Yangiliklar

Yandex o‘zining raqamli yordamchisi «Alisa» uchun hozirgacha bo‘lgan eng katta yangilanishni joriy qildi. Endilikda «Alisa» mantiqiy fikrlay oladi, hujjatlar bilan ishlaydi va ingliz tilida aksentsiz gapira oladi.

Bu yangilanish YandexGPT 5 Pro va multimodal neyrotarmoq (Visual Language Model) asosida amalga oshirilgan. «Alisa» endi savolga javob berishdan oldin uni tahlil qilib, fikrlash zanjiri orqali izchil tushuntira oladi.

Yordamchi PDF, DOC, DOCX va TXT formatdagi hujjatlar bilan ishlay oladi. Buning uchun foydalanuvchi hujjatni yuklab, vazifani belgilashi kifoya. Chatga surat yuklab, u haqida savol berish ham mumkin.

Yana bir yangilik – «Live» rejimi. Bu funksiya smartfon kamerasidan foydalanib, «Alisa»ga ko‘rsatilgan obyektni tanib...

Andijon viloyatida barpo etilayotgan Yangi Andijon shahri qurilishi bosqichma-bosqich davom etmoqda. Shavkat Mirziyoyev bu galgi tashrifi davomida loyiha doirasida amalga oshirilgan dastlabki ishlar bilan tanishdi, deya xabar bermoqda davlat rahbari matbuot xizmati.

Ma’lumotlarga ko‘ra, yangi shahar Andijon tumanidagi adirlikda, qishloq xo‘jaligida foydalanilmagan 4 ming gektar yerda barpo etilmoqda. Hozirga qadar 1 ming 770 ta xonadondan iborat 63 ta ko‘p qavatli uy, 1 680 o‘rinli maktab, 420 o‘rinli bog‘cha va 250 qatnovga mo‘ljallangan poliklinika foydalanishga topshirilgan.

Qurilish ishlari sakkiz bosqichda olib borilmoqda. Bu yil yana 40 ta uy qurilishi rejalashtirilgan. Yangi majmualar yo‘l, elektr, gaz, suv va issiqlik tarmoqlari bilan...

Neft-gaz sohasi yetakchilaridan biri bo‘lgan Saneg kompaniyasi yangi shu‘ba korxona – Saneg JetWhitesni tashkil etdi. Ushbu kompaniya aviatsiya yoqilg’isi yetkazib berish bo‘yicha yagona operator sifatida faoliyat yuritadi, deya xabar bermoqda kompaniya matbuot xizmati.

Unga ko‘ra, JetWhites Farg‘ona neftni qayta ishlash zavodida ishlab chiqarilgan aviatsiya yoqilg’isi va kerosin savdosi bilan shug‘ullanadi. Hozirning o‘zida Toshkentdagi Saneg’ning yoqilg‘i quyish majmuasi O‘zbekistonning aviatoplivo bo‘yicha ehtiyojining 80 foizigacha qoplash imkoniyatiga ega.

Kompaniya yil oxiriga qadar yarim-sintetik aviakerosin ishlab chiqarishni 240 ming tonnagacha yetkazishni rejalashtirmoqda. Kelgusi besh yil ichida esa yillik ishlab chiqarish hajmini 500 ming tonnagacha oshirish ko‘zda tutilgan. Buxoro va Samarqandda yangi...

2025-yil avgustidan boshlab SEIT for tomorrow tashkiloti hamkorligida Ausbildung dasturiga ro‘yxatdan o‘tish ochildi. Bu haqda Migratsiya agentligi ma’lum qildi.

Unga ko‘ra, dastur davomida ishtirokchilar har oy 635 – 950 yevro miqdorida stipendiya olishadi, o‘qishni yakunlagach esa 1600 – 2200 yevro oylikka ega bo‘lishadi.

40 ta bo‘sh ish o‘rni avtomexanik, metallni qayta ishlash, elektrik, duradgor va tom yopuvchi kabi sohalarni qamrab oladi. Har bir yo‘nalishda amaliy ko‘nikmalar shakllantiriladi va kasb-hunarga chuqur o‘zlashtirish imkoniyati yaratiladi.

