Yangiliklar

O‘zbekiston bo‘ylab biroz bulutli ob-havo hukm suradi, yog‘ingarchilik esa kutilmaydi. Ayrim joylarda tuman tushishi mumkin, deya xabar qilmoqda «O‘zgidromet».

Unga ko‘ra, Toshkent shahrida havo biroz bulutli bo‘ladi. Shamol sharqdan 3-8 m/s tezlikda esadi. Harorat kechasi 1-3° iliq, kunduzi esa 12-14° iliq bo‘lishi kutilmoqda.

Qoraqalpog‘iston Respublikasi va Xorazm viloyatida havo biroz bulutli bo‘ladi, yog‘ingarchilik kuzatilmaydi. Shamol sharqdan 7-12 m/s tezlikda esadi. Harorat kechasi 0-5° sovuq, kunduzi esa 7-12° iliq bo‘ladi.

Buxoro va Navoiy viloyatlarida ham havo biroz bulutli bo‘lib, yog‘ingarchilik kutilmaydi. Shamol sharqdan 7-12 m/s tezlikda esadi. Harorat kechasi 2° sovuqdan 3° iliqqacha, kunduzi esa 14-19° iliq bo‘lishi prognoz qilinmoqda.

Filippin quyi palatasi vitse-prezident Sara Dutertega impichment e’lon qildi. Bu haqda Reuters axborot agentligi ma’lum qildi.

U davlat mablag‘larini noto‘g‘ri sarflash, noqonuniy boylik orttirish va prezident Ferdinand Markos Jr. hamda uning yaqinlariga tahdid qilishda ayblanmoqda.

Impichment qarori Senatga yuborilgan bo‘lib, agar u lavozimidan chetlatilsa, siyosiy faoliyatini davom ettirish imkoniyatidan mahrum bo‘ladi. Bu qaror Sara Duterte va prezident Markos o‘rtasidagi keskin siyosiy ziddiyatlar fonida yuzaga keldi.

Duterte barcha ayblovlarni rad etmoqda, uning tarafdorlari esa buni siyosiy o‘yin deb baholamoqda. Endi Senatda impichment jarayoni qachon boshlanishi noma’lum.

Eslatib o‘tamiz, avvalroq Janubiy Koreyada muvaqqat prezidentga impichment e’lon qilingan edi.

Shavkat Mirziyoyevning Malayziyaga rasmiy tashrifi yakunlandi. Bu haqda davlat rahbari matbuot xizmati ma’lum qildi.

Unga ko‘ra, Mirziyoyev Kuala-Lumpurda u bosh vazir Anvar Ibrohim bilan samarali muzokaralar o‘tkazdi.

Tashrif natijasida ikki tomonlama hamkorlikni chuqurlashtirish to‘g‘risida qo‘shma bayonot imzolandi va muhim kelishuvlar qabul qilindi. Davlat rahbari biznes forumda qatnashib, «Petronas» kompaniyasi rahbari bilan uchrashdi.

Shuningdek, Shavkat Mirziyoyev Malayziya Islom san’ati muzeyiga tashrif buyurdi. Tashrif yakunida uni Kuala-Lumpur xalqaro aeroportida rasmiy shaxslar kuzatib qo‘ydi. Prezident Toshkentga jo‘nab ketdi.

Eslatib o‘tamiz, avvalroq «Petronas» kompaniyasi O‘zbekiston bilan hamkorlik qilishi haqida yozgan edik.

Sun’iy yo‘ldosh tasvirlari Xitoyda yadro sintezi bo‘yicha yirik tadqiqot markazi qurilayotganini ko‘rsatmoqda. Bu haqda CNN axborot agentligi ma’lum qildi.

Unga ko‘ra, bu inshoot kelajak energetikasini o‘zlashtirish yo‘lida katta qadam bo‘lishi mumkin. Mutaxassislarning fikricha, markazda lazer nurlari vodorod yadrolarini birlashtirib, ulkan energiya hosil qilish uchun ishlatiladi. Ushbu texnologiya toza va cheksiz energiya manbai sifatida katta istiqbolga ega.

