Yangiliklar

Apple aksiyalari uchta savdo sessiyasida 19 foizga tushdi va $638 milliardlik bozor qiymatini yoʻqotdi. Bu haqda CNBC nashri xabar berdi.

Bunga AQSh prezidenti Donald Tramp tomonidan eʼlon qilingan Xitoydan import uchun 54 foizlik yangi bojlar sabab boʻldi. Appleʼning asosiy ishlab chiqarish bazasi aynan Xitoyda joylashgan boʻlib, bu kompaniyani savdo urushi sharoitida eng zaiflardan biriga aylantiradi.

Ayni paytda Appleʼning bozor kapitallashuvi $2,7 trillionni tashkil etmoqda. Taqqoslash uchun, 2024-yil iyul oyida kompaniya ushbu koʻrsatkich boʻyicha rekord darajadagi $3,5 trillionga yetgan edi.

Tahlilchilarning fikricha, yangi joriy etilgan bojlar tufayli AQShda iPhone narxi 30 foizgacha oshishi mumkin, bu esa top model uchun taxminan...

Uzcard Respublika bolalar ruhiy-asab kasalliklari shifoxonasining bemorlariga moʻljallangan bolalar maydonchasini qurdi. Bu haqda kompaniya matbuot xizmati «Kursiv» nashriga ma’lum qildi.

Maydoncha Prezident huzuridagi ijtimoiy himoya milliy agentligi va Nogironlar jamiyati bilan hamkorlikda barcha xavfsizlik talablarini hisobga olgan holda loyihalashtirilgan va davolanayotgan bolalarga moslashtirilgan.

«Oʻyin maydoni qulay va xavfsiz dam olish uchun yaratilgan boʻlib, unda yosh bemorlar oʻynashlari, rivojlanishlari va oʻzlarini gʻamxoʻrlik hamda qulay muhitda his etishlari mumkin», – deyiladi xabarda.

Kompaniya yubileyini nishonlash munosabati bilan ehtiyojmand insonlar va tashkilotlarga yordam koʻrsatishga qaratilgan bir qator xayriya tashabbuslarini amalga oshirgan.

Eslatib oʻtamiz, Kaspi.kz Oʻzbekistonning Uzcard va Humo...

Madaniy meros agentligi ommaviy axborot vositalarida «Samarqandda 220 ta mulk ziyorat markazi uchun tortib olinadi» sarlavha ostida tarqalgan xabarlarga izoh berdi.

Agentlikning Samarqand viloyati boshqarmasi holatni o‘rganib chiqdi va rasmiy bayonot berdi.

Unga ko‘ra, O‘zbekiston Respublikasi prezidentining 2021-yil 9-fevraldagi 6165-son farmoyati asosida «Chokardiza» qabristonida joylashgan «Imom Moturidiy» yodgorlik majmuasini rekonstruksiya qilish, buyuk ulamolar qabrlarini tiklash, atrof-hududlarni obodonlashtirish va zamonaviy xizmat infratuzilmasini yaratish rejalashtirilgan.

«Barcha ishlar mavjud qonunchilikka qat’iy rioya etgan holda amalga oshirilmoqda. Mulklarni tortib olish yoki noqonuniy harakatlar haqida rasmiy qaror yo‘q. Agentlik bu kabi noto‘g‘ri xabarlarga ishonmaslikni, faqat rasmiy manbalarga tayanishni tavsiya qiladi...

9-apreldan AQSh dollarining rasmiy kursi 6,00 so‘mga tushib, 12 960,38 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 905 – 12 955 so‘mdan sotib olayotgan bo‘lsa, 12 970 – 13 030 so‘m oralig‘ida sotmoqda.

Shu bilan birga, yevro 61,02 so‘mga tushib, 14 152,73 so‘mga yetdi. Rossiya rubli esa 1,69 so‘mga oshib, 151,92 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin. 

Buyuk Britaniyada halal moliyaviy xizmatlar ko‘rsatishga ixtisoslashgan Ayan Capital global xususiy kredit firmasi Partners for Growth’dan (PFG) 25 million funt sterling sarmoya oldi.

