Yangiliklar

Amerikaning Chevron kompaniyasi va Quantum Energy Partners investitsiya guruhi «Lukoyl»ning xalqaro aktivlarini bo‘lib olish bo‘yicha bitim tuzish niyatida. Bu haqda Financial Times xabar berdi.

Nashrning ta’kidlashicha, kompaniyalarning taklifi Lukoylning butun aktivlar portfeliga ta’sir qiladi, Quantum va Chevron esa uzoq muddatli istiqbolda $22 milliardlik aktivlarni sotib olishga harakat qilmoqda. Shuningdek, potensial sotib olish «Lukoyl»ning Yevropa, Osiyo va Yaqin Sharqdagi 2000 dan ortiq yonilg‘i quyish shoxobchalarini o‘z ichiga olgan butun xorijiy aktivlar portfelini qamrab olishi mumkinligi ta’kidlangan.

«Biz ushbu aktivlarga egalik huquqini Amerika operatoriga abadiy o‘tkazadigan savdoni qidiryapmiz. Aktivlar sotib olingandan so‘ng darhol sotilishini istamaymiz», – dedi...

Rasmiy Toshkent va Dushanbe Xitoy – Tojikiston – O‘zbekiston – Turkmaniston – Eron – Turkiya – Yevropa multimodal yo‘lagidan foydalanish bo‘yicha sinov loyihasini ishga tushirmoqda. Bu haqda Tojikiston Transport vazirligiga tayanib Anadolu xabar berdi.

Ushbu sinov loyihasi doirasida O‘zbekistondan Tojikiston orqali Xitoyga 10 ta to‘liq yuklangan yuk mashinasi karvoni yo‘l oladi. Tojikiston va O‘zbekiston transport vazirlari birgalikda Pekinga ta’sir doirasini kengaytirish va xalqaro tashish uchun ruxsatnomalar berishning elektron formatiga o‘tishga kelishib oldi. Ushbu yo‘nalish birinchi marta 2022-yilda Dushanbeda mintaqaviy logistika rivojlanishi bo‘yicha xalqaro konferensiya davomida taqdim etilgan va hozirda amaliy bosqichga o‘tmoqda.

Shu bilan birga, tomonlar Jartepa-Sarazm chegara punktining...

Yevropa tiklanish va taraqqiyot banki (YTTB) Nika Pharm farmatsevtika kompaniyasiga $20 mln miqdorida kredit ajratishni ma’qulladi. Bu haqda bank rasmiy saytida ma’lum qilindi.

Mablag‘lar kompaniya balansini qayta tuzish, ishlab chiqarish uskunalari va quvvatlarini modernizatsiya qilishga yo‘naltiriladi. Ishlab chiqarish jarayonlari Jahon sog‘liqni saqlash tashkilotining GMP standartlariga moslashtiriladi.

Loyiha doirasida mahsulot sifati oshiriladi va ishlab chiqarish yanada samarali bo‘ladi. Natijada umumiy va retsept asosida beriladigan dori vositalari ishlab chiqarish hajmi 140 foizga ko‘payishi kutilmoqda.

Moliyalashtirish Nika Pharm’ga ichki bozordagi mavqeyini mustahkamlash va Markaziy Osiyo davlatlariga eksportni kengaytirish imkonini beradi. Bu tashabbus mahalliy dori ishlab chiqarish ulushini 80 foizga yetkazish bo‘yicha davlat...

Avtotransport vositasi uchun ekostikerlarni olish xizmati onlayn tarzda yo‘lga qo‘yildi. Ariza Yagona interaktiv davlat xizmatlari portalida topshiriladi. Xizmatdan foydalanish bepul bo‘lib, faqat pochta orqali yetkazib berish uchun to‘lov olinadi.

Jarayonga ko‘ra, ariza beruvchi YIDXP’da avtorizatsiyadan o‘tadi va elektron ariza yuboradi. Arizada transport vositasi haqidagi ma’lumotlar hamda ekologik stikerni yetkazib berish manzili ko‘rsatiladi. Tizim pochta xarajatlari uchun invoysni avtomatik shakllantiradi. Foydalanuvchi ushbu to‘lovni elektron shaklda amalga oshiradi.

Vakolatli organ transport vositasi ma’lumotlarini axborot tizimlari orqali tekshiradi va ekologik toifani avtomatik aniqlaydi. Shundan so‘ng ekologik stiker rasmiylashtiriladi, chop etiladi va pochta orqali yuboriladi.

