Yangiliklar

O‘zbekiston hududida bolalar orasida Koksaki virusi keng tarqalayotgani haqidagi xabarlar asossiz. Ushbu masala yuzasidan Sanitariya-epidemiologik osoyishtalik va jamoat salomatligi qo‘mitasi raisining birinchi o‘rinbosari Nurmat Atabekov rasmiy izoh berdi.

Mutaxassisning ta’kidlashicha, Koksaki virusi dastlab AQShning Koksaki nomli shaharchasida aniqlangan bo‘lib, u enteroviruslar guruhiga kiradi. Mazkur virusning 70 dan ortiq variantlari mavjud bo‘lib, ular orasida A va B turlari eng ko‘p uchraydi. Ushbu kasallik, asosan, 3 yoshdan 10 yoshgacha bo‘lgan bolalarda qayd etiladi, kattalar orasida esa juda kam hollarda uchraydi.

Virusning belgilari qanday

Kasallik o‘zini boshlanishida tana haroratining keskin ko‘tarilishi (39-40 darajagacha), bosh og‘rig‘i, charchoq, uyqusizlik kabi belgilar bilan namoyon...

O‘zbekistonning Saudiya Arabistoni bilan qo‘shma loyihalar portfeli $24 mlrdga yetdi. Bu haqda Shavkat Mirziyoyevning Saudiya Arabistoni yetakchi kompaniyalari rahbarlari bilan uchrashuvida ma’lum qilindi.

Uchrashuvda «ACWA Power» kompaniyasi boshqaruvi raisi Muhammad Abunayyan boshchiligidagi yirik kompaniyalar delegatsiyasi qatnashdi.

Saudiya Arabistonining kompaniyalari «Yashil» energetika sohasidagi loyihalar muvaffaqiyatli amalga oshirilmoqda. Toshkent viloyatida «yashil» vodorod ishlab chiqarish yo‘lga qo‘yilgani haqida yozgan edi.

Uchrashuvda elektr tarmoqlarini modernizatsiya qilish, elektrotexnika sanoatini rivojlantirish, axborot texnologiyalari, transport, kommunal xo‘jaligi va boshqa yo‘nalishlardagi loyihalarni ilgari surish muhimligi qayd etilgan.

Avvalroq Kursiv Uzbekistan nashri YTTBning O‘zbekistonga investitsiyalari 5,5 milliard yevrodan oshgani haqida yozgan edi.

Dubayda eng baland metro bekati «Ko‘k liniya» loyihasining kengaytirilishi natijasida barpo etiladi. Bu haqda Khaleej Times nashri xabar berdi.

Dubai Creek Harbour hududida joylashadigan ushbu bekat Emaar Properties nomini oladi va 74 metr balandlikda bo‘ladi. Bekat loyihasi mashhur AQSH arxitektura kompaniyasi Skidmore, Owings & Merrill tomonidan ishlab chiqilgan. Ushbu kompaniya ilgari Burj Xalifa binosini ham loyihalashtirgan.

Bekat «kesishuvchi darvozalar» konsepsiyasidan ilhomlangan bo‘lib, 11 ming kvadrat metr maydonni egallaydi va har kuni 160 ming yo‘lovchiga xizmat ko‘rsatishi mumkin. «Ko‘k liniya» Dubaydagi transport tizimini yanada rivojlantirishga xizmat qiladi. U Qizil va Yashil metro yo‘nalishlari bilan uchta bekatda tutashadi.

Liniya 2029-yilda...

Yangi Chery QQ Domi elektromobili taqdim etildi. QQ Domi Xitoyda $8 300 dan boshlab sotuvga chiqdi. Bu haqda CarNewsChina nashri xabar bermoqda.

Chery QQ Domi – 5 eshikli, 5 o‘rinli elektromobil bo‘lib, ikki xil modelda taqdim etildi. Arzonroq modeli 305 km, kuchlirog‘i esa 405 km masofani bosib o‘ta oladi.

Ularning narxlari mos ravishda 59 900 va 69 900 yuan, ya’ni $8 300 va $9 700 ga teng.  Bu qiymatdagi pulga O‘zbekistonda Chevrolet Damas xarid qilish mumkin. Uning narxi 93 mln so‘mni tashkil etadi (Chery kompaniyasining yangi modeli mahalliy bozorga kirib kelganida bojxona va qo‘shimcha to‘lovlar evaziga qimmatroq bo‘lishi mumkin). Avtomobilning o‘lchamlari: uzunligi...

