Yangiliklar

Toshkentdagi Hilton mehmonxonasida O‘zbekiston futzal federatsiyasi va ispaniyalik mutaxassis Xose Mariya Mendes o‘rtasida rasmiy shartnoma imzolandi. Tadbir davomida u milliy terma jamoaning yangi bosh murabbiyi sifatida ommaga tanishtirildi.

Matbuot anjumanida O‘zbekiston futzal federatsiyasi rahbari Bekzod Mamatqulov, O‘zbekiston professional futbol ligasi rahbari Diyor Imomxo‘jayev hamda ommaviy axborot vositalari vakillari ishtirok etdi.

Ma’lumot uchun, Xose Mariya Pazos Mendes 1974-yil 28-mart kuni Ispaniyaning Lugo shahrida dunyoga kelgan. Yoshligida darvozabon sifatida futzalni boshlagan murabbiy 22 yoshda futzalchilik faoliyatini yakunlagan. Murabbiylik faoliyati davomida Tailand, Vyetnam, O‘zbekiston U-18 va O‘zbekiston terma jamoalarida ishlagan.

Ispaniyalik mutaxassis birinchi marta 2011 – 2012-yillarda, ikkinchi marta esa...

Davlat bug‘doyidan un ishlab chiqarib, birjaga chiqarmagan 29 ta korxona birja savdosidan chetlashtirildi. Bu haqda Raqobat qo‘mitasi ma’lum qildi.

Unga ko‘ra, ichki bozorda bug‘doy mahsulotlari narxini barqarorlashtirish va qonunchilik talablariga rioya qilinishini ta’minlash maqsadida 29 ta korxona birja savdolaridan chetlashtirildi. Amaldagi qonunchilikka binoan, bug‘doy va un mahsulotlari faqat birja orqali sotilishi mumkin bo‘lgan yuqori likvidli va ijtimoiy ahamiyatga ega mahsulot hisoblanadi.

Davlat resursidagi, ya’ni budjet mablag‘lari hisobidan xarid qilingan bug‘doyni, birjadan sotib olingan hajmga muvofiq, yana birjada sotish belgilangan. Ushbu talablar bajarilmagan hollarda raqobat to‘g‘risidagi qonunchilik doirasida tegishli choralar ko‘riladi.

Shu munosabat bilan 2026-yil 3-apreldan boshlab davlat resursidan...

Namangan tumani Qurilish va uy-joy kommunal xo‘jaligi bo‘limi bosh arxitektori $1,5 ming pora olayotgan vaqtida ushlandi. Bu haqda Bosh prokuratura departamenti ma’lum qildi.

Unga ko‘ra, arxitektor tumandagi oilaviy korxona rahbariga yashash uyining bir qismida yangi tashkil etilayotgan avtomobil yuvish shoxobchasining loyiha hujjatlarini tayyorlab, qurilish ishlariga qo‘yilgan taqiqni bekor qilishni va’da bergan. Buning uchun esa korxona rahbaridan $1,5 ming talab qilgan.

Bosh arxitektor ushbu summaning $500 ni olgan va qolgan $1 mingni xizmat xonasida olgan vaqtida ashyoviy dalillar bilan ushlandi. Mazkur holat yuzasidan Jinoyat kodeksining 210-moddasi (pora olish) bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq...

Eron 6-aprel kuni Islom inqilobi qo‘riqchilari korpusi (IIQK) razvedka bo‘linmasi rahbari, general-mayor Majid Xademining halok bo‘lganini tasdiqladi.

Isroil tomoni generalni yo‘q qilganini tan olib, uni Isroil fuqarolariga qilingan raketa hujumlariga aloqadorlikda aybladi. Xabarlarga ko‘ra, general Xademi dushanba kuni erta tongda o‘ldirilgan. Hozircha voqeaning boshqa qo‘shimcha tafsilotlari ochiqlanmagan.

Isroil mudofaa vaziri Israel Kats bosh shtab rahbari tomonidan Xademining yo‘q qilingani haqida xabardor etilganini ma’lum qildi. Uning ta’kidlashicha, general Isroilning tinch aholisiga qilingan halokatli raketa zarbalari uchun bevosita javobgar hisoblanadi.

«IIQK tinch aholiga qarata o‘q uzmoqda, biz esa terrorchilar yetakchilarini yo‘q qilyapmiz», – dedi Kats.

Vazirlik...

