiyasi doirasida transport vositalaridan chiqindi tashlaganlik uchun jarimalar va jazo choralarini kuchaytirishni rejalashtirmoqda.

Bu borada Ma’muriy javobgarlik to‘g‘risidagi Kodeksga o‘zgartirishlar kiritilishi ko‘zda tutilgan.

Ayni paytda 91¹-modda bo‘yicha belgilangan joylarga chiqindi tashlaganlik uchun jismoniy shaxslarga 1–3 BHM(bazaviy hisoblash miqdori), yuridik shaxslarga esa 3–5 BHM miqdorida jarima belgilanadi. Biroq konsepsiyada bu jarimalar yetarli emasligi aytilgan va ularni oshirish taklif qilinmoqda: birinchi marta huquqbuzarlik sodir etilganda 3–5 BHM, takroriy holatda esa 10–15 BHM jarima belgilanishi mumkin.

Bu choralar shunchaki tartib-intizom emas, balki atrof-muhitni ifloslanishdan himoya qilish yo‘lidagi zaruratdir. Tadqiqotlarga ko‘ra, yo‘llardagi chiqindilarning qariyb 53 foizi avtomobil...

AQSh prezidenti Donald Tramp ma’muriyati xorijiy talabalar va almashinuv dasturlari bo‘yicha vizalar berishni vaqtincha to‘xtatdi. Bu haqda Reuters agentligi ma’lum qildi.

Bu qaror talabalar ijtimoiy tarmoqlardagi faolligi asosida yanada chuqurroq tekshiruv joriy etilishi arafasida qabul qilindi.

AQSh Davlat departamenti konsulliklarga yangi uchrashuvlar belgilamaslikni buyurdi, ammo ilgari rejalashtirilganlar o‘z vaqtida o‘tkaziladi. Rasmiylarga ko‘ra, bu o‘zgarishlar immigratsion xavfsizlikni kuchaytirishga qaratilgan.

Ayni vaqtda Tramp ma’muriyati Falastinni qo‘llab-quvvatlagan talabalarni vizasidan mahrum etish va ayrim universitetlarga bosim o‘tkazishni ham kuchaytirmoqda. Bu esa jamoatchilikda so‘z erkinligiga tahdid sifatida baholanmoqda. Garvard universiteti talabalarining bunga qarshi norozilik namoyishlari ham bo‘lib o‘tdi.

Eslatib o‘tamiz, avvalroq AQSh sudi Tramp...

Andijon viloyatida ichimlik va oqova suv xizmatlari bo‘yicha yangi tariflar tasdiqlandi. Ushbu qaror xalq deputatlari viloyat Kengashining 14-maydagi qarorida ma’lum qilindi.

Yangi tariflarga ko‘ra, 1-iyundan boshlab ichimlik suvi narxi bir kubometr uchun quyidagicha bo‘ladi:

Oqova suvi xizmati uchun:

Mazkur tariflar qo‘shilgan qiymat solig‘isiz (QQS) hisoblangan.

Avvalroq Kursiv Uzbekistan Qoraqalpog‘iston, Xorazm va...

Milliy statistika qo‘mitasiga ko‘ra, 2025-yilning yanvar – aprel oylarida respublikada ko‘rsatilgan pullik xizmatlar hajmi 290,3 trln so‘mga yetdi. Bu ko‘rsatkich o‘tgan yilning shu davrida qayd etilgan 232,8 trln so‘mlik hajmga nisbatan 57,4 trln so‘mga ko‘proq bo‘lib, 12,6 foizlik real o‘sishni ifodalaydi.

Joriy yil boshidan buyon har bir fuqaroga to‘g‘ri kelgan xizmatlar hajmi o‘rtacha 7,7 mln so‘mni tashkil etgan. Bu esa o‘tgan yilgi ko‘rsatkich bilan taqqoslaganda 10,4 foizga yuqori ekani bilan ajralib turadi.

Bundan tashqari, hisobot davrida kichik biznes subyektlari tomonidan amalga oshirilgan xizmatlar qiymati 158,3 trln so‘mga teng bo‘lib, bu umumiy xizmatlar sohasidagi ulushning 54,5 foizini tashkil etdi.

Avvalroq «Kursiv...

BYD batareyalari endi yonmaydi va portlamaydi, yangi xavfsizlik standartlariga to‘liq javob beradi. Bu haqda ITHome nashri ma’lum qildi.

