Yangiliklar

Odam savdosidan jabrlanganlarni aniqlash va ularni jamiyatga qayta integratsiya qilish uchun 1-sentabrdan ishonch telefonlari, sun’iy intellektga asoslangan migratsiya maslahat byurolari va yangi identifikatsiya tartibi ishga tushiriladi. Bu haqda prezident farmoni qabul qilindi.

Jabrlanganlarni aniqlash vakolati kengaytiriladi

Unga ko‘ra, «Inson» markazlari, Ijtimoiy himoya milliy agentligi tizimidagi ixtisoslashgan muassasalar hamda nodavlat notijorat tashkilotlariga odam savdosidan jabrlanganlarni dastlabki identifikatsiya qilish vakolati beriladi.

Yangi maqom va muddatlar belgilanadi

Dastlabki identifikatsiyadan o‘tgan shaxsga bir oygacha «odam savdosidan jabrlangan deb taxmin qilinayotgan shaxs» maqomi beriladi. Yakuniy identifikatsiyadan so‘ng esa jabrlanuvchi maqomi ko‘pi bilan bir yil muddatga rasmiylashtiriladi. Yakuniy identifikatsiya hududiy komissiyalar tomonidan...

2026-yilda Toshkent shahar avtobus yo‘nalishlarida brutto-shartnoma talablari bajarilishi yaxshilanib, sifat mezonlariga rioya qilish darajasi 46 foizga yetdi. Bu haqda «Toshshahartransxizmat» AJ xabar berdi.

Ma«lum qilinishicha, nazorat tadbirlari natijasida tashuvchi korxonalar tomonidan minimal talablarni buzish holatlari sezilarli darajada qisqargan. Xususan, 2026-yil boshidan buyon haydovchilar va avtobuslarga qo‘yilgan talablar buzilishi 50,5 foizga kamaygan.

Shuningdek, tashuvchi korxonalar tomonidan qatnovlarni belgilangan sifat mezonlariga muvofiq amalga oshirish ko‘rsatkichi ham yaxshilanib, 2026-yilda 46 foizga yetgan.

Avvalroq Kursiv Uzbekistan Toshkentda ikki Yutong avtobusi ishtirokida YTH sodir bo‘lgani haqida yozgandi.

Chevrolet’ning faqat etanol yonilg‘isida harakatlanadigan 2027-yilgi Onix Eco modeli Braziliyada yaxshi talabga ega bo‘lmoqda. General Motors vakiliga ko‘ra, model ayniqsa dekarbonizatsiya maqsadlariga e’tibor qaratayotgan kompaniyalar orasida qiziqish uyg‘otgan.

Yangi 2027-yilgi Chevy Onix Eco iyun oyida rasman namoyish qilingan. Ushbu talqin faqat Braziliya bozorida taklif etilmoqda.

Model mamlakatda etanol yonilg‘isi keng tarqalgani va barqaror avtomobil dasturi mavjudligidan foyda olmoqda.

Sotuvlar yaxshi ketmoqda

GM South America ijrochi vitse-prezidenti Fabio Rua Onix Eco Federal hukumatning Sustainable Car dasturiga kiritilganini aytdi.

Uning so‘zlariga ko‘ra, avtomobil yaxshi taassurot qoldirmoqda, jumladan, karbon chiqindilarini kamaytirish maqsadlariga ega kompaniyalar ham ushbu modelni xarid qilmoqda.

Onix...

Xitoyning Xpeng kompaniyasi global bozor uchun ishlab chiqilgan Xpeng G9L elektr krossoverining salonini namoyish etdi. Bu haqda CarNewsChina nashri xabar bermoqda.

Besh o‘rindiqli to‘liq o‘lchamli model 5,1 kvadrat metr foydali ichki maydon, keng ikkinchi qator, 12,5 litrli muzlatkich va 577 ot kuchiga ega ikki motorli tizim bilan jihozlanadi.

