Yangiliklar

2025-yilning yanvar – mart oylari bo‘yicha Oʻzbekistonda ishlab chiqarilgan avtomobillarining mamlakat ichki bozori uchun umumiy sotuvi 75,3 mingdan ortiqni tashkil qildi. Bu haqda Uzavtosanoat axborot xizmati xabar berdi.

Yanvar-fevral oylarida bu ko‘rsatkich 50,3 mingtani tashkil etgandi. Bir oy ichida 25 mingga yaqin avtomobil ishlab chiqarilgan.

Unga koʻra, mazkur davrda UzAuto Motors tomonidan 40,9 mingta (54,3 foiz), Khorezm Auto 21,2 mingta (28,2 foiz), ADM Jizzakh 8,6 mingta (11,4%), BYD Uzbekistan Factory 4 mingta (5,4 foiz), Asaka Motors 316 ta (0,4 foiz), SamAuto 84 ta (0,1 foiz) va Jizzakh Auto 25 ta (0,03 foiz) avtomobillar ishlab chiqarildi.

Yanvar-fevral oylarida UzAuto Motors tomonidan...

Skytrax World Airport Awards 2025 reytingi e’lon qilindi. Unda Olmaota aeroporti Markaziy Osiyo va MDHda birinchi bo‘ldi. Ostona aeroporti esa reytingda ikkinchi o‘rinni egalladi.

Olmaotadagi yangi terminal ham alohida e’tirof etildi. U «Dunyodagi eng yaxshi yangi terminal» deb tan olindi. Bu xalqaro miqyosdagi muhim yutuq sifatida baholandi.

Reytingda Toshkent aeroporti ulardan keyingi o‘rinda qayd etildi. Shuningdek, Kishinyov, Yerevan, Atirau va Ashxobod ham reytingga kiritilgan.

Biroq har ikkala Qozog‘iston aeroporti kuchli 100 talikka kira olmadi. Hozircha ular faqat mintaqaviy mezonlarda yetakchilik qilmoqda.

Dunyo bo‘yicha eng yaxshi aeroport yana Singapurdagi Changi bo‘ldi. Bu aeroport ketma-ket bir necha yildirki, birinchi o‘rinda qolmoqda.

Davlat moliyasini boshqarish sohasidagi islohotlarni tizimlashtirish, budjet barqarorligini ta’minlash va intizomini kuchaytirish orqali budjet taqchilligini qisqartirib borish belgilandi. 2025 – 2030-yillarda davlat moliyasini boshqarish tizimini takomillashtirish strategiyasi tasdiqlandi.

Strategiyaning asosiy yoʻnalishlari quyidagilardan iborat:

Tasdiqlangan strategiya besh yilga moʻljallangan boʻlib, unda ustuvor yoʻnalishlar boʻyicha 16 maqsad belgilab olingan.

Eslatib oʻtamiz, Kursiv Uzbekistan nashri 9-aprel kuni harbiy xizmatchilarga turarjoyni ijaraga olganlik uchun toʻlanadigan oylik pul kompensatsiyasi miqdori 20 foizga oshirilgani haqida yozgan edi.

Los-Anjelesda bo‘lib o‘tadigan Olimpiadaga tayyorgarlik davom etmoqda. Tashkilotchilar sport turlari bo‘yicha yangi aniqliklar kiritmoqda. Bu haqda Olympic.uz ma’lum qildi.

Futbol bahslarida erkaklar uchun 12 ta jamoaga kvota ajratiladi. Ayollar turnirida esa 16 ta terma jamoa ishtirok etishi mumkin.

Avvalgi Olimpiadada kvotalar teskari tarzda belgilangandi. Erkaklar uchun 16, ayollar uchun 12 jamoa ajratilgandi.

Avvalroq Kursiv Uzbekistan mamlakat figurali uchuvchilari qishki Olimpiada yo‘llanmasini qo‘lga kiritgani haqida xabar bergan edi.

Bugun, 10-aprel kuni Shavkat Mirziyoyev Jahon banki guruhining operatsiyalar bo‘yicha boshqaruvchi direktori Anna Berde boshchiligidagi delegatsiyani qabul qildi. Bu haqda prezident matbuot xizmati xabar qildi.

