Yangiliklar

AQSh prezidenti Donald Tramp mamlakatga olib kiriladigan avtomobillarga 25 foizlik boj joriy etilishini e’lon qildi. Uning so‘zlariga ko‘ra, bu tariflar AQShda ishlab chiqarilmaydigan barcha avtomobillarga taalluqli bo‘lib, 2-apreldan kuchga kiradi. Bu haqda RBK nashri ma’lum qildi.

Tramp ma’muriyati ushbu bojlar orqali AQSh iqtisodiyotiga yiliga $100 mld daromad kelishini kutmoqda. U «katta uchlik» – Ford, General Motors va Stellantis vakillari bilan uchrashib, yangi qoidalar bo‘yicha maslahatlashganini ham ta’kidladi.

Trampning bu qarori fond bozoriga ta’sir o‘tkazdi – General Motors va Ford Motors aksiyalari 5 foizdan ortiq pasayib ketdi. Avtomobil bozoridagi yirik ishlab chiqaruvchilar, jumladan, Toyota va BMW yangi bojlar AQShda avtomobillar...

O‘zbekistondagi Uzum raqamli ekotizimi 300 mlrd so‘mlik obligatsiyalar chiqarilishini ro‘yxatdan o‘tkazdi. Bu haqda Uzum matbuot xizmati Kursiv Uzbekistan’ga ma’lum qildi.

Taqdim etilgan obligatsiyalar bo‘yicha yillik kupon stavkasi 25 foiz qilib belgilangan bo‘lib, ularning muomala muddati ikki yilni tashkil etadi. Obligatsiyalar «Toshkent» Respublika fond birjasida joylashtiriladi va muomalada bo‘ladi.

Mazkur qimmatli qog‘ozlarni chiqarishdan tushgan mablag‘lar Uzum fintech yo‘nalishini rivojlantirish va kengaytirishga yo‘naltirilishi rejalashtirilgan. Kompaniya vakillarining ta’kidlashicha, bu qarz kapitali bozorini rivojlantirishga qaratilgan muhim qadam bo‘lib, mamlakat iqtisodiyoti uchun yangi moliyaviy vositalarni taklif etishga xizmat qiladi.

Ma’lumot uchun, Uzum ekotizimi fintech, elektron tijorat va bank xizmatlarini birlashtirgan platforma bo‘lib, uning xizmatlaridan har...

2025-yil 1-apreldan boshlab farmatsevtika mahsulotlari savdosi bilan shug‘ullanuvchi yoki tibbiy xizmat ko‘rsatuvchi yuridik shaxslar daromadidan qat’iy nazar QQS to‘lovchisi bo‘ladi.

Bu jarayonda soliq organlari Onlayn-NKT, EHF va boshqa ma’lumotlar asosida QQS hisobotlarini avtomatik shakllantirish tizimini joriy etadi. Ushbu yangi tartib Soliq kodeksiga tegishli o‘zgartirishlar kiritilgandan so‘ng kuchga kiradi.

Amaldagi soliq tartibi

Hozirda farmatsevtika mahsulotlarini sotuvchi yoki tibbiy xizmat ko‘rsatuvchi yuridik shaxslar uchun quyidagi soliq rejimi amal qiladi:

Shuningdek, ijtimoiy soha faoliyatini amalga oshiruvchi...

Oʻzbekistonda 314 km uzunlikdagi «Toshkent – Andijon» tezyurar avtomobil yoʻli qurilishi rejalashtirilgan. Qurilish boʻyicha xalqaro tenderda 30 dan ortiq xorijiy kompaniyalar jalb etilgan. Bu haqda Shavkat Mirziyoyev huzurida boʻlib oʻtgan yigʻilishda ma’lum qilindi.

Magistral yoʻl harakati vaqtini besh soatdan uch soatgacha, baxtsiz hodisalar sonini esa 40 foizga qisqartiradi. Shuningdek, mamlakat yalpi ichki mahsulotini 2,6 foizga oshirishi kutilmoqda.

Toshkent va Samarqand shaharlari oʻrtasida yangi yoʻl qurilishi ham rejalashtirilgan. Uning uzunligi qariyb 300 kmni tashkil etadi. Bu esa mavjud magistraldagi tirbandlikni kamaytiradi va shaharlar orasidagi qatnovni tezlashtiradi.