Ayan Capital xususiy yollanma va biznes haydovchilari uchun past emissiyali avtomobillarni xarid qilishda halol avtokredit xizmatlarini taklif qiladi. Kompaniya texnologik, komissiyasiz model asosida ishlaydi. Mijoz avtomobilni qayerdan sotib olmasin, to‘g‘ridan to‘g‘ri unga moliyaviy yordam ajratiladi.

Kompaniya yaqinda Ayan Pay platformasini ham ishga tushirdi — bu 0 foizli, 12 oylik to‘lov rejasini taklif etadi. Ushbu xizmat uy yoki avtomobil ta’miri, mebel kabi xarajatlar uchun mo‘ljallangan.

So‘nggi chorakda Ayan Capital moliyalashtirish hajmini 2,2 baravarga oshirdi. Shu bilan...

Xiaomi 15 yilligi sharafiga nishonlash doirasida yangi flagman smartfon — Xiaomi 15S Pro modelini ishlab chiqmoqda. Bu haqda Gizmochina nashri ma’lum qildi.

Ushbu qurilma kompaniya tarixida muhim bosqichni ifodalovchi maxsus mahsulot bo‘lib, unda Xiaomi’ning ilk mustaqil ishlab chiqilgan, ilg‘or 4nm TSMC N4P texnologiyasida yaratilgan SoC (System-on-Chip) protsessori ishlatiladi.

Insayder Digital Chat Station tomonidan ma’lum qilinganidek, Xiaomi 15S Pro – 2022-yilda taqdim etilgan 12S modelidan keyingi S-seriyadagi ilk yangilik bo‘ladi. Qurilma tashqi ko‘rinish jihatidan Xiaomi 15 Pro dizayniga o‘xshash bo‘lib, egri qirralarga ega 2K OLED displey, Leica bilan hamkorlikda yaratilgan uch kamerali tizim va premium korpus materiallarini saqlab qoladi.

Eng...

Bugun, 8-aprel kuni Toshkent shahar Olmazor tumani Chorsu bozori yaqinidagi do‘konlardan birida yong‘in sodir bo‘ldi. Bu haqda Favqulodda vaziyatlar vazirligi xabar berdi.

Ertalab soat 07:44 da Olmazor tumanining Saqichmon ko‘chasi, Chorsu bozori yaqinida joylashgan do‘konda yong‘in sodir bo‘layotgan.

Yong‘in-qutqaruv ekipajlari manzilga yetib borib, yong‘inni 10 daqiqa ichida bartaraf qilgan. Halok bo‘lgan va jabrlanganlar yo‘q.

Avvalroq Kursiv Uzbekistan Izboskandagi gaz portlashi uch kishining hayotiga zomin bo‘lgani haqida yozgandi.

2024-yil davlat tashkilotlarining korrupsiyaga qarshi kurashdagi samaradorligini baholovchi reyting natijalari e’lon qilindi. Bu haqda Korrupsiyaga qarshi kurashish agentligi axborot xizmati rahbari Sherzod Saparov ma’lum qildi.

Bu yil 103 ta davlat tashkiloti faoliyati 0 dan 100 ballgacha reyting asosida baholandi. Ulardan 14 tasi ilk bor, 89 tasi esa takroran baholandi. Natijalarga ko‘ra, 41 ta tashkilot «yaxshi» (81–100 ball), 53 tasi «qoniqarli» (55–80 ball) va 9 ta «qoniqarsiz» (55 balldan past) toifalarga ajratildi.

Reyting baholash natijalari o‘rtacha 73,8 ballni tashkil etib, bu 2023-yildagiga nisbatan 4,9 ballga, 2022-yilga nisbatan esa 14,3 ballga yuqori ko‘rsatkichdir.

Shuningdek, bir qator vazirlik va idoralarda korrupsiyaviy jinoyatlar...

Wuling ming km dan ortiq masofani bosib o’ta oladigan yangi Hongguang Extended-range minivenini taqdim etdi. Bu haqda ITHome nashri ma’lum qildi.

Narxi $9,4 mingdan boshlanadi. Model 5 va 7 o‘rindiqli uch xil versiyada taqdim etilgan.

