Yangiliklar

O‘zbekistonda 2026-yil 7-avgustdan hayvonlarni identifikatsiya qilish, ro‘yxatga olish va kuzatish tartibi kuchga kiradi. Qonunga ko‘ra, jismoniy va yuridik shaxslar tomonidan saqlanadigan yoki ko‘paytiriladigan qoramol, qo‘y, echki, ot, tuya, cho‘chqa, it va mushuklar belgilangan muddatlarda ro‘yxatga olinishi kerak.

Qaysi hayvonlar ro‘yxatga olinadi

Qonunda hayvonlar sifatida qoramol, qo‘y, echki, cho‘chqa, ot, tuya, it va mushuklar ko‘rsatilgan. Ular jismoniy yoki yuridik shaxslar tomonidan saqlansa yoki ko‘paytirilsa, identifikatsiya qilinishi va ro‘yxatga olinishi kerak.

Identifikatsiya qilish uchun hayvonlarga alohida raqam beriladi. Bunda vizual birka, elektron mikrochip yoki mikrochipli birka kabi vositalardan foydalanilishi mumkin.

Ro‘yxatga olish muddatlari

Qoramol, qo‘y, echki va tuyalar tug‘ilganidan...

4-avgust uchun valyutalar kursi yangilandi. Unga ko‘ra, dollar kursi 29,28 so‘mga oshib, 11 989,14 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

27-iyul kuni 82,76 so‘mga tushib, 12 019,08 so‘m, 28-iyul kuni esa 30,16 so‘mga tushib, 11 988,92 so‘m bo‘ldi. Dollar 29-iyul kuni 61,42 so‘mga oshib, 12 050,34 so‘m, 30-iyul kuni esa 15,08 so‘mga tushib, 12 035,26 so‘mga, 31-iyul kuni 28,87 so‘mga tushib, 12 006,39 so‘m yetgan edi. 3-avgust kuni 46,21 so‘mga tushib, 12 960,13 so‘mga pasaydi.

Yevro kursida ham tushish kuzatildi. Yevropa valyutasi 54,07 so‘mga...

Misrning Suvaysh shahri yaqinida 5,6 magnitudali zilzila qayd etildi. Hozircha qurbonlar yoki vayronagarchiliklar haqida ma’lumot kelib tushmagan, deya xabar berdi Reuters nashri

Zilzila Suvayshdan 38 kilometr shimolda yuz berdi

Misr Milliy Astronomiya va Geofizika ilmiy-tadqiqot instituti ma’lumotiga ko‘ra, zilzila 3-avgust kuni mahalliy vaqt bilan soat 03:00 dan ko‘p o‘tmay, Suvaysh shahridan 38 kilometr shimolda sodir bo‘lgan.

Institut hozircha jabrlanganlar yoki moddiy zarar haqida hech qanday xabar kelib tushmaganini bildirdi.

Favqulodda choralar ko‘rildi

Misr Qizil Yarim Oy jamiyati zilzila sezilgan hududlarda favqulodda vaziyatlar rejimini ishga tushirdi. Tashkilot aholini konstruksiyasi shikastlangan binolarga kirmaslikka hamda rasmiy idoralar axborotlariga amal qilishga...

Marvel’ning «O‘rgimchak odam: Yangi kun» filmi ilk prokat dam olish kunlarida jahon bo‘ylab $927 mln kassalik yig‘imga erishdi. Bu kino tarixidagi ikkinchi eng yaxshi debyut natijasi bo‘ldi.

AQShda $355 mln yig‘di

Dam olish kunlari davomida film jahon prokatida $927 mln daromad keltirdi. Shundan $355 mln AQSh kassalariga to‘g‘ri keldi.

Natija kino tarixidagi ikkinchi eng muvaffaqiyatli debyut sifatida qayd etildi. Rekord hamon «Qasoskorlar: Intiho» (Avengers: Endgame) filmiga tegishli bo‘lib, u ilk dam olish kunlarida $1,2 mlrd yig‘gan.

Marvel muvaffaqiyatni tomoshabinlar bilan bog‘ladi

Marvel Studios prezidenti Kevin Faygi filmning muvaffaqiyatini tomoshabinlarning qo‘llab-quvvatlashi bilan izohladi.

Uning ta’kidlashicha, filmning kuchli debyuti...

AQShning Vashington shtatida davom etayotgan yirik o‘rmon yong‘inlaridan jabrlanganlar orasida O‘zbekiston fuqarolari yo‘q. Bu haqda O‘zbekistonning Sietl shahridagi Bosh konsulxonasi ma’lum qildi, deya xabar berdi «Dunyo» axborot agentligi.

