Yangiliklar

Fintech kompaniya Alif sukuk islom obligatsiyalarini muvaffaqiyatli joylashtirganini e’lon qildi. $50 mlnlik dastur doirasida birinchi mablag‘ ajratilishi $5 mlnni tashkil etdi.

Sukuklar «Sukuk al-Mudaraba» shaklida 3 yillik muomala muddati bilan Yevropaning Lyuksemburg bozorida joylashtirildi. Mablag‘lar xorijiy investorlar tomonidan jalb qilinib, Alif’ning O‘zbekistondagi faoliyatini, jumladan Alif Nasiyani rivojlantirishga yo‘naltiriladi.

Bitimda Amber Investments Ltd investitsiya maslahatchisi, CBH banki esa yetakchi agent sifatida qatnashdi. Huquqiy maslahatchi sifatida Morgan, Lewis & Bockius LLP firmasi jalb etildi.

«Bu qadam nafaqat Alif, balki butun O‘zbekiston uchun yangi investitsiya eshiklarini ochadi,» — deydi kompaniya bosh direktori Nuriddin Lafizov.

Ma’lumot uchun, 2014-yilda asos...

Toshkentdagi xalqaro va mahalliy aviaqatnovlar terminallarida yo‘lovchilar yuklarini saqlab, shaharda bemalol vaqt o‘tkazishlari uchun avtomatik saqlash javonlari o‘rnatildi. Bu haqda Uzbekistan Airports xabar berdi.

Xalqaro terminaldagi javon jo‘nash terminalining 1-qavatida joylashgan bo‘lib, 24 soat davomida ishlaydi. Yuklarni bir soat saqlash uchun narx 15 ming so‘mdan 40 ming so‘mgacha (bagaj hajmiga qarab) etib belgilangan. Yuklar uchun standart (60x50x80 sm), o‘rta (90x50x80 sm) va katta (180x50x80 sm) hajmdagi o‘lchamlar mavjud.

Mahalliy terminaldagi javon esa uchib ketish va kelish zallari o‘rtasida joylashgan. U ham 24 soat davomida faoliyat yuritadi. Barcha o‘lchamlar uchun soatiga 10 ming so‘m. Yuklar o‘lchamlari kichik (43x50x34 sm), standart...

Rossiya tashqi ishlar vaziri Sergey Lavrov 22-23 aprel kunlari O‘zbekistonga tashrif buyuradi. Bu haqda vazirlik matbuot kotibi Mariya Zaxarova ma’lum qildi.

Tashrif davomida Shavkat Mirziyoyev bilan muzokaralar olib borish hamda O‘zbekiston tashqi ishlar vaziri Baxtiyor Saidov bilan ham uchrashishi kutilmoqda.

Tashrifdan maqsad Rossiya va O‘zbekiston o‘rtasidagi strategik sheriklikni rivojlantirish va xavfsizlik hamda xalqaro hamkorlik masalalarini muhokama qilinishi rejalashtirilmoqda.

Shuningdek, uchrashuvda Rossiya prezidenti Vladimir Putinning O‘zbekistonga tashrifi chog‘ida erishilgan kelishuvlarni amalga oshirish masalalari ham olib boriladi. Muzokaralar chog‘ida Ikkinchi jahon urushidagi g‘alabaning 80 yilligini nishonlashga tayyorgarlik ko‘rish masalalariga ham to‘xtalib o‘tish rejalashtirilgan.

Avvalroq Kursiv Uzbekistan Tashqi ishlar vazirligi...

OpenAI yangi sunʼiy intellekt modellarini taqdim etdi. Bu haqda Engadget nashri xabar bermoqda.

Yangi o3 va o4-mini modellarining eng asosiy yangiligi – ular matndan tashqari suratlarni ham tahlil qilish qobiliyatiga ega. Ular foydalanuvchidan yuklangan tasvirlarni tushunib, savollarga javob bera oladi.

OpenAI o3 modelini hozirgacha eng ilgʻor mantiqiy fikrlovchi sun’iy intellekt deb atadi. U matematik masalalar, kod yozish va ilmiy tahlillarda yuqori samaradorlik koʻrsatmoqda. o4-mini esa yengil va tez ishlovchi versiya boʻlib, resurslarni kam sarflaydi.

