Yangiliklar

Prezident Shavkat Mirziyoyev boshchiligida 31-avgust – Qatag‘on qurbonlarini yod etish kuni munosabat bilan Shahidlar xotirasi xiyobonida Qur’on tilovat qilindi va elga osh berish marosimi tashkil etildi. Bu haqda davlat rahbari matbuot xizmati ma’lum qildi.

Shavkat Mirziyoyev joylardagi qatag‘on qurbonlarini aniqlash, bu borada tadqiqotlarni kengaytirish bo‘yicha ko‘rsatmalar bergan edi. 

Prezident o‘z so‘zida oktabr oyining birinchi haftasini Siyosiy qatag‘on qurbonlarini yod etish haftaligi sifatida nishonlanishi haqida ta’kidladi. Bu vaqtning tanlanishiga 1938 yil 4–16-oktabr kunlari 507 nafar o‘zbekistonlik siyosiy mahbus ustidan hukm o‘qilgani sabab qilib keltirildi.

Qarorga muvofiq, ushbu haftalik davomida mamlakat bo‘ylab uchrashuvlar, ko‘rgazma, tanlovlar va shu mavzudagi kino namoyishlari o‘tkazilishi...

Universalbank «Sarmoya 25» omonat turi reklamasidagi qonunchilik buzilish holati yuzasidan jarimaga tortildi. Bu haqda Raqobat qo‘mitasi matbuot xizmati ma’lum qildi.

Unga ko‘ra, «Sarmoya 25» omonat turning yillik foiz stavkasi 25 % deyilgan axborot e’lon qilingan. Ammo ushbu omonat shartlarida 18 oyga yillik 22 % stavka ekanligi, foizlar har oyda toʻlanishi va kapitalizatsiya qilinmasligi keltirilgan. Shuningdek, omonat muddati, omonat kiritishning eng kam miqdori va boshqa muhim ma’lumotlar ham taqdim etilmagan.

Shularni hisobga olib, Universalbank’ga nisbatan ish qoʻzgʻatildi va moliyaviy jarima chorasi qoʻllanildi.

Eslatib o‘tamiz, avvalroq «Ipak yo‘li» banki jarimaga tortilgan edi.

Xitoyning elektromobil ishlab chiqaruvchi BYD kompaniyasi ichki bozordagi kichikroq kompaniyalarni siqib chiqargan holda o‘z mavqeini mustahkamlashda davom etmoqda. Bu haqda Bloomberg axborot agentligi xabar berdi.

Unga ko‘ra, 2024-yilning ikkinchi choragida kompaniya daromadi 33 foizga oshib, $127 mlrdni tashkil etdi.

O‘tgan hafta Xpeng uchinchi chorakdagi daromadni Xitoyda keskin narxlar urushi sharoitida tahlilchilar kutganidan ancha past bo‘lishini bashorat qilgan edi.

Joriy yilning fevral oyida BYD o‘zining Qin Plus seriyali sedanlari narxini taxminan 2800 dollarga pasaytirdi. Bu esa boshqa ishlab chiqaruvchilarni ham shunga moslashishga majbur qildi.

Ma’lumot uchun, 2023-yilda BYD 3 mln elektromobil sotib, G‘arb avtomobil ishlab chiqaruvchilari Volkswagen va Tesla’ni ortda...

Parij shahri mezbonlik qilayotgan yozgi Paralimpiya o‘yinlarining yadro uloqtirish dasturida sportchilarimiz Qudratullaxon Ma’rufxo‘jayev hamda Tolibboy Yo‘ldoshev oltin va bronza medallarini qo‘lga kiritdi. Bu haqda Parallimpiya qo‘mitasi xabar berdi.

Unga ko‘ra, para yengil atletikaning erkaklar o‘rtasida F37 klassida yadro uloqtirish bo‘yicha final bahslarida bir yo‘nalishning o‘zida oltin va bronza medallarni delegatsiya hisobiga yozdirib qo‘ydi.

