Yangiliklar

Mamlakatda folbinlik va jodugarlikka qarshi kurash fonida, endi ularga borgan fuqarolar ham jazolanadi . Bu haqda Tojikiston IIV xabar berdi.

Unga ko‘ra, qo‘shni respublikaning Ichki ishlar vazirligi folbin va sehrgarlar huzuriga boradigan barcha fuqarolar Ichki ishlar vazirligining boshqarmalariga taklif etiladi va materiallar tayyorlanib, rasmlari Ichki ishlar vazirligi arxiviga joylashtiriladi.

Qo‘lga olingan fuqarolar jarima yoki 15 sutkagacha qamoq jazosi, shuningdek, jinoiy javobgarlikka ham tortilishga sabab bo‘ladi.

«O‘tkazilgan tezkor-profilaktik tadbirlar natijasida folbin va jodugarlarga murojaat qilayotgan fuqarolar ularning xizmatlarini to‘lab, bu faoliyatni rivojlantirayotgani aniqlandi», deyiladi xabarda.

Ma’lumot uchun, o‘tgan oyda 150 dan ortiq shunday...

O‘zbekiston 2026-yilda VI Butunjahon ko‘chmanchilar o‘yinlariga mezbonlik qiladi, deb xabar berdi Qirg‘iziston Vazirlar Mahkamasi matbuot xizmati.

2024-yilgi musobaqalar 8 – 14-sentabr kunlari Ostona shahrida bo‘lib o‘tadi. Ilgari Ko‘chmanchilar o‘yinlari Qirg‘izistonda uch marta va Turkiyaning Iznik shahrida bir marta o‘tkazilgan. Tadbir har ikki yilda bir marta o‘tkaziladi (pandemiya 2020-yildan tashqari).

Ko‘chmanchilar o‘yinlari davomida turli mamlakatlardan kelgan sportchilar ko‘chmanchi xalqlarning o‘ttizga yaqin an’anaviy sport turlarida musobaqa o‘tkazadilar. Bu sport turlari orasida ot poygasi, kamondan o‘q otish, erkin kurash va ko‘pkari (echki tanasi bilan o‘tkaziladigan otli sport o‘yini) kabi turlar mavjud.

O‘zbekiston terma jamoasi 2014-yildan buyon har bir Ko‘chmanchilar o‘yinlarida ishtirok etib...

Mustaqillik bayrami munosabati bilan pensiya toʻlovlari oldindan toʻlab beriladi. Bu haqda Pensiya jamgʻarmasi axborot xizmati xabar berdi.

Ma’lum qilinishicha, pensiya toʻlovlarini bank plastik kartada oluvchi fuqarolarning joriy yil sentabr oyi uchun pensiya toʻlovlari 1-sentabr kuniga qadar ularning bank plastik kartalariga oʻtkazib beriladi.

Naqd pul shaklida pensiya oluvchilarga toʻlovlar 4-sentabr kunidan boshlab «Xalq banki» sayyor kassalari tomonidan grafikka muvofiq amalga oshiriladi.

Eslatib oʻtamiz, prezident farmoniga muvofiq joriy yil sentabr oyidan pensiyalar miqdori 15 foizga oshiriladi.

Avvalroq Kursiv Uzbekistan 2025-yildan boshlab yoshga doir pensiyalar avtomatik tayinlanishi haqida xabar bergan edi.

Joriy yilning dastlabki olti oyida O‘zbekistonga to‘qqiz mingdan ziyod Ozarbayjon aholisi turistik maqsadlarda kelgan. Bu haqda Statistika agentligi xabar beradi.

Ushbu ko‘rsatkichlar o‘tgan yilning ushbu davrida 8 ming nafarni tashkil etgan. 2024-yilda ozarbayjonlik sayyohlar soni 2023-yilning mos davriga nisbatan 1,6 ming nafarga, ya’ni 19,8 foizga ortgan.  

Ozarbayjon fuqarolarining salkam 5,7 ming nafari dam olish, 3,4 ming nafari qarindoshlarini ko‘rish, 543 nafari xizmat maqsadida, uch nafari o‘qish va to‘qqiz nafari davolanish uchun kelgan.

