Yangiliklar

BMW kompaniyasi Xitoy bozorida 31 ta modelning rasmiy narxlarini chegirmada qayta ko‘rib chiqdi. Bu haqda Mydrivers avtonashri ma’lum qildi.

Eng arzon model 225L M Sport Package bo‘lib, yangi narxi 208 ming yuan ($29,7 ming) atrofida. Elektrik krossover iX1 narxi 228 ming yuan ($32,6 ming) ga tushirildi. Eng katta chegirma esa i7 M70L modelida berildi – 1,59 mln yuan ($228,3 ming).

Modellar va ularning chegirmadagi narxlari quyidagicha:

BMWning rasmiy bayonotiga ko‘ra, kompaniya 2026-yilda yangi avlod to‘liq elektromobilini taqdim etmoqchi. Birinchi model Xitoy bozoriga moslashtirilgan iX3 bo‘lib, u shu yili ishlab chiqariladi.

Ma’lumot uchun, BMWning Xitoy bozoridagi sotuvlari so‘nggi...

AQShda ayrim Chevrolet avtomobillarining narxlari oshgan. Bu haqda GMAutority xabar bermoqda.

2026-yilgi Chevrolet Tahoe modeli LS versiyasida orqa yuritma bilan $63,5 mingdan boshlanadi. LT komplektatsiyasi $66,5 mingdan taklif etilmoqda. Yo‘ldan tashqariga mo‘ljallangan Z71 $73,5 mingdan boshlanadi. Eng qimmat variant esa 4WD va 3,0 litrli Duramax dizel dvigateliga ega High Country bo‘lib, uning narxi $87,0 mingga yetdi.

Chevrolet Suburban esa an’anaviy ravishda qimmatroq. LS versiyasi $66,5 mingdan boshlanadi. LT $69,5 mingdan, Z71 $76,5 mingdan taklif etiladi. Eng yuqori narx Premier komplektatsiyasiga to‘g‘ri keladi. 4WD va 6,2 litrli V8 dvigatelga ega variant $92,4 mingga baholandi.

Har ikkala model 2025-yildagi restayling...

Qozog‘iston dunyoning eng yirik 50 ta iqtisodiyoti qatoriga kirgan yagona Markaziy Osiyo davlatiga aylandi.

Ushbu mamlakat dunyoning eng yirik iqtisodiyotlari orasida 50-o‘rinni egalladi, yalpi ichki mahsuloti taxminan $300 milliardni tashkil etdi. Bundan tashqari, Xalqaro valyuta jamg‘armasi ma’lumotlariga ko‘ra, mamlakat so‘nggi 25 yil ichida o‘rtacha yillik iqtisodiy o‘sish bo‘yicha yetakchi beshlik qatoriga kirdi.

Xalqaro valyuta jamg‘armasining so‘nggi Jahon iqtisodiy istiqbollari ma’lumotlariga asoslangan infografikaga ko‘ra, Qozog‘iston iqtisodiyoti 2000-yildan 2025-yilgacha yiliga o‘rtacha 5,6 foizga o‘sgan. Ushbu ko‘rsatkich mamlakatni dunyodagi eng yirik iqtisodiyotlar orasida beshinchi o‘ringa qo‘ydi.

Bu davrda faqat Xitoy (8 foiz), Vyetnam va Hindiston (6,4 foiz) va Bangladesh...

Mercedes-Benz CES 2026 ko‘rgazmasida mashhur Mercedes-Benz GLC krossoverining to‘liq elektr versiyasini namoyish etdi. Ushbu model avtomobil sanoati tarixida ilk bor rasmiy sertifikatlangan charmsiz salon variantini taklif qilmoqda.

Vegan Package deb nomlangan interyerda hayvonlardan olingan hech qanday material ishlatilmagan. Salon elementlari hayvonlar ustida sinovdan ham o‘tkazilmagan. Bu holat Vegan Society tomonidan tasdiqlangan. Tashkilot Mercedes-Benz’ning ta’minot zanjirini ikki yildan ortiq vaqt davomida auditdan o‘tkazib, 100 dan ortiq komponentni tekshirgan.