Biroq ayrim tahlilchilar ushbu loyiha Xitoyning yadroviy qurol dasturlarini rivojlantirish maqsadida ham qo‘llanilishi mumkinligini ta’kidlamoqda. AQSh hozircha bu sohada yetakchi hisoblanadi, ammo Xitoy tezkor harakat qilib, peshqadamlikka intilmoqda.

Eslatib o‘tamiz, avvalroq Xitoy oyda muz qidirish uchun uchuvchi robot yuborishi haqida yozgan edik.

Shavkat Mirziyoyev Malayziyada xizmat safari davomida «Petronas» korporatsiyasi rahbariyati bilan uchrashdi. Bu haqda davat rahbari matbuot xizmati ma’lum qildi.

Kuala-Lumpurdagi «Twin Towers» majmuasida bo‘lib o‘tgan uchrashuvda Malayziya bosh vaziri Anvar Ibrohim ham ishtirok etdi.

Muzokaralar davomida neft-gaz, neft-kimyo va qayta tiklanuvchi energetika sohalarida hamkorlikni kengaytirish masalalari muhokama qilindi. Davlatimiz rahbari xomashyoni chuqur qayta ishlash, «yashil» energetika loyihalarini amalga oshirish va ilg‘or texnologiyalarni joriy etish tashabbuslarini qo‘llab-quvvatladi.

Shuningdek, geologiya-qidiruv ishlari, uglevodorod konlarini o‘zlashtirish hamda «Petronas» universiteti negizida yuqori malakali kadrlar tayyorlash bo‘yicha kelishuvga erishildi.

Eslatib o‘tamiz, avvalroq O‘zbekiston va Malayziya o‘rtasida qo‘shma bayonot imzolangan edi.

«Samarqand noni» geografik koʻrsatkich sifatida Adliya vazirligi tomonidan davlat roʻyxatidan oʻtkazildi. Bu haqda vazirlik Telegram sahifasida ma’lum qilindi.

Unga ko‘ra, bu jarayonda Samarqand viloyati adliya boshqarmasi va «Intellektual mulk markazi»ning hissasi katta bo‘ldi.

Adliya vaziri Akbar Toshqulov rasmiy hujjatni Samarqand viloyati rahbari Adiz Boboyevga topshirdi. Endilikda «Samarqand noni» o‘ziga xos sifati va nom qozongani bilan qonuniy jihatdan himoyalangan brend sifatida e’tirof etiladi.

Mazkur geografik koʻrsatkichga ega bo‘lish Samarqand nonining sifatini xalqaro darajada tan olinishi va mahalliy ishlab chiqaruvchilarni qo‘llab-quvvatlashga xizmat qiladi.

Eslatib o‘tamiz, avvalroq 2025-yil 3 – 15-sentabr kunlari Samarqand shahrida Xalqaro shaxmat federatsiyasi (FIDE) tomonidan tashkil etilgan «Grand...

O‘zbekiston Respublikasi prezidenti Shavkat Mirziyoyev va Malayziya Bosh vaziri Anvar Ibrohim Kuala-Lumpur shahrida o‘tgan rasmiy uchrashuv yakunida strategik sheriklik yo‘lida ikki tomonlama hamkorlikni chuqurlashtirish to‘g‘risida qo‘shma bayonot imzoladilar. Bu haqda prezident matbuot xizmati ma’lum qildi.

Muzokaralar natijasida quyidagi muhim hujjatlar ham qabul qilindi. Jumladan, mahsulotlarning «halol» standartlariga muvofiqligini baholash sohasida hamkorlik to‘g‘risida bitim tuzilib, ushbu yo‘nalishda xalqaro standartlarga javob beruvchi tizimni rivojlantirishga kelishib olindi. Shuningdek, bojxona ishida hamkorlik va o‘zaro yordam to‘g‘risidagi bitim imzolangan bo‘lib, u savdo jarayonlarini soddalashtirish va bojxona tartiblarini takomillashtirishga qaratilgan.

Oliy ta’lim sohasida hamkorlik to‘g‘risidagi bitim ikki davlat universitetlari o‘rtasida akademik almashinuv va qo‘shma ta’lim...

Humo toʻlov tizimining («Milliy banklararo protsessing markazi» AJ) tez orada boshqaruv raisi oʻzgarishi mumkin, deyiladi Korporativ axborot yagona portalidagi xabarda.

