Yangiliklar

O‘zbekiston Respublikasi valyuta birjasi (UZCE) ma’lumotlariga ko‘ra, 5-iyun kuni dollar kursi 54,29 so‘mga pasayib, 12 777,52 so‘m etib belgilandi.

Shuningdek, Markaziy bank ma’lumotlariga ko‘ra, yevro 15,80 so‘mga tushib, 14 590,65 so‘mni, rubl esa 2,21 so‘mga oshib, 161,54 so‘mni tashkil qildi.

Banklardagi eng maqbul kurslar

«Pultop» kanali ma’lum qilishicha, 5-iyun kuni dollarning maqbul kurslari quyidagi banklarda kuzatilgan:

Banklarga sotish (USD – UZS):

Banklardan sotib olish (UZS – USD):

Osiyo taraqqiyot banki (OTB) Qirg‘izistonda qurilishi rejalashtirilgan Qambarota GES-1 loyihasining birinchi bosqichi uchun $130 – $150 mln ajratishni ko‘rib chiqmoqda. Bu haqda Qirg‘iziston Energetika vazirligi moliyaviy institut rahbariyati bilan o‘tkazilgan muzokaralar yakunida xabar berdi.

Vazirlik ma’lumotiga ko‘ra, OTB loyiha uchun moliyaviy, ekspert va texnik ko‘mak ko‘rsatishda muhim rol o‘ynashi mumkin.

Uchrashuv davomida tomonlar investitsiyaviy hamkorlik shartlarini va loyihaga boshqa potentsial ishtirokchi – Jahon banki (JB) bilan moliyalashtirish bosqichlarini muvofiqlashtirish masalalarini muhokama qilishdi.

Qirg‘iziston Energetika vazirligi vakillari elektr stansiyani barpo etish katta investitsiyalar va ishonchli hamkorlarning ishtirokini talab qilishini ta’kidladi. JB va Yevroosiyo taraqqiyot banki (YeTB) har biri $500 mln...

O‘zbekiston futbol bo‘yicha milliy terma jamoasi bosh murabbiyi Timur Kapadze matbuot anjumanida BAA terma jamoasi bo‘yicha puxta tahlil o‘tkazilganini va jamoa bu o‘yinda, albatta, g‘alaba qozonishi shartligini ta’kidladi.

Avvalroq milliy terma jamoa futbolchisi Abbosbek Fayzullayev BAAga qarshi bahs oldidan jamoa a’zolari jangovar ruhda ekanini bildirgan edi. Shuningdek, jamoaga «Roma» va «Manchester Siti» futbolchilari – Eldor Shomurodov va Abduqodir Xusanov qo‘shilib, safni mustahkamladi.

Jamoaning tayyorgarligi jarayoniga Rossiyaning CSKA klubi tibbiyot mutaxassislari ham jalb qilindi. Ushbu klub yaqinda Rossiya Kubogi g‘olibiga aylangan edi.

O‘zbekiston – BAA uchrashuvi 5-iyun kuni Abu-Dabida, Jahon chempionati saralash bosqichi doirasida bo‘lib o‘tadi. Navbatdagi...

Numbeo portali dunyodagi 123 ta davlatdan olingan ma’lumotlarga asoslanib, kommunal to‘lovlar eng arzon va eng qimmat bo‘lgan mamlakatlar reytingini e’lon qildi. Bu global ro‘yxatda O‘zbekiston kommunal to‘lovlari eng arzon davlatlar qatoridan joy oldi.

Global reytingga ko‘ra, respublika 109-o‘rinda turibdi. 85 kvadrat metrli xonadon uchun o‘rtacha oylik kommunal xizmat to‘lovi $41,42 (530 ming so‘mni) tashkil qilgan. Bu ko‘rsatkich reyting yetakchisi – Avstriyadagi narxlardan ($377) taxminan 9,1 barobar arzon.

Rossiya 53-o‘rinda joylashgan. Rossiyaliklar o‘rtacha oyiga $120,4 to‘lashadi. Bu O‘zbekistonga nisbatan qariyb 3 barobar ko‘proq, lekin G‘arbiy Yevropa davlatlarining o‘rtacha ko‘rsatkichlaridan 30% arzonroq.

Reytingda Markaziy Osiyo davlatlari orasida Qirg‘iziston eng past o‘rinni egallagan...

