Yangiliklar

Qatarning Jusour rekruting tashkiloti va Migratsiya agentligi savdo yordamchisi yo‘nalishida ish o‘rinlarini taklif etmoqda. Bu haqda agentlik rasmiy sahifasida ma’lum qilindi.

Unga ko‘ra, jami 200 ta bo‘sh ish o‘rni mavjud bo‘lib, ish haqi $700 – $750 ni tashkil etadi. Uy ijarasi va ovqatlanish xarajatlari ish beruvchi hisobidan bo‘ladi.

Ishga qabul qilinadigan nomzodlar 21-yoshdan yuqori bo‘lishi, ingliz tilida erkin muloqot qila olishi, kamida «B1» darajada bilishi lozim. Rus tilini berish ustunlik beradi. Shuningdek, savdo va mijozlarga xizmat ko‘rsatish sohasida kamida ikki yillik tajriba talab qilinadi.

Ish beruvchi tomonidan Qatarga borish, ishchi viza va tibbiy sug‘urta xarajatlari, mahalliy transport kartasi yoki to‘lovlari...

18-mart kuni O‘zbekiston prezidenti Shavkat Mirziyoyev va Qozog‘iston prezidenti Qosim-Jomart Toqayev telefon orqali muloqot o‘tkazdi. Bu haqda prezident matbuot xizmati xabar qildi.

Ikkala davlat rahbarlari yaqinlashib kelayotgan Navro‘z bayrami munosabati bilan bir-birlarini qutlab, O‘zbekiston va Qozog‘iston xalqlariga tinchlik, farovonlik va ravnaq tiladilar.

Suhbat davomida O‘zbekiston – Qozog‘iston strategik sheriklik va ittifoqchilik munosabatlarini yanada mustahkamlash masalalari muhokama qilindi. Xususan, savdo, sanoat kooperatsiyasi, transport, energetika va qishloq xo‘jaligi sohalarida hamkorlikni rivojlantirish bo‘yicha qo‘shma chora-tadbirlar muhim ekani qayd etildi.

Ikki davlat hududlarida o‘tayotgan madaniy-gumanitar tadbirlar yuqori baholandi.

Prezidentlar bo‘lajak oliy va yuqori darajadagi tadbirlar rejasini, shu jumladan, «Markaziy Osiyo plyus» shaklidagi sammitlarga...

Xitoy Donald Tramp bojlari tufayli 40 kundan beri AQShdan suyultirilgan gaz (LNG) import qilishdan bosh tortmoqda. Bu haqda Bloomberg Kpler kompaniyasining kema kuzatuvi ma’lumotlariga tayanib, xabar bermoqda.

Ta’minotning joriy uzilishi oxirgi ikki yildagi eng uzun muddat boʻldi. Pekin Vashington Xitoyning barcha eksportiga bojlar joriy qilganiga javoban 10 fevraldan boshlab AQShning LNG yetkazib berishga 15 foizlik boj joriy qildi.

Shundan soʻng amerikalik yetkazib beruvchilar bilan uzoq muddatli shartnomalar tuzgan xaridorlar LNG yuklarini Yevropaga qayta sotdi.

Avvalroq Kursiv Uzbekistan Yevropa rekord darajada gaz xarid qilgani haqida yozgan edi.

Market Yandex Go savdo maydonchasi Oʻzbekiston bozorida joriy yilning aprel oyida ishga tushirilishi rejalashtirilmoqda. Kursiv Uzbekistan ma’lumotlarini kompaniya matbuot xizmati tasdiqladi.

SellerLab Telegram kanali ma’lumotlariga koʻra, kompaniya savdo maydonchasini ishga tushirishni qoʻllab-quvvatlash uchun yirik reklama kampaniyasini rejalashtirmoqda.

Shuningdek, Toshkent viloyatining Zangiota tumanida Market Yandex Go sotuvchilari uchun 9 ming kvadrat metr maydonga ega ombor ishga tushirilishi ma’lum boʻldi.

Oʻtgan yilning dekabr oyida Yandex Market Go brendini roʻyxatdan oʻtkazish uchun ariza topshirdi.

