Yangiliklar

2027-yilgi Chevrolet Tahoe va Chevrolet Suburban modellarida Keyless Entry Pad opsiyasi endi taklif etilmaydi. Avval ushbu tizim barcha komplektatsiyalar uchun $295 narxda mavjud edi.

GM Authority xabar berishicha, Keyless Entry Pad haydovchiga an’anaviy kalit pultisiz avtomobil eshigini ochish imkonini berardi. Haydovchi eshigi yonidagi besh xonali klaviaturaga maxsus kod kiritish orqali mashinani qulfdan chiqarish mumkin bo‘lgan.

Opsiya nima sababdan bekor qilingani noma’lum

General Motors hozircha Keyless Entry Pad nega 2027-yilgi Tahoe va Suburban’dan olib tashlanganini rasman tushuntirmagan.

Biroq kompaniya bu modellarda yangi Digital Key funksiyasini ishga tushirishga tayyorlanmoqda. Ushbu texnologiya 2026 va 2027-yilgi Tahoe hamda Suburban’da dekabr oyidan faollashtirilishi...

Rossiyaning Buryatiya respublikasidagi 8-sonli axloq tuzatish koloniyasida 66 nafar O‘zbekiston fuqarosi jazo muddatini o‘tamoqda. O‘zbekistonning Novosibirskdagi bosh konsuli Aslam Akbarov ular bilan uchrashib, murojaatlarini o‘rgandi.

«Dunyo» ma’lumotiga ko‘ra, vatandoshlar bilan yakka tartibda suhbatlar o‘tkazilib, ularning iltimos va muammolari tinglangan.

Ikki nafar vatandoshga tibbiy yordam ko‘rsatiladi

Uchrashuv davomida yurak va umurtqa pog‘onasi kasalliklaridan aziyat chekayotgan ikki nafar O‘zbekiston fuqarosiga zudlik bilan tibbiy yordam ko‘rsatish bo‘yicha tegishli choralar belgilandi.

Shuningdek, koloniya rahbariyati bilan o‘zbekistonlik mahkumlar uchun musulmon qoidalariga mos ovqatlanishni tashkil etish masalasi ham ko‘rib chiqildi.

Ozodlikka chiqadigan fuqaro uchun qaytish hujjati tayyorlandi

Bir oydan so‘ng koloniyadan ozod etiladigan...

Namangan viloyatining Uchqo‘rg‘on tumanidagi davlat bog‘chasida voyaga yetmagan tarbiyalanuvchiga nisbatan jinsiy zo‘ravonlik holati yuzasidan jinoyat ishi qo‘zg‘atildi. Gumonlanuvchi protsessual tartibda ushlanib, unga nisbatan qamoq ehtiyot chorasi qo‘llanildi.

Holat yuzasidan Ichki ishlar vazirligi, Bolalar ombudsmani hamda Namangan viloyati Maktabgacha va maktab ta’limi boshqarmasi rasmiy ma’lumot berdi.

Nima bo‘lgan

Avvalroq «Daryo» nashri o‘z manbasiga tayanib, Uchqo‘rg‘on tumanidagi davlat bog‘chalaridan birida ishlovchi ombor mudiri 5 yoshli tarbiyalanuvchi qizga nisbatan jinsiy zo‘ravonlik sodir etganini xabar qilgandi.

Nashr ma’lumotiga ko‘ra, holat Ichki ishlar vazirligi matbuot xizmati va Bolalar ombudsmani vakili tomonidan tasdiqlangan.

Gumonlanuvchi 12-sentabr kuni ushlangan

Bolalar ombudsmani ma’lumotiga ko‘ra, holat...

Timur Turlov Xalqaro shaxmat federatsiyasi (FIDE) prezidenti etib saylandi. Saylovlar 26-sentabr kuni Samarqandda 46-Butunjahon shaxmat olimpiadasi bilan parallel ravishda o‘tkazilayotgan tashkilot Bosh assambleyasi doirasida bo‘lib o‘tdi. Saylovda uchta prezidentlik tandemi ishtirok etdi.