Xizmat ko‘rsatish muddati murojaat kelib tushgan kundan boshlab...

8-yanvar uchun valyutalar kursi yangilandi. Unga ko‘ra, dollar 64,69 so‘mga oshib, 12 033,28 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

29-dekabrda esa 21,15 so‘mga pasayib, 12 057,32 so‘mni tashkil qildi. 30-dekabr kuni dollar 31,99 so‘mga pasayib, 12 025,33 so‘m bo‘ldi. AQSh valyutasi yilni pasayish (20,92 so‘m) bilan boshlab, 5-yanvar kuni 12 004,41 so‘mga tenglashdi. 6-yanvar kuni dollar 52,17 so‘mga pasayib, 11 952,24 so‘mni tashkil etgan edi. 7-yanvar kuni 16,35 so‘mga oshib, 11 968,59 so‘mga yetdi.

Markaziy bank ma’lumotlariga ko‘ra, yevro 40,88 so‘mga oshib, 14 060,89 so‘mni...

Toshkent shahrining Uchtepa tumanida Farhod bozori yaqinidagi tunnelda 29 yoshli ayol kishiga nisbatan uyatsiz ish qilgan erkak qo‘lga olindi. Bu haqda poytaxt Ichki ishlar bosh boshqarmasi xabar berdi.

Holat joriy yilning 6-yanvar kuni sodir etilgan. O‘sha kuni taxminan soat 18.50 da noma’lum shaxs Uchtepa tumani Lutfiy ko‘chasida bo‘la turib 1996-yilda tug‘ilgan ayolga nisbatan uyatsiz buzuq harakat sodir etgan va voqea joyidan ketib qolgan.

Mazkur holat yuzasidan IIBB tomonidan o‘tkazilgan tezkor-qidiruv tadbirlari natijasida erkakning shaxsi aniqlangan. U 1993-yilda tug‘ilgan shaxs ekani ma’lum bo‘lgan va IIO xodimlari tomonidan ushlangan. Hozirda Uchtepa tumani IIO FMB tomonidan tergovga qadar tekshiruv o‘tkazilmoqda.

Ushbu...

Hyundai Motor Company aksiyalari Seul fond birjasida keskin qimmatlashib, 18 foizga oshdi. Oninest portalining ma’lumotiga ko‘ra, 7-yanvar kungi savdolarda bir dona aksiya 362 ming von ($250) narxiga yetdi.

Reuters’ning yozishicha, aksiyalar narxidagi keskin sakrashni Las-Vegasda bo‘lib o‘tayotgan CES ko‘rgazmasida Hyundai zavodlarida gumanoid Atlas robotlarini joriy etish haqidagi e’lon bilan izohlab bo‘lmaydi. Kiwoom Securities tahlilchisi Shin Yun Chulga ko‘ra, 2028-yilgacha atigi 30 ming robot chiqarilishi rejalashtirilgan va Atlas hozircha to‘liq ishlab chiqarish bosqichiga yetmagan.

Mutaxassis fikricha, bozorga aynan Hyundai Motor Group rahbari Chon Eui Sun va Nvidia bosh direktori Jensen Huang o‘rtasidagi CES’dagi yopiq uchrashuv haqidagi xabarlar turtki bergan. Investorlar...

2025-yilda O‘zbekistonda o‘zlashtirilgan investitsiyalarning umumiy hajmi $43,1 mlrdga yetdi. Investitsiyalar, sanoat va savdo vazirligiga ko‘ra, bu ko‘rsatkich o‘tgan yilga nisbatan 24 foizga ko‘p.

Investitsiyalarning asosiy qismini to‘g‘ridan to‘g‘ri xorijiy investitsiyalar tashkil etdi. Ularning hajmi $38,2 mlrdni tashkil qildi. Shuningdek, xalqaro moliya institutlari tomonidan $4,9 mlrd mablag‘ jalb etildi.

Yil davomida O‘zbekiston bozoriga bir qator yetakchi jahon brendlari kirib keldi. Bu mamlakat iqtisodiyotiga bo‘lgan qiziqish va ishonch ortib borayotganini ko‘rsatadi.

Xitoy, Rossiya, Turkiya, Saudiya Arabistoni va BAA bilan iqtisodiy hamkorlik izchil rivojlandi. Vazirlik ushbu davlatlar bilan amalga oshirilayotgan qo‘shma loyihalar investitsiyalar oqimini kuchaytirganini bildirdi.

Eslatib o‘tamiz, avvalroq Andijonda 12 mlrd...

