Yangiliklar

O‘zbekistonda 2026-yil yakuniga qadar Milliy investitsiya jamg‘armasining 30 foiz ulushi IPO’ga chiqarilishi belgilandi. Ushbu savdolar London va Toshkent shaharlarida ikki tomonlama ro‘yxatga olish orqali o‘tkazilishi kutilmoqda.

Tashkilot tarkibida qator o‘zgarishlar amalga oshirilgan. Xususan, 2026-yilda «Xalq banki» (30 foiz) va «Navoiyazot» (25 foiz) korxonalari jamg‘arma tarkibidan chiqarildi. Bunga qadar, 2025-yilda BRB va «MK Bank» ulushlari ham chiqarilib, ularning o‘rniga jozibador aktiv sifatida baholanayotgan «SQB»ning 40 foizlik ulushi qo‘shilgan edi.

Xalqaro moliya nashrlarining xabarlari ham mazkur jarayonga qiziqish yuqoriligini ko‘rsatadi. Bloomberg agentligi avvalroq mazkur IPO 2026-yil boshida o‘tkazilishini reja qilganini yozgan, biroq bu jarayon kechiktirilgan.

Joriy yilda mamlakatning eng yirik...

Yerni auksiondan olgan tadbirkorlarga 10 yilga 14 foizli kredit ajratiladi. Bu haqda Shavkat Mirziyoyev raisligida Surxondaryo viloyatini kompleks rivojlantirish bo‘yicha yig‘ilishda qayd etildi.

Xususan, Surxondaryo sharoitida issiqxonada mahsulot yetishtirish boshqa hududlarga nisbatan 2–3 barobar arzon ekani qayd etildi. Shu bois bu yil Ispaniyaning Almeriya tajribasi asosida 1 ming gektarda quyoshda isitiladigan issiqxonalar tashkil etiladi.

Bunday issiqxona quradigan tadbirkorlarga yer maydonlari 5 yilga bepul ijaraga beriladi. Ular yer osti suvi uchun to‘lovdan 3 yilga ozod qilinadi.

Viloyatda yana bir katta imkoniyat yaylov yerlaridan samarali foydalanish. Masalan, Boysunda 197 ming gektar yaylov mavjud. Darband daryosidagi nasoslar tiklanib, suv chiqarilsa, 10 ming gektar yaylovni...

Termiz xalqaro savdo markazida qo‘shimcha 10 ming ish o‘rni yaratiladi. Bu haqda Shavkat Mirziyoyev raisligida Surxondaryo viloyatini kompleks rivojlantirish bo‘yicha yig‘ilishda qayd etildi.

Tadbirkorlar va investorlar markaz hududida yirik ishlab chiqarish quvvatlarini yaratish tashabbusi bilan chiqqan. Shu bois savdo markazi maydonini 1 ming gektarga yetkazish belgilandi.

Mutasaddilarga joriy yilda eksportni $600 mlnga, kelasi yilda esa $1 mlrdga yetkazish vazifasi qo‘yildi. Yangi loyihalar hisobiga savdo hajmi va tashrif buyuruvchilar soni bir necha baravar oshishi kutilmoqda. Shu munosabat bilan hududda qonun ustuvorligini ta’minlash maqsadida maxsus prokuratura va ichki ishlar bo‘limi faoliyati yo‘lga qo‘yiladi.

Endilikda markaz hududida realizatsiya qilinadigan tovar va xizmatlar...

Konlar atrofida sanoat korxonalarini joylashtirish bo‘yicha $200 mlnlik loyihalar shakllantiriladi. Bu haqda Shavkat Mirziyoyev raisligida Surxondaryo viloyatini kompleks rivojlantirish bo‘yicha yig‘ilishda qayd etildi.

Unda viloyat rahbariyati oldiga joriy yilda investitsiyalar hajmini $3 mlrdga, eksportni esa $1 mlrdga yetkazish vazifasi qo‘yildi. Shuningdek, kambag‘allikni 2,8 foizga, ishsizlikni 4,5 foizga tushirish belgilandi. Termiz shahri, Angor, Denov, Jarqo‘rg‘on, Qiziriq va Muzrabotni kambag‘allik va ishsizlikdan xoli hududga aylantirish muhim ekani ta’kidlandi.

So‘nggi 9 yilda viloyat iqtisodiyotida sanoat ulushi 5 barobar oshib, 10 foizga yetgan. Biroq bu ko‘rsatkich hali ham yetarli emasligi qayd etildi.