Audit jarayonida sun’iy charm, tekstil, gilamchalar va shift qoplamalari alohida ko‘rib chiqildi. Tarkibida hayvon mahsulotlari bo‘lgan qismlar muqobil materiallar bilan almashtirildi. Shuningdek, interyerdan hayvoniy komponentlar bilan ifloslanish xavfi minimallashtirildi. Elektr GLC salonida...

World Car of the Year mukofotining 2026-yil uchun yarim finalchilari ma’lum qilindi. Unga ko‘ra, tashkilotchilar 58 ta nomzod orasidan asosiy sovrin uchun da’vogarlik qiladigan 10 ta avtomobilni va qo‘shimcha besh nominatsiya bo‘yicha beshtadan modelni saralab oldi. Finalchilar 3-mart kuni, g‘oliblar esa 1-aprel kuni Nyu-Yorkda e’lon qilinadi.

Asosiy nominatsiya, ya’ni World Car of the Year 2026 uchun kurashda Audi Q5/SQ5, BMW iX3, BYD Seal 6 DM-i, Hyundai Ioniq 9, Hyundai Palisade, Kia EV4, Kia EV5, Mercedes-Benz CLA, Nissan Leaf va Toyota RAV4 modellari qatnashadi. Ro‘yxatda elektromobillar, gibridlar va an’anaviy ichki yonuv dvigatelli mashinalar birgalikda kiritilgani bozor yo‘nalishlari qanday o‘zgarayotganini ko‘rsatadi.

Xitoyning Autohome nashri sovuq ob-havo sharoitida gibrid avtomobillarning yurish zaxirasini aniqlash bo‘yicha keng ko‘lamli sinov natijalarini e’lon qildi.

Tadqiqotlar mamlakatning eng sovuq hududlaridan biri — Ichki Mongoliyadagi Yakesh shahrida, -10 dan -25 darajagacha bo‘lgan haroratda o‘tkazildi. Sinovlar yakuniga ko‘ra, Geely kompaniyasiga tegishli Galaxy A7 modeli eng yaxshi natijani qayd etib, qish sharoitida ming kilometrdan ortiq masofani bosib o‘tgan yagona gibrid avtomobil bo‘ldi.

Sinov jarayonida turli segmentlarga mansub 18 ta gibrid model ishtirok etdi. Barcha avtomobillar bir xil sharoitda, soatiga 70 km tezlikda harakatlangan. Sinov boshlanishidan oldin mashinalar to‘liq quvvatlangan va ishlab chiqaruvchi tavsiya etgan oktan sonidagi benzin bilan to‘ldirilgan...

Beijing Hyundai kompaniyasi Xitoy bozorida avtomobillar narxini pasaytirish bo‘yicha yangi aksiyani boshladi. Bu haqda Autohome nashri ma’lum qildi.

Unga ko‘ra, beshta mashhur model narxi yanvar oxirigacha pasaytirilgan bo‘lib, chegirma miqdori 10 ming yuanga (taxminan $1,4 ming) yetadi.

Chegirma narxlar va modellar ro‘yxati:

Shuningdek, eski avtomobilini yangisiga almashtirayotgan mijozlar uchun qo‘shimcha subsidiyalar 10 ming yuangacha (taxminan $1,4 ming) taqdim etiladi. Barcha chegirmalar to‘g‘ridan to‘g‘ri ishlab chiqaruvchi tomonidan beriladi.

Eslatib o‘tamiz, avvalroq Kia avtomobillarining narxlari pasaygani haqida xabar bergan edik.

Motorola yangi flagman Motorola Signature smartfonini rasman namoyish qildi. Qurilma Buyuk Britaniya va Germaniyada 1000 yevroga sotiladi.

Motorola Signature faqat bitta konfiguratsiyada sotuvga chiqadi. Smartfon 12 GB tezkor xotira va 512 GB ichki xotiraga ega. Hozircha oldindan buyurtmalar ochilmagan. Foydalanuvchilarga faqat sotuvlar boshlanishi haqida xabardor bo‘lish uchun sayt orqali ariza qoldirish taklif etilmoqda.

Qurilma flagman sifatida joylashtirilgan bo‘lsa-da, u Qualcomm ishlab chiqqan Snapdragon 8 Gen 5 platformasiga asoslangan. Smartfon 6,8 dyuymli AMOLED displey bilan jihozlangan. Ekran 165 Hz yangilanish chastotasini va 6 200 kandelagacha yetadigan yuqori yorqinlik darajasini taklif qiladi.

