Yangiliklar

Odatda avtomobillar 300 ming kilometrdan oshgach, qimmat ta’mirlash ishlari talab qilinadi. Ammo ular orasida bir million, hatto undan ortiq kilometrlarni nozosliklarsiz bosib o‘tadigan modellar ham mavjud. Autocar.com shunday mashinalar haqida ma’lumot berdi.

Hyundai Elantra (2013)

AQShning Olate shahrida yashovchi Farra Xeyns besh yil davomida o‘zining Hyundai Elantra mashinasida 1,5 mln km bosgan. Bu yiliga taxminan 322 ming km yoki har kuni 882 km degani. Hyundai avvaliga bunga ishonmadi, keyin esa rasmiy ravishda tasdiqladi. Farra bu masofani 2,5 mln kilometrga yetkazishni rejalagandi, ammo kompaniya unga yangi Elantra sovg‘a qildi.

Honda Accord (1990)

Amerikalik Jo Lo Chichero bu mashinani...

Infinix yangi Infinix Hot 60 5G smartfonini taqdim etdi. Qurilma 16-avgustdan sotuvga chiqadi. Bu haqda Gizmochina xabar bermoqda.

U 6,75 dyuymli HD+ LCD displey (120 Hz yangilanish tezligi) va Android 15 (XOS 15) operatsion tizimida ishlaydi. Sun’iy intellekt imkoniyatlari orasida Circle to Search (Ekrandagi narsani barmoq bilan aylantirib belgilanganda tafsilotlarni chiqaradigan), AI Eraser (suratdagi keraksiz narsalarni olib tashlaydi), AI Extender (rasmni kengaytiradi yoki formatini o‘zgartiradi) va One Tap AI (maxsus tugma orqali barcha SI funksiyalariga tezkor kirish imkonini beradi) funksiyalari mavjud.

Asosiy kamera 50 MP bo‘lib, AIGC yordamida portret rejimi va «Tunda suratga olish» funksiyasini qo‘llab-quvvatlaydi. Qurilmada...

Chevrolet Damas — O‘zbekistonda kundalik hayotning ajralmas qismiga aylangan ixcham mikroavtobus. Arzonligi va ko‘p maqsadli qo‘llanishi uni juda mashhur qilgan. Ko‘chalarda deyarli har qadamda uchratish mumkin. Quyidagi maqolada Chevrolet Damas haqida qiziqarli 5 ta faktni taqdim etamiz.

1-fakt: Yaponcha ildiz va 30 yillik tarix

Damas — 1980-yillarda Yaponiyada yaratilgan Suzuki Carry/Every mikroavtobusining modifikatsiyasi. Janubiy Koreyaning Daewoo kompaniyasi uni 1991-yildan Damas nomi ostida ishlab chiqara boshladi. O‘zbekistonga model 1996-yilda kelib, UzDaewoo Auto zavodida ishlab chiqarish yo‘lga qo‘yildi. 2006-yilda xavfsizlik talablari moslashgan Damas II taqdim etilib, old qismi 25 sm uzaytirildi. 2008-yildan General Motors bilan hamkorlikda u Chevrolet Damas...

Bugun, 14-avgust kuni dollar kursi 84,22 so‘mga yuqorilab, 12 581,97 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi besh kunlikdagi o‘zgarishi

Shuningdek, Markaziy bank ma’lumotlariga ko‘ra, yevro 39,65 so‘mga oshib, 14 698,26 so‘mni, rubl esa 0,96 so‘mga yuqorilab, 157,75 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

Shu yilning 15-avgustidan 1-oktabriga qadar Toshkent shahrida «Maktab bozorlari» ish boshlaydi. Bu haqda shahar hokimligi qarori qabul qilindi.

Ushbu vaqt oralig’ida poytaxtning barcha tumanlaridagi belgilangan 24 ta maktablar qoshida ushbu bozorlar ish olib boradi.

Shuningdek, 14 ta yirik bozor va savdo komplekslarining 287 ta nuqtasida ham maktab uchun kerakli o‘quv-qurollari va kiyim-kechaklarni topish mumkin.

