Yangiliklar

Siyosiy va fuqarolik erkinliklari reytingida Oʻzbekiston 100 balldan 12 ball toʻplab, Markaziy Osiyo davlatlari orasida uchinchi oʻrinni egalladi. Bu haqda Freedom House tomonidan e’lon qilingan baholash natijasida ma’lum qilindi.

Fuqarolik va siyosiy erkinliklarning rivojlanish darajasi boʻyicha Oʻzbekiston Tojikiston (5 ball) va Turkmanistonni (1 ball) ortda qoldirdi. Tashkilot ekspertlari Qozogʻistondagi erkinlik darajasini 23 ballga baholagan.

Freedom House tashkiloti Qirgʻizistonni Markaziy Osiyodagi eng erkin davlat deb topdi. U 26 ballga loyiq koʻrildi (mamlakat 2020-yilda 39 ball olgan edi).

Freedom House metodologiyasiga koʻra, Oʻzbekiston erkin boʻlmagan davlatlar toifasiga kiradi. Biroq uning reytingdagi mavqeyi asta-sekin yaxshilanib bormoqda. 2020-yilda respublika oʻn ball toʻplagan boʻlsa...

Endilikda musiqiy ta’lim sifatini oshirish maqsadida musiqa madaniyati fani o‘qituvchilari uchun nazariya va amaliyot uyg‘unlashgan holda malaka oshirish tizimi yo‘lga qo‘yiladi. Bu haqda Adliya vazirligi ma’lum qildi.

Unga ko‘ra, ta’lim dasturining nazariy qismi Abdulla Avloniy nomidagi pedagogik mahorat milliy instituti hamda hududiy pedagogik markazlarda, amaliy qismi esa bolalar musiqa va san’at maktablarida tashkil etiladi. Ushbu markazlarga ishga qabul qilinadigan o‘qituvchilarga soatbay asosda ish haqi to‘lanadi.

Eslatib o‘tamiz, avvalroq diniy tashkilotlar o‘rtasidagi munosabat tartibga solinishi haqida yozgan edik.

Uzbekistan Airways kompaniyasining 28-fevral kungi Toshkent – Myunxen – Toshkent yoʻnalishi boʻyicha reysi bekor qilindi. Bu haqda UzAirways xabar bermoqda.

Myunxen aeroportdan olingan xabarga koʻra, 28-fevral kungi reys bekor qilindi. Yoʻlovchilar 2-mart kuni rejalashtirilgan reysga qayta bron qilishi yoki aviakompaniyaning Germaniyadagi boshqa rejalariga oʻzgartirishi mumkin.

Shuningdek, mablagʻni qaytarish imkoniyati ham taqdim etiladi.

Eslatib oʻtamiz, Kursiv Uzbekistan Centrum Air aviakompaniyasi Toshkentdan Olmaotaga parvozlarni yoʻlga qoʻyishi haqida yozgan edi.

Amerikalik tadbirkor Ilon Mask va uning kompaniyalari mamlakatdan davlat shartnomalari, kreditlar, subsidiyalar hamda soliq imtiyozlari shaklida kamida $38 milliard olgani aniqlandi. Bu haqda The Washington Post nashri xabar berdi.

Manbalarga koʻra, ushbu mablagʻning uchdan ikki qismi soʻnggi besh yilda ajratilgan. Faqatgina 2024-yilda Mask kompaniyalari $6,3 milliard davlat yordami olgan. Jami ajratilgan mablagʻ esa bundan ham koʻproq boʻlishi mumkin.

Eslatib oʻtamiz, Ilon Mask va Donald Tramp ma’muriyati hukumat xarajatlarini qisqartirish va davlat idoralarining samaradorligini oshirish maqsadida federal xodimlardan oʻz ish natijalari haqida hisobot talab qilmoqda.

Avvalroq Kursiv Uzbekistan Ilon Mask oʻzining haydovchisiz taksi xizmatini ishga tushirishni rejalashtirayotgani haqida xabar...

AQSh sudi prezident Donald Tramp ma’muriyatiga ikki kun ichida AQSh Xalqaro taraqqiyot agentligi (USAID) orqali ajratiladigan xorijiy yordamni qayta tiklash majburiyatini yukladi. Bu haqda Associated Press xabar bermoqda.