Aksiyadorlarning navbatdan tashqari yigʻilishi 21-fevral kuni boʻlib oʻtadi. Uning kun tartibiga boshqaruv raisi Shuhrat Qurbonov bilan tuzilgan shartnomani muddatidan oldin bekor qilish kiritilgan.

Shundan soʻng aksiyadorlar yangi boshqaruv raisi va kuzatuv kengashi a’zolarini saylaydi.

Yanvar oyi boshida Paynet xizmati Humo toʻlov tizimi egasiga aylandi. U kompaniyadagi davlat ulushini $65 mln.ga sotib olgan edi.

Avvalroq Kursiv Uzbekistan xususiylashtirishdan keyin Humo’da qanday oʻzgarishlar kutayotgani haqida yozgan edi.

Bishkekda kartoshka narxi 60 – 65 somga (taxminan 9 – 10 ming soʻm) yetgani sababli Qirgʻiziston Qishloq xoʻjaligi vazirligi uning eksportini vaqtincha taqiqlash masalasini koʻrib chiqmoqda. Bu haqda 24.kg nashri xabar berdi.

Deputat Eldar Abakirovning ta’kidlashicha, kartoshka mamlakatning Issiqkoʻl, Oloy, Chon-Oloy va Qoʻchqor hududlarida yetishtiriladi. Uning fikricha, fermerlar uchun bu foydali boʻlsa-da, aholi uchun narx juda yuqori.

«Bir qop un 1 700 som boʻlsa, bir qop kartoshka 2,5 – 3 ming somga chiqib ketdi», – dedi u.

Qishloq xoʻjaligi vazirligi mazkur cheklov orqali oziq-ovqat xavfsizligini ta’minlash va sun’iy narx oshishining oldini olishni rejalashtirmoqda. Mamlakat...

5-fevral kuni AQSh dollarining rasmiy kursi 13,59 soʻmga tushib, 12 985,32 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 925 – 12 990 soʻmdan sotib olayotgan boʻlsa, 12 990 – 13 060 soʻm oraligʻida sotmoqda.

Shu bilan birga, yevro 71,66 soʻmga ortib, 13 511,23 soʻmga yetdi. Rossiya rubli esa 0,93 soʻmga ortib, 132,22 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin. 

O‘zbekiston prezidentining yangi qaroriga muvofiq, 2025-yil 1-martdan boshlab nogironligi bo‘lgan bolalar uchun kunduzgi parvarish xizmati bosqichma-bosqich joriy etiladi.

Dastlab Qoraqalpog‘iston Respublikasi, Andijon, Qashqadaryo, Samarqand, Surxondaryo va Toshkent viloyatlari hamda Toshkent shahrida yo‘lga qo‘yiladigan tizim 2025-yil 1-oktabrgacha respublikaning barcha hududlarida amalga oshiriladi. Xizmat davlat-xususiy sheriklik asosida tashkil etiladi va 3-yoshdan 18-yoshgacha bo‘lgan bolalar uchun mo‘ljallangan.

Nogironligi bo‘lgan bolalar kunduzgi parvarish xizmatiga ota-onalar va «Inson» ijtimoiy xizmatlar markazlari o‘rtasida tuziladigan shartnoma hamda psixologik-tibbiy-pedagogik komissiyaning xulosasi asosida qabul qilinadi.

Tadbirkorlarni qo‘llab-quvvatlash maqsadida quyidagi tartib joriy etiladi:

3 – 4-fevral kunlari «Qoradori» keng koʻlamli tadbirlarining dastlabki bosqichida 122 kilogramm giyohvandlik vositalarining aholi orasida tarqatilishi toʻxtatib qolindi. Bu haqda DXX axborot xizmati xabar berdi.

Ta’kidlanishicha, giyohvandlik va kuchli ta’sir qiluvchi dori vositalarining noqonuniy muomalasiga chek qoʻyish maqsadida jami 653 ta maxsus tadbir oʻtkazildi.

Shuningdek, 8,6 ming dona kuchli ta’sir qiluvchi dori vositalarining aholi orasida tarqatilishi toʻxtatib qolindi. Giyohvandlik vositalarining noqonuniy muomalasidan olingan $287 ming va 569 million soʻm miqdoridagi pullar daliliy ashyo sifatida rasmiylashtirildi.

