Yangiliklar

Xitoy «Shenchjou-19» nomli boshqariladigan kosmik kemasini uchta kosmonavt bilan birga orbitaga uchirdi. Bu haqda Reuters axborot agentligi ma’lum qildi.

«Shenzhou-19» aniq belgilangan orbitaga yetib bordi, kema ijobiy holatda ishlashda davom etmoqda. Parvoz muvaffaqiyatli amalga oshirilganini e’lon qilaman”, — dedi rasmiylar.

«Shenchjou-19» kosmik kemasi va uning uch ekipaji Xitoy shimoli-g‘arbidagi Jiuquan sun’iy yo‘ldoshini uchirish markazidan 4:27 da (GMT 2027) Long March-2F raketasida ko‘tarildi.

«Shenchjou-19» parvozi davomida koinotda 86 ta kosmik ilmiy-texnik tajribalar — hayot haqidagi fanlar, mikrogravitatsiya fizikasi, materiallar, tibbiyot, yangi texnologiyalar kabi sohalarda amalga oshiriladi. Ushbu tajribalardan biri simulyatsiya qilingan Oy tuprog‘idan yasalgan g‘ishtlarni...

Izmir shahrida yashovchi farrosh Ozkan Aydik bank kartasida katta miqdordagi mablag‘ — 23 milliondan ortiq turk lirasi (taxminan $6,7 mln) borligini aniqladi. U pullarni «harom» deb hisoblab, bankka qaytarishga qaror qildi. Bu haqda Turkiyaning Yeni Şafak nashri xabar berdi.

U kommunal to‘lovlarni to‘lash uchun bank ilovasiga kirganida ushbu katta summani ko‘rib hayron qolgan.

Aydik mablag‘ni qaytarishga qaror qilib, bankka murojaat qilgan. Biroq, u pulning kelib chiqishi va keyingi taqdiri haqida so‘raganida, bank unga bu ma’lumotlarni taqdim etishdan bosh tortgan. Endi erkak pulning qayerdan kelganini aniqlash uchun politsiyaga murojaat qilmoqchi.

Bu voqea Turkiya ijtimoiy tarmoqlarida qizg‘in muhokama qilindi: ko‘pchilik Aydikning...

Oltin narxining davomli o‘sishi hisobiga 5 grammlik oltin quymasi qariyb 5,87 mln so‘mga yetdi. Bu haqda Markaziy bank matbuot xizmati ma’lum qildi.

Unga ko‘ra, Markaziy bankining oltin va qiymatli tangalari jahondagi narxlarning oshishi ortidan qimmatlashmoqda. 30-oktabr kuni ertalabki savdolarda bir troy unsiyasining qiymati deyarli $2,8 mingga yetdi.

Markaziy bank 10 grammlik oltin quymasining sotilish narxini 11,7 mln so‘m, 20 grammlisini 23,4 mln, 50 grammli quymani esa 58,6 mln ming so‘m etib belgiladi.

Qimmatbaho metallga bo‘lgan talabning yuqoriligi sabablari orasida AQSh prezidentlik saylovlari tobora muhim ta’sir kuchiga ega bo‘lib etmoqda. Amerika matbuotiga ko‘ra, nomzodlarning g‘alaba qozonish imkoniyatlari deyarli teng. Ovoz...

O‘zbekistonda qayta tiklanadigan energiya loyihalarini rivojlantirish uchun Xalqaro moliya korporatsiyasi (IFC) ACWA Power kompaniyasiga $240 million miqdorida oraliq qarz ajratadi. Bu haqda Saudiya Arabistonidagi Future Investment Institute’ning sakkizinchi konferensiyasi doirasida e’lon qilindi.

Mazkur investitsiya O‘zbekistonda 1 GVt quvvatga ega quyosh fotoelektr stansiyasi, 668 MVt quvvatga ega energiya saqlash tizimi va 500 kilometr uzunlikdagi yuqori kuchlanishli elektr uzatish liniyalarini qurish va ishga tushirishni nazarda tutadi.

Shuningdek, loyiha doirasida O‘zbekistonda yiliga 1,3 million tonna CO₂ chiqindilari kamaytiriladi va yiliga 2400 GVt/soat elektr energiyasi ishlab chiqariladi.