FIDE prezidenti lavozimiga Timur Turlov, Yan Xenrik Byuttner va Vadim Rozenshteyn da’vogarlik qilgan. Ularning har biri vitse-prezident lavozimiga nomzod Vishvanatan Anand, Malkolm Peyn va Gordon Tang bilan juftlikda ko‘rsatilgan.

Har bir milliy federatsiya bir ovozga ega. Prezident tandemi yashirin ovoz berish yo‘li bilan saylanadi. Birinchi turda g‘alaba qozonish uchun berilgan ovozlarning yarmidan ko‘pini olish kerak; agar hech bir nomzod bu chegaraga erisha olmasa, ikki yetakchi o‘rtasida ikkinchi tur...

Yaponiyada davom etayotgan XX yozgi Osiyo o‘yinlarida O‘zbekiston delegatsiyasi 34 ta medal jamg‘arib, umumjamoa hisobida to‘rtinchi o‘ringa ko‘tarildi. «Dunyo» ma’lumotiga ko‘ra, sportchilar hisobida 8 ta oltin, 17 ta kumush va 9 ta bronza medal bor.

Medallar jadvalida Xitoy, Yaponiya va Janubiy Koreya kuchli uchlikni egallab turibdi.

Suxrob Xo‘jayev oltin medal oldi

Yengil atletikada Suxrob Xo‘jayev bosqon uloqtirish bahsida 74,38 metr natija ko‘rsatib, Osiyo o‘yinlari chempioniga aylandi.

Baydarka va kanoeda eshkak eshishda ham O‘zbekiston vakillari sovrinli o‘rinlarni egalladi. Shahriyor Mahkamov erkaklar o‘rtasidagi K1 dasturining 500 metr masofasida oltin medalni qo‘lga kiritdi.

Arina Tanatmisheva hamda Shohsanam Sherzodova va Nilufar Zokirova

Qozog‘iston shaxmat federatsiyasi prezidenti va FIDE prezidentligiga nomzod Timur Turlov O‘zbekistonning shaxmatdagi so‘nggi yutuqlarini yuqori baholadi. U jurnalistlar bilan bo‘lgan suhbatda mamlakatni Olimpiadaning favoritlaridan biri va shaxmat bo‘yicha superkuchli davlat deb atadi.

«O‘zbekiston bu Olimpiadaning favoritlaridan biri va hozir eng yuqori natijalarni ko‘rsatmoqda. Bugun hamma O‘zbekistonga shaxmat bo‘yicha superkuchli mamlakat sifatida qarayapti. So‘nggi yillarda bu yerda shaxmat maktabi jadal rivojlandi», – dedi Turlov.

Uning fikricha, O‘zbekiston shaxmatchilarining natijalari tasodifiy emas, balki uzoq yillik tizimli ishlarning samarasi.

«Ishonchim komilki, tizimli yondashuv va uzoq vaqt davomida amalga oshirilgan ishlar bugungi ajoyib natijalarning sababidir...

Braziliyaning Embraer kompaniyasi O‘zbekiston Harbiy-havo kuchlariga birinchi C-390 Millennium ko‘p maqsadli harbiy transport samolyotini topshirdi. Shu tariqa O‘zbekiston Markaziy Osiyoda ushbu samolyotdan foydalanadigan birinchi davlatga aylandi.

Samolyotni topshirish marosimi 25-sentabr kuni Braziliyaning Gavião Peixoto shahridagi Embraer zavodida bo‘lib o‘tdi. Unda O‘zbekiston Harbiy-havo kuchlari qo‘mondoni general-mayor Ahmad Burxonov va «O‘ztextreyd» davlat muassasasi direktori Olimxon Rustamov qatnashdi.

Shartnoma 2024-yil oxirida imzolangan

Embraer ma’lumotiga ko‘ra, C-390 Millennium yetkazib berish bo‘yicha shartnoma 2024-yil oxirida imzolangan.

