Yangiliklar

O‘tgan yil davomida jami 58,9 ming nafar aholiga 17,1 trln so‘m ipoteka krediti ajratildi. Bu haqda Markaziy bank matbuot xizmati ma’lum qildi.

Unga ko‘ra, Toshkent shahri 5,57 trln so‘m bilan eng ko‘p ajratilgan hududlar kesimida yetakchi bo‘lgan. Keyingi o‘rinlarda esa Farg‘ona va Samarqand viloyatlari bo‘lib, ushbu ikkala hudud aholisiga salkam 1,4 trln so‘mdan ipoteka kreditlari ajratilgan. Ularning asosiy yosh qatlami 31 – 50 yoshgacha bo‘lgan fuqarolar bo‘lib, umumiy miqdorning 68% qismini tashkil etadi. Ipoteka krediti ajratilgan fuqarolarimizning 63% qismi erkaklarni, 37% qismi esa xotin-qizlarni tashkil etgan.

Solishtirish uchun, 2023-yilda 68 ming nafardan ortiq aholiga 16,9 trln so‘m ipoteka krediti...

O‘tgan yilda O‘zbekistonga xorijdan qiymati $1,28 mlrdga teng bo‘lgan 74,7 ming dona yengil avtomobil import qilindi. Bu haqda Statistika agentligi ma’lum qildi.

Unga ko‘ra, eng ko‘p avtomobillar Xitoydan (61 ming dona), Koreya Respublikasidan (11,9 ming dona) va AQSHdan (639 dona) keltirilgan. Hindistondan 577 dona, Yaponiyadan esa 168 dona avtomobil import qilingan. Boshqa davlatlardan esa 374 dona yengil avtomobil olib kelindi.

Solishtirish uchun, 2023-yilda O‘zbekistonga 73 mingdan ortiq yengil avtomobillar import qilingan edi. Xitoydan 58 mingdan ortiq, Koreyadan 11,4 mingta, AQShdan 2210 ta, Hindistondan 65 ta, Yaponiyadan esa 419 ta avtomobil olib kelingan edi.

Eslatib o‘tamiz, avvalroq 2024-yilda O‘zbekistonda jami...

Respublika Tovar-xom ashyo birjasida yangi domain.uzex.uz elektron savdo platformasida dastlabki bitimlar amalga oshirildi. Bu haqda  «O‘zRTXB» AJ ma’lum qildi.

Unga ko‘ra, 2024-yil 14-dekabrda ishga tushirilgan platformada o‘tgan davrda 34,1 mln so‘mlik 51 domen nomi sotildi. Auksion savdolari bozor tamoyillari asosida o‘tkazilib, domen nomlarining narxi boshlang‘ich bahosiga nisbatan o‘rtacha 79,4% ga oshdi.

Yangi tizimda «Premium» toifasidagi domen nomlari sun’iy intellekt yordamida sotilmoqda. Sun’iy intellekt domenlar bo‘yicha kalit so‘zlar, tendensiyalar va ularning dolzarbligini tahlil qilib, auksion ishtirokchilariga eng yaxshi variantlarni taklif etadi.

Domen nomlari birjaning domain.uzex.uz platformasida savdoga qo‘yilib, ular UZINFOCOM MChJ tomonidan integratsiya qilinadi.

Eslatib o‘tamiz, avvalroq aholi chiroyli avtoraqamlarga...

O‘tgan yilda 1,4 mlrd kishi xorijiy mamlakatlarda sayohat qilgan. Bu haqda CNN axborot agentligi ma’lum qildi.

Unga ko‘ra, sayyohlar jami 1,9 trln dollar sarflagan. Har bir sayyoh $1000 yoki undan ko‘proq pul xarajat qilgan.

Yevropa 747 mln sayyoh bilan eng ko‘p tashrif buyurilgan qit’a bo‘ldi. Fransiya 100 mln sayyoh bilan dunyodagi eng mashhur manzil bo‘lib, Ispaniya 98 mln sayyoh bilan ikkinchi o‘rinni egalladi. Osiyo va Tinch okeani mintaqasiga esa 316 mln sayyoh tashrif buyurdi.

Shuningdek, kichik mamlakatlar ham turizmda ancha oldinda. Masalan, Qatar sayyohlar sonini 137% ga oshirdi, Andorra, Dominikan Respublikasi va El Salvador ham muvaffaqiyatli yilni boshdan kechirdi.

