Yangiliklar

2027-yildan boshlab ilmiy daraja olish jarayonida chet tili fanidan malakaviy imtihon topshirish talabi bekor qilinadi. Bu haqda Adliya vazirligi ma’lum qildi.

Farmonga muvofiq, mazkur sanadan e’tiboran ilmiy darajalar berish jarayonida chet tili fanidan malakaviy imtihon topshirish (mustaqil izlanuvchilar bundan mustasno) talabi, shuningdek, dissertatsiya mavzularini ro‘yxatdan o‘tkazish va himoya haqida e’lon berish tartibi bekor qilinadi.

Shuningdek, dissertatsiyani yetakchi tashkilotda muhokama qilish, ilmiy ekspertizadan o‘tkazish, Oliy attestatsiya komissiyasi ekspert kengashi xulosasi, ilmiy kengash qarorini tasdiqlash kabi bosqichli jarayonlar ham amaliyotdan chiqariladi. Bundan tashqari, ayrim dissertatsiya natijalari bo‘yicha monografiya e’lon qilish, avtoreferat chop etish va amaliyotga joriy etilgani haqida xulosa olish...

Oliy ta’lim va ilm-fan sohasida shaffoflik, korrupsiyaning oldini olishga qaratilgan jamoatchilik eshituvi va ochiq muloqot tashkil etiladi. Bu haqda Oliy ta’lim, fan va innovatsiyalar vazirligi ma’lum qildi.

Tadbir Oliy ta’lim, fan va innovatsiyalar vazirligi tomonidan «Oliy va kasbiy ta’lim hamda ilm-fan sohasida korrupsiyaning oldini olish: ochiqlik, shaffoflik va jamoatchilik nazorati» mavzuida o‘tkaziladi. Unda sohada korrupsiyaning oldini olish, tizimda shaffoflikni ta’minlash hamda jamoatchilik nazoratini kuchaytirish masalalari muhokama qilinadi.

Shuningdek, ochiq muloqot davomida davlat buyurtmasi asosida ijtimoiy loyihalarni amalga oshirish bilan bog‘liq masalalar ham ko‘rib chiqiladi. Tadbirda vazirlik tizimidagi mas’ul rahbar va mutaxassislar, fuqarolik jamiyati institutlari hamda nodavlat notijorat tashkilotlari...

Yangi o‘quv yilidan boshlab umumta’lim maktablarida san’at, musiqa va texnologiyani qamrab oluvchi «Art» dasturi joriy etiladi. Bu haqda prezidentning madaniyat va san’at vakillari bila uchrashuvida ma’lum qilindi.

Mutasaddilarga yangi o‘quv yilidan boshlab har bir viloyatdagi 10 tadan umumta’lim maktabida «art» yo‘nalishini tajriba tariqasida joriy etish topshirildi. Dasturga ko‘ra, 1 – 4-sinflarda o‘quvchilar rasm, musiqa va o‘yinlar orqali ijodga qiziqtiriladi. 5 – 7-sinflarda ijodiy jamoada ishlash va fikrni erkin ifoda etish ko‘nikmalari shakllantiriladi. 8 – 9-sinflarda dizayn, grafika va sun’iy intellekt asosida kreativ loyihalar ishlab chiqiladi, 10 – 11-sinflarda esa bu loyihalarni tayyor mahsulotga aylantirish o‘rgatiladi.

Shuningdek, yangi o‘quv...

Investitsiya institutlari milliy uyushmasi (NAII) O‘zbekiston kapital bozorining eng yaxshi ishtirokchilarini taqdirladi. NAII Awards 2025 marosimi 30-may kuni Toshkent shahrida bo‘lib o‘tdi, deya xabar berdi uyushma.

An’anaviy mukofotlash marosimidan tashqari, tadbir doirasida panel sessiyasi ham tashkil etildi. Unda ishtirokchilar respublika moliya sektorini rivojlantirishning asosiy yo‘nalishlari hamda investitsiya iqlimiga ta’sir ko‘rsatuvchi dolzarb tartibga solish masalalarini muhokama qildi.

