Yangiliklar

Davlat xavfsizlik xizmati (DXX) tomonidan oʻtkazilgan tezkor-qidiruv tadbirlari davomida soliq idoralarining ayrim mansabdor shaxslari tomonidan amalga oshirilgan yirik moliyaviy firibgarlik holati aniqlangani ma’lum qilindi.

Aniqlanishicha, «Barqarorlik reytingi» dasturida koʻrsatkichlar sun’iy oshirilgan va xavf darajalari olib tashlangan. Ushbu oʻzgarishlar moddiy manfaat evaziga 18 ta xoʻjalik yurituvchi subyekt foydasiga amalga oshirilgan. Natijada Davlat budjetidan 82 milliard soʻm miqdoridagi qoʻshilgan qiymat soligʻi (QQS) noqonuniy tarzda qaytarib olingan.

Holat yuzasidan Davlat xavfsizlik xizmati Tergov boshqarmasi tomonidan Jinoyat kodeksining 167-moddasi (firibgarlik) va 209-moddasi (mansab soxtakorligi) boʻyicha jinoyat ishi qoʻzgʻatildi.

Tergov doirasida yogʻoch importi bilan shugʻullanuvchi MCHJ hisobiga 5,5 milliard soʻmlik QQS mablagʻi noqonuniy qaytarilgani...

O‘zbekiston Respublikasi valyuta birjasidagi (O‘zRVB) ma’lumotlarga ko‘ra, 2025-yil 16-maydan 23-maygacha AQSh dollarining so‘mga nisbatan o‘rtacha kursi 12 917,10 so‘mdan 12 915,90 so‘mga tushdi. Ammo hafta davomida keskin tebranishlar kuzatildi.

Eng katta pasayish hafta boshida, 19-may kuni ro‘y berdi — dollar kursi bir kunda 58,95 so‘mga tushib, 12 858,15 so‘mni tashkil etdi. 20-may kuni dollar 12 892,91 so‘mga yetdi (+34,76). 21-may kuni esa kurs yana ko‘tarilib, 12 937,93 so‘mni tashkil etdi (+45,02). Ammo bu o‘sish 22-may kuni davom etmadi – kurs 12 904,51 so‘mgacha tushdi (-33,42). 23-mayda esa kurs 12 915,90 so‘mga (+11,39) oshdi.

Shu tariqa...

2024/2025-oʻquv yilida Oʻzbekiston boʻylab barcha mulkchilik shaklidagi umumiy oʻrta ta’lim muassasalarini 455,2 ming nafar oʻquvchi bitirishi kutilmoqda. Bu haqda Milliy statistika qoʻmitasi dastlabki ma’lumotlarga tayanib, xabar berdi.

Ma’lum qilinishicha, shulardan 243,1 ming nafari qiz bolalar. Umumiy bitiruvchilar soni oʻtgan oʻquv yiliga nisbatan 49,2 ming nafarga yoki 12,1 foizga koʻp.

Hududlar kesimida eng koʻp bitiruvchi Samarqand viloyatida (51,8 ming nafar), Fargʻona (47 ming), Qashqadaryo (44,6 ming) va Toshkent shahrida (41 ming) qayd etilgan.

Oʻz navbatida, eng kam bitiruvchilar esa Sirdaryo (11 ming), Navoiy (13 ming) va Jizzax (18 ming) viloyatlariga toʻgʻri kelmoqda.

Avvalroq Kursiv Uzbekistan 2024-yilda 414 mingdan ortiq 11-sinf...

Nissan kompaniyasi 2027-yilda yangilangan X-Trail modelini ishlab chiqarishni rejalashtirayotganini ma’lum qildi. Yangi avlod krossover avvalgi modelning oʻlchamlari va proporsiyalarini saqlab qoladi, lekin old va orqa qismlaridagi dizayn elementlari butunlay yangilanadi.

Model ikki xil tashqi koʻrinishda taqdim etiladi. Elektr versiyasi zamonaviy LED yoritkichlar va eksklyuziv radiator panjarasi bilan ajralib turadi. Yonilgʻi varianti esa Mitsubishi Outlander uslubiga yaqin dizaynni qabul qiladi, lekin plagin-gibrid tizimidan voz kechiladi.

