Yangiliklar

Xiaomi 16 Pro Max smartfoni haqida yangi ma’lumotlar oshkor qilindi. U Xiaomi 16 va Xiaomi 16 Pro‘dan keyingi – uchinchi model bo‘lishi kutilmoqda. Bu haqda Gizmochina xabar bermoqda.

Boshqa ikki model ixcham bo‘lishi aytilayotgan bo‘lsa, Xiaomi 16 Pro Max katta ekranli bo‘ladi. Hatto u orqa kameralar blokida qo‘shimcha ekran bilan ham jihozlanishi mumkin.

Smartfon Qualcomm’ning yangi Snapdragon 8 Elite 2 (SM8850 raqamli) protsessori asosida ishlaydi. Ma’lumotlarga ko‘ra, Modelda aynan ushbu kuchli chipset o‘rnatiladi. Shu bilan birga, Mi 11 Ultra modelida bo‘lgani kabi orqa kamera blokida kichik displey ham bo‘lishi ehtimol qilinmoqda. Kamerada, shuningdek, optik zumni ta’minlaydigan periskop linzali...

Xonanda Dua Lipa Vogue nashri bilan suhbatda aktyor Kallum Tyorner bilan unashtirilganini tasdiqladi. Xonanda bu voqeadan juda xursand ekanini va ta’sirlanganini qayd etdi.

Uning so‘zlariga ko‘ra, sevgilisi sovg‘a qilgan uzuk uning shaxsiyatini to‘liq aks ettiradi. Bo‘lajak turmush o‘rtog‘i uni juda yaxshi tushunishini anglaganidan mamnun.

Tyorner Lipaning yaqinlari zargarlik buyumlari dizaynini tanlashda o‘zgacha va mazmunli narsalarni yaratish uchun maslahatlashgan.

Dua Lipa va Kallum Tyorner Met Gala debyutida hayratlanarli ko‘ringan edi. Ularning iliq munosabati o‘sha yirik tadbirda ham yaqqol sezilgan.

Avvalroq Toshkentdagi Jennifer Lopez konsertida 35 tadan ortiq davlat fuqarolari chipta xarid qilgani haqida yozgan edik.

Infinix Smart 10 Plus smartfoni taqdim etdildi. U $82 dan sotiladi. Bu haqda kompaniya rasmiy saytida ma’lum qilindi.

Smart 10 Plus kamera modulining juda noodatiy dizayniga ega. Umuman olganda, Infinixning o‘zi allaqachon shunga o‘xshash dizayndan foydalangan. Smartfonning narxi $100 dan kam ekanligini hisobga olsak, sotib olish uchun qulay variant bo‘lishi mumkin.

Yangi budjet smartfonning bazaviy versiyasi $82 ga baholangan. U 4/128 GB xotira, Unisoc T7250 chipi, 6,67 dyuymli HD+ 120 Gts ekran, 5000 mA·soat sig‘imli akkumulyator va 15 Vt quvvatlanish bilan jihozlangan. Shuningdek, 8 MP kamera, 187 g og‘irlik va IP64 darajadagi suvga chidamlilikka ega. 8/128 GB versiyasi esa $94 turadi.

Ma’lumot o‘rnida...

Eron mamlakat yadro quroliga ega emasligini kafolatlovchi bitim tuzishga tayyorligini bildirdi, dedi Islom Respublikasi tashqi ishlar vaziri Abbos Araqchi.

Vazirning qayd etishicha, Tehron tinch yadroviy energiya sohasidagi qonuniy huquqlarini cheklovchi kelishuvga rozi bo‘lmaydi. Araqchining soʻzlariga koʻra, hammasi kelishuv maqsadlariga bogʻliq: agar u xavfsizlikni ta’minlashga qaratilgan boʻlsa, Eron muloqotga ochiq, lekin agar gap suveren huquqlardan mahrum qilish haqida ketsa, kelishuv boʻlmaydi.

U, shuningdek, Isroil bilan keskinlashuvga izoh berdi. Araqchining aytishicha, Eron Tel-Aviv agressiyasini to‘xtatsagina javob choralarini to‘xtatadi. Vazirlikning fikricha, Isroil hujumlari Eron va AQSh o‘rtasidagi yadroviy muzokaralarning ehtimoliy qayta tiklanishini buzishga urinish bo‘lgan.

