Yangiliklar

Prezident «Qarshi davlat texnika universitetini tashkil etish to‘g‘risida»gi qarorni qabul qildi. Bu haqda Adliya vazirligi ma’lum qildi.

Qarorga muvofiq, Qarshi muhandislik-iqtisodiyot instituti, Qarshi irrigatsiya va agrotexnologiyalar instituti, Muhammad al-Xorazmiy nomidagi Toshkent axborot texnologiyalari universitetining Qarshi filiali hamda Toshkent kimyo-texnologiya institutining Shahrisabz filiali negizida Qarshi davlat texnika universiteti tashkil etiladi.

Universitetning asosiy vazifalari qatorida muhandislik, geologiya, qurilish, transport, energetika, axborot texnologiyalari, irrigatsiya tizimlari va agrotexnologiyalar sohalarida kadrlar tayyorlash va malakasini oshirish bo‘ladi.

2025/2026 oʻquv yilidan boshlab qayta tiklanuvchi energiya manbalari, ekologiya va atrof-muhit muhofazasi yo‘nalishlarida kadrlar tayyorlash salmog‘i oshiriladi, talabalar va professor-o‘qituvchilarning samaradorligi xalqaro standartlar asosida baholanadi, «yagona...

Brabus Mercedes-AMG avtomobillari uchun uchta tyuning paketini taqdim etdi: AMG GT kupesi, AMG C 63 sedani va GLC 63 krossoveri. Barcha modellar oshirilgan quvvat, aerodinamik yaxshilanishlar va osmalarni qayta ishlashga ega boʻldi. Bu haqda Auto.ru xabar berdi.

Maʼlum qilinishicha, Mercedes-AMG GT kupesi 750 ot kuchi va 900 Nm gacha tezlashtirilgan 4,0 litrli V8 dvigateli bilan jihozlangan. Ushbu oʻzgarishlar tufayli 100 km/soat tezlikka erishish bor-yoʻgʻi 2,9 soniya vaqt oladi va maksimal tezlik 315 km/soatga yetadi.

2,0 litrli gibrid dvigatel bilan jihozlangan AMG C 63 sedani va GLC 63 krossoverida ham jiddiy oʻzgarishlar qilindi. Purkash tizimi va bosim takomillashtirildi, bu esa...

Afgʻonistonda «Tolibon» hukumatining qochqinlar boʻyicha vaziri Halil ur-Rahmon Haqqoniy Qobuldagi masjid yaqinida sodir boʻlgan terakt natijasida halok boʻldi. Bu haqda CNN xabar bermoqda.

Xabar qilinishicha, hujum Haqqoniy hujjatlarni imzolash jarayonida amalga oshirilgan. U bilan birga yana olti kishi halok boʻlgan.

«Afgʻonistonning qochqinlar boʻyicha vaziri Halil ur-Rahmon Haqqoniyning bugungi xudkushlik hujumi oqibatida vafot etgani tasdiqlandi», – deyiladi hukumat bayonotida.

«Tolibon» ushbu hujumda ISHIDni ayblamoqda, ammo ISHID hali javobgarlikni oʻz zimmasiga olmagan.

Haqqoniy «Tolibon» hokimiyatni egallaganidan keyin Afgʻonistonda portlashlar oqibatida halok boʻlgan eng yuqori lavozimli rasmiylardan biri. U 2021-yil sentabr oyida qochqinlar boʻyicha vazir etib tayinlangan...

Amerikalik tadbirkor Ilon Mask boyligi $400 milliarddan oshgan birinchi shaxs sifatida tarixga kirdi. Bu haqda Bloomberg xabar berdi.

Agentlik ma’lumotiga koʻra, Maskning boyligi keskin oshganiga sabab SpaceX kompaniyasi aksiyalarini ichki ma’lumot asosida sotish boʻlgan (insayder savdosi). Ushbu bitimdan soʻng uning kapitali $50 milliardga oshgan.

Bloomberg Billionaires Index ma’lumotlariga ko‘ra, Ilon Maskning umumiy boyligi $439,2 milliardni tashkil etgan.

Avvalroq Kursiv Uzbekistan $ 348 milliard boyligi bilan Ilon Mask yana dunyoning eng boy odamlari ro‘yxatida yetakchilik qilgani haqida yozgan edi.