Kelishuv samolyotning o‘zidan tashqari, mutaxassislarni o‘qitish, texnik qo‘llab-quvvatlash va ehtiyot qismlar yetkazib berishni ham o‘z ichiga oladi.

«Birinchi C-390 Millennium’ning yetkazib berilishi O‘zbekiston...

AQShdagi ayrim iPhone 18 Pro Max foydalanuvchilari mobil tarmoq bilan bog‘liq muammolarga duch kelmoqda. Mydrivers xabariga ko‘ra, ayrim qurilmalarda qo‘ng‘iroq qilish, SMS yuborish va mobil internetdan foydalanish imkoni yo‘qolgan.

Muammo, asosan, AT&T tarmog‘iga ulanish va eSIM’ni faollashtirish bilan bog‘liq ekani aytilmoqda. Shunga o‘xshash shikoyatlar Reddit hamda Apple qo‘llab-quvvatlash forumlarida ham paydo bo‘lgan.

Muammo Qualcomm modemiga bog‘liq bo‘lishi mumkin

AQSh bozori uchun chiqarilgan iPhone 18 Pro Max yangi avloddagi iPhone’lar orasida Qualcomm modemidan foydalanadigan yagona model ekani qayd etilgan.

AQShdagi iPhone 18 Pro va iPhone Duo modellarida Apple’ning C2 modemi qo‘llanilgan. Boshqa mamlakatlar uchun mo‘ljallangan iPhone 18 Pro Max...

Samarqandda o‘tayotgan 46-Butunjahon shaxmat olimpiadasida O‘zbekiston terma jamoasi a’zosi Javohir Sindarov to‘qqizinchi turdan so‘ng jurnalistlarga qisqa intervyu berdi.

«O‘zbekiston terma jamoasini qo‘llab-quvvatlagan barcha muxlislarga chuqur minnatdorchiligimni bildiraman. Xudo xohlasa, bu yil Olimpiadani qo‘lga kiritamiz. Bizni qo‘llab-quvvatlashda davom eting», – dedi Sindarov.

To‘qqizinchi turda O‘zbekiston AQSh terma jamoasini 2,5:1,5 hisobida mag‘lub etdi. Shu g‘alabadan keyin mezbonlar 16 ochko bilan turnirda yakka peshqadamga aylandi. Hindiston va O‘zbekiston-2 hisobida 15 ochkodan bor. Qo‘shimcha ko‘rsatkichlar bo‘yicha Hindiston ikkinchi, O‘zbekiston-2 esa uchinchi o‘rinda bormoqda. Shu tariqa O‘zbekistonning ikki jamoasi turnir jadvalining kuchli uchligidan joy oldi.

O‘zbekiston-2 to‘qqizinchi turda Niderlandiyani...

Xalqaro shaxmat federatsiyasi (FIDE) prezidentligiga nomzod Timur Turlov o‘z dasturining moliyaviy qismi haqida gapirdi. Sport dasturlarini rivojlantirish uchun ajratiladigan mablag‘lardan tashqari, u har yili media va shaxmatni targ‘ib qilish uchun $1,5 mln yo‘naltirishni taklif qilmoqda.

Turlovning aytishicha, bunday moliyalashtirish milliy federatsiyalarga o‘z loyihalarini yaxshiroq targ‘ib qilish va ularga e’tibor jalb etishga yordam beradi. Shuningdek, bu turli mamlakatlarda shaxmatni rivojlantirish va ommalashtirishga xizmat qiladi.

«Bundan tashqari, har yili yana $1,5 mln media uchun yo‘naltirilishi rejalashtirilgan. Bu har bir federatsiyaga o‘zini va loyihalarini munosib namoyish etish, shaxmatning esa har bir mamlakatda yanada barqaror, taniqli va nufuzli bo‘lishiga yordam...