Tashqi ishlar vazirining qoʻshimcha qilishicha, Eron Amerika tomondan norasmiy diplomatik...

Toshkent viloyatining Parkent tumanida uch nafar o‘g‘il bola cho‘kib halok bo‘ldi. Bu haqda Bosh prokuratura matbuot xizmati munosabatida qayd etildi. Holat  «Parkentsoy» kanalining suv oqimida hosil bo‘lgan sun’iy suv havzasida yuz bergan.

«Tekshirishda mutasaddi tashkilotlar tomonidan «Parkentsoy» kanalidagi suv oqim bo‘ylab hosil bo‘lgan, chuqurligi taxminan 2 metrni tashkil etgan, 20*40 m2 o‘lchamdagi suv havzasida taqiqlovchi belgilar o‘rnatilmagani, aholi o‘rtasida tushuntirish ishlari olib borilmagani yoxud sun’iy tashkil topgan suv havzasini bartaraf etish choralari ko‘rilmagani aniqlandi», – deyiladi munosabatda.

Ushbu hodisa yuzasidan tekshiruv o‘tkazilib, Jinoyat kodeksining 116 (Kasb yuzasidan o‘z vazifalarini lozim darajada bajarmaslik) va 207 (Mansabga...

Hyundai kompaniyasi sport uslubidagi yangi elektr sedani – Hyundai Ioniq 6 N modelining ilk rasmiy suratlarini taqdim etdi. Kolesa.kz nashrining ma’lum qilishicha, bu kompaniyaning Ioniq 5 N’dan keyingi ikkinchi elektromobili bo‘ladi.

Suratlarga qaraganda, avtomobilga agressiv ko‘rinish beruvchi keng kuzov to‘plami (bodikit), kengaytirilgan g‘ildirak arkalari va katta havo kirish teshiklariga ega old bamper o‘rnatilgan.

Orqa qismda esa yukxona qopqog‘iga o‘rnatilgan katta spoyler va yangi, katta antikril (qanot) paydo bo‘ladi. Optikalar esa hozircha o‘zgarishsiz qolgan ko‘rinadi.

Texnik jihatdan Ioniq 6 N ga Ioniq 5 N’dagi 650 ot kuchiga ega ikki elektromotorli tizim qo‘llanishi kutilmoqda. Ioniq 5 N 0 dan...

Volvo kompaniyasi 2026-yilgi modeldagi yangilangan Volvo XC40 krossoverining savdosi boshlanganini e’lon qildi. Bu haqda ITHome nashri xabar bermoqda.

Mashina besh xil komplektatsiyada taqdim etilgan bo‘lib, ularning barchasiga 2,0 litrli turbomotor va 48 voltli «yumshoq» gibrid tizimi o‘rnatilgan. Narxlar 269 800 dan 354 800 yuangacha (taxminan $37,6 mingdan $49,5 minggacha) bo‘lgan oraliqda.

Tashqi ko‘rinishida jiddiy o‘zgarishlar bo‘lmasa-da, yangi XC40 endi 18, 19 va 20 dyuymli g‘ildirak disklari bilan taklif etiladi. Avvalgi modelda esa faqat 19 va 20 dyuymli variantlar mavjud edi. Standart komplektatsiyada panoramali tom, avtomatik yorug‘lik o‘zgarishiga ega LED faralar mavjud.

Salonda markaziy 9 dyuymli sensorli ekran va...

15-16-iyun kunlari tog‘ oldi va tog‘li hududlarda sel-suv toshqinlari yuzaga kelishi mumkin. 16 – 19-iyun kunlari esa O‘zbekistonga janubdan juda issiq havo oqimlari kirib keladi. 16-iyun kuni ob-havo quruq va issiq bo‘lishi kutilmoqda.

16-17-iyun kunlari Qoraqalpog‘iston va Xorazmda, 17-19-iyun kunlari esa boshqa barcha hududlarda kunduzgi harorat 40-42 darajagacha, ba’zi cho‘l va janubiy joylarda 43-44 darajagacha ko‘tarilishi kutilmoqda. Bu haqda «O‘zgidromed» xabar bermoqda.

Hududlar kesimida quyidagi jadvalda tanishing:

Eslatib o‘tamiz, Kursiv Uzbekistan nashri 14-iyun kuni havo harorati 40 darajagacha ko‘tarilishi haqida yozgan edi. 14-iyun kuni O‘zbekistonning katta qismida havo biroz bulutli bo‘lib, yog‘ingarchilik kutilmagan.