Joriy yilda tashkilotchilar mukofotlarni bozorning asosiy segmentlari — brokerlik xizmatlari va korporativ boshqaruvdan tortib, ESG tashabbuslari va akademik hamkorlikni qamrab olgan 15 ta nominatsiya bo‘yicha taqsimladilar.

Korporativ sektor va M&A yetakchilari

Korporativ blokda O‘zbekiston respublika tovar-xomashyo birjasi («O‘zRTXB» AJ) yana...

Samarqand viloyatida oliy ta’lim tizimini yanada takomillashtirish va ta’lim muassasalari faoliyatini optimallashtirish maqsadida bir qator universitet va filiallar qayta tashkil etilishi belgilandi. Bu haqda Adliya vazirligi ma’lum qildi.

Qarorga ko‘ra, Samarqand davlat arxitektura-qurilish universiteti negizida Samarqand davlat texnika universiteti tashkil etiladi. Shuningdek, Samarqand davlat universitetiga Toshkent axborot texnologiyalari universiteti Samarqand filiali qo‘shib olinadi.

Bundan tashqari, Samarqand davlat pedagogika institutiga Samarqand davlat universiteti Urgut filiali qo‘shib olinadi va ushbu filial bazasida institutning Urgut fakulteti faoliyati yo‘lga qo‘yiladi. Shuningdek, Samarqand iqtisodiyot va servis institutiga Toshkent davlat iqtisodiyot universiteti Samarqand filiali qo‘shib olinadi.

Talabalar o‘qishini davom ettirish tartibi ham belgilangan bo‘lib...

O‘zbekistonlik iqtidorli yoshlar va mutaxassislar uchun Germaniyada maxsus yozgi o‘quv kurslari tashkil etilishi rejalashtirilmoqda. Bu masala O‘zbekistonning Frankfurt-Mayn shahridagi Bosh konsulxonasi diplomatlari hamda xorijiy hamkorlar uchrashuvida muhokama qilindi, deya xabar berdi «Dunyo».

Tomonlar ilmiy izlanishlar, investitsiya va ta’lim sohalarida hamkorlik qilish masalalarini ko‘rib chiqdi. Shuningdek, «O‘rta koridor» xalqaro transport yo‘nalishini rivojlantirish va O‘zbekistonning tranzit markaz sifatidagi o‘rnini ilmiy o‘rganish taklif qilindi.

Sog‘liqni saqlash va «yashil» energetika yo‘nalishlarida ham qo‘shma loyihalar muhokama qilindi. Muzokaralar yakunida tomonlar kelishuvlarni amaliy bosqichga olib chiqish bo‘yicha muloqotni davom ettirishga kelishib oldi.

Eslatib o‘tamiz, avvalroq 21 ta yo‘nalish bo‘yicha ijodiy birlashmalar tashkil etilishi xabar...

Ijtimoiy tarmoqlarda Sergeli avtomobil bozori buzilishi mumkinligi haqidagi xabarlar tarqalishi ortidan Sergeli tumani hokimligi rasmiy munosabat bildirdi.

Unda bozor hududida buzish ishlari emas, balki modernizatsiya va obodonlashtirish ishlari olib borilayotgani ma’lum qilindi.

Qayd etilishicha, bozor infratuzilmasini yangilash, savdo jarayonlarini tartibga solish hamda xaridorlar va tadbirkorlar uchun qulay sharoit yaratish maqsadida qurilish va ta’mirlash ishlari amalga oshirilmoqda.

Hozirga qadar hududdagi 26,5 ming kvadrat metr maydonga yangi asfalt qoplamasi yotqizilgan. Shuningdek, yana 16,2 ming kvadrat metr maydonni asfaltlash rejalashtirilgan. Bozor ma’muriy binosining kirish qismi ham yangilanib, granit plitalar bilan qoplanmoqda.