1-avgustdan boshlab Hindistonning yirik loukoster aviakompaniyasi IndiGo Toshkentga to‘g‘ridan to‘g‘ri muntazam aviaqatnovlarni boshlaydi. Bu haqda Uzbekistan Airports xabar berdi.

Reyslar haftasiga to‘rt marta — dushanba, chorshanba, juma va yakshanba kunlari Airbus A320 samolyotlarida amalga oshiriladi.

IndiGo — bosh qarorgohi Gurgaon shahrida joylashgan Hindistonning eng yirik xususiy aviatashuvchisi bo‘lib, qatnovlar soni va samolyotlar parki bo‘yicha mamlakatda yetakchilik qiladi. Aviakompaniya 2023-yil sentabrdan boshlab Dehli – Toshkent – Dehli yo‘nalishida ham muntazam qatnovlarni amalga oshirib kelmoqda.

Avvalroq Kursiv Uzbekistan IndiGO aviakompaniyasi Pokiston hind aviakompaniyalari uchun havo hududini yopgani sababli Dehlidan Toshkentga parvozlarni 7-mayga qadar to‘xtatgani haqida yozgandi.

6–7-iyun kunlari respublikaga nisbatan salqin va nam havo kirib kelishi kutilmoqda. Bu haqda «O‘zgidromet» xabar berdi.

6-iyun kuni Qoraqalpog‘iston Respublikasi, Xorazm, Buxoro, Navoiy, Samarqand, Qashqadaryo viloyatlarida ayrim joylarda yomg‘ir yog‘ishi va momaqaldiroq ehtimoli mavjud.

7-iyun kuni esa Toshkent, Surxondaryo va Farg‘ona vodiysi viloyatlarida yog‘ingarchilik bo‘lishi mumkin.

Harorat 6-iyunda 28–33 darajaga, yomg‘ir paytida 25–27 darajagacha, 7-iyunda esa markaziy va sharqiy viloyatlarda 28–33 darajagacha pasayadi.

8-iyun kuni yog‘ingarchilik kutilmaydi, havo 2–3 darajaga ko‘tariladi.

Avvalroq Kursiv Uzbekistan Qurbon hayiti kuni Toshkent metropoliteni bepul xizmat ko‘rsatishi haqida yozgandi.

«SSKA» jamoasida to‘p surayotgan o‘zbekistonlik Abbosbek Fayzullayev Rossiya Premer-ligasining (RPL) eng qimmat futbolchilari ro‘yxatiga kirdi. Bu haqda Transfermarkt xabar bermoqda.

Fayzullayevning bozor qiymati shu yilning iyun oyi boshida 8 mln yevroni tashkil qilgandi. Eng qimmat futbolchilar reytingida futbolchining jamoadoshlari – Villian Rocha, Igor Diveev, Matvey Kislyak ham joy oldi.

Bundan tashqari, Fayzullayev 5 iyun kuni bo‘lib o‘tadigan BAAga qarshi o‘yinda ishtirok etish uchun O‘zbekiston milliy terma jamoasiga chaqirilgan. Futbolchining so‘zlariga ko‘ra, uning jamoadoshlari jangovar kayfiyatda.

Eslatib o‘tamiz, Kursiv Uzbekistan nashri bugun O‘zbekiston Jahon chempionati yo‘llanmasini qo‘lga kiritishi mumkinligi haqida yozgan edi.

Yaponiyaning BestCarWeb nashriga ko‘ra, Toyota Harrier ikki yildan so‘ng to‘liq yangilanadi. Bu krossover 2027-yilda sotuvga chiqadi va u butunlay yangi motor bilan jihozlanadi.

Ushbu harakatlantiruvchi tizim 1,5 litrli turbomotor asosida yaratiladi. Model kupe-uslubidagi krossover dizaynida va mutlaqo yangi gibrid tizimga ega bo‘ladi.

Dastlab yangi Harrier 2026-yilda taqdim etilishi rejalashtirilgan edi, biroq sertifikatlash bilan bog‘liq mojaro sabab muddat kechiktirildi.