Dastur ishtirokchilari ishchi vizasi, aviachipta, transfer, ro‘yxatdan o‘tish, yashash joyi xarajatlari va tibbiy sug‘urtadan ozod etiladi – barchasi ish beruvchi tomonidan qoplanadi.

Nomzodlardan nemis tilidan B...

Yevropa tiklanish va taraqqiyot banki (YeTTB) O‘zbekistondagi pivo ishlab chiqaruvchisi UzCarlsberg kompaniyasiga $6 mln (5,7 mln yevro)gacha bo‘lgan aylanma mablag‘lar uchun kredit ajratadi.

UzCarlsberg 2022-yildan buyon YeTTB mijozlaridan biri bo‘lib, bu safargi kredit mablag‘lari asosan ingredientlar va qadoqlash materiallari xaridiga, shuningdek, mavsumiy talabning oshishi fonida zaxiralarni samarali boshqarishga yo‘naltiriladi. Loyiha Yaponiyadagi YeTTB hamkorlik jamg‘armasi tomonidan qo‘llab-quvvatlanmoqda.

Ta’kidlash joizki, YeTTB bugungi kunga qadar O‘zbekiston bo‘yicha 174 ta loyiha doirasida 5,5 mlrd yevrodan ortiq mablag‘ sarmoya kiritgan bo‘lib, ularning katta qismi xususiy sektorni rivojlantirishga yo‘naltirilgan. Respublika so‘nggi besh yil davomida Markaziy Osiyoda YeTTB mablag‘larining asosiy oluvchisi bo‘lib qolmoqda.

Avvalroq Kursiv Uzbekistan...

Google korporatsiyasi Chrome brauzerining 136-versiyasida foydalanuvchilarning maxfiyligiga tahdid soluvchi uzoq yillik zaiflikni bartaraf etdi. Bu haqda Bleeping Computer nashri xabar berdi.

Bu muammo so‘nggi 23 yil davomida ishlab chiqilgan Safari, Opera, Internet Explorer va Firefox’ga ham taalluqli. Foydalanuvchi internetda ilgari tashrif buyurgan sahifalar haqida boshqa saytlarga bilvosita ma’lumot sızdirilishini ta’minlab kelgan.

Bu zaiflik veb-sayt egalariga foydalanuvchi tarixiga to‘g‘ridan-to‘g‘ri kira olmasdan, tashrif buyurilgan sahifalar haqida taxmin qilish imkonini bergan. Brauzerda ilgari bosilgan havolalar boshqa saytlarda ham «:visited» selektori orqali farqlanib, maxsus rangda (odatda binafsha) aks ettirilgan.

Misol uchun, foydalanuvchi A saytida bo‘lgan va u yerda B saytiga havolani bosgan bo‘lsa...

Hyundai va KIA kompaniyalari elektromobillar uchun oʻzlarining akkumulyatorlarini ishlab chiqishni boshladi. Buning natijasida har ikkala brend modellari arzonlashi mumkin. Bu haqda 32cars nashri xabar bermoqda.

Hyundai Group kompaniyasi tashqi yetkazib beruvchilarga qaramligini kamaytirish va ishlab chiqarish xarajatlarini kamaytirish maqsadida elektromobillar uchun oʻz akkumulyatorlarini ishlab chiqarishni boshladi. KIA bilan birgalikda kompaniya LFP tipidagi (litiy temir fosfat) ichki ishlab chiqarish uchun texnologik bazani yaratmoqda.

Bu qaror Hyundai va KIA’ning bozordagi mavqeyini mustahkamlashga yordam beradi. Oʻz akkumulyatorlari boʻlgan yangi modellarning chiqarilishi elektr transport vositalarini arzonroq va xomashyo va butlovchi qismlarning beqaror ta’minotiga kamroq bogʻliq boʻlishi kutilmoqda.

Eslatib oʻtamiz, Kurisv Uzbekistan nashri Kia...

O‘zbekistonlik grossmeyster Nodirbek Abdusattorov Freestyle Chess Tour musobaqasining Parijdagi bosqichida yettinchi o‘rin uchun kechgan bahsda rossiyalik Ian Nepomniashiga yutqazdi. Bellashuv natijasiga ko‘ra, Abdusattorov $20 ming, Nepomniashi esa $30 ming mukofotga ega bo‘ldi.