Bundan tashqari, ehtiyot qismlar sotiladigan savdo do‘konlarining tom qismi ta’mirlanmoqda, tartibsiz...

Qoraqalpog‘iston Respublikasi, Xorazm, Buxoro va Sirdaryo viloyatlarida qariyb 7 mlrd so‘mlik mineral o‘g‘itlar talon-toroj qilingani aniqlandi. Bu haqda Bosh prokuratura huzuridagi departament ma’lum qildi.

Unga ko‘ra, bir nechta MChJ mas’ullari saqlovga qabul qilingan ammiakli selitra va ammoniy sulfat o‘g‘itlarini o‘zlashtirgan. Xususan, Qoraqalpog‘istonda 4,3 mlrd so‘mlik 1,5 ming tonna ammiakli selitra va 790,6 mln so‘mlik 276 tonna ammoniy sulfat talon-toroj qilingan.

Xorazmda 376,4 mln so‘mlik 126 tonna ammiakli selitra o‘zlashtirilgani aniqlangan. Buxoroning G‘ijduvon tumanida 760,1 mln so‘mlik 255 tonna ammiakli selitra va 272,1 mln so‘mlik 95 tonna ammoniy sulfat talon-toroj qilingan.

Sirdaryoda esa 200,7 mln so‘mlik 67,4 tonna ammiakli selitra...

Kino sanoatini boshqarish tizimi tubdan o‘zgartirilib, Respublika kinematografiya komissiyasi, Milliy va Badiiy kengashlar faoliyati tugatiladi hamda ularning o‘rniga film janri va mavzusiga qarab mutaxassis ekspert guruhlari tashkil etiladi. Bu haqda Shavkat Mirziyoyev madaniyat va san’at vakillari bilan uchrashuvda ma’lum qildi.

Unga ko‘ra, ekspertlar tarkibi O‘zbekiston kinoarboblari ijodiy uyushmasi, Yozuvchilar uyushmasi va Bastakorlar uyushmasi tavsiyasi asosida shakllantiriladi.

Shuningdek, 1-sentabrdan davlat buyurtmasi asosida filmlar yaratishda targ‘ibot va reklama xarajatlari uchun film budjetining 30 foizigacha mablag‘ ajratiladi. Xarid shartnomalarini ekspertizadan o‘tkazish talabi bekor qilinadi. Bundan tashqari, xorijiy kompaniyalarning O‘zbekiston hududida kino mahsulotlari yaratish bilan bog‘liq faoliyati soliqlardan ozod etiladi.

Yangi rag‘batlantirish...

Madaniyat va san’at sohasi vakillari bilan uchrashuvda Shavkat Mirziyoyev yangi o‘quv yilidan oliy ta’lim muassasalarida dars beradigan taniqli ijodkorlarning maoshiga 50 foiz ustama belgilanishini ma’lum qildi. Bu haqda prezident matbuot xizmati xabar berdi.

Shuningdek, talabalarga ustozlik qiladigan san’atkorlarga professor-o‘qituvchilar bilan teng miqdorda haq to‘lanadi.

Davlat rahbari madaniyat va san’at yo‘nalishidagi 10 ta oliygoh rektori har bir talabaning ijodiy salohiyatini rivojlantirish, shaxsiy brendini yaratish va ijodiy mahsulotlarini bozorga olib chiqishga alohida e’tibor qaratishi kerakligini ta’kidladi.

Yangi o‘quv yilidan har bir talabaga taniqli ijodkor biriktirilib, dual ta’lim tizimi yo‘lga qo‘yiladi. Ustoz san’atkorlar yoshlarni konsertlar, teatr sahnalari va boshqa ijodiy loyihalarga jalb...

Xalqaro havo transporti assotsiatsiyasi (International Air Transport Association — IATA) 2026-yil aprel oyida aviatsiya bozorida yo‘lovchi tashish hajmi 3,5 foizga kamayganini ma’lum qildi.

