Yangiliklar

AQSh va Xitoy 12-avgustga qadar boj stavkalarini vaqtincha to‘xtatish kelishuvini uzaytirish masalasida qaror qabul qilishi kerak edi. Ammo Donald Tramp Xitoyning Rossiya neftini sotib olishini keskin tanqid qilib, bojlarni oshirish bilan ogohlantirdi, deya yozmoqda Yahoo Finance.

So‘nggi haftalarda Tramp bir nechta keskin choralarni e’lon qildi. Shuningdek, u barcha import yarim o‘tkazgichlarga 100 foiz boj qo‘yish rejasini ham ilgari surdi va agar kelishuvlar o‘z foydasiga ishlamasa, stavkalarni yana oshirishini bildirdi.

Bundan tashqari, Tramp ma’muriyati ipoteka gigantlari Fannie Mae va Freddie Mac aksiyalarining bir qismini ochiq bozorga chiqarishni rejalashtirmoqda, bu orqali $30 milliard yig‘ilishi kutilmoqda.

U, shuningdek, banklarning siyosiy yoki...

Prezident farmoni bilan Vazirlar Kengashi, viloyatlar, Toshkent shahri hamda tuman (shahar) hokimliklari boshqaruvi xodimlari mehnatiga haq to‘lashning yangi tizimi yo‘lga qo‘yiladi. Bu haqda Adliya vazirligi ma’lum qildi.

Yangi tartibga ko‘ra, lavozim maoshi yagona tamoyil asosida ishlab chiqilgan yangilangan tarif setkasi va ko‘p yillik xizmat hamda lavozimni inobatga oluvchi koeffitsiyentlar asosida belgilanadi. Rag‘batlantirish to‘lovlari esa eng muhim samaradorlik ko‘rsatkichlari (KPI) bo‘yicha har oylik ustama, malaka darajasi uchun to‘lov hamda hisobot davri yakunida beriladigan bonuslar shaklida amalga oshiriladi.

Farmonda ko‘zda tutilmagan qo‘shimcha ustama, mukofot va boshqa to‘lovlarni berish taqiqlanadi. 2025-yil 1-avgustdan mahalliy hokimliklarda ish haqi jamg‘armasiga lavozim maoshi, KPI bo‘yicha oylik...

Xitoyda BYD’ning yangi BYD Fang Cheng Bao Ti7 krossoveri ommaviy ishlab chiqarila boshladi. Bu haqda CarNewsChina xabar bermoqda.

Ushbu yirik besh o‘rinli plug-in gibrid SUV oilaviy foydalanish uchun mo‘ljallangan. Model yangi DMS gibrid tizimiga ega bo‘lib, 1,5 litrli benzin dvigateli va ikki elektromotor bilan ishlaydi.

Fang Cheng Bao – BYD’ning 2023-yilda ishga tushgan yuqori toifadagi off-road brendi. Hozirgi model qatoriga Bao 5, Bao 8 va Ti3 kiradi. Ti7 esa kompaniyaning to‘rtinchi avtomobili bo‘ladi. Ommaviy ishlab chiqarish 11-avgust kuni boshlandi.

Birinchi ishlab chiqarilgan Ti7 kumush-ko‘k rangda bo‘lib, tomida LiDAR sensori o‘rnatilgan. Shuningdek, qora rangdagi modellarning ham ishlab chiqarilgani ko‘rsatildi.

Ti7’ning...

10-avgust kuni Olmaotada bo‘lib o‘tgan Jennifer Lopez konsertida zal tomoshabinlari va millionlab internet foydalanuvchilarining e’tiborini tortgan hodisa yuz berdi. Qo‘shiqlardan birini ijro etish vaqtida sahnaga chigirtka sakrab chiqib, qo‘shiqchining bo‘yniga tomon tanasi bo‘ylab yurib bordi.

Zaldagi tomoshabinlar san’atkor uchun xavotirga tushdi, biroq Lopez bosiqlik va professionallik namoyish etdi: bir harakat bilan hasharotni sidirib yubordi va tabassum bilan: «Xudo uni yaxshi ko‘radi», dedi.

