Yangiliklar

Apple kompaniyasining iPhone 17 Air modeli yangi tarqalgan tasvirlarda juda ingichka ko‘rinishda ekani namoyon bo‘ldi. Bu haqda texnologiya insayderi Sonny Dickson fotosuratlarni e’lon qilgani haqida The Varge nashri xabar qildi.

Bloomberg jurnalisti Mark Gurmanning yozishicha, iPhone 17 Air portlarsiz taqdim etilishi mumkin. Bunda zaryadlash tizimi simlarsiz amalga oshiriladi.

Kompaniya iPhone 17 Air’ni kelajakda to‘liq portlarsiz iPhone’ga aylantirishni rejalashtirmoqda. Ushbu modelda foydalanilgan texnologiyalar 2026-yilda chiqarilishi mumkin bo‘lgan buklanuvchi iPhone uchun ham sinovdan o‘tkazilmoqda.

Apple iPhone 17 dummy modellarida butun orqa panelni qamrab oladigan kameralar tizimini joriy qilishi mumkinligini ko‘rsatgan. Shuningdek, iPhone 17 Air juda ingichka bo‘lib, boshqa iPhone modellari uning...

Samsung kompaniyasi Galaxy S24 seriyasiga One UI 7.0 Beta 5 yangilanishini chiqardi. Bu haqda Sammobile nashri ma’lum qilmoqda.

Ma’lum qilinishicha, Hindiston va AQShda sotilayotgan One UI 7.0’ning soʻnggi beta versiyasi dasturiy ta’minotdagi bir qancha xatolarni tuzatdi. U Galaxy S24 va Galaxy S24+’da Samsung Log video yozishga imkoniyat yaratadi.

Yangilanishning yuklab olish hajmi deyarli 1 Gb (AQShda Galaxy S24 Ultra uchun 941,32 MB). Yangilanish Hindistonda S92xBXXU4ZYC6 va AQShda S92xU1UEU4ZYC6 proshivka versiyasi bilan birga kelmoqda.

Yangilanish blokirovka ekrani bildirishnomasi, vidjet sozlamalari ekranidagi piktogramma oʻlchami (kichik koʻrinishi), vidjet shaffofligi uchun loyqalik effekti va shrift/tasvirning qisman oʻxshashligi bilan bogʻliq muammolarga yechim boʻladi.

Adliya vazirligi shaxslarning roziligisiz ularni tasvirga olishni taqiqlash bo‘yicha qonun loyihasini muhokamaga qo‘ydi.

Yangi qonunga ko‘ra, fuqarolarni ularning roziligisiz suratga olish yoki videoga tushirish taqiqlanishi mumkin.

Biroq to‘y yoki boshqa ommaviy tadbirlarda umumiy jarayonni, noqonuniy harakatlarni, xizmat vazifasini bajarayotgan davlat xizmatchilarini, xavfsizlikni ta’minlash maqsadida videokuzatuv tizimlari orqali shaxslarni tasvirga olish (bu holatda ogohlantiruvchi belgilar bo‘lishi kerak) hamda tasvir shaxs tomonidan hamma uchun ochiq qilingan holatlar bundan mustasno.

Loyiha bo‘yicha jamoatchilik fikri 2025-yilning 28-martigacha qabul qilinadi.

Avvalroq Kursiv Uzbekistan ID-kartalar uchun «chiroyli» raqamlarni sotishga ruxsat berilishi mumkinligi haqida yozgandi.

Oʻzbekistonlik gimnastikachi Oksana Chusovitinaga BYD SONG Plus DM-i Champion gibrid krossoveri sovgʻa qilindi. Bu haqda sportchi Instagramʼda ma’lum qildi.

Avtomobilni topshirish marosimi 14-mart kuni BYD Sergeli dilerlik markazida bo‘lib o‘tdi.

BYD SONG Plus DM-i Champion bir quvvatlanishda 150 km masofani bosib oʻtish imkonini beruvchi benzinli dvigatel va elektr motor bilan jihozlangan. Avtomobilning narxi konfiguratsiyasiga qarab 387,2 million soʻmdan boshlanadi.