Yangi dizayn va texnologiyalar

Eng asosiy yangiliklardan biri – Harrier’ning tashqi ko‘rinishi. Endi u kupe-krossover shaklida bo‘ladi. Avtomobil o‘lchamlari: 4750x1860x1550 mm, g‘ildiraklar bazasi – 2270 mm. Bu hozirgi modelga qaraganda 80 mm.ga uzunroq, bu esa orqa o‘rindiqdagi yo‘lovchilar...

Ertaga, 6-iyun Qurbon hayiti bayrami munosabati bilan Toshkent metropoliteni soat 03:00 dan 10:00 ga qadar yo‘lovchilarga bepul xizmat ko‘rsatadi. Bu haqda metropoliten matbuot xizmati xabar berdi.

Shuningdek, metro bayram kuni odatdagidan ikki soat oldin, ya’ni tonggi soat 03:00 dan ishlay boshlaydi.

Belgilangan boshqa dam olish kunlarida quyidagicha tartibda harakatlanadi:

Avvalroq Kursiv Uzbekistan Hayit kuni Toshkentda masjidlar yonidagi yo‘llar yopilishi haqida yozgandi.

Kia Yevropada dizayni, interyeri va texnik xususiyatlarida sezilarli o‘zgarishlarga uchragan qayta tiklangan KIA Sportage 2025 krossoverini taqdim etdi. Bu haqda «Avtopotok» xabar bermoqda.

Yangi Sportage qisqaroq g‘ildirak bazasi (2680 mm) va 4540 mm uzunlikka ega. Tashqi ko‘rinishida LED fonarlar, yangi bamper va panjara o‘zgarishlari bor. Mashina 17, 18 yoki 19 dyuymli disklar bilan taqdim etiladi. Salon raqamli panel, multimedia ekran va yangi rul bilan jihozlangan. Shuningdek, proyeksion displey, simsiz quvvatlash va ergonomika yaxshilangan.

Bazaviy dvigatel – 1,6 litrli T-GDI (150 yoki 180 ot kuchi) va yumshoq gibrid tizimi. Gibrid (239 ot kuchi) va plagin-gibrid (288 ot kuchi) variantlari ham mavjud...

Jennifer Lopesning Toshkentdagi konserti 7-avgust kuni «Milliy» (sobiq «Bunyodkor») stadionida bo‘lib o‘tadi. Ushbu konsert uchun chiptalar bugun, 5-iyundan onlayn savdoga chiqarildi.

Chiptalar narxlari quyidagicha:

Ushbu tadbir uchun xarid qilingan chiptalar qaytarilmaydi va almashtirilmaydi. Tashkilotchilar xavfsizlikni ta’minlash va firibgarlikning oldini olish maqsadida chiptalarni faqat iticket.uz mobil ilovasi orqali sotib olishni tavsiya etmoqda. QR-kodli chiptalar konsert boshlanishidan 24 soat oldin faollashtiriladi.

Lopes, shuningdek...

Transport vazirligi hamda Savdo-sanoat palatasi hamkorligida O‘zbekiston – Qirg‘iziston – Xitoy – Mo‘g‘uliston koridori bo‘ylab birinchi pilot yuk tashuvi amalga oshirildi. Bu haqda vazirlik matbuot xizmati xabar berdi.

Yangi yo‘nalish orqali eksport-import yuklari hajmini oshirish, savdo aloqalari geografiyasini kengaytirish va tovarlarni yetkazib berish muddatlarini qisqartirish mumkin bo‘ladi.

Avvalroq Kursiv Uzbekistan 21-may kuni Xitoyning eng yirik portlaridan biri hisoblangan Tyanjin portidan O‘zbekistonga birinchi yuk poyezdi yo‘lga chiqqani haqida yozgandi.

Yangi ochilgan Tyanjin – Toshkent temir yo‘l yo‘lagi esa yuk tashish masofasini 800 km.ga qisqartirib, yetkazib berish muddatini kamaytiradi. Shuningdek, transport xarajatlarini sezilarli darajada pasaytiradi.

GAC Aion 2025 yilgi Aion Y Plus avtomobili rasman sotuvga chiqarildi. Bu haqda CarNewsChina nashri xabar bermoqda.

