Yangiliklar

«U-20» Osiyo kubogi doirasida Oʻzbekiston yoshlar terma jamoasi Janubiy Koreyaga qarshi bahs olib bordi.

Uchrashuv shiddatli va dramatik tarzda kechdi. Dastlab 18-daqiqada Asilbek Jumayev Oʻzbekistonni oldinga olib chiqdi. Ammo 26-daqiqada koreyslar javob golini urishdi. Shin Minha hisobni tenglashtirdi.

Ikkinchi bo‘limda Koreya ustunlikni qo‘lga kiritdi. 56-daqiqada Shin Minha dubl qayd etib, jamoasini oldinga olib chiqdi. 61-daqiqada esa Kim Tayvon yana bir gol urib, ustunlikni mustahkamladi – 3:1.

Shunga qaramay Oʻzbekiston yigitlari oxirigacha kurashni davom ettirdi. 90-daqiqada Muhammadali Oʻrinboyev hisobni qisqartirdi – 3:2. Asosiy vaqt so‘ngida esa vakillarimiz yana bir gol urib, hisobni tenglashtirishdi – 3:3.

Shundan so‘ng qo‘shimcha bo‘limlarga o‘tildi. Ushbu...

22-fevral kuni Namanganda 1-xalqaro «Namangan avtofestivali» bo‘lib o‘tdi. Namangan viloyati hokimligi tashabbusi bilan tashkil etilgan festival yoshlarni kasb-hunarga qiziqtirish, texnik va avto havaskorlarni qo‘llab-quvvatlash, avtomobil tyuningi sanoatini rivojlantirish maqsadida o‘tkazildi.

Festival 50 dan ziyod noyob avtomobillar ishtirokidagi avtoparad bilan boshlandi. «Namangan xalqaro aeroporti» oldidan start olgan avtomobillar shaharning asosiy ko‘chalari bo‘ylab harakatlandi.

Festival tadbirlari Davlatobod tumanidagi «Afsonalar vodiysi» tematik parkida davom etdi. Retro va tyuning avtomobillari ko‘rgazmasi, avtoauksion, ehtiyot qismlar yarmarkasi va qimmatbaho sport avtomobillari namoyishi tashrif buyuruvchilarga taqdim etildi. Shuningdek, turli musobaqalar ham o‘tkazildi.

Festival yakunida g‘olib va sovrindorlar, shuningdek, faol ishtirokchilar esdalik sovg‘alari bilan taqdirlandi.

Avvalroq...

Yakshanba kuni Germaniyada Bundestag saylovi bo‘lib o‘tdi. Unda Ridrix Mers boshchiligidagi konservatorlar (CDU/CSU) yetakchilik qilishi kutilmoqda, ammo yakuniy natijalar hali aniq emas, deya yozmoqda Reuters.

Shu bilan birga, o‘ta o‘ngchi «Germaniya uchun Alternativa» (AfD) partiyasi tarixiy yutuqqa erishishi mumkin.

Saylov kampaniyasi migratsiya va iqtisodiy muammolar bilan bog‘liq keskin bahslar bilan kechdi. Kansler Olaf Shols yetakchiligidagi hukumat tanqidlarga uchrab, iqtisodiy o‘sishning sustligi va ijtimoiy muammolar sababli reytingi pasaygan.

Saylov natijalari Germaniyada uzoq davom etuvchi koalitsiya muzokaralariga sabab bo‘lishi mumkin. Mutaxassislar CDU/CSU va SPD o‘rtasida «katta koalitsiya» tuzilishini yoki kichik partiyalar ishtirokida uch tomonlama ittifoq shakllanishini taxmin qilmoqda.

Eslatib o‘tamiz, avvalroq

2024-yil davomida Buyuk Britaniyadan O‘zbekistonga 21 128 nafar turist tashrif buyurdi. Bu haqda Statistika agentligi ma’lum qildi.

Unga ko‘ra, bu ko‘rsatkich o‘tgan yilga nisbatan 4 963 nafarga, ya’ni 30,7%ga oshgan.

Sayyohlarning aksariyati O‘zbekistonga sayohat (17 583 nafar) va qarindoshlarni yo‘qlash (2 123 nafar) maqsadida kelgan. Shuningdek, xizmat safarlari, tijorat, ta’lim va davolanish kabi maqsadlarda ham tashriflar qayd etilgan.

Eslatib o‘tamiz, avvalroq Turizm qoʻmitasi 2025-yilda Oʻzbekistonga 12 million xorijiy sayyoh kelishini taxmin qilgani haqida yozgan edik.