Bugun, 12-dekabr kuni O‘zbekiston bo‘ylab tuman tushishi mumkin, biroq yog‘ingarchilik kuzatilmaydi. Kunduzi o‘rtacha havo harorati 4-9 daraja iliq, kechasi esa 5-10 daraja sovuq bo‘ladi. Bu haqda Gidrometeorologiya xizmati agentligi xabar berdi.

Poytaxtda havo biroz bulutli bo‘ladi, biroq yomg‘ir va qor yog‘maydi. Kunduzi havo 5-7 daraja iliq, kechga kelib havo 4-6 darajagacha pasayib sovuq bo‘ladi.

Tog‘li hududlarda ham yog‘ingarchilik kuzatilmaydi. Ayrim joylarda tuman tushadi. Kunduzi 2 daraja sovuq, kechasi esa 8-13 daraja sovuq bo‘ladi.

FIFA (Xalqaro futbol federatsiyasi)ning navbatdan tashqari kongressida 2030 va 2034-yillardagi futbol bo‘yicha Jahon chempionatlarini o‘tkazadigan davlatlar tanlandi.

Unga ko‘ra, 2030-yilda chempionatni bir vaqtning o‘zida oltita davlat va uchta kontinent qabul qiladi. O‘yinlarning aksariyati Ispaniya, Portugaliya va Marokashda bo‘lib o‘tadi. Paragvay, Urugvay va Argentinaning har birida bittadan o‘yin o‘tkaziladi.

2034-yilgi Jahon chempionati mezboni Saudiya Arabistoni bo‘ladi.

Eslatib o‘tamiz, avvalroq O’zbekistondagi eng qimmat futbolchi kimligi haqida yozgan edik.

YouTube’da avtomatik dublyaj funksiyasi paydo bo‘ldi. Bu haqda videoplatforma rasmiy sahifasida ma’lum qilindi.

Unga ko‘ra, hozircha u bir necha yuz mingta ta’limiy kanallar uchun mavjud.

Algoritm ingliz tilidan nemis, fransuz, ispan, portugal, italyan, hindi, indoneziya va yapon tillariga alternativa audio yo‘llarini yaratadi.

Platforma, shuningdek, yuqoridagi tillardan biriga ingliz tilida audio tarjimani ham yaratishi mumkin.

Yaratuvchilarga qo‘shimcha sozlamalarni yoqish zarurati yo‘q. Algoritm avtomatik tarzda ularning videosining tilini aniqlaydi va dublyajni yaratadi. Kanallar egalari nashrdan oldin ovozli tarjimani tinglab, agar ularni qoniqtirmasa, olib tashlashlari mumkin.

Xizmat jamoasi funksiyaning hozircha mukammal ishlamasligini ta’kidlamoqda. Dublyajda ba‘zan xatolar bo‘lishi mumkin. Biroq YouTube algoritmlar ustida...

Shavkat Mirziyoyev Toshkent shahridagi qurilish va obodonlashtirish loyihalarining taqdimotida ishtirok etdi. Bu haqda prezident matbuot xizmati ma’lum qildi.

Unga ko‘ra, davlat rahbari jamiyatning zamonaviy ehtiyojlariga mos ravishda yangi qurilishlar va yashash sharoitlarini yaxshilash zarurligini ta’kidladi.

Toshkentdagi Yunusobod dehqon bozori bo‘yicha yangi loyiha taqdim etildi. Ushbu loyiha bo‘yicha bozorda savdo o‘rinlari va qulayliklar ko‘paytiriladi, uch qavatli ekobozor qurilib, yerosti avtomobil turargohi va savdo markazi yaratish rejalashtirilgan. Bu loyiha 4-5 ming ish o‘rni yaratishni maqsad qilmoqda.

Shuningdek, poytaxtdagi istirohat bog‘larini obodonlashtirish bo‘yicha ham rejalarning taqdimoti bo‘ldi. Abdulla Qodiriy bog‘i obodonlashtiriladi, yashil hududlar ko‘paytiriladi, sayr joylari va yangi planetariy quriladi. «Do‘stlik» bog‘i...