Hyundai Motor Co.’ga qarashli Boston Dynamics avtomobil ishlab chiqarishda foydalanish uchun mo‘ljallangan Atlas nomli yangi gumanoid robotning yangilangan talqinini namoyish etdi.

Hyundai’ning ma’lum qilishicha, Atlas 2028-yildan boshlab kompaniyaning avtomobil zavodlarida ishga tushiriladi. Ular orasida AQShning Jorjiya shtati, Savannah shahrida joylashgan zavod ham bor.

Dastlab robotlar yuqori darajada takrorlanuvchi vazifalarni bajaradi. Xususan, avtomobillarga o‘rnatiladigan detallarni ketma-ket joylash, ularni yig‘ishga tayyorlash kabi ishlarda qo‘llanadi. 2030-yilga borib esa Atlas robotlarini murakkabroq yig‘uv jarayonlariga ham jalb qilish rejalashtirilgan.

Yangilangan robot CES texnologiya ko‘rgazmasida, Las-Vegasda taqdim etildi. Hyundai bu loyihani ishlab chiqarish jarayonlarini avtomatlashtirish va samaradorlikni oshirishga qaratilgan muhim qadam sifatida baholamoqda.

Eslatib o‘tamiz...

O‘zbekistonlik ayollar Amerikadagi Jorjtaun universitetining Ayollar, tinchlik va xavfsizlik indeksida TOP yuztalikka kirdi. Bu haqda indeksning 2025 – 2026-yillar reytingida keltirilgan.

O‘zbekiston umumiy 181 ta davlat orasida 98-o‘rinni egalladi. Mamlakat Markaziy Osiyodagi boshqa davlatlar bilan taqqoslaganda ham eng past natijani qayd etdi. Xususan, Qozog‘iston 72-o‘rinda, Turkmaniston 74-o‘rinda, Qirg‘iziston 84-o‘rinda, Tojikiston esa 89-o‘rinda joylashgan.

Mazkur indeks ayollarning ahvolini xavfsizlik, adolat va ijtimoiy hayotdagi ishtirok kabi uch asosiy yo‘nalish bo‘yicha baholaydi. Reytingda O‘zbekistonning umumiy balli 0,674 ni tashkil qilgan. Bu ko‘rsatkich bilan mamlakat Markaziy Osiyo davlatlari orasida eng yomon natijani qayd etgan.

Women, Peace and Security Index’da O‘zbekistondagi eng yuqori ko‘rsatkichlar...

Motorola kompaniyasi CES 2026 ko‘rgazmasida o‘zining eng ingichka Signature flagmani namoyish etdi.

Motorola Signature tashqi ko‘rinishidan Edge seriyasini eslatadi va Pantone ranglarida taqdim etilgan. Smartfonning o‘ziga xos jihati uning korpusi bo‘lib, qalinligi atigi 6,99 mm ni tashkil qiladi. Yupqa dizaynga qaramay, qurilma 5200 mA/soat sig‘imli akkumulyator, 90 Vt simli va 50 Vt simsiz quvvatlash texnologiyasiga ega.

Texnik ko‘rsatkichlarga ko‘ra, u Snapdragon 8 Gen 5 protsessori va 16 GB tezkor xotira bilan jihozlangan. Qurilma tasvirga olish imkoniyatlari bilan ham ajralib turadi. Orqa panelda har biri 50 megapikselli uchta kamera joylashgan. Old kamera ham 50 megapikselli Sony sensori asosida ishlaydi.

Signature...

O‘zbekistonda mahallalarda xavfsiz muhitni yaratish bo‘yicha yangi, yaxlit va manzilli ishlash tizimi joriy etiladi. Bu haqda prezident qarori e’lon qilindi.

Hujjatda 2025-yilda amalga oshirilgan chora-tadbirlar natijasida mahallalarda jinoyatchilik qariyb 1,5 baravarga kamaygani qayd etilib, ushbu natijalarni mustahkamlash va tizim samaradorligini yanada oshirish maqsadi ko‘zda tutilgan.

Qarorga muvofiq, har bir mahallada kriminogen vaziyatga salbiy ta’sir ko‘rsatuvchi omillar asosida manzilli profilaktik chora-tadbirlar ishlab chiqiladi. Oila-turmush munosabatlari, shuningdek ayollar va yoshlar ishtirokidagi jinoyatlarning sabablarini ilmiy yondashuv asosida o‘rganish va ularning barvaqt oldini olishga qaratilgan yangi mexanizmlar joriy etiladi. Noqonuniy holatlar yuzasidan fuqarolar murojaatlariga tezkor munosabat bildirish tizimi joylarda bevosita yo‘lga qo‘yiladi.