100 ming gektardan ortiq hudud yonib ketdi

Ma’lum qilinishicha, yong‘inlar 1-avgust kuni Vashington shtatining sharqiy qismida boshlanib, qisqa fursatda 100 ming gektardan ortiq maydonga tarqalgan. Kuchli shamol va qurg‘oqchilik sabab olov tez kengaygan.

Dastlab yong‘in o‘choqlari Spokan shahri atrofida yuzaga kelgan. Oqibatda 600 ta bino, jumladan, turar joylar va korxonalar vayron bo‘lgan.

Vatandoshlarga ogohlantirish berildi

Sietldagi Bosh konsulxona Vashington shtati hukumati bilan hamkorlikda vaziyatni doimiy nazorat qilib borayotganini bildirdi...

Toshkentdagi Kichik halqa avtomobil yo‘lining 1,7 kilometrlik qismida «Yashil to‘lqin» tizimi ishga tushirildi. Bu haqda Toshkent shahrida Yo‘l harakatini tashkil etish markazi xabar berdi.

Unga ko‘ra, navbatdagi bosqichda Kichik halqa avtomobil yo‘lining Bog‘ibuston ko‘chasi bilan kesishmasidan Chilonzor metro bekatigacha bo‘lgan 1,7 kilometrlik yo‘nalishdagi 5 ta svetofor o‘zaro sinxronlashtirildi.

Yo‘lni bosib o‘tish vaqti deyarli ikki baravar kamaydi

Mazkur uchastkada ilk bor «Yashil to‘lqin» tizimi sutka davomida bir vaqtning o‘zida har ikki yo‘nalishda ishlay boshladi. Bunga transport oqimining ikki tomonda ham deyarli teng bo‘lishi imkon yaratgan.

Svetoforlar sinxronlashtirilishidan oldin ushbu yo‘l qismini bosib o‘tish uchun o‘rtacha 5 daqiqa talab etilgan...

Xitoyning Xpeng kompaniyasi tomonidan yangi Xpeng G9L avtomobili rasman namoyish etildi. Bu haqda CarNewsChina nashri xabar bermoqda.

Besh o‘rindiqli to‘liq o‘lchamli SUV global model sifatida ishlab chiqilgan bo‘lib, yaqin vaqt ichida Xitoy bozorida sotuvga chiqarilishi kutilmoqda. Uning taxminiy narxi 300 ming yuan, ya’ni qariyb $44,4 mingni tashkil etadi.

Xpeng G9L kuzovining uzunligi 5120 mm, kengligi 1999 mm va balandligi 1795 mmga teng. G‘ildirak bazasi 3100 mmni tashkil qiladi. Taqqoslash uchun, yangi krossover BMW X5 G05 modelidan 198 mm uzunroq. Avtomobil faqat besh o‘rindiqli salon bilan taklif etiladi. Shu tariqa kompaniya G9L’ni yaqinda chiqarilgan olti o‘rindiqli GX modelidan alohida segmentga...

Samsung kompaniyasi o‘rta narx segmentiga mansub Samsung Galaxy F70 Pro 5G smartfonini rasman taqdim etdi. Bu haqda kompaniya matbuot xizmati xabar bermoqda.

Qurilma 120 Hz chastotali AMOLED ekran, 6000 mA/soat sig‘imli batareya, Snapdragon 6 Gen 3 protsessori va olti yilgacha dasturiy qo‘llab-quvvatlash bilan ajralib turadi.

Texnik imkoniyatlar

Galaxy F70 Pro 5G smartfoni 6,7 dyuymli Full HD+ aniqlikdagi Super AMOLED displey bilan jihozlangan. Ekran Corning Gorilla Glass Victus+ himoya oynasi bilan qoplangan. Qurilma qutidan Android 16 operatsion tizimi asosidagi One UI 8.5 interfeysi bilan chiqadi.

Samsung yangi smartfon uchun oltita yirik Android yangilanishi va olti yil davomida xavfsizlik yangilanishlarini...

O‘zbekistonda 2026-yil 10-avgustdan boshlab valyuta birjasidagi savdolar soat 17:00 gacha davom etadi. Bu haqda Markaziy bank ma’lum qildi. Unga ko‘ra, dollar har bir bank ish kuni soat 17:30 da Markaziy bankning rasmiy saytida e’lon qilinadi.