Hisobotga ko‘ra, yo‘lovchi tashishga bo‘lgan global talab o‘tgan yilning shu davriga nisbatan 3,4 foizga kamaygan, yuk tashish hajmi esa 4 foizga oshgan.

Tahlillarda yo‘lovchi tashuvlaridagi pasayishning asosiy sababi sifatida Yaqin Sharqdagi geosiyosiy vaziyat ko‘rsatilgan. Mintaqada, ayniqsa, Eron va Isroil o‘rtasidagi mojaro fonida aviakompaniyalarga bo‘lgan talab 46,6 foizga qisqargan. Natijada xalqaro yo‘lovchi tashuvlari 5,3 foizga kamaygan, ichki reyslarga bo‘lgan talab esa deyarli o‘zgarmagan.

Shu bilan birga, Yaqin Sharq orqali amalga oshiriladigan qatnovlarning qayta yo‘naltirilishi Yevropa va Osiyo o‘rtasidagi...

«O‘zbekfilm»ga milliy maqom berilib, u mahalliy va xalqaro kinoindustriyaga xizmat ko‘rsatadigan markaziy kinokonsernga aylantiriladi. Bu haqda prezidentning madaniyat va san’at vakillari bilan uchrashuvida ma’lum qilindi.

Milliy qo‘g‘irchoq teatri, Muqimiy nomidagi akademik teatr va Yoshlar teatrini zamonaviy qiyofaga keltirish ishlari boshlandi. Shu yilning o‘zida Muqimiy, Berdaq va Milliy qo‘g‘irchoq teatrlariga moliyaviy, ijodiy va tashkiliy masalalarni mustaqil hal qilish vakolatlari beriladi. Mutasaddilarga qolgan madaniyat obyektlarini modernizatsiya qilish bo‘yicha ikki yillik dastur ishlab chiqish topshirildi.

Xususiy teatrlar va teatr-studiyalarini qo‘llab-quvvatlash maqsadida 1-sentabrdan yangi mexanizmlar joriy etiladi. Unga ko‘ra, har yili 50 ta sahna asarini yaratish xarajatlari davlat tomonidan qoplab beriladi. Bundan...

2-iyun uchun valyutalar kursi yangilandi. Unga ko‘ra, dollar kursi 52,91 so‘mga tushib, 11 949,03 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

21-may kuni 20,37 so‘mga oshib, 12 076,18 so‘mga yetdi. 22-may kuni 54,96 so‘mga tushib, 12 021,22 so‘mni tashkil etdi. 25-may kuni dollar kursi 41,58 so‘mga tushib, 11 979,64 so‘m, 26-may kuni esa 18,19 so‘mga oshib, 11 997,83 so‘m bo‘ldi. 1-iyun kuni esa 4,11 so‘mga oshib, 12 001,94 so‘mni tashkil etgan edi.

Markaziy bank ma’lumotlariga ko‘ra, yevro 52,05 so‘mga tushib, 13 921,81 so‘mni, rubl...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 22-maydan 26-maygacha bo‘lgan davrda ijobiy dinamikani ko‘rsatib, UCI fond indeksi 1,47 foizga oshdi.

Ushbu davr mobaynida «O‘zbekgeofizika» aksiyalari eng katta o‘sishga erishib, 13,51 foizga qimmatlashdi. Shuningdek, «BRB» (+12,48%) va «Kapital sug‘urta» aksiyalarida (+11,76%) ham o‘sish qayd etildi.

O‘z navbatida, «O‘ztransgaz» aksiyalari 8,97 foizga arzonlashib, haftaning eng katta pasayishini qayd etdi. Bundan tashqari, «SQB» (-8,50%) va «Trastbank» (-6,32%) aksiyalari ham pasayish bilan ajralib turdi. Faqatgina «Aloqabank», «Chilonzor buyum savdo kompleksi» va «O‘zbekko‘mir» aksiyalari narxida o‘zgarish kuzatilmadi.

