Yangiliklar

Uzbekistan Airports kompaniyasi Toshkent xalqaro aeroportida dam olish kapsulalari, bank-maslahat xizmatlari va xalqaro SIM-kartalar sotish shoxobchalari uchun joylarni ijaraga taklif qilmoqda. Bu haqda kompaniya matbuot xizmati xabar berdi.

E-auksion platformasida joylashtirilgan lotlarning boshlang‘ich narxlari belgilandi:

Shuningdek, yangi yuk terminalida aviakompaniyalar va deklarant xizmatlari uchun ofis joylari ijaraga taklif etilmoqda. Har 1 kv.m uchun boshlang‘ich baho yiliga 800 ming so‘mni tashkil etadi.

Auskionda ishtirok etish uchun savdo maydonchasi...

Prezident Shavkat Mirziyoyev 2025-yilni «Atrof-muhitni asrash va «yashil» iqtisodiyot yili» deb e’lon qilishni taklif etdi. Majlisda bu tashabbus toʻliq qoʻllab-quvvatlandi.

Mirziyoyev oʻz nutqida iqlim oʻzgarishlari va atrof-muhit muammolari global miqyosda oʻsib borayotganini ta’kidladi. Shuningdek, u Oʻzbekistonning «Yashil makon» loyihasi va Markaziy Osiyo atrof-muhit strategiyasiga qoʻshilganligini eslatib oʻtdi.

Bundan tashqari, hukumat «yashil» texnologiyalarni rivojlantirish, suvni tejash, koʻkalamzor hududlarni kengaytirish va chiqindilarni boshqarish kabi masalalarga alohida e’tibor qaratishi zarurligini qayd etdi.

Avvalroq Kursiv Uzbekistan bosh vazirlik lavozimiga Abdulla Aripov nomzodi ko‘rib chiqilayotgani haqida xabar bergan edi.

O‘zbekistonda Chevrolet Cobalt mexanik uzatmali avtomobili (MT) sotuvdan olindi, degan xabarlar ijtimoiy tarmoqlarda tarqaldi. UzAuto Motors kompaniyasi ushbu ma’lumotni asossiz (feyk) ekanini e’lon qildi.

Kompaniya rasmiy bayonotida Chevrolet Cobalt MT avtomobilini ishlab chiqarish to‘xtatilishi haqida hech qanday rasmiy e’lon qilinmaganini ta’kidladi. Shuningdek, media vakillari va blogerlarga tasdiqlanmagan xabarlarni tarqatmaslikni tavsiya etdi.

Ta’kidlash joizki, savdo.uzavtosanoat.uz elektron platformasida ayni vaqtda sotuvda Chevrolet Cobalt modeli mavjud emas. UzAuto Motors ushbu model uchun yangi shartnomalar ochilish sanasini hali e’lon qilmagan. Hozirgi kunda Cobalt’ga o‘xshash avtomobillar orasida faqat Onix uchun shartnoma tuzish mumkin (2024-yil 20-noyabr holatiga ko‘ra).

Eslatib o‘tamiz, avvalroq Kursiv Uzbekistan...

Joriy yilning 21 – 24-noyabr kunlari O‘zbekiston Milliy kino san’ati saroyida «Fransiya premyeralari festivali» doirasida bir nechta fransuz filmlari namoyish etiladi. Bu haqda Kinemotagrafiya agentligi matbuot xizmati xabar berdi.

Namoyishlar jadvali:

Tadbir Fransiyaning O‘zbekistondagi elchixonasi va Milliy kinematografiyani rivojlantirish markazi hamkorligida tashkil etilgan.

Avvalroq Kursiv Uzbekistan «Ipak yo‘li» xalqaro kinofestivalida «O‘zbek kinosi kunlari» bo‘lib o‘tgani haqida yozgan edi.

19-noyabr, seshanba kuni Kuba Tashqi ishlar vaziri oʻrinbosari Jozefina Vidal Ferreyro TIV binosida Ulugʻbek Lapasovni qabul qildi. Bu haqda Kuba TIV matbuot xizmati xabar berdi.

