Yangiliklar

Xorazm viloyati Raqobat qo‘mitasi tomonidan olib borilgan monitoring natijalariga ko‘ra, «Gurlan global teks» MCHJ 2023-yildan 2024-yil 1-avgustgacha bo‘lgan davrda birja savdolarida narxlarni manipulyatsiya qilgani aniqlangan.

Tadqiqot davomida ushbu kompaniya 54 holatda 3,7 ming tonnadan ortiq paxta tolasi, lint (paxta momig‘i), paxta yog‘i va sheluxa mahsulotlarini 55,9 mlrd so‘mga teng to‘g‘ridan-to‘g‘ri shartnomalar asosida sotgan. Narxlar tahlili shuni ko‘rsatdiki, 7 ta holatda mahsulotlar birja narxidan yuqori baholarda sotilgan bo‘lib, bu 173 mln so‘mlik tafovutga sabab bo‘lgan.

Bundan tashqari, kompaniya yana 45 holatda 3,4 ming tonnadan ortiq paxta tolasi va lint mahsulotlarini birja kotirovka narxlaridan ancha past bahoda, jami 5,5 mlrd so‘mlik...

Xitoyning Xarbin shahrida bo‘lib o‘tayotgan qishki Osiyo o‘yinlarida O‘zbekiston terma jamoasi ilk medalini qo‘lga kiritdi. Ushbu yutuq nafaqat ilk mukofot, balki eng yuqori – oltin medal bo‘ldi. Bu haqda Milliy olimpiya qo‘mitasi ma’lum qildi.

Figurali uchish bahslarida ishtirok etgan Dmitriy Chigirev va Yekaterina Geynish barcha raqibini ortda qoldirib, mutlaq g‘oliblikni qo‘lga kiritishdi. O‘zbekiston sportchilari qisqa dasturlarda 64,55 ochko, erkin mashqlarda esa 111,88 ochko jamg‘arib, umumiy hisobda 176,43 ochko bilan musobaqaning eng yuqori pog‘onasidan joy olishdi.

Ushbu yo‘nalishda kumush medal Yaponiya terma jamoasi sportchilariga, bronza medali esa KXDR vakillariga nasib etdi.

Avvalroq Kursiv Uzbekistan kecha terma jamoamiz vakillari figurali...

Oʻzbekiston Rossiya Federatsiyasi bilan kino ishlab chiqarish sohasida hamkorlik qiladi. Bu haqda 12-fevral kuni prezidentning «Xalqaro shartnomani tasdiqlash toʻgʻrisida»gi qarori qabul qilindi.

Qarorga koʻra, Oʻzbekiston va Rossiya Federatsiyasi Hukumatlari oʻrtasida birgalikda kino ishlab chiqarish sohasidagi hamkorlik toʻgʻrisidagi shartnoma tasdiqlandi.

Madaniyat vazirligi ushbu xalqaro shartnomani amalga oshirish uchun mas’ul boʻlgan vakolatli organ etib belgilandi.

Shuningdek, Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin uning qoidalari amalga oshirilishi ustidan belgilangan tartibda nazoratni ta’minlaydi.

Avvalroq Kursiv Uzbekistan «Pandemiya» filmi premyerasi namoyish etilgani haqida xabar bergan edi.

2024-yil yakunlari boʻyicha Chevrolet Cobalt Oʻzbekiston avtomobil bozorida yetakchilikni saqlab qoldi. Focus2Move tahlilchilariga koʻra, ushbu avtomobil savdosi yil davomida 24,7 foizga oshgan.

Eng ommabop modellar orasida ikkinchi oʻrinni Daewoo Damas egalladi, uning sotuvlari 58,8 foizga oʻsgan.

Chevrolet brendi Oʻzbekiston avtomobil bozorining 58,5 foizini egalladi va yil yakunlariga koʻra sotuvlarni 1,2 foizga oshirishga erishdi. Ikkinchi oʻrinni bozorning 21,9 foizini egallab, yillik 39,4 foiz oʻsish koʻrsatgan Daewoo band etdi. Uchinchi oʻrinni esa Kia egalladi.

Oʻzbekistonda mashhurligi boʻyicha toʻrtinchi oʻrinda Xitoyning BYD brendi qayd etildi. Yil yakunlariga koʻra, kompaniyaning mamlakatdagi savdosi 113,2 foizga oshgan.