Surxondaryo viloyatida rasmiylarga millionlab miqdordagi mukofot pullari berish haqidagi qaror bekor qilindi. Bu haqda viloyat hokimiyatining matbuot xizmati ma’lum qildi.

Unga ko‘ra, 661 mln so‘mni viloyat hokimi o’rinbosarlari, tuman va shahar boshliqlariga ajratish haqidagi hujjat jamoatchilik vakillarini g‘azablantirdi. Ularning fikricha, sarflanmagan mablag‘larni viloyat aholisini qo‘llab-quvvatlash va mintaqa muammolarini hal qilishga yo‘naltirish lozim. Hokimiyatning to‘lovlar haqida ma’lumotni yashirishga urinishlari esa norozilikni battar ortishiga sabab bo‘ldi.

Dastlab hujjat xizmat maqsadlari uchun mo‘ljallangan deb belgilangan edi. Biroq respublika qonunlari budjet taqsimoti haqida ma’lumot jamoatchilikka oshkor qilinishini talab etadi. Jurnalistlar hokimiyatning to‘lanmagan qarzlari va viloyat budjetining defitsiti masalasiga e’tibor qaratdi.

Natijada viloyat hukumatining...

2024-yilda O‘zbekistonda 74 ta bolalar attraksioni zarur hujjat va belgilarsiz ishlagan. Bu haqda AOKAda o‘tkazilgan brifingda Sanoat, radiatsiya va yadro xavfsizligi qo‘mitasi Axborot xizmati rahbari Bekzod Berdiyev ma’lum qildi.

Unga ko‘ra, ushbu holat 148 ta parkda 2,12 mingta attraksion tekshirilganda aniqlangan.

Tashrif buyuruvchilarning hayoti va salomatligiga tahdid soladigan 302 ta nosoz obyektdan 82 tasi olib tashlandi. Yana 228 ta attraksion butunlay yopildi va ular foydalanish uchun yaroqsiz deb topildi.

Hozirgi kunda O‘zbekistonda 1,1 mingta attraksion ro‘yxatdan o‘tgan bo‘lib, ular muvaffaqiyatli tekshiruvdan o‘tgan va xavfsizlik talablari bilan mos keladi.

Senatning uchinchi yalpi majlisida «Mikromoliyalashirish faoliyatini takomillashtirish»ga doir qonun ko‘rib chiqildi. Bu haqda Oliy Majlis Senatining rasmiy sahifasida ma’lum qilindi.

Unga ko‘ra, nobank kredit tashkilotlariga o‘rnatilgan cheklovlar mikromoliyaviy xizmatlarning keng doirada taqdim etilishiga to‘sqinlik qilmoqda.

Ushbu yangi qonun bilan mikromoliyaviy tashkilotlar va tijorat banklari o‘rtasida bog‘lovchi tizim yaratish rejalashtirilgan. Bu, o‘z navbatida, mikromoliyaviy tashkilotlarning moliyaviy resurslarini kengaytirish, jumladan, depozitlarni jalb qilish imkoniyatlarini oshirishga xizmat qiladi.

Mikromoliyaviy banklar tushunchasini joriy etish, ularning ustav kapitali va prudenstial me’yorlarga rioya etishi talablarini belgilash ko‘zda tutilgan. Shuningdek, firma nomlarining chalg‘ituvchi tarzda ishlatishiga qarshi qat’iy chora ko‘rish va bu orqali iste’molchilarni himoya qilish...

Endi Tailandga kirayotgan barcha xorijiy fuqarolar uchun TM6 migratsiya formasining onlayn versiyasini to‘ldirish majburiy bo‘ladi. Bu haqda Bangkok Post nashri ma’lum qildi.

Unga ko‘ra, bu hujjat apreldan boshlab to‘xtatilgan qog‘oz shaklidagi formaning o‘rnini bosadi.

Mamlakat Turizm va sport vazirligining ma’lum qilishicha, onlayn forma bepul bo‘lib, kirish usulidan qat’iy nazar barcha sayohatchilar uchun majburiy bo‘ladi. Yangi tizim kirishni soddalashtirish, sayohatchilarning xavfsizligini ta’minlash va ularning mamlakatdagi qolishiga nazoratni oshirishga yordam beradi.