Tolibon hukumati tarkibidagi Markaziy bank rahbari Nur Ahmad Agha O‘zbekistonni Afg‘onistonga pul o‘tkazmalarini amalga oshirishda ko‘maklashishga chaqirdi. Bu haqda Tolibon Markaziy banki matbuot xizmati ma’lum qildi.

Unga ko‘ra, mazkur masala borasida u O‘zbekiston Markaziy banki raisi Timur Ishmetov bilan uchrashuvda aytib o‘tdi.

Ikki davlat Markaziy bank rahbarlari to‘lov tizimlarini integratsiya qilish va savdodagi o‘zaro hisob-kitoblarda milliy valyutalardan foydalanish masalalarini ham muhokama qildilar.

«Janob Timur Ishmetov ham o‘z tomoni bilan to‘liq hamkorlik qilishga tayyorligini bildirdi. U bank sektorining ikki davlat o‘rtasidagi savdoni rivojlantirishdagi o‘rnini yuqori baholab, bu yo‘nalishdagi o‘zaro hamkorlik muhimligini ta’kidladi», – deyiladi Afg‘oniston Markaziy...

Chevrolet Cobalt bozorda eng ommabop modellardan biri bo‘lib qolmoqda. Biroq hatto ushbu ishonchli avtomobilning ham o‘ziga xos kamchiliklari bor. Kursiv Avto ushbu modelning eng keng tarqalgan muammolari ro‘yxatini tuzdi.

Unga ko‘ra, ushbu avtomobil egalari Cobalt’ning ishonchliligi va uzoq umr ko‘rishi haqida ijobiy fikr bildirishadi. Ammo bu avtomobil ba’zi muhim konstruktiv xususiyatlarga ega bo‘lib, ularni xarid qilishdan oldin hisobga olish lozim.

Markaziy qulf tizimi muammolari – Vaqt o‘tishi bilan masofadan boshqarish pulti ishlamay qoladi, lekin diagnostika aniq sababni ko‘rsatmaydi. Muammoni hal qilish uchun markaziy qulf blokini almashtirish tavsiya etiladi.

Egzoz gazlarini qayta aylantirish valfi (EGR) – P0405 xatosi eng ko‘p...

Ilon Mask va Donald Tramp ma’muriyati hukumat xarajatlarini qisqartirish va davlat idoralarining samaradorligini oshirish maqsadida federal xodimlardan o‘z ish natijalari haqida hisobot talab qilmoqda. Bu haqda Reuters axborot agentligi ma’lum qildi.

Donald Trampning topshirig‘iga ko‘ra, Hukumat samaradorligi departamenti (DOGE) davlat tizimini isloh qilish va 2,3 mln federal xodimlar sonini kamaytirishga harakat qilmoqda. Maskning fikricha, ish natijalari haqida hisobot bermagan xodimlar samarador emas deb hisoblanadi va ularni ishdan bo‘shatish mumkin.

Bu qaror kasaba uyushmalari va jamoatchilik orasida norozilikni keltirib chiqardi, chunki bunday ommaviy qisqartirishlar davlat xizmatlariga jiddiy ta’sir qilishi mumkin.

Eslatib o‘tamiz, avvalroq Ilon Mask Grok 3 chatbotini taqdim...

2024/2025-o‘quv yili boshida umumiy o‘rta ta’lim muassasalarida faoliyat yuritayotgan o‘qituvchilar soni 564,9 ming nafarga yetdi. Bu haqda Statistika agentligi ma’lum qildi.

Unga ko‘ra, bu ko‘rsatkich 2019/2020-o‘quv yiliga nisbatan 78,3 ming nafarga, ya’ni 16,1%ga oshgan.

2019/2020-o‘quv yilida bu ko‘rsatkich 486,6 ming nafarni tashkil etgan bo‘lsa, 2020/2021-yilda 508,2 ming (+4,4%), 2021/2022-yilda 510,0 ming (+0,35%), 2022/2023-yilda 521,6 ming (+2,3%), 2023/2024-yilda esa 547,7 ming (+5,0%) nafarga yetgan. Joriy o‘quv yilida esa bu raqam yana 3,1%ga o‘sib, 564,9 ming nafarni tashkil etdi.

Eslatib o‘tamiz, avvalroq O‘zbekistonda o‘qituvchilar aslida qancha maosh olishi haqida yozgan edik.