Tesla 2026-yil boshida yana dunyodagi eng yirik elektromobil ishlab chiqaruvchiga aylandi. Kompaniya sof elektr avtomobillar savdosi bo‘yicha Xitoyning BYD brendini ortda qoldirdi.

Yanvar – mart oylarida Tesla global yetkazib berish hajmini 6,5 foizga oshirib, 358 ming dona elektromobil sotdi. Bu natija kompaniyaga yana birinchi o‘rinni qaytarib berdi. Shu davrda BYD’ning sof elektr avtomobillar savdosi 25,5 foizga kamaydi. Kompaniya 310,3 ming dona elektromobil sotgan.

BYD gibrid modellarni ham ishlab chiqaradi, Tesla esa faqat to‘liq elektr avtomobillarni taklif qiladi. Xitoyda davlat subsidiyalarining qisqarishi BYD savdosiga salbiy ta’sir ko‘rsatgan. Yangi qoidalarga ko‘ra, xaridorlarga beriladigan subsidiyalar kamaygan va elektromobillar uchun soliq imtiyozlari qisqartirilgan...

O‘zbekistonda «Eng yaxshi metrolog» tanlovini o‘tkazish tartibi rasman belgilandi. Bu haqda Adliya vazirligi ma’lum qildi.

Hukumat qarori bilan «Eng yaxshi metrolog» mukofoti bilan taqdirlash tartibi to‘g‘risidagi nizom tasdiqlandi. Ushbu nizom tanlovning o‘tkazilish tartibini belgilab, qatnashuvchilar uchun aniq mezonlarni belgilaydi.

Nizomga ko‘ra, tanlov uchta nominatsiya bo‘yicha o‘tkaziladi: ilmiy metrologiya yo‘nalishidagi eng yaxshi metrolog, amaliy metrologiya yo‘nalishidagi eng yaxshi metrolog va eng yaxshi yosh metrolog. Tanlov mezonlari sifatida mamlakat sanoatining rivojlanishida metrologiya sohasiga qo‘shilgan hissasi hamda ta’lim va ijtimoiy ahamiyatga ega faoliyat natijalari hisobga olinadi.

Talabgorlar har yili 10-apreldan oldin barcha zarur hujjatlarni ariza bilan birga Tanlov komissiyasi kotibiga taqdim...

Xalqaro miqyosda 2026-yilgi global internet erkinligi indeksi natijalari e’lon qilindi. Joriy yilda O‘zbekiston maksimal 100 balldan 24 ball to‘plagan. Bu haqda Cloudwards xabar bermoqda.

Mintaqaviy ko‘rsatkichlar turlicha taqsimlangan bo‘lib, Markaziy Osiyoda Tojikiston 56 ball va Qirg‘iziston 52 ball bilan mintaqada nisbatan yaxshi natija ko‘rsatgan. Qozog‘istonning reytingdagi bali 36 ni tashkil qildi. Afg‘onistonda esa ushbu raqam 24 ballga teng bo‘ldi.

Global miqyosda eng past ko‘rsatkichlar Rossiya, Xitoy, Hindiston, Pokiston va Eronda qayd etildi. Ko‘rsatib o‘tilgan davlatlarning har biri atigi 4 balldan to‘plagan. Shuningdek, Saudiya Arabistoni 12 ball olgan bo‘lsa, Mongoliya 76 ball bilan yuqori erkinlik darajasini ko‘rsatgan.

Reytingda eng yuqori...

7-aprel uchun valyutalar kursi yangilandi. Unga ko‘ra, dollar 4,67 so‘mga oshib, 12 175,34 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

31-mart kuni 15,21 so‘mga oshib, 12 210,71 so‘mni tashkil etgan edi. AQSh valyutasi 1-apreldan pasayishni boshladi: 1-aprel kuni 16,50 so‘mga tushib, 12 194,21 so‘m, 2-aprel kuni esa 52,11 so‘mga tushib, 12 142,10 so‘m bo‘ldi. 3-apreldan dollar yuqorilashni boshladi: shu kuni AQSh valyutasi 7,74 so‘mga oshib, 12 149,84 so‘mni, 6-aprelda esa 20,83 so‘mga oshib, 12 170,67 so‘mni tashkil etdi.

Markaziy bank ma’lumotlariga ko‘ra, yevro 15,14 so‘mga oshib, 14 063,74 so‘mni, rubl esa...

