Yangiliklar

iFixit mutaxassislari Samsung Galaxy S25 Ultra smartfonining ta’mirlash imkoniyatlarini o‘rganib chiqib, unga 10 balldan 5 ball berdi. Bu Samsung flagmanlari orasida so‘nggi o‘n yildagi eng yaxshi natijalardan biri bo‘lsa-da, hali ham mukammaldan uzoq. Taqqoslash uchun, yangi iPhone’lar ta’mirlash qulayligi bo‘yicha 7 ball oldi.

Tadqiqotchilar batareyani olib tashlashni osonlashtiradigan maxsus yorliqlarni muhim yutuq sifatida baholashdi. Shu bilan birga, S25 Ultra displeyini almashtirish juda murakkab ekani qayd etildi. Yaxshi tomoni shundaki, displey ostida qo‘shimcha komponentlar joylashmagan, shuning uchun faqat shikastlangan taqdirda almashtirish talab etiladi.

Kameralar bo‘limida ko‘plab modullar vintlar yordamida o‘rnatilgan bo‘lib, ularni osonlikcha almashtirish mumkin. Biroq, old kamera epoksi qatroni...

Los-Anjelesda bo‘lib o‘tadigan yozgi Olimpiya va Paralimpiya o‘yinlariga tayyorgarlik doirasida mamlakatda Olimpiya qo‘mitasining hududiy bo‘limlarini tashkil etish taklifi qo‘llab-quvvatlandi. Bu haqda prezident Shavkat Mirziyoyev ommaviy sportni yangi bosqichga olib chiqish masalalariga bag‘ishlangan videoselektor yig‘ilishida aytib o’tdi.

Yangi tizimga ko‘ra, Milliy Olimpiya qo‘mitasiga prezident rahbarlik qilganidek, viloyatlardagi bo‘limlarni mahalliy hokimlar boshqaradi. Ular har bir sport federatsiyasi bilan ishlash orqali olimpiya sikli uchun maxsus strategiya ishlab chiqadi va uni Milliy Olimpiya qo‘mitasi huzurida himoya qiladi.

Shuningdek, barcha sport federatsiyalari rahbarlari va viloyat hokimlari har oyda amalga oshirilayotgan ishlar va natijalar bo‘yicha Olimpiya qo‘mitasida hisobot berish tizimi joriy etiladi.

Sportchilarning tayyorgarligi uchun...

Oʻzbekiston prezidenti, Milliy Olimpiya Qoʻmitasi raisi Shavkat Mirziyoyev raisligidagi videoselektorda parasportchilar, ayniqsa nogironligi bo‘lgan qizlarning boshqa sportchilar bilan birga shug‘ullanishiga sharoit yaratish zarurligi ta’kidlandi. Sportchi va parasportchilarni tayyorlaydigan murabbiylarga malaka sertifikati berish va ularni qayta tayyorlash tizimi soddalashtiriladi.

Shuningdek, nogironligi bo‘lgan yosh sportchilarni terma jamoaga qabul qilish tartibi o‘zgartiriladi. Endilikda ular faqat musobaqa natijalariga emas, balki sport normativlarini bajarishiga qarab ham terma jamoaga qabul qilinadi.

Bundan tashqari, sport musobaqalari va yig‘inlarini tashkil qilishda olimpiya va paralimpiya tizimiga o‘tiladi. Endi har qanday chempionat yonida parasport musobaqasi ham o‘tkaziladi, sport yig‘inlari esa birgalikda tashkil etiladi.

Eng muhim jihatlardan biri – parasportchilarni tayyorlashda...

Soʻnggi toʻrt yilda budjetdan sportga ajratilayotgan mablagʻ 1,5 trillion soʻmdan 3 trillion soʻmga oshdi. Bu haqda Oʻzbekiston prezidenti, Milliy olimpiya qoʻmitasi raisi Shavkat Mirziyoyev raisligidagi videoselektorda ma’lum qilindi.

Ma’lum qilinishicha, mazkur davrda murabbiylarning oʻrtacha maoshi 2 baravar koʻpaydi, 101 ta yirik sport obyektlari yangidan qurildi, 67 tasi rekonstruksiya qilindi.

Prezident sport sohasini shunchaki oʻyin va musobaqalar emas, millat genofondi, mamlakatning qudrati va obroʻ-e’tiborini butun dunyoga tarannum etadigan eng ta’sirchan vosita, eng ustuvor vazifa deb bilishimiz shart ekanini ta’kidladi.

