Yangiliklar

2025-yil 14-oktabr kuni Namangan viloyati Yangiqo‘rg‘on tumanida og‘ir jinoyat sodir etilgani haqida ichki ishlar organlariga xabar kelib tushdi. Unga ko‘ra, 2018-yilda tug‘ilgan voyaga yetmagan qiz qarindoshlari bilan bo‘lib o‘tayotgan to‘y marosimi vaqtida noma’lum shaxs tomonidan jinsiy zo‘ravonlikka uchragan.

O‘tkazilgan tezkor-qidiruv tadbirlari natijasida jinoyatni sodir etishda gumonlangan 1987-yilda tug‘ilgan, avval sudlangan fuqaro aniqlanib, qo‘lga olindi. Holat yuzasidan Jinoyat kodeksining tegishli moddalariga asosan jinoyat ishi qo‘zg‘atilib, gumonlanuvchiga nisbatan qamoqqa olish ehtiyot chorasi qo‘llandi.

Mazkur ish joriy yilning 24-dekabr kuni Yangiqo‘rg‘on tumani sudida yopiq majlisda ko‘rib chiqildi. Sud hukmiga ko‘ra, ayblanuvchi voyaga yetmagan qizga nisbatan bir nechta og‘ir jinoyatlarni sodir etganlikda...

AQSh dollari 2025-yilda jahon bozorida sezilarli darajada o‘z pozitsiyasini yo‘qotdi. Bloomberg’ning tahlillariga ko‘ra, joriy yil yakunlari Amerika valyutasi uchun 2017-yildan buyon eng omadsiz natijani qayd etishi kutilmoqda.

Yil boshidan buyon dollar dunyoning asosiy valyutalariga nisbatan keskin qadrsizlandi. Bloomberg dollar Spot indeksi ma’lumotlariga qaraganda, pasayish qariyb 8 foizni tashkil etgan. 23-dekabr sanasida indeks oktabr oyi boshidan beri kuzatilgan eng past darajaga tushib ketdi.

Garchi vaqti-vaqti bilan qisqa muddatli tiklanishlar kuzatilgan bo‘lsa-da, umumiy tendensiya pastlash tomonga yo‘nalganligicha qolmoqda.

Qiziqarlisi shundaki, AQSh iqtisodiyotidagi ijobiy ko‘rsatkichlar ham valyutani qutqarib qola olmadi. 23-dekabr kuni e’lon qilingan hisobotda Amerika iqtisodiyoti uchinchi chorakda 4,3 foizga o‘sgani...

Nigeriyaning Borno shtati poytaxti Maidugurida 24-dekabr kuni namoz vaqtida masjidda portlash yuz berdi. Bu haqda Reuters agentligi ma’lum qildi.

Unga ko‘ra, hozircha qurbonlar yoki jarohatlar soni haqida rasmiy ma’lumot berilmagan. Portlash hududda so‘nggi yigirma yil davomida faoliyat yuritib kelayotgan Boko Haram va uning bo‘limi G‘arbiy Afrika islomiy davlati provinsiyasi (ISWAP) tomonidan uyushtirilgan isyon markazida sodir bo‘lgan.

Hozirgacha hech bir guruh portlash uchun javobgarlikni o‘z zimmasiga olmadi. Ilgari Boko Haram Maidugurida masjidlar va gavjum joylarda o‘zini o‘zi portlatish hamda portlovchi qurilmalardan foydalangan hujumlar uyushtirgan.

Boko Haram 2009-yilda Borno shtatida isyon boshlagan va Islom xalifaligi o‘rnatishga intilgan. Harbiy qarshi...

Huawei va GAC hamkorligida yaratilgan Qijing brendi ostidagi ilk avtomobil rasman namoyish etildi. Yangi model sport universal bo‘lib, L3 darajadagi avtopilot tizimi bilan jihozlangan.

Avtomobil Xitoy ichki bozorida yil oxirigacha sotuvga chiqadi. Dastlabki yetkazib berishlar 2026-yil iyun oyiga rejalashtirilgan. Rasmiy videoda Huawei’ning aqlli avtomobil yechimlari bo‘limi rahbari va Qijing bosh direktori avtomobilni sinovdan o‘tkazdi.

