Yangiliklar

Eron AQSh prezidenti Donald Tramp ma’muriyatiga urushni to‘xtatish bo‘yicha yangi taklif yubordi. Tehron Vashington bilan kelishuvga erishilganidan so‘ng strategik ahamiyatga ega Hormuz bo‘g‘ozini yetti kun ichida qayta ochishga tayyorligini bildirdi. Bu haqda BMT Bosh Assambleyasi doirasida Eron tashqi ishlar vaziri Abbos Aroqchi ma’lum qildi.

Eron nimani talab qilmoqda

Eron tashqi ishlar vaziri Abbos Aroqchi Tehronning taklifida aynan qanday shartlar qo‘yilganini batafsil ochiqlamadi.

Reuters ma’lumotlariga ko‘ra, Tehron avvalroq AQShning Eron portlariga qo‘ygan blokadasini yumshatish yoki bekor qilish hamda harbiy bosimni kamaytirishni talab etgan. Eron bo‘g‘ozni ochish masalasini Vashington bilan muzokaralardagi asosiy shartlardan biri sifatida ko‘rmoqda.

Hormuz...

Samarqand mezbonlik qilayotgan Butunjahon shaxmat Olimpiadasining 9-turida O‘zbekiston terma jamoalari muvaffaqiyatli natijalar qayd etdi.

Erkaklar o‘rtasidagi asosiy jamoa avvalgi turda Germaniyaga boy berilgan bahsdan so‘ng AQShga qarshi muhim g‘alabani qo‘lga kiritdi. Turnirning asosiy favoritlaridan biri hisoblangan AQSh ustidan O‘zbekiston 2,5:1,5 hisobida zafar quchdi.

Bahsning dastlabki partiyasida 4-doskada o‘ynagan Muhiddin Madaminov Levon Aronyanga qarshi durang qayd etdi. Madaminov avvalgi turda mag‘lubiyatga uchragan Shamsiddin Vohidov o‘rniga tarkibga kiritilgandi.

Keyingi partiyada Nodirbek Abdusattorov jahon reytingining kuchli uchligidan joy olgan Fabiano Karuanani mag‘lubiyatga uchratdi.

3-doskadagi bahsda esa Javohir Sindarov Uesli So bilan o‘yinda murakkab vaziyatga tushib qoldi. Uchrashuv yakunida Sindarov mag‘lub...

Isroil bosh vaziri Binyamin Netanyahuning BMT Bosh assambleyasidagi nutqi boshlanishi bilan o‘nlab davlatlar delegatsiyalari norozilik sifatida zalni tark etdi. Ular orasida O‘zbekiston va Qirg‘iziston delegatsiyalari ham bo‘lgan. Bu haqda Reuters xabar berdi.

O‘zbekiston va Qirg‘iziston vakillari ham chiqib ketdi

24-sentabr kuni BMT Bosh assambleyasining 81-sessiyasida Binyamin Netanyahu minbarga ko‘tarilgan paytda ko‘plab delegatlar o‘z o‘rinlarini tark eta boshladi.

Reuters tomonidan tarqatilgan suratlarda O‘zbekiston va Qirg‘iziston delegatsiyalari o‘tirgan joylarning ham bo‘sh qolgani ko‘rinadi. Xalqaro nashrlar O‘zbekiston va Qirg‘izistonni Netanyahu nutqi vaqtida zalni tark qilgan davlatlar qatorida qayd etgan.

Norozilik Netanyahu minbarga chiqishi bilan boshlangan. Zalda uning tarafdorlari olqishlagan...

Qirg‘izistonning sobiq ichki ishlar vaziri Omurbek Suvonaliyev 2027-yilgi prezidentlik saylovida nomzod sifatida qatnashish niyatida ekanini ma’lum qildi. Bu haqda u jurnalistlarga bergan intervyusida aytgan.