Avvalroq Kursiv Uzbekistan yangi o‘quv yilida 700 mingdan ortiq bolalar birinchi sinfga o‘qishga qabul qilinishi haqida yozgandi.

Yevropa Konferensiyalar ligasi saralash bosqichida «Istanbul Bashakshehir» Norvegiyaning «Viking» klubi bilan javob o‘yinida durang o‘ynadi — 1:1.

Eldor Shomurodov uchrashuvni asosiy tarkibda boshladi va Onur Bulutning 34-daqiqadagi goliga assist berdi. Mehmonlar 40-daqiqada David Selke orqali hisobni tenglashtirdi.

Sofascore portali o‘zbek hujumchisini 6,9 ball bilan baholadi.

Dastlabki uchrashuv Turkiyada o‘tib, «Bashakshehir» 3:1 hisobida g‘alaba qozongan edi. Shu tariqa ikki o‘yin natijasi bo‘yicha umumiy hisob 4:2 bo‘lib, Istanbul klubi YKL saralashining keyingi bosqichiga yo‘l oldi.

Bugun Trnava va Univ. Craiova jamoalari o‘rtasidagi bahsdan so‘ng Istanbul jamoasining navbatdagi raqibi aniq bo‘ladi.

Avvalroq Kursiv Uzbekistan «Istanbul Bashakshehir» yirik hisobda g‘alaba...

«O‘zbekkimyomash» zavodida ilk bor tabiiy gazni tozalash uchun xalqaro standartlarga mos adsorberlar ishlab chiqarish yo‘lga qo‘yildi. Bu haqda Energetika vazirligi xabar berdi.

Ushbu yirik qurilmalar tabiiy gazni oltingugurt birikmalaridan tozalashda muhim ahamiyatga ega bo‘lib, dastlabki mahsulot Sho‘rtan neft-gaz qazib chiqarish boshqarmasiga yetkazib berildi.

Diametri 3 metr, devor qalinligi 100 mm, uzunligi 19 metr bo‘lgan va 63 atmosfera bosimiga bardosh beruvchi adsorberlarning har biri 147 tonna vaznga ega. Qurilmalar yuqori sifatli po‘latdan tayyorlanmoqda. Adsorbsiya jarayoni gazni tozalash, tozalovchi moddalarni qayta tiklash va sovutish bosqichlarida amalga oshadi.

Avvallari xorijdan olib kelinadigan bu qurilmalar endi O‘zbekistonda ishlab chiqarilishi natijasida tannarx qariyb ikki...

2025-yilning birinchi yarmida O‘zbekiston 9,9 ming tonna shokolad import qildi. Umumiy qiymati $31,4 mlnni tashkil etgan ushbu hajm o‘tgan yilning shu davriga nisbatan 14,9% ga kamayganini bildiradi. Bu haqda Milliy statistika qo‘mitasi ma’lum qildi.

Rossiya respublikamizga shokolad yetkazib berishda eng yirik hamkor maqomini saqlab qoldi. Yanvar–iyun oylarida mamlakatimizga 7,5 ming tonna Rossiyada ishlab chiqarilgan shokolad olib kirilgan.

Ikkinchi o‘rinda 785 tonna bilan Niderlandiya qayd etildi. Shuningdek, Ukraina, Qozog‘iston va Fransiya ham eng yirik beshlikdan o‘rin oldi. Hisobot davrida jami 29 davlatdan shokolad import qilingan.

Eslatib o‘tamiz, Kursiv Uzbekistan nashri joriy yilning yanvar – aprel oylarida Rossiyadan O‘zbekistonga $21,4 mlnlik...

Yangi Toshkentda uzunligi 8 km bo‘lgan yangi metro yo‘nalishi 2026-yil oxirigacha foydalanishga topshiriladi. Yo‘nalishda uchta bekat joylashadi, deya xabar berdi Yangi Toshkent qurilishi direksiyasi.

Loyiha qiymati $110 millionni tashkil etadi. Investorga aylangan Turkiyaning XVAV YAPI SANAYI VE TIC. A.S. kompaniyasi 2025-yil oxirigacha $11 million, 2026-yilda esa yana $99 million mablag‘ yo‘naltiradi.