BYD kompaniyasi o‘zining Blade va Flash Charging Blade Battery akkumulyatorlari 2026-yilda kuchga kiradigan Xitoyning yangi milliy xavfsizlik standartlariga to‘liq javob berishini ma’lum qildi.

Kompaniya rasmiylariga ko‘ra, ushbu batareyalar muddatidan oldin sinovdan muvaffaqiyatli o‘tgan va Xitoy avtomobil texnologiyasi va tadqiqot markazi tomonidan sertifikatlangan.

Yangi GB 38031-2025 milliy standarti elektromobil akkumulyatorlari uchun xavfsizlik talablarini sezilarli darajada kuchaytiradi. Avvalgi talablardan farqli ravishda endi batareya portlamasligi yoki yonmasligi asosiy shart bo‘ladi, hattoki ogohlantiruvchi signal bo‘lsa ham yetarli emas. Bundan tashqari, tutun mashina ichidagi...

Xonadonga konditsioner o‘rnatilgandan keyin ko‘pchilik tezda noxush haqiqatga duch keladi: qulaylik elektr energiyasi uchun yuqori xarajatlar bilan birga keladi. Lekin ko‘pchilik konditsionerdagi energiya tejovchi tizim haqida unutadi. Kursiv Uzbekistan Pravda nashriga tayanib qiziqarli ma’lumotlarni to‘pladi.

Konditsioner yozning issiq kunlarida xonani salqin tutish uchun eng ishonchli vosita bo‘lsa-da, undan noto‘g‘ri foydalanish elektr hisob-kitoblarining keskin oshishiga olib keladi. Mutaxassislarning ta’kidlashicha, foydalanuvchilarning katta qismi birgina – sovitish (cool) rejimidan foydalanadi, aslida esa qurilmalarda mavjud bo‘lgan boshqa imkoniyatlar ancha samaraliroq bo‘lishi mumkin.

Shulardan eng samaralisi – intellektual rejim (smart mode yoki eco mode deb ham ataladi). Ushbu sozlama haroratni atigi 1-2 darajaga...

Xitoyda rasman benzinli Haval Raptor avtomobili sotuvda. Bu haqda 32cars texnologiyalar sayti xabar bermoqda.

«Ajdaho» liniyasidagi ilk benzinli model bo‘lgan Haval Raptor 2,0 litrli turbomotor (238 ot kuchi) va 9 pog‘onali avtomatik uzatmalar qutisi bilan jihozlangan. Modelda 6-avlod to‘liq tortuv tizimi, orqa differentsial blokirovkasi va 9 xil yurish rejimi mavjud.

Mashina 223 mm baland klirens, bagaj eshigidagi g‘ildirakli versiya va off-road dizayni bilan ajralib turadi. Boshlang‘ich narx – 156,9 ming yuanga teng (taxminan $21 ming ), aksiyada esa 136,9 ming yuanga ($18,8 ming) sotib olish mumkin.

Salon 12,3 dyuymli raqamli panel va 14,6 dyuymli multimedia ekran bilan jihozlangan. Bundan...

27-may kuni Texas shtatidagi Starbase kosmodromidan SpaceX kompaniyasining Starship raketa-tashuvchisi to‘qqizinchi sinov parvozini amalga oshirdi. Bu haqda kompaniyaning X sahifasida ma’lum qilindi.

Qismlar ajralishi muvaffaqiyatli bo‘ldi, ammo Super Heavy tezlatkich havoda portlab ketdi.

Starship soatiga 26 493 km tezlikka chiqib, dvigatellarini o‘chirdi. Biroq raketa tez aylanishni boshladi va barqarorlikni yo‘qotdi. Bu holatda SpaceX dvigatellarni qayta yoqishni maqsadga muvofiq deb topmadi. Parvoz atmosferaga kirishgacha davom etdi, ammo so‘ng kema parchalanib, aloqa uzildi.

SpaceX bu sinovni shunday izohladi: «Bugungi parvoz bizga muhim ma’lumotlar beradi. Bunday sinovlar orqali Starship’ni ishonchli qilishga erishamiz, chunki biz insoniyat hayotini ko‘p sayyoralik...

Saudiya Arabistonida zulhijja oyining boshlanganini bildiruvchi hilol ko‘ringach, mamlakat Qurbon hayitining aniq sanasini e’lon qildi. Qirollikdagi rasmiy manbalarga ko‘ra, Qurbon hayiti bu yil 2025-yil 6-iyun kuniga to‘g‘ri keladi. Bu haqda Al Arabiya axborot agentligi xabar berdi.