Shuningdek, kompaniya Codex CLI nomli yangi kod yozish agentini ham eʼlon qildi. Bu vosita dastlab yangi modellar bilan ishlaydi, yaqin orada esa GPT-4.1 versiyasi bilan...

Istiqbolli loyihalar milliy agentligi (ILMA) iqtisodchi Otabek Bakirovning ustidan shikoyat qildi. Bu haqida Bakirov ma’lum qildi.

Bunga sabab sifatida uning Telegram-kanalida e’lon qilingan «Qonunsiz superregulyator» sarlavhasidagi posti ko‘rsatilgan.

ILMA hozircha Kursiv Uzbekistan nashriga Bakirov bilan bog‘liq vaziyat yuzasidan izoh bermasligini aytdi. Nashr Toshkent shahar Ichki ishlar bosh boshqarmasiga ham rasmiy so‘rov yuborgan.

Bakirovning aytishicha, ILMA uning Temu marketpleysining bloklanishi va agentlik harakatlari haqida yozgan postini «obro‘sizlantirish»ga urinish sifatida baholagan. Iqtisodchi bu borada Toshkent shahar IIBga tushuntirish xati yozganini aytdi.

Shuningdek, u Temu bilan bog‘liq vaziyat yuzasidan to‘rtta post yozgan, biroq agentlik faqat bittasiga munosabat bildirgan.

Bakirov «Qonunsiz superregulyator» postida...

Uzcard kompaniyasi bank kartalarini muomalaga chiqarish bo‘yicha profilaktika ishlari olib borilayotganini ma’lum qildi.

Texnik qiyinchiliklar bosqichma-bosqich bartaraf etilmoqda. Shu sababli yangi arizalarni ko‘rib chiqishda kichik kechikishlar yuzaga kelishi mumkin.

«Barcha xizmatlar, jumladan, hisob operatsiyalari va tranzaksiyalar odatdagidek ishlamoqda», – deyiladi rasmiy bayonotda.

Kartani chiqarish jarayoni yaqin kunlarda to‘liq tiklanishi kutilmoqda. O‘zgarishlar haqida qo‘shimcha ma’lumotlar berib boriladi.

Avvalroq Kursiv Uzbekistan Uzсard bolalar ruhiy-asab kasalliklari shifoxonasining bemorlariga moʻljallangan bolalar maydonchasini qurgani haqida xabar bergan edi.

Kriptobozordagi likvidlikning pasayishi AQSh olib borayotgan savdo urushi bilan bog‘liq. Bu haqda Binance kompaniyasining Sharqiy Yevropa, Markaziy Osiyo va Afrika bo‘yicha direktori Kiril Xomyakov Crypto Week Uzbekistan 2025 forumida aytdi. Bu haqda Kursiv Uzbekistan ma’lum qildi.

Uning so‘zlariga ko‘ra, investorlar va yirik treyderlar xavfsizlikni birinchi o‘ringa qo‘yib, birjalardan mablag‘larini olib chiqib ketmoqda.

«Ko‘pchilik treyderlar va kriptomagnatlar birjalardan pullarini olib chiqmoqda, bu esa bozor likvidligini pasaytirib yubordi. Bunday holat, asosan, AQShning savdo urushidan kelib chiqmoqda», — dedi Xomyakov.

Unga ko‘ra, global siyosiy beqarorlik va iqtisodiy bosim kriptobozoridagi ishonchni pasaytirib, likvidlik tanqisligini kuchaytirgan. Bu esa kriptobozorining...

Oʻzbekistonning mis simlar ishlab chiqaruvchi «Artikul Aziya Kabel» korxonasi Yevropa tiklanish va taraqqiyot bankidan (YTTB) 20 mln yevro miqdorida kredit oladi. Bu haqda YTTB saytida xabar berildi.

Kredit «Artikul Aziya Kabel» mahsulotini ishlab chiqarishni rivojlantirish va eksport hajmini oshirishga yoʻnaltiriladi. Kompaniya tomonidan ishlab chiqarilgan mahsulotlar yashil energiyada qoʻllaniladi.

Moliyalashtirish kompaniyaning Markaziy Osiyoda kabel va simlar yetkazib beruvchisi sifatidagi mavqeini mustahkamlashga yordam beradi. Kredit «Artikul Aziya Kabel» kompaniyasiga oʻz mahsulotlarini Yevropa Ittifoqiga eksport qiluvchiga aylanishga yordam beradi.

