Yangiliklar

Toshkent shahrida havo biroz bulutli boʻlib, kechga yaqin qisqa muddatli yomgʻir yogʻishi va momaqaldiroq boʻlishi mumkin. Shamol sharqdan 3-8 m/s tezlikda esadi. Harorat kechasi 9-11°, kunduzi 21-23° bo‘ladi, deya xabar bermoqda «O‘zgidromet».

Qoraqalpogʻiston Respublikasi hamda Xorazm viloyatida havo biroz bulutli boʻladi, yogʻingarchilik kutilmaydi. Shamol 7-12 m/s tezlikda esadi. Harorat kechasi 8-13°, kunduzi 23-28° atrofida boʻladi.

Buxoro va Navoiy viloyatlarida ham havo ochiq boʻlib, yogʻingarchilik kuzatilmaydi. Shamol sharqdan 7-12 m/s tezlikda esadi. Harorat kechasi 8-13°, kunduzi 20-25° bo‘ladi.

Toshkent, Sirdaryo, Jizzax va Samarqand viloyatlarida havo biroz bulutli boʻlib, kunduzi ayrim hududlarda yomgʻir yogʻadi, momaqaldiroq boʻlishi mumkin. Shamol 7-12 m/s tezlikda...

Saudiyada o‘tkazilgan 17 yoshgacha bo‘lgan futbolchilar o‘rtasidagi Osiyo kubogi finalida O‘zbekiston terma jamoasi Saudiya Arabistoniga qarshi maydonga tushdi va 2:0 hisobida g‘alaba qozondi.

Muhammad Hakimov va Sadriddin Hasanov tomonidan kiritilgan gollar g‘alabani ta’minladi. E’tiborlisi, birinchi taymda O‘zbekiston terma jamoasi 2 futbolchisi qizil kartochka olib, jamoa bir taym davomida 9 kishi bo‘lib harakat qildi.

Shunga qaramay yosh vakillarimiz jasorat va iroda namoyish etib, kuchli raqib ustidan g‘alaba qozonib, Osiyo kubogi sohibiga aylanishdi.

Avvalroq Kursiv Uzbekistan mamlakat U17 terma jamoasi finalga yo‘l olgani haqida xabar bergan edi.

Xorijda mehnat faoliyatini amalga oshirish jarayonlarini tartibga solish bo‘yicha O‘zbekiston va Rossiya mutasaddilari o‘rtasida uchrashuv bo‘lib o‘tdi. Bu haqda «Dunyo» AA xabar berdi.

Unga ko‘ra, Rossiyaning Toshkentdagi oliy ta’lim muassasalari filiallarida migratsiya tartib-taomillari, tibbiy ko‘rik va rus tili imtihonlarini O‘zbekistonda o‘tkazish imkoniyatlari muhokama qilindi.

Shuningdek, «Pasport-viza xizmati» davlat unitar korxonasi hamda «Saxarova» ko‘p tarmoqli migratsiya markazining Toshkentdagi vakolatxonalari faoliyatini tiklash masalalari ko‘rib chiqildi.

Tomonlar O‘zbekistonda rus tili, Rossiya tarixi va qonunchiligi bo‘yicha kurslar tashkil etish, imtihonlarga tayyorgarlik markazlarini ochish hamda tibbiy ko‘rik va testlar o‘tkazish uchun ixtisoslashtirilgan tibbiyot klinikasi ochish tashabbuslarini qo‘llab-quvvatlashdi.

Rossiya tomoni O‘zbekiston IIVning «Pasport-viza xizmati...

Fitch reyting agentligi o‘zining har choraklik makroiqtisodiy prognoziga favqulodda o‘zgartirishlar kiritdi. Agentlik ma’lumotlariga ko‘ra, jahon iqtisodiyoti o‘sishi yiliga ikki foizdan kam bo‘ladi.

Tahlilchilar bunday past sur’atdagi global iqtisodiy o‘sish oxirgi marta 2009-yilda kuzatilganini ta’kidlashdi (pandemiya davridagi inqiroz bundan mustasno). Prognozning yomonlashishiga asosiy sabab sifatida savdo urushlarining kuchayishi ko‘rsatilmoqda.