Kompaniya vakillariga ko‘ra, dizayn, boshqaruv dinamikasi va intellektual imkoniyatlar bo‘yicha model qariyb $140 ming turadigan premium avtomobillarga teng. Biroq Qijing’ning birinchi modeli taxminan $42,7 ming narxda taklif etiladi.

Tashqi ko‘rinishda egilgan kapot chizig‘i va katta faol havo kirish qismi ajralib turadi. Tom qismida lidar joylashgan...

Amerikaning The Economist jurnali an’anaviy ravishda Yangi yil arafasida yil mamlakatini tanladi.

Unga ko‘ra, Suriya 2025-yilda yil mamlakati bo‘ldi. Bu yil Argentina va Suriya yil mamlakati unvoniga asosiy da’vogarlar bo‘lgan, ammo bu butunlay boshqa sabablarga ko‘ra tanlangan.

Suriya siyosiy taraqqiyotga erishdi. Bir yildan sal ko‘proq vaqt oldin, mamlakat diktator Bashar Asad tomonidan boshqarilgan, Eron va Rossiya tomonidan qo‘llab-quvvatlangan . Uning hukmronligi davrida qamoqxonalar siyosiy mahbuslarga to‘la edi va dissidentlar qiynoqqa solingan yoki o‘ldirilgan. Suriyadagi 13 yillik fuqarolar urushi davomida yarim milliondan ortiq odam halok bo‘ldi.

Biroq 2024-yilning dekabr oyida Asad hokimiyatdan ag‘darilib, Rossiyaga qochdi va hukumat tepasiga sobiq...

2025-yilda ko‘plab flagman smartfonlar batareya sig‘imi bo‘yicha sezilarli yaxshilandi. Bunda o‘yinlar uchun eng uzoq ishlaydigan modellarning aksariyati Xitoy brendlariga to‘g‘ri keldi. GSMArena mutaxassislari tuzgan Active Use Score reytingiga ko‘ra, quyida 2025-yilning eng avtonom smartfonlari keltirilgan.

OnePlus 15

Reytingda birinchi o‘rinni OnePlus 15 egalladi. 7300 mA/soat batareya bilan u foydalanishda 23 soat 7 daqiqa ishlagan. Qurilma ayniqsa internetda ishlash va video ko‘rishda juda tejamkor chiqdi. O‘yinlar uchun esa 13 soatdan ortiq chidab beradi. 120 vattli tezkor quvvatlash batareyani 39 daqiqada to‘liq to‘ldiradi. Displeyi juda sifatli, ammo kamerasi bu yil kuchli baholanmadi.

Eslatib o‘tamiz, avvalroq Tom’s Guide reytingida ham bu...

Moskvada ayni paytda 400 mingdan 500 minggacha ishchi yetishmayapti. Bu haqda shahar meri Sergey Sobyanin Moskva shahar dumasi yig‘ilishidagi hisoboti chog‘ida ma’lum qildi.

Sergey Sobyaninning ta’kidlashicha, demografik inqiroz sababli kadrlarga bo‘lgan ehtiyoj kelajakda yanada ortishi kutilmoqda. Garchi iqtisodiyotning turli sohalarida mutaxassislar yetishmasa-da, eng katta talab ishchi kasblariga to‘g‘ri keladi. Mavjud bo‘sh ish o‘rinlarining 70 foizida yuqori malakali ishchilar talab qilinmoqda.

Shahar merining so‘zlariga ko‘ra, avvalroq ta’lim bozorida nomutanosiblik yuzaga kelgan: oliy ma’lumotli mutaxassislar ko‘payib, kollejlar (o‘rta maxsus ta’lim) unchalik ommalashmagan edi. Hozirda meriya ushbu vaziyatni o‘zgartirish va ishchi kasblariga qiziqishni oshirish bo‘yicha choralar ko‘rmoqda.

Hh.ru ma’lumotlariga ko‘ra, Moskva bo‘sh...

Tijorat banklari 25-dekabr kuni xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi.   

General Motors (GM) o‘z avtomobillarining interyerini yanada jozibador qilish maqsadida yangi texnologiya ustida ishlamoqda. Bu haqda Tarantas News nashri xabar berdi.