Qudratullaxon Ma’rufxo‘jayev 16.37 metr natija bilan chempion bo‘lgan bo‘lsa, 15.24 metr natija qayd etgan Tolibboy Yo‘ldoshev bronza medaliga sazovor bo‘ldi.

Eslatib o‘tamiz, avvalroq Asila Mirzayorova rekord natija bilan oltin medalni qo‘lga kiritgan edi.

O‘zbekistonda mikroqarz berish miqdori oshib bormoqda. Markaziy bank bergan ma’lumotga ko‘ra, shu yilning ilk olti oyida 18,8 trln so‘m miqdordagi mikroqarz berilgan. O‘tgan yilning shu davrida esa berilgan mikroqarzlar deyarli 13 trln so‘mni tashkil qilgan. O‘sish 5,8 trln so‘mga oshgani qayd etilgan. O‘zbekistondagi qaysi bankdan qancha va qanday muddatga garovsiz mikroqarzlar olish mumkinligi haqida Bankir Telegram sahifasi xabar berdi.

Jumladan, TBC Bank 28% dan, 36 oygacha bo‘lgan muddatga 100 mln so‘mgacha mikroqarz beriladi.

Davr Bank 33% dan, 60 oygacha muddat bilan 100 mln so‘mgacha mikroqarz berilishi haqida ma’lum qildi.

Ipoteka bank esa mikroqarzni 37,99% ga...

O‘zbekiston Mustaqilligining 33 yilligini nishonlash munosabati bilan respublikada bayramlar 3-sentabrgacha davom etadi. Shuning uchun ayrim banklar tomonidan pul o‘tkazmalari hamda valyuta ayirboshlash shoxobchalari faoliyati yo‘lga qo‘yilmoqda. Bu haqda Markaziy bank matbuot xizmati xabar berdi.

Markaziy bank tomonidan taqdim etilgan ma’lumotlarga ko‘ra, banklar bayram kunlari o‘z faoliyatini tashkil etish bo‘yicha jadvallar e’lon qilgan. Ushbu jadvallar bilan quyida havola orqali batafsil tanishib chiqishingiz mumkin:  

Agro bank;

Aziya alyans bank;

Anor bank;

Asaka bank;

Aloqa bank;

Biznesni rivojlantirish banki;

Garant bank;

Davr bank;

Infin bank;

Ipoteka bank;

Ipak yo‘li bank;

Bugun, 30-avgust kuni O‘zbekiston davlat rahbari Belarus prezidenti Aleksandr Lukashenkoni 70 yoshlik yubileyi bilan telefon orqali tabrikladi. Bu haqda Shavkat Mirziyoyev matbuot xizmati xabar beradi.

Belarus prezidenti ham O‘zbekiston xalqini yaqinlashib kelayotgan Mustaqillik bayrami bilan qutladi va osoyishtalik tiladi.

Suhbat davomida joriy yilning fevral oyida Lukashenkoning O‘zbekistonga tashrifi chog‘ida erishilgan kelishuvlar «Yo‘l xaritasi»ga muvofiq amalga oshirilgan masalalar muhokama qilindi.

Shuningdek, Natalya Kochanova boshchiligidagi Belarus delegatsiyasining yaqinda amalga oshirgan tashrifining ahamiyatliligi ta’kidlanib, sanoat kooperatsiyasi va madaniy-gumanitar almashinuvni kengaytirish bo‘yicha qo‘shma loyihalar tayyorlashni jadallashtirish zarurligi qayd etildi.

Avvalroq Kursiv Uzbekistan O‘zbekiston va Belarus ishbilarmon ayollari $4,5 millionlik shartnomalar imzolaganini yozgan

Chevrolet Onix narxi Qozog‘istonda O‘zbekistonga nisbatan ancha arzonroq. Bu haqda Autostrada.uz xabar berdi.

Qayd etilishicha, Chevrolet Onix LTZ narxlari O‘zbekiston bilan Qozog‘iston solishtirilganda o‘rtadagi farq chegirmalarsiz +$1,330 ni tashkil qiladi, ya’ni 2023-yilda ishlab chiqarilgan Onix narxi Qozog‘istonda $14,535 ni tashkil qilsa, ushbu narx O‘zbekistonda $15,865 ni qayd etgan.