Uchrashuvda Lapasov Oʻzbekistonning Kubadagi Favqulodda va muxtor elchisi etib tayinlanganini tasdiqlovchi ishonch yorliqlarini topshirdi.

Avvalroq «Kursiv» Oybek Usmonov Oʻzbekistonning Afgʻonistondagi elchisi etib tayinlangani haqida xabar bergan edi.

«Toshkent» Respublika fond birjasi (RFB) orqali Olmaliq kon-metallurgiya kombinatining (OKMK) 175 milliondan ortiq aksiyalari sotildi. Bu haqda savdo maydonchasida ma’lum qilindi.

Savdo 19-noyabr kuni boʻlib oʻtdi. Aksiyalarning oʻrtacha narxi 69,5 ming soʻm boʻlib, bitimlarning umumiy hajmi qariyb 12,2 trillion soʻmni tashkil qildi.

Kap Depo investitsiya kompaniyasi ma’lumotlariga koʻra, bitim summasi «Toshkent» respublika fond birjasi faoliyati davomida rekord koʻrsatkich boʻlgan.

Ma’lumot uchun, OKMK Oʻzbekistondagi eng yirik kon-metallurgiya korxonalaridan biridir. Kombinatda mis, oltin, kumush, rux va boshqa metallar, jumladan, volfram va molibden ishlab chiqariladi. 2024-yilning uchinchi choragi yakunlariga koʻra, OKMKning daromadi 27 trillion soʻmga oshgan.

Kombinat Oʻzbekistondagi eng yirik...

O‘zbekiston qo‘shni davlatlar bilan aloqalarni mustahkamlash maqsadida Qozog‘iston va Tojikistonga ID-karta orqali sayohat qilishga kelishib olishni rejalashtirmoqda. Bu haqda prezident matbuot xizmati xabar berdi.

«Hozirgi vaqtda fuqarolarimiz Qirgʻizistonga ID-karta bilan bemalol borib-kelmoqdalar. Endi shunday tartibni Qozogʻiston va Tojikiston bilan ham joriy etish rejalashtirilgan» , – deb ta’kidladi davlat rahbari.

Shu maqsadda prezident Tashqi siyosat konsepsiyasini yangilash zarurligini aytib o‘tdi.

Avvalroq Kursiv Uzbekistan Shavkat Mirziyoyev hukumatning kelgusi besh yillik faoliyati uchun ustuvor yo‘nalishlarni belgilagani haqida yozgan edi.

Shavkat Mirziyoyev O‘zbekiston Respublikasi bosh vaziri lavozimiga Abdulla Nig‘matovich Aripov nomzodini ilgari surishga qaror qilganini aytdi. Bu haqda Qonunchilik palatasi matbuot xizmati ma’lum qildi.

Unga ko‘ra Abdulla Aripovning ijro hokimiyati sohasida boy tajriba va chuqur bilimga ega ekani, shuningdek, mas’uliyatni teran his qilib, yuqori tashkilotchilik qobiliyatini namoyon etib kelayotgani qayd etildi.

Bosh vazir lavozimiga nomzod Abdulla Aripov Vazirlar Mahkamasining yaqin muddatga va uzoq istiqbolga mo‘ljallangan Harakat dasturini taqdim etmoqda.

Eslatib o‘tamiz, avvalroq Shavkat Mirziyoyev hukumatning kelgusi besh yillik faoliyati uchun ustuvor yo‘nalishlarni belgilab bergan edi.

Toshkent viloyatidagi Nurafshon tug‘uruqxonasida 6 kg 865 gramm vaznli o‘g‘il bola dunyoga keldi, deb xabar berdi viloyat sog‘liqni saqlash boshqarmasi matbuot xizmati.

Shifokorlar bolaning ahvolini qoniqarli deb baholadi. Yangi tug‘ilgan chaqaloq va uning onasi shifokorlar nazoratida.