Apple kompaniyasi buklanadigan ekranli yangi iPhone smartfonini ishlab chiqarish jarayonini yakunlashga yaqinlashmoqda. Bu haqda Mydrivers nashri ma’lum qildi.

Manbalarga ko‘ra, qurilmaning sinov ishlab chiqarishi allaqachon boshlangan. Yangi model sentabr oyida kuzgi taqdimotda omma e’tiboriga havola qilinadi. Dunyo bo‘ylab sotuvlar dekabr oyida boshlanishi kutilmoqda.

Buklanadigan iPhone gorizontal formatda ichkariga buklanadigan dizaynga ega bo‘ladi. Tashqi ekran diagonali 5,5 dyuym, ichki ekran esa 7,8 dyuymni tashkil qiladi. Suvli metallardan tayyorlangan mente va moslashuvchan shisha tufayli buklanish deyarli sezilmaydi. Qurilma korpusi titan materialidan ishlanadi va ochiq holatda qalinligi taxminan 4,5-4,8 mm bo‘ladi.

Qurilma ichki jihozlashda TSMC tomonidan ishlab chiqarilgan 2 nm A...

Samsung kompaniyasi Samsung Galaxy S27 seriyasi doirasida to‘rtta modelni taqdim etishni rejalashtirmoqda. Ular Galaxy S27, S27+, S27 Pro va S27 Ultra bo‘lishi mumkin.

Eng qiziq yangiliklardan biri – Galaxy S27 Pro modeli. Ushbu qurilma Ultra darajasidagi ayrim funksiyalarni taklif qilishi kutilmoqda. Biroq u S Pen qurilmasiz chiqadi. S Pen esa faqat Ultra modelida qoladi. Ma’lumotlarga ko‘ra, Galaxy S27 Pro 200 MP asosiy kamera bilan jihozlanishi mumkin. Bu esa uni foto imkoniyatlari bo‘yicha flagman darajasiga yaqinlashtiradi. Shuningdek, modelda Privacy Display texnologiyasi ham bo‘lishi kutilmoqda. Bu funksiya ekranni yon tomondan ko‘rishni cheklaydi.

Galaxy S27 Pro Ultra modeliga qaraganda ixchamroq bo‘lishi mumkin...

O‘zbekiston kapital bozorini rivojlantirish maqsadida endilikda mamlakat rezidentlari ham kapitаl bozori sohasidagi «tartibga solish qumdoni» maxsus huquqiy rejimi ishtirokchisiga aylanish imkoniyatiga ega bo‘ldi. Bu haqda Adliya vazirligi ma’lum qildi.

Kapital bozori sohasida «tartibga solish qumdoni» maxsus huquqiy rejimini taqdim etish tartibi to‘g‘risidagi nizomga o‘zgartirish va qo‘shimchalar kiritish haqidagi idoraviy hujjat davlat ro‘yxatidan o‘tkazildi.

Kiritilgan o‘zgartirishlarga ko‘ra, endilikda nafaqat tan olingan xorijiy yurisdiksiyadagi norezident yuridik shaxslar, balki O‘zbekiston Respublikasi rezidentlari ham ushbu maxsus huquqiy rejim ishtirokchisiga aylanishi mumkin. Shuningdek, mazkur rejimning amal qilish muddati cheklanmagan qilib belgilandi.

Bundan tashqari, kapital bozori sohasida ilgari qonunbuzarliklar sodir etilgan bo‘lsa va vakolatli...

Kia kompaniyasi tomonidan O‘zbekistonda yangi avlod Kia Carnival modeli taqdim etildi. Model ishlab chiqaruvchi tomonidan ulkan universal avtomobil sifatida pozitsiyalanmoqda.

Yangi Carnival tashqi ko‘rinishida sezilarli yangilanishlarga ega bo‘ldi. Old qismida vertikal faralar va «Yulduzlar xaritasi» uslubidagi kunduzgi chiroqlar qo‘llangan. Radiator panjarasi va himoya elementlari avtomobilga yanada kuchli hamda ishonchli ko‘rinish beradi. Orqa qismda esa minimalistik dizayn va yangi chiroqlar konsepsiyasi qo‘llanilgan.

Salon modelning asosiy ustunliklaridan biri bo‘lib qolmoqda. Ichki makon keng va zamonaviy dizaynga ega. Markazda 12,3 dyuymli ikkita displey birlashtirilgan bo‘lib, multimedia va boshqaruv tizimlarini o‘z ichiga oladi. Atmosfera yoritqichi 64 xil rangda sozlanadi. Haydovchi uchun Ergo Motion...