Shuningdek, Onix Premier 2 narxi Qozog‘istonda $16,201 ni tashkil qilsa ushbu model O‘zbekistonda $17,427 ni ko‘rsatmoqda. O‘zbekistonda Onix Qozog‘istonga nisbatan $1,226 ga qimmatroq.

Ma’lumot uchun, joriy yilning dastlabki 6 oyligida Chevrolet Onix O‘zbekistonda 18,2 ming dona ishlab chiqarilgan. Ushbu ko‘rsatkich 2023-yilning mos davrida 13,5 ming donani tashkil qilgan, ya’ni...

2024-yilning yanvar–iyul oylarida O‘zbekistonda 611,9 ming tonna olcha sharbati ishlab chiqarildi. Bu haqda respublika Statistika agentligi xabar berdi.

Unga ko‘ra, ushbu miqdor o‘tgan yilning mos davriga nisbatan 17,9 foizga ko‘p hisoblanadi. Shu davrda mamlakatimizda alkogolli va alkogolsiz ichimliklar ishlab chiqarish hajmi 11,7 trln (o‘tgan yili 9,7 trln) so‘mga yetdi. O‘sish qariyb 20 foizni tashkil qilmoqda.

Avvalroq Kursiv Uzbekistan nashri O‘zbekistonda olma sharbati ishlab chiqarilishi haqida yozgan edi.

«Parij – 2024» yozgi Paralimpiya o‘yinlarining ikkinchi kunidayoq para yengil atletikadan rekord natija qayd etgan Asila Mirzayorova oltin medal sohibasi bo‘ldi. Bu haqda Paralimpiya qo‘mitasi ma’lum qildi.

Unga ko‘ra, Paralimpiya o‘yinlari rekordini yangilagan, para yengil atletika bo‘yicha ayollar o‘rtasida T11 klassida uzunlikka sakrash bellashuvlarida ishtirok etgan Asila Mirzayorova 5.24 metr natija qayd etdi va dunyoda tengsiz ekanligini isbotladi.

Ayni damda O‘zbekiston jahon reytingida (Toshkent vaqti bilan 16:30da) 6-o‘rinni band etmoqda.

Ma’lumot uchun, Asila Mirzayorova bundan avval «Tokio – 2020» yozgi Paralimpiya o‘yinlarida ushbu yo‘nalishda kumush medalni qo‘lga kiritgan edi.

Eslatib o‘tamiz, sal avvalroq Kubaro Hakimova Paralimpiya o‘yinlarining kumush medali...

30-avgust kuni O‘zbekiston Respublika valyuta birjasida dollarning rasmiy narxi 15,03 so‘mga ko‘tarildi va 12 640,04 so‘mni tashkil qildi.

Mamlakatdagi banklar AQSh valyutasini 12 565 – 12 610 so‘mdan xarid qilishmoqda va 12 640 – 12 710 so‘mdan sotishmoqda.

Eslatib o‘tamiz, 29-avgust kuni O‘zbekistonda AQSh valyutasi qariyb 50 so‘mga arzonlashgan edi.

Dam olish kunlarida, ya’ni 31-avgustdan 3-sentabrga qadar tibbiyot muassasalarida 40 ming shifokor aholi xizmatida bo‘ladi. Bu haqda Sog‘liqni saqlash vazirligi xabar qildi.

Unga ko‘ra, mamlakatimiz mustaqilligi munosabati bilan e’lon qilingan dam olish kunlari vaqtida 1 mingdan ortiq oilaviy poliklinika, 1,2 mingta tibbiyot punkti, shuningdek, ixtisoslashtirilgan tibbiyot markazi va boshqalar faoliyat yuritadi.

Respublika shoshilinch tibbiy yordam ilmiy markazida ham shifokorlarning kechayu kunduz navbatchilik qilish tartibi joriy etiladi.

Avvalroq Kursiv Uzbekistan O‘zbekiston aholisining yarmidan ko‘pi respublika sog‘liqni saqlash tizimidan mamnun ekani haqida yozgan edi.