Mongoliyaning KOO «RES» korxonasi tomonidan avtomobil yo‘l qurilishi yo‘nalishida ishlash istagida bo‘lgan o‘zbekistonliklar uchun bo‘sh ish o‘rinlari taklif etildi. Bu haqda Migratsiya agentligi xabar berdi.

Muhandislik va texnik xodimlar lavozimlariga maoshi $800–$1000 miqdorida bo‘lgan 36 ta bo‘sh ish o‘rni e’lon qilindi.

Nomzodlarga quyidagi talablar qo‘yiladi:

Nomzodlarga aviachiptalar, viza xarajatlari, ishlash huquqini beruvchi ruxsatnoma, yotoqxona, kuniga uch mahal ovqat kabi imtiyozlar...

O‘zbekiston Respublikasi valyuta birjasi (UZCE) ma’lumotlariga ko‘ra, 11-iyun kuni dollar kursi 27,81 so‘mga pasayib, 12 646,56 so‘m etib belgilandi.

Banklardagi eng maqbul kurslar

«Pultop» kanali ma’lum qilishicha, 11-iyun kuni dollarning maqbul kurslari quyidagi banklarda kuzatilgan:

Banklarga sotish (USD – UZS):

Banklardan sotib olish (UZS – USD):

Avvalroq «Kursiv» o‘zbek so‘mi hattoki skeptiklarni ham hayratda qoldirgani, dollar bo‘yicha...

Freedom Pay kompaniyasi Markaziy Osiyoning raqamli iqtisodiyotini rivojlantirishda faol ishtirok etishda davom etmoqda. Iyun oyining boshida kompaniyaning O‘zbekistondagi bosh direktori Nazokat Rashidova Jahon banki ko‘magida o‘tkazilgan ikki muhim xalqaro forumda — 5-iyun kuni Dushanbeda va 10-iyun kuni Bishkekda bo‘lib o‘tgan E-GATE konferensiyalarida ishtirok etdi.

Dushanbedagi forumda Nazokat Rashidova raqamli tadbirkorlikda ayollarning ishtirokiga bag‘ishlangan panel muhokamasida nutq so‘zladi. U o‘z chiqishida raqamli texnologiyalar ayollar uchun qanday qilib iqtisodiy erkinlik va biznes imkoniyatlari eshigini ochishini alohida ta’kidladi:

«Freedom Pay’da biz raqamli to‘lov yechimlarini shunchaki texnologiya sifatida emas, balki elektron tijoratdagi birinchi qadamlardan tortib xalqaro bozorlarga chiqishgacha...

Niderlandiyada o‘tkazilgan Eindhoven Cup xalqaro boks turniri yakunida O‘zbekiston terma jamoasining uch nafar bokschisi ishtirok etdi. Bu haqda Olimpiya qo‘mitasi xabar berdi.

Turnirda Abdumalik Xalokov (60 kg) va To‘rabek Habibullayev (90 kg) final janglarida g‘alaba qozonib, oltin medalga sazovor bo‘lishdi. Asadxo‘ja Mo‘ydinxo‘jayev (70 kg) esa kumush medalni qo‘lga kiritdi.

Shuningdek, Abdumalik Xalokov musobaqaning «Eng yaxshi erkak bokschisi» deb e’tirof etildi.

Avvalroq «Kursiv» nashri o‘zbekistonlik bokschilar Tailanddagi musobaqada birinchi o‘rinni egallagani haqida yozgandi. Unda qatnashgan o‘zbekistonlik sportchilar 16 ta medal bilan peshqadamga aylangandi.

JCH 3-saralash bosqichi 9-turidan o’rin olgan BAA – O’zbekiston uchrashuvida ko‘pchilikni diqqatini tortgan «Katta do‘ppi» sotuvga chiqdi. Onlayn auksion ijtimoiy tarmoq foydalanuvchilari orasida Abror Zohidov Telegram kanalida o‘tkazilmoqda. Hozirgi paytda taklif qilinayotgan narx $1500ni tashkil qiladi.

Do‘ppining egasi – andijonlik futbol muxlisi, Andijon fan-klubi yetakchisi Nodirbek To‘ychiyev uni «Sen kuchlisan» xayriya jamoasiga tuhfa etgan.