Loyiha haqida

IFC hamkorligi doirasida ushbu loyiha O‘zbekiston uchun energiya ta’minotining barqarorligini oshirish va mamlakatni 2030-yilga...

Farg‘onada Toshkent axborot texnologiyalari universiteti Farg‘ona filiali va viloyat IIB hamkorligida «Kiberxavfsizlik laboratoriyasi» ochildi. Bu haqda Oliy ta’lim, fan va innovatsiyalar vazirligi matbuot xizmati xabar berdi.

Laboratoriya zamonaviy texnologiyalar va kompyuterlar bilan jihozlangan, shuningdek, amaliyotchilar uchun yotoqxona ham mavjud.

Laboratoriyada ishlash uchun saralab olingan talabalar bir yil davomida dual ta’lim dasturi bo‘yicha pullik amaliyot o‘tashadi. Hozirgi vaqtda filialning besh nafar bitiruvchisi ishlamoqda, yana 10 nafar talaba esa o‘quv vaqtidan tashqari pullik amaliyot o‘tamoqda.

Avvalroq Kursiv Uzbekistan O‘zbekiston FinTech assotsiatsiyasi va Loialte kiberxavfsizlik bo‘yicha mutaxassislar tayyorlashi haqida yozgan edi.

Jizzax viloyatining «Jizzax industrial to‘qima» MCHJ tomonidan paxta tolasi va texnik chigit mahsulotlarini to‘g‘ridan-to‘g‘ri shartnomalar asosida sotish holatlari aniqlandi. Bu haqda Raqobat qo‘mitasi ma’lum qildi.

Ma’lum bo‘lishicha, 321,7 tonna paxta tolasini birja narxlaridan yuqori, 1 ming tonnasini esa past narxlarda sotish holatlari kuzatilgan. Shuningdek, 2,5 ming tonna texnik chigit mahsuloti ham birja narxlariga nisbatan past narxlarda sotilgan.

Maxsus komissiya tomonidan «Raqobat to‘g‘risida»gi Qonun va Vazirlar Mahkamasining 170-sonli qaroridagi nizom talablari buzilishiga oid ish qo‘zg‘atildi va «Jizzax industrial to‘qima» MCHJga nisbatan ta’sir choralari qo‘llanilgan.

Bundan tashqari, paxta shroti birja savdolarida «Paxtakor sifat yog‘» MCHJ, «Jizzax kenteks» MCHJ va «Baxmal quyosh...

Yandex Uzbekistan kompaniyasi noyabr oyi davomida «Saxovatli noyabr» xayriya aksiyasini o‘tkazadi. Bu haqda kompaniya matbuot xizmati Kursiv Uzbekistan’ga xabar berdi.  

Foydalanuvchilar juma kunlari Yandex Go xizmatlari orqali buyurtmalar berib, aksiyada qatnashishlari mumkin. Kompaniya barcha taksi va yetkazib berish tariflarida har 10 km uchun xayriya tashkilotlariga 50 so‘m o‘tkazadi.

Shuningdek, Yandex Go «Yemak» xizmatida 60 ming so‘mdan ortiq buyurtmalar uchun 500 so‘m xayriya tashkilotlariga ajratiladi.

Yig‘ilgan mablag‘lar «Ona Uyi», «Teach for Uzbekistan», «Ona» va «Sharoit plyus» kabi tashkilotlarga taqsimlanadi. 2023-yilgi aksiyada Yandex Uzbekistan tomonidan 101 million so‘m xayriya tashkilotlariga o‘tkazilgan edi.

Ma’lumot uchun, Yandex Uzbekistan tomonidan tashkil etilgan «Saxovatli noyabr...

LinkedIn ijtimoiy tarmog‘ida Hiring Assistant (ingliz tilidan – ishga qabul qilish bo‘yicha yordamchi) deb nomlangan sun’iy intellekt (SI) vositasi paydo bo‘ladi. Bu haqda platforma operatori xabar berdi.

SI-yordamchi bo‘sh ish o‘rinlariga mos keladigan nomzodlar ro‘yxatini tuzish, eng yaxshilarini aniqlash, suhbat va uchrashuvlar rejasini tayyorlash imkoniyatiga ega bo‘ladi. Shuningdek, Hiring Assistant HR-mutaxassislarga ishga qabul qilish strategiyasini ishlab chiqishda tavsiyalar beradi.