Ma’lum qilinishicha, mazkur hukm USAIDʼning barcha dasturlarini moliyalashtirishni toʻxtatishga qarshi da’vo boʻyicha Kolumbiya okrugi sudida boʻlib oʻtgan eshituv natijalariga koʻra chiqarildi. Okrug sudyasi Amir Aliga koʻra, rasmiylar blokdan chiqarish toʻgʻrisidagi avvalgi qarorni bajarmagan.

Sudga shikoyat notijorat tashkilotlari tomonidan kiritilgan. Ular USAID va davlat departamenti orqali xorijga koʻrsatiladigan yordamning toʻxtatilishiga qarshi chiqmoqda.

Eslatib oʻtamiz, Amerika prezidentligiga qayta saylangan Donald Tramp oʻz lavozimiga kirishganidan soʻng USAID yordamini 90 kunga muzlatib qoʻygan edi.

Angliya Premyer ligasining 27-turi doirasidagi markaziy uchrashuvlardan biri 26-fevral oqshomida boʻlib oʻtdi. Unda «Tottenhem» oʻz maydonida «Manchester Siti»ni qabul qildi.

Londondagi «Tottenhem Hotspur» stadionida kechgan uchrashuvda «Shaharliklar» minimal 1:0 hisobda gʻalaba qozondi. Uchrashuvdagi yagona golga Erling Holand mualliflik qildi. Norvegiyalik hujumchi 12-daqiqada raqib darvozasini ishgʻol qilib, jamoasiga qimmatli uch ochkoni taqdim etdi.

Mazkur turdan keyin Pep Gvardiola boshqaruvidagi «Manchester Siti» ochkolar sonini 47 taga yetkazib, turnir jadvalida 4-oʻringa koʻtarildi.

Ushbu bahsda Oʻzbekiston MTJ a’zosi Abduqodir Husanov boshlangʻich tarkibda maydonga tushdi va toʻliq 90 daqiqa harakat qildi. Sofascore nashri Husanovning harakatlariga 7 ball qo‘ydi.

Avvalroq Kursiv Uzbekistan «Manchester Siti» oʻz maydonida...

O‘zbekistonda vijdon erkinligini ta’minlash va diniy sohadagi davlat siyosatini tartibga solish bo‘yicha yangi qonun qabul qilindi. Bu haqda Adliya vazirligi ma’lum qildi.

Unga ko‘ra, 2025-yil 25-fevralda tasdiqlangan ushbu konsepsiya fuqarolarning vijdon erkinligi huquqini himoya qilish, davlatning dunyoviyligiga oid konstitutsiyaviy tamoyillarni amalga oshirish hamda diniy siyosatning asosiy yo‘nalishlarini belgilashga qaratilgan.

Konsepsiya O‘zbekistonning boy tarixiy tajribasi va umuminsoniy qadriyatlarga asoslangan bo‘lib, turli millat va konfessiyalarning tinch-totuv yashashini ta’minlash, demokratiya, tenglik va bag‘rikenglik tamoyillarini mustahkamlashga xizmat qiladi.

Yangi hujjatning asosiy maqsadi – fuqarolarning vijdon erkinligi huquqlarini teng sharoitda ta’minlash, diniy tashkilotlar o‘rtasida hurmat va hamjihatlikni rivojlantirish, konfessiyalararo totuvlik va jamiyatda diniy bag‘rikenglikni...

O‘zbekiston Respublikasining «Ov qilish va ovchilik xo‘jaligi to‘g‘risida»gi qonuniga muvofiq, 1-martdan 15-avgustgacha ov mavsumi yopiladi. Bu haqda Ekologiya vazirligi ma’lum qildi.

Bu davrda yovvoyi hayvonlar va qushlarni ovlash qat’iyan taqiqlanadi. Qoidabuzarlarga nisbatan qonuniy choralar ko‘riladi.

Vazirlik fuqarolardan tabiatga ehtiyotkorona munosabatda bo‘lishni so‘rab, noqonuniy ov holatlari haqida 1157, 1207, (71) 207-11-07, (71) 207-11-08 raqamlariga yoki ecogovuz_bot telegram botiga xabar berishlarini so‘radi.

