Yangiliklar

Samsung Galaxy S25 Ultra kamerasi to‘rtta sensor bilan taqdim etilgan bo‘lsa-da, Ice Universe insayderi tomonidan o‘tkazilgan sinov natijalari Galaxy S25 Edge modelining fotografiya borasidagi ustunligini ko‘rsatdi. Ayniqsa, 4 karra zum rejimida S25 Edge ancha aniq va tafsilotlarga boy suratlar yaratgan.

S25 Edge atigi bitta 200 megapikselli asosiy kamera bilan jihozlangan bo‘lsa-da, optimallashtirilgan algoritmlar va hisoblash fotografiyasining kuchli ishlanmasi tufayli u murakkabroq konfiguratsiyaga ega Ultra modelini ortda qoldirdi. Teleobyektivsiz qurilmaning bunday natijaga erishgani kuzatuvchilarni hayratga soldi.

«Bu S25 Edge’da olinganiga ishonasizmi? Teleobyektivsiz, lekin Ultra’dan yaxshiroq suratga olmoqda«, – deya izoh berdi Ice Universe.

Foto...

Amerikalik YouTube-bloger Cleetus McFarland va uning jamoasi Chevrolet Spark avtomobilini kuchli drag-poyga avtomobiliga aylantirdi. Ular Spark’ning asl kuzovini saqlab qolgan holda, ichki tuzilishini to‘liq o‘zgartirib, quvvatli V8 dvigatelini joylashtirish uchun trubkali karkasdan foydalangan.

Dastlab 10,3 litrli, 1000 ot kuchiga ega motor rejalashtirilgan bo‘lsa-da, yakunda 8,8 litrli dvigatel tanlandi. Bu dvigatel Spark’ga 9,995 soniyada chorak mil (402 metr) masofani bosib o‘tish imkonini berdi. Avtomobilning og‘irligi taxminan 680 kg bo‘lib, u sekvental uzatmalar qutisi bilan jihozlangan.

Ushbu loyiha dastlab Burnout Rivals shousi uchun yaratilgan bo‘lsa-da, keyinchalik to‘liq drag-poyga avtomobiliga aylantirildi. McFarland’ning Spark’i o‘z turida eng tezkor avtomobilga aylangan.

Avtoe’lon’ning yozishicha, o‘zbekistonlik...

Iqtisodiy tadqiqotlar va islohotlar markazi (ITIM) O‘zbekiston ko‘chmas mulk bozoridagi faollik aprel oyida barqarorlashganini ma’lum qildi. Bu haqda markaz matbuot xizmati xabar qildi.

Oy boshidan buyon ko‘chmas mulk bozorida 24 mingta oldi-sotdi shartnomasi rasmiylashtirilgan. Bu mart oyiga nisbatan 20 foizga ko‘p.

Ijobiy o‘sish kuzatilgan hududlar qatorida Namangan (39%), Samarqand (29%) va Buxoro viloyatlari (27%) bor.

Ikkilamchi bozor tahlili

Aprel oyida ikkilamchi uy-joy bozorida narxlar o‘tgan oyga nisbatan 1,3 foizga oshib, o‘tgan yilga nisbatan esa 2,4 foizga qimmatlashdi. Viloyatlar kesimida eng katta yillik o‘sishlar Jizzax (19,8%), Surxondaryo (15,9%) va Xorazm (10%) viloyatlari va Qoraqalpog‘istonga (10,1%) to‘g‘ri kelmoqda.

Toshkent shahridagi vaziyat

Kursiv Uzbekistan iqtisodiy nashri Brand Analytics versiyasiga ko‘ra, eng ko‘p iqtibos keltirilgan beshta nashr ro‘yxatiga kirdi. Ushbu ma’lumotlar O‘zbekistonda ijtimoiy media tahliliga bag‘ishlangan ilk sohaviy konferensiya – Brand Analytics Conference Uzbekistan 2025 doirasida e’lon qilindi.

2025-yil mart oyi yakunlariga ko‘ra, Kursiv Uzbekistan 9071 indeks bilan beshinchi o‘rinni egalladi. O‘zbekiston Respublikasi ijtimoiy tarmoqlarida 2025-yil mart oyida «Kursiv» materiallariga aynan shuncha havola qayd etilgan.