Mahalliy sog‘liqni saqlash boshqarmasi boshlig‘i o‘rinbosari Feruza Rahmatullayevaning aytishicha, bunday holat viloyatda birinchi marta kuzatilgan.

Avvalroq Kursiv Uzbekistan nashri O‘zbekistonda tug‘ilishning kamaygani qayd etilgani haqida yozgan edi.

Shavkat Mirziyoyev hukumatning kelgusi besh yillik faoliyati uchun ustuvor yo‘nalishlarni belgilab berdi. Bu haqda prezident matbuot xizmati ma’lum qildi.

Unga ko‘ra, iqtisodiyotda 6-7 foizlik o‘sish sur’atini ta’minlash, inflyatsiyani 5-6 foiz darajasida ushlash va yillik kreditlash hajmini $30 mlrd.ga yetkazish asosiy maqsadlar etib belgilandi. Shu bilan birga, $100 mlrd.lik xorijiy investitsiyalarni o‘zlashtirish va yillik eksport hajmini $45 mlrd.ga olib chiqish, unda tayyor mahsulotlar ulushini 50 foizga yetkazish zarurligi ta’kidlandi.

Turizm sohasida xorijiy sayyohlar oqimini 15 mln.ga, turizm xizmatlari eksportini esa $5 mlrd.ga yetkazish imkoniyatlari mavjudligi qayd etildi.

Norasmiy iqtisodiyotni qisqartirish uchun raqamli texnologiyalarni keng joriy etish, naqd pulsiz hisob-kitoblarni rivojlantirish...

Joriy yilning III choragida respublika boʻyicha biznes muhiti ijobiy tendensiyalarni davom ettirdi. Tadbirkorlar orasida oʻtkazilgan soʻrovnomaga koʻra, ishtirokchilarning 57 foizi biznes muhiti yaxshilanganini ta’kidladi. Bu haqda Markaziy bank hisobotida ma’lum qilindi.

Qayd etilishicha, bank xizmatlari sifati, kredit olish imkoniyatlari va litsenziya olish jarayonlarining soddalashuvi tadbirkorlik muhitini yaxshilashga ijobiy taʼsir koʻrsatgan. Oʻz navbatida, bojxona tariflari, soliq maʼmurchiligi, monopollashuv darajasi va energiya taʼminoti sohalarida sezilarli oʻzgarishlar kuzatilmagani ta’kidlandi.

Shuningdek, qoʻshimcha ishchi kuchiga boʻlgan talabda ayrim hududlarda oʻsish kuzatildi, ayniqsa, Samarqand va Andijon hududlarida. Turizm, maishiy xizmatlar va ishlab chiqarish sohalarida ishchi kuchiga boʻlgan talabning ortishi kuzatildi.

Tadbirkorlar uchun kreditlarga boʻlgan ehtiyoj...

Shavkat Mirziyoyev Oliy Majlis Qonunchilik palatasi majlisida bugungi murakkab global sharoitda tinchlik va barqarorlikni saqlab qolish, iqtisodiyotda izchil o‘sishni ta’minlash oson bo‘lmaganini aytdi. Bu haqda davlat rahbari matbuot kotibi Sherzod Asadov ma’lum qildi.

Unga ko‘ra, kelgusi besh yil ichida O‘zbekiston aholisi soni 40 mln.dan oshishi kutilmoqda. Bu katta imkoniyatlar eshigini ochsa-da, yangi va murakkab vazifalarni ham kun tartibiga olib chiqadi.

Shuningdek, kambag‘allikni qisqartirish, ekologiya, energetika, transport, ichimlik suvi ta’minoti, uy-joy qurilishi kabi sohalarda ehtiyojlar ham ortib bormoqda.

Ushbu dolzarb muammolarni hal etish hukumat oldidagi asosiy sinov bo‘lib, bosh vazirlikka nomzod ko‘rsatilgan shaxs bu masalalarning barchasi bo‘yicha o‘z dasturini...