Shu bois Olimpiya va Paralimpiya oʻyinlariga tayyorgarlik boʻyicha birinchi marta bunday katta yigʻilish oʻtkazilayotgani qayd etildi.

«Eng...

Raqobat qo‘mitasining Navoiy viloyati hududiy boshqarmasi tomonidan o‘tkazilgan tekshiruv natijasida «Elkimyo-suvta’minot» MCHJ tomonidan iste’molchilardan ichimlik suvi va kanalizatsiya xizmatlari uchun noqonuniy ravishda 200 million so‘mdan ortiq mablag‘ undirilgani aniqlangan.

Amaldagi tartibga ko‘ra, tabiiy monopoliya subyektlari o‘z xizmatlariga belgilangan tariflarning o‘zgarishi haqida kamida 15 kun oldin ommaviy axborot vositalari va rasmiy veb-saytlari orqali aholiga ma’lum qilishi lozim. Biroq, mazkur korxona bu talabga rioya qilmagan.

Aniqlangan qonunbuzarliklar asosida Raqobat qo‘mitasi hududiy boshqarmasining Maxsus komissiyasi tomonidan «Elkimyo-suvta’minot» MCHJga nisbatan ish qo‘zg‘atilib, unga nisbatan moliyaviy jarima qo‘llash bo‘yicha qaror qabul qilindi.

Shuningdek, iste’molchilardan ortiqcha undirilgan 200 mln so‘m qayta hisob-kitob qilinishi bo‘yicha bajarilishi...

Oʻzbekistonga 2024-yilda xorijdan qariyb 4,2 mln dona mobil telefon import qilindi. Bu haqda Statistika agentligi maʼlum qildi.

Maʼlum qilinishicha, import qilingan telefonlarning umumiy qiymati $374,5 mlnni tashkil qilgan. Importning asosiy qismini Xitoy tashkil qilib, yil davomida mazkur davlatdan 3,4 mln dona telefon olib kelingan.

Shuningdek, Vyetnamdan (589,4 ming), Hindistondan (113,6 ming), Gonkongdan (46,1 ming) va Boshqa davlatlar (5,4 ming) telefonlar import qilingan.

Taqqoslash uchun 2023-yilda Oʻzbekiston xorijdan qiymati $240,1 million teng boʻlgan 3,4 million dona mobil telefon import qilgan. Bu esa 2024-yilda import hajmi 23,5 foizga oshganini koʻrsatadi.

Avvalroq Kursiv Uzbekistan telefonni bojxona orqali qanday olib kirish va...

Davlat xavfsizlik xizmati (DXX) va Ichki ishlar vazirligi (IIV) xodimlari tomonidan Toshkent shahrida o‘tkazilgan tezkor tadbirda noqonuniy diniy jamoat faoliyati aniqlanib, uning a’zolari qo‘lga olindi.

Poytaxtdagi milliy taomlar oshxonalaridan birida tungi vaqtda bojxona idoralarining uch xodimi, Toshkent davlat sharqshunoslik universiteti talabasi, texnopark direktori o‘rinbosari, xususiy avtomaktab rahbari, «Sergeli-avto» bozorida savdo bilan shug‘ullanuvchi shaxslar va boshqa fuqarolardan iborat jami 17 nafar kishi turli diniy adabiyotlardan foydalangan holda noqonuniy yig‘in tashkil etgani aniqlangan.

Mazkur shaxslarning aksariyati asli Namangan viloyatidan bo‘lib, ayni paytda Toshkent shahrida istiqomat qiladi. Tekshiruv davomida Bojxona qo‘mitasining boshqarma boshlig‘i o‘rinbosari 2021-yildan buyon muntazam ravishda ushbu noqonuniy diniy darslarni...

Transport vaziri Ilhom Mahkamov Xitoyning Yutong Bus kompaniyasining xalqaro marketing bo‘yicha vitse-prezidenti Syuy Pen bilan uchrashdi. Bu haqda Transport vazirligi ma’lum qildi.

Uchrashuvda jamoat transporti tizimini rivojlantirish, harakat tarkiblarini yangilash va elektrobuslar sotib olish masalalari muhokama qilindi. Tomonlar Toshkent shahri uchun mingta avtobus sotib olish bo‘yicha istiqbolli loyiha va 200 ta elektrobus sotib olish loyihasining hozirgi holatini muhokama qilishdi.