Eslatib oʻtamiz, Kursiv Uzbekistan nashri Oʻzbekiston 1,1 mlrd kub m gaz va 2,6 mlrd...

Yevropa Ittifoqining tashqi ishlar va xavfsizlik siyosati boʻyicha oliy vakili, Yevropa komissiyasi vitse-prezidenti Kaya Kallas 27-mart kuni Ashxobodda boʻlib oʻtadigan «Yevropa Ittifoqi – Markaziy Osiyo» 20-vazirlar yigʻilishida ishtirok etganidan soʻng Toshkentga tashrif buyuradi. Bu haqda Yevropa Ittifoqining Oʻzbekistondagi delegatsiyasi rasmiy saytida e’lon qilindi.

Ashxoboddagi yigʻilishda muhokama qilinadigan asosiy mavzular 2025-yil 3-4-aprel kunlari Samarqandda boʻlib oʻtadigan tarixda ilk bor Yevropa Ittifoqi – Markaziy Osiyo sammitiga tayyorgarlik, mintaqaviy xavfsizlik, transport va raqamli aloqa, energetika, savdo va ta’lim masalalari boʻladi.

Uchrashuvdan soʻng Kaya Kallas Toshkentga boradi va u yerda Oʻzbekiston Tashqi ishlar vaziri Baxtiyor Saidov va prezident Shavkat Mirziyoyev bilan muzokaralar oʻtkazadi...

Samsung kompaniyasi uzoq kutilgan Samsung S25 Edge smartfonining rasmiy koʻrinishini e’lon qildi. Bu haqda Sammobile nashri xabar bermoqda.

Qurilma Xitoyning 3C regulyatoridan sertifikat oldi. Smartfon 25 Vt quvvatga ega. Bundan tashqari, yangi mahsulot 6,7 dyuymli ekrandan iborat.

Model Qualcomm Snapdragon 8 Elite protsessori bilan chiqarildi. Shunga oʻxshash chip Galaxy S25 smartfonlarining yangilangan qatoriga oʻrnatilgan.

Smartfonning qalinligi 6,4 mmni tashkil qiladi. Kameralardan biri 200 megapikselli boʻladi.

Eslatib oʻtamiz, Kursiv Uzbekistan nashri Galaxy S25 Edge titan qotishmasidan iborat ramkaga ega boʻlishi mumkinligi haqida yozgan edi.

Xiaomi kompaniyasi oʻzining ikkinchi elektromobil modeli – YU7 krossoverining rasmini taqdim etdi. Bu haqda CarNewsChina ma’lum qildi.

Bu model oʻz oʻlchami va texnik xususiyatlari bilan Lexus RX va BMW X5 kabi mashhur raqobatchilarini ortda qoldirmoqchi.

YU7 ning oʻlchamlari 4999 x 1996 x 1608 mm boʻlib, gʻildirak bazasi esa 3000 mmni tashkil qiladi. Ushbu avtomobil yuqori darajadagi texnologiyalar bilan jihozlangan boʻlib, uning dizayni futuristik va zamonaviy koʻrinishga ega.

YU7 ning texnik jihatlari ham e’tiborni jalb qiladi. Avtomobil bir nechta dvigatel variantlarida taqdim etiladi. Birinchi versiyada 315 ot kuchiga ega yagona dvigatel mavjud. Ikkinchi variantda esa ikkita dvigatel (oldingi 295 ot...

Oʻzbekiston 2025 yilda 1,1 mlrd kub m gaz va 2,6 mlrd kWt soat elektr energiyasini tejashni rejalashtirmoqda. Bu haqda Shavkat Mirziyoyev huzurida oʻtgan energiya resurslarini iqtisod qilish chora-tadbirlari boʻyicha yigʻilishda ma’lum qilindi.

Bunga erishish uchun 300 ta kichik quyosh elektr stansiyasini qurish rejalashtirilgan boʻlib, bu yoʻl bilan 45 mln kub m gazni tejasa boʻladi. Shuningdek, kanal va soylarda qurilgan mingdan ziyod GESlar hisobiga qoʻshimcha 175 mln kWt-soat elektr ishlab chiqariladi.

