Yangiliklar

2025-yilda Rossiyadan taxminan 1 mln mehnat migranti chiqib ketishi mumkin. Bu haqda «Migrant Servis» platformasi direktori Andrey Kladov jurnalistlarga bergan intervyusida ma’lum qildi.

Mutaxassisning fikricha, bunga asosiy omil ish haqi darajasi bo‘ladi. Hozirda xorijlik ishchilar oyiga taxminan 1,5 ming dollar daromad olishga intilmoqda. Agar Rossiya bozorida maoshlar ularning kutgan darajasiga mos kelmasa, migrantlar boshqa davlatlarga ketishi mumkin.

Bundan tashqari, Rossiyada migratsiya qonunchiligining kuchaytirilishi, deportatsiyalar va chet elliklar uchun yangi cheklovlarning joriy etilishi ham ish o‘rinlarining jozibadorligini pasaytirmoqda. Kladovning ma’lumotlariga ko‘ra, o‘tgan yili mamlakatdan 80 mingdan ortiq migrantlar chiqarib yuborilgan.

Mehnat kuchining kamayishi fonida ko‘plab sohalar kadrlar yetishmovchiligiga duch kelishi...

Hamzat Chimaevning UFC chempionlik jangi uchun tayyorgarlikdagi murabbiyi o‘zbekistonlik Husan Majlimov bo‘ladi. Rossiyalik jangchi Dubaydagi TKMMA zalida o‘zbekistonlik ustoz bilan tushgan suratini e’lon qildi.

Ma’lumot uchun, Majlimov – O‘zbekiston davlat jismoniy tarbiya va sport universiteti bitiruvchisi, qo‘l jangi va kikboksing bo‘yicha O‘zbekistonning o‘n karra chempioni. U 2006-yilda kikboksing bo‘yicha jahon chempioni bo‘lgan. Shuningdek, u 12 yillik murabbiylik tajribasiga ega.

Chimyaev bu yil UFC o‘rta vazn toifasida chempionlik kamarini qo‘lga kiritishni rejalashtirmoqda. Hozirgacha u MMA’da 14 ta g‘alabaga erishgan, ulardan beshtasi nokaut bilan yakunlangan.

Rossiyalik jangchining hal qiluvchi jangdagi raqibi amaldagi jahon chempioni, Janubiy Afrikalik Drikus du Plessi yoki amerikalik...

Toshkent metropoliteni 2024-yilda 270,3 mln yo‘lovchini tashidi. Bu haqda Transport vazirligi ma’lum qildi.

Bu 2023-yilga nisbatan 98,3 mlnga yoki 57,2 foizga ko‘proq bo‘lib, shahar jamoat transportiga bo‘lgan talabning ortib borayotganini ko‘rsatadi.

So‘nggi yillarda yo‘lovchilar oqimi sezilarli darajada oshib, 2020-yilda 38,8 mln, 2021-yilda 101,8 mln, 2022-yilda 136,7 mln, 2023-yilda esa 172 mlnni tashkil qilgan.

Eslatib o‘tamiz, avvalroq Toshkent metrosiga yana zamonaviy poyezdlar keltirilgan edi.

Oʻzbekiston 2027-yildan kartoshkaga boʻlgan ehtiyojni ichki imkoniyatlar bilan qoplashni rejalashtirmoqda. Bu haqda prezident Shavkat Mirziyoyev rahbarligida 30-yanvar kuni tomorqada va ijaraga berilgan ekin yerlarida daromadli mahsulot yetishtirishning yangi tizimi boʻyicha oʻtkazilgan yigʻilishda ma’lum qilindi.

Ta’kidlanishicha, 290 ming gektarda ekilgan kartoshkaning serhosil navlarini yaratish va mahsulotlarni qayta ishlash uchun 400 milliard soʻm ajratiladi.

Shuningdek, yigʻilishda soʻnggi yetti yilda 5 milliondan ortiq xonadonlar 508 ming gektar tomorqa yerlariga ega boʻlib, ularga 2,3 trillion soʻm imtiyozli kredit va 265 milliard soʻmlik subsidiyalar ajratilgani ta’kidlandi. Natijada tomorqachilikda hosildorlik ikki baravarga oshib, 38 tonnaga yetgan.

