Yangiliklar

Donald Trampning inauguratsiyasidan keyingi birinchi kuni Xitoy fond bozori ishonchli o‘sishni ko‘rsatdi. Bu haqda Bloomberg xabar berdi.

21 yanvar kuni o‘tkazilgan savdo natijalariga ko‘ra, Hang Seng China Enterprise indeksi bir kun oldingi ko‘rsatkichdan 1,18 foizga yuqoriladi. MSCI China indeksi 0,73 foizga oshdi va savdolarni 6,58 Gonkong dollari darajasida yakunladi. Shu kuni Xitoy fond bozorining dinamikasi mintaqada eng yaxshisi bo‘ldi.

Bloomberg Xitoy qog‘ozlarining kutilmaganda o‘sishiga Donald Tramp bilan kelishuvga bo‘lgan umidlarning kuchayishi asosiy sabab deb aytmoqda. Sarmoyadorlarning xavotirlariga qaramay u inauguratsiya kuni Xitoy tovarlariga 60 foiz boj joriy qilmadi.

Bundan tashqari, yangi prezident 20-yanvar kuni inauguratsiya nutqida Xitoyni...

O‘zbekistonda kambag‘allikni qisqartirish va farovonlikni oshirish maqsadida «Ma’rifat orqali kambag‘allikni qisqartirish» dasturi yo‘lga qo‘yiladi. Bu haqda Bandlik vazirligi matbuot xizmati ma’lum qildi.

Unga ko‘ra, ushbu dastur orqali mahallalardagi kambag‘al oilalarning ishlash ishtiyoqi va tashabbuskorligini oshirishga erishiladi.

Dasturda «Farovon hayotga ilk qadam» va «Ishonch» loyihalari amalga oshiriladi. Shuningdek, mehnat orqali kambag‘allikdan chiqishga erishgan oilalarning ijobiy tajribalari ommalashtiriladi, mahallalarda «Farovonlikka erishgan eng namunali oila» tanlovlari o‘tkaziladi.

1024 ta og‘ir ahvoldagi mahallaga obro‘li shaxslar – olimlar, yozuvchi-shoirlar, san’at arboblari va oqsoqollar «ma’naviy koʻmakchi» sifatida biriktiriladi. Mahalla yettiligiga a’zolar va kambag‘al oilalar vakillari maxsus o‘qitiladi.

Eslatib o‘tamiz, avvalroq og‘ir ahvoldagi mahallalarda quyosh...

Oʻzbekiston prezidenti Shavkat Mirziyoyev amerikalik hamkasbi Donald Trampni lavozimga kirishgani bilan tabrikladi va uni Oʻzbekistonga taklif qildi.

Mirziyoyev Trampning yangi prezidentlik davrida AQShning xalqaro nufuzi va roli yanada oshishiga ishonch bildirdi.

Bundan tashqari, Toshkent Vashingtonning Oʻzbekistonning hududiy yaxlitligiga qaratilgan siyosatini yuqori baholaydi.

Shuningdek, Trampning birinchi prezidentlik davrida ikki davlat oʻrtasida strategik sheriklikning yangi davri boshlangani ta’kidlandi. Oʻzbekiston AQSh bilan hamkorlikni rivojlantirishdan manfaatdor.

Avvalroq Kursiv Uzbekistan Tramp Jo Baydenning 78 ta qarorini bekor qilgani haqida xabar bergan edi.

So‘nggi kunlarda ijtimoiy tarmoqlarda Qozog‘istonning kartoshka eksportiga cheklov qo‘ygani va bu O‘zbekistonda kartoshka narxining oshishiga olib kelishi haqida xabarlar tarqalmoqda. O‘zbekiston Qishloq xo‘jaligi vazirligi ushbu ma’lumotlarga munosabat bildirib, mamlakatda kartoshka yetkazib berish va narxlarni barqaror ushlab turish bo‘yicha chora-tadbirlar haqida ma’lumot berdi.

O‘zbekiston aholisi uchun yillik kartoshka talabi 4 million tonnani tashkil qiladi. 2024-yilda mamlakatda 3,7 million tonna kartoshka yetishtirildi. Bu hajmning asosiy qismi ichki iste’mol uchun yo‘naltirilib, yetishmovchilikning oldini olish uchun 703 ming tonna kartoshka import qilindi.