Samarqand, Sirdaryo va Jizzaxdagi oʻrganishlarda 870 mln kWt soat elektr va 420 mln kub metr gazni iqtisod qilish yangi imkoniyatlari aniqlangani qayd etilgan. Kichik va oʻrta sanoat korxonalarida...

Xitoyda Galactic Energy kompaniyasi tomonidan raketalarni uchirish uchun elektromagnit tizimi ishlab chiqilmoqda. Bu haqda South China Morning Post (SCMP) xabar bermoqda.

Ushbu tizim 2028-yilga kelib joriy etilishi kutilmoqda. U magnit levitatsiya (maglev) texnologiyasi asosida ishlaydi. Magnit maydon yordamida raketani yuqori tezlikda harakatlantirishni ta’minlaydi. Tizimda ishlatiladigan oʻzgarmas magnitlar raketani yer yuzasidan uchirish jarayonida uning tezligini tovush tezligidan oshiradi.

Bu yangi texnologiyaning asosiy afzalliklaridan biri shundaki, u raketaning uchishini yanada samarali qilish imkonini beradi. Tizimning ishlash prinsipi shovqinni minimallashtirishga yordam beradi. Shuningdek, elektromagnit tizimi raketa yonilgʻisini tejash imkonini yaratadi, bu esa uning uchirish narxini kamaytiradi.

Bu texnologiya kichik raketalar uchun ideal...

27-mart, payshanba kuni muborak Ramazon oyining yigirma yettinchi kuni boʻlib, Toshkent shahrida saharlikning tugashi soat 4:55 ni tashkil qiladi. Iftorlik esa 18:46 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan:

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu

Eslatib oʻtamiz, Kursiv Uzbekistan roʻza tutishda salomatlik uchun qanday qoidalarga amal qilish haqida yozgan edi.

Rossiyada noyob identifikatorga ega raqamli migrant profili paydo boʻladi. Bu haqda TASS nashri xabar bermoqda.

Rossiya bosh vaziri Mixail Mishustin Davlat Dumasi deputatlari oldidagi nutqida tizimning yaqinda ishga tushirilishi haqida gapirdi. Uning soʻzlariga koʻra, tizim 2025-yil 30-iyundan ishlay boshlaydi va kelajakda qogʻoz patentining analogiga aylanishi mumkin.

Rossiya hukumati rahbari noqonuniy migratsiyani davlat barqarorligi va xavfsizligiga tahdid deb atagan. Mishustinning eslatishicha, nazorat ostidagi shaxslar reyestrida hozirda Rossiya Federatsiyasi hududida noqonuniy boʻlgan 640 ming migrant haqida ma’lumotlar mavjud.

Eslatib oʻtamiz, Kursiv Uzbekistan nashri Rossiyada ayrim migrantlarga patentsiz ishlashga ruxsat berilgani haqida yozgan edi.

25-mart kuni qabul qilingan yangi qonun bilan shaharsozlik qoidalarini buzganlik uchun javobgarlik choralari kuchaytirildi. Bu haqda Adliya vazirligi xabar berdi.

Unga ko‘ra, jinoiy javobgarlik bino va inshootlardan foydalanish bo‘yicha ruxsatnoma berish yoki qabul qilish qoidalarini buzganda, davlat organlarining ruxsatisiz qurilish ishlarini amalga oshirishganda, ko‘p kvartirali uylarning asosiy konstruksiyalarini noqonuniy o‘zgartirish yoki rekonstruksiya qilish hamda qonunbuzarliklar tufayli odam o‘limiga yoki boshqa og‘ir oqibatlarga sabab bo‘lganda qo‘llaniladi.

Ushbu huquqbuzarliklar uchun jinoiy javobgarlik, avval ma’muriy javobgarlik choralari ko‘rilgandan keyin qo‘llaniladi. Agar qonunbuzar noqonuniy o‘zgartirishlarni o‘z xohishi bilan tiklasa, u javobgarlikdan ozod qilinishi mumkin.

Shuningdek, loyiha tashkilotlarining ko‘rsatmalariga rioya qilmagan qurilish buyurtmachilari javobgarlikka...

Qozogʻistonda deputatlar tomonidan raqamli aktivlar sohasini isloh qilishni taklif qilindi. Bu haqda Tengrinews xabar berdi.