20-noyabr, chorshanba kuni Toshkent shahrida atmosfera havosining ifloslanishi darajasi ruxsat etilgan me’yordan 7,4 baravarga oshdi. Bu haqda IQAir monitoring platformasi xabar berdi.

Platforma ma’lumotlariga koʻra, atmosferaning asosiy ifloslantiruvchisi PM2,5 dir. U chang zarralari, avtomobil shinalari va asfaltdan iborat.

Bugun O‘zbekiston poytaxti havosi nafas yo‘llari kasalliklariga chalinganlar uchun zararli hisoblanadi.

20-noyabr holatiga ko‘ra, Toshkent havosi eng yuqori ifloslangan shaharlar reytingida 23-o‘rinni egalladi.

Avvalroq Kursiv Uzbekistan 19-noyabr kuni Toshkentdagi havo sifati ko‘rsatkichlari haqida yozgan edi.

Marsni zabt etishi rejalashtirilayotgan SpaceX Starship kosmik kemasining oltinchi sinov parvozi muvaffaqiyatli yakunladi. Bu haqda kompaniya matbuot xizmati xabar berdi.

Kemaning ishga tushirish jarayoni 20-noyabr kuni Toshkent vaqti bilan soat 03:00 da, Texasdagi Starbase maydonchasida Starship S31 kosmik kemasi va Super Heavy B13 uchirish raketasi tarkibida amalga oshirildi.

Ma’lum qilinishicha, barcha dvigatellar normal ishladi, uchirilgandan 2 daqiqa 39 soniya o‘tib bosqichlar «issiq ajralish» rejimida almashdi. Super Heavy B13 suvga qo‘ndi, Starship S31 esa hisoblangan suborbital trayektoriyaga chiqdi.

Shundan so‘ng, ilk bor kosmosda Raptor dvigatellaridan biri qayta ishga tushirildi. Taxminan 20 daqiqa o‘tib, Starship S31 Hind okeaniga muvaffaqiyatli qo‘ndi.

Jaguar transmilliy avtomobil konserni an’anaviy yaguar logotipidan voz kechib, o‘z dizaynini tubdan o‘zgartirdi. Bu haqdagi e’lon brendning rasmiy saytida e’lon qilindi.

Unga ko‘ra, endi logotipda yaguar o‘rniga uch o‘lchamli J va R harflari aks etadi.

Kompaniya asoschisi ser Uilyam Lyons Jaguar’ni hech narsaning nusxasi bo‘lmasligini aytdi.

«Bugungi kunda Jaguar brendi uchun bizning qarashimiz aynan shu falsafadan ilhomlangan. Yangi Jaguar – bu «Exuberant Modernism» (Jo‘shqin Modernizm) atrofida shakllangan brenddir. U har bir nuqtasida tasavvurga boy, dadil va san’atkorona yondashuvni namoyish etadi. Jaguar o‘ziga xos va qo‘rqmas brenddir», – deydi asoschi.

Yangi Jaguar brendi kontseptsiyasining boshqa...

2024-yilning 20 – 30-noyabr kunlari Toshkent shahri yuqori darajadagi xalqaro shaxmat turnirga mezbonlik qiladi. Bu haqda poytaxt hokimligi axborot xizmati xabar berdi.

Musobaqada quyidagi shaxmatchilarning ishtirok etishi kutilmoqda:

Avvalroq «Kursiv» oʻzbekistonlik shaxmatchi Afruza Hamdamova jahon chempioni boʻlgani haqida...

Birlashgan Millatlar Tashkilotining (BMT) bola huquqlari bo‘yicha qo‘mitasi sobiq rahbari Renata Vinter qonunni buzgan voyaga yetmaganlar bilan bog‘liq vaziyatni muhokama qilish uchun O‘zbekistonga keldi. Bu haqda UNICEF Uzbekistan Telegram-kanali xabar berdi.

Vinter Oʻzbekistonning bir qator vazirliklari va idoralari vakillari bilan muzokaralar oʻtkazdi. Suhbat davomida voyaga yetmagan jinoyatchilar uchun qamoqdan boshqa jazo turlarini joriy etish imkoniyati muhokama qilindi.