TM6 tizimini joriy etish Tailandda 300 baht yoki 115,6 ming so‘m miqdoridagi turizm yig‘imini kiritishni kechiktirishga imkon beradi.

Eslatib o‘tamiz, 2024-yil 5-iyuldan Tailand O‘zbekiston fuqarolari uchun 60 kungacha vizasiz rejimni...

Ilon Maskning Hukumat samaradorligi departamenti AQSh penyasini bekor qilishni maqsad qilmoqda. Bu haqda CNN axborot agentligi ma’lum qildi.

Unga ko‘ra, 2023-yilgi hisobotga ko‘ra, penyani ishlab chiqarish xarajati 3 sentdan ortiq bo‘lib, bu soliq to‘lovchilarga $179 mlnga yaqin xarajatlarga olib kelgan. AQSh Minti o‘tgan yilda 4,5 mlrd penya ishlab chiqqan va bu aylanma tangalarning 40% qismini tashkil etgan.

Maskning penyani bekor qilish haqidagi g‘oyasi yangilik emas. Ko‘plab mutaxassislar va iste’molchilar bu fikrni ilgari surib kelgan, chunki penyalar kamdan-kam hollarda haqiqiy to‘lovda ishlatiladi. Shuningdek, COVID-19 pandemiyasi sababli ko‘plab iste’molchilar onlayn to‘lovlarni afzal ko‘rgan va jismoniy tangalar muomaladan deyarli chiqib ketgan.

Penyani...

«Radiatsiya va yadro xavfsizligi ilmiy-texnik markazi» davlat muassasasining faoliyati yo‘lga qo‘yish choralariga oid qaror qabul qilindi. Bu haqda Adliya vazirligi ma’lum qildi.

Unga ko‘ra, markazning asosiy faoliyat yo‘nalishlari radiatsiya va yadro xavfsizligi sohasida ilmiy tadqiqotlar olib borish, atom energiyasidan foydalanish obyektlarining xavfsizligini tekshirish va ekspertiza o‘tkazishdan iborat.

Shuningdek, u radiatsiya va yadro xavfsizligi bo‘yicha normativ hujjatlarni ishlab chiqish, davlat dasturlarini yaratish hamda xalqaro loyihalarda ishtirok etishni ham o‘z ichiga oladi.

Bundan tashqari, ilg‘or texnologiyalar asosida xavfsizlikni ta’minlash, modellash va hisoblash tahlilini o‘tkazish, radiatsiya va yadro xavfsizligi bo‘yicha ma’lumotlar bazalarini yaratish va saqlash hamda xalqaro hamkorlikni rivojlantirishga alohida e’tibor qaratiladi.

Yillik o‘sish 17,4% ni tashkil etib, o‘rtacha ish haqi 5,36 mln so‘mga yetdi. Bu haqda Statistika agentligi ma’lum qildi.

Unga ko‘ra, eng yuqori o‘sish Toshkent shahrida (21,4%) kuzatilgan bo‘lib, Samarqand va Sirdaryo viloyatlarida ham o‘sish nisbatan yuqori mos ravishda 17,6% va 16,7% ni tashkil etdi.

Hududlar bo‘yicha eng yuqori o‘rtacha ish haqi Toshkent shahri (9,07 mln so‘m), Navoiy (6,77 mln so‘m) va Toshkent viloyatida (5,1 mln so‘m) qayd etildi. Biroq Qashqadaryo, Surxondaryo va Namangan viloyatlarida ish haqi nisbatan past bo‘lib, ular mos ravishda 3,79 mln so‘m, 3,81 mln so‘m va 3,87 mln so‘mni tashkil etdi.

Tarmoqlar bo‘yicha esa eng...

Samsung Galaxy S25 Ultra smartfonining asosiy kamerasi yordamida olingan ilk suratlar internetda paydo bo‘ldi. Ushbu suratlar smartfonning rasmiy taqdimotidan keyin chop etilib, Sammobile resursi tomonidan e’lon qilindi.

Galaxy S25 Ultra kamerasi kunduzgi suratga olishda to‘rtta modulning imkoniyatlarini ko‘rsatdi. Ular quyidagicha:

Samsung ta’kidlashicha, Galaxy S25 Ultra yangi ProVisual bilan jihozlangan bo‘lib, bu suratlarda shovqinni sezilarli darajada kamaytiradi, tafsilotlarni yaxshilaydi va kengroq dinamik diapazonni taqdim etadi.