Dastlab rasmiy vakil Jahon banki prezidenti Ajay Banganing salomi va ezgu tilaklarini yetkazdi.

Uchrashuvda O‘zbekistonning Jahon banki bilan strategik hamkorligini yanada rivojlantirish, ayniqsa, bank tomonidan mamlakatimizda olib borilayotgan iqtisodiy islohotlar strategiyasini qo‘llab-quvvatlash masalalari muhokama qilindi.

Kelgusi sheriklikda kambag‘allikka qarshi kurashish, turizm sohasida xotin-qizlar va yoshlarga ish o‘rinlari yaratish, davlat-xususiy sheriklik hamda xususiy sektorni rivojlantirish va davlat korxonalarini transformatsiya qilish va xususiylashtirish ustuvor yo‘nalishlar sifatida belgilandi.

Bugungi kunda O‘zbekiston Jahon bankining eng yirik hamkorlaridan biri...

Donald Trampning bojlari tufayli Xitoy Amerika neftining xaridini pasaytirdi. Bugungi kunda Xitoyning AQSh neftini import qilish koʻrsatkichi 1 foizni tashkil etdi. Bloomberg nashrining yozishicha, bu tez orada butunlay toʻxtaydi.

Bugungi kunda Xitoyning Amerika tovarlariga import bojlari 84 foizga tashkil etmoqda. AQSh esa bu koʻrsatkichni 125 foizga yetkazgan. Savdo urushi fonida ikki mamlakat hamkorlarini oʻzgartiradi. Yevropa va Kanada ham Xitoy bilan savdo aloqalarini kuchaytirishi mumkin.

Xitoyning AQSh neftini taqiqlashi Yaponiya va Hindiston uchun manfaatli boʻlishi kutilmoqda. Xitoy esa Eron va Rossiya neftini sotib olishni keskin koʻpaytirishi mumkin.

Ma’lumot oʻrnida Xitoy 2024-yilda AQShdan $17,6 mlrd qiymatdagi neft va gaz importini...

11-apreldan AQSh dollarining rasmiy kursi 4,93 so‘mga tushib, 12 968,38 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 905 – 12 960 so‘mdan sotib olayotgan bo‘lsa, 12 975 – 13 035 so‘m oralig‘ida sotmoqda.

Shu bilan birga, yevro 14,01 so‘mga oshib, 14 343,03 so‘mga yetdi. Rossiya rubli esa 1,18 so‘mga oshib, 152,37 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.  

10-aprel kuni soat 07:30 da Chilonzor tumanida yong‘in yuz berdi. Zeekr 001 rusumli elektromobil «Tok Bor» stansiyasida zaryad olayotgan edi. Mashina Furqat ko‘chasida quvvat olayotganda yonib ketdi. Bu haqda Toshkent shahar Favqulodda vaziyatlar boshqarmasi Axborot xizmati ma’lum qildi.

O‘t o‘chiruvchilar voqea joyiga 5 daqiqada yetib borgan. Soat 08:28 da yong‘in to‘liq bartaraf etilgan.

Mutaxassislar yong‘in sababi haqida xulosa berdi. Yong‘in avtomobil akkumulyatoridan boshlangan, deyiladi rasmiy xabarda. Yaxshiyamki, hodisa oqibatida hech kim jabrlanmadi.

Favqulodda vaziyatlar vazirligi qo‘shimcha ma’lumot berdi. Elektr transport vositalari alohida o‘chirish usullarini talab qiladi. Bunday yong‘inlar uzoq davom etishi mumkin.

Avvalroq Kursiv Uzbekistan Chorsudagi do‘konlardan birida kuchli...

9-aprel kuni harbiy xizmatchilarga turarjoyni ijaraga olganlik uchun to‘lanadigan oylik pul kompensatsiyasi miqdori 20 foizga oshirildi. Bu haqda Adliya vazirligi xabar berdi.