Senat yalpi majlisida «Umumjahon pochta ittifoqining ustaviga o‘ninchi va o‘n birinchi qo‘shimcha bayonnomalarni ratifikatsiya qilish to‘g‘risida»gi qonun ko‘rib chiqildi. Bu haqda Oliy Majlis Senatining rasmiy sahifasida ma’lum qilindi.

Unga ko‘ra, mazkur bayonnomalar xalqaro pochta almashinuvini rivojlantirish va O‘zbekistonning ittifoqqa a’zo davlatlar bilan hamkorligini mustahkamlashga qaratilgan. Shuningdek, ular pochta xizmatlarining samaradorligini oshirish va mamlakat manfaatlarini himoya qilishga xizmat qiladi.

Senatorlarning fikricha, ushbu qonun qabul qilinishi O‘zbekistonning Umumjahon pochta ittifoqidagi ishtirokini yanada faollashtiradi. Muhokamalar yakunida qonun ma’qullandi.

Eslatib o‘tamiz, avvalroq Senat tomonidan faktoring xizmatlari to‘g‘risidagi qonun loyihasini ma’qullangan edi.

Yoqilg‘i va elektr energiyasidan noqonuniy foydalanish holatlarini fosh etishga qaratilgan nazorat tadbirlari amalga oshirildi. Bu haqda Bosh prokuratura matbuot xizmati ma’lum qildi.

Unga ko‘ra, Namangan viloyatining To‘raqo‘rg‘on tumanida joylashgan oilaviy korxona rahbari o‘ziga tegishli umumiy ovqatlanish shoxobchasida tarmoqqa o‘zboshimchalik bilan ulanib, 580 mln so‘mlik tabiiy gaz hamda 36 mln so‘mlik elektr energiyasini talon-toroj qilgan.

Mazkur holat yuzasidan korxona rahbariga nisbatan Jinoyat kodeksining 169-moddasi 4-qismi «a» bandi asosida jinoyat ishi qo‘zg‘atilgan va u protsessual tartibda ushlandi.

Eslatiib o‘tamiz, avvalroq yoqilg‘i va energiya talon-torojiga qarshi kurash bo‘yicha prezident yangi tartibni joriy qilgan edi.

O‘zbekiston va Afg‘oniston bosh vazirlari Abdulla Aripov hamda Mullo Abdul G‘ani Barodar o‘rtasida muzokaralar bo‘lib o‘tdi. Bu haqda O‘zR bosh vazir matbuot xizmati ma’lum qildi.

Unga ko‘ra, uchrashuvda mamlakatlarimiz o‘rtasidagi do‘stlik va hamkorlik aloqalarining rivojlanishi, shuningdek, Shavkat Mirziyoyevning Afg‘oniston bilan barcha sohalarda konstruktiv va o‘zaro manfaatli aloqalarni rivojlantirishga e’tibor qaratayotgani ta’kidlandi.

So‘nggi yillarda ikki davlat o‘rtasidagi savdo-iqtisodiy va madaniy-gumanitar hamkorlik izchil rivojlanib bormoqda. Xususan, o‘tgan yili ochilgan «Termiz xalqaro savdo markazi» ikki tomonlama savdoni kengaytirishda muhim rol o‘ynamoqda.

Muzokaralar chog‘ida savdo-iqtisodiyot, energetika, transport va boshqa sohalarda hamkorlikni yanada rivojlantirish masalalari muhokama qilindi.

Afg‘oniston delegatsiyasi tashrif doirasida Toshkentdagi bir qator...

Samsung Galaxy S24, Galaxy S24 Plus va Galaxy S24 Ultra modellari uchun yangi One UI versiyasini taqdim etdi, deb xabar beradi Sammobile. Kompaniya o‘tgan yil dekabr oyida Galaxy S24 smartfonlari uchun One UI 7 interfeysining beta-test dasturini ishga tushirgan va bu jarayon hanuz davom etmoqda.

Kecha Samsung beshinchi beta versiyasini chiqardi. Yangi beta versiya S92xU1UEU4ZYBB nomi bilan belgilanib, hajmi 450 MB ni tashkil etadi. Ushbu yangilanishda ilgari aniqlangan xatoliklar va kamchiliklar bartaraf etilgan.

Galaxy S24 seriyasi uchun yakuniy One UI 7 versiyasining chiqarilishi oltinchi va yettinchi beta versiyalaridan keyin aprel oyida kutilmoqda.

Avvalroq Kursiv Uzbekistan Samsung $120 lik yangi...