General Motors salon ichidagi fon yoritgichlari tizimlari uchun mo‘ljallangan Radiance Lighting savdo belgisini ro‘yxatdan o‘tkazish jarayonini boshladi. Tegishli hujjatlar 2025-yilning 17-dekabr kuni AQSh Patent va savdo belgilari byurosiga (USPTO) yuborilgan bo‘lib, ayni paytda ko‘rib chiqish bosqichida turibdi.

Tizim nimalarga qodir

Tavsifga ko‘ra, Radiance Lighting – bu avtomobil ichki muhitidagi atmosfera yoritgichlari hamda displeylar yorqinligini boshqaruvchi elektron tizim. Hozircha ushbu texnologiya birinchi bo‘lib aynan qaysi modellarda qo‘llanilishi rasman e’lon qilinmagan.

GM so‘nggi yillarda interyer yoritish yo‘nalishini faol rivojlantirmoqda...

Namangan viloyatida «Ko‘mir ta’minot» MChJning viloyat filialida boshliq o‘rinbosari sifatida ishlaydigan mansabdor shaxs pora ustida ushlandi. Bu haqda DXX matbuot xizmati ma’lum qildi.

Ma’lum bo‘lishicha, u fuqaroni tuman ko‘mir ombori rahbari lavozimiga tayinlash va omborga keluvchi ko‘mir ortilgan yuk vagonlari sonini oshirish evaziga $40 ming talab etgan. 6-dekabr kuni u talab qilingan pulning $25 ming qismini filial xodimi orqali olgan va fuqaroni lavozimga tayinlashni ta’minlagan.

Keyinchalik qolgan $15 ming va 30 ta ko‘mir vagonining ortilishi evaziga qo‘shimcha $7,5 ming olish harakatlari Davlat xavfsizlik xizmati va Iqtisodiy jinoyatlarga qarshi kurashish departamenti tomonidan to‘xtatilgan.

Mazkur shaxsga nisbatan JKning 168-moddasi 4-qismi...

Qatarning Doha shahrida Osiyo Chempionlar ligasi 2 musobaqasining «B» guruhi 6-turi doirasida «Al-Ahli» va «Andijon» jamoalari o‘zaro bahs olib bordi. «Al Tumama» stadionida kechgan uchrashuvda mezbonlar 2:0 hisobida g‘alaba qozondi.

Uchrashuv taqdirini Mishel Vlap tomonidan kiritilgan ikkita gol hal qildi. O‘yinning 26-daqiqasida hisobni ochgan Vlap, 65-daqiqada dublni rasmiylashtirib, jamoasining ishonchli g‘alabasini ta’minladi. Ushbu natija «Andijon»ning guruhdan chiqish imkoniyatini yo‘qqa chiqardi va jamoa uchun joriy mavsumdagi xalqaro yurish yakunlandi.

O‘yindan keyingi matbuot anjumanida «Andijon» bosh murabbiyi Samvel Babayan raqibning kuchli ekanini tan oldi.

«Afsuski, juda muhim bahsda mag‘lubiyatga uchradik. Bu o‘yindagi ijobiy natija guruhdan chiqish imkoniyatimizni...

DDR4 operativ xotira narxlari keskin ko‘tarildi. Spoto bozorida 16 GB DDR4 modulining qiymati $60 ga yetdi. Bu haqda Toms Hardware xabar berdi.

Ko‘rsatkich so‘nggi yillar uchun rekord hisoblanadi. Narxlarning o‘sishi fonida Samsung DDR4 xotira ishlab chiqarishni to‘xtatish rejasini kechiktirdi. Avvalroq kompaniya eski standartdan voz kechib, resurslarni HBM va DDR5 xotiralariga yo‘naltirmoqchi edi. Biroq Samsung ishlab chiqarishni kengaytirmaydi. Gap faqat mavjud liniyalar faoliyatini vaqtincha davom ettirish haqida bormoqda. Narxlar oshgani sabab DDR4 yana kompaniya uchun daromadli segmentga aylandi.

Ma’lum qilinishicha, Samsung yirik mijozlardan biri bilan NCNR turidagi shartnoma imzolagan. Bu shartnoma bekor qilib bo‘lmaydi va mahsulotni qaytarish imkonini bermaydi. Yetkazib...

Android Headlines nashri OnePlus Turbo smartfonining real suratlari va texnik tafsilotlarini e’lon qildi. Qurilma Xitoy bozorida Turbo liniyasi ostida, global bozorda esa Nord seriyasiga mansub bo‘lishi kutilmoqda.