Umumjahon yalpi ichki mahsulot (YaIM) o‘sishi bo‘yicha prognoz 0,4 foiz punktga kamaydi. AQSh iqtisodiyoti 2025-yil oxiriga borib atigi 1,2 foizga o‘sishi mumkin. Xitoy iqtisodiyoti esa yiliga 4 foizdan kam ko‘rsatkichda o‘sadi. Yevropa Ittifoqi YaIM o‘sishi esa yil yakuniga qadar 1 foizdan past bo‘lishi kutilmoqda.

Agentlik mutaxassislarining fikricha, neftning o‘rtacha narxi bir...

Samsung kompaniyasi 2025-yilgi buklanuvchi Galaxy Z Fold 7 va Galaxy Z Flip 7 modellarini iyul oyida taqdim etilishi kutilmoqda. Bu haqda Sammobile nashri xabar berdi.

Shuningdek, ularga qo‘shimcha ravishda arzonlashtirilgan Galaxy Z Flip FE modeli ham chiqarilishi mumkin. Kompaniya ushbu yangi modellarni may oyidan boshlab ommaviy ishlab chiqarishni rejalashtirmoqda.

Samsung Display kompaniyasi Galaxy Z Fold va Z Flip modellariga mo‘ljallangan buklanuvchi OLED panellarini yetkazib beradi. Xabarlarga ko‘ra, u allaqachon yangi modellarga mo‘ljallangan panellarni ishlab chiqarishni boshlagan va yaqin orada ularni Samsung Electronics’ga yetkazadi. Samsung Electronics esa may oyida telefonlarni yig‘ishni boshlaydi.

Samsung Display va Samsung Electronics kompaniyalarining zavodlari Vyetnamda...

Qayumov Asadulla Urolovich O‘zRTXB boshqaruvi raisining vaqtincha vazifasini bajaruvchi etib tayinlandi. Bu haqda «O‘zbekiston respublika tovar-xom ashyo birjasi» AJ (O‘zRTXB) Kuzatuv kengashining qarori qabul qilindi.

Tayinlovga qadar Qayumov Raqobat qo‘mitasi raisining o‘rinbosari lavozimida faoliyat yuritgan. Uning yangi lavozimdagi vakolati aksiyadorlarning navbatdagi umumiy yig‘ilishi o‘tkazilguniga qadar amal qiladi.

Shu bilan birga, 2019-yildan buyon O‘zRTXB Boshqaruv raisi lavozimida ishlagan Badriddinov Ziyoviddin Bositovich prezident qaroriga binoan Vazirlar Mahkamasi huzuridagi Energiya samaradorligi milliy agentligi direktori lavozimiga tayinlandi.

Avvalroq «Kursiv» Gediz Sezgin Beeline Uzbekistan’ning yangi bo‘linmasiga direktor etib tayinlangani haqida yozgandi.

Huawei kompaniyasi China Unicom bilan hamkorlikda Xitoyning Xebey provinsiyasidagi Syun’an hududida birinchi 10G keng polosali internet tarmog‘ini ishga tushirdi. Bu haqda Mydrivers portali xabar berdi.

Yangilangan tarmoq dunyodagi ilk 50G PON texnologiyasi asosida ishlaydi. U orqali har bir foydalanuvchi uchun internet tezligi an’anaviy gigabit darajasidan 10G darajasigacha oshirilib, tarmoqdagi ping (kechikish) esa millisoniyalargacha qisqartirildi.

«Huawei va China Unicom kuchlarini birlashtirib, Syun’an mintaqasida 10G tarmoqli internetni muvaffaqiyatli ishga tushirdi. Bu texnologik yechim kelajakdagi yuqori sifatli xizmatlar uchun mustahkam asos yaratadi», – deyiladi xabarda.

10G internet 8K sifatdagi video uzatish, bulutli xotiralar (cloud storage), qo‘shimcha reallik (AR...

Dunyoning yirik xususiy media va moliyaviy axborot kompaniyalaridan biri – Bloomberg LP O‘zbekistonda qo‘shilgan qiymat solig‘i (QQS) to‘lovchisi sifatida rasmiy ro‘yxatdan o‘tdi. Bu haqda Yirik soliq to‘lovchilar bo‘yicha hududlararo soliq inspeksiyasi ma’lum qildi.

Bloomberg LP bu moliya va biznes sohasidagi eng yirik tahliliy platforma, axborot terminali, dasturiy vositalar va media xizmatlarini taqdim etuvchi Amerika kompaniyasidir. Kompaniya 1981-yilda AQShda Maykl Blumberg tomonidan tashkil etilgan bo‘lib, hozirda 70 dan ortiq mamlakatlarda faoliyat yuritadi.