Miniven 8,5 kVt/soat lityum temir fosfat batareyasi va 1,5 litrli, 75 kVt quvvatga ega benzinli dvigatel kombinatsiyasida ishlaydi. CLTC standarti bo‘yicha 50 kmgacha elektrda harakatlana oladi, umumiy yurish masofasi esa 1000 km dan oshadi. Yoqilg‘i sarfi NEDC tsikliga ko‘ra 4,3 l/100 km.

Avtomobil o‘lchamlari 4515 x 1725 x 1790 mm, g‘ildirak bazasi – 2850 mm. Asosiy konfiguratsiyada ABS, EBD, LED faralar, 8 dyuymli ekran...

Andijon viloyatida yashovchi fuqaro vatandoshlarini Rossiya armiyasiga jalb qilgani uchun yetti yilga ozodlikdan mahrum etildi. Bu haqda «RIA Novosti» xabar bermoqda.

39 yoshli Oʻzbekiston fuqarosi aholini Ukrainadagi harbiy mojaroda Rossiya tomonida qatnashishga chaqirgan. Uning sherigi Rossiya Federatsiyasi fuqarosi boʻlgan. Oʻzbekistonlik u bilan 2024-yilning yanvarida til biriktirgan. U sudda oʻz aybiga iqror boʻlgan.

Mahkum Jinoyat kodeksining 154-modda 2-qismida nazarda tutilgan jinoyatni sodir etganlikda aybdor deb topilgan va yetti yilga qamoq jazosiga hukm qilingan.

Eslatib oʻtamiz, Kursiv Uzbekistan nashri Rossiya va Ukraina 373 nafar asirni almashishi haqida yozgan edi.

Airbus yangi avlod avialaynerlari haqida batafsil rejalarni e’lon qildi. Bu haqda Biznesinsayder nashri ma’lum qildi.

Kompaniya samolyotlarni samaraliroq va ekologik jihatdan toza qilishni maqsad qilgan. Tuluzadagi sammitda Airbus rahbari bu yo‘lda radikal innovatsiyalarni tanlaganini aytdi. Yangi dvigatellardan tortib, avtonom boshqaruvgacha bo‘lgan texnologiyalar kiritilishi rejalashtirilgan.

Kompaniya vodorodli modeldan voz kechib, gibrid dvigatellarni tanladi. Airbus bu qarorni samaradorlik va real yechimlar asosida qabul qilgan.

«Gap oddiy modernizatsiya emas, balki butunlay yangi dizaynlar haqida», – dedi kompaniyaning CEO bo‘yicha rahbari Giyom Fori.

Boeing bilan raqobatda yutish uchun qat’iy choralar ko‘rilmoqda. Airbus va CFM 2030-yilda ochiq...

O‘zbekiston armiyasi Xitoyda ishlab chiqarilgan qiruvchi samolyotlarni xarid qilish imkoniyatini ko‘rib chiqmoqda, deb xabar bermoqda Defence Blog.

Ma’lumotga ko‘ra, respublika JF-17 Thunder samolyotlarini xarid qilishi mumkin. Bu samolyot Xitoy va Pokiston aviatsiya ishlab chiqaruvchilari tomonidan ishlab chiqilgan.

JF-17 Thunder hozirda Ozarbayjon, Pokiston, Myanma va Nigeriya armiyalarida xizmat qilmoqda. Samolyot narxi modifikatsiyasiga qarab $15 mlndan $25 mlngacha baholanadi.

Shuningdek, xabarlarga ko‘ra, Toshkent beshinchi avlod J-35 qiruvchisini sotib olishni rejalashtirayotgan bo‘lishi mumkin. Biroq harbiy ekspertlar fikricha, Pekin ushbu samolyotni boshqa mamlakatlarga sotmoqchi emas, bundan tashqari J-35 hali endi Xitoy armiyasiga topshirilmoqda.

Hozirda O‘zbekiston harbiy-havo kuchlari va havo hujumidan mudofaa kuchlari tarkibida...

Italiyaning Monsa shahrida tennis bo‘yicha ATP-100 toifasiga kiruvchi «Chellenjer» turnirining asosiy bahslari boshlandi. 145,2 ming yevro miqdoridagi mukofot jamg‘armasiga ega musobaqada Humoyun Sultonov ishtirok etmoqda. Bu haqda Kursiv Uzbekistan muxbiri ma’lum qildi.

Mamlakatimizning birinchi raqamli tennischisi turnirdagi ilk o‘yinida reytingda o‘zidan yuqoriroq o‘rinda turgan slovakiyalik Lukas Kleyn bilan to‘qnash keldi. Sultonov 27 yoshli raqibni 6/1, 6/3 hisobida ishonchli tarzda mag‘lubiyatga uchratdi. ATP reytingida Sultonov 229-o‘rinda, Kleyn esa 181-pog‘onadan joy olgan. Bu ularning o‘zaro ilk uchrashuvi bo‘ldi.

Yetmish ikki daqiqa davom etgan bahsda har ikki tennischi bittadan eys zarbasini amalga oshirdi. Humoyun 4 marta, Lukas esa 6 marta qo‘shxatoga yo‘l...

Samsung smartfonlari Android operatsion tizimining (OT) yangi versiyasini rejalashtirilganidan ertaroq qabul qiladi. Bu haqda Sammobile nashri xabar bermoqda.

Samsung ishlab chiqaruvchilari allaqachon Android 16ʼni sinovdan oʻtkazgan. Yangi operatsion tizimni birinchi boʻlib yoz oxirida chiqariladigan Galaxy Z Flip 7 va Galaxy Z Fold 7 modellari oladi.

Androidning yangi versiyasi One UI 8.0 qobigʻi bilan birga paydo boʻladi. Android 16’ning ommaga e’lon qilinishi joriy yilning 20-mayiga rejalashtirilgan Google I/O tadbirida kutilmoqda. Samsung iyun-iyul oylarida One UI 8.0 bilan Android 16 ning bir nechta beta-versiyalarini chiqarishi mumkin.

Eslatib oʻtamiz, Kursiv Uzbekistan nashri Samsung Galaxy S20, S20 Plus va S20 Ultra uchun muhim...

Toyota kompaniyasi 23-aprel kuni ochiladigan Shanxay avtosalonida o‘zining yangi avlod Century yo‘ltanlamasini jamoatchilikka namoyish qiladi. Bu haqda ITHome nashri xabar berdi.

Xitoy bozorida «Shiji» nomi bilan tanilgan ushbu model kompaniyaning lyuks toifasidagi avtomobillari safidan o‘rin oladi. Yangi Century seriyasi an’anaviy qora kuzovi va xrom aksentlari bilan ajralib turadi. Old qismida katta havo tortuvchi panjara, zamonaviy LED faralar va Century seriyasining o‘ziga xos Phoenix logotipi joylashgan.

Avtomobil o‘lchamlari 5205 x 1990 x 1805 mm bo‘lib, 2950 mm g‘ildirak bazasi salonning keng va qulay bo‘lishini ta’minlaydi. Model gibrid tizim asosida harakatlanadi: 3,5 litrli V6 benzin dvigateli ikkita elektromotor bilan birgalikda ishlaydi...

Qozogʻistondagi Hyundai Trans Kazakhstan avtomobil zavodiga 8,5 mlrd tenge (taxminan $16 mln) miqdorida qoʻshimcha sarmoya kiritildi. Bu haqda Avtopotok nashri xabar bermoqda.

Mablagʻlar payvandlash, boʻyash va yigʻish sexlarini modernizatsiya qilishga sarflangan boʻlib, hozirda bu yerda 11 ta yangi robot ishlamoqda. Bu texnologiya ishlab chiqarish samaradorligini oshirgan.

Zavod Olmaota shahrida joylashgan boʻlib, unda Tucson, Sonata, Elantra, Santa Fe, Palisade, Staria va Custin modellari ishlab chiqariladi.

Eslatib oʻtamiz, Kursiv Uzbekistan nashri Hyundai yangi mashinalar uchun bepul xizmat koʻrsatish dasturini toʻxtatgani haqida yozgan edi.

