Yangiliklar

«Tolibon» ma’muriyati va Oʻzbekiston Afgʻonistonning Jauzjon va Faryob provinsiyalardagi Tuti-Maydon zaxirasida tabiiy gazni oʻzlashtirish boʻyicha 1 milliard dollarlik shartnoma imzoladi, deb xabar qildi Afgʻoniston bosh vazirining iqtisodiy masalalar boʻyicha oʻrinbosari Abdul-Gʻani Baradar idorasi.

O‘zbekiston o‘n yil ichida loyihaga sarmoya kiritishi kerak. Birinchi yil davomida Afg‘onistondagi gaz koniga $100 mln sarmoya kiritiladi, ikki yil ichida esa 100 MVt quvvatga ega issiqlik elektr stansiyasi (IES) quriladi.

Hujjat «Tolibon» bosh vazirining iqtisodiy masalalar bo‘yicha o‘rinbosari Abdul-G‘ani Baradar va O‘zbekiston prezidentining maxsus vakili Ismatulla Irgashev ishtirokida imzolandi.

Avvalroq Kursiv Uzbekistan O‘zR Tashqi ishlar vazirligi rahbari Baxtiyor Saidov Afg‘onistonning O‘zbekistondagi elchisi...

Centrum Air aviakompaniyasi Toshkentdan Xitoyning uchinchi yirik shahri Guanchjouga toʻgʻridan-toʻgʻri reyslarni yoʻlga qoʻymoqda. Bu haqda aviatashuvchi matbuot xizmati ma’lum qildi.

Unga ko‘ra, birinchi reys 3-noyabr kuni amalga oshiriladi. Ekonom-klassdagi chiptalar narxi 9,2 mln so‘mdan boshlanadi.

Ma’lumot uchun, Guanchjou Kanton savdo ko‘rgazmasi va turli mahalliy restoranlar bilan mashhur.

Avvalroq Kursiv Uzbekistan nashri Silk Avia Fargʻona va Samarqand oʻrtasida muntazam reyslarni yoʻlga qoʻygani haqida yozgan edi.

2024-yilgi adabiyot boʻyicha Nobel mukofoti Janubiy koreyalik yozuvchi Xan Kanga topshirildi.

Uning asarlari «tarixiy jarohatlar va inson hayotining nozikligini aks ettiruvchi kuchli nasriy she’riyat» sifatida e’tirof etildi. Mukofot miqdori taxminan $1,06 millionga teng. Pul mukofotidan tashqari, Shvetsiya qiroli sovrindorlarga medal va diplomlarni topshiradi.

Eslatib oʻtamiz, 11-oktabr kuni Osloda tinchlik boʻyicha Nobel mukofoti laureatlari nomi e’lon qilinadi.

Avvalroq Kursiv Uzbekistan kimyo boʻyicha Nobel mukofoti sovrindorlari ma’lum boʻlgani haqida xabar bergan edi.

Turkiyada tarix darsliklarida Markaziy Osiyo nomi oʻrniga Turkiston atamasi qoʻllaniladi. Bu haqda Turkiya Milliy ta’lim vazirligiga tayanib, TRT xabar berdi.

Vazirlikning fikricha, bu tashabbus maktab oʻquvchilarida vatanparvarlik va milliy oʻzlikni mustahkamlashga xizmat qiladi.

Mutaxassislar oʻquv dasturiga kiritilgan oʻzgartirishlarda Turkiyaning boshqa turkiy davlatlar, jumladan, Oʻzbekiston, Turkmaniston, Qozogʻiston va Qirgʻiziston bilan madaniy hamda tarixiy aloqalarini o‘rnatayotganini ta’kidladi.

Shuningdek, ular maktab oʻquv dasturiga yangi atama kiritilishini Anqarani mintaqa mamlakatlari bilan yaqinlashtirish siyosatining bir qismi sifatida koʻrish mumkinligini qayd etmoqda. Sentabr boshida turkiy davlatlar yagona alifbo loyihasini ma’qulladi.

Avvalroq Kursiv Uzbekistan Shavkat Mirziyoyev Turkiya bilan mudofaa sohasida hamkorlik toʻgʻrisidagi shartnomani tasdiqlagani...