Avvalroq Kursiv Uzbekistan joriy yilning fevral oyidan boshlab Navoiyda Yandex Go’dan yetkazib berish xizmati mavjudligi haqida yozgan edi.

19-martdan AQSh dollarining rasmiy kursi 7,71 so‘mga tushib, 12 935,68 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 880 – 12 930 so‘mdan sotib olayotgan bo‘lsa, 12 950 – 13 005 so‘m oralig‘ida sotmoqda.

Shu bilan birga, yevro 56,27 so‘mga oshib, 14 164,57 so‘mga yetdi. Rossiya rubli esa 5,10 so‘mga oshib, 158,80 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.    

Hukumat qarori bilan «Korporativ buyurtmachilarning tadbirkorlik subyektlari bilan kooperatsiya aloqalarini oʻrnatish va ushbu jarayonda davlat xaridlarini amalga oshirish tartibi» toʻgʻrisidagi nizom tasdiqlandi.

Yangi tizim import mahsulotlar oʻrnini mahalliy ishlab chiqarish bilan bosish, davlat xaridlarini shaffof amalga oshirish va tadbirkorlar bilan kooperatsiya aloqalarini oʻrnatish tartibini belgilaydi.

Nizom doirasida quyidagilar belgilangan:

– Import mahsulotlar roʻyxatini shakllantirish va e’lon qilish;

– Tadbirkorlarning takliflarini qabul qilish va baholash mezonlarini belgilash;

– Kooperatsiya aloqalarini yoʻlga qoʻyish boʻyicha shartnomalar tuzish;

– Mahalliy ishlab chiqaruvchilar mahsulotlarini davlat buyurtmachilariga sotish imkoniyatlarini yaratish.

Bundan tashqari, kooperatsiya jarayonini boshqarish uchun maxsus komissiya tashkil etiladi, unga kamida besh nafar boshqaruv...

O‘zbekistonning Yevroosiyo taraqqiyot banki (YTB)ni ta’sis etish haqidagi bitimga qo‘shilishi to‘g‘risidagi qonun ko‘rib chiqildi. Bu haqda Senatning beshinchi yalpi majlisida ma’lum qilindi.

Ta’kidlanishicha, bitimning asosiy maqsadi investitsiya faoliyati orqali unga qo‘shilgan ishtirokchi davlatlarning iqtisodiy o‘sishiga va ular o‘rtasidagi savdo-iqtisodiy aloqalarni kengaytirishga ko‘maklashishdir.

Mazkur hujjatga ko‘ra, ushbu bank o‘z faoliyatini xalqaro shartnomalar, xalqaro huquq, umumeʼtirof etilgan bank faoliyati tamoyillari va meʼyorlariga muvofiq amalga oshirishi, shuningdek, bank nizomi ushbu bitimga ilova qilingan holda tasdiqlanishi nazarda tutilgan.

Shuningdek, nizomda YTB faoliyati, maqsad va vazifalari, funksiyalari, imtiyozlari, ustav kapitali va unga obuna bo‘lish shartlari hamda bank boshqaruviga oid tartib-qoidalar belgilangan.

O‘zbekistonning bankka qo‘shilishi...

Shavkat Mirziyoyev 18-mart kuni mamlakatimizda amaliy tashrif bilan boʻlib turgan Yevropa Ittifoqining Xalqaro hamkorlik boʻyicha komissari Yozef Sikela boshchiligidagi delegatsiyani qabul qildi. Bu haqda prezident matbuot xizmati xabar berdi.

Uchrashuv davomida ikki tomonlama serqirra hamkorlik muhokama qilingan. Transport va logistika, energetika, raqamlashtirish, qishloq hamda suv xoʻjaligi yoʻnalishlarida qoʻshma loyiha va dasturlarni ilgari surishdan ikki tomon ham manfaatdor ekani ta’kidlangan.

Uchrashuvda joriy yil aprel oyi boshida Samarqand shahrida «Markaziy Osiyo – YI» birinchi sammiti va Iqlim forumini tashkil etish va oʻtkazish jihatlari muhokama qilingan.