Yangi qator to‘rtta modeldan iborat bo‘lib, narxi 99 800 dan 123 800 yuangacha ($13 760 dan $17 070 gacha) o‘zgarib turadi. E’tiborga molik jihati, tashqi o‘zgarishlardan biri bu qayta ishlangan orqa chiroqlar klasteri bo‘lib, u endi brend logotipini o‘z markazida yorqin uslubda birlashtirgan. Avtomobil o‘zining keng o‘lchamlarini saqlab qoladi, uzunligi 4535 mm, kengligi 1870 mm va balandligi 1650 mm, g‘ildirak bazasi 2750 mm.ni tashkil etadi.

Avtomobilning ma’lumot-ko‘ngilochar tizimi foydalanuvchi tajribasini oshirib, foydalanuvchi interfeysini yangiladi. Endi u Carlink/Hicar o‘zaro ulanishini qo‘llab-quvvatlaydi, bu esa...

6-iyun kuni Toshkent shahridagi 122 ta masjidda hayit namozi o‘qiladi. Bu haqda IIB YHXB xabar bermoqda.

Namozni yuqori saviyada tashkil etish, tartibni ta’minlash, fuqarolar uchun zarur shart-sharoitlarni yaratish va ularning xavfsizligini ta’minlash maqsadida 6 iyun kuni soat 00:00 dan 08:00 ga qadar poytaxtning quyidagi ko‘chalarida transport harakati vaqtincha cheklanadi:

▪️ Mirzo Ulug‘bek tumani – Buyuk Ipak yo‘li ko‘chasi «To‘ra buva» masjidi oldidan – Sho‘rtepa ko‘chasidan Sultoniya ko‘chasigacha.

▪️ Bektemir tumani – Bektemirshoh ko‘chasi «Xo‘ton» masjidi oldidan – Husayn Boyqaro ko‘chasidan Bektemir yo‘li ko‘chasigacha.

▪️ Olmazor tumani – XAY ko‘chasi Islomobod masjidi oldidan – Sag‘bon ko‘chasi bilan chorrahadan Nurafshon ko‘chasi...

2025-yilning aprel oyi boshlariga kelib, Samarqand viloyatida 19 nafar hokim yordamchisi jinoiy javobgarlikka tortilgan. Bu haqda Korrupsiyaga qarshi kurashish hududiy kengashining navbatdagi yig‘ilishida ma’lumot berildi.

Shuningdek, yana 25 nafar hokim yordamchisi tadbirkorlik faoliyati bilan shug‘ullangan. Amaldagi qonunchilikka ko‘ra, davlat xizmatchilariga tadbirkorlik bilan shug‘ullanish yoki kompaniya egasi bo‘lish taqiqlangan.

Joriy yilning yanvar – mart oylarida viloyatda 80 dan ortiq hokim yordamchilariga intizomiy, ma’muriy va jinoyat ishlari qo‘zg‘atilgan. Eng ko‘p huquqbuzarlik holatlari Samarqand shahri, Urgut, Ishtixon va boshqa tumanlarda qayd etilgan.

2024-yilgi korrupsiya darajasini aks ettiruvchi xalqaro reytingda O‘zbekiston 32 ball bilan 121-o‘rinni egallagan (2023-yilda bu ko‘rsatkich 33 ball bo‘lib, mamlakat...

2024 va 2025-yilning yanvar – aprel oylarida O‘zbekiston importida yetakchi davlatlar ro‘yxatida ayrim o‘zgarishlar kuzatildi. Biroq ikkala yilda ham Xitoy, Rossiya va Qozog‘iston O‘zbekistonning asosiy import hamkorlari bo‘lib qolmoqda, deya ma’lum qildi Milliy statistika qo‘mitasi.

Unga ko‘ra, 2024-yilda Xitoydan olib kirilgan mahsulotlar qiymati $3,3 mlrdni tashkil etgan bo‘lsa, 2025-yilning shu davrida bu ko‘rsatkich $3,6 mlrdga yetdi. Rossiya importdagi ulushini $2,8 mlrddan $2,5 mlrdga kamaytirgan bo‘lsa, Qozog‘iston esa $841 mlndan $986,8 mlnga o‘sdi.

Boshqa davlatlar o‘rnida ham farqlar mavjud. Masalan, 2024-yilda Koreya $682 mln bilan yuqori o‘rinda turgan bo‘lsa, 2025-yilda uning ulushi $569,6 mlnga tushgan. Turkiya va Germaniya ham import...

AQSh prezidenti Donald Tramp 12 mamlakat fuqarolarining AQShga kirishini taqiqlovchi farmonni imzoladi.