Eslatib o‘tamiz, Kursiv Uzbekistan nashri Toshkent metropolitenida yil boshidan beri 145 mlndan ortiq yo‘lovchi tashilgani haqida yozgan edi.

Bu ko‘rsatkich o‘tgan yilning shu davriga nisbatan 14,2 millionga yoki 10,8 foizga ko‘pdir.

Avvalroq Kursiv Uzbekistan «Yerusti halqa yo‘li»dagi yana 6 ta metro bekati 2-avgustdan vaqtincha yopilishi haqida xabar...

Rossiyada bir sinfga bir nafardan ortiq migrant bolani qabul qilishni taqiqlovchi normani kiritish taklif qilinmoqda. Deputatlar bu bo‘yicha Xalq ta’limi vazirligiga murojaat qilgan.

Tashabbus «Yangi odamlar» partiyasi rahbari Aleksey Nechayev, shuningdek, deputatlar Anna Skroznikova va Sardana Avksenteva tomonidan ilgari surilgan.

Ularning ma’lumotiga ko‘ra, Rossiyadagi 500 dan ortiq maktabda chet ellik o‘quvchilar ulushi 10 foizdan oshadi. Ayrim sinflarda esa yarmidan ko‘pini migrant bolalar tashkil qiladi. Bu esa migrant bolalarning yangi muhitga moslashishini qiyinlashtiradi. Deputatlar fikricha, taklif qilingan cheklov migrant bolalarni turli sinflarga teng taqsimlash va ta’lim jarayonining samaradorligini saqlashga yordam beradi.

Bundan avval Kursiv Uzbekistan Rossiyada migrantlarning bolalari uchun pullik...

14-avgust kuni bitkoin narxi $124 mingdan oshib, kriptovalyuta bozorida yangi tarixiy cho‘qqini qayd etdi. Toshkent vaqti bilan soat 14:50 holatiga ko‘ra, bitkoin narxi $121,5 mingni tashkil qilmoqda.

Avvalroq bitkoin $122 minglik ko‘rsatkichga 14-iyul kuni yetgandi.

Shuningdek, ekspertlar bitkoin yoz oxirigacha $135 mingga yetishi mumkinligi haqida aytgandi.

Ta’kidlanishicha, narxning jadal oʻsishi AQShda Donald Tramp tomonidan imzolangan soliq imtiyozlari hamda biznesni qoʻllab-quvvatlashni nazarda tutuvchi qonun bilan bogʻliq.

Avvalroq Kursiv Uzbekistan Qozog‘iston ilk bor spot bitkoinni savdoga chiqargani haqida yozgandi.

2025-yil 1-oktabrdan boshlab Emirates, Pegasus va Turkish Airlines parvozlarida powerbank olib yurish bo‘yicha yangi qoidalar kuchga kiradi. Bu haqda Palach nashri ma’lum qildi.

Endilikda yo‘lovchilar batareyani faqat qo‘l yukida olib yurishi, quvvati 100 Vt/soatgacha bo‘lishi va ustida aniq quvvat belgisi bo‘lishi kerak.

Yangi talablarga ko‘ra, powerbank’ni samolyotning yuqori tokchasida saqlash taqiqlanadi. Uni faqat o‘rindiq cho‘ntagida yoki oyoq ostidagi qo‘l yukida joylashtirish mumkin. Shuningdek, parvoz davomida qurilmadan foydalanish ruxsat etilmaydi.

Aksariyat aviakompaniyalar oldindan ham umumiy qoidalarni qo‘llab keladi. Katta sig‘imli yoki shikastlangan batareyalar olib kirilmaydi. Ammo yangi qoidalar asosan xavfsizlikni oshirish maqsadida joriy etilmoqda.

Mutaxassislar aytishicha, havo kemasida nosoz yoki...

Changan kompaniyasi 2026 Deepal L07 modelini Xitoy bozoriga taqdim etdi. Bu haqda CarNewsChina xabar bermoqda.