Joriy yilning 25-sentabr kuni o‘tkazilgan matbuot anjumanidan so‘ng Pensiya jamg‘armasi bo‘lim boshlig‘i Nozimjon Jo‘rayev pensiya yoshini oshirish loyihasi yuzasidan jamoatchilik fikri qay tartibda inobatga olinishi bo‘yicha Kursiv Uzbekistan muxbiriga izoh berdi. Uning so‘zlariga ko‘ra, bildirilgan takliflar tahlil qilinib, tegishli o‘zgartirishlar kiritiladi.

«Pensiya yoshini birdaniga uch yilga oshirish o‘rniga, uni har yili uch oydan bosqichma-bosqich oshirish bo‘yicha takliflar ham bildirilgan. Jamoatchilik muhokamasi yakunlangach, kelib tushgan takliflar asosida loyiha qayta ko‘rib chiqiladi. Inobatga olinmagan takliflar bo‘yicha esa tegishli asoslar keltiriladi», – dedi u.

Pensiya jamg‘armasi normativ bazani takomillashtirish bo‘limi boshlig‘i Nozimjon Jo‘rayevning aytishicha, loyiha yuzasidan kelib tushayotgan...

46-Butunjahon shaxmat olimpiadasining toʻqqizinchi turi Oʻzbekiston erkaklar jamoalari uchun muvaffaqiyatli oʻtdi. Birinchi terma AQShni 2,5:1,5 hisobida, Oʻzbekiston-2 Niderlandiyani 3,5:0,5, Oʻzbekiston-3 esa Qirgʻizistonni 2,5:1,5 hisobida magʻlub etdi. Oʻzbekiston-2 safida birinchi donada oʻynayotgan Jahongir Vohidov Niderlandiya yetakchisi Anish Girini magʻlub qildi. Partiyadan soʻng grossmeyster jurnalistlar bilan boʻlgan suhbatda uchrashuv, jamoaning natijasi va Olimpiadadagi imkoniyatlari haqida gapirdi.

Boshidan oxirigacha ustunlikni his qildim

Vohidovning aytishicha, Giri bilan partiyada vaziyatni boshidan nazorat qilganini his qilgan.

«Boshidan oxirigacha ustunlikka ega ekanimni his qildim. Menimcha, juda yaxshi partiya boʻldi. Albatta, jamoamiz gʻalaba qozonganidan juda xursandman», – dedi u.

Oʻzbekiston-2 Niderlandiyaga qarshi...

Toshkentda fuqaroning xususiy oliygohning 3-bosqichiga noqonuniy tarzda o‘qishga kiritilishi evaziga $8 ming talab qilingan holat aniqlandi. DXX ma’lumotiga ko‘ra, tezkor tadbir davomida bir necha shaxs, jumladan, Yakkasaroy tumani IIO FMB inspektor-psixologi ham ushlandi.

Davlat xavfsizlik xizmati, Bosh prokuratura huzuridagi Departament va Ichki ishlar vazirligi xodimlari hamkorligida tezkor tadbir o‘tkazilgan.

Soxta hujjatlar orqali 3-bosqichga kiritishni va’da qilgan

DXX ma’lumotiga ko‘ra, 1997-yilda Jizzax viloyatining G‘allaorol tumanida tug‘ilgan va Toshkentda yashovchi shaxs fuqaroni Rossiyadagi oliygohlardan birida ikki yil o‘qigan deb ko‘rsatuvchi soxta hujjatlar asosida poytaxtdagi xususiy OTMning 3-bosqichiga kiritib qo‘yishni va’da qilgan.

Buning evaziga u $8 ming talab qilgan va...

Tijorat banklari tomonidan 26-sentabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dam olish kunlari 24 ta bank ishlashi haqida yozgan edi.

26-sentabr kuni O‘zbekiston hududining katta qismida yog‘ingarchilik kutilmaydi. «O‘zgidromet» ma’lumotiga ko‘ra, kunduzi havo harorati 22–27 daraja atrofida bo‘ladi. Ayrim cho‘l hududlarida shamol kuchayib, chang-to‘zonlar kuzatilishi mumkin.

