Yangiliklar

Fransiyaning Beyond Aero kompaniyasi 2030-yilgacha sertifikatlanishi kutilayotgan birinchi vodorod yonilg‘ili biznes-jet BYA-1 loyihasini taqdim etdi. Bu innovatsion samolyot kerosin o‘rniga vodorod gazidan foydalanib, havoga faqat suv bug‘larini chiqaradi. Bu haqda Aerospacetestinginternational nashri ma’lum qildi.

BYA-1 gibrid avtomobillarga o‘xshash printsipda ishlaydi: qanotlardagi yuqori bosimli vodorod yonilg‘i xujayralarida kislorod bilan reaksiyaga kirishib, elektr energiyasi ishlab chiqaradi va ikkita dvigatelni quvvatlantiradi. Bu texnologiya 1500 km masofani bosib o‘tish va 573 km/soat kreyser tezligida parvoz qilish imkonini beradi. Samolyotning eng muhim xususiyatlaridan biri esa atigi 620 metr uzunlikdagi uchish-qo‘nish yo‘laklaridan ucha olish qobiliyatidir.

Biroq vodorod aviatsiyasiga o‘tish mavjud qoidalarni qayta ko‘rib chiqishni talab...

Davlat xavfsizlik xizmati (DXX) Toshkent viloyatidagi «Navoiy» bojxona postida oʻtkazilgan tezkor tadbirlar davomida jami $1,2 mln dan ortiq mablagʻni musodara qildi. Bu haqda DXX matbuot xizmati xabar berdi.

Oʻzbekistondan Qozogʻistonga ketayotgan Lacetti rusumli avtomashina toʻxtatilganda Toshkent viloyatida yashovchi yoʻlovchining yonidan $874 ming boʻlgan oʻram topildi. Bu mablagʻni bojxona nazoratidan oʻtkazib, Qozogʻistonga noqonuniy olib oʻtishga uringanligi aniqlangan.

Keyingi surishtiruv ishlari natijasida ushbu valyuta Toshkent bozorlaridagi savdogarlardan undirilib, ayolga berilgani aniqlangan. Poytaxtliklardan birining Toshkent viloyatidagi vaqtinchalik uy-joyini koʻzdan kechirish chogʻida Qozogʻistonga yashirin tarzda oʻtkazilishi rejalashtirilayotgan yana $399 ming topilgan.

Mazkur shaxslarga nisbatan Jinoyat kodeksining 25-moddasi «a» bandi va 182-moddasi 2-qismi «a...

21 – 23-mart kunlari Toshkent shahrida drift bo‘yicha O‘zbekiston ochiq chempionati o‘tkaziladi. Bu haqda Toshkent shahri hokimligi xabar berdi.

Ushbu avtomobil sporti ixlosmandlari uchun mo‘ljallangan musobaqada O‘zbekistonning eng mohir driftchilari ishtirok etadi.

21 – 22-mart kunlari musobaqaga ishtirokchilarni ro‘yxatdan o‘tkazish, brifing, texnik va tibbiy ko‘rik, shuningdek, kvalifikatsiya bosqichlari o‘tkaziladi.

23-mart kuni esa chempionatning asosiy bellashuvlari va g‘oliblarni taqdirlash marosimi bo‘lib o‘tadi. Musobaqa «Oloy bozori» avtoturargohida o‘tkaziladi. Kirish bepul.

Avvalroq Kursiv Uzbekistan 21 – 27-mart kuni barcha teatrlarga kirish bepul boʻlishi haqida yozgandi.

Oʻzbekiston va Qirgʻiziston oʻrtasidagi oʻyinda Oʻzbekiston terma jamoasi soʻzsiz favorit hisoblanadi. Buning bir nechta sabablarini Championat.asia sayti bosh muharriri Narzulla Saydullayev Kursiv Uzbekistan nashriga ma’lum qildi.

Uning so‘zlariga ko‘ra, Oʻzbekiston oʻz maydonida oʻynaydi. «Oʻz uyida devorlar ham yordam beradi» degan maqol bor. «Bunyodkor» stadioni bugun toʻlib toshishiga shubha yoʻq, muxlislar jamoaning haqiqiy 12-oʻyinchisi boʻlib berishadi.