Shuningdek, xususiy tadbirkorlar uchun elektrobuslarni sotib olishda qulay shart-sharoitlar yaratish masalalari ham ko‘rib chiqildi. Transport vaziri Yutong kompaniyasi tomonidan ishlab chiqarilgan avtobus va elektrobuslar soni oshayotganini inobatga olib, servis xizmatlarini kuchaytirish zarurligini ta’kidladi.

Eslatib o‘tamiz, avvalroq Toshkentdagi avtobuslarda ayol haydovchilar...

Yangi iPhone SE 4 smartfoni haqidagi ilk jonli tasvirlar internetda paydo bo‘ldi. Majin Bu taxallusi ostidagi insayder ushbu modelning qadoqlangan va qo‘lda tutilgan yuqori sifatli suratlarini e’lon qildi.

Insayderning oldingi ma’lumotlariga ko‘ra, yangi iPhone SE 2025-yili 6,06 dyuymli displey bilan jihozlanadi. Bu uning oldingi versiyasidan ancha katta ekanligini anglatadi. 2020-yilgi iPhone SE 4,7 dyuymli ekran bilan chiqqan edi. Shuningdek, iPhone SE 4 60 Gs chastotali OLED-displey, old panelda dizayn va yangi harakat tugmachasi bilan taqdim etiladi.

Bloomberg jurnalisti Mark Gurman avval Apple iPhone SE’ning yangi versiyasini shu hafta namoyish etishni rejalashtirganini ma’lum qilgan edi. Biroq taqdimot noma’lum sabablarga...

LandRoads kompaniyasi Xitoyda ishlab chiqarilgan yangi energiya bilan harakatlanuvchi avtomobillar (NEV) sifati bo‘yicha tadqiqot natijalarini e’lon qildi. Eng kam muammoli avtomobil Mercedes-Benz ekani ma’lum bo‘ldi. BYD va Zeekr rusumlarining ishonchliligi esa o‘rtachadan yuqori darajada ekanligi aniqlandi.

Kompaniya Xitoydagi 67 ta NEV brendining 7,8 mingdan ortiq egalari orasida so‘rov o‘tkazdi va iste’molchilarning avtomobillari bilan bog‘liq muammolar soni va jiddiyligini aks ettiruvchi mahsulot sifati xavfi indeksini tuzdi. Indeks qanchalik past bo‘lsa, ishonchlilik shunchalik yuqori bo‘ladi.

Mercedes-Benz eng past ko‘rsatkichga ega bo‘ldi – 33. Ikkinchi o‘rinda 79 ball bilan Xiaomi SU7. Uchinchi va to‘rtinchi o‘rinlarni BMW va Arcfox egallagan. Sifat xavf indekslari...

O‘zbekiston Savdo-sanoat palatasining mas’ul xodimlari hamda «O‘zbekiston asalarichilari» uyushmasi raisi Erkin Nazarov Pokistonning Adam Tradi va Marhaba asal mahsulotlarini qayta ishlash korxonalarida bo‘ldi. Bu haqda Savdo-sanoat palatasi ma’lum qildi.

Unga ko‘ra, mehmonlar korxonalar ishlab chiqarish sexlari va laboratoriyalarida bo‘lib, jarayonlarni yaqindan kuzatish imkoniga ega bo‘lishdi. Shuningdek, tashrif doirasida asal mahsulotini yetishtirish va qayta ishlash bilan shug‘ullanadigan korxonalar rahbarlari bilan uchrashuvlar o‘tkazildi.

Muzokaralar davomida O‘zbekistonda asal mahsulotlarining yetarli zaxirasi mavjudligi va uni eksport qilish imkoniyatlari muhokama qilindi. Birinchi bosqichda 5 tonna, keyinchalik esa bosqichma-bosqich 20 tonnadan asal va asalarichilik mahsulotlarini Pokistonga eksport qilish masalalari ko‘rib chiqildi.

Eslatib o‘tamiz, avvalroq xotin-qizlarning...

Qonunchilikka kiritilgan o‘zgartirishlar ipoteka kreditlari bo‘yicha yangi mexanizmlarni joriy etadi. Endilikda elektron garov xati orqali ipoteka munosabatlarini tartibga solish imkoniyati paydo bo‘ladi.