2026-yildan...

Mubashshir Ahmad taxallusi bilan tanilgan Alisher Tursunovning sog‘lig‘i keskin yomonlashgani aytilmoqda. Bu haqda uning himoyachisi Abdulloh Sodiq ma’lum qildi.

Ma’lumotlarga ko‘ra, Alisher Tursunov Navoiy viloyatida joylashgan jazoni ijro etish muassasasida ozodlikdan mahrum qilish jazosini o‘tamoqda. Advokatning bildirishicha, mahkumga qandli diabet II tip, insulinga muhtoj turi hamda chap oyoq artrozi tashxisi qo‘yilgan. Uning oyoqlari shishib ketayotgani, tanasida turli yaralar paydo bo‘layotganiga qaramay, zarur tibbiy yordam ko‘rsatilmayapti.

Eslatib o‘tamiz, Alisher Tursunov 2025-yil 8-oktabr kuni 2,5 yil muddatga ozodlikdan mahrum etilgan edi. Hukm Uchtepa tumani sudi tomonidan chiqarilgan bo‘lib, sud uni tergov organlari ilgari surgan uchta modda bo‘yicha aybdor deb topgan. Shundan...

2025-yil yakunlariga ko‘ra, o‘zbekistonlik grossmeysterlar Nodirbek Abdusattorov va Javohir Sindarov dunyoning eng ko‘p mukofot puli ishlagan shaxmatchilari kuchli o‘nligidan joy oldi. Bu haqda Chess.com xabar bermoqda.

Ikkala shaxmatchi ham yil davomida yirik xalqaro turnirlarda muvaffaqiyatli ishtirok etib, umumiy hisobda $100 minglik dovonni bosib o‘tgan 26 nafar shaxmatchi qatoriga kirdi. Nodirbek Abdusattorov 2025-yil davomida 16 ta turnirda qatnashib, jami $362 ming ishlab topdi va reytingning 9-pog‘onasini band qildi. Uning eng yirik yutug‘i $85 mingni tashkil etdi.

Ro‘yxatning 10-o‘rnidan esa Javohir Sindarov joy oldi. U 11 ta turnirda ishtirok etib, jami $350 ming daromad ko‘rdi. Sindarovning eng katta muvaffaqiyati 2025-yilgi FIDE...

Samarqand viloyatida 29 yoshli erkakning qorin bo‘shlig‘idan 200 gramm mix va samorez olib tashlandi. Bu haqda Respublika shoshilinch tibbiy yordam ilmiy markazi Samarqand filiali xabar berdi.

Bemor shifoxonaga qornida kuchli og‘riq bilan keltirilgan. Shoshilinch qabul bo‘limida o‘tkazilgan diagnostika va laboratoriya tahlillariga ko‘ra bemorning me’da ichak tizimida katta miqdorda yot jismlar, mix va samorez borligi aniqlangan.

Unga shoshilinch ravishda laparatomiya, gastrostamiya usulida jarrohlik amaliyoti o‘tkazilib, qorin bo‘shlig‘idan ushbu jismlar olib tashlangan. Jarrohlik amaliyoti bir soat davom etgan.

Ma’lumotlarga ko‘ra, erkak temir jismlarni qattiq stressga tushib, o‘z xatti-harakatlarini nazorat qila olmagan holda yutib yuborgan. Hozirgi vaqtda bemorning ahvoli qoniqarli.

Eslatib...

7-yanvar kuni O‘zbekiston U-23 terma jamoasi Saudiya Arabistonida start olgan Osiyo kubogidagi ishtirokini boshlaydi. «C» guruhidan o‘rin olgan vakillarimiz Ar-Riyod shahrida Livan terma jamoasiga qarshi maydonga tushadi.

Uchrashuv Toshkent vaqti bilan soat 19:00 da «Prince Faisal Bin Fahd» stadionida start oladi. Ravshan Haydarov jamoasi Livan bilan o‘yindan so‘ng 10-yanvar kuni Eron, 13-yanvar kuni esa Janubiy Koreya terma jamoalariga qarshi bahs olib boradi.

Murabbiylar shtabi ushbu musobaqaga asosan 21 yoshgacha bo‘lgan futbolchilarni jalb qilgan bo‘lib, bu kelajakdagi yirik turnirlar va Olimpiada o‘yinlari uchun tayyorgarlik sifatida ko‘rilmoqda.