Turnirda norvegiyalik afsona Magnus Karlsen g‘oliblikni qo‘lga kiritdi. U finalda AQSH vakili Hikaru Nakamurani mag‘lub etdi va $200 ming yutib oldi. Nakamuraga esa ikkinchi o‘rin uchun $140 ming mukofot berildi.

Kuchli uchlikni yana bir amerikalik – Fabiano Karuana yakunlab, $100 ming bilan taqdirlandi.

Eslatib o‘tamiz, erkin shaxmat yo‘nalishidagi mazkur nufuzli musobaqa 8 – 15 aprel kunlari Fransiyaning Parij shahrida bo‘lib o‘tdi. Uning navbatdagi bosqichi esa iyul oyi o‘rtalarida...

2025-yilning 14-iyunidan 13-iyuliga qadar AQShda boʻlib oʻtadigan klublar oʻrtasidagi jahon chempionatida FIFA tomonidan e’lon qilingan rasmiy hakamlar roʻyxatiga oʻzbekistonlik uch nafar hakamlik nomzodi kiritildi. Bu haqda FIFA ma’lum qildi.

Oʻzbekistonlik hakam Ilgiz Tantashev bilan birga musobaqani ikki hakam yordamchisi: Timur Gaynullin va Andrey Tsapenko boshqaradi.

Ushbu turnirda 32 ta nomdor klublar ishtirok etadi. Musobaqa klassik jahon chempionati formatiga oʻxshash guruh va pley-off bosqichlaridan iborat boʻladi.

Eslatib oʻtamiz, Kurisv Uzbekistan nashri Oʻzbekiston U-17 terma jamoasi Osiyo kubogi yarim finalida KXDR (Shimoliy Koreya)ga qarshi maydonga tushishi haqida yozgan edi.

16-apreldan AQSh dollarining rasmiy kursi 11,33 so‘mga oshib, 12 980,89 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 850 – 12 925 so‘mdan sotib olayotgan bo‘lsa, 12 945 – 13 000 so‘m oralig‘ida sotmoqda.

Shu bilan birga, yevro 45,51 so‘mga tushib, 14 722,93 so‘mga yetdi. Rossiya rubli esa 1,58 so‘mga oshib, 158,67 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.    

Realme GT7 smartfonining rasmiy koʻrinishini taqdim etdi. Bu haqda IThome nashri xabar bermoqda. Smartfon uchta rangda sotuvga chiqariladi. U 1,3 mm tor qirrali BOE ekrandan iborat.

Smartfonning tashqi koʻrinishi bir qator ustuvorliklardan iborat. Unda muz qatlam texnologiyasi, deko kontrastli rangli chiziq, grafen muz tasvirini olgan eksklyuziv tana logotipi va lazer bilan oʻyilgan ramka mavjud.

Model Dimensity 9400+ chipi, 7200 mA/soat sigʻimli Titan akkumulyatori bilan jihozlangan. Z100 Vt yorugʻlik tezligida zaryadlash texnologiyasini qoʻllab-quvvatlaydi.

Smartfon 23-apreldan sotuvga chiqishi rejalashtirilgan. Narxi haqida ma’lumot mavjud emas.

Eslatib oʻtamiz, Kursiv Uzbekistan nashri Realme Ultra smartfoni taqdim etilgani haqida yozgan edi.

Aprel oyida O‘zbekiston bo‘ylab ko‘plab haydovchilar 2024-yilda yo‘l harakati qoidalarini buzganliklari uchun ommaviy ravishda jarimalar olishni boshladi. Bu holat ijtimoiy tarmoqlarda keng muhokamalarga sabab bo‘lmoqda. Bu haqda Avtostrada nashri ma’lum qildi.

Haydovchilarning aytishicha, ayrim jarimalar avval Davlat yo‘l harakati xavfsizligi inspeksiyasining (YHXX) elektron bazasida mavjud bo‘lmagan, ammo yaqinda ular haqida bildirishnomalar chiqa boshlagan.

YHXX matbuot xizmatining tushuntirishicha, bunga «server yangilanishi» sabab bo‘lgan. Ma’lumotlarga ko‘ra, avtomatlashtirilgan tizimlar – radar va kameralar orqali qayd etilgan ayrim qoidabuzarliklar ilgari tizimda ko‘rsatilmagan. Endi esa serverlar yangilangach, ular ma’lumotlar bazasiga kiritilgan va haydovchilarga ko‘rsatilmoqda.