Milliy statistika qo‘mitasi ma’lumotlariga ko‘ra, mart oyida iste’mol narxlari o‘rtacha 0,6 foizga oshgan. Bu ko‘rsatkich fevral oyiga nisbatan deyarli o‘zgarmagan bo‘lsa-da, o‘tgan yildagiga qaraganda pastroq.

2026-yilning birinchi choragi yakuniga ko‘ra, inflyatsiya 1,9 foizni tashkil etdi. Eng muhim ko‘rsatkich – yillik inflyatsiya 7,1 foizgacha pasayib, 2017-yildan buyon eng past darajaga tushdi.

Tahlillarga ko‘ra, xizmatlar sohasida narxlar o‘sishining keskin sekinlashuvi umumiy inflyatsiyani pasaytirgan. O‘tgan yildagiga nisbatan bu segmentdagi o‘sish qariyb ikki baravar kamaygan.

Shu bilan birga, oziq-ovqat mahsulotlari narxlarida aksincha, o‘sish tezlashgan. Mart oyida bu yo‘nalishda 1,2 foizlik oshish qayd etilgan. Yillik hisobda esa oziq-ovqat narxlari 5,6 foizga qimmatlashgan.

Nooziq-ovqat mahsulotlari...

GM kompaniyasining Buick Envista avtomobili ishonchlilik testida yuqori baho oldi. Bu haqda «Tarantas Nyus» nashri xabar bermoqda.

J.D. Power tahliliga ko‘ra, model 2026-yil uchun 100 balldan 81 ball to‘pladi. Bu ko‘rsatkich «a’lo» darajaga teng deb baholandi. Envista nafaqat sifat, balki umumiy ishonchlilik bo‘yicha ham yuqori natija ko‘rsatgan. Shu bilan birga, iste’molchilar sinovida model 83 ballga ega bo‘ldi. Bu esa avtomobil foydalanuvchilar orasida ham ijobiy baholanayotganini ko‘rsatadi.

Consumer Reports tadqiqotiga ko‘ra, Buick brendi eng ishonchli avtomobil ishlab chiqaruvchilar orasida 8-o‘rinni egalladi. U Ford, Chevrolet, Lincoln, GMC va Jeep kabi ko‘plab an’anaviy raqobatchilarni ortda qoldirdi.

Texnik jihatdan Buick Envista 1,2 litrli...

2026-yilda Shimoliy Amerikada bo‘lib o‘tadigan futbol bo‘yicha jahon chempionatida ishtirok etuvchi jamoalarning o‘yinlar taqvimi e’lon qilindi. Fabio Kannavaro shogirdlari musobaqadagi dastlabki bahsni O‘zbekiston vaqti bilan tonggi 07:00 da o‘tkazadi.

O‘zbekiston milliy terma jamoasining guruh bosqichidagi o‘yinlar jadvali ham tasdiqlangan. Vakillarimiz 1-turni 18-iyun tonggi soat 07:00 da Kolumbiyaga qarshi, 2-turni 23-iyun 22:00 da Portugaliyaga qarshi va 3-turni esa 28-iyun 04:30 da DR Kongo terma jamoasiga qarshi o‘tkazadi.

Homilador ayol uchun homiladorlik davrida uyqu nafaqat dam olish, balki ona va bola salomatligi uchun muhim omil hisoblanadi. Shifokor Zamira Usmonova bu haqda video e’lon qildi.

Mutaxassislar homilador ayollarga kuniga kamida 7 – 9 soat uxlashni tavsiya etadi. Ayniqsa, bu talab homiladorlikning ikkinchi va uchinchi trimestrlarida yanada dolzarb bo‘ladi.

Uyqu vaqtida ayol organizmi tiklanadi. Asab tizimi tinchlanadi, stress darajasi pasayadi va tana energiya bilan to‘yinadi. Bu jarayonlar bevosita homilaning rivojlanishiga ijobiy ta’sir ko‘rsatadi. Ona organizmi yaxshi dam olganida qon aylanishi yaxshilanadi, kislorod almashinuvi faollashadi va bu bola uchun zarur ozuqa moddalarning yetib borishini ta’minlaydi.

Shifokorning ta’kidlashicha, yetarli uyqu bolaning...