Oʻzbekistonda dehqonchilikni rivojlantirish maqsadida yangi holding — «Uzagrostar...

30-yanvar kuni AQSh dollarining rasmiy kursi 11,33 soʻmga tushib, 12 957,01 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 895 – 12 950 soʻmdan sotib olayotgan boʻlsa, 12 970 – 13 030 soʻm oraligʻida sotmoqda.

Shu bilan birga, yevro 6,60 so‘mga pasayib, 13 485,66 so‘mni tashkil etdi. Rossiya rubli esa 0,19 so‘mga pasayib, 132,13 so‘mga teng bo‘ldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.

Qozogʻistonlik tadbirkorlar Oʻzbekiston bilan chegarada kartoshka ortilgan 43 ta vagon ushlanib qolgani uchun mamlakat hukumatini sudga berishni rejalashtirmoqda. Bu haqda KTK telekanali ma’lum qildi.

Tadbirkorlarning soʻzlariga koʻra, Qozogʻistondagi Sariogʻash temir yoʻl stansiyasida uzoq davom etgan tekshiruvlar tufayli ularning kartoshka hosili muzlab qolgan. Tadbirkorlardan biri 60 million tenge yoki $116,1 ming zarar koʻrganini aytdi.

Qozogʻiston Qishloq xoʻjaligi vazirligi holatga munosabat bildirib, kartoshka vagonlari tegishli tekshiruvdan oʻtkazilganini ma’lum qildi.

«Vagonlarning bundan keyingi harakatlanishi uchun hech qanday toʻsiqlar yoʻq. Shuning uchun 43 ta eksportga moʻljallangan vagon chegarani kesib oʻtishi mumkin», – dedi Qozogʻiston Qishloq xoʻjaligi vaziri oʻrinbosari Yerbol...

Bugun Toshkentda Oʻzbekiston – Fransiya biznes forumi ish boshladi. Forumda ma’lum qilinishicha, 2024-yil yakunlariga koʻra, Oʻzbekiston va Fransiya oʻrtasidagi tovar ayirboshlash hajmi $1,13 mlrd.ni tashkil etgan, bu 2023-yildagiga nisbatan 13,7%ga koʻp. Respublika Fransiyaga eksport hajmini ikki barobarga oshirgan, deb xabar bermoqda Kursiv Uzbekistan muxbiri.

Toshkentda O‘zbekiston va Fransiya ishbilarmon doiralari vakillarini birlashtirgan O‘zbekiston – Fransiya biznes forumi iqtisodiy sheriklikni mustahkamlash va ikki mamlakat o‘rtasidagi investitsion hamkorlikni rivojlantirish maqsadida tashkil etildi.

Eksport $ 795,1 mln (+98,6%), import esa $336,1 mln (-43,5%) tashkil etdi. So‘nggi 7 yil ichida tovar aylanmasi deyarli 5 barobar oshdi (2017-yil – $251,6 ).

Bugungi kunda O‘zbekiston Respublikasida...

Raqobatni rivojlantirish va iste’molchilar huquqlarini himoya qilish qoʻmitasi 2024-yilda oʻzbekistonliklar eng koʻp shikoyat qilgan marketpleyslar roʻyxatini ochiqladi.

Oʻtgan yili umumiy hisobda qoʻmitaga elektron tijorat bilan bogʻliq 1,3 mingta murojaat kelib tushdi. Shikoyatlarning aksariyati (77,9 foiz) maishiy texnikaga tegishli boʻlib, noroziliklarning asosiy sababi tovarlarning nuqsonlari boʻlgan.

Yil davomida eng ko‘p shikoyatlar Uzum Marketga (39,6 foiz) yo‘llangan. Undan keyingi o‘rinlarni Alif Shop (9,9 foiz), Uzum Nasiya (6,5 foiz), ZoodMall (6 foiz), Asaxiy.uz (3,8 foiz), IDEA (2,5 foiz), Hopshop (2,1 foiz) va 100K.uz (2,1 foiz) egalladi.

Qoʻmitaning ta’kidlashicha, murojaatlarning 81,9 foizi iste’molchilar foydasiga hal etilgan, 14,3 foiziga tushuntirish berilgan, 1,3 foizi vakolatli...