21-fevral kuni Oʻzbekistonning BMTdagi doimiy vakili, elchi Ulugʻbek Lapasov Xitoy raisligida oʻtgan BMT Xavfsizlik Kengashining global boshqaruv institutlarini isloh qilish masalalariga bagʻishlangan yigʻilishida nutq soʻzladi.

Yigʻilishda Oʻzbekistonning BMT bilan hamkorlikdagi ustuvor yoʻnalishlari va xalqaro maydondagi rasmiy pozitsiyasi bayon qilindi. Lapasov oʻz nutqida Oʻzbekiston koʻp qirrali va global boshqaruv tizimlarini mustahkamlash tarafdori ekanini ta’kidladi.

Shuningdek, yigʻilish davomida 2025-yil iyun oyida Samarqandda boʻlib oʻtadigan «Barqaror kelajak uchun davlat xizmatlarini tezlashtirish» mavzuidagi BMT forumi uchun a’zo davlatlarga taklifnoma yuborildi.

Oʻzbekiston, shuningdek, BMT Xavfsizlik Kengashining 2035 – 2036-yillar uchun doimiy boʻlmagan a’zoligiga oʻz nomzodini ilgari surdi.

Ma’lumot uchun, BMT Xavfsizlik Kengashi 15 a’zodan...

Andijon viloyati transport tizimi 100 ta yangi elektrobus bilan toʻldirilishi rejalashtirilmoqda. Bu haqda Transport vazirligi xabar berdi.

Ma’lum qilinishicha, mazkur loyihaning asosiy maqsadi – Andijon shahrida harakat tarkibini zamonaviy transport vositalari bilan yangilash va brutto-shartnoma tizimini toʻliq ishga tushirishdan iborat.

Shu munosabat bilan Andijon viloyati hokimligi, viloyat transport boshqarmasi, «Oʻzmilliybank» AJ va tadbirkorlar delegatsiyasi Xitoyda muzokaralar olib bormoqda.

Delegatsiya Lanzhou Guangtong Nev Energy Automobile Co., Ltd va Guangtong kompaniyalarining elektrobus ishlab chiqarish jarayoni bilan tanishib, yetkazib berish va xizmat koʻrsatish boʻyicha shartnomalarni imzolash boʻyicha amaliy ishlarni davom ettirmoqda.

Avvalroq Kursiv Uzbekistan Toshkentga yana mingta Yutong avtobuslari olib kelinishi haqida...

Kosta-Rika hukumati AQShdan deportatsiya qilingan migrantlarning birinchi guruhini qabul qildi. Reuters xabariga koʻra, ular orasida Oʻzbekiston fuqarolari ham bor.

Mazkur jarayon Vashington va Kosta-Rika oʻrtasidagi bitim asosida amalga oshirilmoqda. Rejaga koʻra, mamlakat vaqtincha 200 nafargacha migrantni qabul qiladi. Ular orasida Oʻzbekiston, Qozogʻiston, Armaniston, Gruziya, Ozarbayjon va Rossiyadan kelganlar ham mavjud.

Kosta-Rika xavfsizlik vaziri oʻrinbosari Omer Badillaning ma’lumotiga koʻra, migrantlarga bir oy davomida mamlakatda qolish huquqi beriladi. Shu muddat ichida ularning ixtiyoriy ravishda vataniga qaytarilishi masalasi hal qilinadi. Qaytishni rad etganlar boʻyicha esa individual qaror qabul qilinadi.

Bundan tashqari, AQSh hukumati yana 177 nafar venesuelalik migrantni Guantanamodan Gondurasga deportatsiya qilgan...

Qozogʻistonda qariyb olti yuz bloger soliq toʻlamagani aniqlangani ma’lum boʻldi. Bu haqda Kursiv Kazakhstan mamlakat Davlat daromadlari qoʻmitasiga tayanib xabar berdi.

Ma’lum qilinishicha, bu holat blogerlarning deklaratsiyalari va soliq hisobotlarini solishtirish orqali aniqlangan. Shuningdek, vakolatli davlat organlarining ma’lumotlari ham inobatga olingan.

Blogerlarga yetishmayotgan soliqlarni toʻlash kerakligi toʻgʻrisida bildirishnomalar joʻnatiladi va buning uchun ularga bir oylik muddat beriladi.

Avvalroq Kursiv Uzbekistan oʻzbekistonlik bloger qanday jarimaga tortilgani haqida yozgan edi.

Ijtimoiy tarmoqlarda oilaviy poliklinikalarida ayrim tibbiy xizmatlar pullik boʻlishi haqida tarqalgan xabarlar yuzasidan Sogʻliqni saqlash vazirligi izoh berdi.