Yangilangan X-Trail 5 va 7 oʻrinli konfiguratsiyalarda taklif etiladi. Salon toʻliq yangilanib, markaziy panelgacha choʻzilgan yirik raqamli displey bilan jihozlanadi.

Elektr versiyasi toʻliq zaryad bilan 600 kilometrgacha masofa bosib oʻtishga qodir boʻladi. Yangi avlod X-Trailʼning...

5-iyun kuni zamonaviy oʻzbek dizayniga bagʻishlangan «Oʻtmish va kelajak bogʻi» pavilyoni ilk bor London dizayn biyennalesida taqdim etiladi. Tashrif buyuruvchilar pavilyonda Madina Qosimboyevaning soʻzanalari, Tigran Erdman va Timur Parmanovning mebellari hamda boshqa san’at asarlarini tomosha qilish imkoniga ega boʻladi.

Pavilyon Oʻzbekistondagi DNA strategik kommunikatsiyalar agentligi tomonidan tashkil etiladi. Dizayn konsepsiyasini esa Olmaotadagi NAAW studiyasi ishlab chiqqan.

«Pavilyon ilhomi sifatida Amir Temur davridagi Samarqand atrofidagi tarixiy bogʻlar tanlangan», – deyiladi agentlik tarqatgan rasmiy bayonotda.

Tashkilotchilarning fikriga koʻra, Oʻzbekistonning bunday nufuzli xalqaro tadbirda ishtirok etishi Toshkent va London oʻrtasidagi madaniy aloqalarni mustahkamlashga xizmat qiladi.

London dizayn biyennalesi...

AQSh prezidenti Donald Tramp 2030-yilga qadar kamida 10 ta yangi yadroviy reaktor qurilishi boʻyicha topshiriq berdi. Bu haqda Oq uy matbuot xizmati ma’lum qildi.

Prezident imzolagan hujjatda har bir loyiha 2030-yilgacha yakunlanishi lozimligi ta’kidlangan. Shuningdek, mavjud yadroviy stansiyalarda elektr energiyasi ishlab chiqarish hajmini 5 gigavattga oshirish belgilab qoʻyilgan.

Bundan tashqari, Energetika vazirligiga Mudofaa vazirligi bilan hamkorlikda Pentagon ehtiyojlari uchun ilgari yopilgan atom elektr stansiyalarini qayta ishga tushirish yoki ularni modernizatsiya qilish imkoniyatlarini oʻrganish topshirildi.

Tramp ma’muriyati atom energetikasini strategik ustuvor yoʻnalish deb baholamoqda. Shu bois Energetika vazirligiga yopilgan reaktorlarni qayta ishga tushirish, mavjud obyektlarda ishlab chiqarishni koʻpaytirish hamda toʻxtatilgan...

AQSh federal sudi Donald Tramp ma’muriyatining Garvard universitetiga xorijlik talabalarni qabul qilishni taqiqlovchi qarorini vaqtincha bekor qildi.

Tramp ma’muriyati universitetning Student and Exchange Visitor Program (SEVP) – xorijlik talabalarni qamrab oluvchi asosiy akademik dastur litsenziyasini bekor qilishga harakat qilgan edi. Sud qaroriga ko‘ra, bu amaliyot sud jarayoni davomida to‘xtatiladi.

Mazkur qaror Garvard tomonidan Massachusets shtati federal sudiga kiritilgan da’voga javoban qabul qilindi. Universitet Tramp ma’muriyatining bu harakatini noqonuniy deb baholab, xorijlik talabalarning huquqlari buzilayotganini ta’kidlagan. Tramp ma’muriyati vakillari bu qaror ustidan apellyatsiya kiritish huquqiga ega.

Ma’lumot uchun, o‘tgan o‘quv yilida Garvardda 7 mingga yaqin xorijiy talabalar tahsil olgan...

Prezidentning 2025-yil 15-maydagi farmoniga muvofiq, nufuzli xalqaro, xalqaro va mintaqaviy xalqaro olimpiadalar gʻoliblari, ularning oʻqituvchilari hamda terma jamoa rahbarlariga beriladigan bir martalik pul mukofotlari miqdori yangilandi.

Unga koʻra, nufuzli xalqaro olimpiadalar gʻoliblari uchun mukofot miqdorlari:

Payme kompaniyasining bosh direktori lavozimiga Stanislav Skvirskiy tayinlandi. Bu haqda Kursiv Uzbekistanʼga kompaniya matbuot xizmati ma’lum qildi.