Kamera tizimi ham flagman darajasida. Old kamera 50 MP...

Xalqaro valyuta jamg‘armasi konsultanti va Angliya bankining sobiq eksperti Simon Grayga ko‘ra, Markaziy bankning valyuta bozoridagi faol ishtiroki hanuz sezilarli darajada saqlanib qolmoqda. Ekspert bu haqda O‘zbekiston Markaziy bankida o‘tkazilgan «Inflyatsion targetlash rejimida suzuvchi valyuta kursining ahamiyati» mavzusidagi xalqaro davra suhbatida aytgan.

Simon Gray 2016 – 2017-yillardan boshlab O‘zbekistonda almashuv kursi siyosatini liberallashtirish bo‘yicha amalga oshirilgan islohotlar makroiqtisodiy boshqaruvda muhim burilish yasaganini ta’kidladi. Bu orqali qisqa muddatda yagona va moslashuvchan valyuta kursi joriy etildi hamda narxlarning bozor mexanizmlari asosida shakllanishi uchun sharoit yaratildi.

«Shu bilan birga, Markaziy bankning valyuta bozoridagi faol ishtiroki hanuz sezilarli darajada...

Qashqadaryo viloyatining Ko‘kdala tumanidagi fermer xo‘jaligiga qarashli yer tegishli hujjatlarsiz auksionga chiqarib yuborilgani aniqlandi. Bu haqda Biznes-ombudsman xabar berdi.

Tadbirkorlik subyektlarining huquqlari va qonuniy manfaatlarini himoya qilish bo‘yicha vakilga Ko‘kdalada faoliyat yuritayotgan fermer xo‘jaligi yer maydonini zaxiraga qaytarish to‘g‘risidagi qarordan norozi bo‘lib, murojaat yo‘llagan.

Ma’lum bo‘lishicha, xalq deputatlari Ko‘kdala tumani Kengashi qarori bilan fermer xo‘jaligiga tegishli 500 gektar yer maydoni «o‘z xohishi bilan qaytarilgan» degan asosda zaxiraga olingan va auksionga chiqarilgan. Vaholanki, fermer yerdan voz kechish bo‘yicha notarial tasdiqlangan ariza bermagan.

Shu tariqa viloyat kengashining qarori bilan quyi kengashning noqonuniy qarori bekor qilindi va fermerning 500 gektar yeri auksion...

AQSh prezidenti Donald Tramp 66 ta xalqaro tashkilotdagi a’zolikni to‘xtatish to‘g‘risidagi memorandumni imzoladi. Bu haqda 7-yanvar kuni Oq uyning rasmiy sahifasida ma’lum qilindi.

Qarorga ko‘ra, AQSh ushbu tashkilotlar faoliyati mamlakat manfaatlariga javob bermaydi, deb hisoblamoqda.

Ma’lum qilinishicha, AQSh chiqayotgan tashkilotlarning 31 tasi BMT tizimi doirasida, yana 35 tasi esa BMTdan tashqarida faoliyat yuritadi. Oq uy bayonotida qayd etilishicha, mazkur tuzilmalar endi AQSh milliy manfaatlariga xizmat qilmaydi. Tashkilotlarning to‘liq ro‘yxati Oq uyning rasmiy saytida e’lon qilingan.

Ro‘yxatdan Ukrainadagi Ilmiy-texnologik markaz (ommaviy qirg‘in qurollarining tarqalishini oldini olish maqsadida tuzilgan), Venetsiya komissiyasi, BMT Bosh kotibining bolalarga nisbatan zo‘ravonlik masalalari bo‘yicha maxsus vakili...

Banklar 8-yanvar kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 7-yanvar uchun valyutalar kursi e’lon qilingani haqida yozgan edi. 

Yevropaning valyuta xaritasi birinchi qarashda ko‘rinadiganidan ancha murakkabroq. Yevro dominant valyuta bo‘lsa-da, taxminan yigirmata mamlakat o‘z milliy valyutalaridan foydalanishda davom etmoqda.