Qoʻzgʻatilgan 222 ta jinoyat ishlari doirasida 228 nafar shaxslar jinoiy javobgarlikka tortildi. 64 nafar shaxslar ma’muriy javobgarlikka tortildi. 47 nafar qidiruvdagi shaxslar ushlandi.

Qozogʻiston Transport vazirligi Oqtov aeroporti yaqinida halokatga uchragan Azerbaijan Airlines (AZAL) bortining qulashiga oid dastlabki hisobotni e’lon qildi.

Hodisa 2024-yil dekabr oyining oxirida yuz berdi. Azerbaijan Airlines aviakompaniyasiga tegishli, bortida 62 yo‘lovchi bo‘lgan samolyot Bokudan Grozniyga parvoz qilayotgan edi. Biroq havo kemasi belgilangan manzilga qo‘na olmagan va Oqtovga yo‘nalishini o‘zgartirishga majbur bo‘lgan.

Mutaxassislar tekshiruv natijasida samolyotda turli o‘lcham va shakldagi teshib o‘tgan hamda teshib o‘tmagan shikastlanishlar borligini aniqladi. Ushbu zararlar, asosan, dum va chap qismida qayd etilgan bo‘lib, ayrim joylarda shikastlanishlar to‘g‘ri to‘rtburchak shakliga ega ekani ma’lum bo‘ldi.

«Havo kemasining teshib oʻtilishi havo kemasi konstruksiyasiga...

Xiaomi kompaniyasi fevral oyi oxirida ikkita yuqori darajadagi qurilmalar – Xiaomi 15 Ultra smartfoni va Xiaomi SU7 Ultra elektromobilining taqdimoti bo‘lishini rasman tasdiqladi. Kompaniya rahbari Ley Junning so‘zlariga ko‘ra, bir vaqtning o‘zida ikkita Ultra bozorga chiqariladi. Bu haqda Ithome nashri ma’lum qildi.

Smartfon 16 GB tezkor xotira va 512 GB ichki xotiraga ega bo‘ladi. Qurilma 6000 mA/soat sig‘imli akkumulyator bilan ta’minlanib, 90 Vt simli va 50 Vt simsiz tez zaryadlashni qo‘llab-quvvatlaydi. Kamera tizimi 1 dyuymli katta sensor va 200 MP periskop telefoto linzalar bilan jihozlanishi kutilmoqda.

Xiaomi SU7 Ultra esa 1548 ot kuchiga ega uchta elektr motor bilan ta’minlanadi...

Amerika Qoʻshma Shtatlari 2021-yilda Tolibon hokimiyat tepasiga kelganidan soʻng afgʻon uchuvchilari tomonidan Oʻzbekistonga olib oʻtilgan yettita vertolyot va samolyotni qaytarib oldi. Voice of America nashrining xabar berishicha, ushbu havo kemalari orasida Black Hawk vertolyotlari ham boʻlgan.

Mazkur ma’lumot Oʻzbekiston armiyasining 33 yilligiga bagʻishlab Vashingtondagi elchixonada oʻtkazilgan tadbir chogʻida e’lon qilingan.

2022-yilda Oʻzbekiston hududida afgʻon uchuvchilari tomonidan olib oʻtilgan 46 ta harbiy aviatexnika mavjud boʻlib, ular orasida Mi-17 va Black Hawk vertolyotlari, shuningdek, turli hujumkor samolyotlar bor edi. «Tolibon» harakati Afgʻonistonning avvalgi hukumatiga tegishli boʻlgan ushbu harbiy texnikaga egalik huquqini bir necha bor da’vo qilgan.

AQSh Sikorsky UH-60 Black Hawk...

5-fevral kuni Malayziyaning «Perdana Putra» hukumat majmuasida O‘zbekiston prezidenti Shavkat Mirziyoyev va Malayziya bosh vaziri Anvar Ibrohim o‘rtasida muzokaralar bo‘lib o‘tdi. Tashrif davomida savdo-iqtisodiy va investitsiya sohalaridagi hamkorlikka alohida e’tibor qaratildi. Tovar ayirboshlash hajmini oshirish maqsadida imtiyozli savdo to‘g‘risidagi bitimni ishlab chiqish, o‘zaro sanoat ko‘rgazmalarini o‘tkazish va sanoat kooperatsiyasi dasturini qabul qilishga kelishib olindi. Bu haqda prezident matbuot xizmati ma’lum qildi.