Suvonaliyev nima dedi

66 yoshli Suvonaliyev saylovda amaldagi prezidentga muqobil nomzod bo‘lishi kerakligini ta’kidlagan. U prezidentlik uchun kurashishda ishtirok etish niyatida ekanini va shu yo‘nalishda muxolif siyosiy kuchlarni birlashtirishga harakat qilishini bildirgan.

Suvonaliyev 2006 – 2007-yillarda Qirg‘iziston ichki ishlar vaziri vazifasini bajargan. Shuningdek, u Narin va Talas viloyatlari gubernatori lavozimlarida ishlagan.

Japarov ham poygada bor

Amaldagi prezident Sadir Japarov ham avvalroq 2027-yilgi saylovda nomzodini ilgari surish niyatini bildirgan. 

Avvalroq Qirg‘iziston parlamenti...

Saudiya Arabistonining bosh muftiysi Shayx Solih bin Favzon Al-Favzon mamlakat chegaralarida xizmat qilayotgan harbiylarni Eron tomonidan qo‘llab-quvvatlanadigan husiylarga qarshi kurashda jonini fido qilishga tayyor turishga chaqirdi. U husiylar hokimiyatdan chetlatilguniga qadar kurashni davom ettirish zarurligini ta’kidladi. Bu haqda Reuters Saudiya davlat axborot agentligi tarqatgan bayonotga tayanib xabar berdi. 

Bosh mufti harbiylarga nima dedi

Al-Favzonning bayonoti 24-sentabr kuni kechqurun e’lon qilingan. Unda Saudiya hududini himoya qilish va mamlakatning hatto bir qarichiga tajovuz qilganlarga qarshi turishni muhim diniy va milliy vazifa sifatida ta’riflangan.

Bayonotda Saudiya Arabistoni qo‘llab-quvvatlayotgan xalqaro tan olingan Yaman hukumatining mamlakat hududining barchasidagi hokimiyatini tiklash ham...

Shotlandiyaning Shimoliy Ronaldsay orolida 34 yildan beri birinchi marta chaqaloq dunyoga keldi. Dunkan Uaylder Torsteyn Traill Suares Ford ismli bolakay 15-sentabr kuni tug‘ilgan. Bu haqda CNN xabar berdi.

Shimoliy Ronaldsay – Orkney arxipelagining eng shimoliy oroli bo‘lib, uzunligi qariyb 4,8 kilometr, kengligi esa 3,2 kilometrni tashkil etadi. Shotlandiya hukumati ma’lumotlariga ko‘ra, 2024-yilda orolda atigi 72 kishi yashagan. Hozir esa bu ko‘rsatkich 51 nafargacha kamaygan.

Chaqaloq boshqa davlatda tug‘ilishi kerak edi

Dunkanning onasi Alisa Traill Ford va uning kuyovi Jorj Suarez vaqtining bir qismini Kosta-Rikada, qolganini esa Shimoliy Ronaldsayda o‘tkazadi.

Dastlab ular farzandining Kosta-Rikada tug‘ilishini rejalashtirgan va...

General Motors ayrim Chevrolet Equinox EV elektromobillarida orqa tormoz kolodkalaridan shovqin chiqishi bilan bog‘liq holatni o‘rganmoqda. Muammo, asosan, avtomobil orqaga harakatlanayotganda kuzatilishi mumkin.

GM Authority ma’lumotiga ko‘ra, shovqin ko‘proq avtomobilning orqa qismidan, orqaga yurish vaqtida eshitilishi mumkin.

Sovuq havo yoki yuqori namlik bunday tovushning paydo bo‘lish ehtimolini oshirishi mumkin. Hozircha muammoning aniq sababi aniqlanmagan.

Bu chaqirib olish kampaniyasi emas

GM’ning ta’kidlashicha, mazkur holat avtomobilni ishlatishni to‘xtatishni talab qilmaydi va haydovchilar Equinox EV’dan foydalanishda davom etishi mumkin. Kompaniya bu holatni chaqirib olish kampaniyasi sifatida baholamayapti.