Qozog‘iston kartoshka eksportiga qisman cheklov qo‘ygan bo‘lsa-da, mamlakatga kartoshka yetkazib berish bir nechta manbalardan amalga oshirilmoqda. O‘zbekiston Pokiston, Eron, Qirg‘iziston va...

Samsung o‘zining mustahkam qurilmalar qatorini kengaytirishda davom etmoqda. Yaqinda kompaniya Galaxy XCover 7 smartfonining takomillashgan Pro versiyasini chiqarishga tayyorlanayotgani haqida xabar paydo bo‘ldi. Ushbu model Android Police ma’lumotlariga ko‘ra, yuqori darajadagi xususiyatlar va yanada mustahkam konstruksiyani taklif qiladi.

Galaxy XCover 7 Pro modeli Qualcomm Snapdragon 7s Gen 3 protsessorida ishlaydi. Ushbu 8 yadroli chip 2,5 gigagertsgacha chastotada ishlashga qodir bo‘lib, avvalgi modellarga qaraganda ancha kuchli hisoblanadi. Bu ilovalarning uzluksiz ishlashi, ko‘p vazifalilik va murakkab hisoblash jarayonlari uchun imkoniyat yaratadi. Shuningdek, qurilmaga o‘rnatilgan ISP (tasvir signal protsessori) 200 megapikselgacha bo‘lgan tasvirlarni qo‘llab-quvvatlaydi, ya’ni kamera sezilarli darajada yaxshilanadi.

Kameraga kelsak, Pro...

21-yanvar kuni AQSh dollarining rasmiy kursi 9,35 soʻmga oshib, 12 984,44 soʻmni tashkil etdi. Bu haqda Markaziy bank axborot xizmati xabar berdi.

Mazkur koʻrsatkich dollar uchun rekord hisoblanib, 21-yanvar kuni qayd etilgan (12 975,09 soʻm) rekordni yangiladi.

Mamlakatdagi tijorat banklari bir AQSh dollarni 12 915 – 12 940 soʻmdan sotib olayotgan boʻlsa, 12980 – 13 040 soʻm oraligʻida sotmoqda.

Shu bilan birga, yevro 69,36 soʻmga oshib, 13 442,79 soʻmga yetdi, Rossiya rubli esa 2,27 soʻmga oshib, 129,90 soʻmga teng boʻldi.

Avvalroq «Kursiv» Oʻzbekistonda dollarning rasmiy kursi rekord darajani qayd etgani haqida xabar bergan edi.

2024-yilda dunyo boʻylab milliarderlarning umumiy boyligi $2 trillionga koʻpayib, $15 trillionga yetdi. Bu haqda Oxfam tengsizlikka qarshi kurashish tashkiloti hisobotida ma’lum qilindi.

Oʻtgan yil yakunlariga koʻra, dunyodagi milliarderlar soni 204 taga koʻpayib, 2,7 ming kishidan oshdi. Oxfam hisob-kitoblariga koʻra, har hafta Yer yuzida toʻrtta yangi milliarder paydo boʻlgan va ularning aktivlari 2023-yilga nisbatan toʻrt baravar tez oʻsgan.

Oxfamʼning ta’kidlashicha, 1990-yildan beri qashshoqlik chegarasida yashayotgan odamlar soni deyarli oʻzgarmagan va 3,6 milliard kishini tashkil etgan. Shu bilan birga, dunyo boʻylab oʻta qashshoqlar soni esa 733 millionga yetdi. Taqqoslash uchun: 2019-yilda bu koʻrsatkich 581 mlnni tashkil qilgan.

Instagram endi foydalanuvchilarga 3 daqiqagacha bo‘lgan uzunlikdagi Reels videolarini yuklash imkoniyatini taqdim etdi. Bu yangilik avvalgi 90 soniyalik cheklovni ikki baravar oshiradi. Ushbu o‘zgarish haqida Instagram rahbari Adam Mosseri bugun e’lon qildi.

Mosserining so‘zlariga ko‘ra, bu qaror foydalanuvchilarning «90 soniya juda qisqa», degan fikr-mulohazalari asosida qabul qilingan. Bu Instagram uchun yangi strategik burilish bo‘lib, o‘tgan yili Mosseri platformaning asosiy maqsadi odamlarni do‘stlari bilan bog‘lash ekanini ta’kidlab, uzoq videolarni qo‘llab-quvvatlashga qarshi edi.