Tahlilchilarning fikriga koʻra, Oʻzbekistonda elektromobillar bozorining yillik oʻsishi...

12-fevral kuni AQSh dollarining rasmiy kursi 9,08 soʻmga ortib, 12 987,07 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 920 – 12 965 soʻmdan sotib olayotgan boʻlsa, 12 980 – 13 050 soʻm oraligʻida sotmoqda.

Shu bilan birga, yevro 82,11 soʻmga ortib, 13 474,86 soʻmga yetdi. Rossiya rubli esa 2,83 soʻmga ortib, 138,17 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.    

Maktab o‘quvchilarini kasb-hunarga yo‘naltirish va ularga amaliy bilim berish tizimini takomillashtirish maqsadida yangi nizom tasdiqlandi. Ushbu tartibga ko‘ra, umumiy o‘rta ta’lim muassasalari bilan tadbirkorlar va hunarmandlar o‘rtasidagi hamkorlik yo‘nalishlari aniq belgilab berildi. Bu haqda Adliya vazirligi ma’lum qildi.

Endilikda maktablarda tadbirkorlar tomonidan kasb-hunar to‘garaklari tashkil etiladi. 7 – 11-sinf o‘quvchilari ushbu to‘garaklarda o‘z qiziqishiga mos kasb-hunar yo‘nalishlarini o‘rganish imkoniyatiga ega bo‘ladi. Shuningdek, 2025-yildan boshlab 8-sinf o‘quvchilari uchun sanoat, ishlab chiqarish, xizmat ko‘rsatish va agrotexnologiya sohalaridagi korxona va tashkilotlarga ekskursiyalar uyushtirilishi rejalashtirilgan.

Bundan tashqari, maktablarning bo‘sh turgan binolarini tadbirkorlarga ijaraga berish imkoniyati ham yaratiladi.

Eng muhim yangiliklardan biri shundaki...

2025/2026-yillarda bolalarni maktabgacha ta’lim bilan kengroq qamrab olishga qaratilgan yangi qaror qabul qilindi. Ushbu dastur doirasida 3 – 7 yoshdagi bolalarni maktabgacha ta’limga jalb etishning maqsadli ko‘rsatkichlari belgilandi va qamrov darajasini oshirish bo‘yicha qo‘shimcha chora-tadbirlar tasdiqlandi. Bu haqda Adliya vazirligi ma’lum qildi.

Yangi rejaga ko‘ra, aholining to‘lov qobiliyatiga qarab turli hududlarda turli xil maktabgacha ta’lim muassasalari tashkil etiladi. Yashash darajasi yuqori bo‘lgan mahallalarda davlat-xususiy sheriklik asosida nodavlat bog‘chalar ochiladi. Olib borilgan tahlillarga asoslanib, olis va chekka hududlarda oilaviy nodavlat bog‘chalar tashkil etish rejalashtirilgan.

Bundan tashqari, kambag‘al oilalar nisbatan ko‘proq yashaydigan va demografik o‘sish yuqori bo‘lgan hududlarda xalqaro moliya institutlari...

O‘zbekistonning ikkilamchi avtomobil bozorida 2025-yil yanvar oyida ham narxlar pasayishda davom etdi. Makroiqtisodiy va hududiy tadqiqotlar instituti (MHTI) mutaxassislarining tahliliga ko‘ra, mahalliy avtomobillar, jumladan, ommabop Cobalt va Onix modellarining narxlari kamaydi.

Tahlil natijalariga ko‘ra, Onix modeli kam foydalanilgan holatda 2,4%ga arzonlashib, o‘rtacha $14 000ga tushdi. Ko‘p foydalanilgan variantining narxi esa 1,5%ga kamayib, $12 800ni tashkil etdi. Xuddi shunday pasayish Cobalt’da ham kuzatilib, kam foydalanilgan avtomobillarning o‘rtacha narxi 1,4%ga tushib, $12 725ga yetdi. O‘rtacha foydalanilgan versiyasi esa 2,4%ga arzonlashib, $12 000ga baholandi.

Bundan tashqari, boshqa ommabop modellarda ham pasayish kuzatildi. Lacetti kam foydalanilgan variantlari 0,7%ga arzonlashib, $14 900ga tushgan bo‘lsa...

TBC Uzbekistan 2024-yil uchun o‘zining moliyaviy natijalarini e’lon qildi. Bank kredit portfelini 112% ga oshirib, 8,07 trln so‘mga yetkazdi, sof foyda esa 91% ga o‘sib, 514 mlrd so‘mni tashkil etdi. Bu haqda TBC Bank Kursiv Uzbekistan’ga ma’lum qildi.