Smartfon 9000 mA/soatli batareya bilan jihozlanadi va 80 Vt quvvatdagi tezkor quvvatlashni qo‘llab-quvvatlaydi. Bu ko‘rsatkich uni o‘rta segmentdagi eng uzoq ishlaydigan modellardan biriga aylantiradi.

Turbo 6,8 dyuymli OLED displeyga ega bo‘ladi. Ekran 1,5K aniqlik va 144 Hz yangilanish chastotasini taqdim etadi. Qurilmaning yuragi sifatida Qualcomm’ning Snapdragon 7s Gen 4 protsessori tanlangan. Operativ xotira hajmi 8 GB bo‘ladi.

Asosiy blok 50 va 8 MP datchiklardan iborat. Old kamera esa 32 MP aniqlikka ega...

Mamlakat hududidagi o‘rnatilgan foto-video qayd etish tizimi bilan bog‘liq tanqidiy maqola yuzasidan rasmiy ma’lumot berildi. Bu haqda IIV ma’lum qildi.

Unga ko‘ra, maqolada tizim orqali transport vositalari, davlat raqam belgilari, hodisa joyi koordinatsiyalari va qoidabuzarliklar to‘g‘risidagi ma’lumotlarni internet orqali olish mumkin. Bu esa respublika bo‘ylab harakat qilayotgan transport vositalarini kuzatish imkonini berishi aytilgan.

Vazirlikning ta’kidlashicha, mazkur axborot haqiqatga mos kelmaydi. O‘zbekiston hududida o‘rnatilgan foto-video qayd etish tizimi fuqarolarning shaxsiy hayotiga aralashmasligini ta’minlaydi va qoidabuzarliklar bilan bog‘liq ma’lumotlar maxsus tartibda himoyalangan holda qayd etiladi.

Ma’lumot uchun, Techcrunch nashri tomonidan e’lon qilingan maqolada O‘zbekiston bo‘ylab o‘rnatilgan yuzga yaqin...

Shavkat Mirziyoyev 24-dekabr kuni Surxondaryo viloyatini ijtimoiy-iqtisodiy rivojlantirish, ish o‘rinlari yaratish va kambag‘allikni qisqartirish masalalari yuzasidan yig‘ilish o‘tkazdi. Bu haqda davlat rahbari matbuot xizmati ma’lum qildi.

Yig‘ilishda so‘nggi sakkiz yilda viloyatga 3 mlrd dollar xorijiy investitsiya jalb etilgani, 4 mingta sanoat korxonasi ishga tushirilgani aytildi. Sanoat ishlab chiqarish hajmi ikki barobarga oshib, joriy yilda 17,2 trln so‘mga yetishi kutilmoqda. Charm-poyabzal, zargarlik, qurilish materiallari va farmatsevtika kabi yangi tarmoqlar shakllangan.

Kambag‘allikni qisqartirish bo‘yicha joriy yilda 126 ming oila kambag‘allikdan chiqarilib, kambag‘allik darajasi 9,3 foizdan 5,6 foizgacha pasayishi kutilmoqda. «To‘palang» suv omboridan quvur tortilishi natijasida Sherobod, Boysun, Bandixon, Muzrabot, Oltinsoy...

25-dekabr sanasi jahon tarixida ulkan siyosiy o‘zgarishlar, ilm-fan yutuqlari va madaniyat olamidagi yo‘qotishlar bilan muhrlangan. Sovet Ittifoqining rasman tugatilishi, insoniyatning koinotni o‘rganishdagi yangi qadami va boshqa voqealar shular jumlasidandir. Kursiv Uzbekistan kunning eng muhim voqealari xronologik tartibda taqdim etadi.

1492-yili Xristofor Kolumbning mashhur ekspeditsiyasi davomida kutilmagan falokat yuz berdi. «Santa Mariya» kemasi Gaiti qirg‘oqlari yaqinidagi riflarga urilib, halokatga uchradi. Natijada Kolumb va uning jamoasi orolda qolishga majbur bo‘ldi hamda bu yerda «La Navidad» nomli birinchi yevropaliklar manzilgohiga asos soldi.