2024-yilda Chevrolet Cobalt Qozogʻistonda eng koʻp sotilgan avtomobilga aylandi. Bu haqda «Qozogʻiston avtomobil tarmogʻi korxonalari ittifoqi» hisobotida ma’lum qilindi.

Ma’lum qilinishicha, oʻtgan yili qozogʻistonliklar 25 537 ta Cobalt sotib oldi, bu esa umumiy sotilgan avtomobillarning 12,4 foizini tashkil etadi. Chevrolet Cobalt narxi 7,65 million tengedan ($14,8 ming) boshlanadi.

Brendlar orasida Chevrolet 30 927 ta sotilgan avtomobil bilan ikkinchi oʻrinni egallab, Hyundaiʼdan keyin joylashdi. Hyundai brendi hisobiga esa 44 218 ta sotilgan avtomobil toʻgʻri keladi.

Avvalroq Kursiv Uzbekistan Chevrolet Cobaltʼning Rossiyadagi narxi haqida ma’lumot bergan edi.

Shavkat Mirziyoyev 30-yanvar kuni Toshkentdagi Islom Karimov haykali poyiga gulchambar qo‘ydi. Bu haqda davlat rahbari matbuot xizmati xabar berdi.

Marosimda birinchi prezidentning rafiqasi Tatyana Karimova, Oliy Majlis palatalari, prezident administratsiyasi va hukumat vakillari qatnashdi.

Shunday tadbirlar Samarqand va Qarshi shaharlarida ham o‘tkazildi.

Marosimda Qur’on oyatlari o‘qilib, duo qilindi. Birinchi prezidentning xalq manfaati yo‘lida qilgan ishlari, fazilatlari yodga olindi.

Avvalroq Kursiv Uzbekistan prezident Islom sivilizatsiyasi markaziga tashrif buyurgani haqida xabar bergan edi.

27-yanvar kuni Adliya vazirligida «Giyohvandlik vositalari, psixotrop moddalar va prekursorlarni saqlash, sotish va hisobga olish tartibi» toʻgʻrisidagi nizom davlat roʻyxatidan oʻtkazildi.

Ushbu nizom litsenziya asosida giyohvandlik vositalari muomalasi bilan shugʻullanuvchi yuridik shaxslarga nisbatan tatbiq etiladi. Dorixonalardan giyohvandlik vositalarini shifokor retsepti asosida quyidagi shaxslar tomonidan berish mumkin:

Giyohvandlik vositalari maxsus pushti retsept blankasi orqali sotiladi. Davolash muassasalariga ushbu blankalar Sogʻliqni saqlash vazirligining hududiy boshqarmalari tomonidan taqdim etiladi.

Shifokor retseptida faqat bitta giyohvandlik vositasi yozilishi va miqdori yetti kunlik ehtiyojdan oshmasligi lozim. Retseptlar dorixonadagi maxsus xonada besh yil davomida muhrlangan holda saqlanadi.

Giyohvandlik vositalari...

29-yanvar kuni Hukumat qarori bilan iste’mol va texnik etil spirti hamda alkogol mahsulotlarini ishlab chiqarish, saqlash va sotish tartibini belgilovchi nizom tasdiqlandi.

Unga koʻra, iste’mol va texnik etil spirti hamda alkogol mahsulotlarini ishlab chiqarish, hisobga olish va nazorat qilish, shuningdek, ularni saqlash, tashish va ulgurji sotish jarayonlari yoʻnaltiriladi. Spirtli mahsulotlarni ishlab chiqaruvchi subyektlar barcha ishlab chiqarish bosqichlarida mikrobiologik, fizik-kimyoviy va texnologik nazoratni amalga oshirishlari shart.

Shu bilan birga, chet elda ishlab chiqarilgan iste’mol yoki texnik etil spirtidan alkogol mahsulotlarini tayyorlash taqiqlanadi. Bundan tashqari, ishlab chiqarish jarayonidan tayyor mahsulotlarni saqlash va sotishgacha boʻlgan barcha bosqichlar texnik reglamentlarga toʻliq mos boʻlishi...

Kolumbiya okrugi sudyasi Donald Tramp ma’muriyatining federal grantlar va moliyaviy yordam dasturlarini muzlatish haqidagi qarorini 3-fevralgacha toʻxtatdi, deya xabar berdi CBS News.