Brand Analytics strategik kommunikatsiyalar bo‘yicha direktori Vasiliy Cherniyning ta’kidlashicha, ushbu reyting xolisona bo‘lib, uni tekshirish mumkin va bunday yuqori ko‘rsatkich nashrning ommaviyligi tasdig‘idir.

Brand Analytics Conference Uzbekistan 2025 O‘zbekiston Respublikasi va Markaziy Osiyoda biznes manfaatlari yo‘lida ijtimoiy tarmoqlarni...

Prezident topshirig‘iga asosan qabul qilingan hukumat qaroriga ko‘ra, 2025-yil 1-iyundan boshlab avtomobil yo‘llaridagi chiziqlarni bosib qoidabuzarlik sodir etish holatlari avtomatlashtirilgan foto va video qayd etish tizimlari orqali aniqlanmaydi. Bu haqda davlat rahbari matbuot xizmati xabar bermoqda.

Bundan faqatgina to‘xtash chizig‘i – «stop-liniya» (5.33 belgisi) mustasno hisoblanadi.

Ya’ni haydovchi yo‘l chizig‘ini bosib o‘tsa, bu holat radar yoki videokamera orqali qayd etilmaydi va avtomatik tarzda jarima yozilmaydi. Biroq Yo‘l-patrul xizmati xodimi tomonidan aniqlansa, qoidabuzarlik belgilangan tartibda rasmiylashtiriladi.

Eslatib o‘tamiz, Kursiv Uzbekistan nashri yanvar – aprel oylarida 8445 ta mast holda transport vositasini boshqarish holati aniqlangani haqida yozgan edi.

China Telecom kompaniyasi Xitoyda 5G-Advanced (5.5G yoki 5G-A) texnologiyasining tijorat foydalanishini rasman boshladi. Bu haqda Mydrivers ma’lum qilmoqda.

Bu yangi avlod mobil aloqa tarmog‘i 5G texnologiyasiga nisbatan 10 barobar yuqori tezlikni ta’minlaydi.

5G-A texnologiyasining asosiy xususiyatlari:

China Telecom 5G-A paketlari foydalanuvchilarga sun’iy yo‘ldosh kanallariga to‘g‘ridan to‘g‘ri ulanish, sun’iy intellekt asosidagi xizmatlar (bulutli saqlash, spamdan himoya, AI video qo‘ng‘iroqlar) kabi imkoniyatlarni taqdim etadi.

Hozirda 5G-A texnologiyasi Xitoyning 31 provinsiyasida sinovdan o‘tkazilmoqda va tijorat ishga tushirilishida taxminan 50 mln foydalanuvchi ushbu tarmoqdan...

Chevrolet kompaniyasining yangi 2026-yilgi D-Max pikap prototipi Kolumbiya yo‘llarida ilk bor sinovdan o‘tkazildi. Bu haqda 32cars nashri xabar berdi.

Bu voqea pikapning Janubiy Amerikadagi mavjudlik doirasini kengaytirishga qaratilgan strategik harakat sifatida baholanmoqda.

Bogota shahrida ko‘zga tashlangan qisman niqoblangan prototip ilgari Ekvadorda taqdim etilgan D-Max’ning dizayniga o‘xshash bo‘lib, Chevrolet bu modelni Kolumbiya bozoriga olib chiqishga jiddiy tayyorgarlik ko‘rayotganidan darak beradi.

Yangi D-Max pikapi Kolumbiyada 2025-yil oxiri yoki 2026-yil boshida rasmiy debyut qilishi kutilmoqda. U nafaqat ish faoliyatiga mos, balki faol dam olishni xush ko‘ruvchilar uchun ham variant sifatida e’tirof etilmoqda.

Avvalroq Kursiv Uzbekistan Chevrolet Trailblazer 2026 Janubiy Koreyada taqdim etilgani...

Adliya vazirligi Intellektual mulk departamenti tomonidan O‘zbekistonda faoliyat yuritayotgan Uzum Market, Olcha va Glotr onlayn marketpleyslarida kontrafakt mahsulotlar savdosi aniqlangandi. Uzum Market bu borada o‘z munosabatini «Kursiv»ga ma’lum qildi.