Malayziya hukumati O‘zbekistonning Jahon savdo tashkilotiga a’zo bo‘lish jarayonini qo‘llab-quvvatlashini bildirdi.

Prezident Mirziyoyev va bosh vazir Ibrohim 2025-2026-yillarni O‘zbekiston – Malayziya sherikligini innovatsion rivojlantirish davri deb e’lon qilishga kelishib oldilar. Hamkorlikning yangi yo‘nalishlari sifatida neft-kimyo, elektronika va yarimo‘tkazgichlar...

5 – 9-fevral kunlari Turkiyaning Antaliya shahrida para taekvondo bo‘yicha nufuzli xalqaro musobaqa – Turkiya ochiq chempionati bo‘lib o‘tadi. Ushbu turnirda O‘zbekiston terma jamoasining 14 nafar vakili ishtirok etib, yurtimiz sharafini himoya qiladi. Bu haqda Paralimpiya qo‘mitasi ma’lum qildi.

Delegatsiyamiz a’zolari bugun ertalab Turkiyaga yo‘l oldi.

Avvalroq Kursiv Uzbekistan Samira Shokirova yoshlar jahon chempionatida oltin medalni qo‘lga kiritgani haqida xabar bergan edi.

Samsung Display kompaniyasi Qualcomm’ning Snapdragon Cockpit Experience Development Platform (CEDP) avtomobil tizimi uchun OLED panellar yetkazib berishini rasman e’lon qildi. Bu haqda Thelec nashri ma’lum qildi.

OLED texnologiyasi yuqori kontrast, yorqin tasvir va keng rang gamuti kabi afzalliklari bilan avtomobil haydovchilari va yo‘lovchilar uchun qulayroq vizual tajriba yaratishga yordam beradi. Samsung va Qualcomm hamkorligi esa avtomobillardagi ichki displey texnologiyasini yangi bosqichga olib chiqish maqsadini ko‘zda tutadi.

Qualcomm 2021-yilda Snapdragon Cockpit platformasini taqdim etgan bo‘lib, bu tizim haydash tajribasini sezilarli darajada yaxshilashga mo‘ljallangan. 2024-yilning yanvar oyida CES ko‘rgazmasida kompaniya Samsung Display tomonidan ishlab chiqarilgan 34 dyuymli keng formatli 6K OLED...

5-fevral kuni Kuala-Lumpurdagi «Perdana Putra» hukumat majmuasida Shavkat Mirziyoyevning rasmiy kutib olish marosimi bo‘lib o‘tdi. Bu haqda davlat rahbari matbuot xizmati ma’lum qildi.

Miziyoyevni Malayziya bosh vaziri Anvar Ibrohim qarshi oldi.

Tadbirda faxriy qorovul saf tortib, ikki davlat madhiyalari yangradi. Prezident Mirziyoyev faxriy qorovul safi oldidan o‘tib, rasmiy delegatsiyalar vakillari bilan salomlashdi.

Marosimdan so‘ng oliy darajadagi muzokaralar boshlandi.

Eslatib o‘tamiz, avvalroq prezident O‘zbekiston mudofaa qobiliyatini yanada mustahkamlash bo‘yicha topshiriq bergan edi.

Oila va xotin-qizlar qo‘mitasi xotin-qizlarning ijtimoiy, siyosiy va iqtisodiy faolligini oshirish bo‘yicha ma’lumot berdi. Bu haqda O‘zA ma’lum qildi.

Unga ko‘ra, 2025-yilda kriminalogen vaziyati og‘ir mahallalarda ijtimoiy himoyaga muhtoj xotin-qizlar ro‘yxatini shakllantirish, ularning muammolarini o‘rganish va hal etish bo‘yicha ishchi guruh tuzilib, maxsus reja-grafik tasdiqlandi.

Endilikda har oyda hududlarda ushbu rejaga muvofiq ishlar tashkil etilib, ijtimoiy yordamga muhtoj ayollarning muammolariga yechim topish choralari ko‘riladi.

