Yangiliklar

O‘zbekistonda eng arzon BYD avtomobili BYD Seagull bo‘lib, uning narxi 208,3 million so‘mdan boshlanadi. Bu haqda Kursiv Uzbekistan muxbiri rasmiy dilerlarga tayanib ma’lum qildi.

Ushbu avtomobilning old tomoni kuchli va ishonchli obraz shakllantiradigan o‘tkir chiziqlar va qirralarga ega. Faralarning ko‘rinishi kuch va qat’iyatni ifodalaydi hamda avtomobilning umumiy ko‘rinishiga o‘zgacha jozibadorlik baxsh etadi.

Avtomobil harakatlanayotganda avtomobil sho‘ng‘iyotgan chaykani eslatadi, bu esa dinamiklik hissini yanada oshiradi.

Modelning texnik xususiyatlari:

Taqqoslash uchun, bu yerda boshqa BYD avtomobillarining narxlari keltirilgan.

Eslatib o‘tamiz, Kursiv Uzbekistan nashri Shanxay avtosalonida BYD kompaniyasi tomonidan yangi konsept avtomobillari – Dynasty-D va Ocean-S modellari taqdim etilgani haqida...

O‘zbekiston Tehron shahrida o‘zining savdo markazini ochadi. Bu haqda Eronning IRNA axborot agentligi xabar berdi.

11-may kuni O‘zbekiston Bosh vaziri Abdulla Aripov rasmiy tashrif bilan Eron Islom Respublikasiga bordi.

Tashrif doirasida Eron poytaxtida Eron – O‘zbekiston o‘rtasidagi hukumatlararo komissiyaning 16-yig‘ilishi bo‘lib o‘tadi.

2025-yilning birinchi choragi yakunlariga ko‘ra, O‘zbekiston bilan Eron o‘rtasidagi savdo aylanmasi $101 milliondan oshdi. Eron O‘zbekistonning eng yirik 20 ta savdo hamkorlari qatoriga kiradi.

Avvalroq Kursiv Uzbekistan Xiva shahrida «Arda Xiva» xalqaro turizm markazi ochilgani haqida yozgandi.

«Manchester Siti» shu yil boshida asosiy transferlarni amalga oshirdi: markaziy himoyachilar sonini ikkitaga oshirib, kuchli tarkibni shakllantirdi. Abduqodir Husanov va Vitor Reis shular jumlasidan. Xo‘sh, jamoaga bir vaqtda qabul qilingan ikki futbolchi «Shaharlik»lardan qancha maosh oladi?

Vitor Reisning (markaziy himoyachi) «Manchester Siti» (Premer-liga) bilan shartnomasida 5 yil va 10 400 000 funt sterling miqdoridagi maoshga kelishuv imzolagan. Shartnoma 2029-yil 30-iyunda tugaydi. 19 yoshli Vitor Reis haftasiga 40 000 funt sterling maosh oladi.

Abduqodir Husanov (markaziy himoyachi) 2029-yil 30-iyun kuni tugaydigan «Manchester Siti» (Premer-liga) bilan shartnomasida 5 yil va 5 200 000 funt sterling maoshi bor. Husanov 2024/2025-yilgi mavsumda haftasiga...

Ispaniya La ligasining 35-turi markaziy uchrashuvida «Barselona» o‘z maydonida «Real Madrid»ni qabul qildi. Ispaniyaning eng sovrindor ikki jamoasi o‘rtasidagi an’anaviy o‘yin 4:3 hisobida yakunlandi.

Birinchi bo‘lim: «Real» boshladi, «Barselona» javob qaytaradi

El-Klasiko odatdagidek yuqori kayfiyatda boshlandi. 6-daqiqada Kilian Mbappe penalti ishlab oldi va uni aniqlik bilan golga aylantirdi – 0:1. Shchesni to‘pga tegsa-da, uni qaytara olmadi.

15-daqiqada Mbappe dubl qayd etdi. Yamalning to‘p yo‘qotishidan so‘ng Vinisius tezkor qarshi hujum uyushtirdi va Mbappega pas uzatdi. Fransiyalik hujumchi himoyachilarni ortda qoldirib, darvozabonni ham dog‘da qoldirdi – 0:2. «Real» «Qirollik» kubogi uchun o‘ch olayotgandek ko‘rindi.

Ammo bu El-Klasiko! 20-daqiqada Erik Garsiya burchak...

