Yangiliklar

Shavkat Mirziyoyev paxtachilik sohasini iqtisodiy-moliyaviy yaxshilashga qaratilgan farmonni imzoladi. Bu haqda Huquqiy axborot xabar qiladi.

Unga koʻra, 2023-yildagi paxta xomashyosi xarajatlari uchun tijorat banklari tomonidan ajratilgan imtiyozli kreditlarni 2024-yil 1-dekabr sanasigacha toʻliq yopgan klasterlar mazkur kredit foizini (bank marjasi bundan mustasno) qaytarib oladilar. Foiz 2025-yil 1-yanvargacha Qishloq xoʻjaligini davlat tomonidan qoʻllab-quvvatlash jamgʻarmasi kredit resurslari hisobidan qaytariladi.

O‘tgan yilgi xomashyo xarajatlari uchun berilgan imtiyozli kreditlarning, mos ravishda Jamgʻarmaning tijorat banklariga ajratgan kredit resurslarining qolgan qismini qaytarish 2025-yil 1-aprel muddatigacha etib belgilandi. Uzaytirish tijorat banklari tomonidan ijobiy xulosa berilsa amalga oshiriladi.

Shuningdek, 2024-yil 1-avgust sanasidan ajratilgan kredit boʻyicha klasterlar taʼsischilari uchun...

Toshkent viloyati Piskent tumanida Turkiya kompaniyasi qiymati $30 millionga teng boʻlgan kon ishlari va oltin qazib olish zavodini quradi. Bu haqda viloyat hokimligi matbuot xizmati xabar berdi.

Ma’lum qilinishicha, tuman hokimligi mutasaddilari Turkiya safari vaqtida oltin qazib olish va konchilik faoliyati bilan shugʻullanuvchi «ORE MINING CONSTRUCTION TRADING» kompaniyasi vakillari bilan uchrashib, kompaniya faoliyati bilan yaqindan tanishgan.

Uchrashuv davomida Turkiya kompaniyasi hamda Piskent tumanidagi kon ishlari va oltin qazib olish boʻyicha faoliyat yuritayotgan «MULTINATIONAL MINE GROUP» MChJ oʻrtasida $30 millionlik hamkorlik memorandumi imzolandi.

Avvalroq «Kursiv» Turkiya kompaniyasi Oʻzbekistonda poyabzal ishlab chiqarish uchun $2 mln sarmoya kiritishi haqida xabar bergan...

Prezident farmoniga binoan, 2024-yilning 1-dekabriga qadar O‘zbekistonda barcha transport turlariga chipta sotib olish mumkin bo‘lgan onlayn platforma ishga tushirilishi rejalashtirilgan.

Hujjat «Oʻzbekiston Respublikasida turizm infratuzilmasini yaxshilash va xorijiy turistlar oqimini yanada oshirishga qaratilgan qoʻshimcha chora-tadbirlar toʻgʻrisida» deb nomlanadi.

«2024-yil 1-dekabrgacha yurtimizdagi barcha avia, temir yoʻl va avtobus qatnovlari haqida maʼlumot va chipta olish imkonini beradigan yagona onlayn platforma ishga tushiriladi»— deyiladi O‘zbekiston Adliya vazirligi xabarida.

Hujjatga ko‘ra, mamlakat Transport vazirligi bayram kunlarida respublika shaharlari o‘rtasida qo‘shimcha havo, temir yo‘l va avtobus qatnovlarini ham yo‘lga qo‘yishi kerak.

Avvalroq «Kursiv» O‘zbekistonda sayyohlik yarmarkalarini tashkil etish uchun bir mlrd so‘m ajratilishini...

Bugun, 24-iyul kuni Parijda bo‘lib o‘tadigan Olimpiya o‘yinlari doirasida futbol bo‘yicha O‘zbekiston terma jamoasi Ispaniyaga qarshi maydonga tushadi.

Futbol bayrami Parij shahrining «Park de Prens» stadionida soat 18:00 start oladi.

Milliy terma jamoa «C» guruhidan joy olgan. Guruhda yana Ispaniyadan tashqari Misr va Dominikan Respublikasi bor.

27-iyul kuni vakillarimiz 2-turda Misr bilan bahs olib borishadi. 30-iyul kuni esa so‘nggi guruh bosqichida Dominikan Respublikasi bilan kuch sinashadi.