«Ozodlikdan mahrum qilish so’nggi chora bo’lib, faqat zarurat tug’ilganda qo’llanilishi va muntazam ravishda qayta ko’rib chiqilishi kerak», – deydi Renate Vinter.

Vinterning fikricha, voyaga yetmagan huquqbuzarlarga nisbatan muqobil jazo choralari ularning jamiyatga tezroq qaytadan integratsiyalashuviga yordam beradi.

Avvalroq Kursiv Uzbekistan 2023-yilda ikki...

O‘zbekiston va Rossiyaning transport sohasidagi vakillari Moskva shahrida bo‘lib o‘tgan uchrashuvda temir yo‘l loyihalarini birgalikda amalga oshirish bo‘yicha kelishuvga erishdi. Bu haqda O‘zbekiston Transport vazirligi matbuot xizmati xabar berdi.

Mazkur uchrashuvda O‘zbekiston Transport vaziri Ilhom Mahkamov va Rossiya Transport vaziri Roman Starovoyt ishtirok etdilar. Uchrashuv yakunida tomonlar o‘zaro anglashuv memorandumini imzoladilar.

Hujjatga muvofiq ikki mamlakat Kaspiy dengizi orqali o‘tuvchi yangi yo‘nalishlardan birgalikda foydalanishi mumkin.

Eslatib o‘tamiz, avvalroq Kursiv Uzbekistan 2025-yil boshidan Toshkent – Moskva yo‘nalishida qatnovchi yo‘lovchi poyezd haftasiga ikki marta harakatlanishni boshlashi haqida xabar bergan edi.

20-noyabr, chorshanba kuni Bitkoin yana tarixiy maksimumni yangiladi. Bir dona kriptovalyutaning narxi $93 mingdan oshdi. Bu haqda Investing.com xabar berdi.

Toshkent vaqti bilan soat 06:45 da bitkoinning narxi $91,8 mingni tashkil etdi. Eng yuqori narx esa $93,9 ming boʻlgan.

Amerika Qoʻshma Shtatlari prezidenti lavozimiga Donald Trampning saylanishidan soʻng ushbu aktiv turini qoʻllab-quvvatlashini bildirgani sababli, kriptovalyuta kursi koʻtarilib ketdi.

Avvalroq Kursiv Uzbekistan 12-noyabr kuni bitkoin narxi $89 mingdan oshgani haqida yozgan edi.

Bugun, 20-noyabr kuni Qoraqalpog‘iston Respublikasi, Xorazm, Qashqadaryo, Surxondaryo viloyatlarida quruq ob-havo bo‘ladi. O‘zbekistonning boshqa viloyatlarida yomg‘ir yog‘adi. O‘rtacha harorat 13-18 daraja iliq bo‘ladi. Bu haqda Gidrometeorologiya xizmati agentligi xabar berdi.

Poytaxtda havo bulutli bo‘ladi, ertalab va kechasi yomg‘ir yog‘ishi ehtimoli bor. Kunduzi 13-15 daraja iliq, kechga kelib 8-10 daraja iliq bo‘ladi.

Tog‘li hududlarda ham yomg‘ir va qor yog‘adi, ba’zi hududlarda yog‘ingarchilik kuchayishi mumkin. Kunduzi harorat 2-7 daraja iliq, kechasi 2 daraja sovuq bo‘ladi.

Oʻzbekistonning Uzcard milliy toʻlov tizimi va Qirgʻizistonga tegishli Elkart integratsiyasi ikki bosqichda amalga oshiriladi. Bu haqda Trend Qirgʻiziston Respublikasi banklararo protsessing markaziga tayanib ma’lum qildi.

Unga ko‘ra, O‘zbekiston va Qirg‘iziston milliy to‘lov tizimlari o‘rtasida hamkorlik haqida memorandum imzolangan. Ushbu kelishuv ikki davlat o‘rtasida yagona to‘lov ekotizimini yaratishga qaratilgan.