Yuqori likvidli aksiyalardan 19 tasi haftani ijobiy, uchtasi o‘zgarishsiz va 16 tasi salbiy natija bilan...

Madaniyat va san’at sohasini qo‘llab-quvvatlash maqsadida ushbu yo‘nalishda faoliyat yuritayotgan tadbirkorlik subyektlari uchun keng ko‘lamli soliq imtiyozlari joriy etiladi. Bu haqda prezident matbuot xizmati ma’lum qildi.

Yangi tartibga ko‘ra, konsert-tomosha, xususiy teatr, kinematografiya va bolalar kontenti yo‘nalishida faoliyat yuritayotgan subyektlar, shuningdek, madaniyat va san’at sohasidagi xususiy ta’lim tashkilotlari qo‘shilgan qiymat, foyda, aylanma, yer, mulk hamda daromad soliqlaridan ozod qilinadi. Adabiyot, madaniyat va san’atni rivojlantirish uchun tadbirkorlar hamda yirik kompaniyalar tomonidan ajratiladigan homiylik mablag‘lari ham soliqqa tortilmaydi.

Shuningdek, aholi, ayniqsa yoshlarning madaniyat va san’atga qiziqishini oshirish maqsadida san’atkor va muxlis o‘rtasidagi jonli muloqotni kuchaytirish zarurligi qayd etildi. Shu maqsadda...

Poytaxtdagi Xalqaro kongress markazida madaniyat, san’at va adabiyot sohasi vakillarini davlat mukofotlari bilan taqdirlash marosimi bo‘lib o‘tdi. Unda Shavkat Mirziyoyev ishtirok etdi.

Tadbirda so‘zga chiqqan davlat rahbari millat taraqqiyoti nafaqat iqtisodiy ko‘rsatkichlar, balki uning ma’naviyati, madaniyati va san’ati bilan ham baholanishini ta’kidladi.

«Qaysi millatning adabiyoti boy, musiqasi yurakka yaqin, teatri hayotiy, kinosi ta’sirchan, san’ati jozibador bo‘lsa, o‘sha xalqning ovozi dunyoda baland eshitiladi», – dedi.

Qayd etilishicha, Yangi O‘zbekistonni barpo etish jarayonida inson qalbini tarbiyalaydigan keng ma’naviy makon yaratilmoqda. Bu yo‘lda ziyolilar, ijodkorlar, madaniyat va san’at namoyandalarining hissasi alohida ahamiyat kasb etadi.

Tadbirda sohaning...

Huawei kompaniyasi Nova 16 va Nova 16z smartfonlarini taqdim etdi. Gizmochina’ga ko‘ra, yangi modellar o‘rta segmentga kiradi. Ularda sun’iy yo‘ldosh orqali xabar yuborish, katta akkumulyator va 100 Vt tezkor quvvatlash mavjud.

Huawei Nova 16 Kirin 9010S chipi bilan jihozlangan. Smartfon 6,68 dyuymli OLED ekranga ega. Ekran yangilanish tezligi – 120 Hz.

Qurilmaga 7000 mA/soat sig‘imli akkumulyator o‘rnatilgan. Asosiy kamera 50 MP bo‘lib, 100 karra raqamli zumga ega periskop moduli ham bor. Nova 16 ikki tomonlama BeiDou sun’iy yo‘ldosh aloqasini qo‘llab-quvvatlaydi. Shuningdek, Wi-Fi 7 va IP65 himoyasi mavjud.

Nova 16z esa Kirin 8020 chipi va 6,7 dyuymli FHD+ ekran bilan...

1-sentabrdan boshlab ashula va raqs ansambllarida faoliyat yuritayotgan barcha xodimlarning ish haqi ikki baravar oshiriladi. Bu haqda Shavkat Mirziyoyevning madaniyat va san’at xodimlari bilan uchrashuvida ma’lum qilindi.