Eslatib oʻtamiz, Kursiv Uzbekistan Chusovitina 49 yoshida sport gimnastikasi boʻyicha Jahon kubogi bosqichida gʻolib boʻlgani haqida yozgan edi.

Moliya instituti ma’lumotlariga koʻra, joriy yilning mart oyi oʻrtalarida Osiyo taraqqiyot banki (OTB) Oʻzbekistonga $14,2 mlrd sarmoya kiritgan.

Bank savdo, ijtimoiy rivojlanish, moliya va energetika sohalarida 32 ta loyihani qoʻllab-quvvatlamoqda.

OTBning Oʻzbekiston iqtisodiyotiga kiritgan sarmoyalari yoʻl infratuzilmasini rivojlantirish, ijtimoiy xizmatlarni yaxshilash va gender tengligini oshirishga yordam beradi.

Eslatib oʻtamiz, Kursiv Uzbekistan OTB Oʻzbekistonga suv resurslarini boshqarish uchun $125 mln ajratishi haqida yozgan edi.

Toshkentda o‘rtacha sutkalik harorat ketma-ket besh kun davomida 8 gradusdan yuqori bo‘lsa, isitish mavsumi rasman tugatiladi. Bu haqda Veolia Energy Tashkent kompaniyasi xabar qildi.

Kompaniya yilning sovuq faslida issiqlik ta’minoti barqaror va sifatli bo‘lishi uchun issiqlik tarmoqlari, qozonxonalar va nasos stansiyalarida joriy hamda kapital ta’mirlash ishlarini amalga oshiradi.

Shuningdek, Toshkent shahri hokimligi yaqin kunlarda 2024/2025-yilgi isitish mavsumini yakunlash haqida qaror qabul qilishi kutilmoqda.

O‘zbekiston gidrometeorologiya xizmati bergan ma’lumotlariga ko‘ra, shu yilning 8-martdan 14-martgacha bo‘lgan davrda Toshkentda o‘rtacha sutkalik harorat  11,6 gradus (minimal – 9 gradus 8-martda, maksimal – 13,1 gradus 14-martda) daraja kuzatilgan.

Avvalroq Kursiv Uzbekistan «Issiqlikta’minoti» aksiyadorlik jamiyati...

14-mart kuni eksport tartib-taomillarini Jahon savdo tashkiloti (JST) qoidalariga moslashtirish va tayyor mahsulotlar ishlab chiqarishni rag‘batlantirish choralari bo‘yicha prezident farmoni e’lon qilindi.

Unga ko‘ra, shu yilning 1-iyulidan boshlab 86 turdagi mahsulotlarga eksport bojxona bojlari joriy etiladi.

Ushbu mahsulotlarga charm, ipak xomashyosi, paxta ip-kalavasi va trikotaj matolari, go‘sht mahsulotlari, bug‘doy, guruch, mineral o‘g‘itlar, PET chiqindilar, rangli metall lom va chiqindilar, strategik xomashyolar (tabiiy gaz, paxta tolasi, mineral o‘g‘itlar, polietilen, polipropilen, PVX, mis xomashyosi) kiradi.

Avvalroq Kursiv Uzbekistan temir yo‘l transportida bojxona tekshiruvi uzaytirilishi zarur bo‘lgan holatlar belgilangani haqida yozgandi.

Yaponiyaning Sony korporatsiyasi «kelajak televizorlari» uchun yangi RGB LED yoritqich texnologiyasini taqdim etdi. Bu haqda The Verge xabar bermoqda.

Kompaniya vakillarining soʻzlariga koʻra, yangi texnologiya Mini LED va OLED orqa yoritqichlari sifatlarini oʻzida mujassam etgan. Televizor matritsasi LEDlar: qizil, yashil va koʻk ranglarning subpiksellaridan iborat. An’anaviy orqa yorugʻlik holatida matritsa yorugʻlik filtrlaridan iborat. Kompaniyaning ta’kidlashicha, RGB LED aniqroq rang berish va yorqinroq tasvirga imkoniyat yaratadi.

Sony yangi orqa yorugʻlik asosidagi televizorlar 4000 nitsgacha yorqinlikka ega boʻlishi mumkinligini qayd etgan.