Eslatib oʻtamiz, Kursiv Uzbekistan nashri Oʻzbekiston prezidenti AQSh Kongressi delegatsiyasini qabul qilgani haqida yozgan edi.

Gondurasda bortida 17 kishi boʻlgan samolyot Roatan oroli sohilida dengizga qulab tushdi. Bu haqda Anadolu nashri xabar bermoqda.

Mutasaddilarning qayd etishicha, samolyot Xuan Manuel Galves aeroportidan koʻtarilib Truxilyo shahriga yoʻl olgan, biroq havoga koʻtarilganidan koʻp oʻtmay Roatan oroli qirgʻoqlarida dengizga qulagan.

Qutqaruv ishlari natijasida olti nafar jasad topilgan. Samolyot halokatdan soʻng yonib ketgan va bu qutqaruv ishini qiyinlashtirmoqda.

Eslatib oʻtamiz, Kursiv Uzbekistan nashri Amerika samolyoti Denver aeroportida yonib ketgani haqida yozgan edi.

Hyundai Santa Fe krossoverining yangilangan modeli 2025-yilning eng xavfsiz avtoulovlaridan biri sifatida e’tirof etildi. Uning old va yon ta’sir sinovlaridagi koʻrsatkichi yoʻlovchilar uchun yuqori darajadagi himoyani taqdim etdi.

Modelning proyeksiya tizimiga ega LED faralari koʻrish sharoitlariga qarab «qoniqarli» yoki «qoniqarsiz» natijalarni koʻrsatadi. Santa Fe avtomobillar, piyodalar va velosipedchilar bilan old tomondan toʻqnashuvlarning oldini olish texnologiyasini oʻz ichiga olgan ilgʻor xavfsizlik tizimlariga ega. Stop & Go bilan moslashtirilgan kruiz nazorati va chorrahalarda avtomatik tormozlash imkoniyati asosiy yutuq hisoblanadi.

Krossoverning asosiy benzin versiyasi $34 mingdan, gibrid versiyasi esa 37,8 mingdan boshlanadi. Yonilgʻi sarfi benzinli versiyada 100 km uchun 9,8 litrni, gibrid...

Silk Avia aviakompaniyasi 20-martdan boshlab Toshkent – Andijon yo‘nalishida muntazam qatnovlarni qayta yo‘lga qo‘ydi. Bu haqda aviakompaniya matbuot xizmati «Kursiv» muxbiriga xabar berdi.

Parvozlar haftaning seshanba va payshanba kunlari quyidagi jadval asosida amalga oshiriladi:

Yo‘lovchilar aviachiptalarni aviakompaniya rasmiy saytidan, mobil ilovadan hamda Uzbekistan Airways Sales filialidan xarid qilishlari mumkin.

Avvalroq Kursiv Uzbekistan Silk Aviaʼning Termiz – Toshkent reysi Samarqandga majburiy qoʻngani haqida yozgandi.

Qozogʻistonda qolib ketgan 10 nafar voyaga yetmagan bola Oʻzbekistonga qaytariladi. Bu haqda Ijtimoiy himoya milliy agentligi axborot xizmati xabar berdi.

Ma’lum qilinishicha, 17-mart kuni Oʻzbekiston Ichki ishlar va Sogʻliqni saqlash vazirliklari xodimlari xorijda ota-ona qaramogʻisiz qolgan bolalarni Oʻzbekistonga qaytarish maqsadida xizmat safari bilan Qozogʻistonga joʻnab ketdi.

Tashrif davomida Ota-ona qaramogʻisiz qolgan 10 nafar, xususan, Atirau shahrida 1 nafar, Olmaota shahrida 8 nafar va Mangʻistau shahrida 1 nafar bolalar davlat yordamiga muhtoj boʻlib, ishchi guruh vakillari tomonidan ularni oʻz oilalari bagʻriga qaytarish rejalashtirilgan.

Bunda agentlik tasarrufidagi «Inson» ijtimoiy xizmatlar markazi qaytarilayotgan bolalarning oilaviy muhitga qaytishi uchun barcha zarur chora-tadbirlarni amalga...