1642-yilda buyuk ingliz fizigi, matematik va astronom Isak Nyuton dunyoga keldi. U klassik mexanika qonunlarini yaratish, butun olam tortishish...

25-dekabr kuni O‘zbekiston hududida ob-havo o‘zgaruvchan bo‘ladi, ayrim joylarda tuman tushishi mumkin, yog‘ingarchilik asosan kutilmaydi. Harorat kechasi -6…+5°, kunduzi +3…+13° oralig‘ida bo‘ladi, deya xabar beradi «O‘zgidromet».

Quyida ob-havo ma’lumoti viloyatlar kesimida:

O‘zbekiston fuqarolarining rasmiy bayram kunlarida to‘liq dam olishini ta’minlash va ichki turizmni rivojlantirish maqsadida 2026-yil uchun qo‘shimcha dam olish kunlari belgilandi. Bu haqda prezident farmoni e’lon qilindi.

2025-yilda barcha xodimlar uchun qo‘shimcha dam olish kuni 31-dekabr – chorshanba kuni etib belgilandi. 2026-yilda barcha xodimlar uchun 2-yanvar, 28-29-may va 31-avgust, olti kunlik ish haftasida ishlaydigan xodimlar uchun 3-yanvar, 30-may va 31-dekabr kunlari qo‘shimcha dam olish kuni sifatida tasdiqlandi.

Bayram kunlari 8-mart, 21-mart va 9-may kunlari dam olish kunlariga to‘g‘ri kelishi sababli ular mos ravishda 9-mart, 23-mart va 11-may kunlariga ko‘chirildi. Besh kunlik ish haftasida ishlaydigan xodimlar uchun 12-dekabr...

Shavkat Mirziyoyev Ilhom Aliyevni tug‘ilgan kuni bilan tabrikladi, Qozog‘istonda 16 yoshli qizni zo‘rlab o‘ldirgan o‘zbekistonlik umrbodga qamaldi — Kursiv Uzbekistan tomonidan 24-dekabrning muhim hodisalari jamlandi.

Shavkat Mirziyoyev Ilhom Aliyevni tug‘ilgan kuni bilan tabrikladi

24-dekabr kuni bo‘lib o‘tgan telefon suhbatida Shavkat Mirziyoyev Ozarbayjon prezidenti Ilhom Aliyevni tavallud kuni bilan samimiy muborakbod etdi. Bu haqda davlat rahbari matbuot xizmati xabar berdi. Mirziyoyev Aliyevning Ozarbayjon mustaqilligini mustahkamlash, mamlakatni birlashtirish, barqaror rivojlanishini ta’minlash va xalqaro nufuzini oshirishdagi muhim tarixiy rolini alohida ta’kidladi.

Ronaldu Saudiya Arabistonidagi hashamatli oroldan ko‘chmas mulk xarid qildi

Red Sea Global (RSG) kompaniyasi futbol yulduzi Krishtianu Ronaldu va...

Umid Rustamovich Shadiyev Turizm qo‘mitasi raisi lavozimidan ozod etildi. Qo‘mitaning yangi raisi sifatida Abdulaziz O‘rolboyevich Aqqulov tayinlandi.

Umid Rustamovich Shadiyev boshqa ishga o‘tishi munosabati bilan O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi raisi lavozimidan ozod etildi. Rustamovich 1983-yilda Toshkent shahrida tug‘ilgan. 2006 – 2023 yillarda Tashqi ishlar vazirligi va xalqaro tashkilotlarda turli lavozimlarda ishlagan. 2023-yildan buyon Turizm qo‘mitasi raisi lavozimida faoliyat yuritgan, Toshkent davlat iqtisodiyot universiteti magistratura bo‘limini tamomlagan.

Shu bilan birga, Abdulaziz O‘rolboyevich Aqqulov Turizm qo‘mitasi raisi lavozimiga tayinlandi. Aqqulov 1985-yilda tug‘ilgan. Bungacha u O‘zbekistonning BAAdagi Favqulodda va muxtor elchisi, Turizm...

Realme kompaniyasi yangi Neo 8 smartfonini 2026-yil yanvarda bozorga chiqaradi. Bu haqda Mydrivers nashri ma’lum qildi.