Unga ko‘ra, kompaniya faqat original mahsulotlarni sotish siyosatiga qat’iy amal qiladi. Xaridorlarni qo‘shimcha himoya qilish maqsadida platformadagi original mahsulotlar maxsus «Original» belgisi bilan ajratib ko‘rsatiladi.

Bundan tashqari, platforma qalbaki mahsulotlarning savdosiga yo‘l qo‘ymaslik uchun 200 dan ortiq mashhur brendlar uchun majburiy avtorizatsiya joriy qilingan. Sotuvchilar mahsulotni joylashtirishdan oldin uning qonuniy kelib chiqishini tasdiqlovchi hujjatlarni taqdim etishi kerak.

Shuningdek, moderatsiya va kontent bo‘limi qalbaki mahsulotlar holatlarini aniqlash yuzasidan doimiy ravishda mahsulotlar assortimentini...

Xiaomi kompaniyasi yangi ikki eshikli Mijia 186L muzlatkichi sotuvini boshladi. Bu haqda ITHome nashri xabar bermoqda.

Model nomi ichki makon hajmini bildiradi. Narxi 842 yuan ($115 ), lekin chegirmalar bilan narx 673 yuanga (95 dollar) tushiriladi.

Muzlatkich kamerasining hajmi 129 litr, muzlatkich kamerasi esa 57 litrdan iborat. Qurilmaning o‘lchamlari 560 x 505 x 1425 mm. Haroratni nazorat qilish tizimida 5 ta oldindan o‘rnatilgan – 2, 4, 5, 6 va 8 ° C mavjud. Energiya iste’moli: 0,5 kVt / kun, shovqin darajasi: 36 dB.

Xiaomi Mijia 186L uch qavatli sozlanishi tokchalar, eshikni yopuvchi, olinadigan muhr, baland va past shisha ushlagichlarga...

O‘zbekiston valyuta birjasi ma’lumotlariga ko‘ra, 16-may kuni dollarning o‘rtacha kursi  12 917,10 so‘mni tashkil qilib, oldingi kun bilan solishtirganda 48,24 so‘mga tushdi.

Dollar kursi bu haftani yuqorilash bilan boshladi: 15-may kuni 12 965,34 so‘mni,  14-may kuni dollar kursi 12 980,16 so‘mni, 13-may kuni 12 935,27 so‘mni, 12-may kuni esa 12 895,55 so‘mni tashkil etgandi.

Shuningdek, Markaziy bank tomonidan boshqa valyutalar kurslari ham e’lon qilindi. Unga ko‘ra yevro 64,38 soʻmga tushib, 14 460,69 soʻmga yetdi. Rossiya rubli esa 1,20 soʻmga pastlab, 160,14 soʻmga teng boʻldi.

Mamlakatdagi tijorat banklari 16-may kuni bir AQSh dollarini 12 855 – 12 960 soʻmdan sotib olayotgan boʻlsa...

Yaponiya poytaxti Tokioda 20 yoshlardagi besh nafar O‘zbekiston fuqarosi bosqinchilik va zo‘ravonlikda gumonlanib qo‘lga olindi. Bu haqda Japan Today nashri NTV telekanaliga tayanib xabar berdi.

Unga ko‘ra, 2024-yil 30-dekabr kuni ertalab soat 5:30 larda Shibuya tumanining Maruyama-cho hududida ushbu shaxslar uch nafar chet ellik erkak va ayol bilan ataylab mojaro chiqargan. So‘ng ularning ichida umumiy qiymati 210 ming iyen (taxminan $1,5 ming) bo‘lgan hamyoni va sumkalarini olib ketishgan. Voqea davomida jabrlanuvchilardan biriga yuz qismidan tepib jarohat yetkazilgan.

Tokiodagi tergovchilar bu shaxslar Shibuya va Sinyuku tumanlarida spirtli ichimlik iste’mol qilgan shaxslardan o‘g‘irlangan kredit kartalar yordamida smartfonlar xarid qilib, ularni sotish...

2025-yil yanvar – aprel oylarida 21 mlrd so‘mlik 18 ta davlat xaridlarida qonunbuzilish holatlari aniqlangan. Bu haqda Korrupsiyaga qarshi kurashish agentligi ma’lum qildi.