Ta’kidlanishicha, yangi lavozimda Skvirskiy kompaniyaning rivojlanish strategiyasini ishlab chiqish, yangi xizmat va mahsulotlarni yaratish hamda butun Payme jamoasini boshqarish bilan shugʻullanadi.

Stanislav Skvirskiy ushbu tayinlovga qadar Paymeʼda moliyaviy mahsulotlar departamentiga rahbarlik qilgan hamda daily banking (kundalik banking) yoʻnalishining rivojlanishiga mas’ul boʻlgan.

«Jamoa bilan birgalikda biz moliyaviy xizmatlardan foydalanishni yanada soddalashtiramiz. Ularni har bir foydalanuvchi uchun qulay, tushunarli va yaqin qilamiz», – dedi Paymeʼning yangi rahbari.

Eslatib oʻtamiz, avvalroq Kursiv Uzbekistan Toshkentda Payme koʻmagida 1970-yillarda yaratilgan rassom Nikolay Jarskiyning...

Italiya A Seriyasining 2024/25-yilgi mavsumida Antonio Konte boshchiligidagi «Napoli» chempionlikni qoʻlga kiritdi. Neapolliklar musobaqaning soʻnggi turida «Kalyari» ustidan 2:0 hisobida gʻalaba qozonib, asosiy raqibi «Inter»ni bir ochkoga ortda qoldirdi.

Chempionlik taqdirini hal etgan bahsda «Napoli» safida shotlandiyalik yarimhimoyachi Skott MakTominey va belgiyalik hujumchi Romelu Lukaku oʻz gollari bilan jamoaga muhim uch ochko keltirishdi.

Chempionlik uchun kurash olib borgan «Inter» ham «Komо» maydonida 2:0 hisobidagi gʻalaba bilan mavsumni yakunladi. Biroq bu natija Simone Indzagi shogirdlariga yetarli boʻlmadi – ular umumiy hisobda 81 ochko jamgʻarib, 82 ochkoga ega boʻlgan «Napoli» ortidan 2-oʻrinda qolishdi.

Shu tariqa «Napoli» oʻz tarixida toʻrtinchi bor Italiya chempioni...

S&P Global Ratings xalqaro reyting agentligi Oʻzbekistonning suveren kredit reytingi boʻyicha prognozini «barqaror»dan «ijobiy»ga oʻzgartirdi. Shu bilan birga, xorijiy va milliy valyutadagi uzoq va qisqa muddatli reytinglar «BB-/B» darajasida tasdiqlandi.

Prognozning qayta koʻrib chiqilishi barqaror iqtisodiy oʻsish sur’atlari, tarkibiy islohotlarning faol amalga oshirilishi, jumladan, energiya tariflari va hukumatning fiskal konsolidatsiyaga intilishi bilan bogʻliq.

«Davom etayotgan islohotlar hamda oltinning qulay narxlari eksport hajmi, budjet daromadlari va makroiqtisodiy barqarorlikni qo‘llab-quvvatlashi kutilmoqda», – deyiladi agentlik bayonotida.

Prognozni qayta koʻrib chiqish omillari

24-may kuni O‘zbekiston bo‘ylab biroz bulutli va yog‘ingarchiliksiz ob-havo kuzatiladi. Ba’zi hududlarda shamol kuchayib, chang-to‘zonlar bilan kechishi mumkin. Bu haqda «O‘zgidromet» agentligi ma’lum qildi.

Viloyatlar kesimida ob-havo

Shavkat Mirziyoyev bitiruvchi yoshlarni samimiy tabriklab, ularga kelajakda ulkan kuch va muvaffaqiyatlar tiladi. Bu haqda davlat rahbari matbuot xizmati ma’lum qildi.

Unga ko‘ra, tabrikda, oltin va kumush medal sohiblari ta’limda va jamoat ishlarida o‘zlarini namoyon qilganliklari uchun alohida e’tirof etildi.