Bu do‘ppi jahonning turli burchaklarida o‘zbek sporti va futboliga hamrohlik qilgan, ko‘plab g‘alabalarga guvoh bo‘lgan.

Kimoshdi savdosidan tushgan mablag‘ oqqon kasaliga chalingan bolalarga sarflanishi kutilmoqda.

Avvalroq Kursiv Uzbekistan Islom To‘xtaxo‘jayev prezident sovg‘a qilgan BYD avtomobilini jamoadoshiga hadya qilgani haqida yozgandi.

«Unitel» MCHJ (Beeline Uzbekistan) so‘nggi paytlarda tarif rejalarida yuz bergan o‘zgarishlar yuzasidan rasmiy bayonot berdi. Kompaniya bu haqda Kursiv Uzbekistan’ga ma’lum qildi.

Kompaniyaga ko‘ra, barcha o‘zgarishlar telekommunikatsiya xizmatlarini ko‘rsatish qoidalari va O‘zbekiston Respublikasi qonunchiligiga to‘liq muvofiq tarzda amalga oshirilgan.

«Unitel» O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasiga tariflardagi o‘zgarishlar bo‘yicha zarur tushuntirishlarni taqdim etganini bildirar ekan, hozirda ushbu ma’lumotlarning ko‘rib chiqilishi kutilayotganini ma’lum qildi. Kompaniya ruxsat etilgan huquqiy tartib yakuniga yetmaguncha masalani ommaviy ravishda muhokama qilishni lozim topmayotganini ta’kidladi.

Shuningdek, kompaniya o‘zining O‘zbekiston iqtisodiyotidagi yirik hissasini ham eslatib o‘tdi. Jumladan, «Unitel» MCHJ mamlakatdagi eng yirik xususiy soliq...

Yevropa tiklanish va taraqqiyot banki (YTTB) o‘tgan yili O‘zbekistonga rekord miqdorda – $1 mlrdga yaqin investitsiya kiritdi. Bu haqda Shavkat Mirziyoyevning Xorijiy investorlar kengashi majlisidagi nutqida qayd etildi.

O‘zbekistonda Acwa Power, Masdar, Linde, Shanghai Environment, Total Energies singari yetakchi kompaniyalar $8 mlrddan ziyod investitsiya kiritib, «yashil» iqtisodiyotni rivojlantirishga katta hissa qo‘shgan.

«Raqamli texnologiyalar sohasida ham dunyo tan olgan nufuzli kompaniyalar yurtimizga jadal kirib kelmoqda. Ayniqsa, DataVolt kompaniyasi mintaqadagi eng yirik «yashil data markaz»ni, Veon kompaniyasi sun’iy intellektga asoslangan «mobil super-ilova»ni yaratish bo‘yicha loyihalarni boshlagani bizni juda quvontiradi», – deya qayd etdi Mirziyoyev.

Shuningdek...

Jahon banki (JB) tahlilchilarining prognoziga ko‘ra, joriy yilda O‘zbekiston iqtisodiyoti 5,9 foizga o‘sadi. 2026-yilda mamlakat yalpi ichki mahsuloti (YaIM) ham 5,9 foizga oshishi kutilmoqda.

2027-yilda esa O‘zbekiston YaIM o‘sishi 5,8 foiz bo‘lishi taxmin qilinmoqda.

JB mutaxassislari, shuningdek, 2025-yilda Yevropa va Markaziy Osiyo davlatlari iqtisodiyoti 2,4 foizgacha sekinlashishini taxmin qilmoqda. Ammo 2026–2027-yillarda mintaqaviy YaIM 2,6 foizgacha o‘sadi, deya ta’kidlangan prognozda.

Moliyaviy institut mutaxassislari 2025-yilda jahon iqtisodiyoti 2,3 foizgacha sekinlashishini ham prognoz qilmoqda. Bu holatga savdo mojarolarining kuchayishi va siyosiy muammolar salbiy ta’sir ko‘rsatmoqda.

«Hodisa va inqirozlar barcha mintaqalarda global iqtisodiy o‘sish prognozlarining deyarli 70 foiziga...

Atom energiyasi agentligi (O‘zatom) hamda Fransiyaning Assystem kompaniyasi o‘zaro kelishuv memorandumini imzoladi. Unga ko‘ra, tomonlar Toshkent shahrida qo‘shma korxona tashkil etishni rejalashtirmoqda.