O‘zbekiston Musulmonlar idorasi ChatGPT diniy savollarga javob berishga ojizlik qilishini ma’lum qildi. Idoraga ko‘ra, u ham inson omili tomonidan ishlab chiqarilgan.

“Qolaversa, ba’zan savollarga taxminiy javoblar, hatto bu masala falon kitobda bor deb, arabiy iboralar ham berishi mumkin. Lekin u keltirgan iboralar na u aytgan kitobda va na boshqa fiqhiy manbalarda uchramaydi», – deyiladi idora munosabatida.

Shuningdek, shar’iy masalalarga mutaxassislarga murojaat qilish lozimligi qayd etilgan.

Eslatib o‘tamiz, Kursiv Uzbekistan nashri Uzbekistan Airways Jidda reyslari jadvalini qayta ko‘rib chiqishi haqida yozgan edi.

Samsung kompaniyasi yaqinda taqdim etgan juda yupqa Galaxy S25 Edge smartfoni 3900 mA/soat sig‘imli akkumulyatori sabab tanqid ostida qolgan edi. Ko‘pchilik kompaniya dizayn uchun quvvatdan voz kechdi, deb o‘yladi. Biroq yangi ma’lumotlarga ko‘ra, bu fikr unchalik to‘g‘ri emas. Bu haqda Sammobile nashri xabar bermoqda.

YouTube’dagi WekiHome kanali bergan tahlilga ko‘ra, Galaxy S25 Edge akkumulyatorining energiya zichligi 758 Vt/soat/litrni tashkil qiladi. Bu esa Galaxy S25 Ultra’dagi (5000 mA/soat, 727 Vt/soat/litr) ko‘rsatkichdan ham yuqori.

Bu shuni ko‘rsatadiki, Samsung o‘zining yupqa smartfoni uchun batareyani yaxshilab optimallashtirgan.

Mashhur texnoinsayder Ice Universe ma’lumotiga ko‘ra, Oppo Find N5 smartfonida yangi turdagi kremniy-uglerodli batareya ishlatilgan...

Eron raketasining Tamra shahriga tushishi oqibatida to‘rt ayol halok bo‘ldi. Times of Israel nashrining xabar berishicha, 10 kishi jarohat olgan.

15-iyun, shanba kuni kechasi Eron Isroilga qarata o‘nlab ballistik raketalarni uchirdi. Ulardan biri Hayfa yaqinidagi arab shahri Tamra hududiga tushib, ikki qavatli uyga zarba berdi. Natijada to‘rt nafar ayol halok bo‘lib, taxminan o‘n kishi tan jarohati olgan.

Bu Eronning shu kun ichidagi birinchi raketa hujumi edi. Hujum boshlanishi bilan Isroilning aksar hududlarida aholiga boshpanalarga kirish bo‘yicha ogohlantiruv signallari yuborildi. Ammo xavf, asosan, mamlakat shimoli va Hayfa atrofiga tegishli bo‘lib, aynan shu hududlarda havo mudofaa tizimlari ishga tushirilgan.

2025-yil 13-iyun kuni O‘zbekistonda o‘tkazilgan onlayn-auksionda avtomobil davlat raqami rekord narxda sotildi. 10 777 ZZZ raqamli davlat belgisi 1,56 mlrd so‘mga xarid qilindi. Bu hozirgacha mamlakatda eng qimmat sotilgan raqam hisoblanmoqda.

Auksion boshlanishida raqamning boshlang‘ich narxi 187,5 mln so‘m bo‘lgan. Biroq savdoda ishtirokchilar faol qatnashganligi sababli, narx sakkiz baravardan ortiq oshgan. Markaziy bankning hozirgi kursi bo‘yicha bu summa $122 mingdan oshadi.

Bundan tashqari, xaridor 78,2 mln so‘m komissiya va 18,75 mln so‘m miqdorida garov to‘lovini ham amalga oshirgan. Shunday qilib, umumiy xarajat 1,657 mlrd so‘mni tashkil etgan.

Avvalroq 888 kombinatsiyali avtomobil raqami 722,3 mln so‘mga sotilgani haqida...

Audi kompaniyasi 2025-yilgi yangilangan Audi A7L sedanini rasman taqdim etdi. Bu haqda ITHome nashri xabar bermoqda.