Ma’lumot uchun, 2025-yil boshidan beri O‘zbekistonda 9 ta yangi xorijiy internet-kompaniya soliq to‘lovchisi sifatida ro‘yxatdan o‘tib, umumiy hisobda bu ko‘rsatkich 69 taga yetdi.

Avvalroq «Kursiv» OpenAI kompaniyasi O‘zbekistonda QQS...

Italiya A seriyasining 33-turidan o‘rin olgan «Roma» – «Verona» uchrashuvi Rim klubi foydasiga yakunlandi – 1:0. Uchrashuvdagi yagona golni o‘zbekistonlik hujumchi Eldor Shomurodov urdi.

Shomurodov asosiy asosiy tarkibda maydonga tushib, 4-daqiqada Matias Soulening uzatmasidan so‘ng gol kiritdi. Bu gol uchrashuvdagi yagonaligicha qoldi.

O‘yinning dastlabki daqiqalarida har ikkala jamoa faollik bilan harakat qilgan bo‘lsa-da, «Roma» tez fursatda ustunlikni qo‘lga oldi va o‘yinning katta qismini nazorat ostida olib bordi. «Verona» esa hujum qilishga urindi, biroq mezbonlar himoyasi ishonchli harakat qildi.

Bu g‘alabadan so‘ng «Roma» hisobiga 57 ochko yozilib, 6-o‘ringa ko‘tarildi. «Verona» esa 33 o‘yin natijasiga ko‘ra 32 ochko bilan 14-pog‘onada qolmoqda.

Avvalroq...

Shu yilning 1-oktabridan boshlab bir qator soliq imtiyozlari va soddalashtirilgan tartiblar amaliyotga joriy etiladi. Bu haqda Adliya vazirligi xabar berdi.

Unga ko‘ra, 1-oktabrdan boshlab, xushbo‘ylashtiruvchi yoki rang beruvchi qo‘shimchalarsiz oq shakarga nisbatan aksiz solig‘i bekor qilinadi. Bu choradan maqsad oziq-ovqat narxini barqarorlashtirish va ishlab chiqaruvchilar xarajatini kamaytirishdir.

Shuningdek, 20 dan ortiq ishchisi mavjud yuridik shaxslar uchun mol-mulk va yer soliqlari, ijara to‘lovlari bo‘yicha hisoblangan soliq summalarini shu yilning 15-iyuligacha bir qismini, 1-dekabrigacha qolgan qismini bo‘lib to‘lashga ruxsat beriladi.

Shu bilan birga, umumiy ovqatlanish sohasida ishlovchi tadbirkorlar uchun qo‘shilgan qiymat solig‘i (QQS)ning bir qismini qaytarishda daromad, tovarlar (xizmatlar) realizatsiyasidan olingan...

Poytaxtdagi istirohat bog‘lari va xiyobonlarda fuqarolarning xavfsizligini oshirish maqsadida kinologiya punktlari joriy etilishi rejalashtirilmoqda. Bu haqda Hukumat qarori loyihasi jamoatchilik muhokamasi uchun e’lon qilindi.

Loyihaga ko‘ra, Toshkent shahrining 12 ta istirohat bog‘i va xiyobonida tajriba-sinov tariqasida xizmat itlari ishtirokida faoliyat yurituvchi maxsus punktlar tashkil etiladi. Bu punktlarda fuqarolar, ularning transport vositalari, qo‘l yuklari va boshqa ashyolari giyohvandlik moddalari bor-yo‘qligi bo‘yicha tekshiruvdan o‘tkaziladi.

Sinov muddati shu yilning 1-oktabridan 2026-yilning 30-sentabrigacha o‘tkaziladi.

Ma’lumot uchun, bu kabi kinologiya punktlari xavfsizlikni ta’minlash, jinoyatchilikka qarshi kurashish va jamoat joylarida tartibni saqlash maqsadida faoliyat yuritadi. Punktlarni barpo etish va jihozlash xarajatlari Toshkent shahar hokimligining budjetdan...

Jismoniy shaxslar tomonidan notijorat maqsadlarda respublikaga olib kiriladigan tovarlarga nisbatan bojxona imtiyozlari qisqartiriladi. Bu haqda hukumat qarori qabul qilindi.