Avvalroq «Kursiv» davolanish maqsadida Oʻzbekistonga kelayotgan chet el fuqarolarining soni ortganligi haqida xabar bergan edi.  

Shavkat Mirziyoyev Los-Anjelesda bo‘lib o‘tadigan Olimpiya o‘yinlariga tayyorgarlikni bugundan boshlash kerakligini aytib o‘tdi. Bu haqda prezident matbuot xizmati xabar berdi.

«Oldimizda toʻrt yil vaqt bor. Oʻylaymanki, sport federatsiyalari rahbarlari oʻzlariga xulosa qilib, Los-Anjelesda boʻlib oʻtadigan Olimpiadaga munosib tayyorgarlik koʻradilar», deydi davlat rahbari.

«Olimpiya shaharchasi»da xalqaro musobaqalarga tayyorgarlik doirasida ilg‘or xorijiy tajribaga asoslangan mashg‘ulotlar va musobaqalarni o‘tkazishning yangi tizimi joriy etiladi.

Har bir yo‘nalishda sport tibbiyoti, farmakologiya, diyetologiya, psixologiya va muhandislik yo‘nalishlaridan malakali mutaxassislar jalb etiladi.

Bundan tashqari, mamlakatimizning har bir hududida Bahodir Jalolov va Oksana Chusovitina maktablari kabi ixtisoslashtirilgan sport muassasalari tashkil etiladi...

Olti yil oldin Emmanuel Makron Telegram asoschisi Pavel Durov bilan tushlik qilgan va unga kompaniya ofisini Parijga ko‘chirishni taklif qilgan, deb xabar beradi The Wall Street Journal (WSJ).

Nashr manbalarining ta’kidlashicha, norasmiy suhbat 2018-yilda, Telegram Rossiyada bloklanganidan ko‘p o‘tmay bo‘lib o‘tgan. O‘shanda Makron Durovga Fransiya fuqaroligini va’da qilgandi. Ammo tadbirkor rad javobini berdi. Durov Telegramni Dubayda ro‘yxatdan o‘tkazgan, 2021-yilda esa Fransiya va BAA pasportlarini olgan.

WSJning ta’kidlashicha, Durov va Makronning suhbatidan bir yil oldin fransuz razvedka xizmatlari BAAdagi hamkasblari bilan birga biznesmenni ta’qib qilgan va hatto uning iPhone’ini buzishga muvaffaq bo‘lgan. O‘shanda razvedka xodimlarini Yaqin Sharqdagi terrorchi guruhlar jangarilari...

«Ipak yoʻli» AITB tomonidan e’lon qilingan «Universal» va «Milliy» nomli omonat turlari reklamasida berilgan axboroti yuzasidan Raqobat qo‘mitasi bankni moliyaviy jarimaga tortdi. Bu haqda Qo‘mitaning matbuot xizmati ma’lum qildi.

Unga ko‘ra, «Ipak yo‘li» AITBning «Universal» omonat turi boʻyicha yillik foiz stavkasi 22 %, «Milliy» omonat turi boʻyicha yillik foiz stavkasi 25 % ekanligi haqidagi axborot berilgan edi.

Shu bilan birga, bank veb-saytida «Universal» omonat turi boʻyicha dastlabki 6 oyi uchun depozit hisob raqamlari yopilishi muddatiga qarab yillik 14 % stavka, keyingi 6 oyi uchun 18 % stavka boʻyicha qayta hisoblab chiqilishi haqida ma’lumot koʻrsatib oʻtilgan.

Lekin ularda «Universal» nomli...

«Parij – 2024″da Shimoliy koreyalik tennischilarni Janubiy koreyalik raqiblari bilan tabassum qilgan holda suratga tushgani uchun hukumatning qattiq nazoratiga olindi. Bu haqda The Telegraph axborot agentligi xabar berdi.  

Qayd etilishicha, sportchilarga boshqa mamlakat vakillari bilan o‘zini qanday tutish bo‘yicha ko‘rsatmalar berilgan. Shunga qaramasdan Shimoliy koreyalik tennischilar raqiblari bilan shohsupada birgalikda tabassum bilan suratga tushgan.