Hodisa videosi bir zumda Instagram, TikTok va boshqa ijtimoiy tarmoqlarda tarqalib, yuz minglab ko‘rishlar va izohlar to‘pladi. Ba’zilar chigirtka shunchaki jahon darajasidagi shouga chiqishni xohlaganini hazil bilan yozsa, boshqalar xonandaning harakatiga qoyil qolishdi.

Bundan avval Jennifer Lopezning Toshkentdagi...

AQSh prezidenti Donald Tramp Vashingtondan uysizlarni chiqarib yuborish va jinoyatchilarni qamoqqa olish rejasini e’lon qildi. Bu haqda Reuters agentligi ma’lum qildi.

Unga ko‘ra, Tramp buning uchun yuzlab kuch ishlatar tizimni shahar xavfsizligini ta’minlash uchun yuborishi mumkin.

Tramp Truth Social’da uysizlarga poytaxtdan uzoqda joy berilishini, jinoyatchilar esa qamoqqa tashlanishini aytdi. Oq uy rejaning huquqiy asosi haqida izoh bermadi.

Shahar meri Muriel Bouser jinoyatchilik darajasi so‘nggi ikki yilda 30 yillik eng past ko‘rsatkichga tushganini bildirdi va «jinoyat to‘lqini» yo‘qligini ta’kidladi. Shu bilan birga, rasmiy ma’lumotlarga ko‘ra, shaharda 3,7 mingga yaqin uysizlar mavjud bo‘lib, ularning aksariyati boshpanalarda yashaydi.

Eslatib o‘tamiz, avvalroq Tramp...

Bugun, 11-avgust kuni Toshkent viloyatining Toshkent tumanidagi «Uch qahramon» bozorida yong‘in yuzaga keldi. Bu haqda Favqulodda vaziyatlar vazirligi ma’lum qildi.

Unga ko‘ra, soat 02:22 da viloyatning Favqulodda vaziyatlar boshqarmasiga tumandagi «Uch qahramon» bozorida yong‘in sodir bo‘layotgani haqida xabar kelib tushgan.

Yong‘in-qutqaruv ekipajlari voqea joyiga soat 02:29 da yetib borib, uni soat 03:24 da qurshab olgan va yong‘in soat 04:46 da to‘liq o‘chirilgan.

Mazkur yong‘inni bartaraf etishga 10 ta yong‘in-qutqaruv ekipaji jalb etilgan. Voqea sabab tan jarohati olganlar haqida ma’lumot kelib tushmagan.

Bundan avval Qashqadaryodagi gaz quyish shoxobchasida yong‘in sodir bo‘lgandi. Ushbu yong‘in oqibatida bir kishi yengil...

Tijorat banklari 11-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng qulay narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

Shveysariyalik uchuvchi Rafael Domjan SolarStratos elektr samolyotida 8 224 metr balandlikka ko‘tarilib, quyosh energiyasida ishlaydigan samolyotlar bo‘yicha yangi shaxsiy rekord o‘rnatdi. Bu haqda France24 ma’lum qildi.

Mazkur natija 2010-yilda o‘rnatilgan 9 235 metrlik jahon rekordidan ming metrga yaqin kam.

Domjanning maqsadi yo‘lovchi samolyotlar uchish balandligi, ya’ni 10 000 metrga yetish edi. Yakshanba kungi parvoz taxminan to‘rt yarim soat davom etdi. SolarStratos 24,8 metr qanotlarga ega bo‘lib, yuqori samarali quyosh panellari bilan qoplangan.

Uchuvchi kelasi urinishda sharoitlar yaxshilansa, rekordni yangilashga ishonmoqda va bu orqali quyosh energiyasining imkoniyatlarini namoyish etishni maqsad qilgan.

Eslatib o‘tamiz, avvalroq Chevrolet Silverado bitta zaryad bilan...

Eron oliy rahbari maslahatchisi Ali Akbar Velayati AQShga 99 yilga topshirilishi rejalashtirilayotgan Zangazur transport koridoriga keskin qarshi chiqdi. Bu haqda TRT nashri ma’lum qildi.

Ushbu yo‘l Naxchivon va Ozarbayjon asosiy hududini bog‘lab, Osiyo hamda Yevropa o‘rtasidagi muhim savdo yo‘liga aylanishi ko‘zda tutilgan.