Model Xitoy bozorida yetti xil komplektatsiyada sotuvga chiqariladi. Uning boshlang‘ich narxi 418 700 yuandan (taxminan $58 400) boshlanib, eng qimmati esa 666 200 yuangacha (qariyb $92 900) yetadi.

Tashqi ko‘rinishida katta o‘zgarishlar bo‘lmagan – mashinaning o‘lchamlari 5076×1908×1429 mm bo‘lib, g‘ildirak bazasi 3026 mm ni tashkil qiladi. Salonda esa texnologik yangilanishlar mavjud.

Asosiy komplektatsiyaning o‘zida uchta ekran o‘rnatilgan: 12,3 dyuymli raqamli asboblar paneli, 10,1 dyuymli media tizim ekrani va 8,6 dyuymli iqlim boshqaruvi uchun alohida sensor displey.

Yangi A7L ikkita dvigatel variantini taklif...

FIFA klublar o‘rtasidagi Jahon chempionatining ochilish o‘yini «Al-Ahli» va «Inter Mayami» jamoalari o‘rtasida bo‘lib o‘tdi. Uchrashuvda gollar qayd etilmadi va 0:0 hisobida durang bilan yakunlandi.

O‘yin Mayamidagi «Hard Rock» stadionida bo‘lib o‘tdi va 60 mingdan ortiq tomoshabin yig‘ildi.

Bellashuvning birinchi bo‘limida Misrning «Al-Ahli» klubi ustunlik qilgan bo‘lsa, ikkinchi bo‘limda «Inter Mayami» o‘yinni nazorat qilishga harakat qildi. Bahs davomida «Inter Mayami» darvozaboni Oskar Ustari muhim vaziyatlarda jamoasini qutqarib qoldi. Ayniqsa, u Trezeguet tomonidan ijro etilgan penaltini qaytarib, o‘yinning burilish nuqtasiga aylandi.

Lionel Messi bir necha bor gol urishga yaqin keldi. Uning erkin zarbasi to‘sin bilan to‘qnash keldi, yana bir vaziyatda...

Times of Israel nashrining xabar berishicha, Tel-Aviv yaqinidagi Bat-Yam shahrida yashash binosiga qilingan Eron raketa zarbasi oqibatida kamida sakkiz kishi halok bo‘lgan. Vafot etganlar orasida ikki nafar bola ham bor.

Hujum natijasida 137 kishi jarohat olgan, taxminan 35 kishi bedarak yo‘qolgan. Zarba berilgan bino qulab tushish xavfi ostida, qutqaruvchilar ichkarida qolganlarni qidirmoqda.

Mazkur hujumlar Isroilning 13-iyun kuni «Yuksalayotgan sher» nomli operatsiyasini boshlagach yuzaga keldi. Ushbu operatsiya Eronning yadroviy dasturiga qarshi yo‘naltirilgan edi.

Isroil yetakchilarining ta’kidlashicha, hujum Eronning yadroviy bombaga ega bo‘lishining oldini olishga qaratilgan. Mamlakat uranni qurol darajasidan qisqa, texnik bosqichda boyitmoqda. Eron uzoq vaqtdan buyon o‘z...

Volkswagen kompaniyasi Yangi Volkswagen Sagitar L sedanini namoyish qildi. Bu haqda ITHome nashri xabar bermoqda. Yangi model joriy yilning uchinchi choragida sotuvga chiqariladi.

Yangi Sagitar L butunlay qayta ishlangan dizaynga ega bo‘lib, radiator panjarasining yopiq markaziy qismiga ega. Panjara ostida faralarni birlashtiruvchi LED tasmasi joylashgan. Bamperning pastki qismi va havo olish joylari asl shaklga ega.

Eshik tutqichlari eshikda yashiringan, voqea sodir bo‘lgan taqdirda ular avtomatik ravishda uzaytiriladi. Orqa tomonda chiroqlar va yoritilgan logotip o‘rtasida mustahkam LED chiziq mavjud.

Volkswagen Sagitar L ning o‘lchamlari 4812 x 1813 x 1479 mm, g‘ildirak bazasi 2731 mmni tashkil etadi. Volkswagen Sagitar L...

Yevropa tiklanish va taraqqiyot banki (YTTB) qurilish materiallari ishlab chiqarish bilan shug‘ullanuvchi Angren Group kompaniyasiga $6 mln kredit ajratadi. Bu haqda bank matbuot xizmati xabar bermoqda.