Bugungi kunda mamlakatda yoshlarning ilmiy va kasbiy rivojlanishlari uchun keng imkoniyatlar yaratilgan. 201 ta oliy ta’lim muassasasi, 598 ta texnikum, innovatsion markazlar va boshqa ta’lim muassasalari faoliyat ko‘rsatmoqda. Ta’lim tizimining sifatini oshirish, bitiruvchilarga tanlov imkoniyatlarini kengaytirish maqsadida yangi dasturlar va elektron platformalar joriy etilmoqda.

Mirziyoyev yoshlarga milliy va umuminsoniy qadriyatlarni mustahkamlash, izlanish va mehnatdan to‘xtamaslik zarurligini ta’kidladi. Shuningdek, halol...

AQSh federal sudi Donald Tramp ma’muriyatining Garvard universitetining xorijlik talabalarni qabul qilish huquqini bekor qilish borasidagi qarorini vaqtincha to‘xtatdi. Bu haqda Reuters axborot agentligi ma’lum qildi.

Sud bu qarorni AQSh Konstitutsiyasiga zid deb topdi va universitet hamda 7 mingdan ortiq xorijlik talabalar manfaatlarini himoya qildi.

Ichki xavfsizlik vazirligi Garvardni «antisemitizmni qo‘llab-quvvatlash» va «Xitoy kommunistik partiyasi bilan hamkorlik»da ayblab, talabalarga berilgan ruxsatni bekor qilishni rejalashtirgandi. Biroq sud, bu harakat universitetning akademik erkinligi va talabalar huquqlarini buzadi, deb hisoblaydi.

Garvard universiteti bu qarorni «noqonuniy» deb atab, o‘z mustaqilligini himoya qilish uchun sudga murojaat etgan edi. Sud qarori Tramp ma’muriyatining oliy ta’limga...

Koreya Respublikasining «Gyeongsangbuk-do» provinsiyasi hamda «Gyeonbuk Technopark» bilan hamkorlikda «Gyeongsangbuk-do Global Talent Center» markazi tashkil etildi. Bu haqda vazirlik matbuot xizmati ma’lum qildi.

Tadbirda O‘zbekiston va Koreya o‘rtasidagi texnologik hamkorlikning mustahkamlanayotgani ta’kidlandi. Yangi markaz startap loyihalarni qo‘llab-quvvatlash, ilmiy-amaliy aloqalarni rivojlantirish va yoshlar salohiyatini yuzaga chiqarish uchun muhim imkoniyat yaratadi.

Shuningdek, tomonlar o‘zaro anglashuv memorandumi imzolab, ta’lim va innovatsiyalar sohasidagi hamkorlikni kengaytirishga kelishib oldilar. Tadbir doirasida ramziy daraxt ekildi, bu ikki mamlakat o‘rtasidagi do‘stlik va barqaror taraqqiyot ramzi sifatida qabul qilindi.

Eslatib o‘tamiz, avvalroq Al-Beruniy nomidagi xalqaro maktab-internat faoliyati yo‘lga qo‘yilgan edi.

Maktabgacha va maktab ta’limi vazirligi delegatsiyasi Buyuk Britaniyadagi safar davomida Londonda o‘tkazilgan Butunjahon ta’lim forumida ishtirok etib, qator xalqaro hamkorliklarni yo‘lga qo‘ydi. Bu haqda vazirlik matbuot xizmati ma’lum qildi.

Forum doirasida ICESCO bosh direktori Salim al Malik bilan bo‘lajak konferensiyalar va hamkorlik masalalari muhokama qilindi. Cambridge University Press & Assessment bilan esa O‘zbekiston Milliy pedagogika universitetini transformatsiya qilishga doir memorandum imzolandi.

Shuningdek, VSO tashkiloti bilan kelishuvga ko‘ra, yurtimiz maktablariga 500 dan ortiq xorijiy mutaxassis va britaniyalik o‘qituvchilar jalb etiladi.

Buyuk Britaniya Parlamenti Davlat kotibi o‘rinbosari Stiven Jeyms Morgan bilan bolalar ovqatlanishi borasidagi istiqbollar muhokama qilindi.

Safar davomida «El-yurt umidi...

2025-yilning yanvar – mart oylarida 1 931 nafar amerikalik Buyuk Britaniya fuqaroligini olish uchun ariza topshirdi. Bu 2004-yildan beri eng yuqori ko‘rsatkichdir, deya xabar bermoqda CNN.