Velayati Kavkazning eng nozik geosiyosiy hududlardan biri ekanini aytib, koridor «Trampning tranzit yo‘li» emas, balki «uning yollanma askarlari uchun qabriston» bo‘lishini ta’kidladi. U Rossiya ham loyihaga qarshi ekaniga ishonishini bildirdi va Eron Moskvadan mustaqil ravishda Janubiy Kavkaz xavfsizligini himoya qilishga tayyorligini aytdi.

CNN ma’lumotiga ko‘ra, loyiha Armaniston yurisdiksiyasida qoladi, AQSh esa uni qurish va boshqarish uchun konsorsiumga...

Gurlan tumanida «Soliq servis» DUK bosh mutaxassisi ikki nafar ishsiz fuqarolar uchun ma’lumotnoma rasmiylashtirishni va’da qilgan. Bu haqda DXX matbuot xizmati ma’lum qildi.

Unga ko‘ra, «abjir xodim ma’lumotnomani 2025-yil yanvardan iyungacha bo‘lgan davr uchun qilmoqchi bo‘lgan. DXX Xorazm viloyati boshqarmasi va Iqtisodiy jinoyatlarga qarshi kurashish departamenti uni 12,5 mln so‘m olgan vaqtida qo‘lga olingan.

Mutaxassisning noqonuniy xatti-harakati davlat hujjatlariga soxta ma’lumot kiritish va pora olish bilan bog‘liq jinoyat sifatida baholanmoqda. Holat bo‘yicha jinoyat ishi qo‘zg‘atilib, tergov ishlari olib borilmoqda.

Eslatib o‘tamiz, avvalroq DXX soxta geologik xarita va ish va’dasi bilan firibgarlik qilganlarni ushlagan edi.

Kursiv Uzbekistan o‘tgan hafta davomida O‘zbekistonda yuz bergan voqealarning eng muhimlarini bir joyga to‘pladi.

Toshkentda tez yordam kelishini onlayn kuzatish imkoni yaratildi

Yangi tizim Respublika tez tibbiy yordam markazi va Yandex Uzbekistan hamkorligida ishlab chiqilgan bo‘lib, bemor va yaqinlariga tibbiy yordam guruhi qayerda ekanini kuzatish va kelish vaqti haqida oldindan tayyorlanish imkonini beradi. Chaqiruv yuborilgach, foydalanuvchiga SMS orqali elektron xaritaga havola yuboriladi. U orqali tez yordam mashinasining yo‘nalishini onlayn ko‘rish mumkin bo‘ladi.

Osiyo Taraqqiyot banki o‘zbek so‘mida obligatsiya chiqardi

Bu obligatsiyalar 14,5 foizli kupon stavkasi bilan 3 yillik muddatga chiqarilgan bo‘lib, Merrill Lynch International tomonidan joylashtirildi...

Talabalar o‘qishini ko‘chirish bo‘yicha kasbiy (ijodiy) imtihonlar 12–13-avgust kunlari bo‘lib o‘tadi. Bu haqda Oliy ta’lim, fan va innovatsiyalar vazirligi xabar berdi.

Bunda talabalar o‘qishini xorijiy davlatlar hamda O‘zbekistondagi xorijiy va nodavlat oliy ta’lim tashkilotlaridan davlat oliy ta’lim muassasalariga ko‘chirishi mumkin.

Imtihonda ishtirok etish uchun ruxsatnomalar Bilimni baholash agentligining my.uzbmb.uz saytidagi shaxsiy kabinet orqali olinadi. Ruxsatnomada imtihonning o‘tkazilish joyi, sanasi va vaqti ko‘rsatiladi.

Bundan tashqari, talabgorlar belgilangan vaqtdan kechikmasdan, pasport (ID-karta) va ruxsatnoma bilan test sinovi o‘tkaziladigan binoga kelishlari lozim.

Shu bilan birga, kasbiy (ijodiy) imtihonlarda qatnashgan talabgorlar majburiy fanlar (ona tili, matematika, tarix)dan o‘tkaziladigan test sinovlarida ham ishtirok...

O‘zbekistonlik hamshiralar uchun Italiyaning Milan shahri klinikalarida ishlash imkoniyati yaratildi. Bu haqda Migratsiya agentligi xabar berdi.