Yevro Yevropa Ittifoqidagi ko‘pgina mamlakatlarning umumiy valyutasi hisoblanadi. Hozirda u Avstriya, Belgiya, Malta va Ispaniya kabi 20 ta mamlakatning milliy valyutasidir. Vatikan, Monako, San-Marino va Andorra kabi Yevropa Ittifoqiga a’zo bo‘lmagan davlatlar ham Yevropa Markaziy banki bilan kelishuv asosida yevrodan foydalanadi. Yevropa Markaziy banki bilan kelishuvsiz yevro Chernogoriya va Kosovoning asosiy valyutasi hisoblanadi.

Ushbu infografikada Yevropa mamlakatlarining valyutalari aniq ko‘rsatilgan.

O‘z valyutalaridan foydalanishda davom etayotgan Yevropa Ittifoqi mamlakatlari ham mavjud: Vengriya, Daniya, Polsha, Ruminiya, Chexiya va Shvetsiya. Masalan...

O‘zbekistonda islomiy moliyalashtirish ilk bor 2027-yilda bank tizimida paydo bo‘ladi. Bu haqda jamoatchilik muhokamasiga qo‘yilgan yangilangan «O‘zbekiston – 2030» strategiyasi loyihasida qayd etilgan.

Hujjatga ko‘ra, 2029-yilga kelib islomiy moliyaviy xizmatlar ikki bankda mavjud bo‘ladi, 2030-yilga borib esa kamida uchta tijorat bankida to‘liq joriy etilishi rejalashtirilgan.

Mazkur reja 2023-yil sentabrda tasdiqlangan Strategiyaning dastlabki variantida ham belgilangandi. Biroq yangilangan loyihada ushbu vazifani bosqichma-bosqich amalga oshirish mexanizmi yillarga bo‘lingan holda aniq ko‘rsatib berilgan. Bu esa islomiy moliya tizimini joriy etish jarayonini tizimli va nazorat ostida olib borishni nazarda tutadi.

Avvalroq «Kursiv» nashri O‘zbekistonda islomiy bank faoliyatini joriy qilish bo‘yicha qonun loyihasi Senatga...

AQSh Davlat Departamenti 41 ta mamlakat fuqarolari uchun viza garov puli talab etilishini ma’lum qildi. Ular orasiga Tojikiston va Qirg‘iziston ham qo‘shildi.

Mazkur mamlakatlarning B1/B2 vizasi olishga huquqiga ega fuqarolari $5 ming, $10 ming yoki $15 ming miqdorida garov puli to‘lashi shart bo‘ladi. Garov puli miqdori viza intervyusi vaqtida belgilanadi. Arizachilar Ichki xavfsizlik departamentining I-352 shaklini ham topshirishi lozim va garov shartlariga Pay.gov platformasi orqali rozilik berishlari zarur.

Garov puli talab qilinadigan davlatlar ro‘yxati:

Talabgor ruxsat berilgan muddatdan oldin AQShdan chiqsa, viza muddati tugashidan oldin AQShga bormasa yoki kirish portida ruxsat olinmasa garov puli bekor qilinadi va mablag...

Samsung tashqariga ham, ichkariga ham bukiladigan smartfon texnologiyasini ishlab chiqmoqda. Kompaniya ushbu g‘oyaga tegishli patentni rasmiylashtirgan. Hujjatda noodatiy buklanish mexanizmiga ega qurilma tasvirlangan.

Gap patent haqida ketayotgani sababli, qurilmaning texnik xususiyatlari ochiqlanmagan. Bunday smartfon umuman ishlab chiqarilmasligi ham mumkin. Agar loyiha hayotga tatbiq etilsa, u yaqin bir yilda ham, bir necha yildan keyin ham paydo bo‘lishi ehtimoldan xoli emas.

U hozirgi Galaxy Flip modellaridan tubdan farq qiladi. Asosiy farq shundaki, smartfon an’anaviy tarzda faqat ichkariga bukilmaydi, balki tashqariga ham buklanishi mumkin.

Bu yechim ekran buklanganda asosiy kamerani yopib qo‘ymaslik uchun o‘ylab topilgan. Shu bilan birga, klassik tarzda ichkariga buklanganda...