Fransiyaning Assystem kompaniyasi xalqaro yo‘nalishlar bo‘yicha vitse-prezidenti Kristian Jenno bilan muzokaralar o‘tkazildi. Muzokaralar davomida tomonlar atom energetikasi sohasini rivojlantirish masalalarini muhokama qildilar. Shuningdek, ilg‘or texnologiyalar bo‘yicha strategik sheriklik imkoniyatlari ko‘rib chiqildi.

Yangi qo‘shma korxona faoliyati atom elektr stansiyasi qurilishi bo‘yicha texnik yordam ko‘rsatish, texnik yechimlarni tanlashda ko‘maklashish va ularni yagona konsepsiyaga integratsiya qilish, shuningdek, O‘zbekistonning fuqarolik yadro dasturiga oid loyihalarni qo‘llab-quvvatlash kabi yo‘nalishlarni o‘z ichiga oladi.

Ma’lumot uchun, Assystem – bosh ofisi Parijda joylashgan mustaqil muhandislik guruhi...

O‘zbekiston futbol terma jamoasi futbolchisi Islom To‘xtaxo‘jayev prezident Shavkat Mirziyoyev tomonidan sovg‘a qilingan BYD avtomobilini o‘z jamoadoshi Bobur Abduxoliqovga berdi, deb yozmoqda ChampionatAsia.

Eslatib o‘tamiz, O‘zbekiston – Qatarga qarshi o‘yindan so‘ng prezident Mirziyoyev futbolchilar va murabbiylarga BYD avtomobillarini sovg‘a qilgan edi.

O‘zbekiston OAVlariga ko‘ra, Abduxoliqov mukofot olganlar ro‘yxatiga kiritilmagan. Shunga qaramay, u jahon chempionati–2026 saralashida terma jamoa safida to‘rt o‘yin o‘tkazgan va Shimoliy Koreyaga qarshi o‘yinda golli uzatma amalga oshirgan. To‘xtaxo‘jayev esa saralash bosqichida ikki o‘yinda maydonga tushgan.

2024-yilning fevralidan buyon Bobur Abduxoliqov Ozarboyjonning «Sumgait» klubida to‘p suradi. U O‘zbekiston terma jamoasi safida 18 ta o‘yin o‘tkazib, 1 ta...

Huawei kompaniyasi tomonidan 11-iyun kuni yangi Huawei Pura 80 flagman smartfonlari taqdim etildi. Yangilangan model qatori to‘rtta qurilmadan iborat: Pura 80, Pura 80 Pro, Pura 80 Pro+ va Pura 80 Ultra. Bu haqda ITHome nashri xabar bermoqda.

Smartfonlar o‘ziga xos dizayni va kuchli kamerasi bilan ajralib turadi. Pura 80 modeli 6,6 dyuymli tekis ekran bilan taqdim etilgan bo‘lsa, qolgan Pro versiyalarida 6.8 dyuymli to‘rt qirrali egri ekran ishlatilgan. Ekran maksimal yorqinligi 3 ming nitga yetadi va 1 dan 120Hz gacha yangilanish tezligini qo‘llab-quvvatlaydi.

Pro va undan yuqori modellarda yangi avlod Kunlun va Xuanwu oynasi ishlatilgan. Bu ekranlarni chizilish...

Yevropa tiklanish va taraqqiyot banki (YTTB)ning O‘zbekistonga investitsiyalari $5,5 mlrd yevrodan oshdi. Bu haqda Shavkat Mirziyoyevning 11-iyun kuni bank prezidenti Odil Reno-Basso boshchiligidagi delegatsiya bilan uchrashuvida qayd etildi.

Uchrashuvda YTTB bilan hamkorlikni kengaytirish masalalari muhokama qilindi. Bu yil $1,1 mlrd yevro jalb etilishi rejalashtirilgani ta’kidlandi.

Shavkat Mirziyoyev hamkorlik ustuvor yo‘nalishlarini sanab o‘tdi. Jumladan, suv ta’minotini modernizatsiya qilish, energiya samaradorligini oshirish, ipoteka bozorini rivojlantirish, ayollar tadbirkorligini qo‘llab-quvvatlash kabilar shular jumlasidan.

Ta’lim va tibbiyotda davlat-xususiy sheriklik loyihalari, sun’iy intellekt va raqamli startaplarga e’tibor qaratish muhimligi alohida ta’kidlandi. Yig‘ilishda Investorlar kengashining kun tartibi yuzasidan ham fikr almashildi.