Unga ko‘ra, nomzodlarga uch oylik stajirovka, keyinchalik esa to‘liq muddatli mehnat shartnomasi taklif etiladi. Stajirovka davrida oylik maosh 1200 – 1500 yevro ($1,4 ming – $1,7 ming atrofida) miqdorida bo‘lib, bepul turarjoy, tushlik va italyan tili kurslari bilan ta’minlanadi. Ish grafigi yengil va shartlar qulay bo‘ladi. Stajirovka yakunida esa 1800 – 2200 yevro ($2 ming – $2,6 ming) maoshli shartnoma tuzish yoki avvalgi ish o‘rniga qaytarish taklifi beriladi.

Nomzodlardan «Oliy hamshiralik ishi» bo‘yicha oliy ma’lumotga ega, kamida uch yil ish tajribasi...

9-avgustda to‘rt nafar astronavt besh oylik missiyadan so‘ng Yerga qaytdi. Bu haqda Associated Press xabar berdi.

SpaceX kompaniyasining kapsulasi orbitadagi laboratoriyadan ajralganidan bir sutka o‘tib, Kaliforniyaning janubiy qirg‘oqlari yaqinidagi Tinch okeaniga muvaffaqiyatli qo‘ndi.

Yerga NASA astronavtlari Enn Makkleyn va Nikol Ayers, Yaponiya astronavti Takuya Onishi hamda Rossiya kosmonavti Kirill Peskov qaytdi. Ular mart oyida XKSga NASA’ning Starliner kemasida muvaffaqiyatsiz parvoz qilgan ikki astronavtini almashtirish uchun uchirilgandi.

Bundan avval Starliner’dagi nosozliklar sabab Butch Uilmor va Suni Uilyams stansiyada rejalashtirilgan bir hafta o‘rniga to‘qqiz oydan ortiq qolishga majbur bo‘lgan. NASA yangi Boeing kema sinovini ekipajsiz yakunlashga qaror qildi va Uilmor...

GF Securities kompaniyasi analitigiga ko’ra, iPhone 17 liniyasi iPhone 16’dan qimmatroq bo‘ladi, deb xabar bermoqda MacRumors.

Narx oshishining sabablaridan biri sifatida Donald Tramp administratsiyasining yangi tariflari tilga olinmoqda. Narxlar qanchaga oshishi yoki barcha modellarga narx ko‘tarilishi tatbiq etiladimi, aniq aytilmagan.

Xabarga ko‘ra, iPhone 17 Pro modelida narx oshishi shartli bo‘ladi, chunki unda bazaviy xotira hajmi 256 GB’ga yetadi. Bu xuddi bir vaqtlar iPhone Pro Max’da bo‘lgani kabi. Biroq iPhone 17 va 17 Air modellari 256 GB xotiradan boshlanishi ehtimoli juda past. Shuningdek, ehtimol faqat iPhone 17 Pro qimmatroq bo‘lib, kichik modellarning boshlang‘ich narxi so‘nggi yillardagi kabi $800 va...

Dongfeng-Nissan kompaniyasi yangi N6 rusumli gibrid elektr avtomobilini taqdim etadi. Bu haqda CarNewsChina xabar berdi.

Yangi model 1,5 litrli dvigatelni elektr motor bilan birlashtirgan gibrid tizimiga ega bo‘lishi kutilmoqda.

Nissan N6 maksimal quvvati 75 kVt (101 ot kuchi) bo‘lgan 1,5 litrli tabiiy aspiratsiyali dvigatel (NR15 modeli) va 155 kVt (208 ot kuchi) quvvatga ega elektr motor bilan jihozlanadi. Akkumulyator to‘plami Rept Battero Energy Co., Ltd tomonidan yetkazib beriladigan litiy temir fosfat (LFP) elementlaridan tashkil topadi.

Tashqi ko‘rinishda N6, Nissan N7 modeliga o‘xshash bo‘lib, avtomobil yopiq panjarali radiator dizayni, star-ring uslubidagi yoritilgan chiroqlar va markazida yoritiladigan Nissan logotipiga ega...

«O‘ztemiryo‘lkonteyner» AJ va Toshkent davlat transport universiteti hamkorligida O‘zbekistonda birinchi marta kontreyler (Ro-La) tashuvlari sinov tariqasida amalga oshirildi.