Shuningdek, kompaniya suratlarni qayta ishlashda ilg‘or Spatio Temporal Filter...

24-yanvar kuni AQSh dollarining rasmiy kursi 10,08 soʻmga tushib, 12 969,05 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarni 12 905 – 12 940 soʻmdan sotib olayotgan boʻlsa, 12 940 – 13 040 soʻm oraligʻida sotmoqda.

Shu bilan birga, yevro 97,15 soʻmga oshib, 13 611,012 soʻmga yetdi. Rossiya rubli esa 0,97 soʻmga oshib, 132,19 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin. 

Raqobat qo‘mitasining Farg‘ona viloyati hududiy boshqarmasi tomonidan o‘tkazilgan monitoring davomida reklama qonunchiligi buzilishi holati aniqlandi.

Ma’lum bo‘lishicha, «Mo‘jiza Honeymoon» MCHJ tomonidan ishlab chiqarilgan mahsulot reklamasida bemorlarning shifo topgani, dori vositalarining davolash xususiyatlariga ega ekani haqida noto‘g‘ri taassurot uyg‘otuvchi ko‘rsatmalar mavjud bo‘lgani qayd etilgan. Reklama qonunchiligiga zid ravishda, mahsulotni qo‘llash natijasida odamlarning ahvoli yaxshilanganiga oid aniq dalillarga havolalar keltirilgan.

Mazkur holat yuzasidan hududiy boshqarma Maxsus komissiyasi tomonidan «Reklama to‘g‘risida»gi Qonun talablarini buzganlik uchun «Mo‘jiza Honeymoon» MCHJga moliyaviy jarima qo‘llash to‘g‘risida qaror qabul qilindi.

Bundan tashqari, kompaniyaga qonunbuzarlikni bartaraf etish va kelgusida bunday holatlarga yo‘l qo‘ymaslik bo‘yicha ko‘rsatmalar berildi.

Avvalroq Kursiv...

Oliy Majlis Senatining uchinchi yalpi majlisida «Banklardagi omonatlarni himoyalash kafolatlari to‘g‘risida»gi qonun ko‘rib chiqilib, senatorlar tomonidan ma’qullandi. Qonunga muvofiq, agar bank tugatilsa, bir omonatchiga har bir bankdagi kafolatlangan omonatlar qoldig‘i 200 million so‘mgacha bo‘lsa, to‘liq miqdorda kompensatsiya to‘lanadi.

Kompensatsiya to‘lovining muddati esa bosqichma-bosqich qisqartiriladi:

2027-yil 1-yanvardan – 7 ish kuni;

2025-yil 1-yanvardan – 20 ish kuni;

2026-yil 1-yanvardan – 15 ish kuni.

Qonunda banklardagi omonatlarning kafolatlanishi bilan bog‘liq tushunchalar, jumladan, kafolatlash hodisasi, kafolatlangan omonatlar bo‘yicha kompensatsiya to‘lash tartiblari belgilangan. Shuningdek, omonatlarni kafolatlash sohasidagi vakolatli organ sifatida Omonatlarni kafolatlash agentligining huquqiy maqomi, vazifalari va huquqlari aniqlab berildi.

Shuningdek, bank bankrotlikka...

«Elektrotexnika sanoatini rivojlantirishni yangi bosqichga olib chiqishga doir qoʻshimcha chora-tadbirlar toʻgʻrisida»gi prezident qarori qabul qilindi.

Unga koʻra, elektrotexnika sanoatini 2025 – 2027-yillarda rivojlantirish va yangi bosqichga olib chiqishning asosiy yoʻnalishlari belgilandi.

2025-yil 1-fevraldan boshlab bojxona hududida qayta ishlash rejimida tayyorlangan mahsulotlarni sanoat kooperatsiyasi asosida qayta ishlash uchun joylashtirishga ruxsat beriladi. Korxonalar ehtiyoji uchun Oʻzbekistonda ishlab chiqarilmaydigan laboratoriya jihozlari 2028-yilga qadar bojxona bojidan ozod etiladi.

Shuningdek, davlat ulushi 50 foizdan ortiq boʻlgan tashkilotlar va davlat organlari ma’muriy bino-inshootlar va ijtimoiy soha obyektlarini qurishda mahalliy ishlab chiqaruvchilardan tovar xarid qilishga majbur boʻladi.