Ajratilgan mablag‘ uskunalar xarid qilish va shisha tolali choyshablar ishlab chiqarish uchun yo‘naltiriladi. Kredit kompaniyani qayta qurish uchun ham sarflanadi.

Loyiha Yaponiya-YETTB hamkorlik jamg‘armasi tomonidan ajratilgan mablag‘lar hisobidan moliyalashtiriladi.

Bankning ta’kidlashicha, Angren Group Oʻzbekistonda shisha tolali plitalar ishlab chiqaruvchi yagona ishlab chiqaruvchi hisoblanadi. Ushbu material gipsokartonni yaratish uchun ishlatiladi.

Avvalroq Octobank va Humans o‘rtasidagi mojaro bo‘yicha sud qarori chiqqani haqida yozgan edi.

O‘zbekiston tashqi ishlar vaziri Baxtiyor Saidov va uning belaruslik hamkasbi Maksim Rijenkov O‘zbekiston – Afg‘oniston chegarasiga tashrif buyurdi, deb xabar bermoqda «Dunyo» axborot agentligi. Ularni Termiz bilan Hayratonni bog‘lovchi Do‘stlik ko‘prigidan olib o‘tishdi.

Uchrashuvda Saidov va Rijenkov Afg‘oniston orqali savdo yo‘llarini kengaytirish masalalarini muhokama qilishdi. Tomonlar gumanitar yordamni muvofiqlashtirish, chegaraoldi hududlarda barqarorlikni ta’minlash masalalarini ham ko‘rib chiqdilar.

Belarus Tashqi ishlar vazirligi O‘zbekiston va Belarus TIV rahbarlarining uchrashuvi mustahkam sheriklik va ishonchli muloqot ramzi ekanini ta’kidladi.

«Mintaqaviy xavfsizlik, gumanitar hamkorlik va aloqalarni mustahkamlash bo‘yicha real qadamlar – bularning barchasi mintaqaning eng nozik nuqtalaridan biridagi uchrashuv diqqat...

Farg‘ona viloyati hokimi Xayrullo Bozorov Fransiyaning Montagne et Neige Développement (MND) kompaniyasi rahbariyati bilan uchrashdi.

Muloqot chog‘ida kompaniya prezidenti Xavier Gallot-Lavallée va MDH davlatlari, Bolqon, Turkiya hamda Pokiston bo‘yicha mintaqaviy savdo direktori Orxan Shirin ishtirok etdi.

Tomonlar Farg‘ona tumanida joylashgan Shohimardon va Yordon qishloqlarida sayyohlik infratuzilmasini rivojlantirishga qaratilgan istiqbolli loyihalarni muhokama qildi. Tog‘li hududlarda sayyohlik obyektlarini barpo etishda katta tajribaga ega bo‘lgan MND kompaniyasi hozirda Toshkent viloyatida ham qator loyihalarni amalga oshirmoqda. Ma’lumotlarga ko‘ra, kompaniya bugungi kungacha 49 ta mamlakatda turizm infratuzilmasiga oid yirik loyihalarni amalga oshirgan.

Shohimardon va Yordon qishloqlarida rejalashtirilayotgan loyiha doirasida sayyohlar uchun arqon yo‘llari, osma...

IX xalqaro «Qirg‘iziston gavhari» sport o‘yinlarida Baxtiyorjon To‘raboyev boshchiligida qatnashgan 7 nafar o‘zbek bokschisi har biri oltin medalga sazovor bo‘ldi.

2025-yil 10 – 14-iyun kunlari Qirg‘izistonning Cho‘lpon-Ota shahrida bo‘lib o‘tgan IX xalqaro «Qirg‘iziston gavhari» sport o‘yinlarida o‘zbekistonlik o‘smir bokschilar tarixiy yutuqqa erishishdi.

Turnirda ular 100 foizlik natija ko‘rsatib, O‘zbekiston jamoasini umumjamoa hisobida birinchi o‘ringa olib chiqdi.

Musobaqa g‘oliblari:

Avvalroq Kursiv Uzbekistan Ahmadaliyev va Inoue o‘rtasidagi super jang sanasi e’lon qilingani haqida...

2025-yil 13-iyun kuni Toshkent tumanlararo iqtisodiy sudida «Octobank» AJ va «Humans» MCHJ o‘rtasida davom etayotgan moliyaviy nizo bo‘yicha hal qiluv qarori e’lon qilindi.