Savdolar vaqtining uzaytirilishiga sabab nima

Savdo vaqtining uzaytirilishi ichki valyuta bozorini yanada rivojlantirish va banklarning valyuta operatsiyalarini amalga oshirish imkoniyatlarini kengaytirishga qaratilgan. Yangi tartib banklarga kun davomida valyuta likvidligini samaraliroq boshqarish, mijozlarning to‘lovlarini o‘z vaqtida amalga oshirish hamda xorijiy valyutadagi hisob-kitoblarning uzluksizligini ta’minlash imkonini beradi.

Mazkur kurslardan buxgalteriya hisobi, statistika va boshqa hisobotlarni yuritish, shuningdek, bojxona hamda boshqa majburiy to‘lovlarni hisoblashda amaldagi tartibda...

AQSh Davlat departamenti B-1 va B-2 turidagi biznes hamda turistik vizalar bo‘yicha garov dasturini doimiy qilishni rejalashtirmoqda. Reuters yozishicha, 50 ta davlat fuqarolaridan AQSh vizasini olish uchun $20 minggacha garov qo‘yish talab qilinishi mumkin. O‘zbekiston ushbu ro‘yxatga kiritilmagan.

Avvalgi tajriba dasturi kengaytirilmoqda

Avval sinov tariqasida joriy qilingan dasturda garov miqdori $5 ming, $10 ming yoki $15 ming bo‘lishi mumkin edi.

Yangi yakuniy qoidada $5 minglik variant chiqarib tashlanmoqda, eng yuqori miqdor esa $20 minggacha oshirilmoqda.

O‘zbekiston ro‘yxatda yo‘q

AQSh Davlat departamenti e’lon qilgan ro‘yxatga 50 ta davlat kiritilgan. Ularning 30 tasi Afrika mamlakatlari hisoblanadi.

Markaziy Osiyodan ro‘yxatda...

Uels futbol assotsiatsiyasi FIFA prezidenti Janni Infantinoning 2027–2031-yillarga qayta saylanish bo‘yicha nomzodini qo‘llab-quvvatlashdan voz kechdi. Bu haqda BBC Sport xabar bermoqda.

Qaror FIFA musobaqalaridagi ulushlarni xususiy investitsiya kompaniyalariga sotish rejasidan keyin tashkilot rahbariyatiga nisbatan ishonch pasayishi fonida qabul qilindi. Infantino keyinchalik keskin tanqidlarga sabab bo‘lgan loyihadan voz kechgan bo‘lsa-da, Uels futbol assotsiatsiyasi uning FIFA rahbari sifatida qolishini endi qo‘llab-quvvatlamasligini bildirdi.

FIFA loyihasi futbol tashkilotlari noroziligiga sabab bo‘ldi

«Boshqaruv, jarayonlar, yetakchilik, qadriyatlar, manfaatdor tomonlar bilan ishlash, kommunikatsiya va oqilona qaror qabul qilishdagi so‘nggi muvaffaqiyatsizliklar janob Infantinoning jahon futboli rahbari sifatida Uels futbol assotsiatsiyasi ishonchini yo‘qotishiga...

Poco kompaniyasi 4-avgust kuni Hindistonda taqdim etilishi kutilayotgan Poco M8 Power smartfonining asosiy texnik xususiyatlarini rasman oshkor qildi. Qurilma haqidagi ma’lumotlar Flipkart platformasidagi maxsus sahifada e’lon qilindi.

Texnik imkoniyatlar

Smartfonning asosiy ustunliklaridan biri 8000 mA/soat sig‘imli batareya bo‘ladi. U 45 Vt quvvatli tezkor zaryadlash hamda boshqa qurilmalarni 22,5 Vt quvvatda sim orqali quvvatlantirish imkoniyatini qo‘llab-quvvatlaydi.

Poco M8 Power 6,9 dyuymli Full HD+ AMOLED ekran bilan jihozlanadi.

Displeyning yangilanish chastotasi 120 Gts, eng yuqori yorqinligi esa 1800 nitni tashkil etadi. Qurilma Snapdragon 4 Gen 4 protsessorida ishlaydi va Android 16 asosidagi HyperOS 3 operatsion tizimi bilan yetkazib beriladi.

Kompaniya...

Prezident administratsiyasi rahbari Saida Mirziyoyeva hayvonlarga shafqatsiz munosabatda bo‘lganlarga nisbatan jazo choralari kuchaytirilganini ma’lum qildi. Uning ta’kidlashicha, bu normalar faqat aybdorlarni jazolash emas, balki jamiyatda zo‘ravonlikka murosasiz munosabatni shakllantirishga ham xizmat qiladi.