Rossiyada «SGS-T3» nomli yuqori tezlikdagi fuqaro samolyotini ishlab chiqish loyihasi boshlanishi e’lon qilindi. Bu haqda Texnosfera ma’lum qildi.

Ushbu loyiha 2-2,1 Mach tezlikda uchadigan va 8500 km masofani bosib o‘tadigan samolyot yaratishga qaratilgan. Hozirgi kunda barcha fuqaro aviatsiya samolyotlari subsonik, shuning uchun bu loyiha haqiqiy texnologik inqilobni talab qiladi.

Loyihada bort elektronikalari, yangi dvigatel tizimlari va «yopiq kabina» texnologiyalari ishlab chiqilmoqda. 2025-yilga kelib, bu texnologiyalar Yak-40 samolyotida muvaffaqiyatli sinovdan o‘tdi. Loyiha 2027-yilga kelib to‘liq amalga oshirilishi va o‘zining yuqori tezlikdagi parvoz qobiliyatlarini namoyish etishi kutilmoqda. Umumiy jarayon esa bundan ko‘proq vaqt davom etishi mumkin.

Eslatib o‘tamiz, avvalroq JetZero aviakompaniyasi...

Nogironligi bo‘lgan fuqarolarning bandligini oshirishga qaratilgan qo‘shimcha choralar belgilandi. Bu haqda prezident farmoni e’lon qilindi.

Unga ko‘ra, farmon bilan nogironlar uchun maxsus xizmatlar tizimini yo‘lga qo‘yish, nogiron yoshlarni zamonaviy kasblarga o‘qitish va ishga joylashish imkoniyatlarini kengaytirish belgilandi.

Shuningdek, 2025-yil oxirigacha 80 ming nafar nogiron shaxsning barqaror bandligi ta’minlanadi.

1-iyundan boshlab, I va II guruh nogironlarni ishga olgan tadbirkorlarga 50 million so‘mgacha subsidiya ajratiladi. Subsidiyalar surdotarjimon, psixolog va hamrohlik xizmatlari xarajatlarini qoplashga yo‘naltiriladi.

Jismoniy shaxslarga hamrohlik xizmatini o‘zini o‘zi band qilgan shaxs sifatida ko‘rsatishga ruxsat etiladi. Bundan tashqari, «Yagona milliy ijtimoiy himoya» axborot tizimida mehnatga layoqatli nogironlarning elektron reyestri...

Ispaniyalik olimlar sun’iy intellekt yordamida genlarni boshqaradigan yangi DNK molekulalarini ishlab chiqdilar. Bu haqda CRG ma’lum qildi.

Ushbu DNK parchalari sog‘lom sutemizuvchilarning hujayralarida genlarni yoqish yoki o‘chirishga qodir. Bu texnologiya ildiz hujayralarini kerakli hujayralarga aylantirish, masalan, qon hujayralariga aylantirish imkonini beradi.

Sun’iy intellekt maxsus «enhancer» deb ataluvchi DNK ketma-ketliklarini yaratdi. Ular genlarning aynan qaysi hujayralarda faol bo‘lishini boshqaradi. Olimlar bu molekulalarni kimyoviy yo‘l bilan yaratib, sichqonlarning qon hujayralariga yuborishdi. Natijada genlar aniq va kerakli joyda faollashgani kuzatildi.

Mutaxassislar ushbu texnologiya saraton, autoimmun kasalliklar kabi genlar bilan bog‘liq xastaliklarni davolashda yangi davrni boshlab berishini ta’kidlashmoqda. Sun’iy intellekt biologiyani «dasturlash» imkonini...

Cadillac Escalade 2026 ishlab chiqarish 8-sentabrda Texasdagi GM Arlington Assembly zavodida boshlanadi. Dilerlar esa 2025-yil 10-iyulda buyurtma olishni boshlashlari mumkin. Bu haqda Gmauthority nashri ma’lum qildi.

Styling va mexanik komponentlar 2025-yilgi model yilidan deyarli oʻzgarmagan holda qoladi. Eng diqqatga sazovor vizual yangilanish yangi tashqi boʻyoq rangidir. Bu rang White Frost Tricoat (rang kodi G1W) o‘rniga mo‘ljallangan Vibrant White Tricoat (rang kodi G4J) bo‘ladi.