Kompaniya ma’lumotiga ko‘ra, Xpeng G9L o‘z sinfidagi eng keng ikkinchi qatorlardan birini taklif etadi. Orqa qatordagi o‘ng o‘rindiq elektr oyoq tayanchi va «nol gravitatsiya» rejimiga ega. Old yo‘lovchi o‘rindig‘i ham ushbu rejimni qo‘llab-quvvatlaydi hamda to‘liq yotqizilganda orqa yo‘lovchi uchun uxlash joyini hosil qiladi.

Texnik imkoniyatlar

Ikkinchi qatorning markaziy o‘rindig‘i tirsakqo‘ygichga...

Toshkent shahrining Yunusobod tumanida 17 va 85-sonli yo‘nalishlarda harakatlangan ikki Yutong avtobusi ishtirokida yo‘l-transport hodisasi sodir bo‘ldi. Holat yuzasidan «Toshshahartransxizmat» AJ rasmiy izoh berdi.

Oqibatda bir nafar yo‘lovchi tan jarohati olib, shifoxonaga murojaat qildi.

Hodisa qanday yuz berdi

Unga ko‘ra, 2-avgust kuni soat 08:10 atrofida 17-sonli yo‘nalishda harakatlanayotgan Yutong gaz avtobusi Yunusobod tumanidagi Amir Temur shoh ko‘chasida harakatlanayotib, haydovchining ehtiyotsizligi sabab «Yulduz» bekatida to‘xtab turgan 85-sonli yo‘nalishdagi Yutong elektrobusining orqa qismiga urilgan.

Jarohatlangan yo‘lovchiga yordam ko‘rsatildi

Hodisa oqibatida gaz avtobusidagi bir nafar yo‘lovchi tan jarohati olgan. Haydovchi uni tez tibbiy yordam mashinasida Toshkent davlat tibbiyot universitetining stomatologiya...

4-avgust uchun valyutalar kursi yangilandi. Unga ko‘ra, dollar kursi 47,25 so‘mga tushib, 11 942,21 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

28-iyul kuni esa 30,16 so‘mga tushib, 11 988,92 so‘m bo‘ldi. Dollar 29-iyul kuni 61,42 so‘mga oshib, 12 050,34 so‘m, 30-iyul kuni esa 15,08 so‘mga tushib, 12 035,26 so‘mga, 31-iyul kuni 28,87 so‘mga tushib, 12 006,39 so‘m yetgan edi. 3-avgust kuni 46,21 so‘mga tushib, 12 960,13 so‘mga pasaydi. 4-avgust kuni esa o‘sish tendensiyasini ko‘rsatib, 11 989,14 so‘mni (+29,28) tashkil etdi.

Yevro kursida ham tushish kuzatildi. Yevropa...

Oppo Xitoyda yangi A7 Pro Max smartfonini rasman namoyish qildi. IT Home nashriga ko‘ra, qurilmaning asosiy jihati 10 000 mA/soat sig‘imli katta batareya, 80 vattli tezkor quvvatlash va IP69K darajasigacha himoyalangan korpus.

Oppo ma’lumotiga ko‘ra, A7 Pro Max to‘liq quvvat bilan taxminan 24 soat davomida qisqa videolarni uzluksiz tomosha qilish imkonini beradi.

Kompaniya akkumulyator 1500 ta quvvatlash siklidan keyin ham dastlabki sig‘imining kamida 80 foizini saqlab qolishini ta’kidlamoqda.

Smartfon 80 vattda quvvatlanadi

Qurilma Oppo’ning 80 vattli tezkor quvvatlash texnologiyasini qo‘llab-quvvatlaydi. Shuningdek, UFCS, PPS va USB Power Delivery standartlari bilan ham mos keladi.

A7 Pro Max’dan tashqi akkumulyator sifatida...