«Ikkinchidan, Oʻzbekiston milliy jamoasi Qirgʻizistonga qarshi shu kungacha 10 marta maydonga tushgan va har safar gʻalaba qozongan. Sentabr oyida Bishkekda oʻtgan bahsda vakillarimiz 3:2 hisobida gʻalaba qozonishgandi», – deydi Saydullayev.

U, shuningdek, jamoalarning tarkibiy imkoniyatlariga ham alohida e’tibor qaratdi va xalqaro tajribaga...

19-mart kuni Toshkentdagi birinchi istirohat bogʻida 300 tup daraxt koʻchatlari ekish tadbiri boʻlib oʻtdi. Bu haqda Ekologiya vazirligi matbuot xizmati xabar bermoqda.

Ekologiya vaziri Aziz Abduhakimov yangi dam olish maskani qanday boʻlishi haqida ma’lum qilgan.

“Birinchidan, hududda hech qanday attraksion yoki oziq-ovqat shoxobchalari boʻlmaydi, shovqindan xoli parkka aylantiriladi. Ikkinchidan, ilk bor 100 turdagi atirgul ekilmoqda va oʻziga xos atirgul bogʻi barpo qilinyapti. Uchinchidan, parkda tabiiy koʻl yaratiladi. Toʻrtinchidan, qushlar uchun inlar quriladi. Beshinchidan, jamoat parkining hamma yoʻlaklari toshlardan, oʻrindiqlari esa qurigan daraxtlardan, ya’ni toʻliq tabiiy materiallardan qilinadi“, – degan Aziz Abduhakimov.

Uning ta’kidlashicha, jamoat...

Bugun, 20-mart kuni Markaziy bank asosiy stavkani 0,5 foiz bandga oshirib, yillik 14 foiz darajasida belgilash toʻgʻrisida qaror qabul qildi. Bu haqda regulyatorning matbuot xizmati xabar berdi.

«Ushbu qaror kelgusi oylarda kutilayotgan inflyatsion xatarlarni inobatga olib, inflyatsion kutilmalarni jilovlash, o‘rta muddatli istiqbolda inflyatsiya darajasini 5 foizlik targetga erishish uchun yetarli sharoitlar yaratishga qaratilgan», – deyiladi Markaziy bank xabarida.

Markaziy bank o‘rta muddatli istiqbolda inflyatsiyaning 5 foizlik maqsadli darajasigacha pasayishini ta’minlash uchun pul-kredit sharoitlarini yetarli darajada qat’iy shakllantirishni davom ettirishini ma’lum qildi. Kelgusi choraklarda iqtisodiyotdagi yalpi talab va narxlarga oshiruvchi bosimlar kutilganidan kuchayishi ehtimoli yuzaga kelgan...

2025-yilning 24-25 mart kunlari kuchli magnit boʻroni Yerga ta’sir etishi kutilmoqda. Mutaxassislarning ma’lumotlariga koʻra, bu boʻron geomagnit noqulayliklar yaratishi va ba’zi texnik tizimlarning ishlashida muammolar yuzaga kelishiga sabab boʻlishi mumkin.

Magnit boʻroni K-indeksida 5 ball bilan belgilanadi. Bu esa kuchli geomagnit noqulayliklarni keltirib chiqarishini bildiradi. Tabiiyki, bunday noqulayliklar kosmik ob-havoning noxush holatini keltirib chiqaradi va sun’iy yoʻldoshlar tizimi, navigatsiya va aloqa texnologiyalariga salbiy ta’sir koʻrsatadi.

Magnit boʻroni meteorologik oʻzgarishlarga sezgir insonlarning salomatligiga ham ta’sir etishi ehtimoli bor. Odamlarda bosh ogʻrigʻi, bosh aylanishi va umumiy holsizlikni keltirib chiqarishi mumkin.

Eslatib oʻtamiz, Kursiv Uzbekistan nashri «Zarubejneft» Andijondagi quyosh elektr stansiyasi loyihasi...

Sollers kompaniyasi Rossiyada ishlab chiqariladigan yangi toʻliq oʻlchamdagi avtomobil modelini tanishtirdi.