Eslatib o‘tamiz, avvalroq noqonuniy ovchilar 50 million so‘mdan ortiq jarimaga tortilgan edi.

Angren shahrida jamoat transporti yanada qulay va zamonaviylariga yangilanmoqda. Bu haqda Transport vazirligi ma’lum qildi.

Unga ko‘ra, «Angren Avto Group» MCHJ tomonidan Xitoydan 15 ta Yutong rusumli avtobuslarni xarid qilish bo‘yicha shartnoma imzolandi. Ushbu avtobuslar bank krediti asosida olib kelinib, tez orada aholi xizmatiga topshiriladi.

Eslatib o‘tamiz, avvalroq Toshkentga yana mingta Yutong avtobuslari olib kelinishi haqida yozgan edik.

Respublikaning ko‘p hududlarida havo biroz bulutli bo‘lib, yog‘ingarchilik kutilmaydi. Ammo ayrim joylarda tuman tushishi va yo‘llarda yaxmalak kuzatilishi mumkin, deya xabar bermoqda «O‘zgidromet».

Unga ko‘ra, Toshkent shahrida havo biroz bulutli, kechasi 2-4 daraja sovuq, kunduzi esa 3-5 daraja iliq bo‘lishi kutilmoqda.

Andijon, Namangan va Farg‘onada esa harorat kechasi 0-5 daraja sovuq, kunduzi 2-7 daraja iliq bo‘lishi kuzatiladi.

Qoraqalpog‘iston va Xorazmda esa sovuq yana biroz ushlanib turadi: kechasi 4-9 daraja sovuq, kunduzi esa -3 dan +2 darajagacha bo‘ladi.

Buxoro, Navoiy, Samarqand, Jizzax va Sirdaryo viloyatlarida kun davomida harorat 2-8 daraja iliq bo‘lishi kutilmoqda.

Qashqadaryo va Surxondaryoda esa yanada...

32 yoshida hayotdan ko‘z yumgan Alisher Ro‘zioxunovning vafoti haqida «Vatandosh» nashri jurnalisti Ilyos Safarov ma’lum qildi.

«U mening Toshkentga kelib topgan eng yaqin insonlarimdan biri, ko‘pchilik faoliyatiga, bilimiga havas qiladigan salohiyatli jurnalist edi», – deb yozdi Safarov.

OAV xabarlariga ko‘ra, u qandli diabet bilan kasallangan. Ro‘zioxunov Gazeta.uz, Bugun.uz va Kun.uz kabi yirik o‘zbek ommaviy axborot vositalarida faoliyat yuritgan.

Avvalroq Kursiv Uzbekistan 45 yoshida o‘zbekistonlik taniqli aktrisa Halima Ibragimova vafot etgani haqida yozgan edi.

Qozog‘istonda O‘zbekistonning «Humo» va qozoq klubi «Gornyak» o‘rtasidagi pley-off seriyasining to‘rtinchi o‘yini yakunlandi. Uchrashuv «Gornyak Arena» muz saroyida bo‘lib o‘tib, mezbonlarning 2:1 hisobidagi g‘alabasi bilan yakunlandi.

Dastlab Andrey Revatskiy hisobni ochib, mezbonlarga birinchi bo‘limdan keyin ustunlikni ta’minladi. Biroq ikkinchi bo‘limda Stanislav Borovikov Edgars Siksnaning uzatmasidan unumli foydalanib, shaybani darvozaga yo‘lladi va hisobni tenglashtirdi.

Uchinchi bo‘limning tugashiga 1 daqiqa 13 soniya qolganda «Gornyak» ko‘pchilik hujumidan foydalanib, hal qiluvchi golni urdi va g‘alabani qo‘lga kiritdi.

Eslatib o‘tamiz, avvalroq O‘zbekiston xokkey «U18» terma jamoasi tarixda ilk bor jahon chempionatida ishtirok etishi haqida yozgan edik.

Shavkat Mirziyoyev Turkiya prezidenti Rejep Tayyip Erdog‘an bilan telefon orqali muloqot qilib, uni tavallud kuni bilan samimiy tabrikladi. Bu haqda davlat rahbari matbuot xizmati ma’lum qildi.