Deputat Azat Peruashevning taʼkidlashicha, kriptovalyuta jahon moliya tizimining muhim qismiga aylanmoqda, biroq mamlakatda undan qonuniy foydalanish uchun huquqiy infratuzilma mavjud emas. Raqamli aktivlar aylanmasining taqiqlanishi yashirin bozor, noqonuniy ayirboshlovchilar va moliyaviy firibgarliklarning koʻpayishiga olib keladi.

Yechim sifatida u qonuniy maydonda raqamli aktivlarni nazorat qilish, saqlash va almashishni ta’minlaydigan kriptobank tashkil etishni taklif qildi, bu esa Qozogʻistonning mintaqaviy fintech markazi sifatidagi mavqeyini mustahkamlaydi.

Shuningdek, deputat Yekaterina Smishlyayeva ham raqamli aktivlarni tartibga solishni qayta koʻrib chiqish tarafdori boʻldi. U jismoniy shaxslar uchun litsenziyalangan maydonchalardan...

Joriy yilda Ramazon hayitining birinchi kuni 30-mart – yakshanba kuniga to‘g‘ri kelishi haqidagi O‘zbekiston musulmonlari idorasining axboroti qabul qilindi. Bu haqda prezident qarori ham e’lon qilindi.

Shu sababdan, Mehnat kodeksining 208-moddasiga muvofiq ishlanmaydigan bayram kuni hisoblanuvchi Ramazon hayitining birinchi kuni yakshanba – dam olish kuniga to‘g‘ri kelishi munosabati bilan ushbu dam olish kuni 31-mart – dushanba kuniga ko‘chiriladi.

Avvalroq «Kursiv» mart oyida o‘zbekistonliklar necha kun dam olishi haqida yozgandi.

Ertaga, 27-martdan Delta mikromoliya tashkiloti 10 mlrd so‘mlik obligatsiyalarini savdoga chiqaradi. Bu haqda Toshkent fond birjasi xabar berdi.

Obligatsiyalar fond birjasining kotirovka ro‘yxatiga DMMT2B tikeri bilan kiritiladi. Ushbu jarayon 11-martda Istiqbolli loyihalar milliy agentligi (ILMA) tomonidan ro‘yxatdan o‘tkazilgan.

Kompaniya har birining nominal qiymati bir million so‘mlik 10 mingta obligatsiya chiqaradi. Obligatsiyalarning yillik daromadlilik stavkasi 28 foizni tashkil etadi.

Markaziy bankning milliy valyutadagi bank depozitlari bo‘yicha fevral oyi stavkalari 22,1 foizni tashkil qilgan. Unga ko‘ra, Delta’ning 28 foiz obligatsiyalari bilan 6 foiz ko‘proq daromad olish mumkin.

Ma’lumot uchun, Delta 2009-yilda tashkil etilgan. Bugungi kunda kompaniyaning ustav kapitali 42 mlrd so‘mni tashkil...

Agar AQSh Kongressi davlat qarzi chegarasini oshirmasa, mamlakat iyul oyi oʻrtalarida hisob-kitoblarni toʻlash uchun mablagʻ yetishmovchiligiga duch kelishi mumkin. Bu haqda Amerikaning ikki partiyaviy siyosat boʻyicha notijorat tahliliy markazi xabar berdi.

Tahlilchilarning hisob-kitoblariga koʻra, AQSh davlat qarzi boʻyicha defolt iyul oʻrtalaridan oktabr boshigacha boʻlgan davrda yuzaga kelishi mumkin. Uning aniq sanasi esa budjetga soliq tushumlari, tariflardan keladigan daromad va boshqa moliyaviy omillarga bogʻliq boʻladi.

Hozirda AQSh davlat qarzi $36,5 trilliondan oshgan. Kongress budjet boshqarmasi prognoziga koʻra, bu koʻrsatkich 2034-yilga borib $50 trilliondan oshishi mumkin.

Moliya bozorlarida vaziyat keskinlashar ekan, mutaxassislar Kongressning qarzi boʻyicha chegara oshirish masalasidagi kechikishi iqtisodiy beqarorlikni...

27-martdan AQSh dollarining rasmiy kursi 20,18 so‘mga tushib, 12 909, 19 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 865 – 12 920 so‘mdan sotib olayotgan bo‘lsa, 12 930 – 12 990 so‘m oralig‘ida sotmoqda.