AQSh prezidenti Donald Tramp Xitoyga 50 foizlik yangi boj solishini aytdi. Bu tahdid Pekin AQShga nisbatan joriy etgan 34 foizlik tarifga javob bo‘ldi. Tramp ushbu tarif olib tashlanmasa, Xitoy mahsulotlariga qo‘shimcha boj solishini bildirdi. Bu haqda BBC nashri ma’lum qildi.

Xitoy esa AQShga «iqtisodiy bosim» o‘tkazayotganlikda ayblab, qat’iy javob berdi. Pekin rasmiylari Amerikani xalqaro qoidalarga zid harakatlarda aybladi. Xitoy elchixonasi bu «protektsionistik zo‘ravonlik» ekanini ochiq bayon qildi.

Tramp seshanba kunigacha muhlat berib, ijtimoiy tarmoqda ogohlantiruvchi post yozdi. Agar Xitoy orqaga chekinmasa, Tramp tariflarni 104 foizgacha oshirishni aytdi. Bu esa savdo urushi chuqurlashishidan xavotir uyg‘otmoqda.

AQSh prezidenti barcha tarif muzokaralarini...

Samarqandda o‘tkazilayotgan iqlim forumi doirasida Investitsiyalar, sanoat va savdo vazirligi umumiy quvvati 1 500 MVt bo‘lgan ikki «yashil» elektr stansiyani qurish bo‘yicha kelishuvlar imzoladi. Bu haqda vazirlik matbuot xizmati ma’lum qildi.

Unga ko‘ra, Qoraqalpog‘istonda 1 000 MVt quvvatga ega shamol elektr stansiyasi barpo etiladi. Ushbu loyiha uchun SANY Renewables International Investment investitsiya kompaniyasi mas’ul bo‘ladi.

Shuningdek, China Electrical Equipment International Company tomonidan Jizzax viloyatining Forish tumanida 500 MVt quvvatli quyosh elektr stansiyasi qurilishi rejalashtirilgan.

Samarqand iqlim forumida so‘zga chiqqan Shavkat Mirziyoyev Toshkent «yashil energetika» ulushini 54 foizgacha oshirish, shuningdek, issiqxona gazlari chiqindilarini 35 foizga kamaytirish niyatida ekanini ta’kidladi.

Eslatib...

AQSh prezidenti Donald Tramp uning ma’muriyati mudofaa uchun $1 trillion sarflashini ma’lum qildi. Bu haqda Bloomberg nashri ma’lum qildi.

«Biz koʻp pul tejayapmiz, ammo armiyani rivojlantirishimiz va kuchli boʻlishimiz kerak», – degan u Isroil bosh vaziri Benyamin Netanyaxu bilan uchrashuvda.

Trampning qoʻshimcha qilishicha, AQShning 2026-moliya yili uchun mudofaa budjeti Amerika hukumati tomonidan qabul qilingan eng katta budjet boʻladi.

AQSh harbiylari bu yilgi Global Firepower reytingida birinchi oʻrinni egallagan edi. Mamlakat harbiy xizmatchilarning umumiy soni 1,3 million kishini tashkil etadi.

Kursiv Uzbekistan nashri Oʻzbekiston Markaziy Osiyo mamlakatlari orasida mudofaa budjeti boʻyicha $2,8 mlrd bilan...

7-aprel kuni Uzbekistan Airways aviakompaniyasi to‘rtinchi LET L-410 samolyotini qabul qildi. Bu haqda aviakompaniya matbuot xizmati xabar berdi.

Silk Avia brendi ostida parvoz qilayotgan LET L-410 rusumidagi havo kemalari tijoriy foydalanish uchun mo‘ljallangan.

Hozirgi kunda uchta samolyot Nukus – Mo‘ynoq – Nukus, Toshkent – Shahrisabz – Toshkent hamda Toshkent – Zomin – Toshkent yo‘nalishlarida qatnovni amalga oshirmoqda.

Avvalroq Kursiv Uzbekistan SF Airlines aviakompaniyasi Toshkentga parvozlarni yo‘lga qo‘ygani haqida yozgandi.