DxOMark mutaxassislari o‘tkazgan kamera sinovlarida Motorola Signature DxOMark’da iPhone’ni ortda qoldirdi. Kompaniya tarixida ilk bor TOP-10 ga kirdi.

Sinovlarga ko‘ra, Motorola Signature 164 ball oldi. Bu ko‘rsatkich unga umumiy reytingda oltinchi o‘rinni taqdim etdi. Smartfon Google Pixel 10 Pro XL, iPhone 16 Pro Max va Huawei Pura 70 Ultra modellarini ortda qoldirdi. Oltinchi pog‘onani u Honor Magic8 Pro bilan bo‘lishdi.

DxOMark mutaxassislari kamera imkoniyatlarini yuqori baholadi. Avtoekspozitsiya aniq ishlaydi. Oq rang balansi barqaror. Teri ranglari tabiiy uzatiladi. Portret rejimida boke effekt tabiiy chiqadi. Suratlarda shovqin darajasi past.

Kamchiliklar ham qayd etildi. Video yozuvda ekspozitsiya ba’zan beqaror. Kuchli yorug‘lik fonida...

Aeroport hududidagi kuchli tuman sababli bir qator xalqaro va ichki aviareyslar muqobil aerodromlarga yo‘naltirildi. Bu haqda Uzbekistan Airports ma’lum qildi.

Unga ko‘ra, Fly Khiva aviakompaniyasining Madinadan Qarshiga uchgan 2U7623 reysi, Centrum Air aviakompaniyasining Jiddadan Buxoroga uchgan C63316 reysi Samarqanddagi muqobil aerodromga yo‘naltirildi.

Shuningdek, Uzbekistan Airways aviakompaniyasining Qozondan Farg‘onaga uchgan HY9652 reysi Toshkentdagi muqobil aerodromga yo‘naltirilgan. Ural Airlinesning Moskvadan Qarshiga uchgan U62457 reysi ham Samarqanddagi muqobil aerodromga yo‘naltirildi.

Bundan tashqari, Asia Union aviakompaniyasining Jiddadan Farg‘onaga uchgan 7Q2242 reysi Toshkentdagi muqobil aerodromga qaratildi. Havo harakati xavfsizligini ta’minlash maqsadida yo‘lovchilarga muqobil yo‘nalishlar va xizmatlar taqdim etilmoqda.

Eslatib o‘tamiz, avvalroq Namangan, Farg‘ona...

BYD kompaniyasi mahsulot liniyasidagi Song Plus modelining ishlab chiqarilishini rasmiy ravishda to‘xtatdi. Bu haqda Autohome nashri ma’lum qildi.

Song Plus avval bestseller krossoveri 2020-yil sentabr oyida benzinli versiya bilan taqdim etilgan va 2021-yilda BYD DM-i Super Hybrid tizimiga ega gibrid versiyasi – Song Plus DM-i sotuvga chiqarilgan. Model tez orada xaridorlar orasida katta qiziqish uyg‘otgan. Savdo cho‘qqisi 2022-yil noyabr oyida kuzatilgan. O‘shanda 63,6 ming dona Song Plus sotilgan va krossover haqiqiy savdo qiroli sifatida e’tirof etilgan.

So‘nggi yillarda Dynasty va Ocean mahsulot liniyalarini soddalashtirish natijasida Song Plus asta-sekin o‘z pozitsiyasini yo‘qotgan. 2025-yil noyabr oyida model savdosi 7,8 ming...

8-yanvar kuni magistral gaz quvurlarida bosim pasayishi kuzatilayotgani sababli respublika bo‘ylab metan «zapravka»lar ish vaqtida vaqtinchalik cheklovlar joriy etiladi. Bu haqda Energetika vazirligi ma’lum qildi.

Xususan, aholi xonadonlari hamda ijtimoiy soha obyektlarini tabiiy gaz bilan uzluksiz ta’minlash ustuvor vazifa sifatida belgilangan. Shu munosabat bilan mahalliy hokimliklar bilan kelishilgan reja-grafiklarga asosan metan «zapravka»lar faoliyatiga vaqtincha cheklov kiritildi.

8-yanvardan boshlab metan «zapravka»lar soat 10:00 dan 16:00 ga qadar faoliyat yuritadi. Farg‘ona vodiysida esa metan «zapravka»larning ish vaqti gaz bosimi holatidan kelib chiqib, mahalliy hokimliklar bilan kelishilgan tartibda belgilanadi.