Shu bilan birga, YHXX bu jarimalarning bekor qilinmasligini ta’kidladi...

Yaqinda Iqtisodiyot va moliya vazirligi tomonidan «Oylikbot» dasturiga muqobil sifatida xavfsiz va qulay bo‘lgan «Moliyachi» axborot tizimi sinov rejimida ishga tushirilgan edi.

Bugun ushbu ilova Play market’da eng ko‘p yuklab olingan moliyaviy ilovalar reytingida birinchi o‘ringa chiqdi. Umumiy reytingda esa ayni damda 4-o‘rinda.

Bunga sabab aynan uning oylik bot o‘rniga chiqarilgani va ushu botning faoliyati to‘xtagani bilan bog‘liq. Bot foydalanuvchilari ommaviy ravishda bu ilovani yuklab olayotgani sababli yuqori o‘ringa ko‘tarilgan.

Avvalroq Kursiv Uzbekistan oylik va kasallik varaqasi bo‘yicha ma’lumotlar uchun yangi tizim ishga tushgani haqida xabar bergan edi.

Shu yilning mart oyida Oʻzbekiston aholisining inflyatsion kutilmalari oʻtgan oyga nisbatan 1,1 foizga pasaydi. Markaziy bank oʻtkazgan soʻrovnomaga koʻra, respondentlar kelgusi 12 oy ichida narxlarning 14,2 foiz darajada bo‘linishini taxmin qilmoqda.

Mart oyida soʻrovnomada jami 2,9 mingga yaqin respondentlar qatnashib, shundan 1,4 mingtasi tadbirkorlarni tashkil qildi.

Narxlarning oshishiga ta’sir etuvchi asosiy omillar sifatida aholi kommunal xizmatlar, yoqilgʻi va elektr energiyasi narxining koʻtarilishi, valyuta kurslarining oʻzgarishini ta’kidlamoqda.

Eng yuqori inflyatsiya darajasi Toshkent, Fargʻona va Namangan viloyatlarida kutilmoqda. Ushbu hududlarda narxlar yil davomida 15,5 – 17,1 foizga oshishi mumkin. Jizzax, Navoiy va Qashqadaryoda inflyatsiya darajasi nisbatan past boʻlib, 12,0 – 12,9 foiz...

Andijon viloyatida joriy yilning birinchi choragida 77 ming nafar fuqaro ish bilan taʼminlangan. Bu haqda prezident ishtirokidagi viloyat iqtisodiyotini rivojlantirish rejalari taqdimotida maʼlum qilindi.

2025-yilda $5,7 mlrdlik 166 ta investitsiya loyihasi amalga oshiriladi. Bu orqali 31 mingta yangi ish oʻrni yaratiladi. 31 turdagi yangi mahsulot olish yoʻlga qoʻyilib, $1,5 mlrdlik eksport imkoniyati yaratilishi rejalashtirilmoqda.

Yil yakuniga qadar 305 ming nafar aholi daromadi ish taʼminlanishi maqsad qilingan.

Eslatib oʻtamiz, Kursiv Uzbekistan nashri Shavkat Mirziyoyev Andijonga tashrifi davomida Andijon xalqaro aeroportida amalga oshirilgan rekonstruksiya ishlari bilan tanishgani haqida yozgan edi.

Yaponiyaning Sony kompaniyasi PlayStation 5 konsoli narxini 25 foizga oshirdi. Bu haqda PlayStation blogi xabar bermoqda.

Yevropada PlayStation 5 Digital Edition narxi 50 yevroga oshib, 500 yevroga tashkil etdi. Buyuk Britaniyadagi narxlar esa 430 funt sterlingga yetgan.

Narxlarning oshishi Avstraliya va Okeaniyada ham kuzatilgan.

Sony kompaniyasining global marketing boʻyicha vitse-prezidenti Isabel Tomatisning taʼkidlashicha, qurilma narxlari inlyatsiya va og’ir iqtisodiy vaziyat tufayli qimmatladi.

