Yangiliklar

Marburg virusi tarqalishi sabab Qozog‘istonda epidemiologik vaziyat ustidan nazorat kuchaytirildi. Bu haqda mamlakat Sog‘liqni saqlash vazirligi xabar berdi.

Mamlakat sanitariya bosh vrachi Sarxat Beysenovaning so‘zlariga ko‘ra, kasallikning respublikaga kirib kelishi va tarqalishining oldini olish maqsadida xalqaro aeroportlarda, davlat chegarasida sanitariya-karantin nazorati amalga oshirilmoqda.

Ma’lumot uchun, kasallikning klinik belgilari virus yuqqandan keyin 2 – 21 kun ichida namoyon bo‘ladi. Kasallikning asosiy simptomlari isitma, tomoq og‘rig‘i, toshma, qorin og‘rig‘i, burun va ko‘zdan qon ketishi kuzatilishi mumkin.  

«Marburg – xavfli virus hisoblanadi. Ushbu virus filoviruslar turiga kiradi. Virusning tabiiy tashuvchilari ko‘rshapalaklar bo‘lib, ular bu kasallikni...

Oʻzbekistonda 1-dekabrgacha yonilgʻi quyish shoxobchalarining ishlashi va ularda gaz borligini kuzatib borish uchun mobil ilova ishga tushiriladi. Bu haqda Energetika vaziri Joʻrabek Mirzamahmudov ma’lum qildi.

Tizim 1200 dan ortiq yonilgʻi quyish shoxobchalarini qamrab oladi. Ilova mahalliy IT-kompaniyalar bilan birgalikda ishlab chiqiladi va tez orada taqdim qilinadi.

«Bu bepul boʻladi. Biz ular bilan Energetika vazirligi orqali shartnoma qilib, tizimni va ilovani yaratib berish boʻyicha kelishuvga erishdik. Faqat oʻsha yonilgʻi quyish shoxobchalari qoʻshimcha xizmati uchun yoki reklama uchun mobil ilovani ishlatsa qandaydir toʻlov mavjud boʻladi. Lekin yonilgʻi quyish shoxobchalari bu ilovani ishlatish yoki ishlatmasligi oʻzining ixtiyorida boʻladi...

2023-yil yanvar – dekabr va 2024-yil yanvar – iyul oylarida «Shaffof sement sanoat» MCHJ QK 298 ta holatda 20,6 ming tonna sement mahsulotini birja savdolariga qoʻymasdan toʻgʻridan-toʻgʻri shartnomalar orqali sotgan. Bu haqda Raqobat qo‘mitasi ma’lum qildi.

Unga ko‘ra, ushbu mahsulotni 2023-2024-yillar davomida sotish kunlaridagi narxlari o‘sha davrdagi birja savdolarida shakllangan oʻrtacha birja kotirovka narxlari bilan taqqoslandi. Natijada 298 ta holatda mahsulot narxlarining sun’iy qoʻllash natijasida jami 669 mln soʻmga yaqin tafovut aniqlangan.

Shunga muvofiq, Fargʻona viloyati hududiy boshqarmasining Maxsus komissiyasi tomonidan mazkur MCHJ ga nisbatan ish qoʻzgʻatilib, belgilangan tartibda tegishli choralar qoʻllanildi.

Ma’lumot uchun, Vazirlar Mahkamasining 170-sonli qarori bilan...

Rossiya Federal Davlat tashkilotlari agentligi «Rossotrudnichestvo» yil oxirigacha 20 ta mamlakatga kitoblar yetkazib berishni ma’lum qildi. Mamlakatlar ro‘yxatida O‘zbekiston ham bor. Bu haqda TASS agentligi xabar berdi.

Qayd etilishicha, chet mamlakatdagi rus maktablariga badiiy, ta‘lim, ilmiy-populyar va metodik adabiyotlar taqdim etiladi.

Umumiy hisobda 125 ming kitob yuborilishi rejalashtirilgan. Biroq O‘zbekistonga qancha adabiyot yuborilishi haqida ma’lumot berilmagan.

O‘zbekistondan tashqari kitoblar Tojikiston, Qozog‘iston, Turkmaniston, Ozarbayjon, Gruziya, Armaniston hamda boshqa Osiyo va Yevropa davlatlariga ham yuboriladi. Eslatib o‘tamiz, avvalroq Kursiv O‘zbekistonda eng yaxshi tarjima qilingan adabiyotlar uchun xalqaro mukofot ta’sis etilgani haqida xabar bergan edi.