Mustaqillik bayrami munosabati bilan avtobuslar qay tartibda harakatlanishiga aniqlik kiritildi. Bu haqda «Toshshahartransxizmat» AJ matbuot xizmati xabar berdi.

Ma’lum qilinishicha, «Toshshahartransxizmat» avtobus saroylari tasarrufidagi avtobuslarining yo‘nalish bo‘ylab harakatlanishi dam olish kunlari uchun tasdiqlangan jadvalda belgilangan.

Ma’lumot uchun, Mustaqillik bayrami munosabati bilan dam olish kunlari sifatida 31-avgust va 1-2-3-sentabr kunlari belgilangan.

Avvalroq Kursiv Uzbekistan Toshkentda avtobuslar tezligi soatiga 50 km gacha cheklanishi haqida xabar bergan edi.  

Parijda bo‘lib o‘tayotgan yozgi Paralimpiya o‘yinlarida para yengil atletikadan ishtirok etgan vakilimiz Kubaro Hakimova kumush medalni qo‘lga kiritdi. Bu haqda Paralimpiya qo‘mitasi ma’lum qildi.

Unga ko‘ra, F41 klassida yadro uloqtirish bo‘yicha bahslarda munosib qatnashgan Kubaro Hakimova 10.36 metr natija bilan ikkinchi o‘rinni egalladi va navbatdagi kumush medalni delegatsiyamiz hisobiga yozdirib qo‘ydi.

Ma’lumot o‘rnida uhbu yo‘nalishda qatnashgan yana bir vakilimiz Madina Muxtorova 8.10 metr natija qayd etdi va kuchli sakkizlikdan joy oldi.

Eslatib o‘tamiz, sal avvalroq para yengil atletikachimiz Asila Mirzayorova Paralimpiya o‘yinlarida rekord natija qayd etgan edi.

30 o‘tovdan iborat «Yurt Camp Sputnik Navoi» oromgohi Navoiy viloyati Konimex tumanida ishga tushirildi, deb xabar qildi O‘zbekiston Turizm qo‘mitasi matbuot markazi.

Turkompleks mamlakatimizdagi ilk safari-turizm klasteriga aylandi. Avgust oyining oxiriga kelib, bu mintaqadagi o‘tov oromgohlarini soni yettitaga yetdi. Ular 855 o‘ringa mo‘ljallangan.

Avgust oyi boshida respublikada olti mingta mehmonxona, xostel va boshqa joylashtirish vositalari faoliyat yuritgan. Yil oxirigacha O‘zbekistonga sayyohlar oqimi 10 million kishini tashkil etishi kutilmoqda.

Avvalroq Kursiv Uzbekistan O‘zbekiston safari-parklariga uch yilga soliq imtiyozlari berilishini yozgan edi.

O‘zbekiston poytaxtida yil boshidan buyon ikki mingdan ortiq noqonuniy chiqindi to‘plash holatlari qayd etildi, deya xabar berdi Ekologiya, atrof-muhitni muhofaza qilish va iqlim o‘zgarishi vazirligi.

Tuman inspektorlari belgilanmagan joylarga tashlab ketilgan chiqindilar uchun 995 mln so‘m miqdorida jarima yozishdi. Qoidabuzarliklarning aksariyati jismoniy shaxslar tomonidan sodir etilgan. Yuridik shaxslarga esa atigi 25 ta jarima to‘g‘ri keldi.

Ma’muriy javobgarlik to‘g‘risidagi kodeksga ko‘ra, chiqindilarni nomaqbul joylarga tashlaganlik uchun fuqarolar 1 mln so‘m jarimaga tortilishi mumkin. Bir yil davomida takroran qoidabuzarlik sodir etilsa, jarima miqdori oshadi.

Noqonuniy chiqindixonalarni tashkil etganlik uchun jinoiy javobgarlik nazarda tutilgan.

Bundan tashqari, qoidabuzarlarni aniqlash uchun videokuzatuv kameralaridan...