Checheniston Respublikasi rahbari Ramzan Qodirov Wildberries bilan bog‘liq vaziyat tufayli Sulaymon Kerimov va Rossiya Davlat Dumasi deputatlari Bekhan Baraxoyev hamda Rizvon Qurbonovga qonli qasos e’lon qildi. Checheniston Respublikasi rahbarining soʻzlari aks etgan video uning Telegram-kanalida e’lon qilindi.

«Bu biznes masalasi, Baraxoyev Bekhan, Karimov Sulaymon va Qurbonov Rizvon – yirik tadbirkorlar. Ular nafaqat bu ayoldan (Tatyana Bakalchuk (hozirda – Kim) biznesini tortib olishga urinishdi, balki menga suiqasd ham uyushtirmoqchi bo‘lishdi. Men bu haqda sukut saqladim. Ammo endi rasmiy ravishda Baraxoyev, Karimov va Qurbonovning bunday rejaga aloqasi yo‘qligini isbotlashmasa, ularga qonli qasos e’lon qilaman,» – dedi...

Koʻp miqdordagi yogʻingarchilik tufayli Sahroi Kabir choʻlini 50 yil ichida birinchi marta suv bosdi, deya xabar bermoqda Al Jazeera.

«Qisqa vaqt ichida shunchalik koʻp yomgʻir yogʻganiga 30 – 50 yil boʻldi», – deydi Marokash meteorologiya boshqarmasi vakili Hussin Yabeb.

Yabebning qoʻshimcha qilishicha, bunday yomgʻirlar kelgusi oylar va yillar uchun mintaqadagi ob-havoni oʻzgartirishi mumkin. Uning soʻzlariga koʻra, havo koʻproq namlikni ushlab turadi, bu esa boʻronlar xavfini oshiradi.

Yomgʻirlar Marokash va Jazoirda 20 dan ortiq odamlarning hayotiga zomin boʻldi va dehqonlarning ekinlariga zarar yetkazdi.

Shu bilan birga, kuchli yogʻingarchilik mintaqadagi yer osti suvlarini toʻyintirishi mumkin, chunki Marokash...

10-oktabr kuni O‘zbekiston Respublika valyuta birjasida dollarning rasmiy narxi 9,70 so‘mga pasaydi va 12 768,30 so‘mni tashkil qildi.

Banklar AQSh valyutasini 12 715 – 12 760 so‘mdan xarid qilishmoqda va 12 780 – 12 840 so‘mdan sotishmoqda.

Eslatib o‘tamiz, mamlakatda 9-oktabr kuni dollarning rasmiy qiymati 9,03 so‘mga pasaygan edi.

Rossiyadan migrantlar orasida taniqli bo‘lgan o‘zbekistonlik bloger va inson huquqlari himoyachisi Jurabek Amonov deportatsiya qilindi. Bu haqda «Nastoyashee Vremya» nashri xabar berdi.

U «Suyanch» nomli YouTube va Telegram kanallari orqali Rossiyadagi migrantlarning murakkab hayoti haqida lavhalar taqdim etgan.

Amonov 2022-yilda Rossiya Mudofaa vazirligi mehnat migrantlarini Ukraina urushiga yollashga uringani haqida xabar bergan edi. Yaqinda u hujjatlari to‘g‘ri bo‘lishiga qaramay qo‘lga olingan va Rossiyada qolish qoidalarini buzganlikda ayblandi.

Keyinchalik FSB xodimlari Amonovni uning faoliyati uchun jinoiy javobgarlikka tortilishi mumkinligi haqida ogohlantirgan va unga urushda ishtirok etish evaziga deportatsiyadan qutulishini taklif qilishgan.

Amonov esa ushbu taklifni rad etgan. U O‘zbekistonga...

Ukraina televideniye va radioeshittirish milliy kengashi Telegram messenjerini mamlakatda butunlay blok qilishga chaqirmoqda. Bu haqda «TASS» nashri xabar berdi.

Milliy kengashning taʼkidlashicha, ushbu messenjerdan kengash xodimlari oʻrtasida foydalanish taqiqi bir yil avval joriy etilgan. Kengash Ukraina rasmiylari turli ijtimoiy tarmoqlar va messenjerlarni, jumladan, Telegramʼni taqiqlash masalasini bir necha bor koʻtarganini aytdi.