Yangi tartibga asosan, raqs ustalari uchun pensiya olishda talab etiladigan raqs staji 20 yildan 15 yilga qisqartiriladi.

Raqqos va raqqosalar qolgan 5 yillik faoliyatini baletmeyster, repetitor yoki pedagog sifatida davom ettirishi mumkin bo‘ladi. Bu esa ularning kasbiy tajribasidan samarali foydalanish imkonini yaratadi.

Shuningdek, Yangi Toshkentda qurilishi boshlangan Maqom markazi yonida zamonaviy va muhtasham Raqs saroyini barpo etish taklif qilindi. Mutasaddilarga raqs san’atini rivojlantirish bo‘yicha keng qamrovli dastur ishlab chiqish vazifasi yuklatildi.

Pullik tibbiy xizmatlar narxlarining shakllantirilishi yuzasidan o‘tkazilgan tekshiruvlarda Sirdaryo va Jizzax viloyatlaridagi tibbiyot muassasalari tomonidan fuqarolardan qariyb 440 mln so‘m asossiz undirilgani aniqlandi. Bu haqda Raqobat qo‘mitasi xabar berdi.

Sirdaryo viloyatida o‘tkazilgan o‘rganishlar davomida Guliston tibbiyot klasteri 2024-yilda ayrim pullik tibbiy xizmatlar bo‘yicha xarajatlarni hisoblashda xatolikka yo‘l qo‘ygani ma’lum bo‘ldi. Natijada 110 turdagi xizmat bo‘yicha 100 mingga yaqin fuqarolardan qariyb 340 mln so‘m ortiqcha mablag‘ olingan.

Shu sababli muassasaga mazkur mablag‘larni iste’molchilarga qaytarish bo‘yicha majburiy ko‘rsatma berildi.

Jizzax viloyatida esa Respublika ixtisoslashtirilgan ona va bola salomatligi ilmiy-amaliy tibbiyot markazi Jizzax filiali faoliyati tekshirildi. Aniqlanishicha, 2023 – 2025-yillar davomida pullik...

Beshariq tumanida profilaktika inspektori pora olganlikda aybdor deb topildi. Unga uch yil ozodlikdan mahrum qilish jazosi tayinlandi, deya xabar bermoqda Oliy sud matbuot kotibi Aziz Abidov.

Ma’lum qilinishicha, u 2019-yildan buyon tuman ichki ishlar bo‘limida ishlagan. 2020-yil oktabrda uning ish yurituviga ikki shaxs o‘rtasidagi janjal bo‘yicha hujjatlar kelib tushgan. Inspektor tergovga qadar tekshiruv o‘tkazib, ishni qonuniy hal qilishi kerak bo‘lgan. Biroq u huquqbuzar foydasiga qaror chiqarish evaziga pul talab qilgan.

U janjalda jabrlanuvchiga zarar yetkazgan shaxsdan $400 so‘ragan. Pullarning $200 qismini avval Beshariq tumani markazida olgan. Oradan sakkiz kun o‘tib, u qolgan $200 ni xizmat xonasida olayotgan vaqtda qo‘lga...

Endilikda har yili 1 ming nafar ijodkorga uy-joy olish uchun ipoteka kreditining dastlabki badali 50 foizgacha qoplab beriladi. Bu haqda prezidentning madaniyat va san’at xodimlari bilan sohani yanada rivojlantirish bo‘yicha kelgusidagi ustuvor vazifalarga bag‘ishlangan uchrashuvida ma’lum qilindi.

Shoir va yozuvchilarga har yili kamida 50 ta eng sara asar uchun ijodiy buyurtma beriladi. Har yili o‘zbek adabiyotining eng yaxshi 10 ta asari xorijiy tillarga tarjima qilinib, mualliflar ishtirokida chet davlatlarda taqdimotlar tashkil etiladi. Yozuvchilar uyushmasi tavsiyasi asosida chop qilinadigan kitoblarning qog‘oz xarajatlari esa davlat tomonidan qoplanadi.