Hududda 100 mln tonna ko‘mir zaxirasi mavjud bo‘lsa-da, yiliga atigi 1 foizi qazib...

Indoneziyada qilichbozlik bo‘yicha yoshlar o‘rtasida o‘tkazilayotgan qit’a chempionatida O‘zbekiston sablyachi qizlar jamoaviy bahslarda kumush medalga sazovor bo‘ldi. Bu haqda MOQ xabar bermoqda.

Sablya bo‘yicha qizlar o‘rtasida kechgan bahslarning saralash bosqichida O‘zbekiston vakillari muvaffaqiyatli ishtirok etdi. Dastlabki bosqichlarda ular Avstraliya va Qozog‘iston terma jamoalarini mag‘lubiyatga uchratishga muvaffaq bo‘lishdi.

Final bosqichida esa o‘zbekistonlik sportchilar Xitoy terma jamoasiga qarshi bahs olib bordi. Ushbu bellashuvda imkoniyatni boy bergan O‘zbekiston vakillari musobaqani kumush medal bilan yakunladi. Indoneziyada o‘tkazilayotgan qilichbozlik bo‘yicha yoshlar o‘rtasidagi Osiyo chempionati bahslari davom etmoqda.

Avvalroq Kursiv Uzbekistan Stranja turnirida o‘zbekistonlik 9 nafar bokschi navbatdagi bosqichga yo‘l olgani haqida xabar bergan...

Sunnatga ko‘ra shom namozining vaqti kirib, quyosh botgach, avval og‘iz ochiladi, so‘ng shom namozi o‘qiladi. Bu haqda O‘zbekiston musulmonlari idorasi Fatvo markazi mutaxassisi ma’lumot berdi.

O‘zbekiston musulmonlari idorasi Fatvo markazi mutaxassisi Abduvohid domla Ahmadaliyev «Avval iftor qilinadimi yoki shom namozi o‘qiladimi?» degan savolga quyidagicha javob berdi:

«Bismillahir rohmanir rohim. Alhamdulillah vas-solatu vas-salamu ala rasulillah. Ammo ba’d. Bu borada sunnat shuki, shom namozining vaqti kirgandan keyin avval og‘zini ochib, so‘ng shom namozi o‘qiladi. Bu haqda Anas ibn Molik roziyallohu anhudan rivoyat qilingan hadisda, janob Payg‘ambarimiz sollallohu alayhi vasallam qachon ro‘za tutgan bo‘lsalar, shom namozining vaqti kelishi bilan avval ho‘l...

Buxoro va Sirdaryoda kredit hamda subsidiya evaziga pora talab qilgan shaxslar qo‘lga olindi. Bu haqda Davlat xavfsizlik xizmati ma’lum qildi.

Buxoro viloyatida AT «Xalq banki»ning Romitan tuman standart bank xizmatlari markazi sho‘ba mudiri xizmat mavqeidan foydalanib, fuqaroga boshqa tijorat bankidagi tanishlari orqali 800 mln so‘m kredit olib berishni va’da qilgan. Buning evaziga u $2 ming talab qilgan.

Davlat xavfsizlik xizmati hamda Iqtisodiy jinoyatlarga qarshi kurashish departamenti xodimlari hamkorligida o‘tkazilgan tadbirda sho‘ba mudiri so‘ralgan pulning $1 mingni uchinchi shaxs orqali olayotgan vaqtida qo‘lga olingan.

Unga nisbatan Jinoyat kodeksining 25, 168-moddasi 3-qismi «v» bandi hamda 28, 192 prim 9-moddasi 1-qismi bilan...

Netflix Warner Bros. Discovery kompaniyasini sotib olish kurashidan chiqib, taklifini bekor qildi. G‘olib esa Paramount Skydance, deya xabar qilmoqda Reuters.

Kompaniya o‘tgan yilning dekabr oyida Paramount’ni ortda qoldirib, salkam $83 mlrdlik bitim bilan WBD’ni sotib olishga harakat qilgan edi. Netflix rahbariyati Paramount’ning so‘nggi taklifiga javob berish moliyaviy jozibador emasligini va o‘z taklifini bekor qilishini bildirgan.