Isroil va Livan o‘rtasida 7-oktabr, dushanba kuniga o‘tar kechasi o‘qlar almashinuvi yuz berdi. Bu haqda Isroil mudofaa armiyasi (IDF) ma’lum qildi.

Avval IDF Livandan 15 ta snaryad uchirilgani haqida xabar berdi. Snaryadlarning ba’zilari bartaraf etilgan, boshqalari esa belgilangan nuqtaga yetib borgan.

Ma’lum qilinishicha, zarba natijasida Xayfa shahrida besh kishi jarohatlangan. Ularning hayoti xavf ostida emas, biroq ulardan biri o‘rtacha darajada jarohat olgan.

Biroz vaqtdan so‘ng Isroilning Bayrutga zarba bergani haqida ma’lumot tarqaldi. IDF livanlik «Hizbulloh» harbiy guruhining obyektlari, jumladan, qurol omborlari, qo‘mondonlik markazlari va razvedka ma’lumotlarini yig‘ish punktlari nishonga olinganini aytdi. Isroilning ta’kidlashicha, nishonlarning ayrimlari turarjoy binolarining...

 14-oktabr kuni iqtisodiyot bo‘yicha Nobel mukofoti sohibi, fransuz olimi Jan Tirolning O‘zbekistonga kelishi kutilmoqda. Bu haqda Yosh iqtisodchilar jamiyati xabar berdi.

Unga ko‘ra, olim iqtisodiyotning sanoat boshqaruvi, moliya, makroiqtisodiyot va bank boshqaruvi sohalarida kuchli bilim va tajribaga ega boʻlib, uchrashuvda monopoliyalarni boshqarish va xalq farovonligiga erishish mavzularida suhbat olib boradi.

Ma’lumot uchun, Jan Tirol Fransiyaning Troya shahrida tug‘ilgan. Parijdagi Ecole Polytechnique va Ecole Nationale des Ponts et Chaussesda muhandislik bo‘yicha tahsil olganidan so‘ng o‘z qiziqishlarini iqtisod va matematikaga aylantirdi. 1980-yillarning o‘rtalaridan boshlab Jan Tirol tartibga solish va monopoliyaga qarshi kurashni har bir sohaga xos sharoitlarga moslashtirish bo‘yicha izchil nazariyani...

O‘zbekiston energetika vaziri Jurabek Mirzamahmudovning ma’lum qilishicha, mamlakat qish mavsumi oldidan yer osti omborlariga besh milliard kubometrdan ortiq gaz zaxiraga qo‘yilgan.

«Biz energiya ishlab chiqarishni qayta tiklanuvchi manbalar hisobidan sezilarli darajada oshirishga muvaffaq bo‘ldik. Yer osti omborlariga 5,1 milliard kubometrdan ortiq gaz saqlashga qo‘yildi», – dedi vazir «Lolazor» podkastida.  

Mirzamahmudov bu hajm o‘tgan yilgidan deyarli milliard kubometr ko‘proq ekanini qo‘shimcha qildi. Vazirlik rahbarining so‘zlariga ko‘ra, bu hajm sovuq davrni osonlik bilan o‘tkazish uchun yetarli.

Hozirgi kunda mamlakatda ikkita yer osti gaz saqlash omboridan – «Gazli» va «Xo‘jaobod»dan foydalanilmoqda. Bundan tashqari, «So‘x» gaz ombori bo‘yicha...

2024-yilda eng koʻp maosh oladigan dunyo yetakchisi Singapur bosh vaziri Lorens Vong boʻldi. Uning yillik maoshi $1,69 millionni tashkil etadi, deb xabar bermoqda Forbes.

Vong bu borada boshqa davlat rahbarlaridan ancha ilgarilab ketdi. Ikkinchi oʻrinni egallagan Shveysariya prezidenti Viola Amerdning yillik daromadi $572 mingni tashkil etdi.

Uchinchi oʻrinni Avstraliya bosh vaziri Entoni Albanese egalladi. Nashrning qayd etishicha, u 12 oyda $413 ming ishlab topadi.

Avvalroq Kursiv Uzbekistan Meta rahbari Mark Sukerbergning boyligi oshib borayotgani haqida yozgan edi.