U Huawei’ning Qiankun ADS 4.0 SE tizimi o‘rnatilgan eng arzon avtomobilga aylandi. Model BEV (Battery Electric Vehicle – faqat akkumulyator batareyadan quvvat oladigan toza elektromobil. Unda ichki yonuv dvigateli bo‘lmaydi. Zaryad faqat elektr tarmog‘idan yoki tezkor zaryadlash stansiyalaridan olinadi.) va EREV (Extended-Range Electric Vehicle kengaytirilgan yurish masofasiga ega gibrid elektromobil. Asosiy harakat elektr motor bilan bo‘ladi, ammo ichki yonuv dvigateli generator sifatida ishlaydi. U g‘ildiraklarni emas, balki batareyani zaryadlaydi va masofani oshiradi.) talqinlarida taklif etiladi, kuchliroq elektromotor va yangilangan Qualcomm Snapdragon 8295P chipiga ega.

Mobiuz brendi ostida faoliyat yurituvchi «Universal Mobile Systems» MChJ ustav kapitalidagi 100 foiz davlat ulushini sotish bo‘yicha xalqaro ochiq savdoda 15 ta xorijiy va mahalliy kompaniyalar ishtirok etishga qiziqish bildirgan. Bu haqda Davlat aktivlarini boshqarish agentligi xabar berdi.

Agentlik ma’lumotiga ko‘ra, shu yilning 1-avgustigacha AQSh, Yevropa, Arab davlatlari, Yaqin Sharq, Kavkazorti, Sharqiy va Markaziy Osiyodan jami 15 ta xorijiy va mahalliy kompaniya aktivni sotib olish bo‘yicha rasmiy ariza bilan chiqishgan.

Savdo jarayoniga xalqaro investitsiya banki Rothschild & Co va konsalting kompaniyasi KPMG konsultant sifatida jalb etilgan bo‘lib, ular 100 dan ortiq potentsial investor bilan muzokaralar olib borgan. Arizalar moliyaviy...

Geely kompaniyasiga qarashli Zeekr brendi yangi flagman gibrid krossoveri – Zeekr 9X narxini rasman e’lon qilmagan bo‘lsa-da, internetda dilerlar uchun mo‘ljallangan taqdimot slaydi tarqaldi. Unda avtomobil narxi 550 ming yuan, ya’ni qariyb $77 ming deb ko‘rsatilgan.

5239×2029×1819 mm o‘lcham va 3169 mm g‘ildirak bazasiga ega yirik lyuks krossover 2,0 litrli dvigatel asosidagi gibrid tizimdan quvvat oladi. Uning umumiy quvvati derayli 1400 ot kuchiga teng. Model avtopilot va moslashuvchan osma tizim bilan jihozlangan.

Zeekr 9X o‘zini Rolls-Royce Cullinan va Bentley Bentayga raqibi sifatida ko‘rsatmoqda. Biroq bu modellar ancha qimmat. Masalan, Cullinan AQShda $394 mingdan boshlanadi va Zeekr darajasidagi quvvatni...

Realme GT 7 Dream Edition smartfoni ingichka va nafis korpusga ega bo‘ladi. U yuqori unumdorlik va uzoq ishlash muddatini taklif qiluvchi smartfon. Maxsus talqin Aston Martin avtomobil brendi bilan hamkorlikda ishlab chiqilgan. U oddiy GT 7’dan premium qadoqlanishi, orqa panel dizayni, brendli g‘ilofi va maxsus interfeysi bilan farq qiladi.

Asosiy texnik xususiyatlar

Model RMX5061 MediaTek Dimensity 9400e protsessorida ishlaydi. Protsessor 8 yadroga ega: 1×Cortex-X4 3,4 GHz, 3×Cortex-X4 2,85 Hz va 4×Cortex-A720 2,0 Hz. Grafik chip – Mali-G720 Immortalis MP12. Operatsion tizim – Android 15, Realme UI 6.0. Displey AMOLED, 6,78 dyuym, 1264×2780 piksel, 450 ppi, 120 Hz.

Tezkor xotira...

AQShning Texas shtatida propan ortilgan poyezd relsdan chiqib ketdi. Bu haqda Fox4news nashrining xabar berishicha, buning oqibatida 35 ta sisterna zarar ko‘rgan.