«Parij-2024» yozgi Paralimpiya o‘yinlarida ishtirok etayotgan para yengil atletikachi sportchimiz Asila Mirzayorova uzunlikka sakrash bahsida Paralimpiya rekordini yangiladi. Bu haqda Qo‘mita matbuot xizmati xabar berdi.

Unga ko‘ra, para yengil atletika bo‘yicha ayollar o‘rtasida T11 klassida uzunlikka sakrash bahsida vakilimiz Asila Mirzayorova ilk urinishidayoq 5,22 metr narija qayd etib, ushbu yo‘nalishda Paralimpiya rekordini o’rnatdi.

Eslatib o‘tamiz, avvalroq Muslima Odilova va Ziyodaxon Isoqova bronza hamda kumush medallariga sazovor bo‘lgan edi.

Farg‘ona viloyati aholisiga asossiz ravishda hisobdan chiqarilgan 4,1 mlrd so‘mlik qarz qaytarildi. Farg‘ona viloyati Raqobat qo‘mitasi tekshiruv davomida xatolikni aniqladi.

Ma’lum bo‘lishicha, olti mingdan ortiq xonadonlar qarzdor bo‘lib qolgan. Bu qozonxonalardagi avariyalar va tabiiy gaz bosimining pastligi tufayli sodir bo‘ldi, bu esa ko‘p qavatli uylarga issiqlik ta’minotida uzilishlarga olib keldi va xizmatlar uchun noto‘g‘ri hisob-kitoblarga olib keldi.

Hududiy boshqarma ishlab chiqarish korxonasiga asossiz qarzdorlikni hisobdan chiqarishni topshirdi.

Avvalroq Kursiv Uzbekistan biznes-ombudsman Andijondagi xususiy maktabdan hibsni olib tashlashga yordam bergani haqida yozgan edi.

Isroil anklavdagi yosh bolalarga poliomiyelitga qarshi emlashga ruxsat berish uchun sentabr oyida G‘azodagi janglarda tanaffuslar qilishga rozi bo‘ldi. Bu haqda CNN axborot agentligi ma’lum qildi.

BMT va Isroil vakillariga ko‘ra, Jahon sog‘liqni saqlash tashkilotining G‘arbiy Sohil va G‘azo bo‘yicha vakili Rik Peeperkorn BMT matbuot brifingida ushbu tanaffus 1-sentabrdan boshlanishi va 3 kunlik uchta bosqichga bo‘linishini aytdi.

3 kunlik tanaffuslar avval G‘azoning markaziy qismida, keyin janubiy qismida, so‘ngra shimoliy G‘azoda amalga oshiriladi.

Ma’lumot uchun, urush boshlanganidan beri G‘azoda poliomiyelitga qarshi vaksina qamrovi 80% ga kamaygan. Peeperkorn brifingda Falastinning qamal qilingan hududida kasallikning avj olmasligi uchun 90% dan oshirish kerakligini aytdi...

Qirg‘izistonda Golden Suisse Middle East & Asia banki ish boshladi. Moliya muassasasi 29-avgust kuni ochildi, deb xabar berdi Kaktus.Media nashri.

Bank vitse-prezidenti Taymas Norboyevning so‘zlariga ko‘ra, Qirg‘izistonda vakolatxona ochish g‘oyasi mamlakat prezidenti Sadir Japarov tomonidan qo‘llab-quvvatlangan.

Shveysariyaning Golden Suisse banki 2016-yilda Vaytmanlarning xususiy oilaviy banki negizida tashkil etilgan. Bank faoliyatining asosiy yo‘nalishi – oltin qazib olish bo‘yicha hunarmandchilik va kichik korxonalarni qo‘llab-quvvatlash.

Avvalroq Kursiv Uzbekistan Qirg‘iziston Milliy banki oxirgi yig‘ilishda bazaviy stavkani 9 foiz darajasida saqlab qolishga qaror qilgani haqida yozgan edi.

Toshkent viloyati Kumushkon qishlog‘ining shimolida yo‘l qurilishi vaqtida ming yildan ortiq yoshi bo‘lgan qabr tasodifan topilgan, deb xabar berdi O‘zbekiston madaniy meros agentligi.