TBC Uzbekistan’ning raqamli banking ekotizimi London fond birjasida savdoga qo‘yilgan TBC Bank Group PLC tarkibiga kiradi. O‘tgan yil bank tarixida rekord yillardan biri bo‘ldi. Bank umumiy operatsion daromadini 1,9 trln so‘mgacha oshirdi (108% o‘sish) va TBC Bank Group umumiy operatsion daromadining 15% ulushini egalladi.

2024-yilda bankning mijozlar bazasi 18,4 mln foydalanuvchiga yetdi (o‘tgan yilga nisbatan 37% o‘sish), faol foydalanuvchilar soni esa...

Samsung o‘tgan oy Galaxy S25 seriyasini global bozorda taqdim etgan edi. Shu bilan birga, kompaniya yangi model – Galaxy S25 Edge haqida ham shama qilgan, biroq uning tafsilotlari rasman ochiqlanmagan edi. Endilikda bu smartfon turli sinov platformalarida paydo bo‘lib, o‘z imkoniyatlarini namoyish qila boshladi. Bu haqda Gizmochina nashri ma’lum qildi.

Yangi model SM-S937 raqamiga ega bo‘lib, AQSh versiyasi SM-S937U, Xitoy versiyasi esa SM-S9370 indekslari bilan ajratilgan. Yevropa bozorida esa bu model SM-S937B raqami ostida namoyon bo‘ldi va Geekbench sinovlarida test natijalarini ko‘rsatdi.

Galaxy S25 Edge Snapdragon 8 Elite for Galaxy chipida ishlaydi. Shuningdek, smartfon 12 GB tezkor xotiraga...

O‘zbekiston Respublikasi Harbiy sudida Komil Allamjonovga qarshi uyushtirilgan suiqasd bo‘yicha jinoyat ishi yuzasidan sud jarayoni yakunlandi. Natijada 10 nafar ayblanuvchiga hukm o‘qildi. Bu haqda Oliy sud matbuot kotibi Aziz Abidov ma’lum qildi.

Hukmga muvofiq Shuhrat Rasulovga 23 yil, Javlon Yunusovga 18 yil 6 oy, Shoxrux Ahmedovga 23 yil, Ismoil Jahongirovga 23 yil va Doniyor Toshxo‘jayevga 7 yil ozodlikdan mahrum qilish jazosi tayinlandi.

Qolgan 5 nafar shaxsga qilmishiga muvofiq, turli muddatlarda qamoq jazosi tayinlandi.

Avvalroq Kursiv Uzbekistan Komil Allamjonovga uyushtirilgan suiqasd boʻyicha 5 nafar shaxs hibsga olingani haqida xabar bergan edi.

Oʻzbekistonda Umra va Haj ziyoratiga boruvchilar uchun meningitga qarshi emlanish talabi hanuz amalda. Sanitariya-epidemiologiya qoʻmitasi ijtimoiy tarmoqlarda tarqalgan ushbu talab bekor qilingani haqidagi xabarlarni rad etdi.

Saudiya Arabistoni Sogʻliqni saqlash vazirligining talabi boʻyicha 2025-yildan boshlab Umra va Haj uchun keluvchi barcha ziyoratchilar meningitga qarshi emlanganlik sertifikatini taqdim etishi shart.

Sanepidqoʻmita Oʻzbekistonda ham ushbu talab rasman bekor qilinmaganini va yuqumli kasalliklarning oldini olish hamda epidemiologik barqarorlikni saqlash maqsadida ziyoratchilarga meningitga qarshi emlanishni tavsiya etishini ma’lum qildi.

Avvalroq Kursiv Uzbekistan Zangiotada litsenziyasiz Umra tashkil qilgan MChJ jarimaga tortilgani haqida xabar bergan edi.

2025-yil 1-apreldan boshlab «Yoshlar daftari» va 1-sentabrdan «Ayollar daftari» jamg‘armalari orqali ajratiladigan bir martalik moddiy yordamlar o‘rniga kam ta’minlangan oilalar uchun maxsus nafaqalar to‘lanadi. Shu bilan birga, 1-maydan boshlab «Ijtimoiy daftarlar» jamg‘armalari hisobidan davolanish va jarrohlik amaliyotlari xarajatlari Davlat tibbiy sug‘urtasi jamg‘armasi orqali moliyalashtiriladi. Bu haqda Adliya vazirligi ma’lum qildi.