Mahalliy favqulodda xizmatlar xabariga ko‘ra, ag‘darilgan poyezd vagonidagi propanni xavfsiz tarzda yoqib yuborish ishlari boshlanadi. Suyuq gaz maxsus nazorat ostidagi chuqur maydonga chiqarilib yondiriladi. Jarayon xavfli moddalar bo‘yicha mutaxassislar nazoratida olib boriladi.

Bunga vagonning jiddiy shikastlanishi sabab bo‘lgan. Ishlar chorshanba kuni kechqurun boshlanib, sakkiz soatgacha davom etishi kutilmoqda. Rasmiylar vaziyat barqarorligini, hech kim jarohatlanmaganini bildirgan.

Union Pacific kompaniyasiga tegishli poyezd seshanba kuni soat 14:00 atrofida Coalville Road Bridge ustida relsdan chiqqan. Taxminan 35 ta vagon ag‘darilgan, jumladan...

Yandex Uzbekistan sun’iy intellektga ixtisoslashtirilgan Yandex ML School’ga qabul jarayonini boshladi. Bu haqda kompaniya Kursiv’ga ma’lum qildi.

Dastur mashinani o‘rganish, matematika va ma’lumotlar tahlili bo‘yicha chuqur bilim hamda amaliy ko‘nikmalar berishga qaratilgan.

Qatnashish uchun nomzodlar avval kirish testidan o‘tadi. Saralash bosqichida muvaffaqiyat qozonganlar sentabrning ikkinchi yarmida Toshkentda bo‘lib o‘tadigan suhbatga taklif etiladi, barcha bosqichdan o‘tganlar esa oktabr oyida o‘qishni boshlaydi. Ta’lim to‘liq bepul va oflayn formatda ikki semestr davom etadi.

Dastur Yandex’ning «Ma’lumotlarni tahlillash maktabi» mutaxassislari tomonidan ishlab chiqilgan bo‘lib, nazariya va amaliyotni uyg‘unlashtiradi. Darslarni Yandex ekspertlari, O‘zbekiston oliy o‘quv yurtlari professorlari va tajribali ML mutaxassislari olib boradi.

Mashg‘ulotlar ingliz...

Samsung kompaniyasi mobil qurilmalarni uzoq muddat qo‘llab-quvvatlash bo‘yicha yetakchi ishlab chiqaruvchilardan biri bo‘lib qolmoqda. Kompaniya ayrim smartfon va planshet modellari uchun 7 yilgacha dasturiy ta’minot yangilanishlari kafolatini beradi.

Gizmochina’ning xabariga ko‘ra, bu ro‘yxatga nafaqat flagman modellari, balki himoyalangan qurilmalar ham kirgan. Jumladan, Snapdragon 7s Gen3 protsessorli Galaxy XCover 7 Pro modeli ham 7 yillik yangilanish oladi.

Umumiy ro‘yxatda 15 ta smartfon va 4 ta planshet bor.

7 yil yangilanish oladigan Samsung qurilmalari:

Google va Samsungning farqi

Google ham xuddi shunday 7 yillik yangilanish dasturini taklif qiladi. Biroq Google ro‘yxatida asosan Pixel smartfonlari bo‘lsa, Samsung‘ning qo‘llab-quvvatlanadigan qurilmalari assortimenti ancha keng...

Uzbekistan Airways 14-avgust kungi Toshkent – Moskva (Domodedovo va Vnukovo yo‘nalishlaridagi) reyslar vaqti o‘zgarganini ma’lum qildi. Bunga havo kemasining kechikib kelishi sabab bo‘lgan.

Unga ko‘ra, HY601/602 Toshkent – Moskva (Domodedovo) – Toshkent yo‘nalishida quyidagi yangilangan jadval asosida amalga oshiriladi:

HY613/614 Toshkent – Moskva (Vnukovo) – Toshkent yo‘nalishida:

Barcha vaqtlar mahalliy vaqt bo‘yicha ko‘rsatilgan.

13-avgust kuni ham aviakompaniya havo kemasining kechikib yetib kelishi sababli aynan shu yo‘nalishidagi reyslarining uchish...