«Biz nafaqat yaxshi tasvir sifatini, balki ishonchlilik va barqarorlikni ham kafolatlay olishga ishonamiz», – dedi kompaniya...

AQSh prezidenti Donald Tramp 18-mart kuni rossiyalik hamkasbi Vladimir Putin bilan yangi suhbat oʻtkazishini aytdi. Bu haqda Reuters xabar qilmoqda.

«Men prezident Putin bilan seshanba kuni gaplashaman. Dam olish kunlarida juda koʻp ishlar amalga oshirildi», – dedi Amerika rahbari.

Tramp muzokaralar chog‘ida urushni tugatish imkoniyati mavjudligini aniqlash niyatida ekanini ta’kidladi. Uning so‘zlariga ko‘ra, hozirgi vaziyat mojaroni hal etish uchun juda qulay imkoniyat yaratmoqda.

Shuningdek, AQSh prezidenti Putin bilan muzokaralar chogʻida hududlar va atom elektr stansiyalari ustidan nazorat masalasi koʻtarilishini ma’lum qildi.

Avvalroq Kursiv Uzbekistan AQSh prezidenti Donald Tramp Rossiya va Ukraina oʻrtasida sulhga erishish...

O‘zbekistonda tadbirkor xotin-qizlarni qo‘llab-quvvatlash maqsadida 100 mln so‘mgacha garovsiz kredit ajratish tartibi joriy etiladi. Bu haqda prezident qarori qabul qilindi.

Yangi dastur asosida ijobiy kredit tarixiga ega bo‘lgan ayollar 100 mln so‘mgacha garovsiz kredit olish mumkin bo‘ladi.

Shuningdek, kamida besh nafar ayolga tadbirkorlikda yordam bergan yoki «yashil loyihalar» hamda IT yo‘nalishida ish olib borgan ming nafar tadbirkorga 50 mln so‘mgacha grant ajratiladi.

Kredit hisobidan sotib olinadigan asbob-uskunalar yetkazib berilgunga qadar, «Tadbirkorlikni rivojlantirish kompaniyasi» tomonidan kafillik beriladi. Dastur 2025-yil 1-maydan ishga tushadi.

Avvalroq Kursiv Uzbekistan tadbirkor ayollar kengashi tashkil etilishi haqida yozgandi.

Investitsiyalar, sanoat va savdo vaziri oʻrinbosari Ilzat Qosimov Oʻzbekistondagi yerlar Xitoy kompaniyalari tomonidan egallab olinayotgani haqidagi xabarlarga izoh berdi. Xabar vazirlikning Facebookʼdagi sahifasida e’lon qilindi.

Uch yil davomida Xitoy sarmoyalarining asosiy qismi sanoatga – 62 foiz, energetika sohasiga – 11 foiz, qishloq xo‘jaligiga esa 4 foiz yo‘naltirildi.

«Koʻp tarqalgan notoʻgʻri fikrlarga qaramay, xitoylik investorlarning atigi 4 foizi qishloq xoʻjaligiga toʻgʻri keladi. Oʻzbekistonda chet el investorlariga yer sotilishi taqiqlangan, uni faqat 25 yilga ijaraga olish mumkin va bu faqat ochiq auksion orqali amalga oshiriladi», – dedi Qosimov.

Uning qoʻshimcha qilishicha, oʻzbekistonliklar sarmoyaviy loyihalarga jalb qilingan...

Toshkent shahrida reklama qonunchiligi talablariga rioya etilishi yuzasidan olib borilgan tekshiruvlar natijasida bir nechta korxonalar moliyaviy jarimaga tortildi. Bu haqda Raqobat qo‘mitasi xabar qildi.

Unga ko‘ra, «Ung petro» MCHJ (Carvon), «International foodchain» MCHJ (KFC), «Central asia voyages-Cav» MCHJ (savdo markazi) va «Hamkor reklama servis» MCHJlarga ma’muriy ishlar qo‘zg‘atilib, moliyaviy jarimalar qo‘llash haqida qaror qabul qilindi.