Yangilik, ayniqsa, TikTok’ning AQShda taqiqlanishi ehtimoli ortayotgan bir paytda ahamiyat kasb etmoqda. TikTok 2021-yildan boshlab 3 daqiqalik videolarni joriy qilgan edi.

Instagram Reels uzunligini oshirish jarayonini sekin-asta amalga...

Oliy Majlisda jinoyat ishini yuritish chog‘ida shaxslarni qiynoqqa solish holatlarining oldini olishga qaratilgan muhim qonun loyihasi ikkinchi va uchinchi o‘qishda ko‘rib chiqilib, qabul qilindi.

Mazkur qonun loyihasi «Jinoyat ishini yuritish chog‘ida qamoqda saqlash to‘g‘risida»gi qonunga tegishli qo‘shimchalar kiritishni nazarda tutadi. Yangi tartibga ko‘ra:

Ushbu o‘zgarishlar qamoqqa olingan shaxslarga nisbatan qiynoqqa solish yoki qonunchilikka zid boshqa xatti-harakatlar sodir etilishining oldini olishga xizmat qiladi.

Qonun...

Oʻzbekiston 2024-yilda xorijga $7,2 milliardlik nomonetar oltin yetkazib berdi, bu 2023-yilga nisbatan 8,3 foizga kamdir. Bu haqda Statistika agentligi xabar berdi.

Oʻzbekiston Respublikasi umumiy eksportining 27,8 foizi qimmatbaho metallar hissasiga toʻgʻri keldi.

Oʻzbekiston Markaziy banki ma’lumotlariga koʻra, 2024-yilda mamlakatning oltin-valyuta zaxiralari yillik 19,1 foizga oʻsib, $41,18 milliardga yetdi. Valyuta aktivlariga $8,6 mlrd, oltinga $32 mlrd toʻgʻri keldi.

Mutaxassislar joriy yil oxirigacha oltin narxi $2,9 minggacha koʻtarilishini prognoz qilmoqda. Qiymatning oshishiga jahon Markaziy banklari tomonidan talabning ortishi va geosiyosiy xatarlar kabi omillar sabab boʻlishi mumkin.

Shuningdek, narxlarning oʻsishiga Trampning Xitoy tovarlarini AQShga olib kirish uchun 60 foiz boj joriy...

Toshkent viloyati IIBB tomonidan o‘tkazilgan tezkor tadbirlar natijasida ikki nafar yosh ayolni odam savdosi qurboni bo‘lishining oldi olindi. Bu haqda Toshkent viloyati ichki ishlar bosh boshqarmasi ma’lum qildi.

«Xavfsiz hudud» profilaktik tadbirlari doirasida Nurafshon shahrida yashovchi ayol ikki qizni aldov yo‘li bilan Turkiyaga jo‘natishga urinishiga chek qo‘yildi.

Ma’lum bo‘lishicha, 1999-yilda tug‘ilgan fuqaro Bekobod shahri va O‘rta Chirchiq tumanida yashovchi 21 yoshli ikki qizni katta daromad topish imkoniyati bilan ishontirgan. Ularni Toshkent xalqaro aeroporti orqali Istanbul shahriga fohishalik maqsadida jo‘natmoqchi bo‘lgan va bu harakati chog‘ida daliliy ashyolar bilan qo‘lga olingan.

Mazkur holat yuzasidan nisbatan O‘zbekiston Respublikasi Jinoyat kodeksining 135-moddasi (Odam...

O‘zbekistonning 300 ta eng og‘ir ahvoldagi mahallasida kooperatsiya asosida 180-500 kVt quvvatga ega quyosh fotoelektr stansiyalari quriladi. Bu haqda Bandlik vazirligi ma’lum qildi.

Unga ko‘ra, ushbu stansiyalarga kambag‘al oilalar vakillari ulushdor sifatida jalb qilinadi. Stansiyalarni boshqarish va xizmat ko‘rsatish uchun kambag‘al oilalar a’zolari maxsus o‘qitilib, ishga qabul qilinadi.

Bu loyiha aholi bandligini ta’minlash va yashash sharoitlarini yaxshilashga qaratilgan muhim tashabbus sifatida baholanmoqda.

Eslatib o‘tamiz, avvalroq Xorazmda yangi elektr stansiyasi qurilishi haqida yozgan edik.