Unga ko‘ra, suhbat davomida Mirziyoyev Erdog‘anga sog‘liq, farovonlik va Turkiyaning taraqqiyoti yo‘lidagi faoliyatida muvaffaqiyatlar tiladi.

Shuningdek, zamonaviy Turkiyaning rivojlanishi va O‘zbekiston – Turkiya strategik sherikligi mustahkamlanishidagi Erdog‘anning shaxsiy hissasi e’tirof etildi.

Yetakchilar iqtisod, investitsiya, energetika, ta’lim va sog‘liqni saqlash kabi sohalarda hamkorlikni yanada kengaytirish masalalarini muhokama qildilar.

Shu bilan birga, Oliy darajadagi strategik hamkorlik kengashining navbatdagi yig‘ilishi va Turkiya davlatlar tashkiloti sammitiga tayyorgarlik masalalariga e’tibor qaratildi.

Suhbat yakunida prezidentlar Ramazon oyining kirib...

Rossiyaning Ijevsk shahrida ishlab chiqarilgan yangilangan Lada Largus modeli avvalgi versiyaga nisbatan sezilarli o‘zgarishlarga uchradi. Bu haqda Auto nashri ma’lum qildi.

Unga ko‘ra, avtomobildan rul va o‘rindiqlar isitkichi, USB-portlar, shift tokchasi, tuman chiroqlari va orqa yo‘lovchilar uchun derazalar olib tashlandi. Asosiy komplektatsiyada audio tizim yo‘q, eng qimmat versiyasida esa EnjoY Pro sensorli ekrani o‘rnatilgan.

Shuningdek, test haydovchilarini avtomobilning tormoz tizimi xavotirga soldi. Sovuq asfalt yuzasida ABS tizimi kutilmaganda to‘g‘ri ishlamay mashina sirpanib ketgan.

Yangi Lada Largus kamroq qulaylik va shubhali tormoz tizimi bilan avvalgi modeldan farq qilmoqda.

Eslatib o‘tamiz, avvalroq «AvtoVAZ» Lada Niva Travel Classic’24 avtomobilini ishlab chiqarishni...

O‘zbekiston gender tenglik yo‘nalishida sezilarli yutuqlarga erishib, ochiq gender ma’lumotlar indeksida eng yaxshi 20 davlat qatorida qayd etildi. Bu haqda Oliy Majlis Senati ma’lum qildi.

Unga ko‘ra, Jahon banki indeksiga ko‘ra, mamlakatimiz dunyodagi eng tez rivojlanayotgan beshta davlat qatoridan joy oldi.

Shuningdek, ochiq gender ma’lumotlar indeksida eng yaxshi 20 davlat qatorida, parlamentlararo ittifoqning «Parlamentdagi ayollar» reytingida esa O‘zbekiston 193 davlat ichida 36-o‘ringa ko‘tarildi.

Ayni paytda davlat boshqaruvida xotin-qizlarning ishtiroki ortib bormoqda. So‘nggi yetti yilda ularning rahbarlikdagi ulushi 27 foizdan 35 foizga yetdi. Qonunchilik palatasida bu ko‘rsatkich 38 foizni, mahalliy Kengashlarda esa 32,5 foizni tashkil qilmoqda.

Eslatib o‘tamiz, avvalroq...

Migratsiya agentligi Rossiyada vaqtinchalik ishlash uchun patent olishga tayyorgarlik ko‘rishga mo‘ljallangan onlayn platformani ishga tushirdi. Bu haqda agentlik matbuot xizmati xabar qildi.

Ishlash istagida bo‘lganlar platforma orqali rasmiy imtihon topshiriqlariga o‘xshash testlarni ishlab ko‘rishlari mumkin. Ya’ni bunda foydalanuvchiga rus tili, Rossiya tarixi va qonunchiligiga oid savollar yuzasidan topshiriqlar beriladi. Platformadan foydalanish bepul.

Platformada 7 ta test varianti mavjud bo‘lib, ular turli shakldagi vazifalar asosida tuzilgan:

Avvalroq Kursiv Uzbekistan Migratsiya agentligi tomonidan Latviyada yuk mashinasi haydovchilari uchun bo‘sh ish o‘rinlari e’lon qilingani haqida...