Avvalroq «Kursiv» oʻzbekistonlik 12 nafar hakam Parij Olimpiadasida ish olib borishini e’lon qilgan edi.

Texnologiya giganti Apple oʻzining mashhur iPhone smartfonining buklanadigan versiyasi ustida ish olib bormoqda. Bu haqda The Information nashri xabar berdi.

OAV tomonidan olingan maʼlumotlarga koʻra, Apple boʻlajak smartfon uchun butlovchi qismlarni sotib olish uchun bir qator yetkazib beruvchilarga murojaat qilgan. Qurilma 2026-yilda bozorga chiqishi rejalashtirilmoqda.

Appleʼning yangi smartfoni standart yigʻiladigan boʻlishi kutilmoqda. Uning dizayni Samsung Galaxy Z Flipʼni eslatadi.

Birinchi marta Apple tomonidan buklanadigan smartfonning ishlab chiqarilishi haqidagi maʼlumotlar bir necha yil avval paydo boʻlgan edi.

Avvalroq «Kursiv» Apple iPhone smartfonlarida ChatGPTʼni joriy qilishi haqida xabar bergan edi.

Bugun, 24-iyul kuni O‘zbekistonning janubiy hududlarida havo harorati 38-43 daraja issiq bo‘ladi. Buxoro va Navoiy viloyatlarida kuchli shamol tufayli chang-to‘zonlar ko‘tariladi. Bu haqda «Gidrometeorologiya» xizmati agentligi xabar beradi.

Poytaxtda havo bulutli bo‘lishi mumkin. Yog‘ingarchilik kutilmaydi. Kunduzi havo harorati 38-40 daraja issiq va kechasi 23-25 daraja issiq bo‘ladi.

Farg‘ona vodiysi va Toshkent viloyatining tog‘li hududlarida yomg‘ir yog‘ishi va momaqaldiroq bo‘lishi ehtimoli bor. Aksariyat hududlarda sel kelishi xavfi bor. Kunduzi havo harorati 25-30 daraja issiq bo‘ladi, kechasiga kelib 14-19 daraja iliq bo‘ladi.

Oʻzbekiston oliy oʻquv yurtlarida tahsil olayotgan xotin-qizlarning ulushi 50,1 foizga yetdi. Bu haqda Oila va xotin-qizlar qoʻmitasi jurnalistlar uchun tashkil qilingan brifingda ma’lum qildi.

Qoʻmita boshqa davlat tashkilotlari bilan birgalikda kam ta’minlangan oiladan bo‘lgan xotin-qizlar uchun 2 mingta grant mablagʻlarini taqsimlash boʻyicha takliflar tayyorlamoqda.

Qoʻmita ma’lumotlariga koʻra, kam ta’minlangan oilalardan 18,4 ming nafar va 4,5 ming nafar oliy ma’lumotga ega boʻlmagan xotin-qizlar mamlakatimizdagi oliy oʻquv yurtlarida oʻqish uchun imtiyozlar olgan.

Avvalroq «Kursiv» 2023-yilda Oʻzbekistonda 7,9 mingdan ortiq xotin-qizlar magistrlik darajasini olgani haqida xabar bergan edi.

Germaniyaning O‘zbekistondagi yangi elchisi Manfred Huterer O‘zR tashqi ishlar vaziri Baxtiyor Saidovga ishonch yorliqlari nusxalarini topshirdi.

Uchrashuvda Saidov va Huterer sheriklikni chuqurlashtirish va iqtisodiy hamkorlikni kuchaytirish masalalarini muhokama qildi.

Avvalroq «Kursiv» Yevropa Ittifoqining O‘zbekistondagi elchisi Sharlotta Adrian o‘z lavozimidan ozod etilgani haqida yozgan edi.

Oʻzbekistonda tadbirkorlik faoliyati joriy yilning 6 oyi davomida oʻsish dinamikasini koʻrsatmoqda. Monitoring natijalari Iqtisodiy tadqiqotlar va islohotlar markazi tomonidan e’lon qilindi.

Kompleks monitoring davomida Bojxona va Soliq qoʻmitalari, Markaziy bank va OʻzR tovar-xomashyo birjasidan ma’lumotlar olingan.