2023-yil oxiriga kelib Uzum kompaniyasi $100 mln.dan ortiq mablag‘ to‘pladi va o‘z qiymatini $1 mlrd.dan oshirishga erishib, O‘zbekistonning birinchi unicorn kompaniyasiga aylandi. Bu haqda Intellinews nashri ma’lum qildi.

Unga ko‘ra, Uzumning asosiy faoliyat yo‘nalishlari elektron tijorat va fintech hisoblanadi. Kompaniya O‘zbekistondagi eng yirik onlayn do‘konlardan biri bo‘lgan Uzum Marketni boshqaradi, shuningdek, yangi bank va kredit xizmatlarini ham taklif qiladi. 2024-yil avgust oyida Uzum FinTech marketingga deyarli mablag‘ sarflamagan holda, og‘zaki tavsiyalar asosida 600,000 dan ortiq debet kartalarini chiqarishga muvaffaq bo‘ldi.

Kompaniya o‘z infratuzilmasini qurishga katta sarmoya kiritdi, bu esa ularga raqobatchilardan ajralib turish imkonini berdi. Seleznevning ta’kidlashicha, «biz o‘z...

Oliy Majlis Qonunchilik palatasining majlisida kredit sohasidagi firibgarliklarni oldini olishga qaratilgan yangi qonun loyihasi birinchi o‘qishda ko‘rib chiqildi. Bu haqda palata matbuot xizmati ma’lum qildi.

Unga ko‘ra, ushbu qonun loyihasi jismoniy shaxslarning nomidan, ularning xabarisiz kreditlar ochilishiga qarshi samarali choralar ko‘rishni maqsad qiladi.

Yangi qonun loyihasiga ko‘ra, endilikda fuqarolar kredit bitimlarini imzolashdan oldin, kredit byurosiga ariza berib, o‘zining kredit olishga ruxsat bermasligini belgilashlari mumkin bo‘ladi. Bu, o‘z navbatida, firibgarlik yo‘li bilan insonlarning nomiga noqonuniy kreditlar rasmiylashtirish holatlarini oldini olishga xizmat qiladi.

Qonun loyihasining qabul qilinishi kredit byurolari faoliyatini yanada tartibga solishga ham yo‘naltirilgan. Deputatlar, ushbu chora orqali fuqarolarning huquqlari...

Wildberries & Russ RWB brendining logotipini taqdim etdi. Bu haqda Kursiv Uzbekistanʼga kompaniya matbuot xizmati xabar berdi.

Shu bilan birga, Wildberries va Russ nomlari marketpleys va tashqi reklama operatori uchun foydalanishda qoladi. Endilikda RWB brendi bosh brendga aylanadi va birlashgan kompaniyaning yangi mahsulotlari uchun ishlatiladi.

RWB brendi yordamida kompaniya oʻz xizmatlarini avtomatlashtirish va shaxsiylashtirishni yaxshilashni rejalashtirmoqda.

Avvalroq Kursiv Uzbekistan Wildberries xaridlarni istalgan yetkazib berish punktiga qaytarishga ruxsat berishi haqida xabar bergan edi.

Oʻzbekistonda ommaviy tartibsizliklarni moliyalashtirganlik uchun jinoiy javobgarlik belgilash taklif qilinmoqda. Bu haqda Oliy Majlis Qonunchilik palatasi axborot xizmati xabar berdi.

Ta’kidlanishicha, amaldagi qonunchilikda ommaviy tartibsizliklarni tashkil etish, ularda faol ishtirok etish va fuqarolarga nisbatan zoʻravonlik qilishga chaqiriqlar uchun jinoiy javobgarlik belgilangan. Lekin aynan ommaviy tartibsizliklarni sodir etish maqsadida oʻquvdan oʻtish yoki ularni moliyalashtirish boʻyicha aniq javobgarlik mavjud emas edi.

Jinoyat kodeksining 244-moddasiga oʻzgartish kiritish orqali ommaviy tartibsizliklarni sodir etish uchun maxsus oʻquvdan oʻtganlik hamda bunday faoliyatni moliyalashtirganlik uchun jinoiy javobgarlik belgilanishi koʻzda tutilgan.

Avvalroq «Kursiv» Oʻzbekiston Markaziy Osiyodagi eng xavfsiz davlat deb topilgani haqida xabar bergan edi.