«Ipoteka to‘g‘risida», «Qimmatli qog‘ozlar bozori to‘g‘risida» va «To‘lovga qobiliyatsizlik to‘g‘risida»gi qonunlarga kiritilgan qo‘shimchalarga ko‘ra, elektron garov xati bilan ta’minlangan majburiyatlarni bajarish, u bo‘yicha huquqlarni boshqa shaxsga o‘tkazish hamda undan foydalanish bo‘yicha yangi tartib joriy etiladi.

Shuningdek, qonunga muvofiq, elektron garov xatiga o‘zgartirish kiritish uchun garov xatining qonuniy egasi va garovga qo‘yuvchi shaxs Yagona interaktiv davlat xizmatlari portalida qo‘shimcha kelishuv shaklini to‘ldirishi kerak. Shuningdek, elektron garov xatlari bo‘yicha huquqlar boshqa shaxslarga depo hisobvarag‘iga yozuv kiritish orqali o‘tkaziladi.

Avvalroq...

Chery kompaniyasining Exeed bo‘linmasi yangi Exeed Exlantix ES EREV modelining rasmiy suratlarini taqdim etdi. Exeed marketing bo‘limi bosh menejeri Huang Zhaogen avtomobilni o‘z sinfidagi birinchi yuqori darajadagi aqlli sedan, deb atadi. Ushbu model mart oyining boshida rasmiy ravishda bozorda sotuvga chiqarilishi kutilmoqda.

Hozircha Exeed Exlantix ES EREV’ning rasmiy narxi oshkor qilinmagan, biroq ilgari taqdim etilgan elektr versiyasi 195,9 ming – 299,9 ming yuan ($26,8 ming – $41 ming) oralig‘ida baholangan edi. Ushbu yangi model ichki sinov bosqichidan o‘tgan va yanvar oyida ommaviy ishlab chiqarish boshlangan.

Exlantix ES EREV o‘lchamlari 4945×1978×1480 mm, g‘ildirak bazasi esa 3000 mm. Model dizayni...

Samarqandda viloyati Pastdarg‘om tumanidagi avtomobillarga yonilg‘i quyish shoxobchasi 553 mln so‘mlik elektr energiyasidan noqonuniy ravishda foydalangani aniqlandi. Bu haqda Energetika vazirligi ma’lum qildi.

Samarqand viloyatida «Hududiy elektr tarmoqlari» AJ tomonidan o‘tkazilgan reyd tadbirlarida Pastdarg‘omdagi avtomobillarga yonilg‘i quyish shoxobchasi (Ch.F.B MCHJ) elektr tarmog‘iga hisoblagichsiz ulanib, 204 ming kVt⋅soat energiya sarflaganligi aniqlangan. Ushbu holat bo‘yicha qayta hisob-kitob o‘tkazildi.

Shuningdek, 3–7-fevral kunlari o‘tkazilgan tadbirlar davomida 20 ta qoidabuzarlik aniqlanib, 1 mlrd 866 mln so‘mdan ortiq zarar undirilgan.

Esatib o‘tamiz, avvalroq qariyb 18 milliard so‘mlik elektr energiyasi talon-toroj qilingani haqida yozgan edik.

12-fevral kuni AQSh prezidenti Donald Tramp Ukraina prezidenti Vladimir Zelenskiy bilan ham telefon orqali gaplashdi.

Zelenskiyning aytishicha, ular tinchlikka erishish imkoniyatlari, Ukrainaning texnologik imkoniyatlari, jumladan, dronlar va boshqa ilgʻor sohalar haqida suhbatlashgan. Shuningdek, Trampning hamkorlikka tayyorligini qayd etdi.

Tramp suhbat tafsilotlarini Truth Social sahifasida eʼlon qilib, suhbatni «juda yaxshi» deb baholadi. U ham Putin kabi tinchlik oʻrnatishni xohlashini aytdi.

Tramp, shuningdek, 14-fevral kuni Myunxenda boʻlib oʻtadigan uchrashuv haqida gapirdi. Unda vitse-prezident Jey Vens va Davlat kotibi Marko Rubio ishtirok etadi. Tramp bu uchrashuvdan ijobiy natijalar kutayotganini va urushni toʻxtatish vaqti kelganini taʼkidladi.

Avvalroq Kursiv Uzbekistan Tramp poʻlat va alyuminiyga yangi...

17 yoshida ayollar o‘rtasida grossmeyster unvonini qo‘lga kiritgan Gulruhbegim Toxirjonova O‘zbekistonga qaytdi. Bu haqda O‘zbekiston shaxmat federatsiyasi ma’lum qildi.