Firibgarlar «Yalla» ansambli rahbari Farrux Zokirov tasvirlaridan foydalanib pul ishlagan. Bu haqda Toshkent shahar ichki ishlar boshqarmasi ma’lum qildi.

Ijtimoiy tarmoqlarda xonandaning dori-darmonlarni reklama qilganiga oid videosi tarqalgan edi. Zokirov tasvirga aloqasi yoʻqligini ta’kidlagan. Xonanda oʻzbekistonliklarni bu kabi reklamalarga, ayniqsa, keksalarga nisbatan ehtiyotkor munosabatda boʻlishga chaqirdi. Zokirovning qoʻshimcha qilishicha, notanish shaxslarga bank kartasi va boshqa ma’lumotlarni berish toʻgʻri ish emas.

Avvalroq Kursiv Uzbekistan nashri Buyuk Britaniyaga ishga yuborish uchun $12 ming olgan firibgar ushlangani haqida yozgan edi.

Senatning navbatdagi yalpi majlisida ayrim qonun hujjatlariga zargarlik sanoatini rivojlantirishga oid qo‘shimchalar kiritish muhokama qilindi. Bu haqda Oliy Majlis Senati xabar berdi.

Unga ko‘ra, Ma’muriy javobgarlik to‘g‘risidagi kodeksda qimmatbaho metallar va qimmatbaho toshlar muomalasi va aylanmasi sohasidagi huquqbuzarliklar uchun jarima miqdorlari oshiriladi. Ya’ni bazaviy hisoblash miqdorining (BHM) 30 baravari (11,2 mln so‘mdan) 50 baravarigacha (18,7 mln so‘m) jarimalar belgilanishi mumkin.

Ma’lumot uchun, 2024 yilda zargarlik sohasida ishlab chiqarish hajmi 2,5 trln so‘mni tashkil etib, 2023-yilga nisbatan 15 foizga yuqorilagan. Mahsulotlar eksporti esa 20 foizga ko‘tarilgan.

Avvalroq Kursiv Uzbekistan Namanganda zargarlik sanoatida xorijiy kompaniya ish boshlashi haqida yozgandi.

BYD kompaniyasi oʻzining yangi BYD Tang L EV krossoverini taqdim etdi. Bu haqda CarNewsChina ma’lum qilmoqda.

BYD Tang L EV – 2+3+2 oʻrindiqli joylashuvga ega katta krossoveri. Ushbu mashinada yupqa ishlaydigan chiroqlar va old bamperga oʻrnatilgan faralar mavjud. Orqa tomonda doimiy yorugʻlik chizigʻiga ega. Ushbu krossoverning oʻlchamlari 5040 x 1996 x 1760 mm, gʻildirak bazasi esa 2950 mmni tashkil etadi.

BYD Tang interyeri ikki xil rang sxemasida yaratilgan. Maʼlum qilinishicha, markaziy boshqaruv ekrani oʻlchami 15,6 dyuym boʻlib, avtomobil AR-HUD proyeksiyali displeyini ham oladi. D shaklidagi rulning orqasida yashirin konditsioner rozetkalari bilan birlashtirilgan asboblar paneli joylashgan.

Modelning standart versiyasi...

Oʻzbekiston Markaziy banki ma’lumotlariga koʻra, 18-mart holatiga besh grammlik oltin quyma 6,427 million soʻmlik chegarani kesib oʻtdi. Mamlakatda qimmatbaho metallar narxi ketma-ket ikkinchi kun oshdi.

Ogʻirligi 10 gramm boʻlgan qimmatbaho metall narxi 12,8 mln soʻmga, 20 gramm esa 25,7 mln soʻmga koʻtarildi.

50 va 100 grammlik quymalar narxi mos ravishda 64,2 mln va 128,5 mln soʻmga yetdi.

UBS investitsiya banki tahlilchilari joriy yil oxirigacha oltin qiymati $3,2 minggacha koʻtarilishini prognoz qilmoqda. Qimmatbaho metall narxining oshishiga AQSh tomonidan bojxona toʻlovlarining joriy etilishi va Amerika iqtisodiyotining sekinlashishi kabi omillar ta’sir koʻrsatmoqda.