2024-yilning 6 oyida respublika boʻylab soliq tushumlari hajmi oʻtgan yilning shu davriga nisbatan 12,5 foizga oʻsdi.

Asosiy soliq manbalari boʻyicha ham sezilarli oʻsish kuzatildi. Daromad soligʻi 18 foizga, mol-mulk soligʻi 38 foizga, yer soligʻi 31 foizga oshdi.

Bojxona tushumlari ham sezilarli o‘sish tendensiyasini koʻrsatdi. Yarim yil ichida 18,5 foizga koʻtarildi. Ushbu oʻsish transport vositalari va ularning butlovchi qismlari, texnik jihozlar, metallar va metall buyumlar...

O‘zbekistonda voleybolni rivojlantirish maqsadida musobaqalar o‘tkaziladi. Bu haqda respublika prezidenti qarori imzolandi, deb yozadi Huquqiy axborot.

Unga koʻra, 2025-yildan OTM talabalari, professional ta’lim hamda maktab oʻquvchilari orasida «Volleyball stars» Oʻzbekiston kubogi o‘tkaziladi. Maktablarning yuqori sinf oʻquvchilari orasida esa 3 bosqichli Maktabgacha va maktab ta’limi vazirligi kubogi tashkil etiladi.

Shuningdek, vazirlik va idoralarda ishlovchi xodimlar oʻrtasida ham 3 bosqichli «Yangi Oʻzbekiston» respublika musobaqasi tashkil qilib boriladi. Nogironligi boʻlgan shaxslar uchun voleybol bo‘yicha para musobaqalar o‘tkaziladi.

Bundan tashqari, 2 yilda bir marotaba Markaziy Osiyo voleybol assotsiatsiyaning a’zo mamlakatlari orasida «Buyuk Ipak yoʻli» xalqaro turniri tashkil qilinadi.

Qayd etish mumkinki, Voleybol sport turlariga ixtisoslashtirilgan davlat maktab-internatining faoliyat boshlashi belgilab olindi. Mazkur maktab-internat Namangan viloyati Uchqoʻrgʻon tumani olimpiya va milliy sport turlari boʻyicha davlat ixtisoslashtirilgan maktab-internati o‘rnida qad rostlaydi.

Eslatib o‘tamiz, avvalroq O‘zbekistonda Davlat sport akademiyasi ochilishi haqida xabar qoldirgan edik.

Toshkent davlat yuridik universitetiga oʻqishga kiritib qoʻyishni va’da qilgan firibgar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti matbuot xizmati xabar berdi.

Ma’lum qilinishicha, muqaddam sudlangan fuqaro boshqa bir shaxsning ishonchiga kirib, unga goʻyoki yuqori lavozimda ishlovchi tanishlari yordamida chet tillari boʻyicha tahsil olgani toʻgʻrisida sertifikat olib berib, Toshkent davlat yuridik universitetining magistratura bosqichiga oʻqishga kiritib qoʻyish evaziga $3,5 olgan vaqtida ashyoviy dalillar bilan ushlangan.

Hozirgi kunda mazkur holat yuzasidan tegishli moddalar bilan jinoyat ishi qoʻzgʻatilib, tergov harakatlari oʻtkazilmoqda.

Avvalroq «Kursiv» Jismoniy tarbiya universiteti va Samarqand temir yoʻl texnikumiga oʻqishga kiritib qoʻyishni va’da qilgan firibgarlar ushlangani...

Milliy valyutadagi bank depozitlari va bank kreditlari bo‘yicha foiz stavkasi ko‘rsatkichlarida o‘sish qayd etildi. Bu haqda batafsil Markaziy bank ma’lumot berdi.

Unga ko‘ra jismoniy shaxslarning muddatli depozitlari joriy yilning iyun oyiga kelib 22 % ga ko‘tarildi. Xuddi shunday stavka yuridik shaxslar uchun 16,2% dan 17,9 % ga yuqorilagan.

Shuningdek, milliy valyutadagi bank kreditlari bo‘yicha foiz stavkasi ham yuqorilagan. Jumladan, aholiga ajratilgan kreditlar 24,6 % ga, tadbirkorlik subyektlariga esa 22,7 % stavkani qayd etgan.