Futbol bo‘yicha O‘zbekiston milliy terma jamoasi va «Lans» klubi himoyachisi Abduqodir Husanovning transfer narxi 12 million yevroni tashkil qildi. U Transfermarkt platformasi ma’lumotlariga ko‘ra respublikasidagi eng qimmat futbolchi hisoblanadi.

Joriy yilning iyun oyidan oktabr oyigacha Husanovning narxi ikki barobarga oshgan. O‘shanda u besh million evroga baholangan.

Husanov 2004-yil 29-fevralda Toshkent shahrida tug‘ilgan. Futbolchi «Lans»ga o‘tishdan oldin Belarus Respublikasining «Energetik» klubida to‘p surgan.

Avvalroq Kursiv Uzbekistan nashri Abduqodir Husanov Angliyaning «Tottenxem» jamoasiga o‘tishi mumkinligi haqida yozgan edi.

11-dekabr kuni O‘zbekiston Respublikasi valyuta birjasida AQSh dollarining o‘rtacha kursi yana 8,36 so‘mga pasayib, 12 865,66 so‘mni tashkil qildi.

Banklar dollarni 12 805 – 12 830 so‘mdan xarid qilishmoqda va 12 875 – 12 935 so‘mdan sotishmoqda.

Eslatib o‘tamiz, 10-dekabr kuni AQSh valyutasi deyarli 13 so‘mga qimmatlashdi.

2024-yilning yanvar – oktabr oylarida Oʻzbekiston 20,2 ming dona elektromobil import qildi, bu oʻtgan yilning shu davriga nisbatan 6,7 ming donaga koʻp, deya xabar bermoqda Statistika agentligi.

Agentlik ma’lumotlariga koʻra, pul ifodasida import hajmi $202,7 millionni tashkil etgan.

Elektromobillarning katta qismi Xitoydan import qilingan bo‘lib, ularning soni 20 ming donani tashkil etadi. Bundan tashqari, 51 ta elektromobil Qozog‘istondan, 17 tasi Gonkongdan, 14 tasi Germaniyadan olib kelingan. Shuningdek, Birlashgan Arab Amirliklari va AQShdan 10 tadan elektromobil olib kelingan.

Avvalroq Kursiv Uzbekistan Xitoyning Neta elektromobil brendi O‘zbekiston bozoriga kirgani haqida xabar bergan edi.

Savdo.uzavtosanoat.uz platformasi orqali Chevrolet Cobalt Gx-Style At Plus va Gx-Midnight AT avtomobillari uchun 22 mingta shartnoma tuzildi. Bu haqda kompaniya axborot xizmati xabar berdi.

Ma’lum qilinishicha, tuzilgan shartnomalardan 21933 tasi One ID tizimida roʻyxatdan oʻtgan jismoniy shaxslarga, 70 tasi esa yuridik shaxslar ulushiga toʻgʻri keladi.

Jami 6,6 ming dona Chevrolet Cobalt Gx-Style At Plus va 15,5 ming dona Chevrolet Cobalt Gx-Midnight AT avtomobili realizatsiya qilindi.

Eslatib oʻtamiz, avtomobil xaridi uchun tuzilgan shartnomalar boʻyicha toʻlov yetti kalendar kun ichida amalga oshirilishi lozim.

Avvalroq Kursiv Uzbekistan UzAuto Motors toʻlovi kechiktirilgan Cobalt avtomobillarini qayta kontraktatsiyaga qoʻygani haqida xabar bergan edi.

«Balandlik» loyihasi rahbari Yevgeniy Malaxov «O‘zbekistonda faol va sport turizmi: holati, muammolari, istiqbollari» mavzuidagi davra suhbatida noqonuniy gidlarga qarshi kurashishni taklif qildi, deb xabar beradi Kursiv Uzbekistan muxbiri.

Uning so‘zlariga ko‘ra, noqonuniy gidlar va alpinistlar mamlakatimizning tog‘li hududlarida turizm xizmatlari uchun qora bozor yaratgan.

Malaxov noprofessionallar tomonidan tashkil etilgan noqonuniy turlar va toqqa chiqishlar sayyohlar uchun xavfli ekanini qayd etdi.