O‘zbekistonda bo‘lib o‘tgan futzal bo‘yicha jahon chempionatining final bellashuvida Braziliya Argentina ustidan 2:1 hisobida g‘alaba qozondi.

Toshkent shahridagi «Humo» arenasida o‘tgan uchrashuvning 1-taym 6-daqiqasida Ferrao Argentina darvozasini ishg‘ol qildi. 13-daqiqada esa Rafa Santos hisobni 2:0 ga o‘zgartirdi.

2-taymning so‘nggi daqiqalarida Argentina vakili Matias Rosa hisobni qisqartirdi.

Braziliya o‘z tarixida oltinchi marotaba jahon chempioniga aylandi.

Uchinchi o‘rin uchun bahsda Ukraina Fransiyani 7:1 hisobida tor-mor qildi. Ukraina ilk bor mundialda medallarga sazovor bo‘ldi.

1-taymda Ihor Cherniavsiy hisobni Ukraina foydasiga o‘zgartirdi. 2-taymda esa Rostislav Semenchenko hisobni 2:0 ga o‘zgartirdi. Ayub Saadaoui hisobni 2:1 qisqartirdi. 27-daqiqada va 28-daqiqada Yevgeniy Juk Fransiya darvozasiga uchinchi va...

6-oktabr kuni Toshkent vaqti bilan soat 20:00 da Qozog‘istonda atom elektr stansiyasini (AES) qurish bo‘yicha referendum yakunlandi. Dastlabki ma’lumotlarga ko‘ra, referendumda ishtirok etganlar soni 63,87 foizni tashkil etdi.

Eng ko‘p tashrif Qizilo‘rda viloyatida qayd etilgan – 82,48 foiz, eng past Olmaotada – 25,39 foiz.

Eslatib o‘tamiz, soat 14:00 da Markaziy saylov komissiyasi referendumni bo‘lib o‘tgan, deb e’lon qildi. O‘sha paytda unda 51,7 foizdan ortiq saylovchi ishtirok etdi.

Soat 16:40 ga borib respublika boʻylab ovoz berish jarayonida ikkita huquqbuzarlik holati aniqlandi. Birinchi holatda jismoniy shaxs jamoatchilik fikrini noqonuniy oʻrganish ishlarini olib borgan. Ikkinchisida esa noqonuniy agitatsiya holati kuzatilgan.

Qozog‘iston prezidenti...

Ba’zi ommaviy axborot vositalari vakillari va faollar Issiqko‘ldagi to‘rtta pansionat O‘zbekistonga berish masalasini noto‘g‘ri talqin qilmoqda, dedi qirg‘iz deputati Jamin Akimaliyev «Kabar» nashriga bergan intervyusida.

«Oʻzbeklar Issiqkoʻl boʻyida qurilgan pansionatlarini yelkasiga solib, Toshkentga olib ketavermaydiku», – deya vaziyatni izohladi Akimaliyev.

Deputatning qo‘shimcha qilishicha, O‘zbekiston har bir pansionatga $20 milliongacha sarmoya kiritish niyatida. Shu bilan birga, o‘zbekistonlik investorlar ularni rekonstruksiya qilishga $5 mln sarmoya kiritdilar.

Akimaliyevning so‘zlariga ko‘ra, pansionat binolari yer bilan birga O‘zbekistonga 49 yilga tekin foydalanishga berilgan.

Eslatib oʻtamiz, sentabr oyi oxirida pansionatlarni Oʻzbekiston investorlariga berish boʻyicha kelishuv tasdiqlangan edi.

Hujjatda xodimlarning kamida 80 foizi Qirg‘iziston fuqarolari...

O‘zbekiston Xalq demokratik partiyasi (XDP) vakili Malika Qodirxonova Saylovoldi dasturida ishchi xodimlar uchun noqulay ob-havo vaqtida ish soatini kamaytirish bo‘yicha taklif bilan chiqdi.

«Biz Saylovoldi dasturimizda anomal issiq va sovuq vaqtlarda ishchi xodimlarning ish haqi saqlangan holda ishga 1 soat kechroq kelishi va 1 soat oldin ketishini qonunchilikda belgilashni taklif qilganmiz», – deydi partiya spikeri.

Deputatning ta’kidlashicha, partiyaning asosiy maqsadlaridan biri ishchilar uchun xavfsiz, sog‘lom va munosib mehnat sharoitlarini yaratishdir.