Islomiy qamariy taqvimda so‘nggi oy sanalgan zulhijja oyining 1-kuni Saudiya Arabistonida 28-maydan boshlanadi. Hayit esa bu oydagi 10-kuni nishonlanadi.

An’anaviy tarzda bu kunda musulmonlar tongda hayit namozini o‘qib, yaqinlarini ziyorat qiladi, sovg‘alar ulashadi hamda qurbonlik marosimlarini ado etadi. Zulhijja oyining 9-kuni esa Arafa kuni sifatida katta ahamiyatga ega.

Eslatib o‘tamiz, 2024-yilda O‘zbekistonda Qurbon hayiti 16-iyunga to‘g‘ri kelgani haqida xabar bergan edi.

iQOO Neo 10 — bu zamonaviy dizayn, yuqori unumdorlik va o‘rtacha narx segmentidagi kombinatsiyani taklif qiluvchi smartfon. U o‘zining kuchli texnik ko‘rsatkichlari, ayniqsa, o‘yinlar va multitasking uchun moslashtirilgan protsessori, energiyani tejovchi displeyi va tezkor quvvatlanadigan batareyasi bilan ajralib turadi. Kursiv Uzbekistan Mobile-review.com nashriga tayanib ushbu smartfonning barcha jihatini tahlil qilib chiqdi.

Dizayn va ekran

iQOO Neo 10’ning korpusi zamonaviy ko‘rinishga ega – orqa panelda mat effektli silliq plastik ishlatilgan, yon tomondan metall ramka ushlab turadi. Old tomonda esa 6.78 dyuymli LTPO AMOLED displey joylashgan bo‘lib, 2800×1260 piksel o‘lcham va 144Hz yangilanish tezligi bilan yuqori aniqlik va...

Samsung Galaxy S25 smartfonlari sotuvlar bo‘yicha Janubiy Koreyada rekord o‘rnatdi. Bu haqda Janubiy Koreyaning Chosun nashri xabar bermoqda.

Ushbu modelning 2 million dona nusxasi Galaxy S24 seriyasidan ikki hafta oldinroq sotilib bo‘lgan. Shuningdek, birinchi million nusxa Galaxy S24’dan bir hafta oldin sotilgan.

Galaxy S25 seriyasi 5G tarmog‘ini qo‘llab-quvvatlovchi barcha Galaxy modellar orasida eng tez sotilgan qurilma sifatida rekord o‘rnatdi. Eng ko‘p talab Galaxy S25 Ultra modeliga bo‘ldi. Xaridorlar orasida eng mashhur rang – ko‘k, undan keyin oq va kumush ranglar ommalashgan.

«Ichki bozorda 2 mln donadan ortiq sotilishi mijozlarning Galaxy S25 seriyali innovatsiyalari va...

Shavkat Mirziyoyev 2025-yil 27-may kuni temir yo‘l infratuzilmasini rivojlantirish va sohadagi islohotlar natijalari yuzasidan taqdimot bilan tanishdi. Bu haqda davlat rahbari matbuot xizmati ma’lum qildi.

2023-yil 10-oktabrdagi prezident qaroriga asosan «O‘zbekiston temir yo‘llari» AJ tarkibiy jihatdan tubdan isloh qilingani natijada ilgari zarar bilan ishlagan kompaniya 2024-yilda 47 mlrd so‘m sof foyda ko‘rsatdi. «Temiryo‘lkargo» kompaniyasi tashkil etilgach, yuk vagonlaridan foydalanish samaradorligi ikki baravar oshdi.

Shu bilan birga, tranzit yuk tashish quvvatini 40 foizga oshirish va daromadni ikki baravar ko‘paytirish imkoniyati ta’kidlandi. Xitoy – Turkiya yo‘nalishida ilk bor yuk poyezdlari qatnovi yo‘lga qo‘yilgan. Shu bois temir yo‘l infratuzilmasining o‘tkazuvchanligini oshirish zarurati...

Shavkat Mirziyoyevga ichimlik suvi va oqova tizimlarini kengaytirish borasida amalga oshirilayotgan ishlar yuzasidan axborot berildi. Bu haqda davlat rahbari matbuot xizmati ma’lum qildi.