Andijon, Jizzax, Qashqadaryo, Navoiy, Namangan, Samarqand, Surxondaryo, Toshkent va Farg‘ona viloyatlarining ayrim tumanlarida 100 gektar yer uchastkalarida brussonetiya daraxtlarini yetishtirish va qayta ishlash bo‘yicha pilot loyihalar amalga oshiriladi. Bu haqda Bandlik vazirligi ma’lum qildi.

Unga ko‘ra, ushbu loyihada kambag‘al oila a’zolari jalb etiladi, va tuproq-iqlim sharoitidan kelib chiqib, kelajakda boshqa hududlarga kengaytirish rejalashtirilgan.

2025-yil 1-iyuldan boshlab, «Ekofaol fuqaro» platformasiga daraxt ekkanligi to‘g‘risida ma’lumot kiritgan kambag‘al fuqarolarga subsidiyalar ajratilishi yo‘lga qo‘yiladi. Har 100 ta ekilgan daraxt uchun bazaviy hisoblash miqdorida subsidiya taqdim etiladi.

Eslatib o‘tamiz, avvalroq Tabiatni muhofaza qilish xalqaro ittifoqi yangi lavozim uchun tanlov e’lon qilgan edi.

Ommaviy axborot vositalarida Boysun tumanidagi «M-25» koni hududida yuzaga kelgan vaziyat haqida xabar tarqaldi. Holat yuzasidan Energetika vazirligi rasmiy munosabat berdi.

Vazirlikning ma’lum qilishicha, konda hech qanday kutilmagan vaziyat kuzatilmagan. Ayni paytda mazkur hududda 2024-yil sentabrida metan emissiyasi sodir bo‘lgan 604-sonli quduqni konservatsiya qilish ishlari reja asosida davom ettirilmoqda.

«Ayni paytda hududda kichik hajmda toʻplangan gazni yoqish orqali zararsizlantirish ishlari olib borilmoqda. Bundan koʻzlangan maqsad kislotali gazlarning atmosferaga chiqishini oldini olishdan iborat. Ushbu jarayon atrof-muhit ifloslanishining oldini olishda standart yondashuv hisoblanadi va xalqaro sanoat xavfsizligi talablariga toʻla javob beradi», – deyiladi xabarda.

Shuningdek, rasmiylar...

AQShning yangi saylangan prezidenti Donald Tramp ikkinchi prezidentlik muddatining dastlabki kunida keskin va muhokamalarga sabab bo‘ladigan chora-tadbirlarni amalga oshirishga va’da bermoqda. Bu haqda Aljazeera agentligi ma’lum qildi.

U 2024-yil noyabridagi saylovdagi g‘alabasidan so‘ng Saylovoldi kampaniyasida bergan va’dalarini ijro etishga kirishishini bir necha bor ta’kidlagan. Trampning birinchi kunlik rejalari orasida immigratsiya va milliy xavfsizlik masalalari asosiy o‘rinni egallaydi.

Immigratsiya masalalari va ommaviy deportatsiyalar

Trampning qayta saylanish kampaniyasidagi asosiy mavzulardan biri – immigratsiya tizimini keskin o‘zgartirish bo‘ldi. U prezidentlikning birinchi kunidayoq «Amerika tarixidagi eng yirik ommaviy deportatsiya dasturi»ni ishga tushirishni va’da qilgan. Unga ko‘ra, noqonuniy muhojirlarni mamlakatdan chiqarish uchun...

AQSh prezidentligi lavozimiga kirishgan Donald Tramp bir necha farmonlarni imzoladi va yangi lavozimdagi birinchi mitingida nutq qildi. Bu haqda Reuters axborot agentligi ma’lum qildi.

«Amerika yana buyuk bo‘lishi uchun Xudo meni saqlab qoldi», – dedi Tramp tarafdorlari oldida nutq so‘zlar ekan. Shuningdek, u o‘zining asosiy vazifasi sifatida «Amerikaning oltin asri»ni tiklashni ko‘rishini ta’kidladi.

Miting davomida Tramp to‘qqizta farmonni imzoladi. Ularning biri bo‘yicha AQSh Parij iqlim bitimidan chiqishga qaror qildi, bu bitim karbonat angidrid chiqindilarini kamaytirishga qaratilgan choralarni tartibga soladi. Shuningdek, davlat rahbari o‘zidan oldingi prezident Jo Baydenning 78 ta qarorini bekor qildi.