Kuvayt poytaxtida «Ozbek by Kasimov» nomli ilk o‘zbek restorani ish boshladi. «Dunyo» axborot agentligiga ko‘ra, unda palov, somsa, kabob, o‘zbek noni va milliy shirinliklar kabi an’anaviy taomlar tayyorlanadi.

Restoran orqali mahalliy aholi va xorijiy mehmonlar O‘zbekistonning gastronomik merosi bilan yaqindan tanishish imkoniyatiga ega bo‘ladi.

Menyuda milliy taomlar bor

Restoranda o‘zbek oshxonasining eng mashhur taomlari tayyorlanadi. Ular orasida palov, somsa, kabob, o‘zbek noni va turli milliy shirinliklar bor.

Bu taomlar O‘zbekiston milliy oshxonasining o‘ziga xos ta’mi va an’analarini namoyish etadi.

Gastronomik turizm uchun ahamiyatli

O‘zbek milliy taomlarining xorijda ommalashishi mamlakatning turistik jozibadorligini oshirishga xizmat qiladi.

Bunday loyihalar O‘zbekistonga...

Kongo Demokratik Respublikasida Ebola virusibilan kasallanish holatlari soni 3 748 nafarga yetgan, qurbonlar soni esa 1 657 kishini tashkil qilmoqda. Bu haqda Kongo Milliy jamoat salomatligi instituti Linkedin’dagi sahifasida xabar berdi.

Bir sutkada 74 ta yangi holat qayd etildi

So‘nggi 24 soat ichida mamlakatda 74 nafar bemorda Ebola infeksiyasi aniqlangan. Shu davrda 36 kishi vafot etgan, 42 nafar bemor esa sog‘aygan.

JSST vaziyatdan xavotir bildirdi

Jahon sog‘liqni saqlash tashkiloti (JSST) Kongoda Ebola virusi tarqalishi davom etayotganidan jiddiy xavotir bildirgan. Tashkilotga ko‘ra, kasallanish holatlarining ko‘payishi, virus tarqalish geografiyasining kengayishi va o‘lim ko‘rsatkichining yuqoriligicha qolayotgani epidemiologik vaziyat tez sur’atlarda...

Xalqaro shaxmat federatsiyasi 2026-yil avgust oyi uchun dunyoning eng kuchli shaxmatchilari reytingini e’lon qildi. O‘zbekistonlik grossmeyster Javohir Sindarov 2 777 ochko bilan to‘rtinchi o‘rinni egalladi.

Reytingda kimlar yetakchi

U ayni paytda O‘zbekiston va Osiyoning faol shaxmatchilari orasida eng yuqori o‘rinni egallab turibdi. Jahon reytingida norvegiyalik Magnus Karlsen 2823 ochko bilan yetakchilik qilmoqda. Ikkinchi va uchinchi o‘rinlarni 2792 ochkodan jamg‘argan amerikalik Fabiano Karuana hamda Hikaru Nakamura egalladi. Sindarov ulardan 15 ochko ortda qolmoqda. Beshinchi pog‘onadagi germaniyalik Vinsent Keymerning hisobida 2767 ochko bor, bu Sindarovnikidan o‘n ochko kam.

Avgust oyidagi yangilanishda Javohir Sindarovning reytingi 2777 ochkoligicha qoldi. U 2026-yil may oyida...

Qonunchilik palatasi deputatlari aholiga notariat xizmatlarini sifatli va shaffof ko‘rsatish, shuningdek sohada amalga oshirilayotgan islohotlar samaradorligi yuzasidan Adliya vaziri Aziz Toshqulovga parlament so‘rovini yubordi. Bu haqda palataning rasmiy sahifasida ma’lum qilindi.

Raqamlashtirish bo‘yicha islohotlar amalga oshirilgan

So‘nggi yillarda notariat tizimini modernizatsiya qilish maqsadida «Notarius» avtomatlashtirilgan axborot tizimi, E-notarius.uz portali, Face-ID va Mobile-ID texnologiyalari joriy etildi. Shuningdek, ayrim notarial harakatlarni videokonferensaloqa orqali masofadan turib rasmiylashtirish imkoniyati yaratildi.