Yangi Cadillac Escalade’ning narxlari haqida ma’lumotlar hali e’lon qilinmagan. Ammo 2025-yilgi modelga yaqindan rioya qilishi kutilmoqda. Ma’lumot uchun, Luxury’ning asosiy rusumlari $90,2 mingdan (2WD) va $93,2 mingdan (4WD) boshlanadi. Premium Luxury va Sport trimlari mos ravishda...

AQSh prezidenti Donald Tramp mamlakatni ixtiyoriy tark etishga rozi bo‘lgan noqonuniy muhojirlarga bepul aviachipta va $1000 gacha pul kompensatsiyasi berilishini e’lon qildi. Bu haqda u o‘zining Truth sahifasida ma’lum qildi.

Tramp «o‘z-o‘zi deportatsiya qilish» dasturini ishga tushirganini aytib, bu orqali muhojirlarning chiqib ketishini soddalashtirish ko‘zda tutilganini bildirdi. Buning uchun esa aeroportga kelish va maxsus mobil ilova orqali ro‘yxatdan o‘tish kifoya qiladi.

Prezident bu choralar federal budjetga katta mablag‘ tejashini aytib, ixtiyoriy ketishdan bosh tortganlar uchun esa jiddiy jazolar – jarima, qamoq yoki istalgan mamlakatga deportatsiya kabi choralar ko‘rilishini ogohlantirdi.

Eslatib o‘tamiz, avvalroq Tramp 8-mayni G‘alaba kuni deb e’lon...

2025-yilning yanvar – aprel oylarida O‘zbekistonda onlayn kuzatuv kameralar yordamida 3743 ta noqonuniy chiqindi tashlash holati qayd etildi. Bu haqda Ekologiya vazirligi ma’lum qildi.

Unga ko‘ra, mazkur holatlar respublika bo‘ylab maxsus o‘rnatilgan 250 ta kamera orqali aniqlangan bo‘lib, ular tunu kun ishlaydi.

Ekologiya vazirligining Situatsion markazi ma’lumotlariga ko‘ra, ushbu kameralar faqat chiqindi tashlash emas, boshqa turdagi huquqbuzarliklarni ham fosh qilish imkonini bermoqda. Aniqlangan holatlar yuzasidan qonuniy choralar ko‘rilmoqda.

Eslatib o‘tamiz, avvalroq O‘zbekistonning to‘qqizta noyob daraxti xalqaro ro‘yxatga kiritilgani haqida yozgan edik.

12-may kuni O‘zbekiston ko‘plab hududlarida havo biroz bulutli bo‘lib, yog‘ingarchilik kutilmaydi. Ba’zi joylarda shamol kuchayishi va chang-to‘zonlar kuzatilishi mumkin, deya yozmoqda «O‘zgidromet».

Unga ko‘ra, Toshkent shahrida havo ochiq, harorat kechasi 18-20°, kunduzi esa 34-36° issiq bo‘ladi.

Qoraqalpog‘iston va Xorazmda esa harorat 39° gacha ko‘tarilishi mumkin, ayrim hududlarda kuchli shamol va chang-to‘zonlar kuzatiladi.

Buxoro, Navoiy, Toshkent, Sirdaryo, Jizzax va Samarqand viloyatlarida ham havo quruq bo‘lib, harorat kunduz kuni 39° gacha yetadi.

Qashqadaryo va Surxondaryoda esa kechasi 23°, kunduz 39° issiq bo‘ladi.

Andijon, Namangan va Farg‘onaning ayrim hududlarida qisqa muddatli yomg‘ir yog‘ishi mumkin.

Tog‘li hududlarda esa momaqaldiroq va sel...

«Manchester Siti» bosh murabbiyi Pep Gvardiola Erling Xolandning safga qaytishini jamoa uchun muhim hodisa sifatida baholadi. Bu haqda klub saytida ma’lum qilindi.

Hujumchi uzoq tanaffusdan so‘ng «Sautgempton»ga qarshi o‘yinda asosiy tarkibda maydonga tushdi va 97 daqiqa davomida harakat qildi. O‘yin golsiz durang bilan yakunlandi – 0:0.

«Bugun uning jamoada bo‘lishi juda muhim edi. U uzoq vaqt o‘ynamadi, ammo bugungi o‘yinni to‘liq o‘tkazgani ijobiy holat. Men bu darajadagi tayyorgarlikni kutmagandim. U bizga kerak», – deya ta’kidlagan Gvardiola.