Shuningdek, xotin-qizlar orasida huquqbuzarliklarning oldini olish maqsadida «Xo‘jayli tajribasi» butun respublika bo‘ylab joriy etildi. Pilla yetishtirish sohasida ishlashni xohlagan xotin-qizlar uchun qisqa muddatli o‘quv kurslari tashkil etilib, ularning bandligini ta’minlash bo‘yicha chora-tadbirlar belgilandi.

Eslatib...

Shvetsiyaning Örebro shahridagi kattalar ta’lim markazida otishma sodir bo‘ldi. 11 kishi, shu jumladan, otishmachi halok bo‘ldi. Jarohatlanganlar soni noma’lum, deya xabar beradi Reuters.

Huquq-tartibot idoralari odamlarning yolg‘iz jinoyatchi tomonidan o‘ldirilganini asosiy sabab deb hisoblamaydi. Otishma sodir etgan shaxs va uning harakatlari sabablari hozircha aniqlanmagan. Ma’lumki, u avvalroq politsiya tomonidan tergov qilinmagan.

Bosh vazir Ulfa Kristerssonning aytishicha, bu otishma Shvetsiya tarixidagi eng yirik otishmadir.

Avvalroq Kursiv Uzbekistan AQSHdagi universitetda ommaviy otishma yuz bergani haqida xabar bergan edi.

Toshkentning «Paxtakor» futbol klubi kecha Osiyo chempionlar ligasi 7-turida Qatarning «Al-Garafa» jamoasiga imkoniyatni boy berib qo‘ydi, deb xabar qilindi «Paxtakor» Telegram-kanalida.

Uchrashuv 1:0 hisobida «Al-Garafa» foydasiga hal bo‘ldi. Yagona golga Qatar klubi yarim himoyachisi Ferjani Sassi mualliflik qildi. Bu 39-daqiqada sodir bo‘ldi.

Avvalroq Kursiv Uzbekistan nashri futbol eksperti Alisher Nikimbaevning tahminini e’lon qilgan edi. Uning fikricha, «Al-Garafa» ancha qulay vaziyatda, biroq o‘zbekistonlik futbolchilar Qatar jamoasining zaifligidan foydalanishlari mumkin edi.

Vazirlar Mahkamasining yangi qarori bilan mamlakatda elektromobillarning akkumulyator batareyalarini utilizatsiya qilish boʻyicha yangi tizim joriy etilmoqda. Ushbu qaror «yashil» texnologiyalarni kengaytirish, elektromobillarning batareyalarini atrof-muhitga zarar yetkazmasdan utilizatsiya qilishni ta’minlash va mahalliylashtirish jarayonini jadallashtirishni maqsad qilgan.

2025-yil 1-maydan boshlab, quyidagi yangi utilizatsiya yigʻimlari belgilandi:

Eslatib oʻtamiz, Statistika agentligi ma’lumotlariga koʻra, 2024-yilning yanvar – noyabr oylarida Oʻzbekistonga xorijdan 22,2 mingta elektromobil import qilindi.

Avvalroq Kursiv Uzbekistan koʻp qavatli uylar yaqinida elektromobillarni...

Ozarbayjon Milliy Majlisi «Ozarbayjon, Qozog‘iston va O‘zbekiston o‘rtasida “yashil» energiyani rivojlantirish va uzatish bo‘yicha strategik sheriklik to‘g‘risidagi bitim”ni tasdiqlash haqida qonun loyihasini muhokama qildi. Bu haqda O‘zA ma’lum qildi.

Ushbu hujjat o‘tgan yil noyabr oyida Boku shahrida uch davlat rahbarlari tomonidan imzolangan edi.

Bitim yashil va qayta tiklanuvchi energiya manbalarini rivojlantirish, energiya xavfsizligini ta’minlash va barqaror taraqqiyotga hissa qo‘shishga qaratilgan. Shuningdek, u Parij iqlim kelishuvida belgilangan issiqxona gazlari chiqindilarini kamaytirish maqsadlariga ham mos keladi.

Shartnoma kuchga kirsa, Markaziy Osiyo va Janubiy Kavkaz energetika tizimi integratsiyasi mustahkamlanib, «yashil» energiyani Yevropa va boshqa mintaqalar bozoriga yo‘naltirish imkoniyatlari kengayadi.

Loyihani amalga oshirish...