Eslatib o‘tamiz, avvalroq vazirlik Boysundagi «M-25» konida neft sizib chiqishining oldi olingani...

8-yanvar sanasi tarixda texnologik inqiloblar, siyosiy o‘zgarishlar va madaniyat olamidagi afsonaviy shaxslar tavalludi bilan iz qoldirgan. Kursiv Uzbekistan kunning eng muhim voqealarini xronologik tartibda taqdim etadi.

1324-yili venetsiyalik mashhur savdogar va sayyoh Marko Polo vafot etdi. Uning «Dunyo mo‘jizalari haqida kitob» (Il Milione) asari O‘rta asrlar Yevropasiga Markaziy Osiyo va Xitoy haqida ilk bor batafsil ma’lumot bergan manba hisoblanadi. Poloning sayohatlari keyinchalik Xristofor Kolumb kabi dengizchilarni buyuk kashfiyotlarga ilhomlantirgan.

1889-yili amerikalik ixtirochi Herman Hollerit elektr tabulyator (hisoblash mashinasi) uchun patent oldi. U yaratgan perfokartali tizim ma’lumotlarni qayta ishlashni tezlashtirib, keyinchalik dunyoga mashhur IBM kompaniyasining tashkil topishiga zamin yaratdi...

Angliya Premyer-ligasining 21-turi doirasida «Brayton» va «Manchester Siti» klublari o‘rtasidagi uchrashuv 1:1 hisobidagi durang bilan yakunlandi.

«Manchester Siti» safida harakat qilayotgan O‘zbekiston milliy terma jamoasi himoyachisi Abduqodir Husanov ushbu bahsda asosiy tarkibda maydonga tushib, uchrashuv oxiriga qadar to‘liq o‘ynadi. Uchrashuv davomida Husanov «Brayton»ning xavfli hujumlariga qarshi ishonchli o‘yin namoyish etdi.

Bahs shiddatli kurashlarga boy o‘tgan bo‘lsa-da, tomonlar g‘olib nomini aniqlay olishmadi. Birinchi taymning 41-daqiqasida Erling Holand penaltidan unumli foydalanib hisobni ochgan bo‘lsa, tanaffusdan keyin mehmonlarning yaponiyalik futbolchisi Mitoma muvozanatni tikladi. Har ikki jamoa ham vaziyatlar yaratishga erishdi, ammo yakunda kuchlar teng keldi.

Avvalroq Kursiv Uzbekistan Xabib Nurmagomedov Abduqodir Husanovdan...

Saudiya Arabistonida bo‘lib o‘tgan Ispaniya Superkubogi yarim final bahsida «Barselona» «Atletik Bilbao» ustidan 5:0 hisobida g‘alaba qozondi.

O‘yin taqdiri birinchi bo‘limdayoq hal etildi. Uchrashuvning 22-daqiqasida Ferran Torres hisobni ochgan bo‘lsa, oradan sakkiz daqiqa o‘tib Fermin Lopes farqni ikkitaga oshirdi. 34-daqiqada yosh iqtidor Runi Bardagji hamda bo‘lim so‘ngida braziliyalik vinger Rafinya hisobni yirik ko‘rinishga keltirdi.

Ikkinchi bo‘limning 52-daqiqasida Rafinya o‘zining ikkinchi golini urib, o‘yinga yakuniy nuqtani qo‘ydi. Endi «Barselona» bosh sovrin uchun kurashda «Real Madrid» va «Atletiko» o‘rtasidagi ikkinchi yarim final g‘olibi bilan to‘qnash keladi. Muxlislar navbatdagi «El-Klasiko» guvohi bo‘lishlari mumkin.

Avvalroq Kursiv Uzbekistan Saudiyaliklar «Barselona»ni 10 mlrd yevroga sotib...

8-yanvar kuni ob-havo o‘zgaruvchan bo‘lib, yog‘ingarchilik kutilmaydi. Harorat kechasi asosan –8…0°, kunduzi esa +1…+12° atrofida bo‘ladi, deya xabar bermoqda «O‘zgidromet».

Quyida ob-havo ma’lumoti viloyatlar kesimida: