Yangiliklar

Dushanbe shahrida bo‘lib o‘tgan muzliklarni saqlash bo‘yicha yuqori darajadagi xalqaro konferensiyada Ekologiya vaziri Aziz Abduhakimov boshchiligidagi delegatsiya ishtirok etdi va bir qator taklif va tashabbuslarni ilgari surdi. Bu haqda vazirlik rasmiy sahifasida ma’lum qilindi.

Konferensiyada 90 dan ortiq davlatlardan 2,5 mingga yaqin vakil, jumladan, davlat rahbarlari, BMT va xalqaro tashkilotlar mutaxassislari qatnashdi. Tadbirda Tojikiston prezidenti Imomali Rahmon global muzliklarni muhofaza qilish bo‘yicha hamkorlikni kuchaytirish zarurligini ta’kidladi.

O‘zbekiston vakili sifatida so‘zga chiqqan vazir muzliklar Markaziy Osiyo suv xavfsizligi va barqaror rivojlanishida muhim o‘rin tutishini qayd etdi. U mamlakatda amalga oshirilayotgan ekologik islohotlar – «Yashil makon» tashabbusi, Orolbo‘yi hududini ko‘kalamzorlashtirish va...

Migratsiya agentligi va «Japan-China-Asia Medical Educational Cultural Exchange General Incorporated Association» (JCAEMCE) tashkiloti o‘rtasida hamkorlik memorandumi imzolandi. Bu haqda agentlik rasmiy sahifasida ma’lum qilindi.

Unga ko‘ra, mazkur tashabbus doirasida O‘zbekistonda tayyorlov jarayonlari yo‘lga qo‘yiladi. Xususan, «Yapon mahorat nuri» o‘quv markazlari Toshkent shahri, Samarqand va Namangan viloyatlarida tashkil etilib, unda yapon tili, kasbiy malaka imtihonlariga tayyorgarlik va ishga joylashish uchun zarur bo‘lgan ko‘nikmalar o‘rgatiladi.

Shuningdek, 2025-yil iyun oyida faoliyat boshlashi rejalashtirilgan WiseBridge maxsus onlayn platformasi orqali Yaponiyadagi bo‘sh ish o‘rinlarini tanlash, ish beruvchilar bilan to‘g‘ridan-to‘g‘ri bog‘lanish imkoniyati yaratiladi.

Yaponiyaning sobiq bosh vaziri, JCAEMCE tashkiloti rahbari Yukio Hatoyama ta’kidlaganidek, O‘zbekiston yoshlar...

Xanti-Mansiysk avtonom okrugi dumasi deputati Xolid Boyuqag‘a Tagi-zoda jamoatchilikda keskin munosabat uyg‘otgan bayonoti uchun uzr so‘radi. U ilgari Sibir go‘yoki o‘zbek xalqining tarixiy vatani ekanini aytgan edi.

Hududiy parlamentdagi chiqishidan bir necha kun o‘tib, siyosatchi ijtimoiy tarmoqlarda uzr so‘ragan bayonotini e’lon qildi.

Uning aytishicha, u tarixiy faktlarni buzishni ko‘zlamagan.

«Men migrantlarni Yugraga jalb qiluvchi omillar haqida taxminimni bildirdim. Ta’kidlashni istardimki, bu faqat taxmin edi, qat’iy da’vo emas. Fikrim esa turlicha talqin qilinishiga sabab bo‘ldi, bundan afsusdaman va bu gaplarim kimnidir ranjitgan bo‘lsa, chin dildan uzr so‘rayman», – dedi deputat.

U, shuningdek, Yugrada yashovchi xalqlarning...

Joriy yilda Qurbon hayiti namozi 6-iyun, juma kuni O‘zbekiston bo‘ylab barcha jome masjidlarda ado etiladi. Toshkent shahrida hayit namozi ertalab soat 05:10 da boshlanadi. Bu haqda O‘zbekiston musulmonlari idorasi ma’lum qildi.

Quyida namoz vaqtlari hududlar kesimida:

Ma’lumot uchun, mazkur vaqtlarda quyosh chiqqanidan keyingi 15 – 20 daqiqalik tafovut inobatga olingan.

Eslatib o‘tamiz, avvalroq Qurbon hayiti O‘zbekistonda 6-iyun kuni nishonlanishi haqida yozgan edik.

O‘zbekistonda quyosh va shamol elektr stansiyalaridan ishlab chiqarilgan elektr energiyasi hajmi 1,1 mlrd kVt⋅soatni tashkil etdi. Bu ko‘rsatkich mamlakatimiz energetika tarixidagi eng yuqori oylik natija bo‘lib, may oyidagi umumiy elektr generatsiyasining 17 foizini tashkil etdi. Bu haqda Energetika vazirligi ma’lum qildi.

Mazkur energiyaning 712 mln kVt⋅soati quyosh stansiyalari, 392,1 mln kVt⋅soati esa shamol stansiyalari hissasiga to‘g‘ri keldi. Ushbu natija — qayta tiklanuvchi manbalar asosidagi energiya ishlab chiqarish bo‘yicha keskin o‘sish va texnologik taraqqiyot belgisi.

Energiya ishlab chiqarishdagi bu o‘sish ekologik samaradorlikni ham ko‘rsatdi. Xususan, may oyida 335,8 mln kub metr tabiiy gaz tejaldi. Shu bilan birga, atmosferaga chiqarilishi mumkin...

Qozog‘iston, Tojikiston va O‘zbekiston tomonlari Bahri Tojik suv ombori resurslaridan yerlarni sug‘orish uchun birgalikda foydalanish to‘g‘risida hujjat imzoladi. Bu haqda Tojikiston energetika va suv xo‘jaligi vazirligi matbuot xizmati xabar bermoqda.

Suv omboridan birgalikda foydalanish to‘g‘risidagi hujjat Qozog‘iston, Tojikiston va O‘zbekiston suv xo‘jaligi vazirlari tomonidan imzolangan. Hujjat 2025-yilning iyunidan avgustigacha obyektdan foydalanish tartibini belgilaydi.

Ma’lumot uchun, Bahri Tojik (yoki Qayroqqum) suv ombori – Tojikistonning shimoliy qismida, Sug‘d viloyatida joylashgan yirik suv inshootidir. U 1959-yilda foydalanishga topshirilgan bo‘lib, Sirdaryo daryosi oqimida qurilgan.

2021-yil iyun oyida Tojikiston Bahri Tojik suv omboridan 315 mln m³ suvni Qozog‘istonga yo‘naltirishga rozi...

O‘zbekiston – Qozog‘iston chegarasidagi «Navoiy» bojxona postida xorijlik ayol qo‘lga olindi. U O‘zbekistondan 15 dona ilonni olib chiqishga uringan. Bu haqda Bojxona qo‘mitasi xabar bermoqda.

Uning ilonlarni tashish uchun ruxsatnomasi bo‘lmagan. U ilonlarni o‘n litrlik plastik shishada olib yurgan.

Qo‘mitaning tushuntirishicha, bular O‘zbekiston Qizil kitobiga kiritilgan Sharq bo‘g‘ma ilonlaridir. Hayvonlar Toshkent hayvonot bog‘iga o‘tkazildi.

Eslatib o‘tamiz, Kursiv Uzbekistan nashri «Dovut-ota» chegara punkti 1-sentabrgacha vaqtincha yopilgani haqida yozgan edi.

Tecno kompaniyasi tomonidan Hindistonda korpusining qalinligi atigi 7,5 mm bo‘lgan Pova Curve 5G smartfoni ishga tushirildi. Bu haqda Lifehacher xabar bermoqda.

Qurilma futuristik dizaynga ega bo‘lib, uning orqa tomonida porlab turadigan LED chiroqlar yo‘q. Model 6,78 dyuymli AMOLED displey bilan jihozlangan bo‘lib, 1080p o‘lchamli, yangilanish tezligi 144 Gts va eng yuqori yorqinligi 1300 nitsga teng. Ekranning tanaga nisbati 93,8 foizni tashkil etadi.

Smartfon 6/8 GB operativ va 128 GB ichki xotira bilan jihozlangan. 5500 mA/soat sig‘imli akkumulyator 45 Vt tez zaryadlashni qo‘llab-quvvatlaydi. Tecno’ning ta’kidlashicha, qurilmani 50% ga quvvatlash uchun atigi 15 daqiqa kerak bo‘ladi.

Pova Curve 5G 64MP Sony...

Jonatan Anderson Dior kompaniyasining yangi kreativ direktori bo‘ldi. Bu haqda Fransiya modalar uyi matbuot xizmati Instagramdagi sahifasida ma’lum qildi.

Yangi direktor erkaklar va ayollar kiyimlarini modellashtirish bilan shug‘ullanadi. Dizayner 27-iyun kuni Parijda Dior Men Summer 2026 birinchi kolleksiyasini taqdim etishi kutilmoqda.

«Men bu ajoyib hikoyaning keyingi bobini yaratish uchun uning afsonaviy atelesi bilan birga ishlash imkoniyatini intiqlik bilan kutmoqdaman», – deb yozdi Jonatan Anderson Instagramda.

The New York Times’ning qayd etishicha, Anderson Dior’ning barcha yo‘nalishlarini birlashtirgan Kristian Diordan keyingi ikkinchi dizayner bo‘ladi.

Avvalroq Kursiv Uzbekistan Ilon Mask siyosiy faoliyatini rasman tugatgani haqida xabar...

Yo‘l harakati qoidabuzarliklari uchun berilgan jarima ballari haqida endilikda my.gov.uz portali orqali istalgan vaqtda onlayn xabardor bo‘lish imkoniyati yaratildi.

Xizmatdan foydalanish uchun ushbu havola orqali o‘ting: my.gov.uz/uz/service/1238

Siz quyidagi ma’lumotlarga ega bo‘lasiz:

Ushbu xizmat haydovchilarga o‘z jarima tarixini kuzatib borish va huquqiy oqibatlardan ogoh bo‘lishda yordam beradi.

Avvalroq Kursiv Uzbekistan 1-iyundan yo‘l harakati qoidabuzarliklari uchun jarima ballari tizimi kuchga kirishi haqida xabar bergan edi.

O‘zbekiston Respublikasi valyuta birjasi (UZCE) ma’lumotlariga ko‘ra, 2025-yil 2-iyun kuni AQSh dollarining o‘rtacha kursi 12 834,61 so‘mni tashkil etdi. Kurs avvalgi savdo kuniga nisbatan 44,18 so‘mga oshgan.

Ushbu o‘sish dollar kursining ikki kun ketma-ket mustahkamlanayotganini ko‘rsatmoqda. Eslatib o‘tamiz, 30-may kuni kurs 12 790,43 so‘mni tashkil etgan edi (+22,17).

O‘zbekiston Markaziy banki ma’lumotlariga ko‘ra, yevro kursida ham keskin o‘sish qayd etilib, u 175,82 so‘mga qimmatlashdi va 14 662,26 so‘mga yetdi.

Angliya funt sterlingi 150,64 so‘mga oshib, 17 380,63 so‘m darajasida belgilandi. Shuningdek, Xitoy yuani 5,07 so‘mga ko‘tarilib, 1 782,63 so‘mga chiqdi.

Yapon iyenasi 1 so‘mga oshib, 89,79 so‘m...

O‘zbekiston Respublikasi Tashqi ishlar vazirligi Birlashgan Arab Amirliklari (BAA)dagi aeroportlarda yuzaga kelayotgan holatlar yuzasidan rasmiy bayonot berdi.

Ma’lum qilinishicha, BAAning turli aeroportlari orqali mamlakat hududiga kirayotgan xorijliklar, jumladan, O‘zbekiston fuqarolari yuzasidan tekshiruv jarayonlarining cho‘zilib ketishi TIV tomonidan doimiy monitoring ostiga olingan.

Vazirlik hozirda fuqarolarning qonuniy huquqlari va manfaatlarini himoya qilish maqsadida zarur barcha choralarni ko‘rmoqda. Abu-Dabi shahridagi elchixona hamda Dubaydagi Bosh konsulxona tomonidan BAAning tegishli tashkilotlari bilan vaziyat bo‘yicha muzokaralar o‘tkazilgan va aloqa uzluksiz davom ettirilmoqda.

BAA tomoni bergan rasmiy ma’lumotlarga ko‘ra, hozirda mamlakatda o‘tayotgan turli xalqaro tadbirlar sababli xavfsizlik choralarining kuchaytirilishi natijasida aeroportlardagi tekshiruv vaqti uzaygan.

Ayni paytda...

2-iyun kuni Toshkentdagi Green University hududida Markaziy Osiyo Xalqaro tabiatni muhofaza qilish ittifoqi (IUCN) vakolatxonasining tantanali ochilish marosimi bo‘lib o‘tdi. Bu haqda Kursiv Uzbekistan muxbiri ma’lum qildi.

Tadbirda Markaziy Osiyo mamlakatlari hukumatlari, xalqaro tashkilotlar, ilmiy doiralar va fuqarolik jamiyati vakillari ishtirok etdi. Yangi ofis Qozog‘iston, Qirg‘iziston, Tojikiston, Turkmaniston va O‘zbekistonga xizmat ko‘rsatadi va mintaqada tabiatni muhofaza qilish, bioxilma-xillikni saqlash va iqlim o‘zgarishiga moslashish bo‘yicha sa’y-harakatlarga ko‘maklashadi.

O‘zbekiston ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov ochilish marosimida so‘zga chiqib, prezident Shavkat Mirziyoyev rahbarligida olib borilayotgan ekologik siyosat natijasida mamlakatda barqaror rivojlanish yo‘lida muhim qadamlar qo‘yilayotganini ta’kidladi. Vazir Green...

Toshkent va Surxondaryoda kuchli ta’sir qiluvchi dori vositalarining noqonuniy savdosi bilan shug‘ullanib kelgan fuqarolar ushlandi.

Bosh prokuratura huzuridagi Departamentning Angren shahri bo‘limi, Davlat xavfsizlik xizmati va Ichki ishlar boshqarmasi xodimlari hamkorligida o‘tkazilgan tezkor tadbirda kuchli ta’sir qiluvchi dori vositalarining noqonuniy savdosi bilan shug‘ullanib kelgan fuqaro O.H. ushlandi. U fuqaro M.A.ga 10 dona «Zardeks» nomli dori vositasini 750 ming so‘mga sotayotgan vaqtda qo‘lga olindi. Tadbir davomida undan jami 88 dona ushbu turdagi dorilar ashyoviy dalil sifatida olindi.

Keyinchalik O.H.ga dori vositalarini yetkazib berib kelgan J.N. va I.I. ham ushlandi. Ular O.H.ga mos ravishda 55 va 500 dona «Zardeks» dori vositalarini...

Raqobatni rivojlantirish va iste’molchilar huquqlarini himoya qilish qo‘mitasi so‘nggi haftalarda bir nechta hududda iste’molchilarning haqlarini tikladi.

Farg‘ona viloyati – Dang‘ara tumanida yashovchi fuqaro gaz ta’minoti korxonasi tomonidan 5 mln 117 ming so‘m miqdorida asossiz qarzdor deb topilgan. O‘rganishlar yakunida bu mablag‘ noqonuniy hisoblangani aniqlanib, qarzdorlik bekor qilindi.

Samarqand viloyati – Fuqaro tomonidan to‘rt oy avval «Dunyo Travel» MCHJdan o‘rnatilgan quyosh paneli sifatsiz bo‘lgani uchun uni almashtirish talabi bilan qilgan murojaatiga javoban, kamchiliklar bartaraf etilib, iste’molchiga 5 mln so‘m zarar qaytarildi.

Toshkent shahri – Fuqaro «Uzmobile» orqali «Uzmillion» viktorinasida yutgan 13,2 mln so‘m mablag‘ini ololmagani haqida shikoyat qilgan. O‘tkazilgan o‘rganish...

Sony kompaniyasi endi telefon ishlab chiqarmaydi. Kompaniya Tailand va Xitoydagi zavodlarida smartfon ishlab chiqarishni to‘xtatgan. Bu haqda Sumahodigest xabar bermoqda.

Rasmiy saytda may oyida «smartfonlar» bo‘limi zavod mahsulotlari ro‘yxatidan olib tashlangan. Bu kompaniyaning ishlab chiqarish siyosatidagi keskin o‘zgarishni tasdiqlaydi.

Avval Sony flagman qurilmalarni o‘zi ishlab chiqargan, bu esa yuqori sifat nazoratini ta’minlagan edi. Endi ishlab chiqarish tashqi kompaniyalarga topshirildi.

Mutaxassislar sifat pasayishidan xavotirda bo‘lishsa-da, Xitoydagi ilg‘or texnologiyali asl tovar ishlab chiqaruvchi kompaniyalar (OEM) bunday xavflarni kamaytiradi. O‘zgartirish xarajatlarni qisqartirish va raqobatbardoshlikni oshirishga qaratilgan.

Eslatib o‘tamiz, Kursiv Uzbekistan nashri Sony yangi Xperia 1 VII flagman smartfonini taqdim etgani haqida...

Janubiy Koreyaning Gyeongbuk texnoparki (GBTP) Halla universiteti bilan birgalikda Farg‘ona viloyatida «Smart Factory» loyihasini ishga tushirishni rejalashtirmoqda. Bu haqda IT Park xabar berdi.

Loyiha raqamli texnologiyalarni faol joriy etgan holda mavjud sanoat korxonasini transformatsiya qilishni o‘z ichiga oladi. U Koreya savdo, sanoat va energetika vazirligi (MOTIE) tomonidan moliyaviy qo‘llab-quvvatlanadi.

Loyiha doirasida ular O‘zbekistonda xizmat ko‘rsatish markazini joylashtirishni rejalashtirmoqda. U raqamli texnologiyalarni ishlab chiqish va tashabbusni texnologik qo‘llab-quvvatlash uchun javobgar bo‘ladi.

Kelgusida Koreya kompaniyalari uchun autsorsing xizmatlarini ko‘rsatish imkoniyatiga ega bo‘ladi.

IT Park xizmat ko‘rsatish markazi ishiga mahalliy korxonalarni, shu jumladan, texnologik klasterning amaldagi rezidentlarini jalb qilishni taklif qildi. GBTP...

22-may kuni Toshkentda GSMA tashkilotining M360 Eurasia 2025 sammiti muvaffaqiyatli yakuniga yetdi. Bu sammit Markaziy Osiyoda ilk bor o‘tkazildi. O‘zbekiston Raqamli texnologiyalar vazirligi, Beeline Uzbekistan va VEON Group tomonidan qo‘llab-quvvatlangan ushbu muhim tadbir butun Yevroosiyo bo‘ylab global mobil aloqa va texnologiya sohalarining nufuzli rahbarlari, siyosatchilar, investorlar hamda soha mutaxassislarini bir joyga to‘pladi. Jami 60 mamlakatdan 1000 dan ortiq ishtirokchi qatnashgan bu tadbir O‘zbekistonning mintaqaviy texnologiyalar markazi va Markaziy Osiyo uchun raqamli ko‘prik sifatidagi mavqeyi tez sur’atlar bilan o‘sib borayotganini yaqqol namoyon etdi.

M360 Eurasia 2025 mintaqa bo‘ylab raqamli transformatsiyani tezlashtirish bo‘yicha muhokamalar uchun strategik platforma vazifasini o‘tadi. Unda asosiy e’tibor...

Toshkent viloyatining Bo‘stonliq tumanida «Teberda-NL» sayyohlik majmuasi ochildi. Bu haqda viloyat hokimligi matbuot xizmati xabar bermoqda. Dam olish maskani Qoranko‘l mahallasida joylashgan.

Majmua mehmonxonalar, dam olish maskanlari, suzish havzalari, o‘zbek va xorijiy taomlarni taqdim etuvchi restoranlarni o‘z ichiga oladi.

Hokimlik ushbu majmua mahalliy va xorijlik sayyohlarni qabul qilishga mo‘ljallanganini ta’kidlagan.

Bu Toshkent viloyatida ochilgan birinchi sayyohlik majmuasi emas. Joriy yilning aprel oyida Chirchiq qirg‘og‘ida «Chorvoq darvozasi» ochildi. O‘zmilliybank uni tashkil etishni moliyalashtirgan edi.

Eslatib o‘tamiz, Kursiv Uzbekistan nashri Imom Buxoriy majmuasida muzey, mehmonxona va xizmat binolari qurilishi haqida yozgan edi.

Red Magic 10S Pro+ modeli dunyodagi eng kuchli smartfon deb tan olindi. Bu haqda AnTuTu xabar bermoqda.

Kuchli sovitish tizimiga ega bo‘lgan Snapdragon 8 Extreme Edition oddiy sovitish tizimlariga ega Snapdragon 8 Elite’dan bir necha barobar tezroq ishlaydi.

Jadvalda siz tizimlarning farqini ko‘rishingiz mumkin.

Umuman olganda, may oyida taqdim etilgan reytingda Qualcomm SoCs tizimlari yetakchilik qilmoqda. Ayni paytda Dimensity SoCs’da faqat uchta model mavjud.

Eslatib o‘tamiz, Kursiv Uzbekistan nashri dunyo bo‘yicha eng ko‘p sotilgan smartfonlar reytingi e’lon qilingani haqida yozgan edi.

Raqobatni rivojlantirish va iste’molchilar huquqlarini himoya qilish qo‘mitasi tomonidan olib borilgan tekshiruvlar natijasida «Agrobank» ATB tomonidan joylashtirilgan ayrim reklama materiallari amaldagi qonunchilik talablariga mos kelmasligi aniqlangan.