Eslatib oʻtamiz, Sony telefonlar uchun 200 megapikselli kamera sensorini ishlab chiqishi haqida yozgan edik.

Rus tilini biladigan va «B» toifadagi haydovchilik guvohnomasiga ega oʻzbekistonliklar Slovakiyadagi avtomobil zavodlariga ishga taklif qilinmoqda. Bu haqda Migratsiya agentligi xabar berdi.

Nomzodlarga rus tilini bilish, avtokarada ishlash boʻyicha 6 oylik tajriba va sudlanmagan boʻlish (Oʻzbekiston va Shengen hududida) talablari qoʻyiladi. Shuningdek, ular ikki bosqichli imtihonlardan oʻtishi shart.

Mavjud vakansiyalar soni 100 tani tashkil qiladi.

Eslatib oʻtamiz, Kursiv Uzbekistan nashri Oʻzbekistonliklar Kanadaga ishga taklif qilinayotgani haqida yozgan edi.

Lexus toʻliq elektr uch qator oʻrindiqli krossover ustida ishlamoqda, dastlabki maʼlumotlarga koʻra, u TZ deb nomlanadi. Bu haqda Carscoops nashri xabar bermoqda.

Brend xaridorlarga keng avtomobil, yuqori sifatli unumdorlik va emissiyasiz zamonaviy texnologiyalarni taklif etadi. Lexus TZ tegishli Toyota bZ5X tomonidan ishlatiladigan modelga oʻxshash platformada qurilishi kutilmoqda.

Kelajakdagi yangi mahsulotning renderini malayziyalik dizayner Teofil Chin tayyorlagan. Modelning kutilayotgan koʻrinishi 2021-yilda taqdim etilgan Lexus Electrified SUV konsepti asosida yaratilgan. Shu bilan birga, kompaniyaning oʻzi ham TZ ning yakuniy koʻrinishi hali oshkor etilmaganini taʼkidlamoqda.

Texnik maʼlumotlar hali deyarli taqdim etilmagan. Ammo 2023-yilda Lexus TZ450e va TZ550e savdo belgilarini roʻyxatdan oʻtkazgan. Bu...

Newsweek jurnali AQShning Grenlandiyani sotib olish imkoniyatini moliyaviy jihatdan baholab, tarixiy takliflar va bugungi iqtisodiy realiyalar asosida narxni hisoblab chiqdi. Bu haqda RBK nashri ma’lum qildi.

Jurnal 1946-yilda AQSh sobiq prezidenti Garri Trumen Grenlandiya uchun Daniyaga $100 mln oltin taklif qilganini eslatib o‘tgan. Bugungi inflyatsiyaga mos ravishda bu summa taxminan $1,6 mlrdga teng. Bunga orolni boshqarish va rivojlantirish uchun yiliga $600 mlndan oshadigan subsidiyalar ham qo‘shiladi. Shu asosda Newsweek Grenlandiya AQShga kamida $2,2 mlrdga tushishi mumkin degan xulosaga kelgan.

AQSh prezidenti Donald Tramp o‘z davrida Grenlandiyani sotib olish istagini ochiq bildirgan va bu orolni Qo‘shma Shtatlar nazorati ostida bo‘lishi...

15-aprel kuni Hindistondagi «Aundh» xalqaro oʻquv bazasida «Doʻstlik» oʻzbek-hind qoʻshma VI harbiy mashgʻulotlari boshlandi. Bu haqda «Dunyo» axborot agentligi xabar bermoqda.

Oʻzbekiston harbiy delegatsiyasi qoʻshma mashgʻulotlarning navbatdagi bosqichida ishtirok etish uchun Hindistonga yetib borgan. 2019-yildan buyon muntazam oʻtkazib kelinayotgan ushbu mashgʻulotlar ikki davlat oʻrtasidagi harbiy hamkorlikni rivojlantirish va mustahkamlashga qaratilgan.

Mashgʻulotlar 28-aprelga qadar davom etadi.

Eslatib oʻtamiz, Kursiv Uzbekistan nashri 9-aprel kuni harbiy xizmatchilarga turarjoyni ijaraga olganlik uchun toʻlanadigan oylik pul kompensatsiyasi miqdori 20 foizga oshirilgani haqida yozgan edi.