Unga ko‘ra, mazkur mamlakatlar qatoriga Afg‘oniston, Myanma, Eron, Liviya, Somali, Sudan, Yaman, Chad, Kongo, Ekvatorial Gvineya, Eritreya va Gaiti kiradi. Shuningdek, Burundi, Kuba, Laos, Sierra-Leone, Togo, Turkmaniston va Venesuela fuqarolarining kirishi qisman cheklanishi ko‘zda tutilgan.

Bu farmon Trampning birinchi muddatidagi musulmon mamlakatlariga taqiq siyosatining davomidir, ammo sobiq prezident Jo Bayden uni bekor qilgan edi. Tramp yangi qarorida mamlakatlarda terrorchilar mavjudligi, vizalar xavfsizligi sohasidagi hamkorlikning yetishmasligi va sayohatchilarni tekshirishdagi muammolarni asos qilib ko‘rsatdi.

Somali hukumati AQSh bilan xavfsizlik masalalarida hamkorlik qilishga tayyorligini bildirdi, Venesuela esa AQShni tanqid...

Bugun, 5-iyun kuni barcha xodimlar ish vaqtidan bir soat oldin ketish huquqiga ega. Ertaga 6-iyun respublika bo‘ylab Qurbon hayiti bayrami nishonlanadi. Bu haqda Bandlik vazirligi xabar berdi.

Shu munosabat bilan o‘zbekistonliklar ketma-ket uch kun dam oladi. Unga ko‘ra, qo‘shimcha dam olish kunlari belgilanmagan.

Shu sababli, 6-iyun – juma bayram, 7-iyun – shanba kuni 5 va 6 kunlik ish haftasiga amal qiluvchilar uchun dam olish kuni, 8-iyun, yakshanba esa barcha uchun umumiy dam olish kuni hisoblanadi.

Mehnat kodeksining 187-moddasiga ko‘ra, bayram kunlari arafasida har kunlik ishning davomiyligi barcha xodimlar uchun kamida bir soatga qisqartiriladi.

Bayramdan oldingi kuni ishning davomiyligini qisqartirish...

O‘zbekiston Bojxona qo‘mitasi «Navoiy» – «Kaplanbek» nazorat-o‘tkazish punktida yuzaga kelgan tirbandliklar bartaraf etilganini ma’lum qildi.

Qo‘mita matbuot xizmati 4-iyun kuni kechqurun chegara holatini aks ettirgan suratni ham e’lon qildi.

Avvalroq Kursiv Uzbekistan «Navoiy» chegara bojxona posti orqali harakatlar soni keskin ko‘paygani va uni bartaraf etish uchun qo‘shimcha kuchlar safarbar qilingani haqida yozgandi.

Keyinchalik Bojxona qo‘mitasi axborot xizmati rahbari Husan Tangriyev hayit bayrami kunlari bu raqamlar yanada ortishini bildirgandi. Muammoni hal qilish maqsadida esa idora nazorat-o‘tkazish punktiga yuzdan ortiq xodimlar yuborilgan.

Bundan tashqari, O‘zbekiston va Qozog‘iston chegara bojxona xizmatlari mas’ullari sayyor uchrashuv o‘tkazib, chegaradagi tirbandliklarni bartaraf etish bo‘yicha chora-tadbirlarni...

«Turk Sunlight» kurortida 15 nafar Rossiya fuqarosi Koksaki virusini yuqtirib olgani aytilmoqda. Bu haqda Rossiyaning bir nechta OAV xabar berdi.

Biroq Turkiya Sog‘liqni saqlash vazirligi bu ma’lumotni rad etib, rossiyaliklar orasida kasallik tarqalishi haqidagi ma’lumotlar haqiqatga mos kelmasligini ta’kidladi.

Shu bilan birga, «Rospotrebnadzor»ning sobiq rahbari, Rossiya Fanlar akademiyasi akademigi Gennadiy Onishchenko TASS bilan suhbatda yuzaga kelishi mumkin bo‘lgan xavf-xatarlardan qochish uchun rossiyaliklarga hozircha Turkiyada dam olishdan voz kechishni tavsiya qilgan.

Eslatib o‘tamiz, Kursiv Uzbekistan nashri Zambiya vaboga qarshi keng qamrovli emlash kampaniyasini boshlagani haqida yozgan edi.