Markaziy bank tomonidan 2024-yilning so‘nggi choragida o‘tkazilgan so‘rovnoma natijalari e’lon qilindi. Unda 66,4 foiz o‘zbekistonliklar kelgusi 12 oyda daromadlarining o‘sishini kutayotganini bildirgan. Ularning ulushi chorak davomida 2,3 foizga oshgan.

Shuningdek, respondentlarning 23,3 foizi o‘z daromadlarining o‘zgarishsiz qolishini kutayotganini aytdi. Qolgan 10,2 foiz esa daromadlarning kamayishini kutmoqda.

Eng optimistik prognozlar oziq-ovqat, savdo va sanoat ishchilari orasida kuzatilgan. Dasturchilar va jurnalistlarda bu ko‘rsatkich 57 foizni, davlat xizmatchilari esa 61 foizni tashkil etdi. Shu bilan birga, OAV va IT-kompaniyalari xodimlarining 27 foiz daromadlar kamayishi mumkinligini taxmin qilmoqda.

Shu bilan birga, o‘zbekistonliklarning 77 foiz xarajatlarning oshishini kutmoqda. 2024-yilning uchinchi choragidan boshlab bu ko‘rsatkich...

Microsoft 5-mart kuni Android uchun Windows quyi tizimi (WSA) texnologiyasini bekor qiladi. Bu haqda Windows Latest qayd etgan.

Microsoft 5-mart kuni Android uchun Windows quyi tizimi (WSA) texnologiyasini bekor qiladi. WSA – bu Android uchun yaratilgan ilovalarni Windows operatsion tizimidan ishga tushirish imkonini beruvchi quyi tizim.

Kompaniya bundan buyon bu sohani rivojlantirmasliklarini ta’kidlagan. Keng jamoatchilik Android uchun WSA yangi Windows 11 2021-yilda taqdim etilgan operatsion tizimga ko‘p vaqt ajratgan bo‘lsa-da, kompyuterda mobil ilovalarni ishga tushirish funksiyasi to‘liq to‘rt yil ishlamaganini ta’kidlagan.

Avvalroq Kursiv Uzbekistan Windows «Boshqaruv paneli»dan mahrum bo‘lishi haqida yozgan edi.

Osiyo kubogini birgalikda o‘tkazish uchun ariza yuborgan O‘zbekiston, Tojikiston va Qirg‘iziston imkoniyatlari haqida O‘zbekiston futbol assotsiatsiyasi birinchi vitse-prezidenti Ravshan Irmatov fikr bildirdi.

Uning so‘zlariga ko‘ra, Osiyo kubogi qit’aning eng nufuzli turniri hisoblanadi va mezbonlik uchun ko‘plab davlatlar da’vogarlik qilmoqda. Hozirda Osiyo futbol konfederatsiyasi (OFK) arizalarni qabul qilish bosqichida. Keyingi bosqichda esa talabgor mamlakatlar tekshiriladi va rasmiy ravishda e’lon qilinadi.

Markaziy Osiyo hali bu turnirga mezbonlik qilmagan, shu bois OFK mintaqaga Osiyo kubogini topshirishi ehtimoldan xoli emas. Shu bilan birga, mezbonlik huquqini qo‘lga kiritish uchun mezbon davlatlar xalqaro standartlarga javob beradigan infratuzilmaga ega bo‘lishi kerak.

«O‘zbekiston...

2025-yilning yanvar oyida O‘zbekistonda yangi tashkil etilgan korxonalar soni 7,3 mingtadan oshdi. Bu haqda Statistika agentligi xabar berdi.

Yangi tashkil etilgan korxonalar soni o‘tgan yilga nisbatan 18 foizga yoki 1,1 mingtaga oshdi. Hududlar bo‘yicha eng ko‘p korxona Toshkent shahri (1,5 mingta), Farg‘ona (751 ta) va Samarqand (642 ta) viloyatlarida ro‘yxatga olindi.

Iqtisodiy faoliyat turlari bo‘yicha eng ko‘p yangi korxonalar savdo (2,4 mingta), sog‘liqni saqlash (1,1 mingta) va sanoat (715 ta) sohalarida ochilgan.