Qarorga muvofiq, 1-maydan boshlab bojxona imtiyozlari quyidagicha belgilanadi:

Shuningdek, yangi tartibga ko‘ra, agar fuqaro xorijda juda qisqa muddat — temiryo‘l yoki avtomobilda 2 kundan kam, havo transportida esa 3 kundan kam vaqt bo‘lgan bo‘lsa, u holda bojsiz olib kirish imtiyozlari...

20-aprel kuni O‘zbekiston bo‘yicha havo biroz bulutli bo‘ladi, yog‘ingarchilik kutilmaydi. Bu haqda «O‘zgidromet» agentligi ma’lum qildi.

Toshkent shahri va viloyatida havo biroz bulutli bo‘ladi, yog‘ingarchilik bo‘lmaydi. Shamol sharqdan 3-8 m/s tezlikda esadi. Harorat kechasi 7-9 daraja, kunduzi 18-23 daraja bo‘ladi.

Qoraqalpog‘iston va Xorazmda ham yomg‘ir kuzatilmaydi. Shamol sharqdan 7-12 m/s tezlikda esadi, ba’zi joylarda 13-18 m/s gacha kuchayishi mumkin. Harorat kechasi 5-10 daraja, kunduzi 20-25 daraja bo‘ladi.

Buxoro va Navoiyda ham biroz bulutli bo‘ladi. Shamol sharqdan 7-12 m/s tezlikda esadi, 
ba’zi joylarda 13-18 m/s gacha kuchayishi mumkin. Harorat kechasi 5-10 daraja, kunduzi 20-25 daraja bo‘ladi.

Sirdaryo, Jizzax va Samarqandda shamol sharqdan...

19-aprel kuni O‘zbekiston milliy xokkey terma jamoasi o‘z tarixidagi muhim yutuqqa erishdi. Bu haqda Xokkey federatsiyasi ma’lum qildi.

Unga ko‘ra, Malayziya ustidan yirik – 18:3 hisobida g‘alaba qozongan jamoamiz IV divizion bo‘yicha g‘olib bo‘ldi va III divizion «B» guruhiga yo‘llanmani qo‘lga kiritdi.

O‘zbekistonliklar Armaniston, Indoneziya, Quvayt, Eron va Malayziya jamoalarini ortda qoldirib, musobaqada birinchi o‘rinni egalladi. Bu yutuq o‘smirlar o‘rtasida Tailandda bo‘lib o‘tgan jahon chempionatida U-18 jamoamiz qo‘lga kiritgan muvaffaqiyatning davomidir.

Eslatib o‘tamiz, avvalroq xokkey terma jamoamiz Eron ustidan 20:0 hisobda g‘alaba qozongan edi.

Toshkent metropolitenining tonnellarida ham mobil aloqa ishlay boshladi. Bu ishlar «Toshkent metropoliteni» DUK va «Ucell» mobil operatori o‘rtasida tuzilgan hamkorlik memorandumi asosida amalga oshirilmoqda.

Mazkur loyihaning ilk bosqichida metro bekatlari va tonnellarida texnik ishlar olib borildi. Sinov tariqasida Chilonzor yo‘nalishi tonnellarida «Ucell» tarmog‘i ishlay boshladi. Endilikda yo‘lovchilar metroda harakatlanayotgan vaqtlarida ham mobil aloqadan bemalol foydalanish imkoniyatiga ega bo‘ladi.

Rejaga ko‘ra, kelgusida boshqa aloqa operatorlari ham metro tonnellarida faoliyat olib boradi.

Eslatib o‘tamiz, avvalroq Chilonzor metro yo‘nalishi TTZgacha uzaytirilishi haqida yozgan edik.

Xorazm viloyatida yangi mehmonxonalar qurilishi uchun investorlarga davlat tomonidan subsidiya ajratiladi. Bu haqda Adliya vazirligi ma’lum qildi.

Nizomga ko‘ra, 2025-yil 1-yanvardan 2026-yil 31-dekabrgacha bo‘lgan davrda qurilgan mehmonxonalarni jihozlash va qurilish xarajatlarining bir qismini qoplash uchun subsidiya beriladi. Toifasiz mehmonxonalardagi har bir xona uchun 10 mln so‘m, 1 yulduzli mehmonxonada har bir xona uchun 15 mln so‘m, 2 yulduzli mehmonxonada esa 20 mln so‘m subsidiya ajratiladi.

Mehmonxona kamida ikki qavatli bo‘lishi kerak. Shuningdek, subsidiya olingan mehmonxona kamida besh yil davomida faoliyat yuritishi lozim. Agar u toifali bo‘lsa, ushbu toifani kamida besh yil davomida saqlab qolishi shart.