Shu bilan birga, yevro 28,25 so‘mga tushib, 13 935,47 so‘mga yetdi. Rossiya rubli esa 0,43 so‘mga oshib, 153,30 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.      

O‘zbekistonning San-Marinoga tayinlangan birinchi elchisi Abat Fayzullayev (qarorgohi Rimda joylashgan) mazkur davlat rahbarlari – Kapitan-regentlar Francheska Chiverkya va Dalibor Rikkardiga ishonch yorliqlarini topshirdi. Bu haqda «Dunyo» axborot agentligi ma’lum qildi.

Tantanali marosimda San-Marino tashqi ishlar vaziri Luka Bekkari so‘zga chiqib, akkreditatsiyadan o‘tgan elchilarni olqishladi. U O‘zbekistonda amalga oshirilayotgan iqtisodiy va demokratik islohotlarni hamda San-Marino bilan aloqalarni rivojlantirish yo‘lidagi sa’y-harakatlarni yuqori baholadi.

Shuningdek, O‘zbekistonning iqlim o‘zgarishi va barqaror rivojlanish bo‘yicha olib borayotgan siyosati e’tirof etildi. Tomonlar o‘zaro savdo-iqtisodiy hamkorlikni rivojlantirish, huquqiy bazani mustahkamlash va xalqaro tashkilotlar doirasida qo‘llab-quvvatlash borasida kelishuvlarga erishdi.

Eslatib o‘tamiz, O‘zbekiston va San-Marino o‘rtasidagi diplomatik munosabatlar 2021-yil...

Xitoyda Geely kompaniyasi tomonidan ishlab chiqilgan Lynk & Co 900 krossoveri taqdim etildi. Bu haqda ITHome nashri xabar bermoqda.

Lynk & Co 900 dizayni bilan ajralib turadi. Futuristik tashqi koʻrinishi, ilgʻor raqamli yoritish tizimi va zamonaviy interyeri bilan mashhur. Avtomobilning oʻlchamlari 5240 x 1999 x 1810 mm boʻlib, gʻildirak bazasi 3160 mmni tashkil etadi. Bu shakl uni juda keng va qulay qiladi.

Lynk & Co 900 Xitoy bozorida Li Auto L9 va BYD Denza N9 kabi modellarga raqobatchi boʻlmoqchi. U oʻzining texnologik imkoniyatlari, koʻplab zamonaviy xususiyatlari va raqobatbardosh narxi bilan ajralib turadi.

Lynk & Co 900’ning tashqi koʻrinishi va...

O‘zbekistonda ishbilarmonlik muhitini yaxshilash va tadbirkorlarning duch kelayotgan muammolarini aniqlash maqsadida «Biznes-barometri» so‘rovnomasi tashkil etilgan. Bu haqda Investitsiyalar, sanoat va savdo vazirligi xabar berdi.

So‘rovnomada respublikadagi tadbirkorlik faoliyatiga ta’sir qiluvchi omillar, mavjud to‘siqlar va ularni bartaraf etish bo‘yicha takliflar o‘rganiladi.

Har bir kompaniyadan faqat bitta vakil ishtirok etishi mumkin. Javoblarning maxfiyligi kafolatlanadi va ma’lumotlar umumlashtirilgan holda tahlil qilinadi. Natijalarning ishonchliligini ta’minlash uchun oddiy identifikatsiya tizimi joriy etilgan.

So‘rovnomada ishtirok etish etish uchun havola.

Avvalroq Kursiv Uzbekistan ayrim tadbirkorlarga 10 ming kvadrat metrgacha bo‘lgan obyektlar besh yilga bepul ijaraga berilishi haqida yozgandi.

26-mart kuni Shahrisabz aeroporti ikki haftalik tanaffusdan soʻng muntazam yoʻlovchi qatnovlarini qabul qilishni boshladi. Bu haqda Uzbekistan airports maʼlum qildi.

Shahrisabz aeroportining havo qatnovini Silk Avia kompaniyasining US721 reysi ochib berdi. Samolyot mahalliy vaqt bilan soat 11:17 da aeroportga qoʻndi.