«LinkedIn’ning yangi Hiring Assistant yordamchisidan foydalanib, takrorlanuvchi ma’muriy vazifalarni soddalashtirish orqali biz ishga qabul qilish guruhlariga nomzodlarni shaxs sifatida yaxshiroq bilib olishga e’tibor qaratish imkoniyatini bera olamiz», – deydi Canva servisining iste’dodlarni jalb qilish bo‘yicha rahbari...

Xitoyning «ByteDance» internet-kompaniyasi asoschisi Chjan Imin Xitoyning eng boy odamiga aylandi. Uning boyligi $49,3 milliardga baholanmoqda. Bu haqda Reuters agentligi xabar berdi.

41 yoshli Chjan soʻnggi 26-yil ichida Xitoyning eng boy 18-kishisi boʻldi. Shu davr mobaynida mazkur roʻyxat muntazam ravishda e’lon qilib kelinmoqda.

ByteDance asoschisi Nongfu Spring rahbari Chjun Shanshanni (butilkadagi suvni ishlab chiqaradi) ortda qoldirdi, uning boyligi 24 foizga kamaydi.

Ro‘yxatda uchinchi o‘rinni Tencent asoschisi Ma Xuaten egalladi. Umuman olganda, Xitoyda milliarderlar soni 142 kishiga qisqardi.

Kursiv Uzbekistan mart oyida Ilon Mask endi dunyodagi eng boy odam emasligini yozgan edi.

Bitcoin qiymati 30-oktabr Toshkent vaqti bilan soat 10:15 holatiga ko‘ra, 2 foizda oshib, $72,3 mingdan oshdi. Bu haqda CoinMarketCap onlayn platformasida ma’lum qilindi.

O‘tgan 24 soat ichida bir bitkoin narxi tarixiy rekord natijaga yaqinlashib, eng yuqori nuqtada $73,5 mingga yetdi. Ammo keyinchalik kriptovalyuta narxi pasayishni boshladi.

Bitcoinning tarixiy maksimal qiymati 2024-yil 14-martda qayd etilgan bo‘lib, uning qiymati $73,7 mingga yetgan edi.

Qayd etilishicha, oy boshidan beri kriptovalyuta narxi 12 foizga oshdi. Tahlilchilar bu tendensiyani AQShda bo‘lib o‘tadigan prezidentlik saylovi natijalari bo‘yicha prognozlar bilan bog‘lashmoqda. Bukmeykerlar bu saylovlarda sobiq davlat rahbari Donald Tramp g‘olib chiqishi mumkin deb hisoblashmoqda.

Bundan...

Tojikiston prezidenti Emomali Rahmon ijtimoiy tarmoqlarda «layk» bosish uchun jinoiy ish qo‘zg‘atish amaliyotiga chek qo‘yish kerakligini ta’kidladi.

«So‘nggi paytlarda (huquq-tartibot organlari – Tahr.) ba’zi fuqarolarning ijtimoiy tarmoqlarda tarqatilayotgan materiallar va videoroliklarga «layk» bosishlarini dalil sifatida qabul qilmoqda», – dedi Rahmon Dushanbedagi yuqori malakali harbiy kadrlar tayyorlash davlat muassasasining ochilish marosimida. Davlat rahbari matbuot xizmati uning so‘zlaridan iqtibos keltirdi.

Rahmon bunday jinoyat ishlarini qo‘zg‘atishni «asossiz» deb atadi va bunday harakatlarga chek qo‘yish zarurligini ta’kidladi.

Avvalroq Kursiv Uzbekistan O‘zbekistonda Tojikiston strategik sherik deb atalgani haqida yozgan edi.

Amerikaning texnologik giganti Apple Mac Mini kompyuterining yangi modellarini taqdim etdi. Ular eski modellardan ham kichikroq va o‘z M4 chipida ishlaydi. Bu haqda The Verge portali xabar beradi.

Standart M4 protsessorlik gadjetning narxi $599 ni tashkil etadi, M4 Pro chipi o‘rnatilgan kuchliroq modelning bahosi esa $1399.