Avvalroq Kursiv Uzbekistan Raqobat qo‘mitasi savdo, gaz ta’minoti va bank xizmatlari bo‘yicha fuqarolardan kelib tushayotgan murojaatlar asosida mablag‘larni qaytarish ishlarini amalga oshirgani haqida yozgandi.

Xitoyning yetakchi sun’iy intellekt startapi DeepSeek asosiy xodimlarining chet elga safar qilishini, rasmiy ruxsatsiz davlatdan tashqariga chiqishini cheklab qo‘ydi. Bu haqda The Information nashri xabar berdi.

Bu chora qo‘llanilishiga sabab kompaniyaning maxfiy ma’lumotlari, jumladan, savdo va texnologik sirlarining sizib chiqishini oldini olish sifatida ko‘rsatilgan.

DeepSeek o‘zining samarador va arzon narxdagi R1 modeli bilan e’tiborga tushgan va qisqa vaqtda OpenAI hamda Google DeepMind kabi kompaniyalarga jiddiy raqobatchi bo‘lgandi.

Nashrning xabarida kompaniyaning global muvaffaqiyati uni Xitoy hukumati tomonidan «milliy boylik» deb e’tirof etilishiga sabab bo‘lgan.

Avvalroq Kursiv Uzbekistan Janubiy Koreyada DeepSeek bloklangani haqida yozgandi.

Uzbekistan Airways Toshkent – Nijniy Novgorod yoʻnalishi boʻyicha reysini kechiktirishga majbur boʻldi. Bu haqda kompaniya matbuot xizmati ma’lum qilmoqda.

Nijniy Novgorod xalqaro aeroportida joriy etilgan cheklovlarni inobatga olib, Toshkent – ​​Nijniy Novgorod yoʻnalishi boʻyicha HY9672 reysi kechiktirilishga majbur boʻlingan. Uzbekistan Airways jadval haqida qoʻshimcha ma’lumot berilishini bildirgan.

Eslatib oʻtamiz, 11-mart kuni ertalab Moskvada «Kover» dron hujumini qaytarish rejasi taqdim etilgani natijasida Toshkentdan uchgan HY-611 reysi va Urganchdan uchgan HY-9615 reys belgilangan manzilga qoʻna olmagan edi.

Avvalroq Kursiv Uzbekistan Fargʻona aeroportida S7 Airlines samolyotining qoʻnish moslamasi shikastlangani haqida yozgan.

iPhone 16E foydalanuvchilari Bluetooth qurilmasi orqali uzatiladigan audioning uzilishi boʻyicha shikoyat qilmoqda. Bu haqda Wccftech nashri xabar berdi.

Foydalanuvchilarning ta’kidlashicha, muammo smartfon bir vaqtning oʻzida Bluetooth orqali bir nechta aksessuarlarga ulanganida yuzaga kelmoqda.

Hozircha bu texnik kamchilik qanchalik keng tarqalgani noma’lum, ammo juda koʻp foydalanuvchilarga ta’sir qilgan boʻlishi mumkin.

Mutaxassislar bu muammoning yechimi biroz vaqt talab etishini ma’lum qilmoqda. Chunki iOS 18.4’ning beta-versiyasi muammoni hal qila olmaydi. Ishlab chiqaruvchilar dasturiy jihatdan yechim qabul qilishlari kerak.

Eslatib oʻtamiz, Kursiv Uzbekistan Apple menyular va piktogrammalarni tubdan qayta loyihalashtirishni rejalashtirayotgani haqida yozgan edi.

Huawei va BAIC kompaniyalarining yangi mahsuloti – Stelato S9 EREV sedani tez orada Xitoyda sotuvini boshlaydi. Huawei Intelligent Automotive Solution kompaniyasi rahbari Richard Yu yangi modelni taqdim etdi.

Ushbu avtomobilning dizayni avvalgi Stelato S9 versiyasini takrorlaydi. U oʻziga xos LED faralar, massiv havo olish va tomdagi LiDAR sensoriga ega. Aerodinamika silliq korpus chiziqlari, yashirin eshik tutqichlari va 20 yoki 21 dyuymli gʻildiraklar bilan jihozlangan.