Ushbu xaridlar «Davlat xaridlari to‘g‘risida»gi Qonunga zid tarzda tashkil etilgan bo‘lib, ayrim hollarda affillangan shaxslar ishtirokida yo‘l qo‘yilgan.

Jumladan, quyidagi tashkilotlar xarid jarayonida qonunbuzilishlarga yo‘l qo‘ygan:

Abduqodir Husanov va «Manchester Siti» homiyligida O‘zbekistonda futbol akademiyasini tashkil etish mumkin. Bu haqda futbol sharhlovchisi Mirzahakim To‘xtamirzayev Kun.uz’ga bergan intervyusida ma’lum qildi.

«Futbolchimiz va klub o‘rtasida Toshkentda maxsus futbol maktabini tashkil etish bo‘yicha muzokaralar ijobiy hal bo‘lgan. Moliyalashtirishning yarmini Husanov, qolganini «shaharliklar» klubi o‘z zimmasiga oladi», – dedi sharhlovchi.

Bu ma’lumotni aniqlashtirish maqsadida Kursiv Uzbekistan «Manchester Siti»ga so‘rov yubordi.

Avvalroq Kursiv Uzbekistan Husanov «Manchester Siti»ning eng yaxshi o‘yinchisiga nomzod bo‘la olmagani haqida xabar bergan edi.

Qoraqalpog‘iston Respublikasi, Andijon, Qashqadaryo, Navoiy, Sirdaryo va Surxondaryo viloyatlaridagi avtovokzal va avtostansiyalar nomlarini davlat tili qoidalari va me’yorlariga muvofiqlashtirish maqsadida yangi nomlar berish bo‘yicha takliflar ishlab chiqildi. Bu haqda Transport vazirligi xabar berdi.

Taklif etilayotgan yangi nomlar quyidagi avtovokzal va avtostansiyalarda bo‘lishi kutilmoqda:

Qoraqalpog‘iston Respublikasi:

Andijon viloyati:

Qashqadaryo viloyati:

Navoiy viloyati:

«Manchester Siti» klubining o‘yinchisi Abduqodir Husanov klubning mavsumdagi eng yaxshi o‘yinchisi uchun nomzod bo‘la olmadi. Klub saytida eng ko‘p ovoz to‘plagan uch futbolchi haqida ma’lumot berildi.

«Shaharliklar» klubining eng yaxshi o‘yinchilari kim?

Erling Xoland

Angliya kubogi finali oldidan 41 o‘yindan 30 ta gol urgan Norvegiyaning 9-raqamli futbolchisi uchinchi mavsumda 30 dan ortiq gol urgan. Xoland klubdagi birinchi yilida Etihad mavsumining eng yaxshi futbolchisi deb topilgan.

Josko Gvardiol

Bosh murabbiy Pep Gvardiola tomonidan mavsumdagi eng barqaror o‘yinchilardan biri sifatida tan olingan Gvardiol 2024/25 yilgi mavsumni juda kuchli yakunladi.

U, asosan, chap qanot himoyasida boshlagan bo‘lsa-da, so‘nggi paytlarda himoya markaziga muammosiz...

Afg‘onistonda «Afghan Film» kinostudiyasi faoliyatini to‘xtatdi, deb xabar bermoqda Amu TV. Mamlakatni boshqarayotgan Tolibon bu haqda rasmiy bayonot bermadi. Ammo kompaniya xodimlariga uning tugatilganligi ma’lum qilindi.

«Afghan Film» 1968-yilda tashkil etilgan. Kompaniya uzoq vaqt davomida davlatning kinematografiya va hujjatli film sanoatining asosiy poydevori bo‘lib kelgan.

Tolibon harakati hokimiyatga kelishidan oldin kinokompaniya Afg‘oniston Axborot va madaniyat vazirligi qoshida faoliyat yuritgan bo‘lib, uning tarkibida 30 – 40 nafar xodim ishlagan.

Tolibon hukumati shakllangandan so‘ng «Afghan Film» rahbari Sahara Karimiy mamlakatdan qochib ketdi.