«Balandlik» loyihasi O‘zbekiston Liberal-demokratik partiyasi (O‘zLiDeP) tomonidan tashkil qilingan bo‘lib, bolalar uchun tog‘ bo‘ylab sayohatlar tashkil etishga qaratilgan.

Avvalroq «Kursiv» O‘zbekistondagi maktablarda sport turizmi seksiyalari ochilishi mumkinligi haqida yozgan edi.

O‘zbekistonning tog‘li hududlaridagi maktablarda sport turizmi bo‘yicha bo‘limlar ochilishi mumkin. Bu tashabbus Ekstremal va tog‘ turizmi federatsiyasi tomonidan ilgari surildi, deb xabar berdi Kursiv Uzbekistan muxbiri.

Bu taklif 11-dekabr kuni Toshkentda boʻlib oʻtgan «O‘zbekistonda faol va sport turizmi: holati, muammolari, istiqbollari» mavzusidagi davra suhbatida bildirildi.

Unda 60 nafarga yaqin ishtirokchi qatnashdi. Ular orasida Sport vazirligi, Favqulodda vaziyatlar vazirligi, Maktabgacha va maktab ta’limi vazirliklari va boshqa idoralar vakillarini ko‘rish mumkin.

Avvalroq «Kursiv» O‘zbekistondagi oliy o‘quv yurtlarida voleybol, basketbol, ​​gandbol, regbi, xokkey va suv polosi seksiyalari tashkil etilishi haqida yozgan edi.

Timur Ishmetov O‘zbekiston Markaziy bankining yangi raisi etib tayinlanishi kutilmoqda. Prezidentning taklifi yana Senat tomonidan ma’qullanishi kerak.

Ishmetov bu lavozimga tayinlangunga qadar ham Markaziy bank tizimida ishlagan, xususan, raisning birinchi oʻrinbosari boʻlgan.

Shuningdek,u 2019–2022-yillarda moliya vaziri sifatida faoliyat koʻrsatgan va hozirda prezident maslahatchisi oʻrinbosari lavozimida ishlab kelayotgan edi.

Timur Aminjanovich Ishmetov 1979-yilda tug‘ilgan. Bakalavriatni Toshkent moliya institutining moliya-kredit fakultetida, magistraturani esa Birmingem universitetining International Money and Banking yo‘nalishida tamomlagan. Shuningdek, u Toshkent davlat yuridik universitetining huquqshunoslik fakultetini tamomlagan.

Avvalroq Kursiv Uzbekistan Markaziy bank raisi Mamarizo Nurmatov lavozimidan ozod etilayotgani haqida xabar bergan edi.

BMT Oʻzbekiston va Qozogʻistonda radioaktiv va yadroviy materiallarning noqonuniy aylanishining oldini olish dasturini ishga tushirdi. Bu haqda Oʻzbekiston Bojxona qoʻmitasi ma’lum qildi.

Dasturning maqsadi huquqni muhofaza qiluvchi organlarning radioaktiv moddalar kontrabandasiga qarshi kurashish salohiyatini oshirishdir. Tegishli idoralarning ehtiyojlarini tahlil qilish, instruktorlar tayyorlash va qoʻshma tadbirlar oʻtkazish rejalashtirilgan.

Dastur ikki yil davomida amal qiladi. Uni Norvegiya radiatsiya xavfsizligi agentligi (DSA) moliyalashtiradi. Oʻzbekistonda dastur koordinatori etib Sanoat, radiatsiya va yadro xavfsizligi qoʻmitasi tayinlandi.

Loyihani muhokama qilishga bagʻishlangan birinchi uchrashuv 2-3-dekabr kunlari Turinda boʻlib oʻtdi. Tadbirda dasturning Oʻzbekistondagi milliy koordinatori Otabek Qosimov respublikada radiatsiyaviy vaziyatni monitoring qilishning avtomatlashtirilgan tizimi yaratilayotganini ma’lum qildi.

Shavkat Mirziyoyev Oliy Majlis Senatiga Markaziy bank raisi Mamarizо Nurmuratovni o‘z lavozimidan ozod etish to‘g‘risida taklif yubordi. Bu haqda prezident matbuot xizmati ma’lum qildi.