Bugungi kunga kelib, aholi yashash hududlarining 81 foizi ichimlik suvi, 20 foizi esa oqova tizimi bilan ta’minlangan. 2025-yil davomida 1 619 km ichimlik suvi va 521 km oqova tarmoqlari tortilishi, 162 ta inshoot qurilishi va ta’mirlanishi rejalashtirilgan. Natijada 715 ming aholi ilk bor markazlashgan ichimlik suviga, yana 400 ming kishi esa oqova xizmatiga ega bo‘ladi.

Sohada xalqaro moliya institutlari ishtirokida 21 loyiha amalga oshirilayotgani ta’kidlandi. Joriy yilda $800 mlnlik ishlar bajarilishi, 138 ta suv inshooti ishga...

2025-yil 7-avgust kuni Toshkentdagi «Milliy» (Bunyodkor) stadionida jahon mashhuri Jennifer Lopesning «Up All Night – Live In 2025» nomli konsert dasturi bo‘lib o‘tadi. Bu haqda Madaniyat va san’atni rivojlantirish jamg‘armasi ma’lum qildi.

Mazkur konsert san’atkorning O‘zbekistondagi ilk chiqishi bo‘lib, tadbir jamg‘arma tashabbusi bilan tashkil etilmoqda. Loyiha turizm salohiyatini oshirish maqsadida o‘tkazilayotgan muhim tashabbus sifatida baholandi.

Eslatib o‘tamiz, avvalroq T’way Air aviakompaniyasining Toshkentga ilk parvozida Black Swan K-pop guruhi olib kelinggan edi.

27-may kuni «Bunyodkor» stadionida amaldagi mamlakat chempioni – «Nasaf» va kubok sohibi – «Andijon» jamoalari o‘rtasida Superkubok uchun bahs bo‘lib o‘tdi. Uchrashuv haqida batafsil Kursiv Uzbekistan maqolasida tanishing.

Jamolar tarkibi:

Uchrashuv bosh hakami: Ilgiz Tantashev

Ilk bor mamlakat chempioni sifatida ushbu bahsda qatnashayotgan Berdiyev boshchiligidagi «Nasaf» bugun qatorasiga uchinchi bor Superkubokni yutish uchun urinib ko‘rdi.

Uchrashuvning ilk daqiqalaridan boshlab «Andijon» jamoasi faol hujumlar bilan boshladi. Dastlabki xavfli vaziyat ikkinchi daqiqada yuzaga keldi.

6-daqiqada vodiyliklar ketma-ket ikkita burchak to‘pini amalga oshirdi, biroq bunda ham natijaga erishilmadi. Sal o‘tib Doniyor Abdumannopovning darvozaga yo‘llagan zarbasini «Nasaf» posboni Ne‘matov qiyinchilik bilan...

28-may kuni O‘zbekiston bo‘yicha havo biroz bulutli bo‘ladi. Ayrim joylarda yomg‘ir yog‘adi, momaqaldiroq, chang-to‘zon va kuchli shamol kuzatilishi mumkin. Bu haqda  «O‘zgidromet» agentligi xabar bermoqda. Tog‘li hududlarda sel-suv toshqin xavfi mavjud.

Quyida ob-havo ma’lumoti viloyatlar kesimida

Eslatib o‘tamiz, Kursiv Uzbekistan nashri 27-may kuni qanday ob-havo kuzatilishi haqida yozgan edi.

O‘zbekistonning Jizzax viloyatida 27-may kuni sel sodir bo‘ldi. Favqulodda vaziyatlar vazirligining (FVV) xabar berishicha, to‘lqinli oqimlar kuchli yomg‘ir natijasida hosil bo‘lgan.

Duoba mahallasida sel oqimi yo‘lni to‘sib qo‘ydi. Shu sababli mazkur yo‘nalishda harakat vaqtinchalik to‘xtatildi.

Favqulodda vaziyat oqibatlarini bartaraf etish uchun favqulodda xizmatlar, huquq-tartibot idoralari xodimlari va mahalliy hokimiyat vakillari jo‘natilgan.

Sel oqimlari turarjoy binolari va ijtimoiy obyektlarga zarar yetkazmagan.

Eslatib o‘tamiz, Kursiv Uzbekistan nashri 27-may kuni tog‘ oldi va tog‘li hududlarda sel kelish xavfi mavjudligi haqida yozgan edi.