Eslatib o‘tamiz, avvalroq Donald Tramp AQShning 47-prezidenti...

Xitoyning BYD kompaniyasi o‘zining pikap yuk mashinalari eksportidagi muvaffaqiyatli natijalarini e’lon qildi. Bu haqda ithome nashri ma’lum qildi.

Kompaniya bir yildan kamroq vaqt ichida 11 mingdan ortiq avtomobillar eksport qilib, bozorda kuchli startga erishdi. Ayniqsa, 2024-yil dekabr oyida Shark modeli uchun rekord ko‘rsatkichga erishilib, 3,4 ming dona avtomobil eksport qilingan.

BYD pikaplarining global kengayishi 2024-yil may oyida Meksika bozorida Shark modelini chiqarish bilan boshlandi. Model ikki xil konfiguratsiyada taqdim etildi: GL modeli narxi $53 ming, GS modeli esa $57 mingdan sotuvga qo‘yildi.

Lotin Amerikasi bozoridagi muvaffaqiyatli start kompaniyaga Avstraliya va Janubi-Sharqiy Osiyo mamlakatlariga kirib borish imkonini berdi. Shark modeli...

2025-yilning 1-yanvar holatiga ko‘ra, O‘zbekiston Respublikasining doimiy aholisi 37 million 543 ming 167 kishini tashkil etdi. Ushbu ko‘rsatkich mamlakat aholisining o‘sib borayotganini aks ettiradi. Bu haqda Statistika agentligi ma’lum qildi.

Aholi tarkibida ayollarning soni 18,6 millionni, erkaklar soni esa 18,9 millionni tashkil qilmoqda. Bu ko‘rsatkichlar jamiyatning gender tarkibida erkaklar sonining ayollarga nisbatan biroz ko‘proqligini ko‘rsatadi.

Avvalroq Kursiv Uzbekistan mamlakatga 2024-yilda kelib tushgan pul o‘tkazmalari 30 foizga oshgani haqida xabar bergan edi.

Prezident tibbiyot muassasalarini zamonaviy uskunalar bilan jihozlash va xizmatlar sifatini oshirish maqsadida amalga oshirilayotgan tadbirlar bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, har yili 100 mlrd so‘m ajratilib, o‘tgan yili $200 mln xorijiy investitsiya va 94 mln dollar grant jalb qilindi. Natijada kompyuter tomografi, magnit rezonansli tomograf va angiograflar viloyatlarda va tumanlarda ham o‘rnatildi.

Joriy yil uchun 200 mlrd so‘m ajratilib, $370 mln xorijiy investitsiya kiritilishi rejalashtirilgan. Osiyo taraqqiyot banki mablag‘lari hisobiga 230 tug‘uruq muassasasiga 21 mingta uskuna va 6 ta reanimobil olib kelinadi. Germaniyaning KfW banki yordamida esa Qoraqalpog‘iston va Xorazmda yurak-qon tomir...

Bugun O‘zbekiston bo‘ylab havo biroz bulutli bo‘lib, ba’zi joylarda yomg‘ir va qor yog‘ishi mumkin. Bu haqda «O‘zgidromet» agentligi ma’lum qildi.

Unga ko‘ra, 21-yanvar kuni Toshkent va Namangan viloyatlarining tog‘li hududlarida qor ko‘chish xavfi borligi e’lon qilindi. Shu sababli mazkur hududlarda xavfsizlikni ta’minlash uchun maxsus choralar ko‘rish tavsiya etiladi.

Toshkent shahrida 21-yanvar kuni havo biroz bulutli bo‘lib, vaqti-vaqti bilan yomg‘ir yog‘ishi kutilmoqda. Kechasi va ertalab esa tuman tushishi mumkin. Harorat kechasi 2-4°C, kunduzi esa 8-10°C bo‘ladi. Shamolning tezligi 5-10 m/s atrofida bo‘ladi.

Qoraqalpog‘iston Respublikasi, Xorazm, Buxoro, Navoiy va boshqa viloyatlarda yomg‘ir va qor yog‘ishi, tuman tushishi mumkin. Shamolning tezligi ba’zi...

Shavkat Mirziyoyev Hisob palatasining 2024-yilda amalga oshirgan ishlari va 2025-yilgi asosiy vazifalariga oid taqdimot bilan tanishdi. Bu haqda davlat rahbari matbuot xizmati ma’lum qildi.