Qoraqalpog‘iston Respublikasi va Xorazm viloyatida esa 1-apreldan boshlab kambag‘al oilalar reyestriga kiritilgan oilalarga artezian quduq qazish, suv nasoslarini o‘rnatish hamda ichimlik suv filtrlari xarid qilish xarajatlarini qoplash uchun subsidiya ajratish tartibi joriy qilinadi. Subsidiya xarajatlarning 90 foizini qoplaydi, lekin BHMning 30 baravaridan oshmaydi.

Bundan tashqari, 1-maydan ozodlikdan mahrum etilgan...

Oʻzbekistonda mikromoliya banklarini tashkil etishga ruxsat beriladi. Bu haqda 11-fevral kuni tegishli qonun qabul qilindi.

Qonun mikromoliya tashkilotlari va tijorat banklari oʻrtasida ularni bogʻlovchi «zanjir»ni shakllantirish, shuningdek, mikromoliya tashkilotlari uchun qoʻshimcha moliyaviy resurslar, shu jumladan, depozitlar jalb etish imkoniyati yaratiladi.

Bank xizmatlarini ruxsat etilgan shartlar asosida koʻrsatishga vakolatli boʻlgan mikromoliya banki instituti joriy etiladi.

Shuningdek, qonun bilan mikromoliya tashkilotlarini mikromoliya banklariga va mikromoliya banklarini tijorat banklariga hamda aksincha transformatsiya qilish uchun huquqiy asos yaratilmoqda.

«Banklar va bank faoliyati toʻgʻrisida»gi Qonunga kiritilgan qoʻshimchaga koʻra, quyidagi kredit tashkilotlari oʻz faoliyatini oʻzgartirishi mumkin:

Jurnalist Ketrin Bennet Buxorodagi shiddat bilan rivojlanayotgan turizmning aholi va shahar madaniy merosiga keltiradigan xavflari haqida sanab o‘tdi. Maqola BBC saytida e’lon qilindi.

Unga ko‘ra, Buxoroga safar chog‘ida arxitektorlar va biznes vakillari bilan muloqotda jurnalist turizmning rivojlanishi haqida turli qarama-qarshi fikrlarga duch keldi. Ba’zi suhbatdoshlar iqtisodiy manfaat, infratuzilma yaxshilanishi va ish o‘rinlari yaratilishi haqida gapirgan bo‘lsa, boshqalar jiddiy xavflarga e’tibor qaratdi.

Ismini oshkor etishni istamagan buxorolik arxitektor vaqt o‘tishi bilan shahar «cho‘ldagi Venetsiyaga» aylanishidan xavotirda. Uning fikriga ko‘ra, sayyohlar oqimi ortishi mahalliy aholiga jiddiy muammo tug‘diradi.

O‘zbekiston merosini himoya qilish assotsiatsiyasining a’zosi Svetlana Gorshenina mamlakatda ko‘p yillardan buyon mahalliy...

UzAuto Motors 2022–2023-yillarda Markaziy Osiyo va MDH mamlakatlarida yengil avtomobillar ishlab chiqarish boʻyicha yetakchilik qilgan. Bu haqda kompaniya sobiq rahbari Bu Andersson «Kommersant»ga bergan intervyusida ma’lum qilindi.

Andersson boshqa yutuqlar qatorida tushumning 160 foizga oʻsishi va kompaniyaning birjaga chiqishini ta’kidladi. Oʻzbekiston Chevrolet brendi uchun dunyodagi ikkinchi yirik bozorga aylanib, Braziliya, Meksika va Xitoyni ortda qoldirgani aytildi.

Shuningdek, UzAuto Motors sobiq rahbari Rossiya avtomobil ishlab chiqaruvchi kompaniyalariga avtomobillar uchun ehtiyot qismlarni yetkazib berish boʻyicha Oʻzbekiston tajribasini oʻrganishni maslahat berdi. Andersson Oʻzbekiston avtomobil sanoati koʻplab butlovchi qismlar yetkazib beruvchilar bilan hamkorlik qilayotganini ta’kidladi.

«Ba’zi ta’minotchi kompaniyalarda xorijiy ishtirok...