5-iyun kuni soat 06:27 da Olmazor tumanidagi 4-Farobiy ko‘chasida joylashgan xususiy uylardan birida yong‘in sodir bo‘ldi. Bu haqda Favqulodda vaziyatlar vazirligi (FVV) xabar bermoqda.

FVVning ma’lum qilishicha, voqea joyiga soat 06:32 da o‘t o‘chirish xizmati yetib kelgan.

Yong‘in FVVning to‘liq nazorati ostida. Hodisa oqibatida qurbonlar haqida ma’lumot yo‘q.

Yong‘in soat 07:34 da to‘liq o‘chirilgan. Hududdagi xususiy uylar bir-biriga yaqin joylashgani sababli yong‘in natijasida to‘rtta uy zarar ko‘rgan.

Yong‘in natijasida halok bo‘lganlar yo‘q.

Eslatib o‘tamiz, Kursiv Uzbekistan Toshkentdagi sanoat zonasida kuchli yong‘in sodir bo‘lgani haqida yozgan edi.

Vivo X Fold5 o‘zining yupqa dizayni bilan hatto Apple iPhone 16 Pro Max bilan taqqoslaganda ham ajralib turadi. Bu haqda GSM Arena nashri ma’lum qildi.

Taqqoslashda nimalar ayon bo‘ldi

• iPhone 16 Pro Max’ning qalinligi – 8,3 mm
• X Fold3’ning buklangan holatdagi qalinligi – 10,2 mm
• X Fold5 – Fold3’dan ham yupqaroq va yengilroq, yig‘ilgan holatda iPhone’dan bir oz qalinroq, lekin yoyilgan holatda undan yupqaroq bo‘lishi kutilmoqda.

VIVO brendi ushbu tafovutni ko‘rsatish uchun X Fold5’ni iPhone 16 Pro Max yonida – yig‘ilgan va yoyilgan holatlarda ko‘rsatgan rasmni ommaga havola qildi. Bu yangi avlod buklama qurilmalarida muhim burilish bo‘lishi mumkin.

2025/2026-o‘quv yili uchun oliy va kasbiy ta’lim muassasalariga qabul jarayonlari 5-iyundan boshlandi. Bu haqda Oliy ta’lim, fan va innovatsiyalar vazirligi ma’lum qildi.

Prezident farmoniga muvofiq, oliy ta’lim muassasalarining bakalavriat ta’lim yo‘nalishlariga qabul «avval test, so‘ng tanlov» tamoyili asosida ikki bosqichda amalga oshiriladi.

Abituriyentlar 5-iyundan 25-iyunga qadar My.uzbmb.uz platformasi orqali onlayn ro‘yxatdan o‘tadi. Ular test sinovida ishtirok etish uchun fanlar majmuasi, ta’lim tili va test topshirish hududini tanlaydi. Ijodiy yoki kasbiy imtihon talab qilinadigan yo‘nalishlar bo‘yicha esa oliygoh, ta’lim tili va hudud belgilanadi. Kirish imtihonlari iyul-avgust oylarida o‘tkaziladi va test natijalari imtihondan keyingi kun e’lon qilinadi.

Testlar to‘liq yakunlangach, abituriyentlar...

Hududlarda yirik miqdorda yer maydonlarini noqonuniy tarzda sotishga uringan bir nechta shaxslar qo‘lga olindi. Ular jami $500 mingdan ortiq mablag‘ talab qilingan, deya xabar bermoqda DXX matbuot xizmati.

Unga ko‘ra, Xiva shahrida faoliyat yurituvchi MChJ rahbari 19,9 gektar yer maydonini go‘yoki 30 gektar deb ko‘rsatib, uni mansabdor tanishlari yordamida rasmiylashtirib berish evaziga $180 ming so‘ragan. Tezkor tadbir davomida u ushbu pulni olayotganida ushlandi.

Qo‘qon shahrida esa Kadastr agentligi inspektori fermer xo‘jaligiga yer ajratilishida «yordam» evaziga $150 ming talab qilgan. U ham pulni olayotgan vaqtda qo‘lga olindi.

Toshkent viloyatida esa ilgari sudlangan fuqaro 2 gektar o‘rmon fondi yeri bilan birga...