Bu tashabbuslarga qaramay, Kiyev xalqaro sotsiologiya instituti tomonidan oʻtkazilgan soʻrovnoma natijalari shuni koʻrsatdiki, ukrainaliklarning atigi 9 foizi Telegramʼdan foydalanishni toʻliq taqiqlashni yoqlaydi.

Avvalroq Kursiv Uzbekistan Pavel Durov Telegramʼda 10 ta yangi funksiya ishga tushishini maʼlum qilgani edi.

Bugun, 10-oktabr kuni O‘zbekiston va Eron terma jamoalari futbol bo‘yicha Jahon chempionati saralash bosqichida o‘zaro kuch sinashadi. Muxlislar orasida o‘yinga bo‘lgan qiziqish nihoyatda yuqori bo‘lib, iticket.uz ma’lumotiga ko‘ra, barcha chiptalar allaqachon sotib bo‘lingan.

O‘yinni yuqori darajada o‘tkazish va muxlislarning xavfsizligini ta’minlash maqsadida Toshkent shahar IIBB va Milliy gvardiya tomonidan maxsus xavfsizlik choralari belgilangan. Fuqarolardan stadionga erta tashrif buyurish, shaxsiy transport o‘rniga jamoat transportidan foydalanishlari tavsiya qilinmoqda.

«Futbol ishqibozlari stadionda jamoat tartibiga va o‘rnatilgan qoidalarga qat‘iy rioya qilishlarini, muxlislik madaniyatiga amal qilishlarini so‘raymiz», – deyiladi xabarda.

Avvalroq Kursiv Uzbekistan terma jamoa...

BAA kompaniyasi O‘zbekistonda yetishtirilgan qishloq xo‘jaligi mahsulotlarini import qilib, ularni qayta ishlagan holda reeksport qilishni rejalashtirmoqda. Bu haqda Dunyo axborot agentligi xabar berdi.

O‘zbekiston elchisi Abdulaziz Aqqulov Birlashgan Arab Amirliklaridagi OneRoad Group kompaniyasi bosh ijrochi direktori Chenling Jang bilan muzokara o‘tkazdi. Uchrashuvda investitsiya muhitini yaxshilash, bojxona to‘lovlarini yengillashtirish va soliq yukini kamaytirishga oid islohotlar muhokama qilindi.

Bundan tashqari, 2030-yilga qadar davlat-xususiy sheriklik asosida amalga oshiriladigan loyihalar dasturi to‘g‘risida taqdimot o‘tkazildi.

Tomonlar uchrashuvda qishloq xo‘jaligi mahsulotlarini importi hamda reeksporti haqida yo‘nalish yuzasidan kompaniya hamda O‘zbekiston Eksportchilar uyushmasi alohida uchrashuv tashkil etish to‘g‘risida kelishib oldi.

Kompaniya vakiliga joriy yil 13–16-oktabr...

Prezident farmoni bilan Olimov Abror Mirzo Muhammadqosimovich Markaziy bank raisining oʻrinbosari etib tayinlandi. Bu haqda regulyator matbuot xizmatida ma’lum qilindi.

Unga ko‘ra, o‘rinbosarning zimmasiga bir qator vazifalar yuklatildi. Xalqaro hamkorlik, valyutani tartibga solish, xalqaro zahiralarni boshqarish, qimmatbaho metallarni saqlash va ular bilan ishlash, moliya-iqtisodni yuritish hamda Valyuta birjasi faoliyatiga rahbarlik shular jumlasidandir.

Ma’lumot uchun, Abror Olimov 1988-yilda tugʻilgan bo‘lib, 2010-yilda Jahon iqtisodiyoti va diplomatiya universitetining bakalavr, 2012-yilda magistratura bosqichini tamomlagan. 2020-yilda Xitotsubashi universitetining (Yaponiya) magistratura bosqichini tamomlagan. U shu kunga qadar MB Valyutani tartibga solish va toʻlov balansi departamenti direktori lavozimida ishlagan.

Eslatib o‘tamiz, avvalroq Qoraqalpog‘istonda transport vaziri...

Bolalarga nisbatan zoʻravonlikka oid fikr bildirish mumkin boʻlgan platforma ishlab chiqildi. Bu haqda Ijtimoiy himoya milliy agentligi ma’lum qildi.