Paramount va Warner Bros. birlashuvi ikki asosiy Hollywood studiyasini, HBO Max va Paramount+ platformalarini hamda CNN va CBS yangilik xizmatlarini birlashtiradi. Biroq bitim AQSh va boshqa mamlakatlarda, shu jumladan, Kaliforniyada ishonchsizlik tekshiruviga duch kelishi mumkin.

Paramount Skydance’ning so‘nggi taklifi har bir...

Xitoyda Leapmotor va FAW hamkorligida ishlab chiqilgan ilk avtomobil sinov jarayonida ko‘rindi. CarNewsChina’ga ko‘ra, u Hongqi brendi ostida chiqariladi va 2026-yilning ikkinchi yarmida bozorga chiqishi kutilmoqda.

Yangi model o‘rta o‘lchamli krossover bo‘lib, yopiq old panjara, yarim yashirin eshik tutqichlari va zamonaviy dizaynga ega. G‘ildiraklardagi belgilar va dvigatel qopqog‘idan uning Hongqi modeli ekani aniqlangan.

Ma’lumotlarga ko‘ra, model Leapmotor’ning LEAP 3.5 platformasida yaratilgan. FAW 2025-yil oxirida Leapmotor aksiyalarining 5 foizini sotib olgan edi. Yangi avtomobil taxminan 4 750 mm uzunlikda bo‘lishi mumkin. Unda besh spokli disklar, tom spoyleri va orqa oynada tozalagich mavjud.

Kapoti ostida ichki yonuv dvigateli ham bor. Model...

Audi kompaniyasi tomonidan taqdim etilgan yangi Audi RS5 avtomobilining vazni 2,3 tonnaga yetdi. Bu haqda «Tarantas News» nashri ma’lum qildi.

Kompaniya og‘irlik oshishini plug-in gibrid arxitekturaga o‘tish bilan izohlamoqda. Model 22 kVt/soat sig‘imli batareya va kattalashgan kuzovga ega bo‘lgan. Shu sabab vazn sezilarli ortgan.

Audi Sport rahbari vazn oshganini tan olgan, biroq avtomobil harakatda yengil va aniq his berishini ta’kidlagan. Kompaniyaga ko‘ra, orqa o‘qda elektromexanik moment vektorlanishi va yangi RS sport osmasi gibrid tizim imkoniyatlaridan foydalanib boshqaruvchanlikni yaxshilaydi.

1994-yilda chiqarilgan Audi RS2 Avant atigi 1 595 kg vaznga ega edi. Yangi RS5 undan 775 kg og‘ir. Hatto oldingi avlod...

So‘nggi yillarda Surxondaryoda $5 mlrdlik 8 mingdan ortiq loyihalar ishga tushirilgan. Bu haqda Shavkat Mirziyoyev raisligida Surxondaryo viloyatini kompleks rivojlantirish bo‘yicha yig‘ilishda qayd etildi.

Xitoy, AQSh, Rossiya, Hindiston, Avstriya va Vengriya bilan investitsiya hamda savdo yo‘nalishida yana $10 mlrdlik kelishuvlarga erishilgan.

To‘qqiz yil ichida maktabgacha ta’lim qamrovi 28 foizdan 68 foizga oshdi. 23 ta yangi maktab qurilib, 448 tasi ta’mirlandi. Natijada 102 ming qo‘shimcha o‘quvchi o‘rni yaratildi.

Hududda 688 ta ko‘p qavatli uy bunyod etilib, ularga 32 ming oila ko‘chib o‘tdi. Angor, Boysun, Jarqo‘rg‘on, Sariosiyo va Termiz tumanlarida «Yangi O‘zbekiston» massivlari barpo etildi.

«To‘palang» ombori suvidan foydalanish loyihasi natijasida...

Kundalik hayotda tez-tez ishlatiladigan ayrim buyumlar eng ko‘p mikroblar to‘planadigan joy hisoblanadi. Sanepidqo‘mitaga ko‘ra, eng iflos besh buyum qatoriga telefon ekrani, oshxona gubkasi, muzlatkich tutqichi, pul va bank kartalari hamda bolalar o‘yinchoqlari kiradi.

Shifokorlar ogohlantirishicha, aynan shu buyumlar orqali ichak infeksiyalari, teri kasalliklari va nafas yo‘llari infeksiyalari yuqishi mumkin.

Oddiy gigiyena qoidalariga rioya qilish orqali xavfni kamaytirish mumkin. Telefonni kuniga kamida bir marta artib turish, oshxona gubkasini 5–7 kunda almashtirish, bolalar buyumlarini muntazam yuvish va ovqatdan oldin qo‘l yuvishni odat qilish tavsiya etiladi.