Ma’lumot uchun, ayni damda xorij valyutasidagi bank depozitlari jismoniy shaxslar uchun 5,6% dan 5,4% ga tushgan bo‘lsa, yuridik shaxslar uchun 5,5% dan...

23-iyul kuni O‘zbekiston Respublika valyuta birjasida dollarning o‘rtacha tortilgan qiymati 8,76 so‘mga pasaydi va 12 584,28 so‘mni tashkil qildi.

Mamlakatdagi moliya institutlari dollarni 12 535 – 12 600 so‘mdan xarid qilishmoqda va 12 645 – 12 660 so‘mdan sotishmoqda.

Eslatib o‘tamiz, 22-iyul kuni AQSh valyutasining o‘rtacha narxi 17 so‘mga pasaygan edi.

2024/2025-yillarda O‘zbekistonga 10 mln obunachi auditoriyasiga ega 50 nafar xorijiy bloger va jurnalistlar taklif etiladi, deb xabar qildi Adliya vazirligi matbuot xizmati prezident Shavkat Mirziyoyevning qaroriga tayanib.

Tashabbusni amalga oshirish uchun Turizm qo‘mitasi mas’ul etib tayinlandi.

Bundan tashqari, qo‘mita joriy yilning oktabr oyi boshiga qadar mamlakat uchun yangi turistik brend yaratish bo‘yicha tanlov o‘tkazishi kerak. Hozirgi brend «O‘zbekturizm» kompaniyasi tomonidan 2014-yil iyun oyi boshida ishlab chiqilgan.

Qo‘mita Xalqaro turizm kuni munosabati bilan xalqaro media-kampusni ishga tushiradi.

Avvalroq «Kursiv» O‘zbekistonning turizm salohiyatini targ‘ib qilish uchun Netflix striming xizmati va xorijiy telekanallar jalb etilishini e’lon qilgan edi.

2024-yilning yanvar – iyun oylarida asosiy kapitalga yo‘naltirilgan investitsiyalar 229,3 trln so‘mni tashkil etdi, bu o‘tgan yilning shu davriga nisbatan 36,6 foizga ko‘pdir, deya xabar beradi Statistika agentligi.

Ushbu hajmning 177,3 trln so‘mi jalb qilingan mablag‘lar, 56 trln so‘mi korxonalar va aholi mablag‘laridir.

Iyul oyi boshida ishlab chiqarish sanoatiga 68 trln so‘m, elektr energiyasi va gaz ta’minotiga 30,6 trln so‘m, qishloq xo‘jaligiga 15,1 trln so‘m yo‘naltirildi.

Shu davrda mamlakatimizga jami 76,3 trln so‘mlik kafolatlanmagan xorijiy investitsiyalar va kreditlar jalb qilindi.

Avvalroq «Kursiv» joriy yilning birinchi yarmida O‘zbekistonga xorijiy investorlardan $15,5 mlrd jalb etilganini e’lon qilgan edi.

Toshkent shahar Yunusobod tumanida yangi qurilayotgan binoda yongʻin chiqdi. Bu haqda FVV xabar berdi.

Bugun, 23-iyul kuni soat 12:35 da Toshkent shahar Yunusobod tumani Sharof Rashidov koʻchasida joylashgan yangi qurilayotgan binoda yongʻin sodir boʻlayotgani toʻgʻrisida FVBga xabar tushgan.

Shunga koʻra, 6 ta yongʻin-qutqaruv ekipaji yongʻin joyiga yetib borib, soat 12:56 da yongʻin bartaraf etilgan. Yongʻin natijasida binoning tom qismidagi qurilish mahsulotlari yonib zararlangan.

Avvalroq «Kursiv» Sergeli tumanida sanoat korxonasida yongʻin sodir boʻlgani haqida xabar bergan edi.

Turizm kompaniyalari tomonidan olib kiriladigan avtobus va mikroavtobuslar bojxona toʻlovlaridan ozod qilinadi. Bunday imtiyoz 2025-yilning 1-avgustigacha amal qiladi. Prezident bu haqdagi qarorni imzoladi.

Hujjat boshqa sohalarda ham imtiyozlar beradi.