Unga ko‘ra, haxmatga bo‘lgan cheksiz ishtiyoqi va mehnatining samarasini yana bir bor namoyish etdi. Bugun, O‘zbekiston Xalqaro shaxmat akademiyasida, yulduz grossmeyster Vataniga qaytganidan so‘ng, jurnalistlar, blogerlar va ommaviy axborot vositalari vakillari bilan uchrashdi. 15 yil davomida shaxmatni o‘rganib, jahonning nufuzli turnirlarida muvaffaqiyat qozongan Gulruhbegim, o‘zining eng katta orzusini amalga oshirganini aytdi.

Eslatib o‘tamiz, avvalroq FIDE Samarqandda bo‘lib o‘tadigan «Grand Swiss» musobaqasi sanalarini e’lon qilgan edi.

O‘zbekistonda 13-fevral kuni ob-havo biroz bulutli bo‘ladi va yog‘ingarchilik kutilmaydi. Bu haqda «O‘zgidromet» agentligi ma‘lum qildi.

Unga ko‘ra, Toshkentda kechasi va ertalab tuman tushishi mumkin. Shamol g‘arbdan 3-8 m/s tezlikda esadi. Harorat kechasi 1° sovuqdan 1° iliqqacha, kunduzi esa 8-10° iliq bo‘ladi.

Qoraqalpog‘iston va Xorazm viloyatlarida ayrim joylarda qor yog‘ishi va tuman tushishi mumkin. Shamol tezligi 7-12 m/s bo‘lib, harorat kechasi 3-8° sovuq, kunduzi esa 0-5° iliq bo‘ladi.

Buxoro va Navoi viloyatlarida ham yog‘ingarchilik kutilmaydi, lekin ba’zi joylarda tuman tushishi mumkin. Harorat kechasi 0-5° sovuq, kunduzi esa 4-9° iliq bo‘ladi.

Toshkent, Sirdaryo, Samarqand va Jizzax viloyatlarida kechasi...

Prezident yordamchisi Saida Mirziyoyeva AQShning O‘zbekistondagi elchisi Jonatan Xenik bilan uchrashuv o‘tkazdi. Bu haqda o‘z Telegram sahifasida ma’lum qildi.

Unga ko‘ra, suhbat davomida tez o‘zgarayotgan global voqeliklar kontekstida AQShning yangi ma’muriyati bilan o‘zaro manfaatli hamkorlikni rivojlantirish masalalari muhokama qilindi.

Shuningdek, ayollar uchun imkoniyatlarni kengaytirish, ta’lim sohasini yaxshilash va ikki tomonlama savdo-iqtisodiy aloqalarni mustahkamlash bo‘yicha fikr almashildi.

Eslatib o‘tamiz, avvalroq Mirziyoyeva O‘zbekistonda olimlarning 48% ini ayollar tashkil etishi haqida so‘zlagan edi.

Hindistonda o‘tkazilayotgan Mela Kumbh festivalining eng muqaddas kunlaridan biri bo‘lgan chorshanba kuni, 10 milliondan ortiq hindular muqaddas suvda cho‘mildilar. Bu haqda Reuters axborot nashri ma’lum qildi.

Unga ko‘ra, festival Prayagraj shahrida, Hindistonning uchta muqaddas daryosining birlashgan joyida o‘tkazildi. Festival davomida xavfsizlikni ta’minlash uchun ko‘plab politsiya xodimlari va tibbiy yordam vertolyotlari tayyor holatda turdi.

Bu yilgi festivalda transport tirbandliklari va kechikishlar sodir bo‘lishi kutilmoqda, chunki odamlar soni juda ko‘p. Shunga qaramay ayni kunlardagi festivalga tashrif buyuruvchilar soni ochib bormoqda.

Eslatib o‘tamiz, avvalroq Hindistonda diniy festivaldagi tiqilinch 30 dan ortiq kishilarning umriga zomin bo‘lgan edi.

Warner Bros Xitoyning Jinjiang International kompaniyasi bilan hamkorlikda Shanxayda «Garri Potter studiyasi»ni qurmoqchi. Bu haqda Reuters axborot agentligi ma’lum qildi.

Unga ko‘ra, yangi ko‘ngilochar park 53 ming kvadrat metr maydonni egallaydi va mehmonlarga Garri Potter filmlarining orqasidagi sahnalarni ko‘rish imkoniyatini beradi.