Rossiyada ishlash O‘zbekiston fuqarolari uchun o‘z jozibadorligini tobora yo‘qotib bormoqda, deb ta’kidladi «Milliy tiklanish» partiyasi raisi Alisher Qodirov o‘z Telegram sahifasida joylagan postida.

Qodirovning so‘zlariga ko‘ra, Rossiya bozori O‘zbekiston fuqarolari uchun qulay emas, foydasiz va o‘ta xavfli bo‘lib bormoqda. Uning fikricha, bu Rossiyada diskriminatsion qonunlar qabul qilinishi sababli ro‘y bermoqda.

Shuningdek, Qodirov vatandoshlarini ingliz, nemis va yapon tillarini o‘rganishga chaqirdi.

Eslatib o‘tamiz, avvalroq Qodirov gaz iste’molini kamaytirib, iste’molni elektrlashtirish kerakligi haqida so‘zlagan edi.

NASA Boeing Starliner’ning birinchi ekipajli parvozida ishtirok etgan Butch Wilmore va Suni Williamsni kutilganidan ikki hafta avval uyga olib kelishni rejalashtirmoqda. Bu haqda CNN axborot nashri ma’lum qildi.

Unga ko‘ra, astronavtlar Starliner kosmik kemasining dastlabki sinov parvozi davomida yuzaga kelgan geliy sizib chiqishi va propulsion tizimida muammolar tufayli kosmik stansiyada uzoqroq vaqt qolishga majbur bo‘ldilar. NASA Starliner’ni ekipaj bilan qaytarishni xavfli deb topgan va shu sababli ularni qaytarish rejasini o‘zgartirdi.

Shuningdek, SpaceX Crew-9 missiyasi va Crew Dragon Endurance kapsulasi yordamida Williams va Wilmore’ni xavfsiz tarzda Yerga qaytaradi. Crew-10 missiyasi esa yangi astronavtlar jamoasini kosmik stansiyaga olib boradi.

Eslatib...

O‘zbekistonda olimlarning 48% ini ayollar tashkil etadi. Bu haqda prezident yordamchisi Saida Mirziyoyeva O‘zbekiston olima ayollari forumidagi chiqishida ma’lum qildi.

«Raqamlarning o‘zi aytib turibdi: O‘zbekistonda olimlarning 48 foizi ayollar! Ularning izlanishlari, kashfiyotlari va fidoyiligi ilhom baxsh etadi va ilm-fan ularga, ular esa ilm-fanga kerakligini ko‘rsatadi», – deya ta’kidladi Mirziyoyeva.

Saida Mirziyoyeva, shuningdek, ilm-fanda ayollarni qo‘llab-quvvatlash mamlakat uchun ustuvor vazifa ekanini ta’kidladi.

«Biz xalqaro hamjamiyat bilan ilm-fan tinchlik va farovonlikka xizmat qiladigan kelajakni bunyod etish yo‘lida birgalikda harakat qilamiz!», – dedi u.

Eslatib o‘tamiz, avvalroq Mirziyoyeva JSTga a’zolik jarayoni boʻyicha ma’lumot bergan edi.

12-fevralda O‘zbekistonda havo biroz bulutli bo‘lib, ayrim hududlarda qor yog‘ishi va tuman tushishi mumkin. Shamol g‘arbdan turli tezliklarda esadi. Harorat kechasi 0-12° sovuq, kunduzi esa 0-10° iliq bo‘ladi, deya xabar qilmoqda «O‘zgidromet».

Unga ko‘ra, Toshkentda havo biroz bulutli bo‘lib, yomg‘ir yoki qor yog‘ishi mumkin. Shamol 3-8 m/s tezlikda esadi. Kechasi 0-2° sovuq, kunduzi 3-5° iliq bo‘ladi.

Qoraqalpog‘iston Respublikasi va Xorazm viloyatida havo bulutli bo‘lib, qor yog‘ishi ehtimoli bor. Shamol 7-12 m/s tezlikda esadi. Harorat kechasi 3-8° sovuq, kunduzi esa 3° sovuq-2° iliq bo‘ladi.

Buxoro va Navoiy viloyatlarida havo bulutli bo‘lib, tuman tushishi mumkin. Shamol 7-12 m/s tezlikda esadi. Harorat...

«Manchester Siti» UEFA Chempionlar ligasining ilk pley-off o‘yinida 2:3 hisobida «Real»ga imkoniyatni boy berdi. Mezbonlar safida o‘zbekistonlik himoyachi Abduqodir Husanov zaxirada qoldirildi, deb xabar berdi Kursiv Uzbekistan muxbiri.