Xususan, bank tomonidan «Agrobank Mobile» ilovasini yuklab olib, 100 million so‘mgacha mikroqarz olish imkoniyatini targ‘ib qiluvchi reklamalarda kredit shartlarining asosiy va muhim jihatlari ko‘rsatilmagan. «Reklama to‘g‘risida»gi Qonunning 43-moddasiga binoan, moliyaviy xizmatlarni ko‘rsatuvchi reklamalar foydalanuvchilarni chalg‘itmaydigan tarzda tayyorlanishi, asosiy shartlar esa ochiq-oydin ko‘rsatilishi kerak.

Qo‘mita huzuridagi maxsus komissiya mazkur holat bo‘yicha qonunbuzarlik ishi qo‘zg‘atdi va uni ko‘rib chiqish yakunlariga ko‘ra «Agrobank» ATBga nisbatan moliyaviy jarima qo‘llash to‘g‘risida qaror qabul qildi.

Bundan tashqari, bankka qonunbuzarlikni...

Turizm boshqarmasi turfirmalarga 5-iyun kuni BAAga turistlar yuborilmasligini tavsiya etdi. Ma’lum qilinishicha, futbol bo‘yicha BAA – O‘zbekiston o‘yinida o‘zbekistonliklar stadionga kira olmasligi mumkin.

Ushbu o‘yinga ijtimoiy tarmoq faollari tomonidan 5 mingga yaqin O‘zbekiston fuqarosini olib kelish targ‘ib qilinmoqda. Tomoshabinlar soni stadion sig‘imidan ortib ketishi xavfi mavjud.

«Al Vahda» stadionining sig‘imi 12 ming bo‘lib, O‘zbekiston muxlislari uchun atigi 960 o‘rin ajratilishi belgilangan (stadion sig‘imining 8 foizi).

Mazkur holat xavfsizlik muammolariga sabab bo‘lishi mumkin. Shu bois 5-iyun kuniga BAAga turpaketlar orqali sayohatlarni cheklash tavsiya etiladi.

Ma’lumot o‘rnida, BAA – O‘zbekiston uchrashuvi 5-iyun kuni Toshkent vaqti bilan 21:00 da boshlanadi. Mamlakatimiz vakillari...

Toshkent shahrida bo‘lib o‘tgan va xalqaro miqyosda nufuzli musobaqalardan biri hisoblangan 2025-yilgi WTT Youth Contender Tashkent turniri o‘z yakuniga yetdi.

Stol tennisi bo‘yicha yosh sportchilar o‘rtasida o‘tkazilgan bellashuvlarda dunyoning 15 dan ortiq mamlakatlaridan kelgan 300 nafardan ziyod ishtirokchilar o‘zaro raqobat olib borishdi.

Musobaqa natijalariga ko‘ra, turli yosh toifalarida g‘oliblar va sovrindorlar quyidagicha taqdirlandilar:

Foto: O’zbekiston stol tennisi federatsiyasi

U15 yosh toifasi, qizlar bahsi

Tanishka Kalbhairav, Hindistondan tashrif buyurgan iqtidorli sportchi ushbu toifada oltin medalni qo‘lga kiritdi.

O‘zbekistonlik Adelina Khasanova esa finalgacha yetib borib, kumush medalga sazovor bo‘ldi.

U15 yosh toifasi, o‘g‘il bolalar bahsi

Mobin Amiri, Erondan...

Qozog‘iston prezidenti Qosim-Jomart Toqayev Al-Jazira telekanaliga bergan intervyusida davlat rahbari lavozimini to‘rt yildan keyin tark etishini aytdi.

«2029 yilda men iste’foga chiqishimni e’lon qilgandim. Chunki bu mening xalqim va shaxsiy talabim», – deydi u.

Toqayev davlat rahbari Xudoning himoyachisi emas, balki xalq tomonidan yollangan boshqaruvchi ekanini ta’kidladi.

Qosim-Jomart Toqayev 1953-yil 17-mayda Olmaota shahrida tug‘ilgan. Mehnat faoliyatini SSSR Tashqi ishlar vazirligida boshlagan. 1990 – 2000-yillarda Qozogʻiston Tashqi ishlar vazirligini boshqargan.

2019-yilning mart oyida u Qozog‘iston Respublikasi rahbari bo‘lib, mamlakatni 30 yilga yaqin boshqargan Nursulton Nazarboyev o‘rnini egalladi. 2022-yil kuzida bo‘lib o‘tgan Qozog‘iston Respublikasi rahbarining navbatdan tashqari saylovlarida Toqayev 81,31 foiz ovoz olgan.