Yosh iste’dodlarni qo‘llab-quvvatlash maqsadida she’riyat va san’at uyg‘unlashgan she’riy konsertlar tashkil etish tashabbuslari...

Yevropa Ittifoqi Xitoyning Temu onlayn savdo platformasini 200 mln yevro miqdorida jarimaga tortdi. Euronews’ga ko‘ra, tekshiruv davomida platformada xavfli bolalar o‘yinchoqlari va nosoz zaryadlovchi qurilmalar sotilgani aniqlangan.

Yevropa komissiyasi ma’lumotiga ko‘ra, Temu noqonuniy va xavfli mahsulotlar bilan bog‘liq xavflarni yetarli darajada baholamagan hamda ularni bartaraf etish choralarini ko‘rmagan.

Tekshiruv 2024-yil oktabr oyida boshlangan. Mustaqil ekspertlar tomonidan amalga oshirilgan nazorat xaridlarida Temu orqali sotilgan ko‘plab zaryadlovchi qurilmalar elektr xavfsizligi talablaridan o‘ta olmagani ma’lum bo‘lgan.

Shuningdek, ayrim bolalar o‘yinchoqlarida me’yordan yuqori kimyoviy moddalar aniqlangan. Ba’zi mahsulotlarda esa bolalar uchun bo‘g‘ilish xavfini keltirib chiqaruvchi mayda ajraluvchi qismlar topilgan.

Komissiya Temu’ni tavsiya algoritmlari...

O‘zbekistonda jami 21 ta yo‘nalish bo‘yicha ijodiy birlashmalar tashkil etiladi. Bu haqda Shavkat Mirziyoyevning madaniyat va san’at sohasi xodimlari bilan uchrashuvida qayd etildi.

Ushbu birlashmalarga bir tomondan ustoz ijodkorlar, ikkinchi tomondan vazirlar va kompaniya rahbarlari hamrais bo‘ladi. O‘z maktabini yaratgan san’atkorlar yoshlarga kasb sirlari va sahna madaniyatini o‘rgatadi.

Prezident ijod va san’at qadrlangan jamiyatda xalqning ma’naviy immuniteti kuchli bo‘lishini ta’kidladi. Unga ko‘ra, bitta yaxshi asar yoki ta’sirchan qo‘shiq millat ruhini ko‘tarishi mumkin. Birgina spektakl jamiyat tafakkurini uyg‘otadi. Kinodagi bitta obraz esa butun avlod qarashini o‘zgartirishi mumkin.

Shuningdek, madaniyat va san’at obyektlari joyiga borib o‘rganilgan. Davlat rahbari ushbu muloqotdan ko‘zlangan...

Energetika vazirligi bosh mutaxassisi Nasibullo Muhammadjonov elektr va gaz tariflari 2026-yilda qayta oshirilmaganini, balki inflyatsiya darajasiga mos ravishda indeksatsiya qilinganini ma’lum qildi.

Uning so‘zlariga ko‘ra, tariflar o‘rtacha 10 foizga oshirilgan. Bunda 200 kVt-soatgacha bo‘lgan elektr energiyasi tarifi 8 foizga, 200 – 500 kVt-soat oralig‘idagi tarif esa 12 foizga ko‘tarilgan.

Mutaxassisning ta’kidlashicha, tariflarning inflyatsiyaga mos ravishda yangilanib borilishi energetika tizimini modernizatsiya qilish, yangi podstansiyalar va transformator punktlarini qurish hamda elektr tarmoqlarini yangilash uchun zarur.

Uning so‘zlariga ko‘ra, agar tariflar oshirilmasa, ushbu xarajatlarni Davlat budjeti hisobidan qoplashga to‘g‘ri keladi. Bu esa sog‘liqni saqlash, maktabgacha va maktab ta’limi kabi ijtimoiy sohalarga ajratiladigan...