Tog‘larda yomg‘ir, baland joylarda qor yog‘ishi mumkin

Tog‘oldi va tog‘li hududlarning ayrim joylarida qisqa muddatli yomg‘ir yog‘ib, momaqaldiroq kuzatilishi kutilmoqda.

Baland tog‘larda yog‘ingarchilik qorga aylanishi mumkin. Bu hududlarda harorat 15–20 daraja bo‘ladi. Shamol 7–12 m/s tezlikda esadi, ayrim joylarda 13–18 m/s gacha kuchayishi mumkin.

Toshkentda 25–27 daraja iliq bo‘ladi

Poytaxtda yog‘ingarchilik kutilmaydi. Kunduzi havo harorati 25–27 daraja atrofida bo‘ladi.

Shamol 5–10 m/s tezlikda esadi. Respublikaning cho‘l hududlarida esa shamol ayrim joylarda...

26 − 27-sentabr — shanba va yakshanba kunlari 24 ta tijorat banki tomonidan valyuta ayirboshlash hamda xalqaro pul oʻtkazmalari xizmatlari koʻrsatiladi. Bu haqda Markaziy bank matbuot xizmati ma’lum qildi.

Dam olish kunlari valyuta ayirboshlash va pul oʻtkazmalari shoxobchalari quyidagi banklarda faoliyat yuritadi:

Agrobank
Asia Alliance Bank
Apex Bank
Biznesni rivojlantirish banki
Ipoteka-bank
Milliy bank
Orient Finance Bank
Tenge Bank
Trastbank
Hamkorbank
Anorbank
Garant Bank
Hayot Bank
Sanoat qurilish Bank
Asakabank
Infinbank
Saderat Bank
Xalq banki
Ipak Yo‘li Bank
Mikrokreditbank
Poytaxt Bank
Kapitalbank
Turonbank
Universalbank

Shu bilan birga, aholi 24/7 rejimida ishlovchi avtomatlashtirilgan valyuta ayirboshlash bankomatlari orqali hamda bank boʻlimiga tashrif buyurmasdan...

O‘zbekistonda jamg‘armani qaysi valyutada saqlash masalasi so‘m kursining o‘zgarishi, banklardagi depozit stavkalari va inflyatsiya fonida doimiy ravishda dolzarbligicha qolmoqda. Dollar hanuz dunyoning yetakchi valyutalaridan biri bo‘lsa-da, jamg‘armaning barchasini faqat bitta valyutada saqlash har doim ham eng maqbul yechim bo‘lavermaydi. Iqtisodchi, iqtisod fanlari doktori To‘lqin Boboqulov Kursiv Uzbekistan’ga jamg‘armalarni dollarda saqlashning afzalliklari va xatarlari, so‘mdagi depozitlar bilan taqqoslash hamda mablag‘ni turli valyutalarga taqsimlash masalalari haqida fikr bildirdi.

Jamg‘armaning barchasini dollarda saqlash kerakmi

Boboqulovning ta’kidlashicha, AQSh dollari, shubhasiz, dunyoning yetakchi valyutasi hisoblanadi. Biroq dollar kursi ham o‘zgaruvchan bo‘lib, uning boshqa valyutalarga nisbatan tebranish diapazoni kengayishi mumkin.

Shu sababli iqtisodchi jamg‘armalarni faqat...

O‘zbekiston prezidenti Shavkat Mirziyoyev Qozog‘iston yetakchisiga Kaspiy dengizdagi fojia bo‘yicha ta’ziya yo‘lladi, «Chelsi» jamoasi Abduqodir Husanovga qiziqish bildirmoqda — 25-sentabr yangiliklarini Kursiv Uzbekistan dayjestida o‘qing.