Bu usulda avtotransport vositalari temir yo‘l platformalariga joylashtirilib, Toshkent stansiyasidan Hamza stansiyasigacha muvaffaqiyatli yetkazildi.

Loyiha transport sohasini modernizatsiya qilish, avtomobil yo‘llaridagi tirbandlikni kamaytirish va yo‘l infratuzilmasiga yuklamani pasaytirishga xizmat qiladi. Shuningdek, bunday tashuvlar CO₂ chiqindilarini kamaytirish va «yashil» logistika rivojiga hissa qo‘shadi.

Bundan avval O‘zbekiston Mo‘g‘ulistonga transport koridori orqali ilk eksport yuk tashuvini amalga oshirgani haqida yozgandik.

Ushbu transport koridorining ayrim qismlari murakkab relyefga ega bo‘lgan Oltoy tog‘lari orqali o‘tadi va 1500 metr balandlikka ko‘tariladi. O‘zbekiston milliy yuk tashuvchisi ushbu...

2025-yil 1-iyul holatiga ko‘ra, O‘zbekistonda jismoniy shaxslarga tegishli 4,6 mln dona transport vositasi ro‘yxatga olingan. Bu haqda Milliy statistika qo‘mitasi xabar berdi.

Ularning 93 foizini yengil avtomobillar tashkil etadi. Bu ko‘rsatkich 2024-yilning shu davriga nisbatan 441,5 ming donaga ko‘paygan.

Transport vositalari turlari bo‘yicha:

Bundan avval tadbirkorlar bojxonada qolib ketgan avtomobillarni qayta rasmiylashtirish taklifini bergani haqida yozgandik.

Unga ko‘ra, ilgari yuk avtomobillarini O‘zbekistonga olib kirishda imtiyozlar mavjud bo‘lgan, biroq hisob-fakturada...

O‘zbekistonda Umra ziyoratini tashkil etuvchi kompaniyalar va yakka tartibdagi tadbirkorlar endi Din ishlari bo‘yicha qo‘mita tomonidan «sirli mijoz» usuli orqali tekshiruvdan o‘tkaziladi.

Bu usulning joriy etilishi ziyoratchilar huquqlarini himoya qilish, noqonuniy xizmatlar oldini olish hamda sifatli xizmat ko‘rsatishni ta’minlashga qaratilgan.

Qo‘mita ma’lumotiga ko‘ra, «sirli mijoz» tekshiruvlari davomida xodimlar oddiy mijoz qiyofasida safar tashkilotchilariga murojaat qiladi. Ular litsenziya mavjudligini, safar davomiyligi, narxlar, to‘lov usullari, yashash va transport sharoitlari kabi ma’lumotlarni so‘rab aniqlashadi. Agar zarur bo‘lsa, tekshiruv jarayonida yashirin audio yoki video yozuvlar ham olib boriladi.

Mazkur tadbir faqat quyidagi sabablar bilan o‘tkaziladi:

O‘zbekiston Ozarbayjon va Armaniston o‘rtasidagi tinchlik muzokaralarida erishilgan natijani olqishlaydi. Bu haqda Tashqi ishlar vazirligi ma’lum qildi.

Vazirlik ma’lumotiga ko‘ra, Vashingtonda imzolangan Qo‘shma deklaratsiyaga tomonlarning siyosiy irodasi va AQSh Prezidentining tinchlik yo‘lidagi sa’y-harakatlari sabab bo‘ldi.

«Barcha tomonlarning ko‘p yillik mojaroni bartaraf etishga qaratilgan sa’y-harakatlarini yuqori baholaymiz. Ishonchimiz komilki, Janubiy Kavkazda uzoq muddatli tinchlik va barqarorlikning imkon qadar tezroq o‘rnatilishi keng mintaqamizdagi barcha xalqlar manfaati uchun yirik transport va infratuzilmaviy loyihalarni amalga oshirishga zamin yaratadi», deyiladi bayonotda.

Bundan avval Ozarbayjon va Armaniston o‘rtasida tarixiy tinchlik kelishuvi imzolangani haqida yozgandik.

Unga ko‘ra, Ozarbayjon va Armaniston...