Eslatib o‘tamiz, avvalroq Xorazmda...

Endi hunarmandchilik va zargarlik bilan shug‘ullanuvchi yakka tartibdagi tadbirkorlarga qo‘shimcha imtiyozlar beriladi. Bu haqda Adliya vazirligi ma’lum qildi.

Unga ko‘ra, 2024-yil 1-sentabrdan 2027-yil 1-sentabrgacha «O‘zbekzargarsanoati» va «Hunarmand» uyushmalari a’zolari uchun soliq imtiyozlari amal qiladi.

Shuningdek, bu tadbirkorlar foydalanadigan yerlar va bino-inshootlar mol-mulk hamda yer solig‘idan ozod qilinadi. Qimmatbaho metallardan foydalanadigan affinaj korxonalariga esa qo‘shimcha ruxsatlarsiz mahsulot yetkazib berish va suvenir tangalar ishlab chiqarish huquqi beriladi.

Bundan tashqari, zargarlar o‘zlari tayyorlagan yarimtayyor mahsulotlarni boshqa ishlab chiqaruvchilarga sotish huquqiga ega. Bu mahsulotlar narxi Londondagi qimmatbaho metallar bozori bahosi va Markaziy bank kursidan kam bo‘lmagan miqdorda belgilanadi.

Eslatib o‘tamiz, avvalroq $200 ming...

Chet el fuqarolari yoki fuqaroligi bo‘lmagan shaxslarning O‘zbekistonda yashash guvohnomasi soddalashtirilgan tartibda 5 yilga beriladi. Bu haqda Adliya vazirligi ma’lum qildi.

Unga ko‘ra, 2025-yil 1-iyundan boshlab, xorijiy fuqarolar va fuqaroligi bo‘lmaganlarga $200 ming hamda har bir oila a’zosiga $100 ming to‘lov evaziga 5 yillik yashash guvohnomasi soddalashtirilgan tartibda beriladi.

Shuningdek, 2025-yil 1-oktabrdan O‘zbekistonga olib kiriladigan oq shakar (xushbo‘ylantiruvchi va rang beruvchi qo‘shimchalarsiz) aktsiz solig‘idan ozod qilinadi.

20 nafar va undan ortiq ishchisi bo‘lgan yuridik shaxslar mol-mulk va yer solig‘i hamda ijara to‘lovlarini 2025-yil 15-iyul va 1-dekabr kunlari bo‘lib to‘lash huquqiga ega bo‘ladi.

Umumiy ovqatlanish sohasida faoliyat yuritayotgan tadbirkorlar to‘lagan...

Chery kompaniyasi yangi Jetour X70 PLUS C-DM gibrid SUV modelini taqdim etdi. Bu haqda ITHome nashri xabar berdi.

Unga ko‘ra, Jetour X70 PLUS C-DM benzinli dvigatel va elektr motor bilan jihozlangan. U CLTC standartida 120 km elektr yurish masofasini ta’minlaydi. Modelning ikkita versiyasi mavjud: ularning narxlari mos ravishda $19 ming va $20,1 mingni tashkil etadi.

Yangi avtomobil 2025-yilgi X70 PLUS seriyasining dizayn uslubini davom ettirib, keng radiator panjarasi, LED chiroqlar, yassi rul va ikkita 10.25 dyuymli ekran bilan jihozlangan. Salon qulayliklari orasida isitiluvchi oʻrindiq, ventilyatsiya, Sony audio tizimi va parkovka sensorlari mavjud.

Modelning umumiy oʻlchamlari 4749×1900×1720 mm, gʻildirak bazasi...

Mercedes-Benz kompaniyasi mashhur W460 modelidan ilhomlangan «Stronger Than The 1980s» nomli G-Class avtomobilining maxsus seriyasini taqdim etdi. Ushbu model ilk marta 1979-yilda ishlab chiqarilgan va hozirgi retro-uslubni zamonaviy texnologiyalar bilan uyg‘unlashtirgan holda qayta yaratilmoqda.

Yangi G-Class’dan jami 460 dona ishlab chiqarilishi rejalashtirilgan. Yevropada uning boshlang‘ich narxi 178 ming yevro bo‘lib, yetkazib berish 2025-yil oxirida boshlanadi. Kuzov uchun uch xil tarixiy rang – yashil, krem va qum ranglari taklif qilinadi. Tashqi ko‘rinishda esa to‘q sariq burilish chiroqlari, qora pardoz elementlari, besh tirgakli disklar va klassik Mercedes-Benz logotiplari mavjud.