Prezident mablag‘larning maqsadli ishlatilishi va moliyaviy nazoratni kuchaytirish zarurligini ta’kidladi. Hisob palatasi so‘nggi yillarda audit tizimini xalqaro standartlarga asoslab yangilab, 2024-yilda 3,7 trln so‘m qo‘shimcha tushumni ta’minladi va 9,2 trln so‘mlik samarasiz xarajatlarni qisqartirdi.

2025-yilda «Masofaviy audit» tizimi yanada kengaytiriladi, 480 trln so‘mlik budjet xarajatlari monitoringi to‘liq amalga oshiriladi.

Shuningdek, davlat ulushi bor korxonalarning moliyaviy faoliyatini doimiy ravishda kuzatish va xalqaro auditni joriy etish rejalashtirilgan.

Eslatib o‘tamiz, avvalroq investitsiya loyihalarida mahalliy mahsulotlardan foydalanish kuchaytirilishi haqida...

Donald Tramp 2025-yil 20-yanvar kuni AQShning 47-prezidenti sifatida qasamyod qildi. Bu haqda CNN axborot agentligi ma’lum qildi.

U tarixda ikkinchi marta qayta saylangan prezident sifatida Oq uyda ikkinchi muddatini boshlaydi. Tramp noyabr oyida Kamala Xarrisni yengib, Jozef Baydenga qarshi 4 yil oldin yo‘qotganidan so‘ng siyosiy qaytishini amalga oshirdi.

Qasamyod marosimi AQShning Kapitoliy Rotundasida bo‘ladi, chunki poytaxtdagi sovuq havo sharoitlari tufayli tadbirni ochiq havoda o‘tkazish xavfli hisoblanmoqda. Tramp o‘z tarafdorlarini tadbirni Vashingtondagi Capital One Arenasida tomosha qilishga chaqirdi.

Eslatib o‘tamiz, avvalroq Donald Tramp yaratgan kriptovalyuta tez ommalashayotgani haqida yozgan edik.

O‘zbekistonning Global Textile kompaniyasi Qozog‘istonning Turkiston viloyatida paxta-to‘qimachilik korxonasini qurish uchun 21 mlrd tengi (taxminan $40 mln) sarmoya kiritishni rejalashtirmoqda. Bu haqda Turkiston viloyat hokimligi matbuot xizmati ma’lum qildi.

Unga ko‘ra, loyihaga paxta xom ashyosini qayta ishlash zavodi, to‘qimachilik fabrikalari, bo‘yash sехlari va logistika markazi kiradi. Kompaniya yiliga 13,8 ming tonna mahsulot ishlab chiqarishni rejalashtirmoqda. Tayyor mahsulotlarni Qozog‘istonda sotish va Yevropa Ittifoqi mamlakatlariga eksport qilish rejalashtirilgan.

Korxonalarda 2 mingdan ortiq odamlar ishlaydi. Global Textile kompaniyasi loyihani 2027-yilga borib yakunlashni maqsad qilgan. O‘tgan yili kompaniya Turkiston viloyatiga paxta urug‘larini olib kelib, 3,2 ming gektar maydonda ekdi. Paxta hosili kompaniyaning kutganidan...

Yevropa Ittifoqi iste’mol mahsulotlarida PFAS (Perfluoroalkyl va Polyfluoroalkyl Substances, ya’ni abadiy kimyoviy moddalar)ni taqiqlashni rejalashtirmoqda. Bu haqda Reuters axborot agentligi ma’lum qildi.

Unga ko‘ra, bu moddalar atrof-muhitda parchalanmaydi, ammo ekotizimlar, ichimlik suvi va inson organizmida to‘planishi mumkin.

PFAS kosmetika, non-stick idishlar, samolyotlar va shamol turbinalarida ishlatiladi, chunki ular yuqori harorat va korroziyaga chidamli. Yevropa Komissiyasi atrof-muhit bo‘yicha rahbari Jessika Roswall bu taqiq iste’mol mahsulotlariga qaratilganini ta’kidladi. Biroq sanoat uchun ba’zi istisnolar kiritilishi mumkin, masalan, yashil texnologiyalar va astma inhalerlari uchun.

Yevropadagi kompaniyalar PFAS bilan bog‘liq sud ishlaridan xavotirda, chunki bu moddalar sog‘liq muammolariga olib kelishi mumkin.

Eslatib o‘tamiz, avvalroq...