11–12-avgust kunlari magistraturaga qabul boʻyicha rad etilgan arizalarni tahrirlash mumkin. Bu haqda Oliy ta’lim, fan va innovatsiyalar vazirligi xabar berdi.

Unga koʻra, 2025/2026-o‘quv yili uchun davlat oliy ta’lim muassasalari magistraturasiga qabul bo‘yicha my.edu.uz elektron tizimi orqali onlayn ro‘yxatdan o‘tgan talabgorlarning arizalari ko‘rib chiqildi.

Ko‘plab murojaatlar tanlangan mutaxassislikning bitiruvchining ta’lim yo‘nalishiga mos yoki turdosh emasligi, so‘ralgan hujjat o‘rniga boshqa hujjat yuklangan yoki to‘liq yuklanmagan, hujjatlar sifatsizligi va boshqa sabablar bilan rad etildi.

Shu munosabat bilan magistraturaga kirish uchun ariza yuborgan va kamchiliklar tufayli rad etilgan talabgorlarga 11–12-avgust kunlari arizalarini qayta tahrirlash imkoniyati beriladi. Ushbu muddatdan so‘ng tahrirlash amalga oshirilmaydi...

Donald Tramp ma’muriyati Garvard universitetini yuzlab million dollarlik patentlardan mahrum qilish niyatida ekanini bildirdi. Bu haqda Bloomberg xabar berdi.

Unga ko‘ra, universitet federal grantlar to‘g‘risidagi qonunni buzganlikda ayblangan.

Shuningdek, AQSh savdo vaziri Govard Latnik Garvard prezidenti Alan Garberga yo‘llagan maktubida universitet soliq to‘lovchilarga bo‘lgan majburiyatlarini bajarmayotganini aytgan. Unga ko‘ra, bu Bayh–Dole qonuniga asosan patentlarni olib qo‘yish imkonini beradi. Mazkur qonun federal mablag‘lar hisobidan moliyalashtirilgan tadqiqotlar natijalaridan foydalanishni tartibga soladi.

Garvard 5-sentabrgacha talablarni bajarayotganini, jumladan, Amerika ishlab chiqarishiga ustuvorlik berayotganini isbotlashi kerak. Aks holda hukumat patentlarni olib qo‘yishi yoki ularni uchinchi shaxslarga litsenziyalashi mumkin.

Universitet bu qarorni «o‘z huquq...

Xiva shahrida foydalanishga topshirilgan «Arda Xiva» turizm markazi yiliga 1 million mahalliy va 500 ming xorijiy sayyohni qabul qilish imkoniyatiga ega. Kursiv Uzbekistan turizm markazidan fotoreportaj tayyorladi.

Majmua 24,5 gektar maydonda joylashgan bo‘lib, unda 67 ta turizm obyekti qurildi. Markaz bir vaqtning o‘zida 5 ming sayyohni qabul qila oladi. Unda 18 ta mehmonxona (1 080 o‘rin), 24 ta restoran va kafe, 11 ta hunarmand uylari, 200 ta rastali va 40 ta do‘kondan iborat Sharq bozori, 3 ming o‘rinli amfiteatr, zargarlik markazi, 2 ming kishilik ochiq va yopiq akvapark, 5 ta kinoteatr, qayiq sayri uchun 4 km sohil, musiqali favvora va...

Bugun, 10-avgust soat 6:00 dan boshlab Toshkent viloyatidagi «Bekobod avto» va Sirdaryo viloyatidagi «Xovosobod» chegara bojxona postlari ish boshladi. Bu haqda Bojxona qo‘mitasi xabar berdi.

Unga ko‘ra, mazkur nazorat-o‘tkazish punktlari orqali uchinchi davlat fuqarolari hamda yengil avtomobillar o‘ta oladi.

Bu tartib O‘zbekiston va Tojikiston o‘rtasida imzolangan «Davlat chegarasi orqali o‘tkazish punktlari to‘g‘risida»gi bitim asosida joriy etildi.

Bundan avval o‘zbek – qozoq chegarasida mahsulotlar tranziti uchun «yashil yo‘lak» joriy etilishi mumkinligi haqida yozgandik.

Unga ko‘ra, mazkur tizim meva-sabzavot va boshqa tez buziladigan mahsulotlar tranzitini yengillashtirish uchun joriy etiladi.