Muhandislar sababni aniqlagach, servis byulleteni yangilanishi yoki yangi texnik ko‘rsatma chiqarilishi mumkin.

Muammo...

26-sentabr uchun valyutalar kursi yangilandi. Dollar 5,47 so‘mga tushib, 11 825,40 so‘mni tashkil etdi. Yangilangan kursni Markaziy bank o‘z saytida e’lon qildi.

Dollarning so‘nggi kunlardagi o‘zgarishi

19-sentabr kuni esa 6,22 so‘mga oshib, 11 839,59 so‘m, 22-sentabr kuni 29,77 so‘mga tushib, 11 809,82 so‘m, 23-sentabr kuni 7,63 so‘mga tushib, 11 802.19 so‘m bo‘ldi. 24-sentabr kuni 11,86 so‘mga oshib, 11 814,05 so‘mni, 25-sentabr kuni 16,82 so‘mga oshib, 11 830,87 so‘mni tashkil etdi.

Shuningdek, o‘qing: Dollar kursi hafta davomida pasaydi — tahlil

Yevro kursida oshish kuzatildi. Yevropa valyutasi 32,8 so‘mga oshib, 13 483,32 so‘m bo‘ldi. Rossiya rubli oshdi. Rubl...

O‘zbekistonda qishloq xo‘jaligiga beriladigan subsidiyalarni ajratish tartibi o‘zgarishi mumkin. Kelgusi yildan «mablag‘ ajratish»dan «natijaviy subsidiya» modeliga bosqichma-bosqich o‘tish taklif qilindi. Belgilangan ko‘rsatkichlar bajarilmasa, ayrim hollarda subsidiya mablag‘ini qaytarish mexanizmi qo‘llanadi. Bu haqda 25-sentabr kuni prezident Shavkat Mirziyoyev boshchiligida o‘tkazilgan taqdimotda so‘z bordi.

Subsidiya olgan fermerning natijasi ham hisobga olinadi

Prezident Shavkat Mirziyoyevga taqdim etilgan takliflarga ko‘ra, yangi tizimda subsidiya ajratishda faqat xarajatning o‘zi emas, balki hosildorlik, suv va energiya tejamkorligi hamda sarflangan resurs evaziga olingan mahsulot hajmi asosiy mezonlardan bo‘ladi.

Ma’lumotlar davlat organlari va tashkilotlarining axborot tizimlaridan inson omilisiz olinadi. Har bir subsidiya oluvchining elektron pasporti shakllantirilib, uning...

Besh yil davomida Yandex Go’da zaif eshitadigan haydovchilar 850 mingta safarni amalga oshirdi. Hozir ular oyiga o‘rtacha 35 mingta safarni bajarmoqda. Keyingi ikki yilda bir oyda amalga oshirilayotgan safarlar soni ikki baravarga oshdi.

Yandex Go kar va zaif eshituvchi haydovchilar uchun xizmat bilan ishlashning asosiy bosqichlarini moslashtirdi: platformaga telefon qo‘ng‘irog‘isiz ulanish mumkin, Yandex Pro’dagi o‘quv materiallari imo-ishora tilida ham taqdim etiladi, qo‘llab-quvvatlash xizmati va yo‘lovchilar bilan muloqot esa matnli formatga o‘tkazilgan.

O‘zbekistonda Yandex Go bilan 700 nafar kar va zaif eshituvchi haydovchilar hamkorlik qiladi. Eshitish bilan bog‘liq xususiyatlar yo‘lovchilarning baholari va safarlar xavfsizligiga ta’sir qilmaydi. Dasturning besh yilligi munosabati bilan...

AQSh davlat kotibi Marko Rubio oktabr o‘rtalarida 100 dan ortiq Amerika kompaniyasi vakillaridan iborat biznes delegatsiyasini O‘zbekistonga olib keladi. Delegatsiya Samarqandda o‘tkaziladigan Markaziy Osiyo va AQSH tashqi ishlar vazirlari yig‘ilishida ishtirok etadi. Bu haqda AQSHning Hindistondagi elchixonasi 24-sentabr kuni ma’lum qildi.