O‘sha joyga kelgan arxeologlar bu bo‘shliq qadimgi dafn xonasi saqlanib qolgan qismi ekanligini aniqladilar. Keyingi qazishmalar vaqtida xonadan temir qilich, bronza uzuk, dafn ashyolari, muhr va sopol idish olindi.

Qazishmalar Samarqand arxeologiya instituti xodimlari tomonidan davom ettirilmoqda.

2023-yilda Kumushkonda II-VI asrlarga oid to‘qqizta sopol idish va qadimiy yer osti inshooti topilgan edi. O‘shanda arxeologik yodgorlik quvur yotqizish vaqtida topilgan.

Avvalroq Kursiv Uzbekistan Samarqand viloyatida qadimgi So‘g‘d ibodatxonasi topilgani haqida yozgan edi.

Davlat rahbari 2021/2022-o‘quv yilidan ishlashni boshlangan Jamoat xavfsizligi universiteti faoliyatini ko‘zdan kechirdi. Shavkat Mirziyoyev ofitser va talabalar bilan muloqotda dual ta’limni keng joriy qilish, o‘quv dasturini bugungi xavf-xatarlarga moslashtirib borish bo‘yicha ko‘rsatmalar berdi. Bu haqda prezident matbuot xizmati ma’lum qildi.

Unga ko‘ra, universitet bakalavriatida 15, magistraturada 8 yo‘nalish mavjud. Ayni paytda mingdan ortiq kursant bakalavriatda, yana shuncha talaba maxsus yo‘nalish, sirtqi ta’lim va magistraturada ta’lim olib kelmoqda. Universitetda 209 nafar o‘qituvchi, professor va fan doktorlari talabalarga ta’lim berib kelmoqda. Yaqindagina esa muassasa o‘quv binolari va 300 o‘rinli 6 ta yotoqxona zamonaviy ta’mirdan chiqdi.

Prezident muassasadagi sport majmuasi bilan ham...

Andijon viloyatining beshta tumanida zamonaviy o‘quv-ishlab chiqarish majmualari ish boshladi, deb xabar bermoqda mamlakat Kambag‘allikni qisqartirish va bandlik vazirligi.

To‘rt qavatli binolar dastgohlar, uskunalar va o‘quv materiallari bilan jihozlangan. Har bir markaz ichida sakkizta pavilon joylashtiriladi. Mahalliy aholini o‘qitish va ishga joylashtirishdan manfaatdor tadbirkorlar ushbu binolarni imtiyozli stavkada ijaraga olishlari mumkin bo‘ladi.

Asaka, Shahrixon, Bo‘ston, Ulug‘nor va Qo‘rg‘ontepa tumanlarida majmualar ochilishi natijasida viloyatning qariyb 2,3 ming aholisi ish bilan ta’minlanadi.

Avvalroq «Kursiv Uzbekistan» Qoraqalpog‘istonda tadbirkorlikni rivojlantirish dasturi orqali 500 mingta ish o‘rni yaratish rejalashtirilgani haqida yozgan edi.

2024-yilning yanvar–avgust oylarida Rossiyaning «Gazprom» kompaniyasi Markaziy Osiyoga (MO) gaz eksportini ikki baravar oshirdi, deya xabar bermoqda konsern raisi Aleksey Miller.

Uning soʻzlariga koʻra, kompaniya gazni «O‘rta Osiyo – Markaz» quvuri orqali maksimal darajada yetkazmoqda.

Millerning aniqlik kiritishicha, 2023–2024-yillarda O‘zbekistonda anomal sovuqlar qayd etilgan qishda ham yetkazib berish hajmi yuqori bo‘lgan.

«Bu respublikalar iqtisodiy va ijtimoiy jihatdan juda jadal rivojlanmoqda. Bu esa biz uchun yangi imkoniyatlar ochadi», dedi Miller.

Avvalroq Kursiv Uzbekistan nashri O‘zbekistonda gaz qazib olish 5 foizga kamaygani haqida yozgan edi.