2024-yil 24-fevralda qabul qilingan prezident qaroriga ko‘ra, ushbu jarayon shu yilning 1-mart sanasidan amalga oshirilishi kerak edi. Kecha, 9-aprel kuni qabul qilingan hukumat qarori bilan endilikda kompensatsiya quyidagi miqdorlarda belgilanadi:

Shuningdek, 2025-yil 1-iyundan boshlab 10 yildan ortiq xizmat qilgan harbiy xizmatchilarga uy-joy sotib olish yoki...

9-aprel kuni Shavkat Mirziyoyev tomonidan imzolangan qonunga asosan, O‘zbekiston Yevroosiyo taraqqiyot bankini (YTB) ta’sis etuvchi xalqaro bitimga qo‘shildi. Bu haqda Adliya vazirligi xabar berdi.

Mazkur hujjat joriy yil yanvar oyida Qonunchilik palatasi tomonidan qabul qilinib, mart oyida Senat tomonidan ma’qullangandi. Bitimga ko‘ra, YTB o‘z faoliyatini xalqaro shartnomalar, xalqaro huquq va bank amaliyotining umume’tirof etilgan tamoyillariga muvofiq olib boradi.

Hujjatga ilova sifatida bank nizomi ham tasdiqlangan bo‘lib, unda bankning maqsad va vazifalari, funksiyalari, ustav kapitali, obuna shartlari hamda boshqaruv tartib-qoidalari belgilab qo‘yilgan.

YTB a’zo davlatlarning iqtisodiy va moliyaviy holati, investitsiya salohiyati, pul-kredit va valyuta siyosati hamda bank qonunchiligi bo‘yicha ma’lumotlarni...

Shavkat Mirziyoyev 10-aprel kuni Global oʻzgarishlar instituti raisi, Buyuk Britaniya sobiq bosh vaziri Toni Bler bilan muzokaralar oʻtkazdi. Bu haqda prezident matbuot xizmati xabar bermoqda.

Mirziyoyev va Bler institut va Toshkent oʻrtasidagi sarmoya va sunʼiy intellekt sohasidagi hamkorlikni muhokama qilgan. Sobiq bosh vazir Oʻzbekistonda amalga oshirilayotgan islohotlarni qoʻllab-quvvatlashga tayyorligini bildirgan.

Bler avval ham Oʻzbekistonga tashrif buyurgan. Oʻtgan yili u Oʻzbekiston prezidenti bilan transport logistikasini rivojlantirish va global toʻlov tizimlarini integratsiyalashuviga oid masalalarni muhokama qilgan edi. Bler boshchiligidagi institut ushbu tashabbuslarda yordam berishga tayyor.

Maʼlumot oʻrnida, Global oʻzgarishlar instituti 2016-yilda tashkil etilgan boʻlib, barqaror rivojlanish sohasidagi loyihalarni qoʻllab-quvvatlash bilan...

Vivo X seriyali bahorgi yangi mahsulot taqdimoti konferensiyasi doirasida yangi Vivo X200s va vivo X200 Ultra taqdimoti oʻtkaziladi. Bu 21-aprel kuniga rejalashtirilgan.

Smartfon + 40 Vt simsiz zaryadlashni qoʻllab-quvvatlaydi. U 6200 mAh batareyaga ega.

Vivo X200s toʻrtta yangi rangda taqdim etiladi. (lavanta, koʻk, oq va qora) Model 6,67 dyuymli ekran, 9400+ dimensity protsessor, 6200 mA/ soat batareya va 50 Mp orqa kameradan iborat.

Smartfonning narxi hali e’lon qilinmagan.

Eslatib oʻtamiz, Kursiv Uzbekistan nashri Vivo X200 Ultra kamerasi Canon va iPhone bilan taqqoslangani haqida yozgan edi.

Ijtimoiy tarmoqlarda «Halolmevali ko‘chatlar» nomi ostida mevali ko‘chatlar savdosini amalga oshiruvchi platforma ma’muriy javobgarlikka tortildi. Bu haqda Raqobat qo‘mitasi xabar berdi.

Ushbu axborot resursi daraxt ko‘chatlari olish niyatidagi fuqarolarni chalg‘itish maqsadida, asossiz ravishda «Halolmevali ko‘chatlar» nomidan foydalangan.