Yangi tartib 28-iyundan kuchga kirdi

Hayvonlarga shafqatsiz munosabatda bo‘lganlarga nisbatan yanada keskin jazo choralarini nazarda tutuvchi qonunchilik normalari joriy yil 28-iyundan kuchga kirgan.

Endilikda bunday qilmishlar uchun ma’muriy jarimalar ikki baravar oshirilgan. Bundan tashqari, huquqbuzarlarga nisbatan 15 sutkagacha ma’muriy qamoq jazosi qo‘llanilishi mumkin.

Takroriy holat jinoiy javobgarlikka olib kelishi mumkin

Bu turdagi noqonuniy xatti-harakatlarni davom ettirgan shaxslar jinoiy javobgarlikka tortilishi mumkin.

Saida Mirziyoyevaga ko‘ra, ayrim...

O‘zbekistonda avgust oyining juda issiq kelgan dastlabki dam olish kunlaridan ob-havo so‘ng biroz pasayadi. Bu haqda Gidrometeorologiya xizmati markazi «Kursiv» nashriga ma’lum qildi.

Agentlik prognoziga ko‘ra, 3–7-avgust kunlari respublikaning katta qismida kunduzgi havo harorati 35–38 darajadan 32–35 darajagacha o‘zgarib turadi. Avvalroq ham avgust boshidagi 43 darajagacha bo‘lgan jaziramadan so‘ng harorat bosqichma-bosqich pasayishi kutilayotgani ma’lum qilingan edi.

Faqat mamlakatning eng chekka janubiy hududlarida issiq ob-havo saqlanib qoladi. Bu hududlarda 3-avgust kuni harorat 40–43 darajagacha ko‘tariladi, 4–7-avgust kunlari esa 38–40 daraja atrofida bo‘ladi.

Hafta davomida O‘zbekistonning katta qismida havo biroz bulutli, ayrim joylarda o‘zgaruvchan bo‘lishi kutilmoqda. Tekislik hududlarda yog‘ingarchilik prognoz qilinmayapti.

O‘zbekiston va Chexiya o‘rtasida tibbiyot xodimlari hamda hamshiralarni qonuniy ishga joylashtirish bo‘yicha hamkorlik kengaytirilishi mumkin. Bu masala O‘zbekistonning Chexiyadagi elchixonasida «ZYLORA» kompaniyasi vakili bilan o‘tkazilgan uchrashuvda muhokama qilindi, deya xabar berdi «Dunyo».

Muloqotda O‘zbekiston Migratsiya agentligi va Chexiya Sog‘liqni saqlash vazirligi o‘rtasida tartibga solingan mehnat migratsiyasi asosida tibbiyot xodimlari va hamshiralarni ishga jalb etish masalalari ko‘rib chiqildi.

Hamshiralar uchun o‘quv kurslari ochilishi mumkin

Tomonlar malakali mutaxassislarning qonuniy va tartibli ishga joylashishini ta’minlash bo‘yicha hamkorlikni rivojlantirish imkoniyatlarini muhokama qildi.

«ZYLORA» vakillari kelgusida Chexiyada ishga joylashtirish uchun O‘zbekistonda hamshiralarni tayyorlaydigan ixtisoslashtirilgan o‘quv kurslarini tashkil etish imkoniyatini o‘rganayotganini bildirdi.

Huquqiy...

Migratsiya agentligi Slovakiyada qurilish sohasida ishlash uchun 20 nafar izolyatsiya montajchisini tanlab oladi. Bu haqda agentlik Telegram-kanalida ma’lum qilindi.

Ishga ingliz yoki rus tilida muloqot qila oladigan, bino izolyatsiyasi va plitka yotqizish bo‘yicha tajribaga ega 18–50 yoshli erkaklar qabul qilinadi.

Tanlangan nomzodlar binolarga issiqlik izolyatsiyasini o‘rnatish va plitka yotqizish bilan shug‘ullanadi. Ish haftasiga besh kun, kuniga sakkiz soatdan tashkil etiladi. Mehnat shartnomasi ikki yil muddatga tuziladi.

Maosh qancha

Oylik sof daromad bajarilgan ish hajmiga qarab ming yevrodan 2,1 ming yevrogacha bo‘lishi mumkin. Ish haqi foydalaniladigan material, ishni bajarish texnologiyasi va murakkablik darajasidan kelib chiqib, har bir kvadrat metr...