Avvalroq Kursiv Uzbekistan qaysi qishloq xoʻjaligi...

Samsung Galaxy S24 va undan eski avlod flagmanlari egalari fevral oxiri yoki mart oyining boshigacha Android 15 va One UI 7 interfeysining paydo boʻlishini kutishlari kerak boʻladi. Bu haqda Forbes manbalarga tayanib, xabar berdi.

Hozircha Android 15 asosidagi yangi tizimni faqat Galaxy S25 egalari baholay oladi. Eski modellardan foydalanuvchilar kompaniya flagman seriyasining soʻnggi bir necha avlodlari uchun yangilanishni darhol chiqarishini kutgan edi. Ammo bu sodir boʻlmadi.

Ba’zi kuzatuvchilar kechikishni yangilikning afzalliklarini ta’kidlash va One UI 7’ni 25-avlod uchun eksklyuziv qilishga urinishi deb hisoblamoqda. Boshqalarning fikricha, kompaniya Android 15ʼni eski modellar uchun moslashtirishga ulgurmagan.

Samsung smartfonlarining koʻplab egalari bunday kechikishdan...

Toshkentda Rossiya va Ozarbayjon fuqarolari tovlamachilikda gumonlanib, qoʻlga olindi. Bu haqda IIV matbuot xizmati xabar berdi.

Ularning xatti-harakatlaridan poytaxtning Bektemir tumanidagi bozorda savdo bilan shugʻullangan ozarbayjonlik tadbirkor jabrlandi.

U Oʻzbekiston huquq-tartibot idoralariga Rossiya fuqarosi bilan nizolashib qolgani haqida ariza bilan murojaat qilgan. Rossiyalikning soʻzlariga koʻra, tadbirkor uni haqorat qilgan va buning uchun $5 ming toʻlashi kerak boʻlgan.

Shuningdek, Rossiya fuqarosi tadbirkorga bosim oʻtkazishda yordam berish uchun boshqa bir Ozarbayjon fuqarosini tovlamachilikka jalb qilgan.

Hozirda holat yuzasidan jinoyat ishi qoʻzgʻatilib, uch kishi qoʻlga olindi.

Avvalroq Kursiv Uzbekistan Salim Abduvaliyev (Salimboy) Qirgʻiziston janubini nazorat qilgani haqida yozgan edi.

WULING N111 mikrovenini Oʻzbekistonda oldindan buyurtma qilish mumkin boʻldi. Avtomobilning narxi 126 million so‘mni tashkil etadi, deb xabar berdi Asaka Motors savdo bo‘limi Kursiv Uzbekistan muxbiriga.

Shuningdek, siz besh yil muddatga avtomobilni kreditga olishingiz mumkin. Eng kam boshlang‘ich to‘lov umumiy qiymatining 30 foizini tashkil etadi – 37,8 million so‘m.

Eslatib o‘tamiz, WULING N111 Sirdaryo viloyatida ishlab chiqarila boshlandi. Mikrovenning yo‘lovchi sig‘imi yetti kishi.

WULING N111 dvigatelining quvvati 82 ot kuchiga teng. Yangi mikrovenning yoqilg‘i sarfi 100 km uchun 6,3 litrni tashkil qiladi.

Ma’lumot uchun: Damas narxi 93,1 million so‘m, avtomobilning dvigatel quvvati 38 ot kuchiga teng. Shu bilan birga, avtomobil...

Cadillac kompaniyasi 2026-yilda ishlab chiqariladigan Lyriq-V modelini brend tarixidagi eng tezkor avtomobil sifatida taqdim etdi. Bu haqda motor1 nashri ma’lum qildi.

To‘liq elektr V-seriyali ushbu krossover 615 ot kuchiga ega bo‘lib, 881 funt-fut moment ishlab chiqaradi va atigi 3,3 soniyada 100 km/soat tezlikka erishadi. Bu ko‘rsatkich Lyriq-V’ni CT5-V Blackwing modelidan ham tezroq qiladi.

Lyriq-V ikkita doimiy magnitlangan elektr motor bilan jihozlangan bo‘lib, u to‘liq g‘ildirakli haydovchiga ega. Cadillac ushbu modelga o‘rnatilgan Velocity Max rejimi elektr transport vositasining yuqori tezlikda samarali ishlashini ta’minlashini ta’kidladi. Bundan tashqari, V-Mode rejimi orqali ruldagi tugmani bosish bilan avtomobilning tezlashishi va boshqaruvini sozlash imkoniyati mavjud.