Sudya Loren Alixonning soʻzlariga koʻra, bu qaror notijorat tashkilotlarning Oq uyga qarshi da’volarini koʻrib chiqayotgan paytda «status-kvoni saqlab qolish» uchun qabul qilingan.

Tramp ma’muriyatining qaroriga koʻra, barcha federal moliyaviy yordam dasturlari prezident siyosatiga mosligini qayta koʻrib chiqish talab etilgan. Bunga «xilma-xillik va inklyuzivlik» dasturlari ham kiradi, biroq Medicare va ijtimoiy ta’minot imtiyozlari bundan mustasno.

Demokratlar yetakchisi Chak Shumer ushbu qarorni konstitutsiyaga zid va noqonuniy deb qoraladi. Bundan tashqari, 22 shtat va Kolumbiya okrugi bosh prokurorlari qarorga qarshi...

Samsung’ning yangi Galaxy S25 liniyasi orasida eng yuqori talab Galaxy S25 Ultra modeliga bo‘lib, Koreyaning SK Telecom operatori ma’lumotlariga ko‘ra, ushbu qurilma uchun oldindan berilgan buyurtmalar barcha qurilmalarning 60 – 70 foizini tashkil qilmoqda. Bu ko‘rsatkich Galaxy S25 va Galaxy S25 Plus modellari bilan solishtirganda sezilarli ustunlikni ko‘rsatadi. Bu haqda ETNews nashri ma’lum qildi.

Galaxy S25 Ultra uchun «titan qora» va «titan oq-kumush» ranglari eng ommabop hisoblanmoqda, Galaxy S25 modelining esa ko‘k va kumush ranglari katta talabga ega.

SK Telecom Galaxy S25 liniyasi bo‘yicha oldindan buyurtma savdolarini baholab, Galaxy S24 liniyasidagi ko‘rsatkichlar bilan deyarli bir xil darajada ekanini ma’lum...

AQSh Federal zaxira tizimi (Fed) yanvar oyidagi ikki kunlik yig‘ilishida asosiy stavkasini 4,25 – 4,5% darajasida saqlab qoldi. Bu qaror uch marta ketma-ket qisqartirishdan so‘ng amalga oshirildi. Bu haqda RBK nashri ma’lum qildi.

Fed iqtisodiy faollikning kuchli sur’atlarda davom etayotgani, ishsizlik darajasining barqaror past bo‘lib qolayotgani va inflyatsiyaning yuqori darajada saqlanayotgani sababli bu qarorga keldi.

Regulyator maksimal bandlikka erishish va inflyatsiyani 2% darajasiga qaytarish maqsadida o‘z siyosatini ehtiyotkorlik bilan davom ettirishini ma’lum qildi. Keyingi qarorlar kiruvchi ma’lumotlar va iqtisodiy rivojlanish istiqbollariga asoslanadi.

Federal zaxira tizimi raisi Jerom Pauell matbuot anjumanida stavkalar hozirda kam cheklovchi darajada ekanini va bu...

Yandex Go ilovasida Toshkent shahri uchun moʻljallangan Joylar xizmati ishga tushdi. Bu haqda Kursiv Uzbekistanʼga kompaniya ma’lum qildi.

Ta’kidlanishicha, bu xizmat foydalanuvchilarga restoranlar, doʻkonlar, goʻzallik salonlari, sport va koʻngilochar maskanlarni qulay izlash, baholash va ularga buyurtma berish imkonini taqdim etadi.

Xizmatda tashkilotlarni toifalar boʻyicha saralash, ularning reytingi, ish vaqti va wi-fi mavjudligi boʻyicha filtrlash mumkin. Shuningdek, taniqli joylar tanlovi ham mavjud boʻlib, foydalanuvchilar yangi maskanlarni kashf etishi mumkin.

Tashkilot profilida rasmlar, foydalanuvchi baholari va sharhlar aks etadi. Shundan soʻng xizmatga yozilish yoki administrator bilan bogʻlanish, hatto ilovadan chiqmasdan taksi chaqirish imkoniyati mavjud.

Hozircha xizmat faqat Toshkentda mavjud, kelgusida esa Oʻzbekistonning...