Din ishlari bo‘yicha qo‘mitaning «Halol» sertifikati yoki «Halol» nomi asosan oziq-ovqat mahsulotlarini ishlab chiqarish, qadoqlash, saqlash va tashishda qo‘llaniladi. Reklamalardagi «halol» so‘zi mijozlar sonini ko‘paytirish maqsadida, aholini chalg‘itishga xizmat qilgan.

Natijada ushbu platforma egalariga reklama qonunchiligi bo‘yicha huquqiy tushuntirishlar berilib, noto‘g‘ri reklama tarqatganlik uchun ma’muriy javobgarlikka tortildi. Axborot resursining nomi ixtiyoriy ravishda boshqa nomga o‘zgartirildi.

Avvalroq Kursiv Uzbekistan «Halol Bozor» nomi noqonuniy...

Nikohni bekor qilish jarayonida oiladagi zoʻravonlikdan jabrlanuvchining arizasi boʻlsa, sud taraflarni yarashtirish uchun muddat belgilamaydi. Oila kodeksiga oʻzgartirish kiritildi.

Nikohni bekor qilishda oiladagi zoʻravonlikdan jabrlanuvchining arizasi boʻlsa, sud taraflarni yarashtirish uchun muddat belgilamaydi.

Joriy yilning fevral oyida Oliy Majlis Senati Oila kodeksiga oiladagi zoʻravonlik sababli ajrimlarda yarashuv muddatini olib tashlashni nazarda tutuvchi oʻzgartishlarni ma’qullagan edi.

Eslatib oʻtamiz, 2024-yilning yanvar – noyabr oylarida Oʻzbekiston boʻylab 246 979 ta nikoh holati FHDYO organlarida qayd etilgani haqida yozgan edi.

ALIPH va Yevropa Ittifoqi Markaziy Osiyo uchun grant e’lon qildi. Tanlov iqlim o‘zgarishi va ofatlardan madaniy merosni asrashga qaratilgan. Grant tashabbusi Arol madaniy sammiti doirasida e’lon qilindi. Bu haqda kompaniya Kursiv Uzbekistan’ga ma’lum qildi.

Loyihaga O‘zbekiston, Qozog‘iston, Tojikiston, Qirg‘iziston, Turkmaniston jalb etiladi. Arizalar 2025-yil 31-iyulgacha CET vaqtida qabul qilinadi. G‘oliblar 2025-yil dekabrda aniqlanishi rejalashtirilgan.

Grantlar ikki turda taqdim etiladi: kichik (27 ming yevrogacha) va o‘rta (180 ming yevrogacha). Ularga NNTlar, universitetlar va ilmiy markazlar ariza topshirishi mumkin.

Grantlar Yevropa Ittifoqi tomonidan moliyalashtiriladi, ALIPH ularni boshqaradi. Mahalliy hukumatlar va madaniyat muassasalari bilan hamkorlikda amalga oshiriladi. Bu ALIPH’ning so‘nggi bir yildagi...

Ijtimoiy tarmoqlarda Xitoy bilan vizasiz rejim bo‘yicha muzokaralar to‘xtagani haqida xabarlar paydo bo‘ldi. Tashqi ishlar vazirligi vaziyatga izoh berdi.

«Tomonlar ichki davlat proseduralarini yakunlash bosqichida. Keyinchalik 30 kungacha amal qiladigan vizasiz rejim joriy etiladi» , — deya ma’um qildi vazirlik matbuot xizmati Kursiv Uzbekistan’ga.

Milliy statistika qo‘mitasining ma’lumotlariga ko‘ra, o‘tgan yili 18 mingdan ortiq o‘zbekistonliklar Xitoyga dam olish uchun borgan. Shu davr mobaynida Xitoydan kelgan sayohatchilar soni 74,3 mingdan oshdi.

Eslatib o‘tamiz, avvalroq Xitoy kompaniyasi Farg‘onada $120 millionlik zavod qurishi haqida xabar bergan edik.

Leapmotorʼning yangi Leapmotor B10 modeli 10-aprel kuni rasman taqdim etildi. ITHome nashri taqdim qilgan ma’lumotlarga ko‘ra, modelning narxi $13,5 mingdan boshlanadi.