Oliy ta’lim tizimining asosiy tartiblari, ta’lim shakllari hamda talabalar va o‘qituvchilarning huquq-majburiyatlari aniq belgilab beradigan hujjat tasdiqlandi. Adliya vazirligi ushbu yangi nizomni davlat ro‘yxatidan o‘tkazdi.

Nizomga ko‘ra, oliy ta’lim bakalavriat va magistratura bosqichlari orqali amalga oshiriladi. Bakalavriat kamida 3 yil davom etadi. Sirtqi ta’lim kunduzgiga nisbatan kamida 1 yil, kechki ta’lim esa kamida yarim yilga uzoqroq bo‘lishi belgilangan.

Ta’lim jarayoni kunduzgi, masofaviy, dual va inklyuziv shakllarda tashkil etilishi mumkin. O‘quv dasturlari esa bitiruvchilarning mehnat bozoriga mos bo‘lishi uchun ish beruvchilar bilan hamkorlikda ishlab chiqiladi.

Talabalarga qator huquqlar berildi, jumladan:
— ta’lim sifatini oshirish bo‘yicha taklif kiritish;
— o‘quv jarayoniga oid muhokamalarda...

Tesla kompaniyasi elektromobillar uchun 80 mingta tezkor zaryadlash qurilmasini o‘rnatdi. Bu haqda Teslanorth nashri xabar qilmoqda.

Yubiley zaryadlash nuqtasi Fransiyaning Sen-Saturnen hududida, mashhur Le-Man poyga trassasi yaqinida joylashgan. Bu Tesla’ning Yevropadagi faol kengayishini yana bir bor tasdiqlaydi. So‘nggi yillarda Supercharger tarmog‘i juda tez sur’atda rivojlanmoqda. 2023-yil sentabrda kompaniya 50 mingta zaryadlash nuqtasiga yetgan edi. 2024-yil oktabrda bu ko‘rsatkich 60 mingga chiqdi. 2025-yil iyunida esa 70 minglik marraga erishildi.

Eng e’tiborlisi, Tesla oxirgi 9 oy ichida yana 10 mingta yangi zaryadlash qurilmasini ishga tushirdi. Bu esa kompaniya ushbu sohada raqobatchilardan ancha oldinda ekanini ko‘rsatadi.

Supercharger tarmog‘i Tesla’ning asosiy ustunliklaridan biri...

Yerda 6-aprel kuni magnit bo‘roni kuzatilmaydi: sayyoradagi geomagnit vaziyat barqaror bo‘lib qolmoqda. Bugungi prognozlarga ko‘ra, K-indeks 3.6 darajada qayd etilgan.

Bu ko‘rsatkich geomagnit fon normal ekanini bildiradi va kuchli bo‘ron xavfi yo‘qligini anglatadi. Quyosh faolligi ham nisbatan past darajada. Bugungi kunda quyosh chaqnashi «C1» darajasida baholangan. Bu esa kuchsiz quyosh faolligiga kiradi va Yerga sezilarli ta’sir ko‘rsatmaydi. Shuman rezonansi esa «yaxshi» holatda bo‘lib, umumiy fon barqarorligini tasdiqlaydi.

Olimlar geomagnit bo‘ronlarni K-indeks orqali o‘lchaydi. Ushbu shkala 0 dan 9 gacha bo‘ladi. Agar ko‘rsatkich 5 yoki undan yuqori bo‘lsa, bu kuchli geomagnit bo‘ron boshlanganini anglatadi. Hozirgi 3.6 daraja esa xavfsiz diapazonda...

Smart brendining yangi Smart #2 elektromobili Xitoyda yo‘l sinovlari vaqtida suratga olindi. Bu haqda CarNewsChina nashri xabar bermoqda. Model 24-aprel kuni bo‘lib o‘tadigan Pekin avtosalonida rasman taqdim etilishi kutilmoqda.

So‘nggi yillarda Smart yirikroq avtomobillar ishlab chiqarishga o‘tgandi. 2019-yildan buyon kompaniya Geely va Mercedes-Benz o‘rtasidagi qo‘shma korxona sifatida faoliyat yuritmoqda. Shu davr ichida brend katta sedan va krossoverlarga e’tibor qaratdi. Masalan, joriy yilda uzunligi qariyb 4,9 metr bo‘lgan Smart #6 modeli ham taqdim etilishi rejalashtirilgan.