«Bizda imkoniyatlar bo‘ldi – Savinyoda, Nikoda. Afsuski, gol ura olmadik. Ular darvozaga biror marta...

Ramazan Temirovning UFC doirasidagi navbatdagi jangi 26-iyul kuni Abu-Dabi (BAA)da bo‘lib o‘tadi. Uning raqibi qozog‘istonlik Asu Almabayev bo‘lishi kutilmoqda. Bu haqda Chempionat xabar bermoqda.

Ramazan Temirov 1997-yil Qarshi shahrida tavallud topgan. UFC’ning yengil vazn toifasidagi rasmiy reytingida 13-o‘rinni egallagan.

Uning professional karyerasida 19 ta g‘alaba, uchta mag‘lubiyat mavjud.

Eslatib o‘tamiz, Kursiv Uzbekistan nashri UFC prezidenti Dana Uayt Adolf Gitlerni qo‘llab-quvvatlagan jangchini qoralagani haqida yozgan edi.

Ijtimoiy tarmoqlarda Buxoro va Xorazm viloyatlarini bog‘lovchi yo‘lda chigirtkalar to‘dasi aniqlangani haqida xabarlar tarqaldi. Buxoro viloyatidagi A-380 avtomobil yo‘lining 327-kilometrida saksovul bukri chigirtkasi to‘dasi aniqlandi va holat nazoratga olindi, deya ma’lum qilmoqda O‘simliklar karantini va himoyasi agentligi.

Zararni oldini olish maqsadida maxsus xizmatlar tomonidan 24/7 rejimida kimyoviy ishlovlar olib borilmoqda. Ayni paytda chigirtkalarga qarshi kurash tadbirlari uyushqoqlik bilan davom etilmoqda.

Mutaxassislar ta’kidlashicha, saksovul bukri chigirtkasi qishloq xo‘jaligi ekinlariga zarar yetkazmaydi. Respublika bo‘yicha 472 ming gektardan ortiq maydonda monitoring o‘tkazilib, 267 ming gektarda zararli chigirtkalar aniqlangan. Shundan 244 ming gektarda zararkunandalarga qarshi kimyoviy ishlov berilgan.

Barcha murojaatlar hududiy shtablar tomonidan...

2025-yil 8-may holatiga ko‘ra, xalqnazorati.uz platformasi orqali jami 22 746 ta murojaat qabul qilingan. Bu haqda Toshkent shahar hokimligi ma’lum qildi.

Unga ko‘ra, eng ko‘p murojaatlar Yunusobod va Mirzo Ulug‘bek tumanlari aholisi tomonidan yuborilgan.

Murojaatlarning 55 tasi portal qoidalari buzilgani yoki boshqa murojaatni takrorlagani sababli rad etilgan. XUJMSH va boshqaruv kompaniyalari faoliyati bo‘yicha 7087 ta murojaat kelib tushgan bo‘lib, ularning 93,4 foizi, ya’ni 6611 tasi hal etilgan.

Murojaatlarning 31,2% qismi uy-joykommunal xo‘jaligi muammolariga to‘g‘ri kelgan bo‘lsa, 27,3 % qismi yo‘llar va piyodalar yo‘laklari asfalt qoplamasining holati yuzasidan yo‘llangan. Shuningdek, 9% qismi obodonlashtirish, qolgan 3% esa ekologik masalalar bilan bog‘liq.

2025-yilning yanvar – mart oylarida O‘zbekistonda ta’lim sohasida ko‘rsatilgan xizmatlar hajmi 8,1 trln so‘mni tashkil etdi. Bu haqda Milliy statistika qo‘mitasi ma’lum qildi.

Bu ko‘rsatkich bozor xizmatlari umumiy hajmining 3,8 foiziga teng.

O‘tgan yilning shu davriga nisbatan ta’lim xizmatlari 7,6 foizga oshgani qayd etilgan. Umumiy ta’lim xizmatlari ichida esa eng katta ulush – 45,8 foiz – oliy ta’lim muassasalari hissasiga to‘g‘ri kelgan.

Eslatib o‘tamiz, avvalroq sakkizta viloyatda «Ilg‘or kasbiy tayyorgarlik markazlari» tashkil etilishi haqida yozgan edik.