Modelning ustunligi shundan iboratki, u «oʻz sinfidagi yagona» lazer radar + 8650 chipli aqlli haydash yechimi bilan jihozlangan. U avtomagistrallarda va shaharlarda avtomatik navigatsiya yordamini amalga oshiradi.

Yangi avtomobilning old yuzida oʻtkazgichli fara mavjud boʻlib, uning orqa qismi old yuz shaklini aks ettiruvchi yorugʻlik bilan jihozlangan.

Avtomobilning uzunligi, kengligi va balandligi 4515x1885x1655 mm, gʻildirak bazasi 2735 mmni tashkil etadi.

Leapmotor B10 modeli orqa oʻrindiqlari konditsioner, mobil telefonlarni zaryadlash portlari bilan jihozlangan. Yangi mashina 5 oʻrindiqli tartibda ishlab chiqarilgan.

10 – 30-aprel kunlari yer osti elektr kabellarini yotqizish munosabati bilan Sultoniya koʻchasining bir qismida avtotransport vositalari harakati cheklanadi. Bu haqda Toshkent shahar matbuot xizmati xabar bermoqda.

2025-yil 10-aprel soat 10:00 dan 30-aprel soat 17:00 gacha Sultoniya ko‘chasining Buyuk Ipak yo‘li chorrahasidan to Sultoniya 5-tor ko‘chasigacha bo‘lgan qismida transport harakati qisman cheklanadi. Harakatlanish bir qatorda amalga oshiriladi.

Avvalroq Kursiv Uzbekistan nashri Toshkentdagi koʻchalardan biri sentabrgacha yopilishi haqida yozgan edi.

Sobiq Apple bosh dizayneri Jonni Ayv va OpenAI rahbari Sam Altman smartfonlarga alternativ bo‘ladigan qurilma ishlab chiqmoqchi. Ushbu yangi qurilma ekran va tugmalarsiz bo‘lishi, faqat sun’iy intellekt yordamida boshqarilishi kutilmoqda, deya yozmoqda The Information.

Unga ko‘ra, qurilma butunlay yangilik bo‘lib, u bilan o‘zaro aloqalar faqat ovozli buyruqlar orqali amalga oshiriladi. Bu birinchi emas. Masalan, Humane kompaniyasining AI Pin loyihasi edi. AI Pin’ga talab ortmagan. Shunga qaramay Ayv va Altman bunday muammoga duch kelmasligini ishonch bilan aytishmoqda.

Ma’lumot uchun, Jonni Ayv 1992-yildan 2019-yilgacha Apple kompaniyasida ishlagan va iPhone yaratishda muhim rol o‘ynagan. Endi u ChatGPT chat-botini yaratgan shaxs sifatida tanilgan...

Oʻzbekiston terma jamoasi hujumchisi Eldor Shomurodov «Roma» klubi bilan yangi shartnoma imzoladi. Calciomercato nashri xabariga koʻra, futbolchi Rim klubi bilan amaldagi shartnomasini yana bir yilga uzaytirishga kelishib olgan.

Shomurodov, shuningdek, Rimda qolish uchun oʻzining maoshi kamayishiga rozi boʻlgan. Biroq yangi shartnoma asosida uning maoshi haqida aniq ma’lumotlar oshkor etilmagan.

Joriy mavsumda «Roma» safida 30 ta oʻyinda maydonga tushgan E. Shomurodov 6 gol va 3 ta golli uzatmani amalga oshirdi. Uning Transfermarktʼdagi qiymati 4 million yevroga baholangan. Shomurodovning amaldagi shartnomasi 2026-yil yozigacha moʻljallangan edi.

Avvalroq Kursiv Uzbekistan Shomurodovning goli «Roma»ni magʻlubiyatdan qutqarib qolgani haqida xabar bergan edi.

AQSh prezidenti Donald Tramp tariflari uch oyga toʻxtatildi. U Xitoydan import qilinadigan mahsulotlar uchun bojni 125 foizga oshirdi. Bu haqda Bloomberg nashri xabar bermoqda.