Eslatib oʻtamiz, Kursiv Uzbekistan nashri Oʻzbekiston Maktabgacha va maktab taʼlimi vazirligi va Islom taraqqiyot banki (ITB) oʻrtasida $40 mlnlik grant shartnomasi imzolangani haqida...

Yangi qabul qilingan qonunga muvofiq, Istiqbolli loyihalar milliy agentligi (ILMA)ga kapital va sug‘urta bozorlarini tartibga solish, shuningdek, lotereyalarni tashkil etish bo‘yicha vakolatlar yuklatildi. Bu haqda Adliya vazirligi xabar berdi.

Shuningdek, «Sug‘urta faoliyati to‘g‘risida»gi qonunga sug‘urta tashkilotlari rahbariyati va mulkdorlarining ishchanlik obro‘siga qo‘yiladigan yangi talablar kiritilmoqda. Bu orqali sug‘urta bozori ishtirokchilarining professionalligi va ishonchliligini ta’minlash ko‘zda tutilgan.

Shu bilan birga, endilikda quyidagi faoliyat turlari litsenziyalanadi:

Mazkur qonun rasmiy e’lon qilingan kundan boshlab kuchga kirdi.

Avvalroq «Kursiv» Oliy Majlis Senati O‘zbekistonda bukmekerlik kontoralari va qimor o‘yinlarini qonuniylashtirish to‘g‘risidagi qonun...

Goldman Sachs banki mutaxassislarining fikricha, agar AQSh va Xitoy oʻrtasidagi iqtisodiy ziddiyat kuchaysa, amerikalik investorlar Xitoyga oid $800 mlrdlik sarmoyalarni sotishga majbur boʻladi.

Bu sarmoyalar asosan Xitoy kompaniyalarining AQSh fond bozorlari orqali sotiladigan aksiyalariga tegishli. Bu aksiyalar odatda ADR (Amerika depozitar kvitansiyalari) shaklida boʻladi. Misol uchun, Alibaba, JD.com yoki Pinduoduo kabi yirik Xitoy kompaniyalarining aksiyalari AQSh birjalarida aynan shu usulda sotiladi.

Goldman Sachs tahlilchilarining yozishicha, hozirda ushbu ADRlarning taxminan 7 foizi AQShdagi yirik investorlarga tegishli. Ammo bu investorlar u aksiyalarni Gonkong birjasida sotib olish yoki almashtirish imkoniga ega emas. Agar Xitoy kompaniyalari AQSh fond birjalaridan chiqarib yuborilsa (yaʼni, majburiy delisting boʻlsa...

18-aprel kuni bir AQSh dollarining rasmiy kursi 30,16 soʻmga tushib, 12 964,43 soʻmni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 905 – 12 970 soʻmdan sotib olayotgan boʻlsa, 12 995 – 13 055 soʻm oraligʻida sotmoqda.

Shu bilan birga, yevro 17,40 soʻmga pastlab, 14 744,45 soʻmga yetdi. Rossiya rubli esa 0,60 so’mga ko’tarilib 158,28 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin. 

O‘zbekistonda logistika infratuzilmasi rivoji uchun qulay muhit shakllandi. Transkontinental yo‘llarning o‘zgarishi iqtisodiy o‘sish bilan birga kechmoqda. 2024-yilda 200 ming kv.m ombor ishga tushirildi. Bu markaziy mintaqadagi eng yuqori o‘sish bo‘ldi. Shunga qaramay, ehtiyoj hali ham bir necha baravar yuqori. IBC Global hisobiga ko‘ra, 2,5 mln kv.m kerak. Bu haqda kompaniya Kursiv Uzbekistanga ma’lum qildi.

2024-yilda O‘zbekistonda YaIM 6,5 foizga o‘sdi, investitsiyalar 27,6 foizga ko‘paydi. Savdo, tashish va iste’mol ko‘rsatkichlari barqaror ijobiy sur’atda davom etmoqda. O‘sish 2025-yilda ham davom etishi kutilmoqda. Jahon bozoridagi ulushni kengaytirish uchun ombor zarur.