Hududlarda yagona amaliyot shakllanmagan

Deputatlar saylov okruglarida fuqarolar bilan o‘tkazilgan uchrashuvlar davomida ayrim hududlarda bir xil huquqiy munosabatlarga nisbatan turlicha notarial amaliyot qo‘llanayotgani va qonun normalarining yagona tartibda tatbiq etilishi to‘liq...

Chirchiq daryosi o‘zanidan tegishli ruxsatnomasiz qum-shag‘al qazib olish oqibatida davlat va jamiyat manfaatlariga 1,9 trln so‘mlik zarar yetkazilgani aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Departamentning Toshkent shahar boshqarmasi hamda Ekologiya va iqlim o‘zgarishi milliy qo‘mitasi xodimlari hamkorligida o‘tkazilgan tezkor tadbir davomida MChJlardan birining mas’ul shaxslari Toshkent shahri va Toshkent viloyati hududidan oqib o‘tuvchi Chirchiq daryosi o‘zanidan maxsus texnikalar yordamida noqonuniy ravishda qum-shag‘al qazib olgani aniqlangan.

101,2 ming kub metr qum-shag‘al noqonuniy qazib olindi

Tekshiruvga ko‘ra, mas’ul shaxslar tegishli ruxsatnoma olmasdan 101,2 ming kub metr noruda foydali qazilma hisoblangan qum-shag‘al xomashyosini qazib...

Markaziy bank tijorat banklarining mijozlar murojaatlari bilan ishlash tartibiga o‘zgartirish kiritdi. Endilikda banklar nafaqat alohida qoidabuzarliklarni, balki ularni keltirib chiqargan tizimli kamchiliklar va sabablarni ham bartaraf etishi kerak bo‘ladi. Qaror Adliya vazirligida 2026-yil 1-avgustda ro‘yxatdan o‘tkazilgan va bir oydan keyin kuchga kiradi.

«Tizimli kamchilik» tushunchasi kiritildi

Hujjatda «tizimli kamchilik» tushunchasiga huquqiy ta’rif berildi. Unga ko‘ra, bu yakka holat bilan cheklanmaydigan, bankning moliyaviy mahsuloti, biznes jarayoni, xizmat ko‘rsatish bo‘linmalari, axborot tizimi yoki ichki nazorat tizimidagi muammo bo‘lishi mumkin. Bunday kamchilik boshqa shartnomalar, operatsiyalar yoki xizmatlar bo‘yicha ham iste’molchilar huquqlari buzilishiga olib kelishi mumkin.

Banklar muammoning ildizini ham yo‘qotishi...

O‘zbekistonda boshpanasiz shaxslarga ijtimoiy xizmat ko‘rsatish tartibi o‘zgarmoqda. 2026-yil 1-sentabrdan ular vaqtinchalik boshpana va ijtimoiy tiklanish markazlariga sud qarorisiz, o‘z roziligi asosida joylashtiriladi.

Prezident qaroriga ko‘ra, ichki ishlar organlarining muayyan yashash joyiga ega bo‘lmagan shaxslarni reabilitatsiya qilish markazlari qayta nomlanadi. Endilikda ular Vaqtinchalik boshpana va ijtimoiy tiklanish markazlari deb ataladi.

Sud qarori asosida joylashtirish bekor qilinadi

Qarorga ko‘ra, boshpanasiz shaxslarni ijtimoiy markazlarga sud qarori asosida joylashtirish amaliyoti bekor qilinadi.

2026-yil 1-sentabrdan boshlab bunday shaxslar markazlarga faqat o‘z roziligi bilan joylashtiriladi.