Ushbu avtomobil Xitoyning JAC Automobile kompaniyasi bilan hamkorlikda ishlab chiqilgan boʻlib, JAC T9 pikapiga asoslanadi. Yangi modelda Toyota kompaniyasining texnologiyalari, shu jumladan, Hilux va Land Cruiser’ning ramka tizimlari ishlatilgan.

Yangi avtomobil ramka konstruktsiyasiga ega boʻlib, toʻliq drayv va har qanday iqlim sharoitiga moslashtirilgan. Avtomobilda 2,0 litrli dvigatel mavjud boʻlib, uning quvvati 200 ot kuchiga teng. Model 8 tezlikka ega avtomatik uzatma tizimi bilan jihozlangan. Salonda 7 oʻrindiq mavjud boʻlib, u ehtiyojlarga moslashtirilgan.

Ishlab chiqarish jarayoni 2026-yilning birinchi choragida boshlanadi va umumiy mablagʻ 4 milliard rublni tashkil...

Raqobat qo‘mitasi Navro‘z bayrami arafasida tashkil etilgan arzonlashtirilgan yarmarkalardagi aholi muntazam iste’mol qiladigan mahsulotlar narxlarini o‘rgandi. Bu haqda qo‘mita matbuot xizmati xabar qildi.

Ushbu yarmarkalarda ijtimoiy ahamiyatga ega asosiy oziq-ovqat mahsulotlari aholiga qulay narxlarda taqdim etilmoqda.

Jumladan, Andijon viloyatidagi yarmarkalarda narxlar quyidagicha:

Jizzaxda:

Nvidia sun’iy intellektga yoʻnaltirilgan $4 minglik DGX Spark mini kompyuterini taqdim etdi. Asus Ascent GX10 mini kompyuteri undan $ 1 mingga arzon.

Asosiy farq – narx va saqlash hajmida. Nvidia versiyasi 4 TB SSD bilan jihozlangan boʻlsa, Asus modeli 1 TB SSDʼga ega.

Asus versiyasi Nvidiaʼdan biroz ixchamroq boʻlishi mumkin. SSD-dan tashqari hamma narsa ikkala modelda ham bir xil.

Eslatib oʻtamiz, Kursiv Uzbekistan nashri Xiaomi yupqa va kuchli Redmi Book Pro 2025 noutbuklarini taqdim etgani haqida yozgan edi.

Telegram messenjeri asoschisi Pavel Durov WhatsApp’ni «arzon, soddalashtirilgan nusxa» deb atab, kompaniyaning messenjerga oid innovatsiyalarini ko‘chirishga harakat qilayotganini ta’kidladi. Bu haqda u Telegram kanalida xabar qildi.

Shuningdek, Telegram messenjerining oylik faol foydalanuvchilari soni bir mlrddan oshgan. O‘tgan yilda Telegram Premium obunachilari soni uch baravarga oshib, 12 mlndan ko‘paygandi. Ushbu natija bilan dunyoda Xitoyning WeChat ilovasidan keyin eng ommabop ikkinchi messenjerga aylandi. Pavelning yozishicha, Telegram foydalanuvchilari o‘rtacha kuniga 21 marta ilovani ochadi va unda 41 daqiqa vaqt o‘tkazadi.

Shu bilan birga, kompaniyaning daromadi ham sezilarli o‘sib, 2024-yilda $547 mlnga yetgan. Messenjer oʻzining uch yillik monetizatsiya tarixida birinchi marta yilni...

Toshkent viloyatida 20 ming gektarga yaqin yer maydonlari auksionga chiqarildi. Bu haqda viloyat hokimligi matbuot xizmati xabar qildi.

Hokimlik zaxirasida bo‘lgan 23 ming gektar yer maydonidan 19 ming 716 gektari qishloq xo‘jaligi yerlari sifatida auksion savdolarida e’lon qilindi.

Ushbu yer uchastkalariga auksionning yangi tartibi amal qiladi. Jumladan, birinchi auksion besh kun ichida o‘tkazilib, takroriy savdo esa bir kun ichida amalga oshiriladi.

Takroriy savdolarda bitta ishtirokchi bo‘lsa ham, savdo o‘tkazilgan deb hisoblanadi. Bu jarayonda boshlang‘ich narx bosqichma-bosqich 10 foizdan 20 foizgacha pasaytiriladi.