Bu loyiha Shanxaydagi katta miqyosdagi tematik parkni yangilash doirasida amalga oshiriladi va 2027-yilda ochilishi rejalashtirilgan. Bu Warner Brosning Londonda va Tokioda joylashgan «Garri Potter studiyasi»ning uchinchi nuqtasi bo‘ladi. Xitoyda Garri Potter franshizasi juda mashhur, shu sababli ushbu loyiha katta qiziqish uyg‘otadi.

Eslatib o‘tamiz, avvalroq Fransiya turistlar tashrifi bo‘yicha yetakchi davlatga aylangani haqida yozgan edik.

Italiya politsiyasi Palermo shahrida o‘tkazilgan keng qamrovli operatsiyada 130 nafarga yaqin shaxsni hibsga oldi. Bu haqda CNN axborot agentligi ma’lum qildi.

Unga ko‘ra, ular giyohvandlik moddalari savdosi, qotillikka urinish, extortsion va noqonuniy qurol saqlash kabi jinoyatlarda ayblanmoqda. Hibsga olinganlar «Cosa Nostra» mafiyasi bilan bog‘liq bo‘lib, bu guruhning o‘z faoliyatini qayta tiklayotgani aniqlandi.

Shuningdek, yoshlarni mafia ishlariga jalb qilish uchun o‘rgatish holatlari ham qayd etildi. Italiya bosh vaziri Jorjiya Meloni bu hibsga olishlarni mafiyaga qarshi kurashda katta qadam sifatida baholadi.

Eslatib o‘tamiz, avvalroq Italiya G‘azo tinch aholisiga 15 tonna gumanitar yordam yuborgan edi.

Xitoyda yangi Chery Tiggo 5x Excellence Edition krossoveri sotuvga chiqdi. Bu haqda ITHome nashri ma’lum qildi.

Unga ko‘ra, ushbu model 1,5 litrli 120 ot kuchiga ega benzinli dvigatel bilan jihozlangan bo‘lib, variator transmisiyasi bilan ishlaydi. Mashinaning narxi $9,3 mingni tashkil qilsa-da, dastlabki xaridorlar uchun narx 8,3 ming dollarga tushirilgan.

Tiggo 5x Excellence Edition o‘zining 4358 x 1830 x 1670 mm o‘lchamlari va 2630 mm g‘ildirak bazasi bilan Hyundai Creta bilan taqqoslanadi. Avtomobilda 17 dyuymli g‘ildiraklar, 10 dyuymli media tizimi, 8 dyuymli iqlim boshqaruvi uchun sensorli displey va orqa ko‘rinish kamerasining mavjudligi ham ta’minlangan.

Eslatib o‘tamiz, avvalroq Chery Oʻzbekiston...

Oʻzbekiston amputantlar terma jamoasi Bangladeshda boʻlib oʻtgan Osiyo chempionatida chempionlikni qoʻlga kiritdi.

Oʻzbekiston terma jamoasi guruh bosqichida Indoneziyani 8:1, Nepalni 13:0 va Bangladeshni 3:0 hisobida yengib, yarim finalga yoʻl oldi. Yarim finalda esa Iroqni 3:0 hisobida magʻlub etib, finalga chiqdi.

Finalda Oʻzbekiston terma jamoasi Indoneziya ustidan 6:0 hisobida gʻalaba qozondi. Shu tariqa Oʻzbekiston qit’a chempionatidagi barcha oʻyinda yirik hisobda gʻalaba qozonib, gʻoliblikni qoʻlga kiritdi.

Avvalroq Oʻzbekiston amputantlar terma jamoasi Osiyo chempionati finaliga chiqqani haqida xabar bergan edi.

Oliy sud ma’lumotlariga koʻra, 2024-yilda Oʻzbekistonda deyarli 78 nafar shaxsga nisbatan 61 ta jinoyat ishi koʻrib chiqilgan. Shundan 723 nafar shaxs oqlanib, reabilitatsiya qilingan.

61,5 ming nafar shaxs sudlangan, ulardan:

Sudlanganlar orasida:

Jinoyatlarning koʻp qismi firibgarlik, transport vositalari xavfsizligi qoidalarini buzish, oʻgʻrilik, giyohvand moddalarni noqonuniy saqlash, oʻzlashtirish yoʻli bilan talon-toroj qilish, hujjatlarni qalbakilashtirish, badanga...