Kichik o‘lchamga qaramay bu MAC Mini modeli beshta portga ega. Bu avvalgi modellar bilan solishtirganda ko‘proq.

Mac Mini M4 Pro operativ xotirasining hajmi 64 GB, M4 esa 32 GB. Xotira hajmi sakkizta TB ni tashkil qiladi.

Avvalroq Kursiv Uzbekistan Apple iMac monoblokining yangi modellarini e’lon qilganini yozgan edi.

Bugun, 30-oktabr kuni Qoraqalpog‘iston Respublikasida yomg‘ir yog‘adi, boshqa viloyatlarda yog‘ingarchilik kuzatilmaydi. O‘rtacha havo harorati 10-15 daraja iliq bo‘ladi. Bu haqda Gidrometeorologiya xizmati agentligi xabar berdi.

Toshkent shahrida havo bulutli bo‘ladi, lekin yomg‘ir yog‘maydi. Kunduzi havo harorati 13-15 daraja iliq, kechga kelib 4-6 daraja salqin bo‘ladi.

Tog‘li hududlarda yomg‘ir va qor yog‘ishi ehtimoli bor. Ba’zi joylarda tuman tushadi. Kunduzi 2-7 daraja iliq, kechga kelib 0-5 daraja sovuq bo‘ladi.

Migratsiya agentligi xorijda vaqtinchalik mehnat faoliyatini amalga oshirish istagida bo‘lgan nomzodlarni tayyorlash maqsadida o‘quv markazlari bilan hamkorlik qilmoqchi. Bu haqda agentlik matbuot xizmati ma’lum qildi.

Unga ko‘ra agentlik rus, ingliz, nemis, yapon va koreys tillarini o‘rgatishga ixtisoslashtirilgan barcha o‘quv markazlari bilan hamkorlik qilishga tayyor.

Hamkorlik qilish istagida bo‘lgan o‘quv markazlari ushbu havola orqali ro‘yxatdan o‘tishi mumkin.

Eslatib o‘tamiz, avvalroq xususiy o‘quv markazlariga ishsizlarni o‘qitish uchun grantlar ajratilishi haqida yozgan edik.

«Hizbulloh» uzoq yillik rahbari Hasan Nasrulloh Isroil tomonidan oʻldirilganidan bir oy o‘tib, oʻzining bosh kotibi oʻrinbosari Shayx Naim Qosimni yangi rahbar etib sayladi. Bu haqda CNN axborot agentligi ma’lum qildi.

Qosim bir paytlar Eronning Isroil bilan mojarosida eng kuchli ishonchli vakili hisoblangan. Guruhning kuchi so‘nggi haftalarda Isroil zarbalari tufayli sezilarli darajada zaiflashgan, oliy rahbarlar halok bo‘lgan, minglab jangchilar yaralangan va raketa qobiliyati pasaygan. Guruh hozirda Livan janubida Isroilning shiddatli harbiy kampaniyasiga duch kelmoqda.

Yangi rahbar haqida e’longa javoban Isroil mudofaa vaziri Yoav Gallant X-ga shunday deb yozdi: “Bu vaqtinchalik tayinlash uzoqqa cho‘zilmaydi».

Ma’lumot uchun, Naim Qosim 1953-yilda Livan janubidagi...

Argentinada 10 qavatli mehmonxona qulashi oqibatida bir kishi halok bo‘ldi, yana to‘qqiz kishi bedarak yo‘qoldi. Bu haqda CNN axborot agentligi ma’lum qildi.

Unga ko‘ra, poytaxt Buenos-Ayresdan Atlantika okeani sohilida, taxminan 370 km uzoqlikdagi Villa Gessel shahridagi 10 qavatli Dubrovnik mehmonxonasi 29-oktabr kuni ertalab qulab tushdi.

O‘t o‘chiruvchilar, tez tibbiy yordam xodimlari va politsiya 300 ta dron va maxsus itlar yordamida vayronalar ostida omon qolganlar va o‘lganlar jasadini qidirishda davom etmoqda.

Buenos-Ayres provinsiyasi xavfsizlik vaziri Xaver Alonso TN telekanali orqali qurbon bo‘lgan 80 yoshli erkak vayron bo‘lgan mehmonxona yonidagi binoda istiqomat qilganini aytdi.