Tashrif AQSh va Markaziy Osiyo o‘rtasidagi strategik sheriklikni rivojlantirish hamda savdo-iqtisodiy aloqalarni kengaytirishga qaratilgan.

100 dan ortiq Amerika kompaniyasi Samarqandga keladi

AQSh davlat kotibi Marko Rubio tashrif davomida O‘zbekiston rahbariyati va Markaziy Osiyoning boshqa davlatlari vakillari bilan uchrashadi.

Muzokaralarda savdoni kengaytirish, xususiy sektor investitsiyalarini jalb qilish va Markaziy Osiyo iqtisodiyotini modernizatsiya qilish masalalari muhokama qilinishi...

O‘zbekistonda qarzdorlik sabab elektr energiyasi yoki tabiiy gaz tarmog‘idan uzilgan iste’molchilarni qayta ulash uchun olinadigan qo‘shimcha to‘lov bekor qilindi. Bu o‘zgarishlar Prezidentning 2026-yil 22-sentabrdagi farmoni asosida joriy etildi.

Raqobat qo‘mitasi ma’lumotiga ko‘ra, endilikda qayta ulanishda maishiy iste’molchilardan bazaviy hisoblash miqdorining ikki baravari, yuridik iste’molchilardan esa o‘n baravari miqdorida haq undirilmaydi.

Elektr energiyasi tariflarida ham o‘zgarish bo‘ldi

Elektr energiyasidan foydalanish qoidalariga ham o‘zgartirish kiritildi. Unga ko‘ra, asosiy va zaxira elektr ta’minoti bo‘yicha ulangan quvvati jami 750 kVA va undan ortiq bo‘lgan hamda tabaqalashtirilgan tarif asosida hisob-kitob qiladigan iste’molchilar uchun tungi davrda qo‘llanilgan 1,5 baravar kamaytiruvchi koeffitsiyent bekor qilindi.

Shu...

Dollar kursi hafta davomida turlicha dinamiklarni ko‘rsatdi. Kursiv Uzbekistan nashri AQSh valyutasining haftalik o‘zgarishini tahlil qildi.

Dollar o‘tkan haftaning yakunida oshgan edi

19-sentabr kuni dollar kursi 6,22 so‘mga oshib, 11 839,59 so‘mga yetgan edi. 22-sentabr kuni esa AQSH valyutasi 29,77 so‘mga arzonlashib, 11 809,82 so‘mni tashkil etdi. 23-sentabrda pasayish davom etdi – dollar yana 7,63 so‘mga tushib, 11 802,19 so‘m bo‘ldi.

24-sentabr kuni kurs yana o‘sishga qaytdi va 11,86 so‘mga ko‘tarilib, 11 814,05 so‘mga yetdi. 25-sentabr uchun esa dollar yana 16,82 so‘mga qimmatlashib, 11 830,87 so‘m qilib belgilandi.

Hafta davomida dollar qariyb...

Qozog‘istonning Mang‘istov viloyatida harbiy mashg‘ulotlar vaqtida 14 nafar harbiy xizmatchining halok bo‘lishi ortidan besh nafar mas’ul mansabdor shaxs qo‘lga olindi. Hukumat komissiyasi esa fojia sabablarini tekshirmoqda. Bu haqda hukumat saytida xabar berildi. 

Besh nafar mansabdor gumonlanuvchi sifatida qo‘lga olindi

Qozog‘iston Ichki ishlar vazirligi ma’lumotiga ko‘ra, besh nafar mansabdor xizmatga sovuqqonlik bilan munosabatda bo‘lish va kemani boshqarish qoidalarini buzishda gumon qilinmoqda.

Ular orasida Harbiy-dengiz kuchlari bosh qo‘mondonining birinchi o‘rinbosari – shtab boshlig‘i, ikki harbiy qism komandiri, dengiz piyodalari rotasi komandiri va kater komandiri bor.