Ukraina prezidenti Vladimir Zelenskiy imzolagan farmonga asosan, Rossiya, Xitoy, Eron, Belarus va O‘zbekistonda ro‘yxatdan o‘tgan bir nechta kompaniyalarga nisbatan 10 yil muddatga sanksiyalar joriy qildi.

Umumiy ro‘yxatda 67 ta Rossiya kompaniyasi bilan bir qatorda 7 ta xorijiy yuridik shaxs ham mavjud bo‘lib, ularning 3 tasi O‘zbekistonda faoliyat yuritadi. Shuningdek, ushbu sanksiyalar ro‘yxatiga O‘zbekistonning 1 nafar fuqarosi ham kiritilgan.

Sanksiyaga uchragan kompaniyalardan biri «Mercury Renaissance» MChJ QK bo‘lib, u 2016-yilda Toshkent shahrida davlat ro‘yxatidan o‘tgan. Korxona qurilish texnikasi va uskunalarini ijaraga berish hamda lizing xizmatlari bilan shug‘ullanadi. Uning asosiy ta’sischilari Muminov Rustam Rahimjanovich va Tadjiev Shahriyor Sahiovich hisoblanadi.

Ikkinchi...

2025-yil 9-may kuni ijtimoiy tarmoqlarda bloger Ulug‘bek Ashur tomonidan Andijon viloyati hokimi Shuhrat Abdurahmonovga nisbatan og‘ir va asossiz ayblovlar ilgari surilgan post e’lon qilindi. Hokimlik matbuot xizmati ushbu xabarlarga rasmiy munosabat bildirdi.

Unga ko‘ra, mazkur postda «Andijonlik fuqaro ma’lumotiga ko‘ra» degan ibora ostida viloyat hokimi go‘yoki voyaga yetmagan shaxsga nisbatan jinoyat sodir etgani haqida asossiz bayonot berilgan.

Andijon viloyati hokimligi ushbu ma’lumotlarni mutlaqo asossiz, haqiqatga zid va shaxs sha’ni, qadr-qimmati hamda obro‘siga putur yetkazuvchi tuhmat deb hisoblaydi. Mazkur xabar hech qanday dalil-isbotsiz tarqatilgan bo‘lib, jamoatchilikni chalg‘itish va noto‘g‘ri fikr uyg‘otishga qaratilgani ayon, deyiladi hokimlik xabarida.

Shuni alohida ta’kidlash kerakki...

10-may kuni Shahrisabz aeroporti «Silk Avia» aviakompaniyasining Toshkent – Shahrisabz yoʻnalishidagi ilk reysini kutib oldi. Bu haqda Uzbeksitan Airports ma’lum qildi.

Unga ko‘ra, parvoz zamonaviy ATR 72-600 samolyotida amalga oshirildi. Samolyot an’anaga ko‘ra suv arkasi bilan, ekipaj esa gullar bilan kutib olindi.

Endilikda «Silk Avia» haftasiga to‘rt marta – seshanba, payshanba, juma va shanba kunlari ushbu yo‘nalishda muntazam reyslar yo‘lga qo‘yadi.

Aeroportning uchish-qo‘nish yo‘lagi va yurish yo‘lagi kapital ta’mirlangani sababli, endi u o‘rta masofali samolyotlarni ham qabul qila oladi. Bu esa Shahrisabz shahriga sayyohlar oqimini yanada oshirishi kutilmoqda.

Eslatib o‘tamiz, avvalroq Uzbekistan Airways va Asiana Airlines kod-shering shartnomasini...

O‘zbekiston Respublikasi Mudofaa vaziri Shuhrat Xolmuhammedov va Rossiya Federatsiyasi Mudofaa vaziri Andrey Belousov Moskvada ikki davlat harbiy aloqalarini yanada chuqurlashtirishga kelishib oldilar.

Unga ko‘ra, Belousov O‘zbekiston SSRning urushdagi fidokorona hissasini e’tirof etib, Qizil maydondagi paradga o‘zbekistonlik harbiylarning ishtirokini mantiqiy va tarixiy deb baholadi. Xolmuhammedov esa paradga tayyorgarlik uchun yaratilgan shart-sharoitlar uchun minnatdorlik bildirdi.

Shuningdek, tomonlar 2026 – 2030-yillar uchun harbiy sohadagi strategik hamkorlik dasturini amalga oshirish rejasini imzoladilar.