Mutaxassislar ta’kidlashicha, kasalliklarning 70 foizi oddiy gigiyena qoidalariga amal qilinmagani sababli kelib chiqadi.

Eslatib o‘tamiz, avvalroq...

Qozog‘istonning Shuchinsk shahridagi «Markaz plova» kafesida yuz bergan portlash oqibatida 26 kishi jabrlandi. Bu haqda 27-fevral kuni viloyat sog‘liqni saqlash boshqarmasi ma’lum qilgan.

Ma’lum qilinishicha, hodisa oqibatida 7 kishi halok bo‘lgan. Ularning besh nafari voqea joyida, yana ikki nafari reanimatsiyada vafot etgan. Qurbonlar orasida 16 yoshli qiz ham bor. Dastlab 15 kishi shifoxonaga yotqizilgan. Hozirda 13 bemor statsionar davolanmoqda. Olti nafar jabrlanuvchi ko‘rikdan o‘tkazilib, zarur tibbiy yordam ko‘rsatilgach, ambulator davolanishga yuborilgan.

Jabrlanganlarning aksariyati turli darajadagi kuyish jarohatlarini olgan. Ularning ahvoli shifokorlar nazoratida.

Favqulodda tibbiy yordam ko‘rsatish uchun viloyat markazidan qo‘shimcha mutaxassislar va uchta anesteziolog-reanimatolog brigadasi jalb qilingan. Akmola...

Netflix platformasida «Bridjertonlar» serialining to‘rtinchi mavsumi davomiy epizodlari e’lon qilindi. Endi mavsumning qolgan qismlari ham tomoshabinlar uchun ochiq.

Kursiv Qozog‘iston’ning yozishicha, yangi seriyalar Benedikt Bridjerton hikoyasini davom ettiradi. Avvalgi epizod yakunida u Sofini o‘zining sevgilisi bo‘lishga taklif qilgan edi, biroq qiz rad javobini bergan. Mavsumning davomida ularning mojarosi qanday yakun topishi va munosabatlari qayerga borishi ko‘rsatiladi.

Yangi epizodlarda Entoni va Keyt ham yana paydo bo‘ladi. Ular farzandi bilan Hindistonda sayohat qilgan va endi Londonga qaytmoqda.

«Bridjertonlar» so‘nggi yillarda Netflix’ning eng mashhur loyihalaridan biri hisoblanadi. Serial XIX asr boshidagi Britaniya aristokratiyasi hayoti haqida hikoya qiladi. Biroq u klassik tarixiy...

Google matn va tasvirlarni tahlil qilib, fotorealistik tasvirlar yaratuvchi SI modeli Nano Banana 2’ni taqdim etdi. Ushbu versiya Gemini 3.1 Flash Image nomi bilan ham tanilgan.

Ushbu model yaqinda chiqarilgan Gemini 3.1 Pro asosida ishlab chiqilgan bo‘lib, Fast, Thinking va Pro modellari doirasida Nano Banana Pro’ning o‘rnini egallaydi.

Nano Banana 2 maxsus vazifalar uchun Google AI Pro va Ultra obunachilari tomonidan ishlatiladigan Nano Banana Pro funksiyalarini ham saqlab qoladi. Shu bilan birga, u Google Search AI Mode’ga kiradi va Google ilovasi, shuningdek, mobil va desktop brauzerlarda ishlatilishi mumkin.

Google’ning ta’kidlashicha, Nano Banana 2 foydalanuvchilarga tezkor, ilg‘or dunyo bilimlari...

O‘zbekistonda transport tizimini modernizatsiya qilishga oid prezident qarori ijrosini ta’minlash choralari ko‘rilmoqda. Toshkentda o‘tkazilgan taqdimotda tirbandliklarni kamaytirish va jamoat transportini boshqarishning yangi mexanizmlari namoyish etildi.

Mazkur loyiha ijrosi uchun maxsus tuzilgan Yo‘l harakatini tashkil etish markazida Toshkent shahridagi tirbandliklar va ekologiya masalalarini hal qilishga qaratilgan taqdimot o‘tkazildi. Unda poytaxtning umumiy jamoat transporti nazoratini yangi bosqichga olib chiqish bo‘yicha strategik rejalar belgilab olindi.