Katta batareya va IP69 himoyaga ega arzon iQOO Z10 Lite smartfoni global sotuvga chiqdi. U arzon segmentdagi yangi qurilma bo‘lib, suv va changdan yuqori darajada himoyalangan, 6000 mA·soat sig‘imli katta batareyaga ega.

Model 6,67 dyuymli AMOLED displey bilan jihozlangan. Uning imkoniyati 1080×2400 piksel, yorqinligi 1800 nitgacha va yangilanish tezligi 120 Hz.

Qurilmada Qualcomm Snapdragon 685 protsessori va 8 GB gacha tezkor xotira ishlatilgan. 44 Vatt quvvatga ega tezkor zaryadlash 34 daqiqada 1% dan 50% gacha quvvat to‘playdi.

Asosiy kamera 50 MP (Sony IMX852), qo‘shimcha kamera esa 2 MP. Old kamera 8 MP bo‘lib, suratga olishda halqali va oddiy yoritqichdan...

Shu yilning iyul oyida O‘zbekiston ko‘chmas mulk bozori iyunga nisbatan 25 foizga, o‘tgan yilning shu oyiga nisbatan esa 14,2 foizga oshdi. Bu haqda Iqtisodiy tadqiqotlar va islohotlar markazi tahlillarida ma’lum qilindi.

Iyul oyida tuzilgan oldi-sotdi shartnomalari soni ham 26 mingdan yuqorilagan.

Hududiy dinamikadagi farqlar

Iyul oyida barcha viloyatlarda uy-joy bozori jonlandi, biroq eng katta o‘sish Surxon­daryo (41%), Sirdaryo (35,3%) va Qashqadaryo (33,7%) viloyatlarida qayd etildi.

Toshkent shahrida uy-joy bozoridagi faollik 24,6 foizga oshdi. Bu hamon yirik migratsiya oqimi, ish o‘rinlari ko‘pligi va poytaxtdagi uy-joylar investitsion jozibadorligi bilan bog‘liq.

Ikki­lamchi bozor – narxlarning tezlashgan o‘sishi

Ikki­lamchi uy-joy...

Xitoyning Hongqi brendi bozorda yangi gibrid krossover Hongqi HS6 modelini taqdim etishga tayyorlanmoqda. U katta ehtimol bilan 2025-yil oxirigacha savdoga chiqadi. Bu haqda «Kitayski avtomobili» nashri maqola e’lon qildi.

Tashqi ko‘rinish

Yangi HS6 brendning yangilangan korporativ dizaynini oladi. Old qismida o‘ziga xos optika, boomerang shaklidagi xrom bezaklar va panjarasiz old panel joylashgan. Radiator panjarasi o‘rnida sharsharani eslatuvchi vertikal chiziqlarga ega yopiq panel ishlatilgan. An’anaviy qizil tomchi belgisi kapot qirrasiga qadar cho‘zilgan. Old bamper aerodinamik dizayn va quyi qismida dvigatelni sovitishga xizmat qiluvchi havo kirish panjaralariga ega.

Yon ko‘rinishida krossover klassik siluetga ega. Oyna atrofi xrom bilan bezatilgan, eshik tutqichlari...

Oliy ta’lim muassasalarining bakalavriat yo‘nalishlariga kirish test natijasidan norozi bo‘lgan abituriyentlar 2025-yil 15 – 24-avgust kunlari my.uzbmb.uz sayti orqali onlayn apellatsiya arizasi topshirishi mumkin. Bu haqda Bilimni baholash agentligi ma’lum qildi.

Unga ko‘ra, shikoyat berish huquqi faqat test sinovida qatnashgan va undan chetlatilmagan abituriyentlarga tegishli. Ariza topshirilgach, unga ko‘rib chiqish sanasi va vaqti ko‘rsatilgan xabarnoma beriladi.

Belgilangan vaqtda abituriyent shaxsini tasdiqlovchi hujjat va xabarnoma bilan Bilimni baholash agentligiga yoki ko‘rsatilgan manzilga kelishi lozim. Apellatsiya shikoyatlarini ko‘rib chiqish 21-avgustdan boshlanadi.

Eslatib o‘tamiz, avvalroq xorijiy va nodavlat OTMdan o‘qishni ko‘chirish testlari sanasi belgilangan edi.