Eslatib o‘tamiz, avvalroq prezidentning g‘alabaning 80-yilligiga bag‘ishlangan tantanali tadbirlardagi ishtiroki haqida yozgan edik.

Afg‘onistonda «Tolibon» harakati tomonidan shaxmat o‘yini rasmiy ravishda harom deb e’lon qilindi. Ezgulikni targ‘ib qilish va buzuqlikning oldini olish vazirligining bayonotiga ko‘ra, shaxmat diniy jihatdan man etilgan o‘yin hisoblanadi.

Eron OAViga ko‘ra, Afg‘oniston Shaxmat federatsiyasi ham yopilgan.

9-may kuni shaxmatchilar Sport departamentiga murojaat qilib, o‘yinni davom ettirish va musobaqalar o‘tkazishga ruxsat so‘radi. Biroq ularga shaxmatni taqiqlovchi farmon chiqqani va federatsiyaning faoliyati to‘xtatilgani bildirildi.

Eslatib o‘tamiz, avvalroq Tolibon ayollarga qaraydigan derazalarni qurishni taqiqlagan edi.

«Toshshahartransxizmat» AJ matbuot xizmatining ma’lum qilishicha, yoz mavsumida avtobuslar salonlarining mo‘tadil haroratini ta’minlashga doir bir qator ishlar amalga oshirilmoqda. Tashkilot salon ichidagi haroratning yuqori chegarasi 26 gradus ekanini qayd etgan. Avtobusda konditsioner yoqilmasa nima qilish lozim?

Agar siz me’yordan ortiq issiqda jamoat transportidan foydalansangiz, quyidagilarni yodda tuting:

Haydovchiga murojaat qiling

Foydalanuvchi huquqingiz yordamida konditsionerni yoqib qo‘yishni so‘rashingiz mumkin. Ayrim hollarda haydovchilar unutib qo‘yishadi yoki texnik sabablarga ko‘ra yoqmaydi.

Boshqa yo‘lovchilarning fikrini so‘rang

Agar sizdan tashqari boshqalar ham noqulaylik sezayotgan bo‘lsa, birgalikda murojaat qilganingiz samarali bo‘ladi. Ba’zi hollarda sizdagi tibbiy holat ham atrofni issiq yoki yoqimsiz his qilishingizga sabab bo‘lishi...

Angliya Premer-ligasining 36-turida «Manchester Siti» turnir jadvalining quyi qismida joylashgan «Sautgempton» bilan 0:0 hisobida durang o‘ynadi. Uchrashuv davomida to‘liq ustunlikka ega bo‘lgan «shaharliklar» raqib darvozasini ishg‘ol eta olmadi.

To‘p nazorati va zarbalar natija bermadi

«Siti» o‘yinda 72 foiz to‘p nazoratiga ega bo‘lib, jami 640 ta pas amalga oshirdi. «Sautgempton» esa 28 foiz to‘p nazorati bilan 258 ta pas bajardi. Manchesterliklar 26 zarba yo‘llagan, biroq faqat 5 tasi darvoza tomon bo‘lgan. Mezbonlar esa bor-yo‘g‘i ikki marta zarba berdi va ularning hech biri darvozaga yo‘naltirilmagan.

Abduqodir Husanov yana tarkibda yo‘q

O‘zbekistonlik yosh himoyachi Abduqodir Husanov bu safar...

Hindiston va Pokiston to‘rt kecha davom etgan harbiy obyektlarga qarshi o‘zaro havo hujumlaridan so‘ng, o‘t ochishni to‘xtatish bo‘yicha kelishuvga erishdi. Bu haqda AQSh prezidenti Donald Tramp o‘zining Truth Social ijtimoiy tarmog‘ida ma’lum qildi.

Kelishuv Oq uy vositachiligida erishilgan bo‘lib, Tramp bu natijani «keskin kechki muzokaralar» samarasi deb atadi. Dehli hamda Islomobodga oqilona murosaga intilganlari uchun minnatdorlik bildirdi.

Pokiston tashqi ishlar vaziri Ishoq Dar Trampning bayonotini tez orada tasdiqlab, mamlakat mintaqada tinchlik va barqarorlik tarafdori ekanini, shu bilan birga o‘z suvereniteti va hududiy yaxlitligidan hech qachon voz kechmasligini ta’kidladi.

Hindiston tashqi ishlar vaziri o‘rinbosari Vikram Misri esa kelishuvga ko‘ra, 10-may...