Avvalroq Kursiv Uzbekistan «Yangi Toshkent» uchun Toshkent viloyatidan qo‘shimcha yer maydoni ajratilishi haqida yozgandi.

Chirchiq shahri ogʻir atletika boʻyicha Oʻzbekiston chempionatiga mezbonlik qiladi. Milliy olimpiya qoʻmitasi (MOQ) ma’lum qilishicha, musobaqada kattalar va 20 yoshgacha boʻlgan oʻsmirlar ishtirok etadi.

Musobaqa 6 – 13-aprel kunlari boʻlib oʻtadi. Turnir Oʻzbekiston davlat jismoniy tarbiya va sport universitetida boʻlib oʻtishi rejalashtirilgan.

MOQ musobaqa Oʻzbekiston terma jamoasining may oyida oʻtkaziladigan Osiyo chempionati oldidan tayyorgarlik darajasini baholash imkonini berishiga umid qilmoqda.

Avvalroq Kursiv Uzbekistan Samarqand may oyida triatlon boʻyicha jahon chempionatiga mezbonlik qilishi haqida yozgan edi.

Bugun, 20-mart kuni barcha xodimlar ish vaqtidan bir soat oldin ketish huquqiga ega. Mehnat kodeksining 187-moddasiga ko‘ra, bayram kunlari arafasida har kunlik ishning davomiyligi barcha xodimlar uchun kamida bir soatga qisqartiriladi.

Ertaga, 21-mart – Navro‘z bayrami rasmiy ishlanmaydigan bayram sanaladi. Shu sababli, bugun ishga chiqqan barcha xodimlar bir soat vaqtliroq uyga ketish huquqiga ega.

Bayram oldidan ish vaqtini qisqartirish imkoni bo‘lmagan uzluksiz ishlaydigan tashkilotlar va ayrim turdagi ishlarda ortiqcha ishlaganlik xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar bo‘yicha haq to‘lash orqali kompensatsiya qilinadi.

Avvalroq Kursiv Uzbekistan mart oyida o‘zbekistonliklar necha...

Istanbul hokimi Ekrem Imomoʻgʻlining hibsga olinishi Turkiyada ommaviy noroziliklarga sabab boʻldi. Reutersʼning ma’lum qilishicha, siyosiy voqealar fonida lira keskin pasaymoqda.

Imomoʻgʻli korrupsiya va terrorchilarga yordam berishda ayblanmoqda. Biroq muxolifat sodir boʻlayotgan voqealardan keskin norozi. Istanbul meri 2028-yilgi saylovlarda amaldagi prezident Rajab Toyyib Erdoʻgʻonning potensial raqibi hisoblangan.

Anqara, Istanbul va boshqa ba’zi shaharlar koʻchalarida norozilik namoyishlari boʻlib oʻtmoqda. Ommaviy tadbirlar taqiqlanganiga qaramay ularda minglab odamlar qatnashmoqda. Ijtimoiy tarmoqlar bloklangan va politsiyaning namoyishchilarga nisbatan qattiq choralar koʻrilgani haqida xabarlar tarqalmoqda.

Turk lirasining qiymati 12 foizga tushib, tarixiy eng past darajani qayd etdi. Mahalliy fond bozoriga voqealar ta’sir koʻrsatishi natijasida u 7 foizga tushdi.

Toshkent xalqaro investitsiya forumini yetakchi xorijiy kompaniyalar va moliyaviy institutlarni jalb qilgan holda oʻtkazish boʻyicha asosiy yoʻnalishlar belgilab olindi. Prezident matbuot xizmati Shavkat Mirziyoyevning maslahatchi Suma Chakrabarti bilan uchrashuvida bir qator masalalar muhokama qilinganini ma’lum qilmoqda.

Maslahatchining joriy yilgi faoliyatining asosiy yoʻnalishlari koʻrib chiqilgan.

Shuningdek, JSTga a’zo boʻlish jarayonini yakunlash boʻyicha amaliy choralar koʻrish, Toshkent xalqaro investitsiya forumini yetakchi xorijiy kompaniyalar va moliyaviy institutlarni jalb qilgan holda oʻtkazish kabi vazifalar belgilab olindi. Toshkent xalqaro tijorat sudini ishga tushirishning amaliy jihatlariga toʻxtalib oʻtilgan.