Oziq-ovqat va gigiyena vositalari beriladi

Ijtimoiy markazlarga joylashtirilgan shaxslar vaqtinchalik boshpana bilan ta’minlanadi.

Shuningdek, ularga markazlarga ajratilgan...

Honor’ning uzoq kutilgan Honor Robot Phone modeli 12-avgust kuni to‘liq taqdim etiladi va u haqda ma’lumotlar e’lon qilindi, deya yozmoqda GSMArena nashri.

Robot Phone 6,3 dyuymli yassi LTPO OLED ekranga, 1216×2640 piksellar soniga, 6800 nit maksimal yorqinlikka va aks ettiruvchi qoplamaga ega bo‘ladi.

Texnik imkoniyatlar

U Snapdragon 8 Elite Gen 5 SoC protsessorida ishlaydi va 120 Vt simli zaryadlashni qo‘llab-quvvatlaydigan 7060 mA/soat sig‘imli batareyaga ega bo‘ladi. Shuningdek, ichida uchta o‘z-o‘zidan ishlab chiqilgan Honor chiplari, C1, E2 va H1 bo‘ladi. C1 radiochastotani kuchaytirish chipi, E2 energiya boshqaruv chipi va H1 tasvirlash chipi mavjud bo‘ladi.

Smartfonning orqa qismida 1/1,28 dyuymli...

O‘zbekistonda voyaga yetmagan shaxsga transport vositasini boshqarishni topshirish oqibatida odam jarohatlansa yoki halok bo‘lsa, avtomobilni bergan shaxsni jinoiy javobgarlikka tortish taklif qilinmoqda. Tegishli qonun loyihasi Oliy Majlis Qonunchilik palatasi deputatlari tomonidan birinchi o‘qishda qabul qilindi.

Hujjat yo‘l-transport hodisalarining oldini olish, yo‘l harakati qatnashchilarining hayoti va sog‘lig‘ini himoya qilish hamda qo‘pol qoidabuzarliklar uchun javobgarlik muqarrarligini ta’minlash maqsadida ishlab chiqilgan. Qonun loyihasi bilan Jinoyat kodeksi, Jinoyat-protsessual kodeksi, Ma’muriy javobgarlik to‘g‘risidagi kodeks va «Yo‘l harakati to‘g‘risida»gi qonunga o‘zgartirishlar kiritish nazarda tutilmoqda.

Voyaga yetmaganga avtomobil berganlar javobgar bo‘ladi

Taklifga ko‘ra, voyaga yetmagan shaxsga transport vositasini boshqarish topshirilishi natijasida fuqaroning badaniga o‘rtacha og‘ir...

Kubada elektr energiyasini tiklash ishlari davom etayotgan bir paytda mamlakat milliy elektr tarmog‘i yana to‘liq ishdan chiqdi. Bu haqda DW xabar bermoqda.

Dushanba kuni bir sutka ichida ikkinchi marta umumdavlat miqyosida elektr uzilishi qayd etildi. Bu 2026-yil boshidan buyon mamlakatdagi oltinchi yirik energetik uzilish bo‘ldi.

Elektr ta’minoti kun davomida Gavana shahri hamda Kubaning markaziy va g‘arbiy hududlarida bosqichma-bosqich tiklana boshlagan. Tushga kelib poytaxtning qariyb yarmiga elektr energiyasi qaytarilgan, biroq keyinchalik noqulay ob-havo tarmoqni qayta ishga tushirish jarayoniga xalaqit bergan.

Sabablar qanday

Kuba davlat elektr kompaniyasining ma’lum qilishicha, Milliy elektr tizimini tiklash vaqtida kuzatilgan ob-havo hodisalari tarmoqda yangi uzilishlarni...