AQShdan 1,4 mln.ga yaqin muhojir deportatsiya qilinishi rejalashtirilmoqda, ulardan mingga yaqini o‘zbekistonlik. Bu haqda AQShning Immigratsiya va bojxona nazorati xizmati Fox News telekanaliga ma’lum qildi.

Hisob-kitoblarga ko‘ra, deportatsiya ro‘yxatiga 975 nafar O‘zbekiston fuqarosi kiritilgan.

Shuningdek, 369 nafar Qozog‘iston, 149 nafar Tojikiston va 319 nafar Qirg‘iziston fuqarolari ham ushbu ro‘yxatga tushgan. Bundan tashqari, 337 nafar sobiq SSSR fuqarolari ham deportatsiya qilinishi kutilmoqda.

Qaysi davlatlarning fuqarolari deportatsiya qilinmoqda

Ma’lumot uchun, deportatsiya ro‘yxatida raqamlar bo‘yicha «yetakchi» davlat Gonduras bo‘lib, uning 261,6 ming aholisi ushbu ro‘yxatdan joy olgan.

Eslatib o‘tamiz, avvalroq AQSh Falastinni qo‘llab-quvvatlagan namoyishchi talabalarni deportatsiya qilinishi bo‘yicha farmon...

Alibaba chorshanba kuni yangi AI modelini taqdim etdi. Qwen 2.5-Max DeepSeek-V3 dan o‘zib ketdi. Bu versiya GPT-4o va Llama-3.1-405B ga ham raqobatlashadi.

Qwen 2.5-Max ning chiqish vaqti noodatiy edi. Uni Oy Yangi yilining birinchi kunida taqdim etish, Xitoyda dam olish kunlariga to‘g‘ri keldi. Bu vaqtni tanlash DeepSeek’ning tez rivojlanishiga javob sifatida qabul qilindi.

Alibabaga ko‘ra, Qwen 2.5-Max deyarli barcha global yetakchi modellardan yuqoriroq. OpenAI va Meta kabi gigantlarning eng ilg‘or modellaridan ham ustunlik ko‘rsatadi.

Qwen sun’iy intellekti yaratgan rasm

DeepSeek-V3 10-yanvarda chiqdi. R1 modeli esa 20-yanvarda taqdim etildi. Bu ikki chiqish Silikon vodiysini hayratga solgan edi. Ammo investorlar...

Federal aviatsiya ma’muriyati (FAA) ma’lumotiga koʻra, PSA Airlines aviakompaniyasining CRJ700 yoʻlovchi samolyoti Vashingtonga qoʻnish chogʻida Sikorsky H-60 vertolyoti bilan toʻqnashdi. Samolyot American Airlines reysi boʻlib, u Kanzas shtatining Vichita shahridan yoʻlga chiqqan bo‘lgan.

Hodisa sodir boʻlgach aeroport barcha reyslarni vaqtincha toʻxtatdi. Favqulodda xizmatlar voqea joyida ish olib bormoqda. Milliy transport xavfsizligi boshqarmasi qoʻshimcha ma’lumotlarni yigʻmoqda. American Airlines veb-saytiga ko‘ra, samolyot 65 nafargacha yo‘lovchini sig‘dira oladi.

Associated Press xabariga koʻra, fojia mahalliy vaqt bilan 20:48 da yuz bergan. Kuzatuv kameralarida havoda yorqin chaqnash aks etgan. Jabrlanganlar haqida ma’lumot aniqlashtirilmoqda.

Avvalroq Kursiv Uzbekistan Janubiy Koreyadagi aviahalokat yuzasidan Jeju Air tergovga tortilgani...

Ilon Mask 2025-yilgi Tinchlik bo‘yicha Nobel mukofotiga nomzod qilib ko‘rsatilganidan so‘ng unga hech qanday mukofot kerak emasligini aytdi. Bu haqda RBK nashri ma’lum qildi.

Unga ko‘ra, Maskni Yevropa Parlamenti deputati Branko Grims «so‘z erkinligini himoya qilgani» uchun mukofotga tavsiya etgan edi. Norvegiya Nobel qo‘mitasi har yili yuzlab nomzodlar orasidan g‘olibni tanlaydi, ammo Mask bu mukofotga qiziqmasligini bildirdi.

Eslatib o‘tamiz, avvalroq 2024-yilgi tinchlik bo‘yicha Nobel mukofoti kimga berilgani haqida yozgan edik.