Hisobotlarga ko‘ra, yaqin muddat ichida «aqlli» svetoforlar o‘rnatish, yo‘llarga xalqaro standartlarga mos chiziqlar tortish hamda avtoturargohlarni tartibga solish bo‘yicha keng ko‘lamli ishlar boshlanadi. Ushbu chora-tadbirlar poytaxtning ekologik holatini yaxshilash va yo‘llardagi harakat xavfsizligini ta’minlashga xizmat qilishi ko‘zda...

Adliya vazirligiga xususiy korxona tomonidan bepul foydalanish uchun berilgan Kia K9 avtomobili egasiga qaytarildi. Vazirlik matbuot xizmatining «Kursiv» nashriga ma’lum qilishicha, transport vositasidan foydalanish zarurati qolmagan.

«Hukumatning E-qaror platformasi»da 2026-yil 12-fevraldagi 46-sonli buyruq joylashtirilgan, keyinchalik esa o‘chirib tashlangan. Tarmoqlarda tarqalgan skrinshotda «Roodel» MCHJ bilan bepul foydalanish shartnomasi tuzilgani qayd etilgan.

Hujjatga ko‘ra, korxona vazirlikka Kia K9 avtomobilini tekin foydalanishga taqdim etgan. Yonilg‘i va texnik xizmat xarajatlari davlat organi zimmasiga yuklatilgan. Buyruqqa bosh vazir o‘rinbosarining 2026-yil 30-yanvardagi topshirig‘i asos qilib ko‘rsatilgan.

Mazkur holat ijtimoiy tarmoqlarda muhokamalarga sabab bo‘ldi. Ayrim faollar davlat organlarining xususiy kompaniyadan yuqori toifadagi avtomobilni bepul qabul qilishi etika...

Samsung Galaxy S24 va Galaxy S23 flagman smartfonlari uchun yangi dasturiy yangilanish chiqarildi. Sammobile’ga ko‘ra, unda 2026-yil fevral oyi xavfsizlik tuzatmasi mavjud.

Yangilanish EZB2 texnik indeksiga ega bo‘lib, hajmi taxminan 442 MBni tashkil etadi. Yangilanishning asosiy maqsadi foydalanuvchi ma’lumotlari himoyasini kuchaytirishdan iborat.

Mazkur patch Android tizimi va One UI qobig‘ida aniqlangan 37 ta zaiflikni bartaraf etadi. Hozircha yangilanish Janubiy Koreyada tarqatila boshlandi. Yaqin kunlarda boshqa hududlardagi foydalanuvchilarga ham taqdim etiladi.

Eslatib o‘tamiz, avvalroq Samsung Galaxy S26 Ultra’da yangi Ocean Mode paydo bo‘lgani haqida xabar berilgandi. Ushbu texnologiya ilgari faqat olimlar uchun mo‘ljallangan maxsus vosita edi. Endi u...

O‘zbekiston 2025-yilda 12 ta xorijiy davlatga umumiy qiymati $36 mlnga teng bo‘lgan 45,2 ming tonna pomidor eksport qildi. Bu haqda Milliy statistika qo‘mitasi xabar berdi.

Ta’kidlanishicha, 2025-yildagi pomidor eksporti hajmi 2024-yilgi ko‘rsatkichlardan 3,3 ming tonnaga qisqargan. Shunga qaramay, mahsulotning asosiy qismi an’anaviy bozorlarga yo‘naltirilgan. Xususan, O‘zbekiston pomidorlarining eng yirik xaridori Rossiya bo‘lib, yil davomida bu davlatga 32 ming tonna mahsulot yetkazib berilgan.

Eksport hajmi bo‘yicha keyingi o‘rinlarni qo‘shni respublikalar egalladi. Qozog‘istonga 6,8 ming tonna, Qirg‘iz Respublikasiga esa 5,1 ming tonna pomidor eksport qilingan. Shuningdek, xaridor davlatlar ro‘yxatidan Birlashgan Arab Amirliklari (325,8 tonna) va Tojikiston (48,2 tonna) ham joy olgan...

8-mart Xalqaro xotin-qizlar kuni munosabati bilan Ostonada ayrim ayollarga bir martalik pul to‘lovi ajratiladi. Kursiv Qozog‘istonga ko‘ra, mablag‘lar avtomatik tarzda o‘tkaziladi, ariza topshirish talab qilinmaydi.