Unga ko‘ra, bu holat AQShda Donald Trampning ikkinchi prezidentlik muddati boshlanishi bilan bog‘lanmoqda.

2024-yilda esa 5 500 dan ortiq amerikalikka Britaniyada doimiy yashash huquqi berilgan bo‘lib, bu o‘tgan yilga nisbatan 20 foizga ko‘proqdir. Ekspertlar buni siyosiy vaziyat, pandemiyaga munosabat va soliq tizimidan norozilik bilan izohlamoqda.

Britaniya va Yevropadagi qoidalar qattiqlashayotgan bir vaqtda amerikaliklar sonining ko‘payishi muhojirlik siyosatidagi global o‘zgarishlarga e’tibor qaratmoqda.

Eslatib o‘tamiz, avvalroq $200 ming to‘lov evaziga O‘zbekistonda 5 yillik yashash guvohnomasi...

Ingliz, koreys, nemis va yapon tillari bo‘yicha xalqaro sertifikatga ega o‘quvchilar soni asosida texnikum va politexnikumlarda faoliyat yuritayotgan xorijiy til o‘qituvchilari reytingi shakllantiriladi hamda rag‘batlantiriladi. Bu haqda Oliy ta’lim, fan va innovatsiyalar vazirligi ma’lum qildi.

Shu munosabat bilan talabgorlar 2025-yil 30-mayga qadar Yagona interaktiv davlat xizmatlari portali – my.gov.uz orqali ro‘yxatdan o‘tib, o‘zlari va xalqaro darajadagi «B1» yoki unga tenglashtirilgan sertifikat olgan bitiruvchi o‘quvchilari haqida ma’lumot kiritishlari so‘raladi.

Natijalar asosida eng faol 50 nafar chet tili o‘qituvchisiga har biri uchun 50 million so‘m miqdorida bir martalik subsidiya ajratiladi.

Eslatib o‘tamiz, avvalroq Al-Beruniy nomidagi xalqaro maktab-internat faoliyati yo‘lga qo‘yilishi...

Kia kompaniyasi 2026-yilgi yangilangan Carnival miniveni uchun narxlar ro‘yxatini e’lon qildi. Bu haqda 32Carsru nashri xabar berdi.

Baza versiyasi LX (old g‘ildirakdan tortuvchi) uchun narx $36 990 dan boshlanadi, eng to‘liq komplektatsiyadagi gibrid SX Prestige esa $53 090 turadi.

Miniven quyidagi komplektatsiyalarda taqdim etiladi: LXS, EX, SX va SX Prestige. To‘liq g‘ildirakli versiya faqat EX AWD’da mavjud bo‘lib, uning narxi $42 290 etib belgilangan. Gibrid Carnival esa $40 990 – $53 090 oralig‘ida uch xil ko‘rinishda sotuvga chiqariladi.

Barcha versiyalar ikkita 12,3 dyuymli ekran, orqa o‘rindiqlar uchun multimedia tizimi va Dark Edition opsiyasi bilan jihozlangan. Yuqori darajadagi versiyalarda esa...

Tojikiston parlamentining quyi palatasi O‘zbekiston va Qirg‘iziston bilan chegaralarning tutash nuqtasi bo‘yicha shartnomani ratifikatsiya qildi. Bu haqda TASS xabar bermoqda.

Mazkur hujjat joriy yilning mart oyi oxirida Xo‘jand shahrida uch davlat rahbarlari tomonidan imzolangan. Tojikiston prezidenti Emomali Rahmon bu hujjatni «tarixiy» deb atadi.

Nashrning eslatishicha, uch davlat – O‘zbekiston, Tojikiston va Qirg‘iziston – ilgari Sovet Ittifoqi tarkibida bo‘lgan paytda ularning chegaralari faqat ma’muriy tusda bo‘lgan va huquqiy jihatdan rasmiylashtirilmagan.

SSSR parchalanganidan keyin chegara masalasi mamlakatlar o‘rtasida bir necha bor ziddiyatlarga sabab bo‘lgan. So‘nggi bor 2022-yilda Qirg‘iziston va Tojikiston o‘rtasidagi qurolli to‘qnashuv natijasida ikki tomondan yuzdan ortiq kishi halok bo‘lgan...