Hamkorlik bir necha bosqichda amalga oshiriladi. Birinchi bosqichda, Uzcard va Elkart kartalari o‘rtasida pul o‘tkazmalari qilish imkoniyati yaratiladi. Ikkinchi bosqichda esa, bankomatlar orqali naqd pul yechish va POS-terminallar orqali xaridlarni amalga oshirish imkoniyati joriy etiladi.

Loyihada zamonaviy texnologiyalar qo‘llanilib, ma’lumotlarning xavfsizligi va tranzaksiyalarning tezkorligini ta’minlash maqsad qilingan. Bu ikki davlat o‘rtasidagi...

2025-yil oxiriga borib davlat qarzi hajmi $45,1 mlrd.ga yetishi mumkin. Prognoz Iqtisodiyot va moliya vazirligi tomonidan taqdim etildi.

Unga ko‘ra, bu mamlakat yalpi ichki mahsulotining (YaIM) 36,7 foizini tashkil etadi.

Tashqi qarz 2024-yil yakunida 33,9 mlrd.dan 39,4 mildr.ga ko‘tarilishi kutilmoqda. 2025-yilda davlat obligatsiyalarining sof chiqarilishi 30 trln so‘mni tashkil etadi.

Vazirlikning hisob-kitoblariga ko‘ra, 2024-yil oxiriga kelib davlat qarzi 39,7 milliard dollarga teng bo‘ladi. Shu bilan birga, joriy yilda davlat qarzi 13,8 foizga o‘sadi, 2025-yilda esa bu ko‘rsatkich yana 13,6 foizga oshishi prognoz qilinmoqda.

Bu raqamlar davlat moliyaviy siyosati uchun muhim ko‘rsatkich bo‘lib, iqtisodiyot barqarorligini ta’minlash uchun qo‘shimcha choralar talab...

2023-yilda O‘zbekiston Qirg‘izistondan jami 127,4 tonna suyultirilgan va tabiiy gaz import qilgan bo‘lsa, joriy yilning to‘qqiz oyi davomida bu ko‘rsatkich 654,9 tonnaga yetdi. Bu o‘tgan yilning shu davriga nisbatan 5,1 baravar ko‘pdir, deb xabar bermoqda Tazabek internet nashri.

2024-yilning yanvar – sentabr oylarida O‘zbekiston Qirg‘izistondan $322 minglik gaz import qildi. 2023-yilda esa ko‘rsatkich $52 mingni tashkil etgan edi.

Ma’lumot uchun: 2024-yil kuz-qish mavsumida O‘zbekiston aholisiga jami 21 milliard kub metr gaz yetkazib berilishi rejalashtirilgan.

Eslatib o‘tamiz, avvalroq Kursiv Uzbekistan nashri O‘zbekistonda suyultirilgan gaz narxi 14 foizga arzonlashgani haqida xabar bergan edi.

2024-yil 8-noyabr kuni Respublika Tovar-xomashyo birjasi aksiyalarini sotib olish uchun arizalar qabul qilish yakunlandi. Bu haqda birja matbuot xizmati ma’lum qildi.

Unga ko‘ra, Davlat aktivlarini boshqarish agentligi tomonidan 3 326 031 dona aksiyalar (4,4%) ikkilamchi ommaviy joylashtirish orqali sotildi. Aksiyalar narxi 12,9 mingdan 18 ming so‘mgacha belgilangan. Umumiy arizalar hajmi 46,9 mlrd so‘mni tashkil etdi, ulardan 42,9 mlrd so‘mlik aksiyalar muvaffaqiyatli sotildi.

Mazkur IPO prezidentning 2024-yil 19-apreldagi PQ-162-son qaroriga muvofiq amalga oshirilgan bo‘lib, fond bozorini aholiga yanada yaqinlashtirish va milliy birja tizimiga ishonchni mustahkamlash yo‘lida muhim qadam bo‘ldi.

«Toshkent» Respublika fond birjasi barcha investorlarni faol ishtiroklari uchun minnatdorlik bildirdi...