Jizzax va Toshkent viloyatlarida injenerlik maktablari tashkil etiladi. Bu haqda Adliya vazirligi ma’lum qildi.

Unga ko‘ra, Jizzax viloyatidagi 1-son politeknikumi va Toshkent viloyatidagi Ohangaron shahri politekniumida injenerlik maktablari tashkil etiladi. 2025 – 2027-yillarda «O‘zelttexsanoat» uyushmasi tarkibidagi korxonalar qisqa va o‘rta muddatli obligatsiyalarni chiqarish hamda xalqaro kapital bozorlaridan resurs jalb qilish imkoniyatiga ega bo‘ladi.

Shuningdek, yuqori texnologiyali ishlab chiqarishni joriy etgan elektrotexnika sanoati korxonalari uchun foyda solig‘ining nol darajali stavkasi va mol-mulk solig‘idan ozod qilish kabi soliq imtiyozlari beriladi. Elektrotexnika sohasidagi investitsiya loyihalarini amalga oshirish uchun davlat va davlat ishtirokidagi korxonalarning ko‘chmas mulk obyektlari 10 yilgacha bo‘lib to‘lanishi mumkin.

Shu...

Amerikaning OpenAI kompaniyasi o‘zining sun’iy intellekt (SI) yordamchisi Operator’ning birinchi versiyasini taqdim etdi. Bu haqda kompaniya rasmiy sahifasida ma’lum qilindi.

Unga ko‘ra, xizmat foydalanuvchi uchun asosiy vazifalarni bajaradi. Masalan, Operator mahsulotlarni buyurtma qilish, xatlarni yozish va blankalarni to‘ldirish kabi ishlarni bajarishi mumkin. Biroq ba’zi vazifalar tugallanishidan oldin, yordamchi foydalanuvchidan tasdiqlashni talab qiladi. Foydalanuvchi har doim boshqaruvni o‘z qo‘liga olish imkoniyatiga ega.

Hozirda Operator faqat ChatGPT Pro obunachilari uchun AQShda sinov rejimida ishlamoqda. Xizmatning boshqa mamlakatlarda qachon ochilishi haqida hozircha ma’lumot yo‘q.

Eslatib o‘tamiz, avvalroq Donald Tramp Stargate sun’iy intellekt kompaniyasi tashkil etilishini e’lon qilgan edi.

23-yanvar kuni Oliy Majlis Senatining uchinchi yalpi majlisida «Investitsiyalar va investitsiya faoliyati to‘g‘risida»gi yangi qonun tasdiqlandi. 6 bob va 37 moddadan iborat ushbu hujjat Jahon banki hamda Xalqaro moliya korporatsiyasi ko‘magida ishlab chiqilgan bo‘lib, xalqaro standartlar va JST talablariga mos keladi, deb xabar bermoqda Investitsiyalar, sanoat va savdo vazirligi.

Qonunda investorlarni himoya qilish, ularning bozorga kirishini osonlashtirish va ortiqcha cheklovlarni bekor qilish bo‘yicha yangi mexanizmlar belgilandi. Endi xorijiy investorlarga yerdan foydalanish huquqi 25 yildan 49 yilgacha uzaytiriladi, investitsiya ulushi bo‘yicha talab esa 15 foizdan 10 foizgacha pasaytirildi.

Investitsiya loyihalari hajmiga qarab tasniflandi: kichik ($3 mlngacha), o‘rta ($10 mlngacha), yirik...

O‘lchovli oltin quymalarining yangi narxlari e’lon qilindi. Bu haqda Markaziy bank matbuot xizmati ma’lumot berdi.

Unga ko‘ra, 24-yanvar sanasida o‘lchovli quyma oltinning 5 grammi deyarli 6 mln so‘mni, 10 grammi 11,93 mln so‘mni, 20 grammi 203,86 mln so‘mni va 50 grammi 59,66 mln so‘mni tashkil etmoqda.

Buni 17-yanvardagi narxlar bilan solishtirilganda, bir hafta ichida bir gramm oltinning narxi 27,2 ming so‘mga qimmatlashganini ko‘rish mumkin.

Eslatib o‘tamiz, avvalroq Oʻzbekiston oltin eksportini 8,3 foizga kamaytirgani haqida yozgan edik.