Toshkent shahrida soxta xarid cheklari orqali davlat budjetidan jami 4,7 mlrd so‘mdan ortiq mablag‘ni keshbek sifatida o‘zlashtirish holatlari aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Departamentning Toshkent shahar boshqarmasi Soliq qo‘mitasi bilan hamkorlikda o‘tkazgan tergovga qadar tekshiruvda MChJlardan birining mas’ul shaxslari kompyuter texnikasidan foydalangan holda go‘yoki 76,2 mlrd so‘mlik mahsulotlar xarid qilingani haqida soxta ma’lumotlarni rasmiylashtirgani aniqlangan. Ular savdodan tushgan pullarni nazorat-kassa mashinalari orqali kirim qilib, tovarlar fuqarolarga sotilgani haqida qalbaki xarid cheklari chiqargan.

Mazkur cheklar Telegram orqali ijtimoiy himoya reyestriga kiritilgan 2 475 nafar shaxsga 70–150 ming so‘mdan sotilgan. Natijada «Soliq Mobile...

Toshkent shahar hokimi Shavkat Umurzoqov poytaxtdagi 10 ta tuman hokimiga nisbatan xizmat tekshiruvi o‘tkazish bo‘yicha farmoyish imzoladi. Tekshiruv Korrupsiyaga qarshi kurashish agentligining 22-iyuldagi taqdimnomasida keltirilgan holatlarni o‘rganish maqsadida tayinlangan.

Farmoyishga ko‘ra, xizmat tekshiruvi Bektemir, Mirobod, Mirzo Ulug‘bek, Olmazor, Sergeli, Uchtepa, Chilonzor, Shayxontohur, Yunusobod va Yashnobod tumanlari hokimlariga nisbatan o‘tkaziladi.

Hujjatda poytaxtning ikki tumani — Yakkasaroy va Yangihayot tumanlari ko‘rsatilmagan.

Asos sifatida Korrupsiyaga qarshi kurashish agentligi taqdimnomasi keltirilgan

Xizmat tekshiruvini o‘tkazishga «Mahalliy davlat hokimiyati to‘g‘risida»gi qonun, «Davlat fuqarolik xizmati to‘g‘risida»gi qonun, Mehnat kodeksi hamda Korrupsiyaga qarshi kurashish agentligining 2026-yil 22-iyuldagi taqdimnomasi asos bo‘lgan.

Komissiyaga taqdimnomada qayd etilgan vajlarni xolis...

Redmi 17 5G smartfonining xalqaro bozor uchun mo‘ljallangan versiyasiga oid tasvirlar va texnik xususiyatlar internetda paydo bo‘ldi. Qurilma 6,9 dyuymli IPS ekran, 7 500 mA/soat sig‘imli akkumulyator va IP64 himoya darajasiga ega bo‘lishi mumkin.

Texnik xususiyatlar

Smartfon ekranining aniqligi 1600 × 720 pikselni tashkil etib, yangilanish tezligi vaziyatga qarab 60, 90 yoki 120 Gtsga moslashadi. Displeyning odatiy yorqinligi 675 nit, yuqori yorqinlik rejimida esa 825 nitgacha yetishi aytilmoqda.

Redmi 17 5G Snapdragon 4 Gen 5 protsessorida ishlashi, dasturiy platforma sifatida esa Android 16 asosidagi HyperOS 3.0 tizimidan foydalanishi kutilmoqda. 7 500 mA/soatli batareya qurilmaning 78 soatdan ortiq ishlashini...

Raqobat qo‘mitasi so‘rovi bilan Maktabgacha va maktab ta’limi vazirligi buyurtmachiligidagi 587,2 mln so‘mlik tanlash savdosi bekor qilindi. Qo‘mita o‘rganishida savdolarda raqobatni cheklashi mumkin bo‘lgan holatlar aniqlangan.

Ijtimoiy tarmoqlarda «Bir manzil, bir telefon — bitta tender» nomli tanqidiy maqola e’lon qilingach, Raqobat qo‘mitasi holatni o‘rgandi.