Avvalroq Kursiv Uzbekistan «Adolat» sotsial-demokratik partiyasi spikeri Dilmurod Ismailov partiya Saylovoldi dasturiga kiritilgan muhim takliflar haqida yozgan edi.

Janubiy Koreyada yoshlar oʻrtasida taekvondo boʻyicha jahon chempionatida oʻzbekistonlik sportchilar oltin va bronza medallarini qoʻlga kiritdi. Bu haqda Milliy olimpiya qoʻmitasi xabar beradi.

-45 kg vaznda Dilmurod Ma’rufjonov final bahsida oʻz raqibini magʻlub etib, oltin medalni qoʻlga kiritdi. -48 kg vaznda esa Behruz Salimov uchinchi oʻringa chiqdi va bronza medali bilan taqdirlandi.

Aytish joizki, ushbu chempionat oʻzbek taekvondochilari uchun tarixiy boʻldi, chunki sportchi ilk bor oltin medalni qoʻlga kiritdi.

Avvalroq Kursiv Uzbekistan oʻzbekistonlik dzyudochi yoshlar oʻrtasidagi jahon chempionatida bronza medalini qoʻlga kiritgani haqida yozgan edi.

BAA aviatashuvchisi Emirates samolyotlarida peyjer va ratsiyalarni tashishni taqiqladi, deb xabar berdi Reuters agentligi kompaniyaga tayanib.

Bunday qurilmalar bagaj yoki qo‘l yukida aniqlangan taqdirda, Dubay politsiyasi ularni yo‘lovchilardan olib qo‘yadi.

Eslatib o‘tamiz, sentabr oyi o‘rtalarida Livanda «Hizbulloh» a’zolari o‘rtasida ushbu qurilmalar portlashi sodir bo‘lgandi. Keyinroq Isroil prezidenti Itsxak Gersog uning mamlakati voqeaga aloqador emasligini aytdi.

CNN xabariga ko‘ra, Isroil maxsus xizmatlari portlovchi moddani peyjerlar batareyalari ichiga yashirishga muvaffaq bo‘lgan, uni aniqlab bo‘lmas edi.

Avvalroq Kursiv Uzbekistan «Hizbulloh»ning yangi rahbari Hoshim Safiy ad-Din aloqaga chiqmay qo‘ygani haqida yozgan edi.

6-oktabr kuni Qozog‘istonda atom elektr stansiyasini (AES) qurish bo‘yicha referendum bo‘lib o‘tmoqda. Toshkent vaqti bilan soat 12:00 holatiga ko‘ra, referendumda saylovchilarning 39,23 foizi ishtirok etgan, deb xabar berdi Qozog‘iston markaziy saylov qo‘mitasi.

Unda 12,2 mln ovoz beruvchilardan 4,8 millioni ishtirok etdi. Eng yuqori tashrif Chimkentda qayd etilgan – 57,03 foiz, eng past Olmaotada – 11,88 foiz.

Referendumda amaldagi davlat rahbari Qosim-Jo‘mart To‘qayev ovoz berdi. Uning so‘zlariga ko‘ra, xorijiy kompaniyalar konsorsiumi ishtirokida elektr stansiyasi qurilishini boshlash rejalashtirilgan.

Referendumda Qozog‘istonning birinchi prezidenti Nursulton Nazarboyev ham ishtirok etdi.

Qozog‘istonning O‘zbekistondagi elchixonasida Toshkentda bo‘lib o‘tayotgan xalqaro turnirda ishtirok etayotgan gandbol bo‘yicha Ostona ayollar...

O‘zbekistonning yangi tayinlangan elchisi Alisher To‘xtayev Pokistonga keldi. Bu haqda «Dunyo» nashri xabar berdi.

Ma’lum qilinishicha, bu lavozimga tayinlangunga qadar yangi elchi O’zbekiston tashqi ishlar vaziri maslahatchisi lavozimida va paxta-to‘qimachilik klasterlari uyushmasida ishlagan.

U 2021 – 2024-yillarda Favqulodda va muxtor elchi bo‘lib ishlagan Oybek Usmonov o‘rniga tayinlandi.

Avvalroq Kursiv Uzbekistan Qirg‘izistonga yangi elchi tayinlangani haqida yozgan edi.

O‘zbekistonda fuqarolarga dorixonalarda bepul dori-darmon olish imkonini beruvchi hujjat qabul qilindi. Bu haqda Adliya vazirligi xabar beradi.