SSV Tibbiy sugʻurta boshqarmasi rahbari Shuhrat Almardonovning ta’kidlashicha, Oʻzbekiston Konstitutsiyasining 48-moddasiga binoan, fuqarolar davlat hisobidan kafolatlangan tibbiy yordam olish huquqiga ega.

Hozirda oila shifokor punktlari va poliklinikalarda 28 ta diagnostik tekshiruv, 22 ta laborator tahlil, 138 turdagi dori vositalari, 57 ta tibbiy buyum va eng koʻp uchraydigan 110 ta tashxis bepul taqdim etiladi.

Yangi qonun loyihasiga koʻra, kafolatlangan tibbiy yordam doirasidan tashqari xizmatlar pullik boʻlishi mumkin. Bemorlar ushbu yordamdan bepul foydalanish uchun oilaviy shifokor yoki tibbiy brigada yoʻllanmasi bilan murojaat qilishi...

Air Samarkand aviakompaniyasining Toshkent – Fukuok yoʻnalishidagi reysi 21-fevral kuni soat 23:55 da joʻnashi rejalashtirilgan edi. Biroq texnik nosozlik sababli parvoz kechiktirildi. Bu haqda Air Samarkand axborot xizmati xabar berdi. 

Aviakompaniya bergan ma’lumotga koʻra, uchish vaqtida ekipaj shassi tebranishini sezgan va xavfsizlik qoidalariga muvofiq, parvozni toʻxtatish toʻgʻrisida qaror qabul qilgan. Samolyot terminalga qaytarilib, muhandislar tomonidan batafsil texnik koʻrikdan oʻtkazildi.

Tekshiruv natijasida ayrim detallarning almashtirilishi zarur ekani aniqlandi. Hozirda ushbu ta’mirlash ishlari olib borilmoqda. Nosozlik bartaraf etilgach, samolyot qoʻshimcha tekshiruvdan oʻtkaziladi va faqat undan soʻng parvozga ruxsat beriladi.

Yoʻlovchilar mehmonxonaga joylashtirilgan. Rejaning yangilangan ma’lumotiga koʻra, samolyot 22-fevral kuni soat 22:00 (mahalliy vaqt) da...

Chery yangi Journeo konsepsiyasini taqdim etib, miniven avtomobilini yangicha talqinda qayta koʻrib chiqdi. Bu haqda Carscoops xabar berdi.

Ma’lum qilinishicha, yangi avtomobil Germaniyaning Raunxaym shahridagi kompaniyaning dizayn va ishlab chiqish markazida yaratilgan. Journeo «sarguzasht furgoni» sifatida taqdim etilmoqda. U balandligi sozlanadigan pnevmatik osma, havosiz shinalar, pastki qismni himoyalovchi plastinalar va raqamli orqa ko‘rish oynalari bilan jihozlangan.

Konseptning uzunligi 5200 mm boʻlib, Chrysler Pacificaʼdan biroz kattaroq. Journeo oʻrindiqlar, mobil oshxona ega. Tomdagi yukxona quyosh batareyalari va suriladigan chodir bilan jihozlangan.

Shuningdek, old oʻrindiqlar 180 darajaga burila oladi, orqa tomonda esa yotoqqa aylanishi mumkin boʻlgan qulay divan mavjud. Konseptga kirish va...

Bahodir Qurbonov O‘zbekiston futbol assotsiatsiyasi prezidenti etib saylandi. Bu haqda assotsiatsiya matbuot xizmati xabar qildi.

Saylov Assotsiatsiya Saylov kodeksi va Ustaviga muvofiq oʻtkazildi. Assotsiatsiya Ustavining 30-moddasi 4-bandiga binoan, Qurbonov nomzodi delegatlar tomonidan ilgari surildi va rasman prezident etib tasdiqlandi.

Eslatib oʻtamiz, avvalgi prezident Abdusalom Azizov yanvar oyida lavozimidan ketgandi. Shu vaqtgacha prezidentlik vazifasini OʻFA birinchi vitse-prezidenti Ravshan Ermatov bajarib kelayotgandi.

Ma’lumot uchun, u 2019-yildan 2025-yil yanvar oyigacha O‘zbekiston mudofaa vaziri sifatida faoliyat yuritgan. Harbiy xizmatni 1987 – 1989-yillarda o‘tab, 1990-yilda IIV Oliy tergov maktabiga, 1992-yilda esa IIV Oliy maktabiga o‘qishga kirgan.