Avvalroq Kursiv Uzbekistan U-23 o‘rtoqlik turnirida O‘zbekiston Xitoy bilan durang o‘ynagani haqida xabar...

The Wall Street Journal (WSJ) yozishicha, AQSh Grenlandiyani Daniyadan sotib olish masalasini yana kun tartibiga qaytargan. Nashr manbalariga ko‘ra, AQSh davlat kotibi Mark Rubio ushbu rejalar haqida Kongress a’zolariga yopiq brifingda ma’lum qilgan.

Bu bayonot Donald Trampning Grenlandiyani AQSh tarkibiga qo‘shish haqidagi yana kuchaygan chiqishlari fonida yangramoqda. Oq uy matbuot kotibi Karolin Livitt prezident va uning jamoasi ushbu tashqi siyosiy maqsadga erishishning bir nechta variantlarini ko‘rib chiqayotganini aytgan. Uning so‘zlariga ko‘ra, zarurat tug‘ilsa, AQSh qurolli kuchlaridan foydalanish varianti ham inkor etilmaydi.

Donald Tramp prezidentlikdagi ilk muddatidayoq Grenlandiyani sotib olish g‘oyasini ilgari surgan edi. Hozir esa u mazkur hudud AQSh...

Hyundai Xitoy bozorida Hyundai Santa Fe 2026 modelini rasman taqdim etdi. Bu haqda Autohome xabar bermoqda.

Narxlar avvalgi darajada saqlab qolindi va 195,8 ming yuandan ($27 ming) boshlanadi. Yangi model endi to‘rtta komplektatsiyada taklif etiladi. Oldin mavjud bo‘lgan Connoisseur Pro versiyasi qatorlardan olib tashlandi. Qolgan talqinlarning narxlari o‘zgartirilmagan.

Asosiy yangiliklar xavfsizlik va elektron yordamchilar bilan bog‘liq. Santa Fe 2026 haydovchi holatini kuzatuvchi kamera bilan jihozlandi. Tizim chalg‘ish va charchoqni aniqlaydi. Orqa qatordagi bolalarni aniqlash funksiyasi ham qo‘shildi. Komplektatsiyaga qarab, haydovchiga yordam beruvchi tizimlar sozlamalari takomillashtirilgan.

Tashqi dizayn o‘zgarishsiz qolgan. Krossover o‘lchamlari 4 830×1 900×1 780 mm. G‘ildirak bazasi...

Buyuk Britaniyada fastfud va sog‘liq uchun zararli oziq-ovqat mahsulotlari reklamasiga nisbatan qat’iy cheklovlar kuchga kirdi. Bu haqda mamlakatning Sog‘liqni saqlash va ijtimoiy himoya vazirligi ma’lum qildi.

5-yanvardan boshlab Buyuk Britaniya telekanallarida fastfud reklamalarini faqat soat 21:00 dan keyin namoyish etishga ruxsat beriladi. Internetda esa bunday mahsulotlarning reklamalari to‘liq taqiqlandi.

Rasmiy hisob-kitoblarga ko‘ra, ushbu cheklovlar yaqin yillarda 20 ming nafar bola orasida semirish holatlarini kamaytirish, shuningdek, sog‘liqni saqlash tizimi xarajatlarini 2 mlrd funt sterling (taxminan $2,7 mlrd yoki 32,4 trln so‘m)ga qisqartirishga yordam beradi.

Britaniya sog‘liqni saqlash vazirligi xabar berishicha, maktabga birinchi bor borayotgan bolalarning 22 foizi ortiqcha vaznga ega...

Yaponiyaning Tokio shahridagi bozorda bo‘lib o‘tgan yilning an’anaviy ilk auksionida tuna balig‘i rekord darajadagi $3,2 millionga sotildi. Bu haqda Reuters xabar berdi.

Tokioning Toyosu baliq bozorida 2026-yilning birinchi kimoshdi savdosida Yaponiyaning shimoliy qirg‘og‘ida ushlangan 243 kilogramm (535 funt) og‘irlikdagi ulkan ko‘k tuna balig‘i 510 million iyenaga ($3,2 million) pullandi. Baliq uchun ushbu summani to‘lagan xaridor Kiyomura Corporation bo‘ldi, uning egasi Kiyoshi Kimura mashhur yapon sushi tarmog‘i – Zanmai’ni boshqaradi. Kimura o‘zini «Tuna qiroli» deb ataydi.