Endilikda sportchilar «Xorij ta’siri» yuzasidan uch bosqichli ekspertizadan o‘tishi kerak bo‘ladi.

Ma’lumot uchun, shimolliklar Olimpiada o‘yinlarining kumush medali sohibi bo‘lgan.

Avvalroq «Kursiv» O‘zbekistonda Olimpiada oʻyinlari sovrindorlarining murabbiylariga qancha pul mukofotlari berilgani haqida xabar bergan edi.

Sirdaryo viloyatining Guliston shahrida Yandex Go ishga tushirildi. Bu haqda kompaniya matbuot xizmati Kursiv Uzbekistanʼga ma’lum qildi.

Safarning minimal narxi 4 ming soʻmni tashkil qiladi. Masalan, temir yoʻl vokzalidan Olim Xoʻjayev nomidagi musiqali drama teatrigacha boʻlgan safar taxminan 4,5 ming soʻmga tushadi.

Safarlar uchun toʻlovni karta orqali, ilova orqali yoki naqd pulda amalga oshirish mumkin. Yandex Go allaqachon Oʻzbekistonning 14 ta shahrida xizmatlarini yo‘lga qo‘ydi.

Eslatib oʻtamiz, 2024-yil boshidan 15-avgustgacha Oʻzbekistonda 166 milliondan ortiq taksi qatnovi amalga oshirilgan. Berilgan cheklar miqdori esa 3 trillion soʻmdan oshgan.

Avvalroq Kursiv Uzbekistan Urganch va Xiva shaharlarida Yandex Go xizmati ishga tushirilgani haqida xabar...

Ispaniyaning «Iberojet» aviakompaniyasi Madrid — Toshkent va Madrid — Urganch yo‘nalishlari bo‘yicha charter yo‘lovchi parvozlarini yo‘lga qo‘ymoqda. Bu haqda Uzbekistan Airports ma’lum qildi.

Unga ko‘ra, ilk parvoz Toshkentga 2024-yil 2-sentabrda, Urganchga 2024-yil 8-sentabrda amalga oshiriladi.

Reyslar har ikki haftada bir marta «Airbus-A330» samolyoti orqali yo‘lga qoo‘yilishi rejalashtirilgan.

Eslatib o‘tamiz, avvalroq Farg‘onadan Novosibirskka to‘g‘ridan-to‘g‘ri reyslar yo‘lga qo‘yilishi haqida yozgan edik.

Oʻzbekistonda milliy investitsiya jamgʻarmasi tashkil etiladi. Bu haqda prezidentning tegishli qarori qabul qilindi.

Qarorga koʻra, quyidagilar jamgʻarmaning asosiy vazifalari etib belgilandi:

Shuningdek, jamgʻarma ustav kapitalini shakllantirish uchun davlat ulushi oʻtkaziladigan korxona va tijorat banklarining roʻyxati tasdiqlandi. Jamgʻarma aksiyadorlik jamiyati...

Yevroosiyo xalqaro universiteti rektori Konstantin Klimenko Telegram messenjeri asoschisi, Fransiyada qo‘lga olingan Pavel Durovni Nobel mukofotiga nomzod sifatida taklif qildi. Bu haqda Ria Novosti axborot agentligi ma’lum qildi.

«Men shaxsan Pavel Durovni yangi raqamli texnologiyalar davrining yetakchisi deb bilaman, menimcha, Durov Nobel mukofotiga loyiq.

Shuning uchun men Nobel qo‘mitasiga Pavel Durovga Nobel mukofoti berish bo‘yicha rasmiy taklif yubordim», deyiladi rektorning Telegram kanalida e’lon qilgan xabarida.

Eslatib o‘tamiz, avvalroq Telegram asoschisi Pavel Durov 100 dan ortiq farzandlarning otasi ekanligi ma’lum qilingan edi.

«Open budget»ga ovoz yig‘ishga majburlash masalasi yuzasidan 39 ta shikoyat kelib tushdi. Bu haqda Iqtisodiyot va moliya vazirligi matbuot xizmati xabar berdi.