90 kun davomida koʻpgina mamlakatlar uchun 10% boj qoʻllaniladi. AQSh prezidenti maʼmuriyatining fikricha, bu vaqt savdo muzokaralari va Amerika tovarlari importiga cheklovlarni olib tashlash uchun yetarli boʻladi.

Bozorlar Trampning qaroriga rekord oʻsish bilan javob berdi. Savdo sessiyasi davomida S&P 500 indeksi 9,5 foizga oshdi. Savdo yakuniga koʻra Dow Jones indeksi 7,8 foizga, Nasdaq indeksi esa 12 foizga koʻtarildi. Eng katta yutuqlar texnologiya va sanoat zaxiralarida kuzatildi.

Bir barrel neft narxi 4,2 foizga oʻsdi. Oltin oʻsishda...

Hyundai Auto Asia Santa Fe va Tucson narxlarini vaqtincha arzonlashtirdi. Bu haqda Avtostrada nashri ma’lum qildi.

Yangi chegirmalar 2025-yil 8-apreldan e’lon qilindi. Taklif faqat 2025-yil avtomobillarining ko‘rgazma zallaridagi cheklangan soniga amal qiladi.

Santa Fe Calligraphy versiyasi 114,75 mln so‘mga arzonlashdi. Yangi aksiya narxi 722 mln so‘mdan boshlanadi. Tucson High-Tech 2WD versiyasi uchun 29,3 mln so‘m chegirma belgilandi. Ushbu model endilikda 499 mln so‘mga taklif qilinmoqda.

Santa Fe maksimal konfiguratsiyada va premium variantlarda taqdim etilmoqda. Model 2,5 litrli benzinli dvigatelga ega. U tabiiy aspiratsiyali yoki turboto‘ldirgichli bo‘lishi mumkin. To‘liq g‘ildirakli yurish tizimi, panoramali tom va raqamli orqa ko‘rish oynasi bilan...

AQSh Davlat kotibi Mark Rubio Oʻzbekiston Respublikasi Tashqi ishlar vazirligi rahbari Baxtiyor Saidov bilan uchrashuvda Toshkentning IShIDga qarshi kurash boʻyicha global koalitsiyaga toʻlaqonli a’zo boʻlishini olqishladi. Bu haqda AQSh davlat departamenti xabar bermoqda.

Rubio oʻzbekistonlik hamkasbiga AQShdan deportatsiya qilinganlarni qaytarishga yordam bergani uchun minnatdorchilik bildirgan.

Shuningdek, tomonlar atom energetikasini modernizatsiya qilish va muhim foydali qazilmalar sohasida hamkorlikni rivojlantirish masalalarini muhokama qilgan.

«Strategik sheriklik doirasidagi yuqori darajadagi muloqot va amaliy hamkorlikni davom ettirish orqali ikki tomonlama munosabatlardagi ijobiy dinamikani qo‘llab-quvvatlashga kelishib oldik», – degan Saidov.

Ma’lumot oʻrnida IShID guruhiga qarshi global koalitsiya 2014-yilda tuzilgan.Tashkilotning...

BYD Tang L modeli rasman sotuvga chiqarildi. Bu haqda ITHome nashri xabar bermoqda.

Yangi avtomobil BYD kompaniyasining yangi Super e platformasi texnologiyasiga asoslangan. Model yuqori sifatli akkumulyatorlar, megavattli flesh-zaryadlash tizimi bilan jihozlangan. Uning 5 daqiqalik quvvati bilan 400 kmgacha masofani bosib oʻtish mumkin.

Tashqi koʻrinish jihatidan Tang L «Loong Face» dizayn tilidan foydalanadi. U 20 dyuymli past tortishishli gʻildiraklar, ixtiyoriy 21 dyuymli gʻildiraklardan iborat.

Tang L ning uzunligi, kengligi va balandligi mos ravishda 5040/1996/1760 mm, gʻildirak bazasi esa 2950 mmni tashkil etadi. Yangi modelda BYD va DJI tomonidan birgalikda ishlab chiqilgan Lingyuan dron versiyasini ham taqdim etiladi. U dinamik...