Barcha gumonlanuvchilar Aqtau shahridagi vaqtincha saqlash izolyatoriga joylashtirilgan.

Jinoyat ishi qo‘zg‘atilgan

Fojia...

Rossiya bosh vaziri o‘rinbosari Vitaliy Savelyev Davlat dumasi raisi o‘rinbosari lavozimiga nomzod sifatida ko‘rsatildi. Bu haqda «Yagona Rossiya» («Единой России») partiyasi raisi Dmitriy Medvedev 24-sentabr kuni ma’lum qildi, deya xabar berdi TASS.

Savelyev 1954-yil 18-yanvarda Toshkentda tug‘ilgan. Hozir u Rossiya hukumati raisi o‘rinbosari lavozimida faoliyat yuritmoqda.

Davlat dumasi rahbariyatiga nomzodlar e’lon qilindi

Medvedev partiya fraksiyasidan Davlat dumasi raisi o‘rinbosarlari lavozimiga bir qator nomzodlarni, jumladan, Vitaliy Savelyevni ko‘rsatgan.

Savelyev 2024-yil mayidan Rossiya bosh vaziri o‘rinbosari bo‘lib ishlaydi. Hukumatda u transport tizimini rivojlantirish bilan bog‘liq yo‘nalishlarni muvofiqlashtirib kelmoqda.

Savelyev avval «Aeroflot» va Transport vazirligini boshqargan

Savelyev 2009 – 2020-yillarda...

Qozog‘iston Mudofaa vazirligi Kaspiy dengizida olib borilgan qidiruv-qutqaruv operatsiyasi yakunlanganini ma’lum qildi. Hodisa oqibatida jami 14 nafar harbiy xizmatchi halok bo‘lgan. 

Ikki harbiyning jasadi topildi

25-sentabr kuni soat 09:15 atrofida uzluksiz davom etgan qidiruv-qutqaruv ishlari vaqtida avvalroq bedarak yo‘qolgan serjant Mansur Gumarov va matros Miras Turdibekulining jasadi topilgan. Shu bilan Kaspiy dengizidagi qidiruv-qutqaruv operatsiyasi yakunlangan.

17 nafar harbiy dengizga olib ketilgan

Fojia o‘quv-jangovar vazifani bajarish vaqtida yuz bergan. Ob-havoning kutilmaganda keskin yomonlashishi oqibatida 17 nafar harbiy xizmatchini ochiq dengizga oqim olib ketgan.

Ulardan uch nafari qutqarilgan. Qolgan 14 nafar harbiy xizmatchi halok bo‘lgan. Qozog‘iston Mudofaa vazirligi va...

CNN, MS NOW va Politico jurnalistlari 24-sentabr kuni federal sud ularning Oq uy hududiga kirish huquqini tiklash haqida qaror chiqarganidan keyin ham dastlab binoga kiritilmadi. Nashrlar shundan so‘ng suddan zudlik bilan yangi eshituv o‘tkazishni so‘radi.

Biroq vaziyat kun davomida o‘zgardi: jurnalistlarning akkreditatsiyasi qayta tiklandi va ular Oq uyga yana kira boshladi. Reuters va Axios ma’lumotiga ko‘ra, bu sud qaroridan bir necha soat o‘tib sodir bo‘lgan.

Sud taqiqni 14 kunga to‘xtatgan

AQSh federal sudyasi Timoti Kelli Donald Tramp ma’muriyatiga CNN, MS NOW va Politico jurnalistlarining Oq uyga kirishini darhol tiklashni buyurgan.

Sud 14 kunlik vaqtinchalik cheklov chorasi joriy...

Samarqand shahridagi ko‘p qavatli turarjoy binosida tabiiy gazdan noqonuniy foydalanish holati aniqlandi. Dastlabki hisob-kitoblarga ko‘ra, yetkazilgan zarar 2,442 mlrd so‘mni tashkil etgan.