2026-yilda to‘lov miqdori har bir kishi uchun 10 813 tengeni (yoki $21,6) tashkil etadi.

Mazkur yordam ko‘p bolali onalarga, jumladan, «Oltin alqa» va «Kumush alqa» nishonlari sohibalariga, shuningdek, kam ta’minlangan va poytaxtda doimiy ro‘yxatda turuvchi ayollarga beriladi. Jami 36-37 ming nafar ayol qo‘llab-quvvatlanishi ko‘zda tutilgan.

To‘lovlar mahalliy budjet hisobidan moliyalashtiriladi. Oluvchilar ro‘yxati davlat bazalari orqali oldindan shakllantirilgan. Shu sababli davlat organlariga alohida murojaat qilish shart emas.

Eslatib o‘tamiz, avvalroq Turkmanistonda ham Xalqaro xotin-qizlar kuni...

Germaniyada 2026-yil kuz oyida boshlanadigan Ausbildung dasturi uchun qabul ochildi. Bu haqda Migratsiya agentligi ma’lum qildi.

Dasturga qatnashish uchun nemis tilidan kamida B1 daraja sertifikati (Goethe, ECL, Telc, ÖSD, TestDAF) talab etiladi. Shuningdek, ishtirokchilar 18 – 25 yosh orasida bo‘lishi va o‘rta maktab, kollej, litsey yoki texnikumni tamomlagan bo‘lishi kerak.

Dastur yo‘l qurilishi, kanal qurilishi, quvurlar yotqizish va maxsus qurilish ishlari kabi yo‘nalishlarda amalga oshiriladi. Ta’lim 2 yil davom etadi va muvaffaqiyatli tugallangach, doimiy ishga joylashish imkoniyati beriladi.

Birinchi kursda 822 yevro, ikkinchi kursda esa 1,057 yevro stipendiya beriladi. Doimiy ishga o‘tilganidan so‘ng, oylik maosh 2,400 yevro bo‘ladi.

Tijorat banklari tomonidan 27-fevral kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

24-fevral kuni Ko‘ksaroy qarorgohida o‘tkazilgan uchrashuvda Shavkat Mirziyoyev oldida jonli ijro qilgan o‘quvchi Otamurod Rayimboyev va’daga muvofiq avtomobil bilan taqdirlandi. Bu haqda Xorazm viloyati hokimligi matbuot xizmati ma’lum qildi.

Ma’lumot uchun, Rayimboyev Urganch tumanidagi 11-son bolalar musiqa va san’at maktabining 4-sinfida o‘qiydi. Tadbir davomida Komiljon Otaniyozov repertuaridan qo‘shiq ijro qilib, yig‘ilganlarda katta taassurot qoldirgan. Davlat rahbari uning iste’dodini e’tirof etib, mas’ullarga sovg‘a sifatida avtomobil ajratish bo‘yicha topshiriq bergan edi.

BYD Chazor avtomobili kaliti viloyat hokimi Jo‘rabek Rahimov tomonidan o‘quvchiga oila a’zolari va ustozlari ishtirokida topshirildi.

Avvalroq Kursiv Uzbekistan Andijonda rassomlar festivali o‘tkazilib, g‘oliblarga Chevrolet Onix berilgani haqida yozgandi.

Bolgariya poytaxti Sofiya shahrida boks bo‘yicha Stranja xalqaro turniri davom etmoqda. 26-fevral kuni o‘tkazilgan janglarda O‘zbekistonning 9 nafar vakili g‘alaba qozondi, 3 nafar bokschi esa mag‘lubiyatga uchradi. Bu haqda O‘zbekiston boks federatsiyasi xabar bermoqda.

O‘tkazilgan bahslarda 48 kg vaznda Farzona Fozilova va Sabina Boboqulova o‘z raqibalarini bir xil 5:0 hisobida mag‘lub etdi. 57 kg vazn toifasida ishtirok etgan Nigina O‘ktamova ukrainalik Karina Vovk ustidan 2-raunddayoq texnik nokaut bilan g‘alabaga erishdi.

Shuningdek, Feruza Kazakova, Navbahor Hamidova, Aziza Zokirova va Oltinoy Sotimboyeva kabi bokschilar ham navbatdagi bosqichga yo‘llanma oldi. Erkaklar o‘rtasidagi bahslarda Shavkatjon Boltayev 70 kgda va Abdulloh Madaminov 65 kgda...