Eslatib oʻtamiz, Kursiv Uzbekistan nashri 2028-yilgacha QQS va foyda soligʻi stavkalari oshirilmasligi haqida yozgan edi.

Umra ziyoratini noqonuniy tashkil etgan 19 ta turistik firma 75 mln soʻmdan jarimaga tortildi. Bu haqda Din ishlari boʻyicha qoʻmita axborot xizmati ma’lum qildi.

Jarimalarning umumiy miqdori 1,5 mlrd soʻmni tashkil etadi. Shuningdek, litsenziyasiz umra sayohatini tashkil qilgan 31 ta firmaga nisbatan Jinoyat kodeksining 168-moddasi (firibgarlik) bilan ish qoʻzgʻatilgan.

Reklama toʻgʻrisidagi qonun hujjatlarini buzganligi uchun beshta kompaniya boʻyicha materiallar Monopoliyaga qarshi qoʻmitaga yuborilgan.

Bugungi kunda Umra ziyoratini uyushtirish uchun 12 ta turistik firma va «Haj va umra markazi»da vakolat mavjud.

Eslatib oʻtamiz, Kursiv Uzbekistan nashri Umra ziyoratini litsenziyasiz reklama qilgan uchta turistik kompaniya jarimaga tortilgani haqida yozgan edi.

O‘zbekiston milliy terma jamoasi ertaga Qirg‘izistonga qarshi o‘yinda maydonga oq rangli liboslarda chiqadi, deb xabar berdi Osiyo futbol konfederatsiyasi. Bu haqda O‘zbekiston futbol assosiatsiyasi matbuot xizmati yozmoqda.

Jamoamiz darvozaboni yashil futbolkada maydonga tushadi.

Raqib jamoa qizil futbolkalarda maydonga tushadi.

O‘zbekiston va Qirg‘iziston terma jamoalari o‘rtasidagi «JCh – 2026» saralash bahsi ertaga Toshkent vaqti bilan soat 21:00da boshlanadi.

Avvalroq Kursiv Uzbekistan Abduqodir Husanovning transfer qiymati uch baravar oshgani haqida xabar bergan edi.

Google budjetli Pixel 9a smartfonini e’lon qildi, bu model Apple’ning iPhone 16e’si sotuvga chiqqanidan bir necha hafta o‘tib taqdim etildi. Bu haqda Bloomberg ma’lum qildi.

Pixel 9a $499ga sotuvga chiqarilib, iPhone 16e’dan $100 arzon narxga ega bo‘ladi. U aprel oyida do‘konlarda sotila boshlaydi.

Yangi Pixel 9a dizayni bo‘yicha avvalgi modellardan farq qilib, tekis qirralarga ega bo‘ldi va kamera burmasi olib tashlandi. Smartfon 48 megapikselli asosiy kamera va 13 megapikselli ultra keng kamera bilan jihozlangan. Shuningdek, u 6,1 dyuymli displeydan 6,3 dyuymli ekranga o‘tib, ochiq havoda 2700 nit yorqinlikka erishadi.

Pixel 9a bir marta zaryadlanganda 30 soatgacha ishlaydi, batareyani...

Shavkat Mirziyoyevning Parijga tashrifi doirasida Fransiya bilan yadro energetikasi, uran qazib olish va qayta tiklanadigan energiya sohasidagi hamkorlikka kelishib olindi. Bu haqda agentlik direktori Azim Ahmedxo‘jayev Fransiyaning «Le Figaro» nashriga ma’lum qilgan.

Fransiya, ayniqsa, Nigerdagi uran qazib olish inqirozidan keyin O‘zbekistonning ushbu sohadagi imkoniyatlariga katta qiziqish bildirmoqda. Shu bilan birga, O‘zbekiston ham energiya manbalarini diversifikatsiya qilish maqsadida yadro energetikasiga sarmoya kiritish yo‘lida turli hamkorlik variantlarini ko‘rib chiqmoqda.