Eslatib o‘tamiz, Kursiv Uzbekistan...

Google kompaniyasi 2025-yil 10-iyun kuni o‘zining Android 16 tizimini ommaga taqdim etdi. Bu haqda Andoid Authority nashri ma’lum qildi.

Dastlab Pixel 6 va undan keyingi modellar uchun mavjud. Bu yangilanish Android tizimining evolyutsiyasida yangi bosqichdir. Foydalanuvchi tajribasini yanada barqaror, xavfsiz va moslashuvchan qilishga qaratilgan.

Android 16 tashqi ko‘rinishda katta o‘zgarishlar bilan ajralib turmaydi. Lekin ichki imkoniyatlari va tizim infratuzilmasida sezilarli yangilanishlar bor. Bu versiya, asosan, ishlab chiquvchilar va ilovalar uchun muhim bo‘lgan Live Updates (Jonli yangilanishlar), App Functions API va Edge-to-Edge interfeys elementlarini o‘z ichiga olgan.

Muhim yangiliklar:

Jonli yangilanishlar (Live Updates) — bu iOS’dagi Live...

Islom Karimov nomidagi Toshkent xalqaro aeroportida uchib kelish zali rekonstruksiyasining birinchi bosqichi yakunlandi va zalning yangilangan o‘ng qismi foydalanishga topshirildi. Bu haqda Uzbekistan Airports xabar berdi.

Zalning umumiy maydoni kengaytirilib, avtotransport va avtobuslar uchun yangi yo‘lak qurildi, 120 o‘rinli avtoturargoh tashkil qilindi va yashil hudud barpo etildi.

Bino fasadining kengayishi uchib kelish zali maydonini 2100 kvadrat metrga oshirish imkonini berdi. Natijada bojxona hududi kengaytirildi, qo‘shimcha yuk karuseli o‘rnatildi, terminal ichida kutib oluvchilar uchun ilk bor 120 o‘rindiqli hudud tashkil etildi.

«Bugun terminalning o‘ng qismini kengaytirish ishlari yakunlandi. Chap qismini rekonstruksiya qilish ertadan boshlanadi. Aeroport faoliyatini...

Yaxshi telefon olish uchun endi katta pul shart emas. «Palach» maqolasida 3 ta arzon, lekin ishonchli modelni tanlandi. Ular tez ishlaydi, yaxshi kamera va kuchli batareyaga ega.

Oppo A5 Pro

Oppo A5 Pro kuchli himoyasi bilan ajralib turadi. U IP69 va MIL-STD-810H standartlariga ega — suvdan va zarbadan qo‘rqmaydi. Ekrani 6,67 dyuymli IPS, HD aniqlikda va 120 Gts yangilanish tezligida. Yorqinligi 1000 nit, ya’ni quyoshda ham ko‘rish qulay. Dimensity 6300 chipi tufayli telefon tez va barqaror ishlaydi.

Bu telefonning eng katta qulayligi – batareya. U 5800 mA/soat hajmga ega va 45 Vt quvvatda zaryadlanadi. 0 dan 50% gacha...

Oliy Majlis Qonunchilik palatasi deputatlari qattiq maishiy chiqindilar bilan bog‘liq muammolar bo‘yicha Ekologiya vaziri Aziz Abduhakimov nomiga parlament so‘rovi yubordi.

Unda eski poligonlarni rekultivatsiya qilishdan tortib, tobora ommalashib borayotgan elektromobillarning akkumulyatorlarini utilizatsiya qilishgacha bo‘lgan masalalar ko‘tarildi.

Bugungi kunda O‘zbekiston ekologik xavfsiz kelajakka intilmoqda: chiqindilarni qayta ishlash stansiyalari qurilmoqda, saralashning zamonaviy usullari joriy etilmoqda. Ammo texnologik rivojlanish bilan birga, ilgari dolzarb bo‘lmagan yangi muammolar ham yuzaga chiqmoqda.

Shulardan biri – elektromobillarning yaroqlilik muddati tugagan yoki ishlamay qolgan akkumulyatorlarining taqdiri. Mamlakat yo‘llarida bunday transport vositalari soni oshib borayotgan bir vaqtda, ularning xizmat muddati tugagach, batareyalar bilan nima qilish kerakligi savoli yuzaga...

Lynk & Co 10 EM-P avtomobili rasman taqdim etildi. Bu haqda IT Home texnologiyalar nashri xabar bermoqda.