Demografik holat ham iqtisodiy faollikni qo‘llab-quvvatlamoqda. 55 foiz aholining yoshi 31 dan kichik...

Qoraqalpogʻiston Bosh bojxona boshqarmasi xodimlari qalbaki pul mablagʻlarini tayyorlash va tarqatish bilan shugʻullangan jinoiy guruh a’zolarini qoʻlga oldi. Bu haqda Bojxona boshqarmasi xabar bermoqda.

Taxiatosh tumanida oʻtkazilgan maxsus tadbir davomida jinoyatchilardan biri 7,5 mln soʻmlik qalbaki banknotlarni 2,5 mln soʻm haqiqiy pulga sotmoqchi boʻlgan vaqtida jinoyat ustida qoʻlga olingan.

Qoʻlga olingan shaxsning koʻrsatmalari asosida boshqa gumonlanuvchilarning uylarida tintuv oʻtkazilib, tergov jarayonida noutbuk, rangli printer, qalbaki pullarni yasashda foydalanilgan asboblar – turli oʻlchamdagi qaychi va oʻlchagichlar olib qoʻyilgan.

Eslatib oʻtamiz, Kursiv Uzbekistan nashri Qoraqalpogʻiston Respublikasi Nukus shahrida 3,4 mlrd soʻmlik gaz oʻgʻirlangani haqida yozgan edi.

Samarqanddagi Registon maydoni dunyodagi eng go‘zal 44 ta joydan biri sifatida e’tirof etdi. Bu haqda TimeOut jurnali sayohatchilarning fikrlariga tayanib ro‘yxat tuzdi.

Registon maydoni ushbu ro‘yxatda 40-o‘rinda turibdi. Samarqandga sayohat qilgan mehmonlar bu tarixiy joyni quyidagicha ta’riflashdi:

«Uchta ulug‘vor inshoot bilan o‘ralgan keng maydon – Registon, Samarqandning qadimiy yuragi, zamonaviy O‘zbekistondagi Ipak yo‘lining ramzi hisoblanadi. XV-XVII asrlarda bunyod etilgan uchta madrasa – ravoqli peshtoqlar, yaltiroq gumbazlar va baland minoralar bilan betakror manzara yaratadi. G‘isht, koshin va mozaikalardan yasalgan geometrik naqshlar bu binolarga beqiyos joziba bag‘ishlaydi».

Ma’lumot uchun, TimeOut – dunyoning 60 dan ortiq shaharlarida...

Hyundai kompaniyasi 2026 yilgi Palisade XRT Pro modelini taqdim etdi. Bu haqda ITHome nashri xabar bermoqda. Ommaviy sotuvlar 2026-yildan boshlanadi.

Intererda H-Tex charm oʻrindiqlari (isitish va ventilyatsiya funksiyalari bilan), 14 karnayli Bose audiotizimi, atrof-muhit yoritgichi va quvvatli lyuk oʻrnatilgan.

Avtomobil eksklyuziv orqa elektron cheklangan sirpanishli differensial (eLSD), 214 mm klirens (standart modeldan 26 mm koʻproq), yaqinlashish (20,5°) va ketish (22,4°) burchaklari bilan jihozlangan.

Model 255/60/R18 butun er usti shinalari, HTRAC toʻliq gʻildirakli haydovchi tizimi va loy, qum, qor uchun yangi haydash rejimlari va tirkama (tortishish rejimi) bilan jihozlangan. Avtomobil tepalikdan tushishni boshqarish tizimi, koʻr nuqta monitoringi tizimi, 360 daraja...

Qoraqalpogʻiston Respublikasi Nukus shahrida 3,4 mlrd soʻmlik gaz oʻgʻirlandi. Bu haqda Bosh prokuratura matbuot xizmati xabar bermoqda.

«D.C.» MCHJga qarashli AGTKSHda jamiyat mansabdor shaxslari «avtopilot-pro» rusumli gazni hisobga olish uskunasining qurilmalariga tashqi ta’sir koʻrsatib, 3,4 mlrd soʻmlik 1,9 mln kub metr tabiiy gazni oʻgʻirlagan.

Ushbu holat yuzasidan Jinoyat kodeksining 169-moddasi 4-qismi «a» bandi bilan jinoyat ishlari qoʻzgʻatilgan.