Bundan avvalgi auksionlarda ham g‘olib bo‘lgan Kimura bu gal o‘zining 2019-yilda o‘rnatilgan 334 million iyenalik ($2,1 million) avvalgi rekordini yangiladi. Jurnalistlarga bergan intervyusida...

Avtosanoat 2026-yilda ham qimmat va hashamatli yangi modellari bilan e’tiborni tortishi kutilmoqda. Mutaxassislar yaqin orada bozorga chiqishi kutilayotgan eng qimmat va premium avtomobillarning TOP-5 ro‘yxatini tuzdi. Ular kuchli texnologiya, qulaylik va zamonaviy dizayn bilan ajralib turadi. Quyida mazkur modellar haqida bilib olishingiz mumkin.

Acura RSX EV

Boshlang‘ich narxi taxminan $55 ming. Bu mashhur Acura RSX modelining ilk to‘liq elektr talqini bo‘ladi. Avtomobil to‘liq uzatma tizimiga ega ikki elektromotor bilan jihozlanadi. Katta batareya tufayli u tashqi qurilmalarni ham quvvat bilan ta’minlay oladi.

BMW iX3

Narxi taxminan $60 ming atrofida bo‘lishi kutilmoqda. Yangi elektr krossover 800 voltli tezkor zaryadlash...

AQShda Donald Tramp ma’muriyati Kaliforniya, Kolorado, Illinois, Minnesota va New-York shtatlariga ajratilgan $10 mlrddan ortiq federal bolalar va oila yordam pullarini muzlatib qo‘ydi. Bu haqda Reuters agentligi xabar berdi.

Unga ko‘ra, Sog‘liqni saqlash va ijtimoiy xizmatlar vazirligi qarorni firibgarlik va mablag‘lardan noto‘g‘ri foydalanish xavfi bilan izohladi.

Muzlatish Child Care and Development Fund ($2,4 mlrd), Temporary Assistance for Needy Families ($7,35 mlrd) va Social Services Block Grant ($869 mln) kabi dasturlarni qamrab olgan. Ushbu mablag‘larga kirish huquqi tekshiruv o‘tkazilgunga qadar cheklangan.

Huquq himoyachilari bildirishicha, Tramp ma’muriyati firibgarlik tekshiruvlarini immigrantlar va siyosiy raqiblarni nishonga olish uchun bahona sifatida ishlatmoqda.

Eslatib...

Renault Yevropadan tashqaridagi bozorlar uchun mo‘ljallangan yangi flagman krossoveri Renault Filante avtomobilini taqdim etishga tayyorlanmoqda. Modelning rasmiy premyerasi 13-yanvar kuni Janubiy Koreyada bo‘lib o‘tadi.

Renault Filante E-klassga mansub bo‘lib, u brendning Yevropada sotiladigan Austral, Espace va Rafale modellaridan yuqori pog‘onani egallaydi. Filante Renault’ning Yevropa tashqarisidagi eng yirik va nufuzli krossoveriga aylanishi kutilmoqda.

Model nomi 1956-yilda yaratilgan Etoile Filante va yaqinda taqdim etilgan Filante Record konseptidan ilhomlangan. Biroq seriyali Filante eksperimental emas, balki klassik besh eshikli kuzovda ishlab chiqariladi.

E’lon qilingan tizerlarda old bamperga integratsiyalangan noodatiy LED optika, aerodinamik tom chizig‘i va keng kuzovni eslatuvchi orqa qanotlar ko‘rinadi. Salon hozircha...

Afg‘onistonning Tahor viloyatida 5-yanvar kuni oltin koni uchun «Tolibon» va aholi o‘rtasida yuz bergan to‘qnashuvda 4 kishi halok bo‘ldi. Bu haqda Afghanistan International xabar berdi.

Nizo ishtirokchisi bo‘lgan ushbu oltin qazib oluvchi kompaniya «Tolibon»ga aloqador bo‘lgan. To‘qnashuvda qurbon bo‘lganlarning 3 nafari aholi vakillari, qolgan bir kishi esa kompaniya xavfsizlik xizmatining xodimi bo‘lgan. Shuningdek, kamida 16 kishi turli darajada jarohat olgan.

Kompaniyalarning oltin qazib olishda ekologiya qoidalariga rioya qilmasligi va suv manbalarining kesib qo‘yilishidan norozi bo‘lgan aholi Dara Fazel hududidagi kompaniya qarorgohiga bostirib kirib, ikkita korxona binosini egallab olgan. Kompaniya xodimlari voqea joyidan qochishga majbur bo‘lgan, ikki qo‘riqchi esa namoyishchilar...