Marhum erkakning umr yo‘ldoshi qutqarilgan, o‘g‘li esa...

UzAuto Motors aksiyadorlarga dividendlar to‘laydi. Korporativ axborot yagona portali ma’lumotlariga koʻra, qaror 2024-yil 25-oktabrda boʻlib oʻtgan aksiyadorlarning umumiy yigʻilishida (AUY) ma’qullangan.

Dividend har bir oddiy aksiya uchun 620 so‘m miqdorida to‘lanadi. Avtomobil ishlab chiqaruvchining qimmatli qog‘ozlari birjada 62 ming so‘mdan sotilmoqda (2024-yil 29-oktabr holatiga). Shunday qilib, dividend daromadliligi 1% ni tashkil qiladi. Mablag‘lar investorlar hisobiga 25-oktabrdan 25-dekabrgacha o‘tkaziladi. Buning uchun elektron pochta orqali ariza yuborish talab etiladi. Brokerlar dividendlar olish uchun ariza yozish bo‘yicha ma’lumotlarni taqdim etishdi.

Umumiy hisobda UzAuto Motors’ning birinchi yarim yilda taqsimlanmagan foydasi 8,5 trillion so‘mni tashkil etdi. Umumiy yig‘ilishda dividendlar to‘lash uchun...

Hindistonning Unified Payments Interface (UPI) tezkor toʻlov tizimi Humo va Uzcard bilan integratsiyalashuvni amalga oshiradi. Bu haqda Markaziy bank matbuot xizmati ma’lum qildi.

Unga ko‘ra, mazkur hamkorlik masalalari vakillar tomonidan muhokama qilindi.

Bundan tashqari, Humo toʻlov tizimi va NPCIning NPCI International shoʻba korxonasi umumiy toʻlov tarmogʻini yaratish boʻyicha kelishuvga erishdi.

Ma’lumot uchun, UPI 2016-yilda ishga tushirilgan va NPCI tomonidan ishlab chiqilgan. Platforma p2p va p2m transferlarini amalga oshirish imkonini beradi.

UPI 2022-yilda global tezkor to‘lov tranzaksiyalarining 46 foizini tashkil etgan. 2024-yil yanvar oyida tranzaksiyalar hajmi $222,1 mlrd.ni tashkil qilgan bo‘lib, bu o‘tgan yilga nisbatan 41,7 foizga ko‘pdir.

Eslatib o‘tamiz...

2025-yilda $5,5 mlrd tashqi qarz jalb qilinishi, shundan $3 mlrd Davlat budjeti taqchilligini moliyalashtirishga, qolgan qismi esa investitsiya loyihalariga yo‘naltirilishi rejalashtirilmoqda. Bu haqda Iqtisodiyot va moliya vazirligi ma’lum qildi.

IMVning prognozlariga ko‘ra, davlat qarzi YaIMga nisbatan 2024-yilda 35,5 foizga, 2025 – 2027 yillarda esa 36,7-37 foiz oralig‘ida bo‘lishi kutilmoqda. 2025-yildan boshlab esa yillik yangi tashqi qarz bitimlari $5,5 mlrd.ni tashkil etadi.

Qonun loyihasida konsolidatsiyalashgan budjet taqchilligi bo‘yicha tashqi qarzlarni jalb qilishni cheklash va ularni samarali investitsiya loyihalariga yo‘naltirish orqali davlat qarzining o‘sishini sekinlashtirish choralari ko‘rilishi ta’kidlangan.

Hozirgi kunda davlat qarzi 2024-yil 1-iyul holatiga $37 mlrd.ni yoki YaIMga nisbatan...

O‘zbekistonlik Ergash Garipov Tataristonda kungaboqar yog‘i ishlab chiqaruvchi zavod qurmoqchi, deb xabar berdi «Realnoe Vremya».

Mintaqa hukumati tadbirkorga 7 ming kvadrat metr maydon ajratdi. Loyiha muallifi biznes-rejani amalga oshirish uchun investor qidirmoqda.

Korxonada kuniga o‘n tonna kungaboqar yog‘i ishlab chiqarish ko‘zda tutilgan.

Avvalroq Kursiv Uzbekistan O‘zbekiston prezidentining Qozonga tashrifi haqida yozgan edi.