Shavkat Mirziyoyev Qozog‘istondagi harbiylar halokati munosabati bilan hamdardlik bildirdi

O‘zbekiston prezidenti Shavkat Mirziyoyev Qozog‘istonning Mang‘istau viloyatida harbiy mashg‘ulotlar vaqtida 14 nafar harbiy xizmatchi halok bo‘lgani munosabati bilan hamdardlik bildirdi. Bu haqda Aqorda xabar berdi.

Prezident Qozog‘iston rahbari Qasim-Jomart Toqayev, halok bo‘lganlarning oila a’zolari va yaqinlariga, shuningdek, Qozog‘iston xalqiga chuqur ta’ziya izhor qilgan. Qozog‘iston prezidenti voqeadan so‘ng qurbonlarning yaqinlariga hamdardlik bildirgan va mamlakatda 25-sentabrni umummilliy motam kuni deb e’lon qilgan.

Abduqodir Husanov...

Samarqandda o‘tayotgan 46-Butunjahon shaxmat Olimpiadasi hal qiluvchi bosqichga kirdi. O‘zbekistonning asosiy jamoasi 9-turda AQShni 2,5:1,5 hisobida mag‘lub etib, turnir jadvalidagi peshqadamligini davom ettirdi. Ikkinchi jamoa Niderlandiyani 3,5:0,5 hisobida yenggan bo‘lsa, O‘zbekiston-3 ham Qirg‘iziston ustidan 2,5:1,5 hisobida g‘alaba qozondi.

Kursiv Uzbekistan O‘zbekistonning ikki jamoasi vakillari – asosiy tarkibning 2-doskasi Nodirbek Abdusattorov va O‘zbekiston-3 jamoasining 1-doskasi Saidakbar Saydaliyev bilan suhbatlashdi. Shaxmatchilar kechagi mag‘lubiyatdan keyingi kayfiyat, AQShga qarshi muhim bahs, jamoaviy manfaat va Olimpiadadagi umumiy vaziyat haqida gapirdi.

«Kechagi mag‘lubiyatdan keyin o‘zimizga kelib oldik»

O‘zbekistonning asosiy jamoasi 9-turga Germaniyaga qarshi mag‘lubiyatdan keyin chiqdi. Nodirbek Abdusattorovning aytishicha, kutilmagan natija jamoa...

Eron AQSh prezidenti Donald Tramp ma’muriyatiga urushni to‘xtatish bo‘yicha yangi taklif yubordi. Tehron Vashington bilan kelishuvga erishilganidan so‘ng strategik ahamiyatga ega Hormuz bo‘g‘ozini yetti kun ichida qayta ochishga tayyorligini bildirdi. Bu haqda BMT Bosh Assambleyasi doirasida Eron tashqi ishlar vaziri Abbos Aroqchi ma’lum qildi.

Eron nimani talab qilmoqda

Eron tashqi ishlar vaziri Abbos Aroqchi Tehronning taklifida aynan qanday shartlar qo‘yilganini batafsil ochiqlamadi.

Reuters ma’lumotlariga ko‘ra, Tehron avvalroq AQShning Eron portlariga qo‘ygan blokadasini yumshatish yoki bekor qilish hamda harbiy bosimni kamaytirishni talab etgan. Eron bo‘g‘ozni ochish masalasini Vashington bilan muzokaralardagi asosiy shartlardan biri sifatida ko‘rmoqda.

Hormuz...

Samarqand mezbonlik qilayotgan Butunjahon shaxmat Olimpiadasining 9-turida O‘zbekiston terma jamoalari muvaffaqiyatli natijalar qayd etdi.

Erkaklar o‘rtasidagi asosiy jamoa avvalgi turda Germaniyaga boy berilgan bahsdan so‘ng AQShga qarshi muhim g‘alabani qo‘lga kiritdi. Turnirning asosiy favoritlaridan biri hisoblangan AQSh ustidan O‘zbekiston 2,5:1,5 hisobida zafar quchdi.