Avvalroq Kursiv Uzbekistan Avstraliyaning Macquarie banki oltin narxining...

11-martdan buyon «Tashabbusli budjet» loyihasining joriy yilgi 1-mavsumi doirasida ovoz berish bosqichi davom etmoqda. Bunda majburiy ovoz berish holatlari kuzatilgan loyihalar jarayondan chetlashtirilishi haqida Iqtisodiyot va moliya vazirligi ogohlantirish berdi.

Avvalroq ijtimoiy tarmoqlarda Farg‘ona viloyatining Quva tumanidagi 37-maktabda o‘qituvchilar oyligidan ovoz berish uchun 700 ming so‘mdan ushlab qolinayotgani haqida xabar berilgandi.

Ushbu holat yuzasidan o‘rganish ishlari olib borilganda mazkur maktab xodimlari majburiy ovoz berishga jalb qilingani tasdiqlandi. Iqtisodiyot va moliya vazirligi ushbu maktabni ovoz berish bosqichidan chetlatish uchun tuman xalq deputatlari Kengashiga taqdimnoma yuborgan.

Ma’lumot uchun, agar ovoz to‘plash jarayonida majburiy holatlar kuzatilsa Kambag‘allikni qisqartirish va bandlik vazirligining...

Shu yilning fevral oyida ikkilamchi avtomobil bozoridagi narxlarning o‘zgarishi bo‘yicha tahlil o‘tkazildi. Bu haqda Makroiqtisodiy va hududiy tadqiqotlar instituti (MHTI) xulosalarini e’lon qildi.

Unga ko‘ra, mahalliy ommabop avtomobillar, elektromobillar va xorijiy avtomobillar narxi pasayishda davom etmoqda.

Mahalliy ommabop avtomobillar narxi

Fevral oyida quyidagi avtomobillar arzonlashdi:

Mahalliy lyuks avtomobillar narxi

Ushbu bozorda ham...

Silk Avia aviakompaniyasining Termiz – Toshkent reysi Samarqandga majburiy qoʻndi. Bu haqda «Novosti Tashkentskogo Neba» Telegram kanali xabar berdi.

Ma’lum qilinishicha, parvoz davomida yoʻlovchilardan birining sogʻligʻi yomonlashgani sababli ekipaj zudlik bilan Samarqand xalqaro aeroportiga qoʻnish haqida qaror qabul qildi.

Ekipaj shifokorlar guruhini chaqirib, zaruriy tibbiy yordam koʻrsatishga sharoit yaratdi. Hozirda yoʻlovchining ahvoli va reysning keyingi harakati haqida rasmiy ma’lumot berilmagan.

Eslatib oʻtamiz, Silk Avia samolyoti 13-mart kuni ertalab Termizga qoʻna olmagan edi. Bunga noqulay ob-havo sabab boʻlgan.

Avvalroq Kursiv Uzbekistan Silk Avia 27-dekabrdan Zominga muntazam aviaqatnovlarni tiklanishi haqida xabar bergan edi.

Oʻzbekistondagi yirik toʻlov operatorlaridan biri boʻlgan Paynet umumiy qiymati 547,62 milliard soʻm boʻlgan oddiy aksiyalarni chiqardi. Bu haqda Korporativ axborot yagona portalida ma’lum qilindi.

Ta’kidlanishicha, Istiqbolli loyihalar milliy agentligi (ILMA) tomonidan ushbu aksiyalar emissiyasi 2025-yil 14-mart kuni davlat roʻyxatidan oʻtkazildi.

Aksiyalar nominal qiymati 500 soʻm etib belgilangan boʻlib, umumiy soni 1,1 milliard dona aksiyani tashkil qiladi. Mazkur qaror 2025-yil 24-fevral kuni Paynet aksiyadorlarining umumiy yigʻilishida tasdiqlangan.

Avvalroq Kursiv Uzbekistan Paynet Humo toʻlov tizimini $65 mlnga sotib olgani haqida xabar bergan edi. Eslatib oʻtamiz, Aleksey Maksimov «Milliy banklararo protsessing markazi» AJ (Humo) rahbari etib tayinlandi. Qaror kompaniya Kuzatuv kengashi...