Eslatib oʻtamiz, Kursiv Uzbekistan Samarqandda Xitoy kompaniyasi $15 mlnlik korxona tashkil etilishi haqida yozgan edi.

Bitkoin $90 mingdan pastga tushdi. Bloomberg xabariga ko‘ra, uning narxi AQSh prezidenti Donald Trampning import bojlarini joriy etishi va xakerlarning Bybit kripto birjasiga hujumi fonida pasaymoqda.

Toshkent vaqti bilan soat 17:14 holatiga ko‘ra, bitkoin narxi $88,3 mingni tashkil etmoqda.

LIBRA memkoini bilan bog‘liq vaziyat ham bitkoinning qiymatiga salbiy ta’sir ko‘rsatdi. Uning ishga tushirilgani haqidagi xabarni Argentina prezidenti Xaver Miley X ijtimoiy tarmog‘ida e’lon qildi. LIBRA’ning kapitallashuvi $4,5 milliardgacha ko‘tarildi, ammo keyin keskin tushib ketdi.

Keyinchalik Argentina yetakchisi memkoin haqidagi postni o‘chirib tashladi va ishga tushirilayotgan memkoin to‘g‘risida ma’lumotga ega emasligini qo‘shimcha qildi.

Independent Reserve kriptobirjasining bosh direktori Adrian...

Ukraina va AQSh foydali qazilmalarga doir shartnomani muhokama qilishdi. AQSh bu shartnomadagi ba’zi qat’iy talablardan voz kechdi, deb xabar bermoqda Financial Times.

AQSh dastlab $500 mlrdlik potensial daromadni o‘zlashtirish huquqini talab qilgandi. Ammo keyinchalik bu talabdan voz kechdi. Ukrainalik rasmiylar shartnoma Ukrainaning foydali qazilmalari, jumladan, neft va gazni qo‘shma shaklda ishlab chiqarish bo‘yicha kelishilganini va bu kelishuv AQSh bilan uzoq muddatli xavfsizlik majburiyatlari uchun poydevor bo‘lishini ta’kidladi.

Shartnomaga ko‘ra, Ukraina davlatining foydali qazilmalari, jumladan, neft va gazdan olingan daromadlarning 50 foizi jamg‘armaga yuboriladi, jamg‘arma esa Ukraina ichidagi loyihalarga sarmoya qiladi. Biroq dastlabki shartlar bo‘yicha kelishmovchiliklar yuzaga kelgan bo‘lib, AQShning...

Xiaomi o‘zining navbatdagi flagmani – Xiaomi 15 Ultra smartfoni haqidagi yangi tafsilotlarni e’lon qildi. Bu haqda IThome nashri ma’lum qildi.

Xitoy versiyasi 6000 mA/soat sig‘imli akkumulyatorga ega bo‘lishi haqidagi mish-mishlar tasdiqlandi. Kompaniyaning ta’kidlashicha, ushbu model nafaqat yuqori darajadagi kameraga, balki ajoyib avtonomiyaga ham ega bo‘ladi.

Qurilmaning zaryadlash tezligi ham hayratlanarli – simli zaryadlash 90 Vt, simsiz zaryadlash esa 80 Vt quvvatni qo‘llab-quvvatlaydi. Xiaomi ma’lumotlariga ko‘ra, smartfon 1,5 kungacha ishlashga qodir va 1000 ta zaryadlash siklidan keyin ham batareya quvvati 90 foizdan yuqori saqlanib qoladi.

Kameralar borasida ham Xiaomi 15 Ultra yetakchilikni saqlab qolmoqda. Qurilma 200 megapikselli periskop sensori bilan...

26-fevral kuni AQSh dollarining rasmiy kursi 4,67 soʻmga tushib, 12 879,95 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 820 – 12 865 soʻmdan sotib olayotgan boʻlsa, 12 890 – 12 945 soʻm oraligʻida sotmoqda.

Shu bilan birga, yevro 24,753 soʻmga ortib, 13 520,08 soʻmga yetdi. Rossiya rubli esa 1,84 soʻmga ortib, 150,69 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.