Bemorlarga dori-darmonlarni Davlat tibbiy sug‘urtasi jamg‘armasi bilan shartnoma tuzgan birlamchi tibbiy-sanitariya muassasasi shifokori tayinlaydi.

Dorilarni olish uchun bemor shifokorga murojaat qilishi kerak, u bitta tashxis uchun uchtagacha dorilarni yozib beradi. Shundan so‘ng bemor dorixona tizimida ro‘yxatdan o‘tgan elektron retseptni oladi. Retseptdan foydalanish uchun bemorda yetti kuni bor. Mazkur retseptning raqami va sanasi aks ettirilgan SMS-xabarnoma avtomatik ravishda bemorga yuboriladi. Preparatlar qiymati Davlat budjetidan qoplab beriladi.

Avvalroq Kursiv Uzbekistan Toshkentda noqonuniy dori sotganlar qo‘lga olingani haqida yozgan edi.

O‘zbekiston Madaniyat vazirligi konsert tashkilotchilariga tadbirlarning batafsil ssenariylarini milliy qadriyatlar va an’analarga muvofiqligini tekshirish uchun «O‘zbekkonsert»ga yuborishni taklif qildi. Bu haqda vazirlik qarori loyihasida ko‘rsatiladi.

Bu sahnada artistlarning «nomunosib xatti-harakatlari»ning oldini olish maqsadida amalga oshiriladi. Arizalarni ko‘rib chiqish uchun yig‘imlarni ham joriy etish ham rejalashtirilmoqda. Tashkilotchilar ssenariyni boshqa hujjatlar bilan birga taqdim etishlari kerak bo‘ladi.

Konsert tashkilotchilari arizalarni ko‘rib chiqish uchun yig‘imni quyidagi miqdorlarda to‘lashlari kerak: Toshkent shahrida – beshta bazaviy hisoblash miqdori, viloyat markazlarida – uchta bazaviy hisoblash miqdori, boshqa aholi punktlarida – bir bazaviy hisoblash miqdori. Yig‘im faqat konsert-tomosha faoliyati tashkilotchilariga tegishlidir.

Avvalroq Kursiv O‘zbekistonda 30 Seconds...

1-oktabr kuni Qirg‘iziston Iqtisodiyot vazirligi parlamentga qonun loyihasini kiritdi, unga ko‘ra, yuridik shaxslar ish haqini naqd shaklda to‘laganlik uchun besh ming som (755 ming o‘zbek so‘mi) jarimaga tortiladi. Bu haqda Tazabek portali xabar beradi.

Yangi qonun Qirg‘iziston Respublikasining Huquqbuzarliklar to‘g‘risidagi kodeksini ish haqini naqd pulsiz to‘lash bo‘yicha talablarni bajarmaslikka oid 90-modda bilan to‘ldirishni nazarda tutadi.

Vazirlar Mahkamasi ma’lum bir faoliyat turlari yoki hududlar uchun ish haqini naqd pulda to‘lash mumkin bo‘lgan shartlarni belgilashi mumkin.

Avvalroq Kursiv Uzbekiston O‘zbekistonga Qirg‘izistonning to‘rtta pansionati berilganini yozgan edi.

O‘zbekistonda kreativ industriya parki tashkil etiladi, bu haqda Lex.uz portalida e’lon qilingan tegishli qonunda aytilgan.

Klasterning asosiy vazifalari qatoriga kreativ iqtisodiyotga investitsiyalarni jalb qilish, innovatsiyalar va ijodkorlikni qo‘llab-quvvatlash kiradi.

Park ta’lim muassasalari, biznes-inkubatorlar va akseleratorlar bilan hamkorlik qilishi mumkin. Bundan tashqari, klaster direksiyasiga mahalliy va xorijiy hamkorlar bilan shartnomalar tuzishga ruxsat berildi.

Ushbu sohada faoliyat yurituvchi va kreativ faoliyatdan kamida 80 foiz daromad oluvchi kompaniyalar park rezidenti bo‘lishi mumkin. Klasterda ular maslahat xizmatlarini olishlari, akseleratsiya dasturlarida ishtirok etishlari mumkin bo‘ladi.

Avvalroq Kursiv Uzbekistan Qatar O‘zbekistonning madaniy boyliklarini restavratsiya qilishda yordam berishini yozgan edi.