Unga ko‘ra, Ijtimoiy himoya milliy agentligi tomonidan U-Report (@UReportUzbBot) platformasida ayni bolalarga nisbatan zoʻravonlik mavzusida soʻrov oʻtkazilmoqda. Unda qoʻshni uyda zoʻravonlik boʻlayotganini bilib qolgan vaziyatda qanday munosabat bildirish mumkinligi, jamiyatda bolalarga nisbatan zoʻravonlik bilan kurashish choralari borasida fikrlar qabul qilinadi.

Eslatib o‘tamiz, avvalroq qishloq xo‘jaligi mahsulotlarini erkin sotish uchun platforma ishga tushirilgan edi.

Bugun, 10-oktabr kuni «JCh – 2026» 3-saralash bosqichi doirasida Oʻzbekiston terma jamoasi Eron termasiga qarshi bahs olib boradi.

Uchrashuv Toshkentdagi «Bunyodkor» stadionida soat 19:00 da boshlanadi.

Eslatib oʻtamiz, Oʻzbekiston va Eron terma jamoalari ortda qolgan ikkinchi turdan keyin guruhda olti ochkodan jamgʻargan holda peshqadamlik qilmoqda.

Guruhning qolgan bahslarida Qatar qoʻshnilarimiz Qirgʻiz Respublikasiga qarshi maydonga tushsa, BAA oʻz maydonida Shimoliy Koreyani qabul qiladi.

Avvalroq Kursiv Uzbekistan terma jamoa bosh murabbiyi Srechko Katanes sogʻligidagi muammolar sabab Eron va BAAga qarshi oʻyinlarda ishtirok etma olmasligi haqida xabar bergan edi.

AQShning Florida shtatiga «Milton» to‘foni yopirilgani sababli O‘zbekistonning AQShdagi elchixonasi O‘zbekiston fuqarolaridan ehtiyot choralarini ko‘rishni so‘radi. Bu haqda «Dunyo» AA ma’lum qildi.

Unga ko‘ra, elchixonaning +1-202-251-8298 va +1-202-300-9526 telefon raqamlari shoshilinch murojaatlarni qabul qiladi.

Shuningdek, elchixona Favqulodda vaziyatlar bo‘yicha Amerika federal agentligining (FEMA) quyidagi ishonch telefonlariga murojaat qilishni tavsiya qiladi: tez tibbiy yordam 911; Federal favqulodda vaziyatlar agentligining «ishonch telefoni»: (800) 621-3362 / (800) 462-7585 / (800) 985-5990; umumiy savollar uchun: 202-646-2500; Florida shtatining ishonch telefoni: +1-800-342-3557; Florida evakuatsiya yordami: +1-800-729-3413 (soat 07:00 dan 19:00 gacha).

Eslatib o‘tamiz, avvalroq Florida shtatiga toʻfon yopirilgani haqida batafsil yozgan edik.

Joriy yilning 10-oktabr holatiga ko‘ra, 5 grammlik oltin quymasining narxi 5 mln 542 ming so‘mga baholanmoqda. Bu haqda Markaziy bank axborot xizmati xabar berdi.

Ushbu ko‘rsatkich bir oy avval 5 mln 256 ming so‘mni tashkil qilgan edi. Mazkur davr ichida oltin quymalarining narxi 5,4 foizga o‘sgan.

5 grammlik oltin quymalarining narxi 8-sentabr holatiga ko‘ra, 5 mln 609 ming so‘mni qayd etgan edi. shu vaqtdan buyon oltin quymalarining narxida pasayish kuzatilmoqda. Hozirgi vaqtga kelib oltin quymalarining narxi 67 ming so‘mga pasaygan.

Naxrlardagi ushbu o‘zgarish jahon bozorda ham yuz bermoqda. LBMA taqdim etgan ma’lumotlarga ko‘ra...

Yunusobod tuman prokuraturasi katta tergovchisi MCHJ mansabdor shaxslariga nisbatan boʻlgan jinoyat ishini uning foydasiga ijobiy hal qilish uchun $40 ming olib noma’lum joyga yashiringan. Bu haqda Bosh prokuratura ma’lum qildi.

Unga ko‘ra, fuqaro o‘z arizasida jinoiy ishni hal etish uchun pul mablagʻi talab qilinganini ma’lum qilgan. Ushbu ariza asosida joriy yilning 7-oktabr kuni oʻtkazilgan tezkor tadbir davomida ayblanuvchi ariza muallifidan kelishilgan $40 mingni olib, jinoiy taʼqibdan qutulish maqsadida nomaʼlum tomonga yashiringan.