29-oktabr kuni Janubiy Koreyaning Seul shahrida Osiyo futbol konfederatsiyasi (AFC) tomonidan 2023-yilning eng yaxshi yosh futbolchisi nominatsiyasida Abbosbek Fayzullayev g‘alaba qozondi. Bu haqda AFC rasmiy sayti xabar berdi.

21 yoshli futbolchi 2023/2024-yilgi mavsumda kuchli o‘yin ko‘rsatib, 2015-yilda Dostonbek Hamdamovdan keyin ushbu mukofotni qo‘lga kiritgan ikkinchi o‘zbekistonlik futbolchiga aylandi.

Fayzullayev «Paxtakor» akademiyasi tarbiyalanuvchisi. U 2023-yil avgust oyida Moskvaning «SSKA» klubi bilan shartnoma imzoladi va debyut mavsumida beshta gol urib, 14 ta golli uzatmani amalga oshirdi.

Eslatib o‘tamiz, joriy mavsum sentabr oyida u Moskva klubining eng yaxshi futbolchisi mukofotini qo‘lga kiritgan edi.

Avvalroq Kursiv Uzbekistan Abbosbek Fayzullayev jahonning eng yaxshi yosh...

O‘zbekistonlik bokschi Murodjon Ahmadaliyev meksikalik Rikardo Espinosa bilan vaqtinchalik WBA kamari uchun jang qiladi, deb xabar berdi All Boxing portali. Jang 2024-yilning 14-dekabr sanasida bo‘lib o‘tadi.

Avvaliga Ahmadaliyev mutlaq chempion Naoya Inouega qarshi ringga chiqishi kerak edi, lekin u boshqa bokschiga qarshi chempionlik unvonini himoya qilish uchun jang qiladi.

Eslatib o‘tamiz, Ahmadaliyev 2023-yilning aprel oyida Butunjahon boks assotsiatsiyasi (WBA) va Xalqaro boks federatsiyasi (IBF) tasnifiga ko‘ra, chempionlik kamarini filippinlik Marlon Tapalesga boy bergan edi.

Avvalroq Kursiv Uzbekistan Shahram G‘iyosov WBO talqini bo‘yicha bokschilar orasida birinchi qatorni egallagani haqida yozgan edi.

1-noyabr kuni Toshkent tumanida gaz ta’minoti vaqtincha o‘chiriladi. Bu haqda «Toshkenttumangaz» gaz ta’minoti bo‘limi xabar berdi.

Ta’kidlanishicha, bu 42,9 mingta xonadon, 610 ta ulgurji iste’molchi va 41 ta ijtimoiy soha obyekti zangori yonilg‘isiz qolishini anglatadi. Gaz ta’minotining to‘xtashi gaz tarmoqlaridagi diafragmalarning yozgi rejimdan qishki rejimga o‘tishi bilan bog‘liq.

«1-noyabr, juma kuni ta’mirlash ishlari 08:00 dan 18:00 gacha olib boriladi», – deyiladi xabarda.

Avvalroq Kursiv Uzbekistan gaz ta’minoti bilan bog‘liq 1,5 mingta shikoyat kelib tushgani haqida yozgan edi.

Joriy yilning 1-noyabridan boshlab kichik biznes uchun 100 million so‘mgacha bo‘lgan garovsiz mikrokreditlarni imtiyozli stavkalar bo‘yicha qayta moliyalashtirish mumkin bo‘ladi. Bu haqda prezident qarorida belgilandi.

Belgilanishicha, qayta moliyalashtirish stavkasi biznes ro‘yxatdan o‘tgan hududga bog‘liq bo‘ladi. Eng rivojlangan (birinchi) hududda joylashgan tadbirkorlar va firmalar uchun bu stavka yillik 18 foizni tashkil etadi.

Ikkinchi toifaga kiruvchi hududlar uchun – 17 foiz, uchinchi toifada – 14,5 foiz, to‘rtinchi toifada – 13,5 foiz. Eng quyi stavka esa beshinchi toifadagi hududlarda joylashgan biznes uchun belgilangan bo‘lib, yillik 12,5 foizni tashkil etadi.

Yetti yilgacha muddatga mo‘ljallangan kreditlar tadbirkor murojaat qilgan vaqtdan boshlab o‘n kun ichida...