O‘zbekiston Vazirlar Mahkamasi 2024-yil 1-mayda qaror qildi. Qarorga ko’ra, Payme yetakchi platforma deb e’tirof etildi. Bu Raqobat qo‘mitasi tomonidan tasdiqlandi.

Nizomda raqamli platformalar uchun mezonlar belgilangan. Payme barcha talablarga javob berdi. Platforma onlayn to‘lov bozorida birinchi o‘rinni egalladi.

Avvalroq Kursiv Uzbekistan TBC Bank Uzbekistan $37 million sarmoya jalb qilgani haqida xabar bergan edi.

Asad hukumati faoliyatini to‘xtatganidan keyin Suriyani qayta tiklash doirasida milliy gerb, pasport va rasmiy hujjatlar dizayni yangilanmoqda. Ushbu tashabbus brending va marketing bo‘yicha mutaxassis Muhammad Selvaye boshchiligidagi 50 nafar ko‘ngillidan iborat guruhga topshirildi.

Loyiha Facebookʼdagi «Suriyaga yangi oʻziga xoslik kerak» degan post ortidan boshlangan boʻlib, hukumat bu tashabbusni qoʻllab-quvvatladi. Dizaynerlarning maqsadi faqat tashqi koʻrinishni yangilash emas, balki mamlakatning tarixiy merosi va milliy qadriyatlarini aks ettirishdir.

Jamoa tarkibida tarixchilar, tadqiqotchilar va olimlar ham bor. Ular 3-4 oy ichida loyihani yakunlashni rejalashtirmoqda. Maxfiylikni ta’minlash maqsadida ishtirokchilar maxsus kelishuv imzolagan.

Selvayening ta’kidlashicha, bu jarayon Suriyaga yangi oʻziga xoslik berish va xalqaro...

Suriyaning amaldagi rahbari, sobiq al-Qoida a’zosi Ahmad al-Sharo‘o o‘tish davri uchun prezident etib tayinlandi va Suriyaning konstitutsiyasi to‘xtatildi. Bu haqda CNN axborot agentligi ma’lum qildi.

Unga ko‘ra, u o‘tish davrida Suriya Arab Respublikasining prezidentlik vazifalarini bajarib, xalqaro maydonda mamlakatni himoya qiladi.

Ma’lumot uchun, Al-Sharo‘o 2011-yilda Bashar al-Asad rejimiga qarshi harbiy hujumni boshqargan va shundan so‘ng Hay’at Tahrir al-Sham (HTS) guruhini tashkil qilgan. Endi uning vazifasi o‘n yildan ortiq davom etgan fuqarolik urushidan so‘ng Suriyani tiklashdir.

Sharo‘o, shuningdek, vaqtinchalik qonun chiqaruvchi kengash tuzish va yangi konstitutsiya qabul qilinmaguncha o‘tish davrini boshqarish vakolatiga ega. Mamlakatning konstitutsiyasi to‘xtatilib, parlament va Baas partiyasi...

AQSh prezidenti Donald Tramp Falastinni qo‘llab-quvvatlovchi namoyishlarda qatnashgan xorijlik talabalarni deportatsiya qilish va ularning vizalarini bekor qilish haqida farmon imzoladi. Bu haqda Reuters axborot agentligi ma’lum qildi.

Unga ko‘ra, hujjatda antisemitizmning oldini olishga qaratilgan choralar ko‘zda tutilgan bo‘lib, Adliya vazirligi «amerikalik yahudiylarga qarshi jinoyatlarga» qarshi keskin choralar ko‘rishi aytilgan.

Tramp farmonida «pro-jihod» namoyishlarida qatnashgan muhojirlarni 2025-yilda deportatsiya qilish rejalashtirilgani qayd etilgan. Huquq tashkilotlari bunday qaror konstitutsiyaviy so‘z erkinligini buzishi mumkinligini ta’kidlamoqda. Amerika – Islom Aloqalar Kengashi esa agar farmon amalga oshirilsa, unga qarshi sudga murojaat qilishini bildirdi.

Falastinni qo‘llab-quvvatlovchi namoyishchilar esa Hamasni emas, balki Isroilning G‘azodagi harbiy hujumlarini tanqid...