6-oktabr kuni Qozog‘istonda atom elektr stansiyasi (AES) qurilishi bo‘yicha referendum bo‘lib o‘tmoqda. Uchastkalar respublika bo‘ylab va Qozog‘iston diplomatik vakolatxonalarida soat 20:00 gacha ochiq.

O‘zbekistonda saylov uchastkasi Qozog‘iston Respublikasining Toshkentdagi elchixonasida faoliyat yuritadi. Birinchi bo‘lib qo‘shni davlat fuqarolari mamlakatimizda ertalabki soat 7 da ovoz berishdi.

Byulletenda ikkita javob varianti bilan bitta savol bo‘ladi: «ha, roziman» va «yo‘q, rozimasman». Referendum 50 foizdan ortiq kishi qatnashgan taqdirda o‘tkazilgan deb e’tirof etiladi.

AES qurilishi bo‘yicha referendumni tashkil etish uchun Qozog‘iston hukumati 15,5 milliard tenge yoki $31,9 mln ajratdi.

Eslatib o‘tamiz, Qozog‘istonda elektr stansiyasini qurish bilan Xitoyning CNNC, Janubiy Koreyaning KHNP va Rossiyaning «Rosatom...

Bugun, 6-oktabr kuni Samarqand, Jizzax, Sirdaryo, Toshkent viloyatlarida va Farg‘ona vodiysida yog‘ingarchilik bo‘ladi. O‘rtacha havo harorati 20-25° bo‘ladi. Bu haqda Gidrometeorologiya xizmati agentligi xabar beradi.

Poytaxtda ham havo bulutli bo‘lib yog‘ingarchilik kuzatiladi. Kunduzi havo 24-darajagacha isiydi, kechga kelib esa 10-14 daraja iliq bo‘ladi,

Tog‘li hududlarda ham yomg‘ir yog‘adi, ba’zi joylarda jala quyishi mumkin. Tepaliklarda qorga aylanib tuman tushishi mumkin. Kunduzi havo 10-15 daraja iliq bo‘ladi.

Avvalroq Kursiv Uzbekistan Oʻzbekistonda qanday ob-havo kuzatilishi haqida yozgan edi.

Malayziya islom sugʻurtasi – takaful tamoyillarini Oʻzbekistonda joriy qilishni rejalashtirmoqda. Bu haqda «Dunyo» axborot agentligi xabar berdi.

Oʻzbekistonning Malayziyadagi elchixonasida boʻlib oʻtgan uchrashuvda hamkorlik istiqbollari muhokama qilindi. Unda mahalliy Startegic Horizon Management System va Abkari Risk Management kompaniyalari rahbariyati ishtirok etdi.

Malayziyalik mutaxassislar Oʻzbekistonda dastlabki bosqichda davlat sugʻurta kompaniyalari tarkibida alohida takaful xizmatlarini tashkil etish orqali ushbu tajribani bosqichma-bosqich xususiy sugʻurta kompaniyalarida tatbiq etishni taklif qilmoqda.

Takafulning oddiy sugʻurtadan farqi – unda maxsus sugʻurta jamgʻarmasi tuziladi. Jamgʻarma a’zolari oldindan e’lon qilingan tartib-qoidaga koʻra, sugʻurta uchun toʻlangan badallar jamgʻarmaga kiritiladi.

Avvalroq «Kursiv» Oʻzbekistondagi eng yirik, samarali va tez rivojlanayotgan sugʻurta...

AQSh prezidentligiga respublikachilar partiyasidan nomzod Donald Tramp Shimoliy Karolinada saylovchilar bilan uchrashuvda Isroil Eron yadroviy inshootlariga zarba berishi mumkinligi haqida fikr bildirdi. Bu haqda TASS nashri xabar bermoqda.

Tramp AQShning amaldagi prezidenti Jo Baydenning Isroil Erondagi yadro inshootlariga hujum qilmasligi kerakligi haqidagi soʻzlariga izoh berdi.

«Menimcha, u (Bayden — tahr.) adashadi. Bu siz boradigan nishon emasmi? Yadro quroli eng katta xavfdir», — deya taʼkidladi Tramp.

Trampning soʻzlariga koʻra, avval yadroviy obyektlarga zarba berish kerak, shundan keyingina qolgan hamma narsa haqida qaygʻurish kerak.

Avvalroq Kursiv Uzbekistan Eron keng koʻlamli urushga intilayotgani haqida xabar bergan...