Sud qaroriga ko‘ra, «Humans» MCHJ bank oldidagi qarzdorlikni qoplashi lozimligi belgilandi.

«Octobank» ushbu qarorni o‘zining qonuniy manfaatlarini himoya qilish yo‘lida muhim yutuq sifatida baholab, barcha hamkorlar bilan shaffof va adolatli munosabatlarni davom ettirishga tayyorligini bildirdi. Shuningdek, bank 2025-yil 13-iyundan boshlab «Humans» kartalari bo‘yicha kliring va barcha operatsiyalarni to‘liq to‘xtatganini ma’lum qildi.

Bunga javoban, Humans kompaniyasi o‘zining rasmiy veb-saytida holat bo‘yicha bayonot e’lon qildi. Unda Octobank’ning 500 mlrd so‘mlik da’vosi sudda ko‘rib chiqilayotgani, ammo...

O‘zbekistonda «10 777 ZZZ» kombinatsiyali «chiroyli» avtoraqam 1,56 milliard so‘mga onlayn auksion orqali sotildi. Bu haqda O‘zbekiston Respublikasi Tovar-xomashyo birjasi (O‘zRTXB) xabar berdi.

Mazkur raqam uchun savdo 8 kun davom etib, boshlang‘ich bahosi 187,5 million so‘m edi – bu degani, oxirgi taklif boshlang‘ich qiymatdan 8,3 barobar yuqori bo‘ldi.

Xaridor ushbu avtoraqamni rasmiylashtirish uchun 5 ish kuni ichida to‘lovni amalga oshirishi va Yo‘l harakati xavfsizligi xizmatida ro‘yxatdan o‘tkazishi lozim.

Bu natija O‘zbekistondagi avvalgi rekordlarni ham ortda qoldirdi. 2023-yilda 01 888 BBB kombinatsiyasidagi raqam 965,25 mln so‘mga (taxminan $75 ming) baholangandi. Yana bir misol: 01 777 RRR raqami 893 mln so‘mga...

Xalqaro reyting agentligi Moody’s 2025-yil 13-iyun kuni O‘zbekistonning uzoq muddatli suveren kredit reytingini Ba3 darajasida saqlab qolgan holda, unga bo‘lgan prognozni «barqaror»dan «ijobiy»ga o‘zgartirdi. Bu mamlakatda olib borilayotgan iqtisodiy va institutsional islohotlarning samaradorligiga berilgan ijobiy baho sifatida talqin qilinmoqda.

Moody’s agentligi izohiga ko‘ra, prognozning ijobiyga o‘zgartirilishi mamlakatda davlat boshqaruvi tizimini isloh qilish, energetika sohasini erkinlashtirish, shuningdek, xususiylashtirish jarayonlarini jadallashtirish kabi yo‘nalishlardagi aniq yutuqlar bilan bog‘liq.

Xususan, davlat korxonalari va banklar faoliyatini oshkora va samarali qilish maqsadida kuzatuv kengashlariga mustaqil a’zolar jalb etildi, manfaatlar to‘qnashuviga oid qonunchilik takomillashtirildi, korrupsiyaga qarshi kurashish bo‘yicha qat’iy choralar ko‘rilmoqda. Energetika tariflarining bosqichma-bosqich erkinlashtirilishi 2027–2028-yillarda...

Samsung o‘zining o‘rta narx toifasidagi qurilmalar qatorini yangi model – Samsung Galaxy F36 bilan kengaytirishga tayyorlanmoqda. Bu haqda Sammobile nashri ma’lum qildi.

Qurilma hali rasman e’lon qilinmagan bo‘lsa-da, Google Play Console ma’lumotlar bazasida «SM-E556B» model raqami bilan paydo bo‘ldi. Aytishlaricha, u tez orada Galaxy F56 nomi ostida ayrim bozorlar, jumladan Hindistonda, hamda boshqa nomlar bilan boshqa hududlarda sotuvga chiqariladi.

Galaxy F36 2023-yilda Galaxy A54 modelida ishlatilgan Exynos 1380 protsessori bilan jihozlanadi. Bu hozirda ikki yillik chip hisoblanadi. Qurilma 6 GB tezkor xotira va Full HD+ aniqlikdagi ekran bilan birga keladi. Dizayn jihatidan esa u Infinity-U shaklidagi old kamera kesimi...