13-mart kuni Shahrisabz aeroporti uchish-qoʻnish yoʻlagida kapital taʼmirlash ishlari olib borilayotgani munosabati bilan faoliyatini vaqtincha toʻxtatgan edi.

«Uzoq muddatli foydalanishdan keyin uchish-qoʻnish yoʻlagi sirti mustahkamlanib, yangi asfalt bilan almashtirilgan. Yurish yoʻlagini taʼmirlash ishlari ham yaqin vaqt ichida yakunlanadi» — deyiladi xabarda.

Eslatib oʻtamiz, Kursiv Uzbekistan Andijon aeroporti rekonstruksiyadan keyin birinchi texnik reysni qabul qilgani haqida yozgan edi.

Davlat xavfsizlik xizmati tomonidan Toshkent shahar Favqulodda vaziyatlar boshqarmasi (FVB) boshlig‘i o‘rinbosarining noqonuniy harakatlari fosh etildi.

Olib borilgan tezkor-qidiruv tadbirlari natijasida mazkur mansabdor shaxsning o‘z lavozim vakolatlaridan foydalanib, pora olgani aniqlangan.

U Toshkent shahrida qurilishi rejalashtirilgan binolarning eskiz loyihalarini tasdiqlash, yong‘indan avtomatik ogohlantiruvchi qurilmalar bo‘yicha dalolatnomalarni imzolash hamda yangi qurilgan yoki rekonstruksiya qilingan obyektlarga ijobiy xulosa berish evaziga tamagirlik qilgan.

Eng achinarlisi, pora evaziga ruxsat berilgan obyektlar orasida umumiy o‘rta ta’lim maktabi va tibbiyot muassasasi ham borligi qayd etilgan.

Mazkur shaxsga nisbatan Jinoyat kodeksining tegishli moddalari bo‘yicha jinoyat ishi qo‘zg‘atilib, qamoqqa olish tarzidagi ehtiyot chorasi qo‘llanilgan. Hozirda dastlabki...

Raqobat qo‘mitasi tomonidan yengil avtomobillarni xarid qilish va servis xizmatlaridan noroziligi yuzasidan iste’molchilardan kelib tushgan murojaatlar o‘rganildi. Bu haqda qo‘mita matbuot xizmati xabar berdi.

Joriy yilning dastlabki ikki oyi davomida ushbu yo‘nalishda 154 ta murojaat kelib tushgan bo‘lib, ularning 106 tasi (68,8%) qanoatlantirilgan, 36 tasiga (23,4%) tushuntirish berilgan va 11 tasi vakolatli organlarga yuborilgan.

Natijasida iste’molchilarga 705,3 mln so‘m pullari qaytarib berildi. Bundan tashqari, sifatsiz deb topilgan 6 ta avtomobil yangisiga almashtirildi.

Jumladan, Toshkent shahridagi Pronto Motor Trade avtosalonidan fuqaro Tracker-2 TRK Redline avtomobilini sotib olgan, biroq mashinada nuqsonlar aniqlangan. Qo‘mita aralashuvi bilan 253,4 mln so‘mlik avtomobil yangi va...

BYD kompaniyasi o‘zining elektr flagmani Yangwang U7 modeli uchun ilg‘or YunNian-Z osma tizimini taqdim etdi. Bu haqda CarNewsChina You Tube kanalida flagman videoroligini joylashtirdi.

Videosida jang san’ati ustasi Vin Chun uslubidagi harakatlarni bajaradi. Avtomobil notekis yo‘lda harakatlanayotgan bo‘lsa-da, uning kuzovi mutlaqo barqarorligicha qoladi.

YunNian-Z osma tizimida suyuqlikdan foydalanilmaydi va to‘g‘ridan to‘g‘ri elektromotorlar orqali boshqariladi. Tizim atigi 10 millisekund ichida yo‘l sharoitlariga moslashishi mumkin, bu esa an’anaviy moslashuvchan amortizatorlardan ancha tezkorligini anglatadi.

Yangwang U7 nafaqat YunNian-Z, balki YiSiFang deb nomlangan ilg‘or harakat boshqaruv tizimi bilan ham jihozlangan. Bu uni butunlay raqamli kuzov stabilizatsiyasi bilan jihozlangan dunyodagi birinchi seriyali elektromobilga aylantiradi.