Ma’lum qilinishicha, «Tashabbusli budjet»ning 2024-yilgi 2-mavsumida ovoz yig‘ishga majburlash holati yuzasidan eng ko‘p shikoyat Farg‘ona viloyatidan yettita, Toshkentdan oltita hamda Namangan va Jizzax viloyatlaridan 5 ta tushgan.

Shikoyatlar, asosan, umumta’lim maktablari hamda tibbiyot muassasalaridan kelgan. Maktablardan 19 ta hamda tibbiyot tashkilotlaridan esa 16 ta shikoyatlar ro‘yxatga olingan.

Barcha shikoyatlar tegishli tartibda o‘rganilib chiqiladi hamda tuman (shahar) xalq deputatlar Kengashiga yuboriladi. Agarda shikoyatlar o‘z tasdig‘ini topsa loyihalar ovoz berish bosqichidan, agar g‘olib bo‘lsa, g‘oliblar ro‘yxatidan ham chetlatiladi.

Avvalroq...

O‘zbekiston delegatsiyasi 28-avgustdan 8-sentabrga qadar bo‘lib o‘tadigan yozgi Paralimpiya o‘yinlari uchun Parij shahriga yetib bordi. Bu haqda Sport vazirligi xabar berdi.

Unga ko‘ra, delegatsiya 113 ta litsenziyani qo‘lga kiritgan. 65 nafar sportchi 9 turdagi sport turlaridagi bahslarda medallar uchun bellashadi.

Ulardan 2 nafari para o‘q otish, 8 nafari para dzyudo, 2 nafar para velosiped, 5 nafar para taekvondo, 7 nafar para suzish, 6 nafar kanoeda eshkak eshish, 2 nafar akademik eshkak eshish, 8 nafar pauerlifing hamda 25 nafar para yengil atletika shular jumlasidandir.

Eslatib o‘tamiz, avvalroq O‘zbekiston delegatsiyasi Paralimpiya o‘yinlariga kuzatilgan edi.

Uzbekistan Airports Nukus aeroportiga nisbatan ish qoʻzgʻatilganini rad etmoqda. Bu haqda kompaniya axborot xizmati xabar berdi.

Ma’lum qilinishicha, joriy yilning iyul oyida Nukus xalqaro aeroporti aeroport binosi fasadida Uzbekistan Airports logotipi tushirilgan yozuvlarni ishlab chiqish boʻyicha eng yaxshi taklif uchun tanlov oʻtkazgan edi. Tanlovda yettita kompaniya ishtirok etib, Usnatdin Zamira Ok kompaniyasi gʻolib, Qajimuxan Seyilxan esa zaxira gʻolibi deb topilgan.

Natijalar e’lon qilinganidan soʻng bunday LEDlarni yasashda tajribasi yoʻqligi sababli yetarli ball toʻplay olmagan Bes Qala Story kompaniyasi Raqobat qoʻmitasiga tanlovning adolatsiz oʻtkazilgani yuzasidan shikoyat bilan murojaat qilgan.

Raqobat qoʻmitasi vaziyatni oʻrganib chiqib, ishtirokchilarni baholash tizimini takomillashtirish boʻyicha Nukus...

O‘zbekiston mustaqilligining 33 yilligi munosabati bilan mamlakat ichidagi sayohatlarga chegirmalar joriy etildi. Respublika Turizm qo‘mitasi matbuot xizmati xabar berishicha, transport chiptalari, mehmonxonalarda yashash va restoranlarda ovqatlanish narxlari arzonlashtirildi.

31-avgustdan 3-sentabrgacha fuqarolarga 183 ta mehmonxona va mehmon uylarida 10 foizdan 33 foizgacha, shuningdek, 109 ta umumiy ovqatlanish muassasalarida 5 foizdan 30 foizgacha chegirmalar taqdim etiladi.

Uzbekistan Airways ichki reyslarga 30 foizgacha, Silk Avia esa 15 foizgacha chegirmalar taklif qilmoqda.

Sog‘lig‘ida nuqsoni bo‘lgan shaxslar uchun Vaqf jamg‘armasining turistik obyektlariga chiptalar bepul bo‘ladi, qolgan tashrif buyuruvchilar narxning 50 foizini to‘lashi kerak bo‘ladi.