Energetika sohasida hamkorlik chuqurlashmoqda

O‘zbekiston gaz zaxiralari kamayib borayotgani sababli qayta tiklanadigan energiya manbalarini kengaytirishga harakat qilmoqda. Shu jumladan, EDF tomonidan ikkita yirik gaz turbinali elektr stansiyasi barpo etilishi rejalashtirilgan bo‘lib...

The Times nashri ma’lumotlariga ko‘ra, Shimoliy Koreya bitkoinlarga egalik qilish bo‘yicha dunyoda uchinchi o‘ringa ko‘tarilgan. AQSh va Buyuk Britaniya hukumatlaridan keyin eng yirik kriptovalyuta egasi sifatida KXDR aynan kiberhujumlar orqali bu darajaga yetgan.

KXDRning Lazarus nomli eng yirik xakerlik guruhi hozirda 13 580 bitkoinga ega bo‘lib, bu taxminan 886 mln funt sterlingga teng. Fevral oyida ushbu guruh Bybit kriptovalyuta birjasiga hujum qilib, 1,2 mlrd funt sterling qiymatdagi Ethereum kriptovalyutasini o‘g‘irladi. Bu tarixdagi eng yirik kiberjinoyatlardan biri sifatida qayd etilgan.

BMT hisob-kitoblariga ko‘ra, Shimoliy Koreya yadroviy va ballistik raketa dasturining 40 foizgacha qismini noqonuniy kiberusullar orqali moliyalashtiradi. Kim Chen In...

Navroʻz bayrami arafasida poytaxtdagi barcha dehqon bozorlarda arzonlashtirilgan savdo yarmarkalari tashkil qilinadi. Bu haqda Toshkent shahar hokimligi matbuot xizmati xabar berdi.

Unga koʻra, quyidagi tumanlardagi bozorlarda arzon narxlardagi mahsulotlar savdosi oʻtkaziladi:

2025-yildan 2030-yilgacha Osiyo taraqqiyot banki (OTB) tadbirkorlikni qoʻllab-quvvatlash uchun $3,4 milliard yoʻnaltirishni rejalashtirmoqda. Bu haqda bankning Oʻzbekistondagi vakolatxonasi direktori Kanokpan Lao-Araya ma’lum qildi.

Ta’kidlanishicha, pul Oʻzbekistonda kichik va oʻrta biznesni rivojlantirish dasturi boʻyicha ajratiladi. 2025-yil oxirigacha bank $400 million ajratadi.

Xalqaro moliya institutining ustuvor yoʻnalishi «yashil» loyihalar va ayollar tadbirkorligini rivojlantirish boʻladi. Shuningdek, bank kichik va oʻrta biznesni global savdo zanjirlariga integratsiya qilish boʻyicha tashabbuslarni qoʻllab-quvvatlaydi.

Strategiyaning rasmiy taqdimoti 2025-yil aprel oyida boʻlib oʻtishi rejalashtirilgan.

Avvalroq Kursiv Uzbekistan OTB Oʻzbekiston iqtisodiyotiga qancha sarmoya kiritgani haqida yozgan edi.

20-mart kuni havo biroz bulutli bo‘lib, yog‘ingarchilik kutilmaydi. Shamol sharqdan 3-8 m/s tezlikda esadi, deya xabar bermoqda «O‘zgidromet».

Unga ko‘ra, harorat Toshkentda kunduzi 25-27°, kechasi 12-14° iliq bo‘ladi.

Qoraqalpog‘iston va Xorazmda kunduzi 25-30°, kechasi 10-15° iliq bo‘lishi kutilmoqda.

Buxoro va Navoiyda ham harorat shu atrofida bo‘ladi.

Toshkent, Sirdaryo, Samarqand va Jizzaxda kunduzi 22-27°, kechasi 9-14° iliq bo‘ladi.

Qashqadaryo va Surxondaryoda havo biroz iliqroq bo‘lib, kunduzi 25-30°, kechasi 10-15° iliq bo‘ladi.

Andijon, Namangan va Farg‘onada esa kunduzi 22-27°, kechasi 7-12° iliq bo‘lishi kutilmoqda.

Tog‘li hududlarda 20 – 25 mart kunlari qor ko‘chish xavfi bor. Harorat kechasi 3-8° iliq, kunduzi 15-20° bo‘lishi kutilmoqda.