Holat «Hududgaz Samarqand» gaz ta’minoti filiali, shahar gaz ta’minoti bo‘limi va huquq-tartibot organlari hamkorligidagi nazorat tadbirlari davomida aniqlangan.

Bino gaz tarmog‘iga to‘g‘ridan to‘g‘ri ulangan

Samarqand shahrining Rudakiy ko‘chasidagi ko‘p qavatli uy xatlovdan o‘tkazilganda, bino gaz ta’minoti korxonasi bilan shartnoma tuzmasdan va loyiha hujjatlarini rasmiylashtirmasdan tarmoqqa to‘g‘ridan to‘g‘ri ulangan holda gazdan foydalanib kelgani aniqlangan.

Holat bo‘yicha dalolatnoma tuzilgan. To‘plangan barcha materiallar huquqni muhofaza qiluvchi organlarga yuborilgan.

Eslatib o‘tamiz, avvalroq O‘zbekistonda suyultirilgan gaz ta’minoti tizimi isloh qilinishi haqida...

Volkswagen va uning sho‘ba kompaniyasi Audi Germaniyada rul boshqaruvi bilan bog‘liq ehtimoliy nosozlik sabab qariyb 1 mln avtomobilni servisga chaqirib oladi. Germaniyaning KBA yo‘l harakati idorasi ma’lumotiga ko‘ra, ayrim avtomobillarda boltlar ishdan chiqishi rul mexanizmiga zarar yetkazishi, ayrim holatlarda esa rul boshqaruvining butunlay yo‘qolishiga olib kelishi mumkin.

Volkswagen’ning 900 mingga yaqin avtomobili qamrab olinadi

Qaytarib chaqirish Volkswagen’ning 2013-yil 24-sentabrdan 2024-yil 1-iyulgacha ishlab chiqarilgan Tiguan, Touran, Golf Variant, Caddy va Golf modellariga taalluqli.

Germaniyada qariyb 900 mingta Volkswagen avtomobili, dunyo bo‘yicha esa 2,16 mln dona mashina ushbu kampaniya doirasiga kiradi.

Muammo namlik ta’sirida korroziyaga uchrashi mumkin bo‘lgan boltlar bilan...

Portugaliya terma jamoasi Millatlar ligasining ilk turida Uelsni 1:0 hisobida mag‘lub etdi. Biroq uchrashuvda Krishtianu Ronaldu bir nechta qulay vaziyatlardan foydalana olmadi. 41 yoshli hujumchi 7 marta zarba berdi, shundan 2 tasi darvoza tomon yo‘llandi. Uning goli esa ofsayd sabab bekor qilindi. SofaScore Ronalduga Portugaliya terma jamoasidagi eng past ballni qo‘ydi. 

Ronaldu bo‘sh darvozani ishg‘ol qila olmadi

Portugaliya ikkinchi bo‘limda ham Uels darvozasiga bosimni kuchaytirdi. 49-daqiqada Ronaldu jarima maydonida qulay vaziyatga chiqdi va oldiga kelgan to‘pni deyarli bo‘sh darvozaga yo‘llash imkoniyatiga ega bo‘ldi.

Biroq u zarbani aniq bera olmadi va to‘p darvoza ustidan...

Samarqand viloyatining Pastdarg‘om tumanidagi «Tallig‘ulontepa» arxeologiya yodgorligiga 6,435 mlrd so‘m miqdorida zarar yetkazilgani aniqlandi. Madaniy meros agentligi ma’lumotiga ko‘ra, yodgorlikning ayrim qismlari og‘ir texnika yordamida buzilgan.

Holat ijtimoiy tarmoqlarda yodgorlik buzilayotgani haqidagi xabarlar tarqalganidan so‘ng o‘rganilgan.

Yodgorlikka og‘ir texnika bilan zarar yetkazilgan

Mutaxassislar tekshiruvida arxeologiya yodgorligining ayrim qismlariga mexanik ta’sir ko‘rsatilgani va ular buzilgani aniqlangan.