Eslatib oʻtamiz, Kursiv Uzbekistan nashri Jinoyat protsessi ishtirokchilariga toʻlovlar belgilangani haqida yozgan edi.

Milliarder Alisher Usmonov Forbes Russia talqini bo‘yicha 2025-yil uchun Rossiyaning eng boy odamlari reytingida to‘qqizinchi o‘rinni egalladi. Nashr jami 146 milliarderni ro‘yxatga kiritgan.

Forbes Usmonovning boyligini $16,7 mlrdga baholagan. Yil davomida u $3,3 mlrdga o‘sdi. 2022-yildan buyon kelib chiqishi o‘zbekistonlik milliarder Toshkentda istiqomat qiladi. Corriere Della Sera gazetasiga bergan intervyusida u sanksiyalarga qarshi kurashni davom ettirayotganini aytdi.

Forbes jurnali rossiyalik neft magnati Vagit Alekperovni 28,7 mlrd boyligi bilan birinchi o‘ringa qo‘ydi. Keyingi o‘rinlarda Aleksey Mordashov va Leonid Mixelson – mos ravishda $28,6 mlrd va $28,4 mlrd.

Reytingni tuzishda nashr milliarderlarning aktivlari va shaxsiy mulklari qiymati kabi mezonlarni hisobga oladi...

Qoraqalpog‘istondagi «Grand Castle» MChJ «Pana Hotel» belgisi asosida tovar belgisini ro‘yxatdan o‘tkazmoqchi bo‘ldi, biroq bu nom Toshkentda ro‘yxatdan o‘tgan «Pana Unique» MChJ bilan fonetik jihatdan o‘xshash deb topildi. Natijada Raqobat qo‘mitasi «Pana Unique MChJni qonun buzgan deb topdi va unga moliyaviy jarima qo‘lladi.

Qoraqalpog‘istonda faoliyat yurituvchi «Grand Castle» MChJ mehmonxona xizmati ko‘rsatishda «Pana Hotel» belgisidan foydalangan. U ushbu belgi asosida tovar belgisini ro‘yxatdan o‘tkazish uchun ariza topshirgan.

Biroq Adliya vazirligi huzuridagi Intellektual mulk markazi bu arizani rad etdi. Sababi — «Pana» so‘zi Toshkent shahrida ro‘yxatdan o‘tgan «Pana Unique» MChJ tovar belgisida mavjud bo‘lib, bu belgilar fonetik jihatdan o‘xshash...

Honor yangi x60 GT smartfoni taqdim etildi / Foto: ITHome

Honor x60 GT smartfoni taqdim etildi. ITHome nashrining xabar berishicha, model 22-apreldan sotuvga chiqariladi.

Honor X60 GT mobil telefonining akkumulyatori 6120 mA/soat quvvatga ega. Honor X60 GT’ning old tomoni tekis ekran va orqa toʻrtburchak kamera moduli bilan jihozlangan. Yangi telefonning orqa qopqogʻi katakli dizaynni qabul qilishi kutilmoqda.

Telefon avvalroq 3C sertifikatidan oʻtgan boʻlib, 90 Vt tez zaryadlashni qoʻllab-quvvatlagan. Model Qualcomm Snapdragon 8+ Gen 1 chipi, 12 Gb xotira va 256 Gb xotira bilan jihozlangan.

Eslatib oʻtamiz, Kursiv Uzbekistan nashri Honor kompaniyasi tomonidan yangi Honor Power smartfoni taqdim etilgani haqida...

Raqobatni rivojlantirish va iste’molchilar huquqlarini himoya qilish qo‘mitasi tomonidan mamlakat miqyosida 259 ta tashkilotda monopoliyaga qarshi komplayens tizimi joriy etildi.

Ularning tarkibida 64 ta tabiiy monopoliya subyektlari, 78 ta tovar yoki moliya bozorida ustun mavqega ega xo‘jalik yurituvchi subyektlar, 49 ta davlat ishtirokidagi korxonalar, 33 ta respublika ijro etuvchi hokimiyat organlari va 35 ta mahalliy ijro etuvchi hokimiyat organlari mavjud.

2025-yilning I choragida ushbu tizim quyidagi muhim tashkilotlar faoliyatiga ham tatbiq qilindi:

OpenAI kompaniyasi X (sobiq Twitter) uslubidagi yangi ijtimoiy tarmoqni ishlab chiqmoqda. Bu haqda The Verge nashri xabar berdi.