2–8-sentabr kunlari «Muzeylar haftaligi» doirasida davlat muzeylariga kirish barcha uchun...

Umumiy quvvati 1 mingga yaqin bo‘lgan muqobil energiya manbalari. MVtni O‘zbekistonda yil oxirigacha o‘rnatish rejalashtirilmoqda. Mamlakat hukumati bu masalani ustuvor masalalardan biri deb biladi, deyiladi prezident matbuot xizmati xabarida.

«Muqobil energiya manbalarini o‘rnatish, bu – davlat siyosati» dedi Mirziyoyev kuni kecha yig‘ilishda. Tadbir energetika mavzusiga bag‘ishlandi.

O‘zbekistonda 2024-yilda jami 973 MVt muqobil energiya manbalarini o‘rnatish ishlari olib borilmoqda. Shundan 791 MVt – tadbirkorlar uchun, 182 MVt – aholi uchun mo‘ljallangan.

Yig‘ilishda ushbu qurilmalarni o‘rnatish ishlari bir qator hududlarda yetarlicha tezkorlik bilan olib borilmayotgani ham ta’kidlandi. Ularning rahbarlari ogohlantirildi.

Avvalroq Kursiv Uzbekistan «Tadweer» O‘zbekistonga chiqindilardan...

Qanot Sharq aviatashuvchisi yana bir reysni bekor qildi: 29-avgust, payshanba kuni Moskva va Samarqand o‘rtasida parvozlar to‘xtatiladi, deyiladi kompaniya Telegram-kanalida.

Gap HH-711 reysi haqida ketmoqda. Uning bekor qilinishi texnik sabablar bilan izohlanadi.

Yo‘lovchilarga yo‘l haqi qaytariladi va bir yil davomida xuddi shu yo‘nalishda amal qiladigan bepul chiptalar taqdim etiladi.

Kuni kecha Kursiv Uzbekistan Qanot Sharq to‘rtta parvozni bekor qilgani haqida yozgan edi.

Bugun, 28-avgust kuni Qoraqalpog‘iston Respublikasi, Xorazm, Buxoro, Navoiy, Qashqadaryo va Surxodaryo viloyatlaridan tashqari har bir hududda yog‘ingarchilik kuzatiladi. O‘rtacha havo harorati 36-darajagacha ko‘tariladi. Bu haqda Gidrometeorologiya xizmati agentligi xabar beradi.

Poytaxtda qisqa muddatli yomg‘ir va momaqaldiroq bo‘lishi mumkin. Kunduzi havo harorati 27-29 daraja issiq bo‘ladi, kechasi kelib 18-20 daraja iliq bo‘ladi.

Tog‘li hududlarda ham yomg‘ir yog‘adi va momaqaldiroq bo‘ladi. Kunduzi 20-daraja iliq, kechasi esa 15-daraja iliq bo‘ladi.

O‘zbekiston va Ozarbayjon prezidentlari ikki davlatda qiymati $520 mln bo‘lgan yettita loyihani ishga tushirdi. Bu haqda Report axborot agentligi xabar berdi.

Loyihalar qatorida Ritz-Carlton mehmonxonasi, turarjoy majmuasi, Qashqadaryodagi gips mahsulotlari ishlab chiqarish zavodi, to‘qimachilik korxonalari, Ozarbayjondagi do‘stlik bog‘i.

Qashqadaryo viloyatining Qamashi tumanida yangi «Matanat A» korxonasida qurilish ishlari boshlandi. Zavod kuniga 350 tonnagacha gipsokarton ishlab chiqaradi. Loyihaning umumiy qiymati $20 mlnga baholanmoqda.

Avvalroq Kursiv Uzbekistan Shavkat Mirziyoyev bir guruh qozogʻistonlik davlat va jamoat arboblarini mukofotlagani haqida xabar bergan edi.

«Tolibon» harakati 2021-yilda Afg‘onistondan O‘zbekistonga olib kelingan harbiy samolyotlarni O‘zbekistonga o‘tkazish bo‘yicha kelishuvga qarshi chiqdi, deb xabar berdi 8am.Media.