Qurbonov 2002 – 2008-yillarda turli hududiy IIBlarda...

21-fevral kuni Toshkent shahri Yashnobod tumanida joylashgan avtomobillar yuvish joyida yongʻin kelib chiqdi. Holatga Toshkent shahar Favqulodda vaziyatlar boshqarmasi izoh berdi.

Ta’kidlanishicha, tungi soat 22:02 da Yashnobod tumani, Aviasozlar 4-dahasida joylashgan avtomobillar yuvish joyida yongʻin sodir boʻlayotgani toʻgʻrisida Toshkent shahar FVBga xabar kelib tushgan.

Yongʻin qutqaruv ekipajlari aytilgan manzilga soat 22:14 da yetib borib, yongʻin soat 22:27 da qurshab olinib, soat 22:33 da oʻchirilgan. Yongʻin oqibatida tan jarohati olgan va vafot etgan fuqarolar yoʻqligi aytildi.

Hozirda yongʻin sababi va moddiy zarar miqdori aniqlanmoqda.

Avvalroq Kursiv Uzbekistan Buxoroda magistral gaz quvurida yong‘in sodir bo‘lgani haqida xabar bergan edi.

2025-yil yanvar oyida Oʻzbekistonning tashqi savdo aylanmasi $4,5 milliardni tashkil etdi, deb xabar berdi Statistika agentligi. Bu koʻrsatkich 2024-yilning mos davriga nisbatan 7,1 foizga oshgan.

Ta’kidlanishicha, eksport 14,1 foizga oshib, $1,3 milliardni tashkil etgan. Mamlakat, asosan, chet elga xizmatlar, sanoat mollari va oziq-ovqat mahsulotlari yetkazib bergan.

Oʻzbekiston yonilgʻi-moylash materiallari (+72,4 foiz), ichimliklar va tamaki (+84 foiz), shuningdek, chorva va oʻsimlik yogʻlarini (3,5 barobar) yetkazib berishni sezilarli darajada oshirdi. Shu bilan birga, mashina va transport uskunalari eksporti hajmi 38 foizga kamaydi. Respublikadan meva-sabzavot mahsulotlarini yetkazib berish 8,6 foizga oshib, $81,7 millionni tashkil etdi.

Import yil davomida 4,4 foizga oshib...

Bishkek shahrida Qirg‘iziston va Tojikiston davlat chegarasini belgilash bo‘yicha kelishuv imzoladi, deya ma’lum qilmoqda AKI press.

Unga ko‘ra, shartnoma hukumatlararo kelishuvlarni ham o‘z ichiga oladi. Ular energiya obyektlari, suv resurslari, yo‘l aloqasi va yangi trassalar qurilishi bilan bog‘liq masalalarni qamrab oladi.

Qirg‘iziston va Tojikiston o‘rtasidagi chegara nizolari SSSR parchalanib ketganidan beri davom etib kelmoqda. 984 kilometr uzunlikdagi umumiy chegara chizig‘ining faqat yarmigina rasmiy tasdiqlangan. So‘nggi o‘n yilliklarda ushbu hududda 230 dan ortiq qurolli to‘qnashuvlar sodir bo‘lgan. 2022-yilda mojaroning keskinlashishi natijasida 140 mingga yaqin odam evakuatsiya qilingan.

2024-yilning may oyida ham ikki davlat chegarasida xuddi shunday qurolli hodisalardan biri...

Savdo-sanoat palatasi va BAAning «Skyline University College» oliygohi tadbirkorlik ta’limini rivojlantirish bo‘yicha hamkorlik qilishga kelishib oldi. Bu haqda palata matbuot xizmati ma’lum qildi.

Unga ko‘ra, tomonlar kadrlar malakasini oshirish, mutaxassislar almashinuvi, axborot texnologiyalarini rivojlantirish hamda tadbirkorlik ta’lim dasturlarini takomillashtirish yo‘nalishlarida ishlashga kelishishdi. Shuningdek, o‘quv kurslari, qo‘shma loyihalar va ilmiy-tadqiqot faoliyatini yo‘lga qo‘yish bo‘yicha fikr almashildi.

Uchrashuv yakunida O‘zbekiston Savdo-sanoat palatasi va «Skyline University College» o‘rtasida hamkorlik to‘g‘risidagi memorandum imzolandi.

Eslatib o‘tamiz, avvalroq Oʻzbekiston Rossiya Federatsiyasi bilan kino ishlab chiqarish sohasida hamkorlik qilishi haqida xabar bergan edik.