Nodirbek Abdusattorov amerikalik shaxmatchining o‘yindan chiqishi sababli mukofot jamg‘armasi $680 ming bo‘lgan shaxmat turnirida ishtirok etmoqda. Parijda shaxmat bo‘yicha o‘tkazilayotgan nufuzli Freestyle Chess Grand Slam turniri start oldi. Bu haqda Kursiv Uzbekistan muxbiri ma’lum qildi.

Bu musobaqaning Germaniyada o‘tgan dastlabki bosqichida Nodirbek Abdusattorov 6-o‘rinni egallagandi. Parijdagi navbatdagi bosqich oldidan amerikalik shaxmatchi Hans Niyemann turnirdan chiqib ketganini bildirganidan so‘ng, tashkilotchilar uning o‘rniga Nodirbekka imtiyozli yo‘llanma – wild card taklif qilishdi va Abdusattorov bu imkoniyatni ilk kunning o‘zidayoq a’lo darajada oqladi.

U 6 tur davomida 5 ochko jamg‘arib, norvegiyalik afsona Magnus Karlsen bilan musobaqa jadvalining yuqori pog‘onasida qo‘shhokimlik qilmoqda. Nodirbek...

Xitoyda Xiaomi kompaniyasi arzon va funksional yangi muzlatkichini – Xiaomi Mijia 215L modelini taqdim etdi. Bu haqda ITHome ma’lum qildi.

Unga ko‘ra, atigi $125 baholangan ushbu muzlatkich uchta harorat zonasiga ega bo‘lib, umumiy hajmi 215 litrni tashkil etadi.

Kompakt o‘lchamlari bilan ajralib turuvchi muzlatkichning balandligi 1700 mm, kengligi esa bor-yo‘g‘i 505 mm. Qurilma 37 dB darajadagi past shovqini bilan deyarli sezilmaydi. Haroratni elektron boshqaruv tizimi orqali 2°C dan 8°C gacha sozlash mumkin.

Eslatib o‘tami, avvalroq Xiaomi arzon Poco C71 smartfonini taqdim etgan edi.

Germaniyaning Audi va Jaguar Land Rover (JLR) avtomobil ishlab chiqaruvchi kompaniyalari AQSh bozoriga avtomobil yetkazib berishni toʻxtatganini e’lon qildi. Bu haqda Automotive News nashri xabar bermoqda.

Audi va JLR kompaniyalari 2-apreldan keyin AQSh portlariga yetkazib beriladigan Meksika va boshqa xorij bozorlarida ishlab chiqarilgan barcha avtomobillarni yetkazib berishni toʻxtatmoqda. Buning sababi AQShning yangi 25 foizlik tariflaridir. Kompaniya 2-aprelgacha portlarga kelgan mashinalarni ulgurji sotuvchilarga taqsimlashini ma’lum qilgan.

Boshqa avtomobil ishlab chiqaruvchilari ham xuddi shunday choralarni qoʻllashmoqda. Amerika bozoriga Jeep rusumli avtomobillarni yetkazib beruvchi Volkswagen kompaniyasi ham AQShga eksportni toʻxtatganini ma’lum qilgandi.

Eslatib oʻtamiz, Kursiv Uzbekistan nashri Audi A6 sedanining suratini taqdim...

8-aprel kuni neft narxlari 1 foizdan ortiq ko‘tarildi. Bu haqda Reuters axborot agentligi ma’lum qildi.

Unga ko‘ra, mazkur holat o‘tgan haftadagi kuchli pasayishdan so‘nggi tiklanish bo‘ldi. Narxlar pasayishiga AQShning yangi boj tariflari global iqtisodiyotda inqiroz keltirib chiqarishi va neftga bo‘lgan talabni kamaytirishi haqidagi xavotir sabab bo‘lgan edi.

Brent neftining bir barreli 65,02 dollarni, WTI nefti esa 61,61 dollarni tashkil etdi. Tahlilchilarga ko‘ra, agar narxlar 60 dollardan pastga tushsa, ishlab chiqaruvchilar sarmoyani qisqartirishi mumkin, bu esa narxlar uchun tabiiy «quyi chegarani» yaratadi. Shu bilan birga, tariflar yuzasidan Xitoy va AQSh o‘rtasidagi keskinlik global bozorlarga bosimni saqlab turmoqda.

Eslatib o‘tamiz, avvalroq...