Stelato S9 EREV generator vazifasini bajaradigan 118 kVt (158 ot kuchi) ishlab chiqaruvchi 1,5 litrli turbo dvigatel va 227 kVt (304 ot kuchi) ishlab chiqaradigan orqa elektr motor bilan jihozlangan. Batareya quvvati hozircha oshkor etilmagan...

17-mart kuni havo biroz bulutli bo‘lib, yog‘ingarchilik kutilmaydi. Shamol sharqdan 5-12 m/s tezlikda esadi, deya xabar bermoqda «O‘zgidromet».

Unga ko‘ra, harorat Toshkentda kunduzi 23-25°, kechasi 8-10° iliq bo‘ladi.

Qoraqalpog‘iston va Xorazmda kunduzi 22-27°, kechasi 5-10° iliq bo‘lishi kutilmoqda.

Buxoro va Navoiyda ham harorat shu atrofida bo‘ladi.

Toshkent, Sirdaryo, Samarqand va Jizzaxda kunduzi 20-25°, kechasi 5-10° iliq bo‘ladi.

Qashqadaryo va Surxondaryoda havo biroz iliqroq bo‘lib, kunduzi 22-27°, kechasi 7-12° iliq bo‘ladi.

Andijon, Namangan va Farg‘onada esa kunduzi 20-25°, kechasi 5-10° iliq bo‘lishi kutilmoqda.

Tog‘li hududlarda nisbatan salqin bo‘lib, kunduzi 10-15°, kechasi 0-5° iliq bo‘ladi.

15-mart, dushanba kuni muborak Ramazon oyining oʻn yettinchi kuni boʻlib, Toshkent shahrida saharlikning tugashi soat 5:13 ni tashkil qiladi. Iftorlik esa 18:35 da boshlanadi.

Oʻzbekistonning qolgan shaharlaridagi vaqtlar quyidagi jadvalda keltirilgan.

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi ta’aalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va a’alayka tavakkaltu va’ala rizqika aftartu, fagʻfirli, ya Gʻoffaru, ma qoddamtu vama axxortu

Eslatib oʻtamiz, Kursiv Uzbekistan kimlar ro‘za tutmasligi mumkinligi haqida yozgan edi.

O‘zbekistonning tabiiy suv havzalarida baliq ovlash ma’lum muddatga taqiqlandi. Bu haqda Ekologiya vazirligi ma’lum qildi.

Unga ko‘ra, Amudaryo va Sirdaryoda 11-martdan 31-maygacha, Qoraqalpog‘iston va Xorazm hududlarida 26-apreldan 10-iyungacha, boshqa tabiiy suv havzalarida esa 16-apreldan 31-maygacha baliq ovlash man etiladi.

Bu cheklov baliqlarning urchish davrida tuxum qo‘yib, nasl qoldirishini ta’minlash maqsadida joriy etilgan. Qaror sun’iy suv havzalari va qafas usulida baliq yetishtirishga tatbiq etilmaydi. Taqiqlangan hududlarda baliq ovlash qoidalarini buzganlar ma’muriy yoki jinoiy javobgarlikka tortilishi mumkin.

Eslatib o‘tamiz, avvalroq O‘zbekistonda ov mavsumi yopilgani haqida yozgan edik.

Xitoy bozorida Haval kompaniyasi avtomobillari narxi e’lon qilingan chegirmalar hisobiga keskin arzonlashib ketdi. Bu haqda Auto Home nashri ma’lum qildi.

Unga ko‘ra, Haval H6, Haval H9 va eng so‘nggi Haval H5 2025 modellari uchun chegirma $5,5 minggacha yetmoqda.

Aksiya deyarli barcha modellarni qamrab oladi va aprel oyining oxirigacha amal qiladi. Chegirma doirasida Haval H6 2025 National Tide Edition, Haval H6 Classic Edition, Haval Big Dog 2024, ikkinchi avlod Haval Big Dog, Haval Raptor, yangi Haval H5 2025 hamda Haval H9 modellari ishtirok etmoqda.

Chegirma hisobga olinsa, Haval H5 2025 narxi 127,8 ming yuangacha (taxminan $17,6 ming) tushdi. Haval H...