O‘zbekistonda 2026-yilning yanvar–iyun oylarida «Quyoshli xonadon» dasturi doirasida 68,6 ming nafar jismoniy shaxsga 330,8 mlrd so‘mdan ortiq subsidiya to‘landi. Bu haqda Soliq qo‘mitasi ma’lum qildi.

Subsidiya xonadonlarda ishlab chiqarilib, umumiy elektr tarmog‘iga uzatilgan quyosh energiyasi uchun davlat budjetidan ajratilgan. Yarim yil davomida dastur ishtirokchilarining elektr tarmog‘iga uzatgan energiyasi bo‘yicha 330,8 mln birlik ijobiy tafovut qayd etilgan. Iyun oyining o‘zida esa 61,1 ming nafar foydalanuvchiga 100,7 mlrd so‘m subsidiya to‘langan.

Hududlar kesimida

Hududlar orasida eng katta subsidiya Buxoro viloyatiga to‘g‘ri kelib, ushbu hududdagi xonadonlarga 61,9 mlrd so‘m berilgan. Xorazm viloyatida bu ko‘rsatkich 60,5 mlrd so‘mni, Qoraqalpog‘iston Respublikasida 38,9 mlrd...

O‘zbekistonda 2026-yilning yanvar–iyun oylarida 373 ming tirik tug‘ilish holati qayd etildi. Bu haqda Milliy statistika qo‘mitasi ma’lum qildi.

Hududlar orasida eng ko‘p tug‘ilish Samarqand viloyatida kuzatilib, olti oy davomida 46 436 nafar chaqaloq dunyoga kelgan. Keyingi o‘rinlarni Farg‘ona viloyati 41 773 ta, Qashqadaryo viloyati 41 261 ta va Surxondaryo viloyati 35 461 ta ko‘rsatkich bilan egalladi.

Boshqa hududlarda

Andijon viloyatida 32 949 ta, Namangan viloyatida 31 441 ta, Toshkent viloyatida 29 024 ta, Toshkent shahrida esa 27 446 ta tirik tug‘ilish holati qayd etildi. Shuningdek, Buxoro viloyatida 17 535 nafar, Xorazm viloyatida 17 112 nafar, Jizzax viloyatida...

Farg‘ona viloyatining Quvasoy shahrida elektr energiyasidan noqonuniy foydalanish holati aniqlandi. Bosh prokuratura shtabi o‘tkazgan nazorat tadbirida fuqaro M.K.ga qarashli nasos stansiyasi tarmoqqa o‘zboshimchalik bilan ulangani ma’lum bo‘ldi.

Nasos stansiyasi tarmoqqa noqonuniy ulangan

Tekshiruv davomida nasos stansiyasi elektr tarmog‘iga belgilangan tartibga zid ravishda ulangani aniqlangan.

Ushbu holat orqali elektr energiyasidan noqonuniy foydalanib kelingani aytilmoqda.

Zarar 1,8 mlrd so‘mdan oshgan

Dastlabki hisob-kitoblarga ko‘ra, qoidabuzarlik oqibatida elektr ta’minoti korxonasiga 1,8 mlrd so‘m zarar yetkazilgan.

Holat yuzasidan tegishli tartibda hujjatlar rasmiylashtirilgan.

Eslatib o‘tamiz, avvalroq Energetika vaziri va «Hududiy elektr tarmoqlari» rahbari ishdan olingani, yana qator rahbarlarga sinov muddati berilgani haqida...

Ijtimoiy tarmoqlarda Krishtianu Ronaldu Habib Nurmagomedov va Konor Makgregorni Jorjina Rodriges bilan to‘yiga taklif qilgani haqida xabar tarqaldi. Biroq hozircha bu da’voni tasdiqlovchi rasmiy ma’lumot yo‘q, deya xabar berdi The Times of India.

Da’vo avval Gossip Magazine’ga tayanilgan post orqali tarqalgan. Keyinroq uni ayrim Rossiya OAVlari va ijtimoiy tarmoq sahifalari ham ulashgan.

Rasmiy tasdiq yo‘q

Hozircha Krishtianu Ronaldu va Jorjina Rodriges, Habib Nurmagomedov yoki Konor Makgregor bu taklif haqida ochiq bayonot bermagan.

Shuningdek, Ronaldu vakillari ham to‘y mehmonlari ro‘yxatini e’lon qilmagan. Nashrga ko‘ra, Ronaldu yoki uning vakillari rasmiy bayonot bermaguncha, Habib Nurmagomedov va Konor Makgregor to‘yga taklif...