2025-yil 20-may kuni Toshkent shahrida o‘tgan Global Optical Summit 2025 sammitida Huawei kompaniyasi Yaqin Sharq va Markaziy Osiyo mintaqasi uchun yangi avlod F5G-A optik aloqa texnologiyasini taqdim etdi. Bu haqda kompaniya Kursiv Uzbekistan’ga ma’lum qildi.

Sammitda O‘zbekiston, BAA, Qozog‘iston, Saudiya Arabistoni va boshqa davlatlardan kelgan 250 dan ortiq texnika mutaxassislari, sanoat vakillari va xususiy kompaniyalar qatnashdi. Tadbirda sun’iy intellekt va raqamli transformatsiya jarayonlarida optik texnologiyalarning tutgan o‘rni muhokama qilindi.

Raqamli texnologiyalar vazirining birinchi o‘rinbosari Oleg Pekos o‘z chiqishida «Raqamli O‘zbekiston – 2030» strategiyasi doirasida mamlakatda optik tolali infratuzilmaga katta e’tibor qaratilayotganini ta’kidladi.

«Biz optik infratuzilmani nafaqat...

2025-yil 23-may kuni soat 16:48 da «Olmazor» bekatidan harakatlanishi kerak bo‘lgan 9-sonli metro poyezdi texnik nosozlik sababli harakatdan to‘xtatildi. Bu haqda «Toshkent metropoliteni» DUK matbuot xizmati Kursiv Uzbekistan so‘roviga javoban rasmiy bayonot berdi.

Qayd etilishicha, harakat tarkibidagi havo kompressori bosimi belgilangan me’yor talablariga javob bermagani aniqlangan va yo‘riqnomaga muvofiq ravishda poyezd elektrodepoga qaytarilgan. Yo‘lovchilar esa xavfsizlikni ta’minlash maqsadida bekatga tushirilgan.

Poyezdlar harakati jadvaliga minimal ta’sir ko‘rsatgan ushbu holatdan atigi 3 daqiqa o‘tib, orqadan kelgan boshqa harakat tarkibi orqali yo‘lovchilar manzillariga yetkazilgan. Hozirda barcha yo‘nalishlarda poyezdlar belgilangan jadval asosida harakatlanmoqda.

Avvalroq Kursiv Uzbekistan TTZgacha uzaytiriladigan yangi metro yo‘nalishi 15-iyundan qurila...

Xitoyning BYD kompaniyasi Yevropaga o‘zining hamyonbop BYD Dolphin Surf elektromobilini taqdim etdi. Reuters’ning xabar berishicha, bu kompaniyaning ushbu qit’ada sotiladigan o‘ninchi modelidir.

21-may kuni sotuvga chiqqan Dolphin Surf elektromobili 23 ming yevrodan ($26,1 ming) boshlanadi. 322 km masofaga ega bo‘lgan eng arzon versiya shu narxga sotilayotgan bo‘lsa, 507 km masofani bosib o‘tgan varianti 25 ming yevroga baholanmoqda.

BYD Dolphin Surf uchta versiyada taqdim etiladi: Active, Boost va Comfort. Active versiyasi 30 kWh batareyaga ega bo‘lib, 220 km WLTP yurish masofasini ta’minlaydi. Boost va Comfort versiyalari esa 43,2 kWh batareyaga ega bo‘lib, mos ravishda 322 km va 310 km...

Toshkent shahrining Olmazor tumanida joylashgan qurilish obyekti 1,4 mlrd so‘mlik elektr energiyasini talon-toroj qildi. Bu haqda Bosh prokuratura xabar berdi.

Ma’lum qilinishicha, «V.K.» MCHJga tegishli qurilish obyektida 1,4 mlrd so‘mlik elektr energiyasi noqonuniy yo‘l bilan ishlatilgani aniqlandi. Obyekt elektr tarmog‘iga ruxsatsiz ulangan. Buning oqibatida yirik hajmdagi elektr quvvati noqonuniy ravishda sarflangan.

Ayni paytda mazkur holat yuzasidan tumani prokuraturasi tomonidan dastlabki tekshiruv ishlari olib borilmoqda.

Eslatib o‘tamiz, avvalroq «Kursiv» nashri Buxoro va Farg‘onada umumiy 420,1 mln so‘mlik energiya resurslaridan noqonuniy foydalanish holatlari aniqlangani haqida xabar bergan edi.