Yangi Lynk & Co 10 EM-P o‘rta-kattalikdagi gibrid sedan sifatida taqdim qilindi. Yangi model Lynk & Co Z10 dizaynini davom ettiradi. Old qismida «H» shaklidagi LED chiroqlar va uzluksiz LED chiziq bor. Mashina oldi yumaloq ko‘rinishda bo‘lib, sportcha uslubda yaratilgan.

Quyi qismda katta havo kirish panjarasi va yon oqim kanallari mavjud. Yangi mashina plag-in gibrid tizimga ega bo‘ladi. U to‘liq g‘ildirakdan harakat (4WD) tizimi bilan jihozlanadi. P1+P3+P4 strukturasidagi ikki elektromotorli tizim bo‘lishi mumkin. Shuningdek, Lynk & Co 900 dagi NVIDIA Thor chipi...

Endi 3 oydan ortiq chet elda bo‘lib qaytgan fuqarolar hamda mehnat faoliyati uchun O‘zbekistonga kelayotgan xorijliklar OIV infeksiyasi bo‘yicha majburiy tibbiy tekshiruvdan o‘tkazilishi mumkin. Bu masala O‘zbekiston Ekologik partiyasi fraksiyasining navbatdagi yig‘ilishida muhokama qilingan qonun loyihasida ko‘zda tutilgan.

Xususan, 90 kundan ortiq vaqt davomida chet elda bo‘lib qaytgan 18 – 60 yosh oralig‘idagi fuqarolar, doimiy yashovchi chet elliklar va fuqaroligi bo‘lmagan shaxslar hamda mehnat maqsadida O‘zbekistonga kelayotgan xorijliklar OIV infeksiyasiga majburiy tibbiy tekshiruvdan o‘tkazilishi lozim.

Bunda O‘zbekiston fuqarolari va doimiy yashovchi fuqaroligi bo‘lmagan shaxslar tibbiy ko‘rikdan Davlat budjeti hisobidan o‘tadi. Xorijliklar va chet ellik ishchilar esa bu xarajatni o‘zlari...

Raqobat qo‘mitasi Beeline kompaniyasiga oylik va kunlik abonent to‘lovi yechish shartlarini qayta ko‘rib chiqish bo‘yicha tavsiyalar berdi. Bu haqda qo‘mita matbuot xizmati xabar berdi.

Ma’lumot uchun, 2024-yilda Raqobat qo‘mitasiga kelib tushgan murojaatlarning 8,2 foizi va joriy yilning dastlabki 4 oyida 8,9 foizi telekommunikatsiya xizmatlari bilan bog‘liq.

Shikoyatlarning katta qismi Beeline xizmatlariga taalluqli bo‘lib, tarif narxlari oshishi, qo‘shimcha xizmatlar va pullik kontentga avtomatik ulanish, hisob-kitobdagi xatoliklar va xizmat sifati va boshqa masalalardan iborat.

Murojaatlar tahliliga ko‘ra, «Yana», «Hammasi ZO‘R», «Multi Kuch» kabi tariflarda quyidagi muammolar aniqlangan:

Toshkent Xalqaro Investitsiya Forumining ikkinchi kunida «Shariatga muvofiq moliyaviy vositalar orqali KO‘B subyektlarini moliyalashtirish: O‘sishni jadallashtirish yo‘lida» mavzusida panel sessiyasi bo‘lib o‘tdi. Unda kichik va o‘rta biznesni halol, axloqiy va innovatsion moliyaviy mexanizmlar orqali qo‘llab-quvvatlash masalasi keng muhokama qilindi.

Mazkur sessiyaga O‘zbekiston Islomiy moliya assotsiatsiyasi Kengashi raisi Bahrom Numanov raislik qildi. Unda SEAF tomonidan boshqarilayotgan, Islom taraqqiyot banki guruhi, Saudiya Taraqqiyot jamg‘armasi va O‘zbekiston Tiklanish va taraqqiyot jamg‘armasi tomonidan moliyalashtirilayotgan 100 million dollarlik «O‘zbekiston Iqtisodiy Imkoniyatlarni Kengaytirish Jamg‘armasi» (EEFU) platformasi taqdim etildi.

SEAF boshqaruvchi direktori, GIC (Global Investitsiya Qo‘mitasi) a’zosi Jan Cherim kichik va o‘rta biznes har bir iqtisodiyotining...