Holat yuzasidan Bosh prokuratura ayblanuvchiga nisbatan Jinoyat kodeksining 210-moddasi 3-qismi «a» bandi (Pora olish) bilan jinoyat ishi qoʻzgʻatdi va qidiruv e’lon qildi.

Eslatib o‘tamiz, avvalroq Taxiatosh, Boʻston va...

Sankt-Peterburgda «O‘zbekistonning Leningradni ozod qilishga qo‘shgan hissasi» fotoko‘rgazmasining ochilishi bo‘lib o‘tdi. Bu haqda TASS agentligi xabar berdi.

Ushbu ko‘rgazma o‘zbekistonliklarning urush davridagi jasoratlari va blokada vaqtida ko‘rsatgan yordamlarini yoritadi. Shuningdek, mehmonlar O‘zbekistonning oshpazlik an’orlari bilan tanishish imkoniyatiga ega bo‘lib, «prezident plovi»ni tatib ko‘rdi.

Leningrad mudofaasi va blokadasi muzeyi tomonidan tashkil etilgan ko‘rgazma har yili 9-oktabrda nishonlanadigan Peterburg hamda O‘zbekiston do‘stligi kuniga bag‘ishlangan. Ekspozitsiyada O‘zbekiston milliy arxiv agentligi «Uzarxiv»ning arxiv rasmlari namoyish etildi.

 «O‘zbekiston bilan bizning o‘rtamizda ko‘p narsa bor. Hozirda biz munosabatlarda yuksak cho‘qqiga yetdik», — dedi ko‘rgazma ochilishida Sankt-Peterburg tashqi aloqalar komiteti raisi...

Ijtimoiy tarmoqlarda tarqalgan paxta yig‘im-terimiga majburlash bilan bog‘liq xabarlarga Odam savdosiga qarshi kurashish va munosib mehnat masalalari bo‘yicha milliy komissiya rasmiy munosabat bilan chiqdi. Bu haqda O‘zR Oliy Majlisi Senati ma’lum qildi.

Unga ko‘ra, paxta yig‘im-terimiga chiqmagan fuqarolarga nafaqa puli to‘lanmasligi, shu bilan birga, maktab o‘qituvchilarining majburan paxta yig‘im-terimiga jalb qilinishi haqida xabarlar tarqaldi. Milliy komissiya ushbu holatlar yuzasidan o‘rganish olib bordi va mas’ullarning faoliyatiga huquqiy baho berdi.

Bu kabi holatlar ro‘y bersa, 1282 yoki 1092 qisqa raqamlari va @munosibmehnat_bot telegram boti murojaatlarni qabul qilinmoqda.

Eslatib o‘tamiz, avvalroq Better Cotton o‘zbek paxtakorlarini baholashi haqida yozgan edi.

Marketpleyslar poygasida Amerikaning Amazon platformasi gʻolib boʻldi. Kompaniya 9-oktabr kuni soat 10:38 da Toshkentdagi qabul punktiga yetti kundan kam vaqt ichida 10 ming kilometrdan ortiq masofadan sumkani yetkazib berdi.

Xorijiy marketpleyslar poygasi Kursiv Uzbekistan tomonidan tashkil etilib, nashr Wildberries, Amazon, AliExpress va Ozon platformalaridan bir xil tushlik sumkasiga buyurtma berdi. Buyurtmalar bir xil vaqtda — 2024-yil 2-oktabr soat 13:00 da amalga oshirildi.

Poyga shartlari oddiy — qaysi Marketpleyslar Toshkentdagi qabul qilish punktiga sumkani birinchi boʻlib yetkazib bersa, oʻsha platforma gʻolib deb topiladi.

Amazon sumkani Toshkentdan 10 338 km uzoqlikda joylashgan Delaver shtatidagi Nyu-Kasl shahridagi tarqatish markazidan yetkazib berdi.

Endilikda Ozon, Wildberries...

«Milton» toʻfoni AQShning Florida shtati sohiliga yetdi. Toʻfon mahalliy vaqt bilan soat 20:30 da Siyesta-Ki shahri yaqinidagi hududga yogʻilgan. Bu haqda Reuters agentligi xabar berdi.