«2025-yil 1-avgustgacha Qoraqalpogʻiston Respublikasida roʻyxatga olinib, litsenziyaga ega boʻlgan turoperatorlarga, istisno tariqasida, ekstremal turlarni tashkil qilish uchun dvigatel hajmi 2,4 litrdan kam boʻlmagan yuqori oʻtish qobiliyatiga ega transport vositalari import qilinayotganda bojxona boji va utilizatsiya yigʻimini amaldagi stavkaning 25 foizi miqdorida 3-yil muddatga boʻlib-boʻlib toʻlashga ruxsat etiladi», deyiladi Adliya vazirligi xabarida.

Avvalroq «Kursiv» davolanish maqsadida Oʻzbekistonga kelayotgan chet el fuqarolarining soni koʻpaygani haqida e’lon

Oʻzbekistonda turizmni rivojlantirishga qaratilgan yangi milliy turizm brendi yaratilishi bo‘yicha prezident farmoni qabul qilindi. Bu haqda Huquqiy axborot rasmiy sahifasida ma’lum qilindi.

Unga ko‘ra, Turizm qo‘mitasi joriy yilning 1-oktabrga qadar yangi milliy turizm brendini yaratish uchun tanlov tashkil qiladi. Shuningdek, 2024-yil Xalqaro turizm kuni doirasida birinchi global sayyohlik mediakampusi yaratiladi. 2024/2025-yillarda O‘zbekistonga 10 mlndan ortiq auditoriyaga ega 50 nafargacha chet ellik jurnalist, bloger, vloger va inflyuenserlar jalb qilinadi.

Shu bilan birga, 2025-yil 1-yanvardan 100 nafar xorijlikni qamrab olgan (kamida 3 kunlik) biznes tadbirlari o‘tkazgan tadbirkorlar 2028-yil 1-yanvargacha tadbirdan olgan daromadlaridan foyda solig‘ini 50 foizga kam to‘laydilar.

Eslatib o‘tamiz...

Numbeo portalining 2024-yilning birinchi yarmi yakunlari bo‘yicha ma’lumotlariga ko‘ra, O‘zbekiston jinoyatlar reytingida 146 mamlakat ichida 120-o‘rinni egalladi.

Respublikada jinoyatchilik indeksi 29 ballni, xavfsizlik indeksi 71 ballni tashkil etdi. Bunday ko‘rsatkichlar O‘zbekiston Markaziy Osiyodagi eng xavfsiz davlat ekanligini anglatadi.

Afg‘oniston mintaqada eng yomon ko‘rsatkichga ega – to‘rtinchi o‘rin. Bu davlatda jinoyatchilik indeksi 75 balldan oshdi.

Qirg‘iziston 43-o‘rinda, Qozog‘iston 75-o‘rinda, Tojikiston va Turkmaniston esa bu ro‘yxatga kiritilmagan.

Venesuela dunyodagi eng xavfli davlat deb tan olindi, undan keyin Papua-Yangi Gvineya va Gaiti.

Xavfsizlikning eng yuqori ko‘rsatkichlari rekordlari Qatar, BAA va Andorra kabi mamlakatlarda.

Avvalroq «Kursiv» O‘zbekistonda mansabdor shaxslar o‘rtasida jinoyatchilik 34,4 foizga...

Oʻzbekistonda pul topish uchun soxta trenerlik qilayotganlar uchun javobgarlik belgilanmoqda. Bu haqda OʻzA xabar berdi.

Ma’lum qilinishicha, «Tez boyib ketish» va «oson pul topish yoʻllarini oʻrgataman» kabi e’lonlar bilan turli vebinar va seminar-treninglar oʻtayotgan shaxslar faoliyati tartibga solinadi.

Bu borada «Milliy tiklanish» partiyasi fraksiyasi tashabbusi bilan ma’rifiy faoliyatni tartibga solish boʻyicha qonun loyihasi ishlab chiqildi va birinchi oʻqishda koʻrib chiqildi.

Yangi Qonun loyihasida ushbu faoliyatni tartibga solish moʻljallangan Ma’muriy javobgarlik toʻgʻrisidagi kodeksga kiritiladigan qoʻshimchalar bilan maxsus bilim va tajribaga ega boʻlmagan yoki faoliyat huquqiga ega boʻlmagan shaxslarga javobgarlik belgilanmoqda.