Toshkentda Chilonzor tumani hokimi Saidqahhor Xolxo‘jayev kubogi uchun polo musobaqasi bo‘lib o‘tdi. Bellashuvlarda Kursiv Uzbekistan fotomuxbiri ham ishtirok etib, musobaqadan lavhalarni jamladi.

Musobaqa natijalariga ko‘ra, birinchi o‘rinni Milliy gvardiya Toshkent shahar ot sporti maktabi egalladi. Ikkinchi o‘rin Milliy gvardiyaning viloyat boshqarmasi jamoasiga nasib etdi. Uchinchi o‘rinni esa Milliy gvardiyaning hududiy ot sporti maktabi qo‘lga kiritdi.

Ayollar jamoalari orasida esa «Chilonzor polo klubi» g‘olib deb topildi.

Sovrindorlar kubok, medal, diplom va esdalik sovg‘alari bilan taqdirlandi.

Eslatib o‘tamiz, avvalroq Chusovitina 49 yoshida sport gimnastikasi bo‘yicha Jahon kubogi bosqichida g‘olib bo‘lgan edi.

AQShning Yevropa mudofaasiga bo‘lgan ishonchi zaiflasha boshlagan bir paytda, qit’a yetakchilari o‘z xavfsizligini mustahkamlash yo‘llarini izlamoqda. Bu haqda CNN axborot agentligi ma’lum qildi.

Unga ko‘ra, Fransiya prezidenti Emmanuel Makron Yevropa davlatlari uchun yadro himoyasini kengaytirish masalasini ko‘tarib, strategik muloqotni boshlashga tayyorligini bildirdi.

Buyuk Britaniya va Fransiya uzoq yillardan beri yadro qurollariga ega bo‘lsa-da, ularning arsenali AQSh yoki Rossiya qudratiga teng emas. Biroq Fransiya va Britaniya rahbarlari o‘z ittifoqchilariga yadro soyabonini taklif qilishi mumkinligi muhokama qilinmoqda.

Polsha, Germaniya va Skandinaviya davlatlari bu tashabbusga qiziqish bildirishmoqda. Shu bilan birga, AQSh ham Yevropada o‘z yadro qurollarini saqlash va mudofaa strategiyasini mustahkamlash niyatida.

«Ozarbayjon havo yo‘llari» (AZAL) 1-apreldan boshlab Boku – Samarqand yo‘nalishidagi muntazam aviaqatnovlarni qayta tiklaydi. Bu haqda aviakompaniya rasmiy sahifasida ma’lum qildi.

Bir tomonlama aviachiptalar narxi 261,63 azerbayjon manati (taxminan 1 992 000 so‘m) dan boshlanadi. Chiptalarni AZAL rasmiy veb-sayti, mobil ilovasi yoki rasmiy agentlari orqali xarid qilish mumkin.

Eslatib o‘tamiz, avvalroq Qazaq Air Samarqand – Turkiston yo‘nalishidagi muntazam reyslarni tiklagan edi.

Investitsiyalar, sanoat va savdo vaziri Laziz Kudratov Qozog‘iston Savdo va integratsiya vaziri Arman Shakkaliyev bilan uchrashdi. Bu haqda vazirlik rasmiy sahifasida ma’lum qilindi.

Unga ko‘ra, muzokaralar davomida tomonlar savdo-iqtisodiy va sarmoyaviy hamkorlikni rivojlantirish hamda Termiz xalqaro savdo markazida ochilgan Qozog‘iston mahsulotlari pavilonining ahamiyati haqida fikr almashdi.

2024-yilda ikki davlat o‘rtasidagi tovar ayirboshlash hajmi $4,3 mlrdga yetdi. Uchrashuvda 2030-yilgacha bu ko‘rsatkichni $10 mlrdga yetkazish bo‘yicha dastur imzolandi.

Hozirda O‘zbekistonda Qozog‘iston kapitali ishtirokidagi 1042 ta korxona, Qozog‘istonda esa O‘zbekiston sarmoyasi bilan 4,5 mingdan ortiq kompaniyalar faoliyat yuritmoqda. Tomonlar savdo to‘siqlarini bartaraf etish va sarmoyaviy hamkorlikni kengaytirish borasida kelishuvga erishdilar.

Eslatib o‘tamiz...