Qurilma Snapdragon 8 Gen 5 bir kristalli platformasi asosida ishlab chiqiladi va yuqori unumdorlikka ega bo‘ladi. Realme Neo 8 dizayni metall ramka va shisha orqa panel bilan ajralib turadi. Smartfon ekran osti ultratovushli barmoq izi skaneri va to‘liq suvdan himoya qilish funksiyasiga ega bo‘ladi.

Qurilmada 8000 mA·soat sig‘imli akkumulyator, 50 megapikselli asosiy kamera va Samsung ishlab chiqargan 6,78 dyuymli ekran o‘rnatiladi. Ekran 1,5K aniqlik va 165 Gts yangilanish chastotasini qo‘llab-quvvatlaydi.

Taxminiy narxi 2200 – 2600 yuan ($310 – $370) atrofida bo‘lishi kutilmoqda...

O‘zbekiston Respublikasi prezidenti Shavkat Mirziyoyev Oliy Majlis va O‘zbekiston xalqiga murojaat qiladi. Bu haqda rasmiy manbada ma’lum qilindi.

Murojaatnoma mamlakat taraqqiyotining yaqin istiqboldagi strategik yo‘nalishlarini belgilab beradi va yangi bosqichdagi tub islohotlarni amalga oshirishga qaratilgan eng muhim siyosiy voqea hisoblanadi.

Murojaatnomani jonli efirda milliy telekanallar orqali tomosha qilish mumkin: O‘zbekiston 24, O‘zbekiston, Yoshlar, Mahalla, Madaniyat va ma’rifat, Toshkent, Dunyo bo‘ylab, O‘zbekiston tarixi hamda 12 ta hududiy kanal. Nodavlat telekanallarda esa MY5, Sevimli, Uzreport TV, Milliy TV, Zor TV orqali ko‘rish mumkin.

Shuningdek, murojaatnoma prezidentning Facebook, Instagram, YouTube’dagi rasmiy sahifalari va veb-saytida efirga uzatiladi.

Eslatib o‘tamiz, avvalroq Mirziyoyev to‘qimachilik...

Prezident «2026 – 2030-yillarga mo‘ljallangan bolalarni zo‘ravonlikning barcha shakllaridan himoya qilish strategiyasini tasdiqlash to‘g‘risida»gi farmonni qabul qildi. Bu haqda Adliya vazirligi ma’lum qildi.

Hujjatga muvofiq, 2026-yil 1-fevraldan zo‘ravonlik oqibatida oilasidan ajratilgan, shuningdek, o‘ziga nisbatan zo‘ravonlik sodir etilishi xavfi ostida bo‘lgan va ijtimoiy jihatdan xavfli ahvoldagi bolalar uchun professional tutingan oila xizmati yo‘lga qo‘yiladi.

Professional tutingan oilani tashkil etishga nomzodlar bolalarda zo‘ravonlik oqibatida yuzaga kelgan ruhiy jarohatlarning salbiy ta’sirini kamaytirishga qaratilgan ijtimoiy-reabilitatsiya dasturlari asosida o‘qitiladi. Zo‘ravonlik natijasida oilasidan olingan, ijtimoiy himoyaga muhtoj bolalar professional tutingan oilalarga «Inson» markazlari orqali, shartnoma asosida joylashtiriladi.

Professional tutingan oilaga har bir joylashtirilgan bola...

Xitoyda budjet toifasiga mansub Honor Play 10A smartfonining savdosi rasman boshlandi. Bu haqda ITHome nashri ma’lum qildi.

Qurilmaning bazaviy versiyasi 800 yuan ($115) narxda taklif etilmoqda. Milliy subsidiya hisobga olinganda, 4/128 GB xotirali model narxi 680 yuan ($95)gacha pasayadi. Eng yuqori konfiguratsiya – 6/128 GB – 900 yuan, subsidiya bilan esa 765 yuan (mos ravishda $125 va $110) etib belgilangan.

Honor Play 10A MediaTek Dimensity 6300 5G bir kristalli tizimi asosida ishlaydi. Smartfon 6,75 dyuymli HD+ aniqlikka ega. 90 Gts yangilanish chastotasini qo‘llab-quvvatlaydigan ekran bilan jihozlangan. Qurilmada 5300 mA·soat sig‘imli akkumulyator o‘rnatilgan bo‘lib, u 15 vattli quvvatlashni qo‘llab-quvvatlaydi.