Samsung kompaniyasining kelajakdagi Samsung Galaxy S27 Pro smartfoni Ultra modeliga xos kuchli optik yaqinlashtirish kamerasini olmasligi mumkin. Bu haqda Sammobile nashri xabar berdi.

Galaxy S27 Pro Samsung kompaniyasining flagman smartfonlari qatorida Plus va Ultra modellari o‘rtasidagi yangi qurilma sifatida taqdim etilishi kutilmoqda. Avvalgi ma’lumotlarda uning kamerasi Ultra talqiniga yaqin bo‘lishi aytilgan edi. Xususan, smartfon 200 MP asosiy va 50 MP ultra keng burchakli kamera olishi mumkin.

Kutilganidek emas

Biroq yangi sizdirilgan ma’lumotlar Galaxy S27 Pro modelining zum imkoniyatlari Galaxy S27 Ultra’dan ancha past bo‘lishini ko‘rsatmoqda. Ultra modeliga 50 MP telefoto kamera va besh karra optik yaqinlashtirish funksiyasi berilishi...

Portugaliyalik futbolchi Krishtianu Ronaldu va ispaniyalik model Jorjina Rodrigesning to‘yi 8-avgust kuni Madeyra orolida o‘tishi mumkin. OAV ma’lumotlariga ko‘ra, marosim Ronaldu tug‘ilib o‘sgan Funshal shahridagi soborda tashkil etilishi rejalashtirilgan.

The Sun nashri xabariga ko‘ra, Ronaldu va Rodriges to‘y marosimi uchun Madeyra orolini tanlagan. Bu orol futbolchining tug‘ilib o‘sgan joyi hisoblanadi.

Mahalliy xabarlarda Funshal shahridagi sobor kelasi shanba kuni yirik to‘y marosimi uchun band qilingani aytilmoqda.

Mehmonlar besh yulduzli mehmonxonada kutib olinishi mumkin

Ma’lumotlarga ko‘ra, juftlik to‘ydan keyingi qabul marosimi uchun sobor yaqinidagi besh yulduzli Savoy Palace mehmonxonasini band qilgan.

Manbalarning aytishicha, mehmonxonadagi ayrim qavatlar va bar hududlari...

Chevrolet O‘zbekiston Mustaqilligining 35 yilligi hamda UzAuto Motors kompaniyasining 30 yilligi munosabati bilan Captiva Cobalt va Damas avtomobillari uchun maxsus «Yil aksiyasi»ni boshladi. Bu haqda kompaniya matbuot xizmati ma’lum qildi.

Dastur qanday ishlaydi

Mazkur aksiya 3-avgustdan kuchga kirdi. Uning doirasida Chevrolet Captiva avtomobiliga 45 mln so‘mgacha, Cobalt MCM modeliga 15 mln so‘mgacha chegirma taqdim etiladi. Damas avtomobilining narxi esa 15 mln so‘mga pasaytiriladi.

Kompaniya ma’lumotiga ko‘ra, chegirmalar kundalik foydalanish, oilaviy safarlar va biznes uchun avtomobil xarid qilmoqchi bo‘lgan mijozlarga mo‘ljallangan. Maxsus taklif 10-sentabr kuni ham amal qilgan holda shu sanagacha davom etadi.

Aksiya shartlari faqat avtomobil qiymati to‘liq...

Chevrolet Colorado LT va Chevrolet Silverado C3500 2026-yilgi model qatorida sug‘urtalash eng arzon bo‘lgan yangi pikaplar ro‘yxatida yetakchi o‘rinlarni egalladi. Mercury Insurance tahliliga ko‘ra, Chevrolet modellari reytingda birinchi va ikkinchi o‘rinni oldi.

Silverado C3500 ikkinchi o‘rinni egalladi

Mercury Insurance’ning yillik tadqiqotida Chevy Silverado C3500 sug‘urta xarajatlari eng past pikaplardan biri deb topildi, deya xabar berdi GM Authority.

Model reytingda ikkinchi o‘rinni egalladi. Birinchi o‘rinda esa yana bir Chevrolet modeli — Chevy Colorado LT qayd etildi.

Chevrolet ikkita yetakchi o‘rinni oldi

Tahlilga ko‘ra, Chevrolet brendi eng arzon sug‘urtalanadigan pikaplar ro‘yxatining dastlabki ikki pog‘onasini egallagan.

Uchinchi o‘rinda Ford Maverick...