Mamlakat hayotining o‘n yilliklarini aks ettirgan minglab tasma yozuvlari saqlanayotgan «Afghan Film» arxivining taqdiri hamon noma’lumligicha qolmoqda.

Avvalroq Kursiv...

Gonkong va Singapur rasmiylari Janubi-Sharqiy Osiyo mintaqasida yana bir infeksiya to‘lqini boshlanganidan darak beruvchi COVID-19 holatlarining yangi ko‘payishi haqida xabar berishdi. Bu haqda Bloomberg xabar bermoqda.

Mutaxassislarning ta’kidlashicha, kasallanishning kuchayishiga xavfliroq virus varianti emas, balki ommaviy immunitetning pasayishi sabab bo‘lmoqda.

Gonkongda test ijobiyligi darajasi mart oyi o‘rtalarida 1,7% dan 11,4% gacha ko‘tarildi, bu 2024-yil avgustida qayd etilgan eng yuqori ko‘rsatkichdan yuqori. Sog‘liqni saqlashni muhofaza qilish markazlari virus faolligi hozirda «juda yuqori» ekanligini aytdi. Markazning yuqumli kasalliklar bo‘limi boshlig‘i Albert Auning ta’kidlashicha, ijobiy namunalar ulushi o‘tgan yili eng yuqori darajaga etgan.

Singapurda Sog‘liqni saqlash vazirligi bir yil ichida birinchi batafsil...

Ekologiya vazirligi hamda O‘rmon xo‘jaligi ilmiy-tadqiqot instituti tomonidan professor Zinoviy Novitskiy rahbarligida olib borilgan tadqiqotlarda sho‘rlanishga chidamli o‘simliklar, xususan, gigant qamish sinovdan o‘tkazildi. Bu haqda deputat Rasul Kusherbayev o‘z Telegram sahifasida ma’lum qildi.

Tajribalar natijasida bu o‘simlik yuqori darajadagi sho‘r tuproqli, og‘ir ekologik sharoitlarda ham yashovchanligini isbotladi. Namlikni yaxshi ko‘ruvchi bu qamish turi chuqur ildiz otish, sho‘rga moslashish va tuproqni mustahkamlash kabi xususiyatlarga ega. Ildizlar ikki metrgacha chuqurlashgani va gorizontal yo‘nalishda keng yoyilayotgani aniqlangan.

Ilmiy jamoa uni sun’iy ko‘paytirish bo‘yicha ham samarali texnologiya ishlab chiqdi. Bu usulda ona o‘simlikdan 1 metr chuqurlikda olingan ildiz kurtaklaridan sho‘r muhitga moslashgan...

Honor kompaniyasi 2025-yil 16-may kuni Honor 400 seriyasi rasmiy taqdimot sanasini e’lon qildi. Yangi smartfonlar 28-may kuni taqdim etiladi. Bu haqda ITHome nashri xabar bermoqda.

Honor 400 seriyasi ikki modelda taqdim etiladi:

Yangi smartfonlar metall ramka va mat yuzali dizaynga ega bo‘lib, barmoq izlari va yog‘li dog‘larga chidamli. Shuningdek, «AI 2 milliard piksel portret» funksiyasi bilan jihozlangan.

Taqdimotda, shuningdek, Honor Pad 10 plansheti, Honor Watch FIT soati va Honor...

Leapmotor kompaniyasi 2025-yil 15-may kuni Xitoy bozorida C10 SUV modelining yangilangan versiyasini taqdim etdi. Bu haqda Carnewschina nashri xabar bermoqda.

800V platformaga ega elektromobilning boshlang‘ich narxi 122 800 yuanni (taxminan $17 ming) tashkil qiladi. Modelning elektr (BEV) versiyasi 74,9 kWh LFP batareyaga ega bo‘lib, 605 km gacha zaryad bilan harakatlana oladi.

Model 30% dan 80% gacha bo‘lgan zaryadni atigi 16 daqiqada to‘ldirish mumkin. Gibrid (EREV) versiyasi esa 28,4 kWh batareya va 1,5 litrli dvigatel yordamida umumiy 1 020 km masofa bosadi.

Yangi C10 zamonaviy dizayn, katta ekranli interyer va Snapdragon 8295 chipi bilan jihozlangan.