Hozirda loyiha dastlabki bosqichda bo‘lib, ChatGPT’ning rasm generatsiyasi funksiyasi asosida ijtimoiy lentani o‘z ichiga olgan. Kompaniya rahbari Sem Altman tashqi mutaxassislarning fikrlarini yig‘moqda, biroq bu platforma alohida ilova sifatida chiqariladimi yoki ChatGPT bilan integratsiya qilinadimi – hozircha noma’lum.

Agar loyiha amalga oshsa, bu OpenAI’ga real vaqt rejimidagi noyob foydalanuvchi ma’lumotlarini taqdim etadi. Bu esa kompaniyaning sun’iy intellekt modellarini yanada samarali o‘qitish imkonini beradi.

Shuningdek, bu qadam OpenAI’ni Ilon Mask’ning xAI kompaniyasi va Meta bilan raqobatiga olib keladi. Ma’lumotlarga ko‘ra, Meta...

O‘zbekiston va Vengriya mudofaa sohasida hamkorlik qilish bo‘yicha deklaratsiyani imzoladi. Ushbu hujjat Vengriya mudofaa vaziri Kristof Salay-Bobrovnitskiyning O‘zbekistonga tashrifi chog‘ida imzolandi.

Salay-Bobrovnitskiyning ta’kidlashicha, imzolangan hujjat mudofaa siyosati va harbiy hamkorlik yo‘nalishida muhim qadam bo‘ladi. U O‘zbekiston mudofaa vaziri Shuhrat Xalmuxamedov bilan uchrashuv davomida Rossiya – Ukraina mojarosi masalasiga ham to‘xtalib o‘tdi.

«Uchrashuv davomida ular Yevropani qamrab olgan Rossiya – Ukraina urushi to‘xtatilishi kerak, degan fikrda yakdillashdilar», – deyiladi Vengriya Mudofaa vazirligi bayonotida.

Shuningdek, Vengriya mudofaa vaziri O‘zbekistonni Markaziy Osiyoda terrorizmga qarshi kurashda muhim ishtirokchi va NATO uchun muhim hamkor sifatida e’tirof etdi.

Shundan so‘ng...

Yandex Go taksi xizmati Navoiy viloyati Zarafshon shahri aholisi uchun ishga tushirildi. Bu haqda Yandex Uzbekistan «Kursiv» nashriga ma’lum qildi.

Endilikda shahar aholisi va mehmonlari ilova orqali oʻzlari xohlagan turdagi avtomobilga buyurtma berishlari mumkin. Xizmat avtomatik ravishda narxni hisoblab chiqadi va avtomobilni tanlaydi. Yoʻlning minimal narxi ikki ming soʻmdan boshlanadi.

Zarafshon Oʻzbekistonda Yandex Go xizmati ishlayotgan 17-hudud boʻldi. Ayni paytda kompaniya tomonidan taksi buyurtmalari aksariyat viloyat markazlari – Xiva, Qoʻqon va Margʻilon shaharlarida faoliyat koʻrsatmoqda.

Eslatib oʻtamiz, Kursiv Uzbekistan nashri Yandex Market Oʻzbekistonda ish boshlagani haqida yozgan edi.

Xitoyning Zeekr kompaniyasi o‘zining yangi elektr avtomobili — Zeekr 007 GT modelini rasmiy ravishda taqdim etdi. Bu haqda Autohome nashri xabar berdi.

Shooting brake kuzovida ishlab chiqilgan bu universal avtomobil kuchli texnik xususiyatlari va nisbatan arzon narxi bilan ajralib turadi. Avtomobil uchta versiyasida taqdim etildi.

Kuzov o‘lchamlari 4864 × 1900 × 1460 mm, g‘ildirak bazasi — 2925 mm, g‘ildiraklari 19 va 20 dyuymli variantlarda mavjud. Boshqaruv tizimi Qualcomm Snapdragon 8295 chipiga asoslangan bo‘lib, 15,05 dyuymli OLED ekranli media tizimga ega. Asosiy versiyada 421 ot kuchiga ega orqa g‘ildirakli elektromotor, yuqori versiyada esa 645 ot kuchiga ega ikkita elektromotor bilan...