«Milton» Saffir-Simpson shkalasi boʻyicha uchinchi toifaga ega, bu esa toʻfonning vayronkor ziyon yetkazishi mumkinligini bildiradi. Shamol tezligi ham soatiga 120 milga (195 km/soat) yetgan.

Maʼlum qilinishicha, Siyesta-Ki shahrida taxminan 4,5 ming kishi yashaydi. Ushbu shahar uch milliondan ortiq aholi istiqomat qiladigan Florida poytaxt hududi Tampa-Beydan 100 km masofada joylashgan.

Florida gubernatori Ron DeSantisning maʼlum qilishicha, «Milton» toʻfoni suv koʻtarilishidan oldin sohilga yetgan. Shu sababli, ehtimol, shtat katta boʻrondan omon qoladi va suv sezilarli darajada...

Joriy yil 9-oktabr kuni O‘zbekiston tashqi ishlar vaziri Baxtiyor Saidov Afg‘onistonning mamlakatimizdagi diplomatik vakolatxonasi yangi rahbari Abdul G‘affor Teraviyni qabul qildi. Bu haqda vazirlik matbuot xizmati xabar berdi.

Uchrashuv davomida O‘zbekiston va Afg‘oniston aloqalarini har tomonlama rivojlantirish, ishlatilmagan salohiyatni ro‘yobga chiqarish, ikki mamlakat xalqlari manfaatlariga xizmat qiladigan yangi loyihalar ishlab chiqish zarurligi muhokama qilindi.

O‘zbekiston bosh vaziri Abdulla Aripov 2024-yil avgust oyida «Tolibon» harakati vakillari bilan uchrashuvda Afg‘oniston elchisini qabul qilishga tayyor ekanligini bildirgan edi.

Diplomatik vakolatxona rahbari Teraviy, doimiy ravishda ko‘rsatilayotgan ko‘mak uchun Afg‘oniston nomidan minnatdorlik bildirdi.

Eslatib o‘tamiz, avvalroq Kursiv Uzbekistan Afg‘onistonning diplomatik missiyasi vakili Toshkentga...

Xabarovskda O‘zbekistondan keladigan mahsulotlar uchun maxsus taqsimot markazi tashkil etish rejalashtirilmoqda. Bu haqda mahalliy «Guberniya» onlayn portal xabar berdi.

Loyiha O‘zbekistonning Vladivostokdagi bosh konsuli Yusup Qobiljonov va Xabarovsk o‘lkasi gubernatori Dmitriy Demeshin uchrashuvida muhokama qilindi.

Tomonlar tovar ayirboshlashni faollashtirish imkoniyatlari, biznes missiyalarni tashkil etish va mahalliy mahsulotlar ko‘rgazmasi o‘tkazish masalalarini muhokama qilishdi.

Shuningdek, sog‘liqni saqlash, ta’lim, sport va turizm sohalarida hamkorlik qilish yo‘llari muhokama qilindi.

«Biz O‘zbekiston bilan hamkorlikni faollashtirish ustida ish olib boramiz. Hozircha salohiyat to‘liq ochilmagan deb hisoblaymiz», — dedi Demeshin.

Eslatib o‘tamiz avvalroq, Kursiv Uzbekistan o‘zbek...

Yanvar-sentyabr oylarida O‘zbekiston aeroportlari xizmatlaridan qariyb 10 mln kishi foydalangan, yo‘lovchi tashish esa o‘tgan yilning shu davriga nisbatan 133 foizga oshgan. Bu haqda Uzbekistan Airports ma’lum qildi.

Unga ko‘ra, to‘qqiz oy ichida mamlakat aeroportlari 82,6 ming reysga xizmat ko‘rsatgan. Bu 2023-yilning shu davriga nisbatan 138 foizga ko‘p. Parvozlarning uchdan ikki qismi xalqaro yo‘nalishlarda, qolgani esa ichki yo‘nalishlarda amalga oshirilgan.

Yoʻlovchi tashishning eng katta nisbiy oʻsishi Qarshi aeroportida qayd etilgan. 2024-yilning to‘qqiz oyida undan o‘tgan yilning shu davriga nisbatan 3,5 barobar ko‘p yo‘lovchilar foydalangan.

O‘zbekiston aeroportlarida yuk aylanmasi 21 foizga oshib, 62 ming tonnani tashkil etgan.

Avvalroq Kursiv Uzbekistan nashri...