Sotuvlar 2025-yil 20-maydan boshlanishi rejalashtirilgan...

O‘zbekistonda faoliyat yuritayotgan Uzum Market, Olcha va Glotr onlayn marketpleyslarida kontrafakt mahsulotlar savdosi aniqlandi. Bu haqda Adliya vazirligi Intellektual mulk departamenti xabar berdi.

Unga ko‘ra, Uzum Marketda 220 ga yaqin, Olcha va Glotr’da esa 50 ga yaqin kontrafakt mahsulotlar sotilgan. Mashhur brendlar – Puma, Lacoste, Adidas, Chanel, Eclat, Gucci, Samsung, Bosch nomidan foydalanilgan.

Bu mahsulotlar asosan kiyim-kechak, kosmetika vositalari va maishiy texnika toifasida ko‘p uchramoqda.

Uzum Market platformasida huquq egalarining murojaatlariga asosan ayrim kontrafakt mahsulotlar savdosi to‘xtatilib, ular saytdan olib tashlandi. Qolgan holatlar bo‘yicha huquq egalariga ma’lumotlar yuborilgan. Ularning javoblariga asosan qonuniy choralar ko‘rilishi belgilangan.

Avvalroq Kursiv Uzbekistan...

AQSh prezidenti Donald Tramp Birlashgan Arab Amirliklariga (BAA) rasmiy tashrifi chog‘ida mamlakatning eng yuksak fuqarolik mukofoti – «Zayd ordeni» bilan taqdirlandi. Bu haqda Fox News ma’lum qildi.

Ushbu orden BAA asoschisi Shayx Zayd bin Sulton Al Nahayon nomi bilan ataladi va xalqaro hamkorlik, insonparvarlik va tinchlikni targ‘ib qilgan davlat rahbarlariga beriladi .

Taqdirlash marosimi Abu-Dabidagi Qasr al-Vatan saroyida bo‘lib o‘tdi. BAA prezidenti Shayx Muhammad bin Zayd Al Nahayon Trampning ikki davlat o‘rtasidagi do‘stlik va strategik hamkorlikni mustahkamlashdagi alohida xizmatlarini e’tirof etib, unga ushbu ordenni topshirdi.

Tashrif davomida Tramp Shayx Zayd Katta Masjidiga tashrif buyurdi. Bu tarixiy voqea munosabati bilan...

AQSh prezidenti Donald Tramp Birlashgan Arab Amirliklariga (BAA) rasmiy tashrifi chog‘ida umumiy qiymati $200 mlrddan ortiq bo‘lgan tijorat bitimlarini e’lon qildi. Bu haqda rasmiy Oq uy ma’lum qildi.

Bu kelishuvlar AQSh va BAA o‘rtasidagi iqtisodiy hamkorlikni mustahkamlashga qaratilgan bo‘lib, aviatsiya, energetika, sun’iy intellekt va yuqori texnologiyalar sohalarini qamrab oladi. Bitimlar orasida Etihad Airways tomonidan Boeing va GE Aerospace kompaniyalaridan 28 ta Boeing 787 va 777X samolyotlarini sotib olish uchun $14,5 mlrdlik sarmoya ajratilishi mavjud. Bu samolyotlar GE dvigatellari bilan jihozlanadi va 2028-yildan boshlab yetkazib berilishi rejalashtirilgan. Mazkur investitsiya BAA va AQSh o‘rtasidagi aviatsiya sohasidagi hamkorlikni chuqurlashtiradi.

Shuningdek, BAAning Emirates...

Apex Bank rahbariyatida yangi tayinlov ro‘y berdi. Bank Boshqaruv raisi o‘rinbosari lavozimida bir yil faoliyat yuritgan Sergey Gimadiyev endilikda moliya muassasasining Boshqaruv raisi etib tayinlandi.

Gimadiyev ushbu lavozimga tayinlanishidan avval Asia Alliance Bank hamda Uzum Bank’da Boshqaruv raisi sifatida faoliyat yuritgan.

Avvalroq Kursiv Uzbekistan Svetlana Xe «Uzum Bank» boshqaruvi raisi etib tayinlangani haqida xabar bergan edi.