Bugun, 15-aprel kuni Shavkat Mirziyoyev Andijonga tashrifi davomida Andijon xalqaro aeroportida amalga oshirilgan rekonstruksiya ishlari bilan tanishdi. Bu haqda prezident matbuot kotibi xabar berdi.

Unga ko‘ra, hozirda rekonstruksiya ishlarining birinchi bosqichi yakunlandi. Bu bosqichda uzunligi 3,3 ming metr, kengligi 60 metr bo‘lgan yangi uchish-qo‘nish yo‘lagi, yurish yo‘laklari va samolyotlar to‘xtash joyi qurildi. Yer osti suvlari qochirilib, drenaj tizimi yangilandi. Shuningdek, IKAO CAT-II talablari bo‘yicha radar, meteorologiya va yoritish uskunalari o‘rnatilishi rejalashtirilmoqda.

Ushbu yangilanishlar tufayli Andijon aeroporti Boeing va Airbus kabi yirik samolyotlarni noqulay ob-havo sharoitida ham qabul qila oladi. Natijada parvozlar soni kuniga 10 barobargacha oshadi.

Keyingi bosqichda yo‘lovchi...

Raqobat qo‘mitasi tomonidan «O‘zbekenergota’mir» AJning «Uzauto-Inzi» MCHJ QKdagi ulushlarni xarid qilish bo‘yicha arizasi ko‘rib chiqildi va ijobiy xulosa berildi.

Elektr uskunalarini ta’mirlash bilan shug‘ullanuvchi «O‘zbekenergota’mir» AJ endilikda avtotransport vositalari uchun butlovchi qismlar ishlab chiqaruvchi «Uzauto-Inzi» MCHJ QKdagi Janubiy Koreyaning «Inzi Amt Co.,Ltd.» kompaniyasiga tegishli bo‘lgan 50 foiz ulushni xarid qiladi.

Qo‘mitaning Maxsus komissiyasi tomonidan o‘tkazilgan tahlilga ko‘ra, mazkur bitim raqobat muhitiga salbiy ta’sir ko‘rsatmasligi aniqlandi va bitimga rasman rozilik berildi.

Avvalroq Kursiv Uzbekistan mevali ko‘chatlar sotuvchi platforma nomi noqonuniy deb topilgani haqida xabar bergan edi.

Samsung Galaxy XCover7 Pro smartfoni va Galaxy Tab Active5 Pro planshetini taqdim etganini rasman e’lon qildi. Ikkala qurilma ham Qualcomm Snapdragon 7s Gen 3 protsessoriga asoslangan va 5G ulanishini qoʻllab-quvvatlaydi.

Modellar MIL-STD-810H harbiy, IP68 chang va suvga chidamlilik sertifikatidan oʻtgan. Qurilmalarda Corning Gorilla Victus+ shisha qopqogʻidan foydalanadi, ularni oddiy dezinfektsiyalash vositalari bilan tozalash mumkin. Galaxy Tab Active5 Pro plansheti namlik muhitida foydalanish mumkin boʻlgan S Pen bilan jihozlangan.

Planshet 10,1 dyuymli 1920×1200 oʻlchamli 120 Gts yangilanish tezligiga ega. Unda TFT LCD displey va 11000 mA/soat sigʻimli foydalanuvchi tomonidan almashtiriladigan ikki tomonlama batareyalar mavjud. Model 6 Gb +128 Gb/8 Gb...

Shavkat Mirziyoyev 15-aprel kuni Andijon viloyatiga tashrif buyuradi. Bu haqda prezident matbuot xizmati xabar bermoqda.

Tashrif davomida Shavkat Mirziyoyev yangi korxonalar faoliyati, sanoat, energetika, shaharsozlik va boshqa sohalarda amalga oshirilayotgan loyihalar, joylarda amalga oshirilayotgan qurilish va bunyodkorlik ishlari bilan tanishadi.

Davlat rahbari viloyatni kompleks rivojlantirish boʻyicha ustuvor vazifalarga bagʻishlangan yigʻilish ham oʻtkazishi ham rejalashtirilgan.

Eslatib oʻtamiz, Kursiv Uzbekistan nashri Shavkat Mirziyoyev yangi turizm va bunyodkorlik loyihalari taqdimoti bilan tanishgani haqida yozgan edi.