Bahsning dastlabki partiyasida 4-doskada o‘ynagan Muhiddin Madaminov Levon Aronyanga qarshi durang qayd etdi. Madaminov avvalgi turda mag‘lubiyatga uchragan Shamsiddin Vohidov o‘rniga tarkibga kiritilgandi.

Keyingi partiyada Nodirbek Abdusattorov jahon reytingining kuchli uchligidan joy olgan Fabiano Karuanani mag‘lubiyatga uchratdi.

3-doskadagi bahsda esa Javohir Sindarov Uesli So bilan o‘yinda murakkab vaziyatga tushib qoldi. Uchrashuv yakunida Sindarov mag‘lub...

Isroil bosh vaziri Binyamin Netanyahuning BMT Bosh assambleyasidagi nutqi boshlanishi bilan o‘nlab davlatlar delegatsiyalari norozilik sifatida zalni tark etdi. Ular orasida O‘zbekiston va Qirg‘iziston delegatsiyalari ham bo‘lgan. Bu haqda Reuters xabar berdi.

O‘zbekiston va Qirg‘iziston vakillari ham chiqib ketdi

24-sentabr kuni BMT Bosh assambleyasining 81-sessiyasida Binyamin Netanyahu minbarga ko‘tarilgan paytda ko‘plab delegatlar o‘z o‘rinlarini tark eta boshladi.

Reuters tomonidan tarqatilgan suratlarda O‘zbekiston va Qirg‘iziston delegatsiyalari o‘tirgan joylarning ham bo‘sh qolgani ko‘rinadi. Xalqaro nashrlar O‘zbekiston va Qirg‘izistonni Netanyahu nutqi vaqtida zalni tark qilgan davlatlar qatorida qayd etgan.

Norozilik Netanyahu minbarga chiqishi bilan boshlangan. Zalda uning tarafdorlari olqishlagan...

Qirg‘izistonning sobiq ichki ishlar vaziri Omurbek Suvonaliyev 2027-yilgi prezidentlik saylovida nomzod sifatida qatnashish niyatida ekanini ma’lum qildi. Bu haqda u jurnalistlarga bergan intervyusida aytgan.

Suvonaliyev nima dedi

66 yoshli Suvonaliyev saylovda amaldagi prezidentga muqobil nomzod bo‘lishi kerakligini ta’kidlagan. U prezidentlik uchun kurashishda ishtirok etish niyatida ekanini va shu yo‘nalishda muxolif siyosiy kuchlarni birlashtirishga harakat qilishini bildirgan.

Suvonaliyev 2006 – 2007-yillarda Qirg‘iziston ichki ishlar vaziri vazifasini bajargan. Shuningdek, u Narin va Talas viloyatlari gubernatori lavozimlarida ishlagan.

Japarov ham poygada bor

Amaldagi prezident Sadir Japarov ham avvalroq 2027-yilgi saylovda nomzodini ilgari surish niyatini bildirgan. 

Avvalroq Qirg‘iziston parlamenti...

Saudiya Arabistonining bosh muftiysi Shayx Solih bin Favzon Al-Favzon mamlakat chegaralarida xizmat qilayotgan harbiylarni Eron tomonidan qo‘llab-quvvatlanadigan husiylarga qarshi kurashda jonini fido qilishga tayyor turishga chaqirdi. U husiylar hokimiyatdan chetlatilguniga qadar kurashni davom ettirish zarurligini ta’kidladi. Bu haqda Reuters Saudiya davlat axborot agentligi tarqatgan bayonotga tayanib xabar berdi. 

Bosh mufti harbiylarga nima dedi

Al-Favzonning bayonoti 24-sentabr kuni kechqurun e’lon qilingan. Unda Saudiya hududini himoya qilish va mamlakatning hatto bir qarichiga tajovuz qilganlarga qarshi turishni muhim diniy va milliy vazifa sifatida ta’riflangan.

Bayonotda Saudiya Arabistoni qo‘llab-quvvatlayotgan xalqaro tan olingan Yaman hukumatining mamlakat hududining barchasidagi hokimiyatini tiklash ham...