Toshkentda isitish mavsumi 18-mart, bugundan yakunlanadi. Bu haqda Toshkent shahar hokimligi xabar qildi.

«Veolia Energy Tashkent» kompaniyasi o‘rtacha sutkalik harorat ketma-ket besh kun davomida 8 gradusdan yuqori bo‘lsa, isitish mavsumi rasman tugatilishi haqida ma’lum qilgandi.

Unga ko‘ra, so‘nggi hafta davomida poytaxtda kunduz kunlari havo harorati 18-19 gradus va undan yuqori, kechalari esa 8 gradusdan pastga tushmagan.

Avvalroq Kursiv Uzbekistan «Issiqlikta’minoti» aksiyadorlik jamiyati tashkil etilishi haqida yozgandi. 

Shavkat Mirziyoyev Toʻlqinjon Mansurov va Egamberdi Sobirovni «Doʻstlik» ordeni bilan mukofotladi. Bu haqda prezident matbuot xizmati xabar bermoqda.

Oʻzining tashabbuskorligi va qishloq xoʻjaligi sohasidagi koʻp yillik samarali mehnati uchun Toshkent viloyatining Oqqoʻrgʻon tumanida yashovchi Mansurov Toʻlqinjon «Doʻstlik» ordeni bilan mukofotlangan.

Shuningdek, Xorazm viloyati, Xonqa tumanidagi «Sultonboy Xonimjon» fermer xoʻjaligi boshligʻi Sobirov Egamberdi ham shu ordenga loyiq koʻrilgan.

Eslatib oʻtamiz, Kursiv Uzbekistan Shavkat Mirziyoyev Xalqaro dzyudo federatsiyasi rahbarini «Doʻstlik» ordeni bilan taqdirlagani haqida yozgan edi.

Rossiyaning yirik energetika kompaniyasi «Gazprom» 2024-yil yakunlariga ko‘ra 1,076 trln rubl zarar ko‘rgan. Bu haqda kompaniyaning Rossiya buxgalteriya standartlari (RSBU) bo‘yicha e’lon qilingan moliyaviy hisobotida qayd etilgan.

O‘tgan yili kompaniya 696 mlrd rubl foyda ko‘rgani hisobga olinsa, bu natija jiddiy yo‘qotish hisoblanadi. Mutaxassislarning fikricha, zarar asosan «Gazprom Neft» aksiyalarining bozor qiymati 852 mlrd rublga tushib ketgani hamda 2025-yildan boshlab foyda solig‘i stavkasining 25 foizga oshirilishi bilan bog‘liq bo‘lgan 444 mlrd rubl miqdoridagi qo‘shimcha xarajatlar bilan izohlanadi.

Xususan, kompaniya 2024-yilning to‘rtinchi choragida 767,2 mlrd rubl sof zarar ko‘rgan. Bu «Gazprom» uchun so‘nggi 25 yildagi eng yomon chorak natijasi bo‘ldi.

Ilon Mask 5 – 7-yil ichida insoniyat Marsni egallay boshlashi mumkinligi taxmin qildi. Bu haqda tadbirkor X tarmogʻidagi sahifasida ma’lum qildi.

Tadbirkor va siyosatchining fikricha, 2026-yil oxirida SpaceX Starship kosmik kemasini Optimus roboti bilan Marsga joʻnatishni rejalashtirmoqda. Universal platforma sifatida ishlab chiqilgan va qayta foydalanish mumkin boʻlgan Starship tizimi nafaqat Marsga missiyalar, balki sun’iy yoʻldoshlarni yetkazish, sayyoramizning past orbitasiga parvozlar, Oyga ekspeditsiyalar va koinotni chuqur oʻrganish uchun ham moʻljallangan.

SpaceX Starshipning tavsifi boʻyicha quyidagilar ma’lum: balandligi 121 metr, diametri 9 metr va yuk koʻtarish quvvati 100 – 150 tonnani tashkil qiladi.

Tadbirkorga koʻra, Marsni egallash bir qator muammolarni...