Biroq yangi #2 modeli bilan Smart yana shahar uchun mo‘ljallangan ixcham avtomobillar segmentiga qaytmoqda. Dizayn jihatidan model avvalgi ForTwo‘ning ikkinchi avlodiga o‘xshash. Kuzovi qisqa, old...

Andijon viloyati hokimining turizm, madaniyat va ommaviy kommunikatsiyalar bo‘yicha o‘rinbosari Isomiddin Ismanov pora bilan qo‘lga olindi. Bu haqda Bosh prokuratura matbuot kotibi Hayot Samsutdinov «Kursiv» nashriga ma’lum qildi.

Ma’lumotlarga ko‘ra, u tadbirkorga 20 sotix yer maydonini rasmiylashtirib berishni va’da qilgan. Evaziga $50 ming talab qilgan va pulni olayotgan vaqtida qo‘lga olingan.

Unga Jinoyat kodeksining 25, 168-moddasi 4-qismi «a» bandi hamda 28, 211-moddasi 3-qismi «a» bandi bilan ayblov qo‘yilgan.

Mazkur ish doirasida Ismanov gumon qilinuvchi sifatida jalb etilgan. U Jinoyat-protsessual kodeksining 221-moddasiga asosan qo‘lga olingan. Hozirda tergov harakatlari olib borilmoqda.

Ma’lumot uchun, I. Ismanov davlat boshqaruvi va huquq-tartibot organlarida mas’uliyatli lavozimlarda...

Endilikda ochiq hududlarda o‘rnatiladigan vaqtinchalik inshootlar uchun aniq talablar joriy etildi. Bu haqda Adliya vazirligi tomonidan yangi tartib davlat ro‘yxatidan o‘tkazildi.

Ular faqat loyiha asosida va xavfsizlik me’yorlariga qat’iy rioya qilingan holda quriladi.

Yangi qoidalarga ko‘ra, bunday inshootlar faqat malakali mutaxassislar tomonidan va loyiha hujjatlari asosida o‘rnatilishi shart. Ular shamol, yomg‘ir va zilzila kabi tashqi ta’sirlarga bardosh bera oladigan darajada mustahkam bo‘lishi kerak.

Shuningdek, inshoot ichidagi yo‘laklarga ham talablar belgilangan:

O‘rindiqlar joylashuvi ham tartibga solinadi. Agar chiqish yo‘li bir tomonga...

Mazda kompaniyasi Mazda 2 va CX-3 modellari yangi avlodini taqdim etishni kechiktirdi. Bu haqda «Tarantas Nyus» nashri xabar bermoqda. Ular Avstraliya bozorida 2027-yilda (eng erta) paydo bo‘lishi kutilmoqda.

Kompaniya vakillariga ko‘ra, ushbu modellarning yangi avlodi ustida ishlar olib borilmoqda. Biroq Mazda hozircha boshqa model qatorlariga ustuvor e’tibor qaratmoqda. Shu sababli taqdimot muddati surilgan. Shunga qaramay, amaldagi Mazda 2 va CX-3 modellari Avstraliyada sotuvda qoladi. Ular hozirda Tailandda ishlab chiqarilmoqda va bozorda barqaror talab saqlanib turibdi.

Statistikaga ko‘ra, o‘tgan yili Avstraliyada 4 346 dona Mazda 2 sotilgan. Bu ko‘rsatkich yiliga nisbatan 19 foizga kam. Model o‘z segmentida MG 3’dan keyin...

Xitoyning GAC kompaniyasi yangi avtomobiliga tegishli tizerni taqdim etdi. Bu haqda CarNewsChina nashri xabar bermoqda.

Yangi model plug-in gibrid tizim bilan jihozlanadi. U bozorda GWM va BYD kabi yirik ishlab chiqaruvchilarga raqobatchi bo‘lishi kutilmoqda. Tashqi ko‘rinishida avtomobil klassik off-road uslubida ishlab chiqilgan. Kuzovi to‘g‘ri chiziqli, tomi tekis va chiqib turuvchi qismlari qisqa. Orqa eshigida to‘liq o‘lchamli zaxira g‘ildirak joylashgan. Shuningdek, katta yon oynalar, qora disklar va plastik himoya elementlari ham mavjud.

Texnologik jihatdan model «raqamli shassi» bilan taqdim etiladi. Bu tizim avtomobil boshqaruvini elektron tarzda amalga oshirishga mo‘ljallangan. Masalan, rul va tormoz tizimlari mexanik emas, balki elektron boshqaruvga ega...