Afg‘oniston Mudofaa vazirligi xabariga ko‘ra, AQSH afg‘on mulkini «musodara qilish» va uni boshqa tomonga o‘tkazish huquqiga ega emasligini ta’kidladi.

«Oʻzbekistondagi afgʻon vertolyotlari va samolyotlari taqdiriga oid har qanday kelishuv qabul qilinishi mumkin emas», deyiladi vazirlikda.

Tolibon O‘zbekiston hukumatini har qanday kelishuvdan bosh tortishga chaqirdi.

AQShning O‘zbekistondagi elchisi Jonatan Xenik O‘zbekiston OAVga bergan intervyusida Vashington va Toshkent Ashraf G‘ani hukumati qulaganidan keyin O‘zbekistonga berilgan samolyotlar taqdiri bo‘yicha kelishuvga erishganini aytdi.

Elchining soʻzlariga koʻra, respublika armiyasida xizmat qilgan vertolyot...

2024-yilning ayni davriga kelib, sog‘liqni saqlash tizimida uzoq vaqtlardan buyon foydalanib kelingan avtotransport vositalari 80 foizi yangilandi. Avtomobillar soni esa 2 840 taga yetdi. Bu haqda Sog‘liqni saqlash vazirligi matbuot xizmati xabar berdi.

Ma’lum qilinishicha, 2017-yilda 818 ta tez tibbiy yordam shoxobchasi faoliyat ko‘rsatgan bo‘lsa, 2024-yilga kelib ularning soni 1 766 taga ko‘paydi va oxirgi yillarda sohaga ming dona zamonaviy Volkswagen Caddy rusumli avtomobillar yetkazib berildi. Tizimdagi barcha avtotransport vositalari GPS-treker bilan ta’minlandi.

Ma’lumot uchun, 2017-yilda reanimobillar soni 24 tani tashkil qilgan bo‘lsa, ushbu raqamlar 2024-yilga kelib 510 taga yetkazildi.

Avvalroq Kursiv Uzbekistan yil boshidan beri tez tibbiy yordamga...

Qozogʻistonda internet firibgarligi orqali yetkazilgan moddiy zarar $14,6 milliongacha (7 milliard tenge) oshdi. Bu haqda Kazlenta.kz nashri xabar berdi.

Qayd etilishicha, Qozogʻistonda internet orqali firibgarlik firibgarlikning asosiy turlaridan biri boʻlib qolmoqda. Mamlakatda 2024-yilning yetti oyida qoʻzgʻatilgan 26,9 mingta jinoyatning 44,4 foizi bevosita internet tarmogʻi orqali sodir etilgan.

Mamlakatda soʻnggi 6-yil ichida internetdagi firibgarlik bilan bogʻliq roʻyxatga olingan jinoyatlarning soni 40 baravardan oshgan. 2018-yilda 500 dan sal koʻproq bunday jinoyatlar qayd etilgan boʻlsa, 2023-yil oxiriga kelib ularning soni 21,8 mingtaga yetgan.

Avvalroq Kursiv Uzbekistan Qozogʻiston Kaspiyda yettita yangi kemani qurib, dengiz flotini kengaytirishi haqida xabar bergan edi.

O‘zbekiston Transport vazirligi Toshkent aholisini 28-avgust kuni bo‘lib o‘tadigan «Avtomobilsiz kun»da jamoat transportidan foydalanishga chaqirdi. Bu haqda vazirlik Telegram-kanalida e’lon qilindi.

Atrof-muhitga zarar yetkazmaydigan transport ham avtomobilga muqobil bo‘lishi mumkin, deya ta’kidladi Transport vazirligi.

2024-yil fevral oyida O‘zbekiston prezidenti Shavkat Mirziyoyev ushbu aksiyani har oyda o‘tkazish to‘g‘risidagi Farmonni imzolagan edi.

Avvalroq Kursiv Uzbekistan O‘zbekiston rasmiylari «Avtomobilsiz kun»da qanday qilib ishga borgani haqida yozgan edi.