Gap Maktabgacha va maktab ta’limi vazirligi buyurtmachiligida 2026-yil 27-iyul kuni markazlashgan tadbirlarni o‘tkazib berish xizmati bo‘yicha tashkil etilgan tanlash savdosi haqida bormoqda. Uning boshlang‘ich narxi 587,2 mln so‘m bo‘lgan.

Raqobatni cheklashi mumkin bo‘lgan holatlar aniqlangan

Qo‘mita o‘rganishiga ko‘ra, vazirlik tomonidan «Raqobat to‘g‘risida»gi qonunning 29-moddasi talablariga rioya qilinmagan.

Xususan, savdolarda raqobatni cheklaydigan yoki cheklashga olib...

So‘nggi bir yil davomida AQSh valyutasi kutilganidan ancha barqaror bo‘lib qoldi. Geosiyosiy keskinliklar, AQShning davlat qarzi va budjet taqchilligi haqidagi xavotirlarga qaramay, Federal zaxiralarning asosiy valyutalarga nisbatan dollar indeksida katta o‘zgarish kuzatilmadi. Valyuta bozoridagi tebranishlar ham ko‘p yillik eng past darajalardan birida qolmoqda. Financial Times dollarning kelajagi haqida tahliliy maqolasini e’lon qildi.

Dollarning kelajagi qanday

Tashqi barqarorlik ortida AQShga yo‘naltirilayotgan xalqaro kapital tarkibida muhim o‘zgarish yuz bermoqda. Xorijiy investorlarning Amerika davlat obligatsiyalariga qiziqishi susaymoqda, AQSh kompaniyalari aksiyalariga talab esa keskin oshmoqda.

2026-yil martigacha bo‘lgan bir yil ichida AQShga sof aksiyadorlik kapitali oqimi $600 mlrddan oshdi. Bu tarixiy rekord...

Toshkent shahrining Yakkasaroy tumanida turar joyni o‘zboshimchalik bilan buzish va qurilish ruxsatisiz beshta bino barpo etish holati yuzasidan jinoyat ishi qo‘zg‘atildi. Bu haqda Toshkent shahar prokuraturasi rasmiy munosabat bildirdi.

Joriy yilning 2-avgust kuni ijtimoiy tarmoqlarda Damariq mahallasi, Abdulla Qahhor ko‘chasidagi 19-uyda yashovchi fuqarolarga kompensatsiya pullari to‘liq berilmagani va uy noqonuniy buzilayotgani aks etgan videolavha tarqalgan edi.

Aslida nima bo‘lgan

Tergovga qadar tekshiruv davomida MChJ mansabdor shaxslari fuqarolarni majburiy ko‘chirish bo‘yicha ijro harakatlari yakunlanmaganiga qaramay, mazkur uyni o‘zboshimchalik bilan buzib tashlagani aniqlangan.

Shuningdek, kompaniya tegishli qurilish ruxsatnomasini olmasdan hududda bitta 20 qavatli, ikkita 19 qavatli, bitta 12 qavatli hamda...

Chevrolet Silverado 2027 EV model qatorida uchta konfiguratsiya chiqarib tashlanadi. GM Authority’ga ko‘ra, shu tariqa elektr pikapning mavjud talqinlari soni 10 tadan yettitaga qisqaradi.

Chevrolet Silverado 2027 EV’da avval taklif qilingan LT Max Range, RST Extended Range va RST Max Range talqinlari bo‘lmaydi.

Shuningdek, 2027-yilgi model yilida RST komplektatsiyasi ham model qatoridan chiqariladi. Ushbu talqin 2026-yilda Stars & Steel Special Edition paketi uchun qisqa muddatga qaytarilgan edi.

Model qatori soddalashtiriladi

Yangilanishdan so‘ng Chevrolet Silverado EV yetti xil konfiguratsiyada taklif etiladi.

Model qatorida Work Truck Standard Range, Work Truck Extended Range, Work Truck Max Range, LT Standard Range, LT...