Chempionlar ligasi doirasidagi shiddatli bahsda «Manchester Siti» va «Real Madrid» o‘rtasidagi to‘qnashuv haqiqiy dramatik sahnalarga boy bo‘ldi. O‘yinning 19-daqiqasida Erling Xoland mezbonlar safida hisobni ochdi, hakam VAR bilan maslahatlashganidan so‘ng golni tasdiqladi. Madridliklar bu zarbaga 60-daqiqada Kilian Mbappe orqali javob qaytarishdi – hisob tenglashdi.

Biroq 80-daqiqada Xoland penaltidan yana «shaharliklar»ni oldinga olib chiqdi. Uzoq davom etgan qarama-qarshilik fonida «Real Madrid» 86-daqiqada «Siti»ning sobiq futbolchisi Brahim Diazning goli bilan yana tenglikni tikladi. O‘yinning...

Airbus aviatsiya startapi Chaise Longue bilan hamkorlikda ikki qavatli samolyot o‘rindiqlarini yaratish ustida ishlamoqda. Bu haqda CNN axborot agentligi ma’lum qildi.

Bu yangi dizayn yo‘lovchilarga yuqori yoki pastki qatorda o‘rindiqlarni tanlash imkonini beradi, pastki darajadagi o‘rindiqlarda kengroq oyoq joyi mavjud bo‘ladi.

Chaise Longue dizayneri Alejandro Núñez Vicente, bu konseptning yo‘lovchilar va aviakompaniyalar uchun samolyot kabinasida joyni optimallashtirishga yordam berishini ta’kidlamoqda. Hozirda loyiha rivojlanish jarayonida bo‘lib, Airbusning qo‘llab-quvvatlashi bilan bu g‘oya amalga oshishi mumkin.

Eslatib o‘tamiz, avvalroq 2025-yil uchun dunyoning eng yaxshi aviakompaniyalari e’lon qilingani haqida yozgan edik.

Shavkat Mirziyoyev Rossiya Federatsiyasi prezidenti administratsiyasi rahbarining o‘rinbosari Maksim Oreshkin boshchiligidagi delegatsiyani qabul qildi. Bu haqda davlat rahbari matbuot xizmati ma’lum qildi.

Unga ko‘ra, uchrashuv boshidanoq Oreshkin Rossiya prezidenti Vladimir Putinning salomi va ezgu tilaklarini yetkazdi.

O‘tgan yil may oyidagi davlat tashrifi va boshqa oliy darajadagi uchrashuvlar davomida erishilgan kelishuvlarni amalga oshirish masalalari muhokama qilindi. Savdo-iqtisodiy hamkorlikni rivojlantirish, sanoat kooperatsiyasi, elektron tijorat, suv xo‘jaligi, oliy ta’lim, sun’iy intellekt va madaniy almashinuv kabi sohalarda amaliy hamkorlikni kengaytirishga alohida e’tibor qaratildi.

Eslatib o‘tamiz, avvalroq prezident energiya ehtiyojlarini ta’minlash uchun atom energetikasidan foydalanish bo‘yicha topshiriq bergan edi.

Hukumat qarori bilan «Ma’rifiy faoliyatni amalga oshirish tartibi to‘g‘risidagi nizom» tasdiqlandi. Bu haqda Adliya vazirligi ma’lum qildi.

Unga ko‘ra, ma’rifiy faoliyat insonning shaxsiy, intellektual va ma’naviy rivojlanishi, ijodiy salohiyatini namoyon etish, shuningdek, ijtimoiy va iqtisodiy faoliyatini oshirishga qaratilgan faoliyat turidir. Bu faoliyat davlat ta’lim standartlari bilan qamrab olinmaydi.

Nizomda ma’rifiy faoliyatni amalga oshirishning tashkiliy-huquqiy shakl va talablari (ma’ruza, seminar, taqdimot, kurs, marafon va boshqalar) belgilandi. Shuningdek, 14 yoshdan kichik bolalarning ma’rifiy faoliyat tadbirlarida qatnashishi faqat ota-onaning yozma roziligi bilan amalga oshirilishi kerak.

Ma’rifiy faoliyatni yakka tartibda yoki yuridik shaxs sifatida olib borish mumkin. Bunda ma’rifiy faoliyat tinglovchilari uni...