Ixtiyoriy tarzda avtomobilga ekspeditsiya bagaj joyi ham o‘rnatilishi mumkin. Kuzovda G-Class sinovlarida...

«Umummilliy birdamlik bog‘larini tashkil etish chora-tadbirlari to‘g‘risida»gi Hukumat qarori qabul qilindi. Bu haqda Adliya vazirligi ma’lum qildi.

Qarorga muvofiq, 2025 – 2030-yillarda yurtimiz bo‘ylab birdamlik bog‘larini tashkil etish bo‘yicha kompleks dastur ishlab chiqildi. 2025-yil 15-mayga qadar istirohat bog‘larining namunaviy loyihasi tayyorlanib, tasdiqlanishi belgilangan.

Loyihaga ko‘ra, bog‘larning 60 foizi yashil maydon bo‘lib, u yerda daraxt va butalar ekiladi, piknik zonalari, bolalar uchun qumloq maydonchalar, ochiq osmon ostidagi kutubxonalar va san’at bilan shug‘ullanish hududlari tashkil etiladi. Sokin dam olish joylari daraxtlarga zarar yetkazmaslik sharti bilan barpo etiladi, buning uchun jamoatchilik nazorati kuchaytiriladi va sug‘orish tizimi takomillashtiriladi.

Shuningdek, loyihada veloyollar, attraksionlar va...

International Beverages Tashkent kompaniyasi O‘zbekistonda Burger King restoranlarini ochish bo‘yicha kelishuvga erishdi. Bu haqda kompaniya asoschisi Shuhrat Ergashyev O‘zbekiston prezidenti bilan bo‘lgan yig‘ilishda ma’lum qildi.

Uning aytishicha, kompaniya allaqachon litsenziyani qo‘lga kiritgan va yaqin 2–3-oy ichida mamlakatda Burger King restoranlari ochiladi. Bu faqat Toshkent bilan cheklanmaydi – poytaxtda markaziy ofis joylashtirilishi va butun Markaziy Osiyo bo‘yicha litsenziya berilishi rejalashtirilgan.

Eslatib o‘tamiz, avvalroq O‘zbekistondagi Pepsi ta’sischisi Burger King Qozog‘istonni sotib olgan edi.

Toshkent viloyatidagi ba’zi aholi yashash hududlaridan tashqarida joylashgan avtomobil yo‘llarida tezlik chegarasi pasaytiriladi. Bu borada viloyat hokimi qaror qabul qildi.

Unga ko‘ra, viloyat Yo‘l harakati xavfsizligi boshqarmasi tomonidan 2025-yil 7-martda berilgan murojaat xatida 37 ta yo‘l qismi tahlil qilinib, ular orasida og‘ir oqibatli yo‘l-transport hodisalari qayd etilgan. Shundan kelib chiqib, avtomobillar tezligini soatiga 100 km dan 80 km gacha kamaytirish taklifi ilgari surildi va tegishli tartibda ma’qullandi.

Eslatib o‘tamiz, avvalroq Toshkentdagi koʻchalardan biri ikki haftaga qisman yopilgan edi.

Shavkat Mirziyoyevga energetika sohasidagi dolzarb vazifalar va amalga oshirilayotgan yangi loyihalar bo‘yicha axborot berildi. Bu haqda davlat rahbari matbuot xizmati ma’lum qildi.

Unga ko‘ra, oxirgi besh yilda O‘zbekistonda elektr energiyasi ishlab chiqarish hajmi 30 foizga oshib, 81,5 mlrd kilovatt soatga yetdi. 2035-yilga borib bu raqam 121 mlrdga yetishi kutilmoqda. Shu bois energiya ta’minotini barqarorlashtirish maqsadida «yashil» energiya ulushini 2030-yilgacha 54 foizga yetkazish rejalashtirilgan.

Eng istiqbolli yo‘nalishlardan biri – mikro-GES qurish. 2025–2026-yillarda umumiy quvvati 167 megavatt bo‘lgan 2 983 ta mikro-GES qurilishi ko‘zda tutilgan. Joriy yilda esa 1 185 ta yangi mikro-GES ishga tushiriladi.

Shuningdek, kichik quvvatli atom elektr stansiyasi...