Shuningdek, hududga o‘rnatilgan muhofaza belgisi noma’lum shaxs tomonidan olib tashlangani ham qayd etilgan.

2026-yil 23-sentabrdagi hisob-kitoblarga ko‘ra, yodgorlikka yetkazilgan moddiy zarar 6,435 mlrd so‘mni tashkil etgan.

Zarar miqdori bo‘yicha dalolatnoma rasmiylashtirilib, holatga huquqiy baho berish uchun tegishli hujjatlar Samarqand viloyati prokuraturasiga yuborilgan.

Foto: unicef.uz

O‘zbekistonning barcha 14 hududida «Toza o‘yinlar» ekologik aksiyasi o‘tkazildi. Unda 850 nafardan ortiq ko‘ngilli qatnashib, 8 tonnadan ziyod chiqindi yig‘di. Bu haqda UNICEF Uzbekistan ma’lum qildi.

Yig‘ilgan chiqindilar saralanib, qayta ishlashga yuborildi

Aksiya plogging – chiqindi yig‘ishni jismoniy faollik va musobaqa bilan birlashtiradigan formatda o‘tkazildi. Ishtirokchilar jamoalarga bo‘linib, plastik, metall, shisha va boshqa maishiy chiqindilarni alohida yig‘di. Qayta ishlash mumkin bo‘lgan chiqindilar tegishli tashkilotlarga yuborildi. Shuningdek, aksiya davomida 900 dan ortiq ishlatilgan batareya yig‘ilib, xavfsiz utilizatsiya qilish uchun maxsus tashkilotga topshirildi.

«Toza o‘yinlar» aksiyasi bu yil ikkinchi bor o‘tkazildi

Ekologik aksiya Young Climate Champions Uzbekistan...

Chevrolet Tahoe 2027 uchun tashqi kuzov ranglari ro‘yxatini yangiladi. Model jami sakkiz xil rangda taklif etiladi, ulardan oltitasi qo‘shimcha to‘lovsiz, ikkitasi esa pullik bo‘ladi.

Yangi White Sands rangi qo‘shildi

Qo‘shimcha to‘lov talab qilmaydigan ranglar qatoriga Black, Dark Ash Metallic, Lakeshore Blue Metallic, Sterling Gray Metallic, Summit White va White Sands kiradi.

White Sands – 2027-yil uchun yangi rang bo‘lib, u avvalgi Cypress Gray o‘rnini egallagan.

Eng qimmat rang $995 turadi

Ikki rang uchun alohida haq olinadi. Radiant Red Tintcoat uchun $495, Polar White Tricoat uchun esa $995 to‘lash kerak bo‘ladi.

Radiant Red Tintcoat barcha oltita komplektatsiyada mavjud...

O‘zbekiston terma jamoasi Eron ustidan qozongan 3:1 hisobidagi g‘alabadan so‘ng FIFAning live reytingida bir pog‘ona yuqoriladi. Jamoa hisobiga 6,83 reyting ochkosi qo‘shilib, umumiy ko‘rsatkich 1416,56 ochkoga yetdi.

O‘zbekiston Qatarni ortda qoldirdi

Farg‘onada 24-sentabr kuni o‘tkazilgan o‘rtoqlik uchrashuvida O‘zbekiston Eronni 3:1 hisobida mag‘lub etdi. Eldor Shomurodov ikki marta, Husayn Norchayev esa bir marta gol urdi. Eronning yagona goliga Ramin Rizoyan mualliflik qildi.

Ushbu natijadan so‘ng O‘zbekistonning FIFA live reytingidagi ochkolari 1416,56 ga yetdi va jamoa 59-o‘ringa ko‘tarildi.

O‘zbekiston Qatarni ham ortda qoldirdi. Qatar terma jamoasi hisobida 1411,06 ochko bor va u jonli...