Nurmuratov 2017-yil yozidan buyon O‘zbekiston Markaziy bankini boshqarib kelmoqda. 2022-yilda parlamentning yuqori palatasi uni ikkinchi marta, besh yil muddatga saylagan edi.

Ma’lumot uchun, Mamarizо Nurmuratov 1960-yilda tug‘ilgan bo‘lib, Toshkent xalq xo‘jaligi institutini va Leningrad iqtisodiyot va moliya institutini (hozirgi Sankt-Peterburg davlat iqtisodiyot universiteti) tamomlagan.

U 1993-yildan beri O‘zbekiston Markaziy banki tizimida ishlamoqda. 2000 – 2004-yillarda u O‘zbekiston Moliya vaziri bo‘lgan, 2004 – 2006-yillarda esa Samarqand viloyatini boshqargan.

Eslatib o‘tamiz, avvalroq O‘zbekiston bosh vaziri yordamchisi almashgani...

Google 2024-yilda foydalanuvchilarning eng mashhur qidiruvlari ro‘yxatini e’lon qildi. Bu statistik ma’lumotlar qidiruv tizimining rasmiy veb-saytida e’lon qilindi.

O‘tgan yilda foydalanuvchilar eng ko‘p Amerika kubogi (Copa America) qidirishdi. Ushbu musobaqa AQShda o‘tkazilib, Argentina terma jamoasi chempion bo‘ldi.

Ikkinchi o‘rinda ham futbol musobaqasi – 2024-yilgi Yevro chempionati (UEFA European Championship) turibdi. Musobaqa Germaniyada o‘tkazilib, Ispaniya terma jamoasi finalda Angliya ustidan g‘alaba qozondi.

Eng ko‘p qidirilgan uchinchi so‘rov kriket bo‘yicha Jahon chempionati (ICC Men’s T20 World Cup) bo‘ldi. Musobaqa g‘olibligiga Hindiston terma jamoasi sazovor bo‘ldi.

Yangiliklar so‘rovlarida birinchi o‘rinni AQSh prezidentlik saylovi egalladi. Ikkinchi o‘rinda g‘ayritabiiy issiqlik to‘g‘risidagi so‘rovlar, uchinchi...

Oʻzbekistonda bosh archa Toshkentdagi Alisher Navoiy nomidagi Milliy kutubxona oldidagi maydonga oʻrnatiladi. Bu haqda poytaxt hokimligi axborot xizmati xabar berdi.

Ma’lum qilinishicha, bosh archa 25-dekabrdan 10-yanvargacha har kuni soat 11:00 dan 23:00 gacha tashrif buyuruvchilar uchun ochiq boʻladi.

Bundan tashqari, ushbu kunlarda poytaxtning barcha tumanlarida bayram tadbirlari oʻtkaziladi. Bayram archalari roʻyxati bilan Toshkent shahar hokimligining Telegram kanalida tanishish mumkin.

Eslatib oʻtamiz, 2023 – 2024-yillarda poytaxtdagi mamlakatning asosiy archasi Alisher Navoiy nomidagi Milliy kutubxona atrofida oʻrnatilgan.

Avvalroq Kursiv Uzbekistan Yangi yilda jamoat transporti qanday ishlashi haqida yozgan edi.

Siyosiy faol, «Milliy tiklanish» DP raisi Alisher Qodirovning fikriga ko‘ra, Markaziy Osiyo va O‘zbekiston Rossiya bilan viza tartiblarini kuchaytirish va relokantlarning sonini nazorat qilish kabi siyosiy tashabbuslarni qo‘llab-quvvatlashi zarur. Bu haqda u o‘zining Telegram kanalida ma’lum qildi.

Shuningdek, u O‘zbekistonda yashovchi har bir fuqaro o‘zbek tili, madaniyati va mahalliy qadriyatlarni hurmat qilishini ta’kidlaydi.

«O‘zbekistonda yashaydigan hamma o‘zbek tili, madaniyati va mahalliy qadriyatlarni bilishi va hurmat qilishi kerakligini biz ham shart deb hisoblaymiz va xorijga ish izlab borayotgan vatandoshlarimizni ham mahalliy til, madaniyat, qonunlar va qiladigan ishini yaxshi bilishi zarurligini tan olamiz», – dedi u joylagan postida.

Qodirov hayotini sotib...