Avvalroq «Kursiv» Oʻzbekistonda soxta «psixologlar» faoliyatini tartibga solish rejalashtirilayotgani haqida...

Oʻzbekistonning «Milmaxtrade» kompaniyasi iyul-avgust oylarida Qatar bozoriga meva-sabzavotlarning birinchi partiyasini yetkazib beradi. Bu haqda «Dunyo» axborot agentligi xabar berdi.

Qayd etilishicha, 30 tonna hoʻl va quritilgan mahsulotlarni yetkazib berish boʻyicha kelishuvga erishilgan. Bundan tashqari, Oʻzbekistonda yetishtirilgan parranda goʻshti Qatarga eksport qilinadi.

Kelishuvga Buxoro viloyati eksportyorlarining Qatarga tashrifi chogʻida erishildi. Kompaniyalar vakillari mahalliy savdo tarmoqlari va import qiluvchi korxonalar rahbariyati bilan uchrashdi.

Avvalroq «Kursiv» Qatar va Oʻzbekistonning turizmni rivojlantirish borasidagi sa’y-harakatlari haqida xabar bergan edi.

Ijtimoiy tarmoqlarda tarqalgan videolarda fermer tarvuzlarni arzon narxlarda ham sota olmagani sababli poliz ekinini tashlab yubordi.

Eslatib o‘tamiz, kuni kecha «Kursiv» tomonidan tarvuz narxi pasaygani haqida so‘rovnoma o‘tkazilgan edi. Ishtirokchilarning 45 foizi tarvuzni qulay narxdaligini aytgan edi, 35 foizi esa arzon deb atagan, 10 foizi qimmat dedi va 10 foiz ishtirokchilar tarvuz sotib olmasligini aytib o‘tgan.

Avvalroq «Kursiv» O‘zbekistonda tarvuz bozori qulash arafasida haqida e’lon qilgan edi. O‘zbekiston bozorida yangi tarvuzning eng kam ulgurji narxlari rekord darajada pastlab, har bir kg uchun 8 sentni tashkil qilmoqda.

2024-yilning birinchi yarmida spirtli ichimliklar, xususan pivo, aroq va uzum vinosi ishlab chiqarish hajmida sezilarli o‘zgarishlar kuzatildi. Bu haqda Statistika agentligi ma’lum qildi.

Unga ko‘ra, joriy yilning yarmiga kelib, aroq ishlab chiqarish hajmi 1,5 % ga ortdi. Taqqoslash uchun: 2023-yilning mos davridagi ko‘rsatkich 15,9% ga tushdi.

Aroqdan farqli ravishda pivo va uzum vinosi ishlab chiqarish hajmi 2024-yilning yarmiga kelib pastlagan. Jumladan, pivo ishlab chiqarish hajmi 0,4% ga tushgan. Taqqoslash uchun: 2023-yil yanvar – iyun oylarida 6,7 % ga ortdi.

Shuningdek, uzum vinosi ishlab chiqarish hajmida ham tushish kuzatilgan. Raqamlarga murojaat qilsak, joriy yilda ishlab chiqarish hajmining pasayishi...

Toshkent viloyatida 1 milliard soʻmlik sintetik giyohvandlik vositasini tarqatish (sotish) maqsadida saqlab kelayotgan shaxs qoʻlga olindi. Bu haqda IIBB matbuot xizmati xabar berdi.

Joriy yilning 15-iyul kuni IIB va DXX hamkorlikda oʻtkazilgan tezkor tadbirda 2002-yilda tugʻilgan shaxs oʻzining Tracker avtomashinasida og‘irligi 1 kg 433 gr boʻlgan «mefedron» sintetik giyohvandlik vositasini sotish maqsadida saqlab kelayotganligi aniqlanib, daliliy ashyo bilan ushlandi.

Aniqlanishicha, 22 yoshli shaxs mazkur sintetik vositani boʻlaklarga boʻlib, kontaktsiz manzil («zakladka») orqali sotishni rejalashtirgan.

Hozirgi kunda holat yuzasidan Jinoyat kodeksi 273 moddasi (giyohvandlik vositalari, ularning analoglari yoki psixotrop moddalarni oʻtkazish maqsadini koʻzlab qonunga xilof ravishda tayyorlash, olish, saqlash va...